58 Ik.

Shinotcha esapane guru gusu: Ar-tashhet otta. Dabid karape: Miktam.

Sinotca esapane kur kusu: Ar-tashet or ta. Dabid kar pe: Miktam.

For the Chief Musician; \add set to \add*Al-tashheth. \add A Psalm \add*of David: Michtam.

SON no newa echi utara anak ne mo no an wa oupekap ye ya? Utara koro poho utara oupeka no echi koipishi ya?

Sonno newa eci utar anakne mo no an wa owpekap ye ya? Utar kor poho utar owpekano eci koypisi ya?

For the Chief Musician; [set to ]Al-tashheth. [A Psalm ]of David: Michtam. Do ye indeed in silence speak righteousness? do ye judge uprightly, O ye sons of men?

Ruwe un, keutum ta wen-buri echi ki; Echi koro teke ta okai niwenbe moshiri otta pakari wa kore ruwe ne.

Ruwe un, kewtum ta wen-puri eci=ki; Eci=kor teke ta okay niwen pe mosir or ta pakari wa kore ruwe ne.

Yea, in heart ye work wickedness; ye weigh out the violence of your hands in the earth.

Wen utara anak ne honi wano sap orowa no ehaita, Shiko chiki nani ru turainu wa shungep ye ruwe ne.

Wen utar anakne honi wano sap oro wano ehayta, Siko ciki nani ru turaynu wa sunkep ye ruwe ne.

The wicked are estranged from the womb: they go astray as soon as they be born, speaking lies.

Koro surugu anak okokko surugu nepkoro ne: Koro kisara seshke ru-o ashpa guru ukorachi ne;

Kor surku anak okokko surku nepkor ne: Kor kisara seske ru-o aspa kur ukoraci ne;

Their poison is like the poison of a serpent: [they are ]like the deaf adder that stoppeth her ear;

Nei ambe anak ne rotchare guru koro hawe shomo nu, Nekon a wayashnu no ki yakka shomo nu ruwe ne.

Ne anpe anakne rotcare kur kor hawe somo nu, Nekona wayasnu no ki yakka somo nu ruwe ne.

Which hearkeneth not to the voice of charmers, charming never so wisely.

Aa Kamui, nei utara koro paroho ta okai nimakihi kaye wa en kore: Aa Ehoba, nei upen shishi koro poro nimaki kaye wa en kore.

Aa Kamuy, ne utar kor paroho ta okay nimakihi kaye wa en=kore: Aa Ehoba, ne upen sisi kor poro nimaki kaye wa en=kore.

Break their teeth, O God, in their mouth: break out the great teeth of the young lions, O LORD.

Tunashino pash wakka nei no nei utara ninka wa en kore: Koro ya eoshikpekare ita aotuye korachi ne kara wa en kore.

Tunasno pas wakka néno ne utar ninka wa en=kore: Kor ya eosikpekare hi ta a=otuye koraci ne kar wa en=kore.

Let them melt away as water that runneth apace: when he aimeth his arrows, let them be as though they were cut off.

Nin wa isam shimaimai nei no kara yan: Tokap nukara shomoki shiwentep chup-etunash hekaturep nei no kara wa en kore.

Nin wa isam simaymay néno kar yan: Tokap nukar somo ki siwentep cup-e=tunas hekaturep néno kar wa en=kore.

[Let them be ]as a snail which melteth and passeth away: [like ]the untimely birth of a woman, that hath not seen the sun.

Echi koro shu ai-ush-ni abe ani aseisekka etokota, Nei fu ambe newa uhuye wa an ambe newa ukotura rerashiu ani aisamka kusu ne na.

Eci=kor su ay-us-ni ape ani a=sesekka etoko ta, Ne hu anpe newa uhuy wa an anpe newa ukotura rerasiw ani a=ysamka kusu ne na.

Before your pots can feel the thorns, he shall take them away with a whirlwind, the green and the burning alike.

Nei ikemnu ambe oupeka guru nukara chiki nupetne kusu ne: Wen utara koro kemihi ani koro chikiri furaye kusu ne.

Ne ikemnu anpe owpeka kur nukar ciki nupetne kusu ne: Wen utar kor kemihi ani kor cikiri huraye kusu ne.

The righteous shall rejoice when he seeth the vengeance: he shall wash his feet in the blood of the wicked.

Yakun, utara ene itak kusu ne, “Son no newa, oupeka utara gusu iwayehe an: Son no newa, moshiri koipishi Kamui an ruwe ne”, ari itak kusu ne na.

Yakun, utar ene itak kusu ne, “Sonno newa, owpeka utar kusu iwayehe an: Sonno newa, mosir koypisi Kamuy an ruwe ne”, ari itak kusu ne na.

So that men shall say, Verily there is a reward for the righteous: verily there is a God that judgeth in the earth.