41 Ik.

Shinotcha esapane guru gusu. Dabid kara Iyohaichish.

Sinotca esapane kur kusu. Dabid kar Iyohaycis.

For the Chief Musician. A Psalm of David.

KATCHAK utara koingara gurʼanak ne anunuke ne: Wenbe an toho ta Ehoba shinuma kashiobiuki kusu ne na.

Katcak utar koinkar kur anakne a=nunuke ne: Wenpe an toho ta Ehoba sinuma kasiopiwki kusu ne na.

Blessed is he that considereth the poor: the LORD will deliver him in the day of evil.

Ehoba anak ne shinuma koshiratki wa shiknure kusu ne, orowa, shinuma moshiri kata an wa anunuke kusu ne; Gusu an epokba utara otta iteki shinuma ekoshi wa en kore.

Ehoba anakne sinuma kosiratki wa siknure kusu ne, orowa, sinuma mosir kata an wa a=nunuke kusu ne; Kusu an epokpa utar or ta iteki sinuma ekosi wa en=kore.

The LORD will preserve him, and keep him alive, and he shall be blessed upon the earth; and deliver not thou him unto the will of his enemies.

Tashum ki hine hotke wa an ita Ehoba anak shinuma nitata kusu ne: Shiyeye an ita Aokai anak ne shinuma koro shotki kan ruwe ne.

Tasum ki hine hotke wa an hi ta Ehoba anak sinuma nitata kusu ne: Siyeye an hi ta Aokay anakne sinuma kor sotki kan ruwe ne.

The LORD will support him upon the couch of languishing: thou makest all his bed in his sickness.

Ene ku itak nisa; —Aa Ehoba, pirika irenga sange wa en kore: Ku kon ramat iwangere wa en kore; Aokai epeka no katpak ku ki nisa ruwe ne na.

Ene ku=itak nisa; —Aa Ehoba, pirka irenka sanke wa en=kore: Ku=kor ramat iwankere wa en=kore; Aokay epeka no katpak ku=ki nisa ruwe ne na.

I said, O LORD, have mercy upon me: heal my soul; for I have sinned against thee.

En epokba utara anak ne en gusu wenbe ye ruwe ne, Shinuma hembara ta rai wa kon reihei ush ruwe be an? ari itak.

En epokpa utar anakne en kusu wenpe ye ruwe ne, Sinuma henpara ta ray wa kor rehe us ruwe pe an? ari itak.

Mine enemies speak evil against me, [saying], When shall he die, and his name perish?

Orowa, shinuma en nukara gusu ek chiki, shunge ye; Koro keutum anak ne yaikota gusu irarape uwekarapare: Shinuma soyum peka apkash chiki nei ambe ye ruwe ne.

Orowa, sinuma en=nukar kusu ek ciki, sunke ye; Kor kewtum anakne yaykota kusu irara p uwekarpare: Sinuma soyum peka apkas ciki ne anpe ye ruwe ne.

And if he come to see [me], he speaketh vanity; his heart gathereth iniquity to itself: when he goeth abroad, he telleth it.

En etunne utara anak ne obitta en gusu utashpa pinu-itak ki: En wende kuni gusu esanniyo ruwe ne.

En=etunne utar anakne opitta en kusu utaspa pinu-itak ki: En=wente kuni kusu esanniyo ruwe ne.

All that hate me whisper together against me: against me do they devise my hurt.

Nepka wenbe shinuma otta shiri kotuk wa an: Orowa, tane anak ne shinuma hotke wa shui hopuni shomoki kusu ne.

Nep ka wenpe sinuma or ta siri kotuk wa an: Orowa, tane anakne sinuma hotke wa suy hopuni somo ki kusu ne.

An evil disease, [say they], cleaveth fast unto him: and now that he lieth he shall rise up no more.

Ruwe un, ku eyaikopashte, ku goro aep ibe en tura itomo irenga koro ku nimaraha anak ne, En epeka no koro keshup puni nisa ruwe ne.

Ruwe un, ku=e=yaykopaste, ku=kor aep ipe en tura i=tom irenka kor ku=nimaraha anakne, En=epeka no kor kesup puni nisa ruwe ne.

Yea, mine own familiar friend, in whom I trusted, which did eat of my bread, hath lifted up his heel against me.

Koroka, Aa Ehoba, nei utara gusu tasa ku iki kuni ne, Pirika irenga sange wa en hopunire wa en kore.

Korka, Aa Ehoba, ne utar kusu tasa ku=iki kuni ne, Pirka irenka sanke wa en=hopunire wa en=kore.

But thou, O LORD, have mercy upon me, and raise me up, that I may requite them.

En epokba utara en annokara shomoki gusu, Tambe gusu Aokai anak ne en enupetne ruwe ne, sekoro ku eraman ruwe ne.

En epokpa utar en=annokar somo ki kusu, Tanpe kusu Aokay anakne en=enupetne ruwe ne, sekor ku=eraman ruwe ne.

By this I know that thou delightest in me, because mine enemy doth not triumph over me.

Orowa, kuani gusu, Aokai anak ne oupeka no ku an kuni gusu en nitata, Aige, ramma pakno E shik-samata en ande ruwe ne.

Orowa, kuani kusu, Aokay anakne owpekano ku=an kuni kusu en=nitata, Ayke, ramma pakno E sik-sama ta en=ante ruwe ne.

And as for me, thou upholdest me in mine integrity, and settest me before thy face for ever.

Otusashuishiri wano otusashuishiri pakno, Israeru koro Kamui ne Ehoba anak ne anunuke ne ruwe ne. Amen, shui, Amen.

Otu sasuysir wano otu sasuysir pakno, Israeru kor Kamuy ne Ehoba anakne a=nunuke ne ruwe ne. Amen, suy, Amen.

Blessed be the LORD, the God of Israel, from everlasting and to everlasting. Amen, and Amen.