74 Ik.

Asap kara Maskir.

Asap kar Maskir.

Maschil of Asaph.

AA Kamui, hemanda gusu ramma pakno un emakba ya? Hemanda gusu E koro mimdara un hitsuji chikoikip orun E ki irushka ambe shupuya at ya?

Aa Kamuy, hemanta kusu ramma pakno un emakpa ya? Hemanta kusu E=kor mimtar un hitsuji cikoykip orun E ki iruska anpe supuya at ya?

O God, why hast thou cast [us ]off for ever? why doth thine anger smoke against the sheep of thy pasture?

Fushkotoita E hok uwekari utara, E koro aeikeshkoro kuni ikiri ne gusu an E kikiraye utara eshkarun; Samata, Aokai oshiroma nisa Zion nupuri eshkarun wa en kore.

Huskotoyta E hok uekari utar, E=kor aeykeskoro kuni ikiri ne kusu an E kikiraye utar eskarun; Sama ta, Aokay osiroma nisa Zion nupuri eskarun wa en=kore.

Remember thy congregation, which thou hast purchased of old, which thou hast redeemed to be the tribe of thine inheritance; [and ]mount Zion, wherein thou hast dwelt.

Ramma pakno an akokiru ushi orun E kot chikiri puni wa en kore! Epokba guru anak ne Ashkanne ushiketa wentoi-kantoi kokiru nisa ruwe ne.

Ramma pakno an a=kokiru usi orun E kot cikiri puni wa en=kore! Epokba kur anakne Askanne uske ta wentoy-kantoy kokiru nisa ruwe ne.

Lift up thy feet unto the perpetual ruins, all the evil that the enemy hath done in the sanctuary.

E eramshitnere utara anak ne E koro uwekari ta orokeweuse; Shirosh ne gusu koro inushuyep roshki nisa ruwe ne na.

E eramsitnere utar anakne E=kor uekari ta orokewewse; Shirosh ne kusu kor inusuyep roski nisa ruwe ne na.

Thine adversaries have roared in the midst of thine assembly; they have set up their ensigns for signs.

Nitai epeka mukarushi punire Nei no okai utara noine an.

Nitay epeka mukarusi punire Néno okay utar noyne an.

They seemed as men that lifted up axes upon a thicket of trees.

Awa, tane kanatuchi newa mukarushi ani Ukoiram no nei inuye ambe obitta pereke ruwe ne.

Awa, tane kanatuci newa mukarusi ani Ukoyram no ne inuye anpe opitta perke ruwe ne.

And now all the carved work thereof together they break down with hatchet and hammers.

E koro Ashkanne ushike uhuyeka nisa; E kon reihei oshiroma i toi pakno koatcha nisa ruwe ne.

E=kor Askanne usike uhuyeka nisa; E=kor rehe osiroma i toy pakno koatca nisa ruwe ne.

They have set thy sanctuary on fire; they have profaned the dwelling place of thy name even to the ground.

Koro keutum ta — Earikinne nei okaibe wende anro — sekoro itak: Moshirʼotta okai uwekarapa chisei obitta uhuyeka wa isamka nisa ruwe ne na.

Kor kewtum ta — Earikinne ne okaype wente an ro — sekor itak: Mosir or ta okay uekarpa cise opitta uhuyeka wa isamka nisa ruwe ne na.

They said in their heart, Let us make havoc of them altogether: they have burned up all the synagogues of God in the land.

Chikoro shirosh shomo chi nukara: Tane uweingara guru isam ruwe ne; Shui, hembara pakno ne ya sekoro eraman guru un tumugeta isam ruwe ne.

Ci=kor siros somo ci nukar: Tane ueinkar kur isam ruwe ne; Suy, henpara pakno ne ya sekor eraman kur un tumke ta isam ruwe ne.

We see not our signs: there is no more any prophet; neither is there among us any that knoweth how long.

Aa Kamui, hembara pakno epokba guru esapse ya? Ramma pakno epokba guru anak ne E kon reihei koatcha kusu ne ya?

Aa Kamuy, henpara pakno epokpa kur esapse ya? Ramma pakno epokpa kur anakne E=kor rehe koatca kusu ne ya?

How long, O God, shall the adversary reproach? shall the enemy blaspheme thy name for ever?

Hemanda gusu E tekehe, E shimon tekehe poka, Aokai yoni ya? E koro upshoro wano nei ambe etaye hine nei utara isamka wa un kore.

Hemanta kusu E tekehe, E simon tekehe poka, Aokay yoni ya? E=kor upsoro wano ne anpe etaye hine ne utar isamka wa un kore.

Why drawest thou back thy hand, even thy right hand? [pluck it ]out of thy bosom [and ]consume [them].

Yakka, fushko wano Kamui anak ne ku moshiri Shikkashima guru ne, Moshiri noshiketa kashiobiuki ambe iki ruwe ne.

Yakka, husko wano Kamuy anakne ku=mosir Sikkasima kur ne, Mosir noske ta kasiopiwki anpe iki ruwe ne.

Yet God is my King of old, working salvation in the midst of the earth.

Aokai anak ne E koro kiroro ani atui usaraye: Atui un poro chikoikip koro sapaha pereka nisa ruwe ne.

Aokay anakne E=kor kiroro ani atuy usaraye: Atuy un poro cikoykip kor sapaha pereka nisa ruwe ne.

Thou didst divide the sea by thy strength: thou brakest the heads of the dragons in the waters.

Aokai anak ne Rapiatan koro sapaha humne no pereke. Nup ta oshiroma utara koro aep ne gusu koropare nisa ruwe ne.

Aokay anakne Rapiatan kor sapaha humne no perke. Nup ta osiroma utar kor aep ne kusu korpare nisa ruwe ne.

Thou brakest the heads of leviathan in pieces, thou gavest him to be meat to the people inhabiting the wilderness.

Aokai anak ne wakka purupuruge i newa pesambe peruba nisa: Ika pet satka nisa ruwe ne na.

Aokay anakne wakka purpurke i newa pesanpe perpa nisa: Ika pet satka nisa ruwe ne na.

Thou didst cleave fountain and flood: thou driedst up mighty rivers.

Tokap anak ne E korobe ne, kunne ne yakka E korope ne ruwe ne: Aokai anak ne shiripekere newa chup kan nisa ruwe ne.

Tokap anakne E=kor pe ne, kunne ne yakka E=kor pe ne ruwe ne: Aokay anakne sirpeker newa cup kan nisa ruwe ne.

The day is thine, the night also is thine: thou hast prepared the light and the sun.

Aokai anak ne obitta no okai moshiri epakige ande: Sak newa mata E kan nisa ruwe ne.

Aokay anakne opittano okay mosir epakike ante: Sak newa mata E kan nisa ruwe ne.

Thou hast set all the borders of the earth: thou hast made summer and winter.

Epokba utara anak ne Ehoba esapse, Ramat-sak utara E kon reihei koatcha nisa ruwe ne, sekoro eshkarun yan.

epokpa utar anakne Ehoba esapse, Ramat-sak utar E=kor rehe koatca nisa ruwe ne, sekor eskarun yan.

Remember this, that the enemy hath reproached, O LORD, and that foolish people have blasphemed thy name.

E koro kusuwep kon ramat iteki kim un chikoikip orota koropare yan: Ramma pakno iteki E koro otek sak utara oira wa en kore.

E=kor kusuwep kor ramat iteki kimun cikoykip oro ta korpare yan: Ramma pakno iteki E=kor otek sak utar oyra wa en=kore.

O deliver not the soul of thy turtle-dove unto the wild beast: forget not the life of thy poor for ever.

E koro uitaknu ambe orun ingara: Moshiri kunne i anak ne niwenbe oshiroma-i ani aeshik ruwe ne gusu ne na.

E=kor uytaknu anpe orun inkar: Mosir kunne i anakne niwen pe osiroma hi ani a=esik ruwe ne kusu ne na.

Have respect unto the covenant: for the dark places of the earth are full of the habitations of violence.

Aeramunishte utara iteki ayainikoroshma wa hoshippa kuni ne kara wa en kore, Otek-sak newa irapokkari utara E kon reihei koireika kuni ne kara wa en kore.

A=eramuniste utar iteki a=yaynikorosma wa hosippa kuni ne kar wa en=kore, Otek-sak newa irapokkari utar E=kor rehe koyreyka kuni ne kar wa en=kore.

O let not the oppressed return ashamed: let the poor and needy praise thy name.

Aa Kamui, hopuni wa yaikota koro orushpe gusu itak sange wa en kore: To ebitta ramat-sak guru anak ne E esapse sekoro eshkarun yan.

Aa Kamuy, hopuni wa yaykota kor oruspe kusu itak sanke wa en=kore: To epitta ramat-sak kur anakne E esapse sekor eskarun yan.

Arise, O God, plead thine own cause: remember how the foolish man reproacheth thee all the day.

E eramshitnere utara koro hawe iteki oira wa en kore. E epokba gusu hopumba utara ki sakayo ramma hopuni ruwe ne na.

E eramsitnere utar kor hawe iteki oyra wa en=kore. E epokpa kusu hopunpa utar ki sakayo ramma hopuni ruwe ne na.

Forget not the voice of thine adversaries: the tumult of those that rise up against thee ascendeth continually.