27 Ik.

Dabid karape.

Dabid kar pe.

\add A Psalm \add*of David.

EHOBA anak ne ku pekere ne, en kashiobiukip ne ruwe ne; en ishitomarep nen ne ruwe? Ehoba anak ne ku inotu un kiroro ne; inan guru gusu ku kimatek ruwe be an?

EHOBA anakne ku=peker ne, en kasiopiwkip ne ruwe ne; en isitomarep nen ne ruwe? Ehoba anakne ku=inotu un kiroro ne; inan kur kusu ku=kimatek ruwe pe an?

[A Psalm ]of David. The LORD is my light and my salvation; whom shall I fear? the LORD is the strength of my life; of whom shall I be afraid?

En epokba utara, en etunne wa wen-buri ki utara anak ne ku kam ibe gusu en orun araki ita, Nei utara epetchiu wa hachin nisa ruwe ne.

En epokpa utar, en=etunne wa wen-puri ki utar anakne ku=kam ipe kusu en=orun arki hi ta, Ne utar epetciw wa hacir nisa ruwe ne.

When evil-doers came upon me to eat up my flesh, [even ]mine adversaries and my foes, they stumbled and fell.

Poro inne utara en epokba gusu araki wa okai yakka, Ku keutum anak ne ishitoma shomoki: En kotumi an ap an yakka Ku keutum oshitchiure kusu ne.

Poro inne utar en epokpa kusu arki wa okay yakka, Ku=kewtum anakne isitoma somo ki: En kotumi an ap an yakka Ku=kewtum ositciwre kusu ne.

Though an host should encamp against me, my heart shall not fear: though war should rise against me, even then will I be confident.

Ehoba otta ku koramkorope shinep an, nei ambe ku hunara kusu ne; Kuani rai pakno Ehoba kora kenru ta ku oshiroma wa, Shinuma koro aekiroro ambe ku nukara, wa kora kenru ta uwepekennu ku ki kuni ambe ne.

Ehoba or ta ku koramkorope sinep an, ne anpe ku=hunara kusu ne; Kuani ray pakno Ehoba kor kenru ta ku=osiroma wa, Sinuma kor aekiroro anpe ku=nukar, wa kor kenru ta uwepekennu ku=ki kuni anpe ne.

One thing have I asked of the LORD, that will I seek after; that I may dwell in the house of the LORD all the days of my life, to behold the beauty of the LORD, and to inquire in his temple.

Wen orushpe an toho ta Shinuma nuina no koro kash ta en shikkashima; Koro kash makun an ushiketa en nuina kusu ne; Watara kata Shinuma en riknare wa ande kusu ne na.

Wen oruspe an toho ta Sinuma nuyna no kor kas ta en=sikkasima; Kor kas makun an uske ta en=nuyna kusu ne; Watara kata Sinuma en riknare wa ante kusu ne na.

For in the day of trouble he shall keep me secretly in his pavilion: in the covert of his tabernacle shall he hide me; he shall lift me up upon a rock.

Orowa tane anak en okari ta okai en epokba utara enkashita ku sapa ariknapuni kusu ne; Orowa, nupetne an ayangep Shinuma koro kash otta ku yange; Shinotcha ku ki, ruwe un, iramye kuni shinotcha Ehoba otta shinotcha ku ki kusu ne na.

Orowa tane anak en=okari ta okay en epokpa utar enkasi ta ku=sapa a=riknapuni kusu ne; Orowa, nupetne an ayankep Sinuma kor kas or ta ku=yanke; Sinotca ku=ki, ruwe un, iramye kuni sinotca Ehoba or ta sinotca ku=ki kusu ne na.

And now shall mine head be lifted up above mine enemies round about me; and I will offer in his tabernacle sacrifices of joy; I will sing, yea, I will sing praises unto the LORD.

Aa Ehoba, ku hawe ani e konishuk ita en nu wa en kore: Orowa, pirika irenga sange hine ese itak ki wa en kore.

Aa Ehoba, ku hawe ani e konisuk hi ta en=nu wa en=kore: Orowa, pirka irenka sanke hine ese itak ki wa en=kore.

Hear, O LORD, when I cry with my voice: have mercy also upon me, and answer me.

Ku nanuhu hunara yan, sekoro E ye ita, ku keutum E otta ene ese ki-hi:— Ehoba, E nanuhu ku hunara kusu ne na, sekoro itak nisa ruwe ne.

Ku=nanuhu hunara yan, sekor E ye hi ta, ku=kewtum E or ta ene ese ki hi:— Ehoba, E nanuhu ku=hunara kusu ne na, sekor itak nisa ruwe ne.

[When thou saidst], Seek ye my face; my heart said unto thee, Thy face, LORD, will I seek.

En otta iteki E nanuhu nuina wa en kore; Iteki irushka wa oyakta en omande; Aokai anak ne en kashiobiukip ne; Aa en kashiobiuki Kamui, iteki en osura; iteki en emaka wa en kore.

En or ta iteki E nanuhu nuyna wa en=kore; Iteki iruska wa oyak ta en=omante; Aokay anakne en kasiopiwkip ne; Aa en=kasiopiwki Kamuy, iteki en=osura; iteki en=emaka wa en=kore.

Hide not thy face from me; put not thy servant away in anger: thou hast been my help; cast me not off, neither forsake me, O God of my salvation.

Ku michi newa ku habo anak ne en emaka nisa, Koroka, Ehoba anak en shikkashima kusu ne.

Ku=mici newa ku=hapo anakne en=emaka nisa, Korka, Ehoba anak en=sikkasima kusu ne.

For my father and my mother have forsaken me, but the LORD will take me up.

Aa Ehoba, E kon ruhu en epakashnu; En epokba utara okai gusu, Kaptek ru orun en ani wa en kore.

Aa Ehoba, E=kor ruhu en=epakasnu; En epokpa utar okay kusu, Kaptek ru orun en ani wa en=kore.

Teach me thy way, O LORD; and lead me in a plain path, because of mine enemies.

Keutum rengaine iotta ki rusui en epokba utara orun iteki en ekoshi wa en kore; Ramu-nishtep hussei hene ki, shungep ani en eiyon-nuppa hene ki utara hopumba shiri ki ruwe ne gusu ne na.

Kewtum renkayne iotta ki rusuy en epokpa utar orun iteki en=ekosi wa en=kore; Ramu-nistep husse hene ki, sunkep ani en eiyon-nuppa hene ki utar hopunpa siriki ruwe ne kusu ne na.

Deliver me not over unto the will of mine adversaries: for false witnesses are risen up against me, and such as breathe out cruelty.

Shiknu pito moshiri kata, Ehoba pirika ambe ku nukara kuni shomo ku eishokoro yak anak humi!

Siknu pito mosir kata, Ehoba pirka anpe ku=nukar kuni somo ku=eysokor yakanak humi!

[I had fainted], unless I had believed to see the goodness of the LORD in the land of the living.

Ehoba gusu chipachipa Tumashnu no okai, orowa, Shinuma e koro keutum rametokte kusu ne, Ruwe un, Ehoba echipachipa yan.

Ehoba kusu cipacipa Tumasnu no okay, orowa, Sinuma e=kor kewtum rametokte kusu ne, Ruwe un, Ehoba ecipacipa yan.

Wait on the LORD: be strong, and let thine heart take courage; yea, wait thou on the LORD.