79 Ik.

Asap kara Iyohaichish.

Asap kar Iyohaycis.

A Psalm of Asaph.

AA Kamui, oya uirup utara anak ne E koro eikeshkoro ushike ahup; E koro Ashkanne kenru turu-ushte; Epunipushbe korachi Yerusarem kotan kokiru nisa ruwe ne.

Aa Kamuy, oya uyrup utar anakne E=kor eykeskoro usike ahup; E=kor Askanne kenru tur-uste; Epunipushbe koraci Yerusarem kotan kokiru nisa ruwe ne.

O God, the heathen are come into thine inheritance; thy holy temple have they defiled; they have laid Jerusalem on heaps.

Rik-kush chikap ibe gusu E koro uitek utara koro kaisei koropare, E koro ashkanne utara koro kam moshiri un chikoi-kip orun koropare nisa ruwe ne.

Rik-kus cikap ipe kusu E=kor uytek utar kor kaysey korpare, E=kor askanne utar kor kam mosir un ci=koy-kip orun korpare nisa ruwe ne.

The dead bodies of thy servants have they given to be meat unto the fowls of the heaven, the flesh of thy saints unto the beasts of the earth.

Yerusarem kotan okari wakka korachi nei utara koro kem ohetu; Orowa, iyurui orota omare kuni guru isam nisa ruwe ne na.

Yerusarem kotan okari wakka koraci ne utar kor kem ohetu; Orowa, iyuruy oro ta omare kuni kur isam nisa ruwe ne na.

Their blood have they shed like water round about Jerusalem; and there was none to bury them.

Aun utara gusu aeyainikoroshmarep chi ne, Un okari ta an utara gusu aenuinap ne aesapsep chi ne ruwe ne.

Aun utar kusu aeyaynikorosmarep ci ne, Un okari ta an utar kusu aenuynap ne aesapsep ci ne ruwe ne.

We are become a reproach to our neighbours, a scorn and derision to them that are round about us.

Aa Ehoba, hembara pakno, ramma pakno un koirushka ruwe he an? E ki eyaitunnap ambe abe korachi parasere ruwe he an?

Aa Ehoba, henpara pakno, ramma pakno un koyruska ruwe he an? E ki eyaytunnap anpe ape koraci parasere ruwe he an?

How long, O LORD, wilt thou be angry for ever? shall thy jealousy burn like fire?

Aokai eamkiri shomoki oya uirup kata E koro irushka-hi echikiki, Samata, E kon reihei konishuk shomoki moshiri kata echikiki wa un kore.

Aokay e=amkir somo ki oya uyrup kata E=kor iruska hi ecikiki, Sama ta, E=kor rehe konisuk somo ki mosir kata ecikiki wa un kore.

Pour out thy wrath upon the heathen that know thee not, and upon the kingdoms that call not upon thy name.

Nei utara anak ne Yakob isamka, Shinuma koro ibe-mimdara wen-toi kan-toi kokiru nisa ruwe ne gusu ne na.

Ne utar anakne Yakob isamka, Sinuma kor ipe-mimtar wen-toy kan-toy kokiru nisa ruwe ne kusu ne na.

For they have devoured Jacob, and laid waste his habitation.

Chikoro ekashi koro wen-buri iteki un kashiomare wa un kore: E koro ramu-hauge-rampoken tunashino un kotcha-keta omande wa un kore: Chi utara shi no aeramusarakka wa okai ruwe ne gusu ne na.

Ci=kor ekasi kor wen-puri iteki un kasiomare wa un kore: E=kor ramu-hawke-ranpoken tunasno un kotca-keta omante wa un kore: Ci utar sino a=eramusarakka wa okay ruwe ne kusu ne na.

Remember not against us the iniquities of our forefathers: let thy tender mercies speedily prevent us: for we are brought very low.

Aa un kashiobiuki Kamui, E kon reihei nupeki gusu, un ikasbiu wa un kore: Un kashiobiuki wa E kon reihei rengap gusu chikoro katpak tusare wa un kore.

Aa un kasiopiwki Kamuy, E=kor rehe nupeki kusu, un ikaspiw wa un kore: Un kasiopiwki wa E=kor rehe renkap kusu ci=kor katpak tusare wa un kore.

Help us, O God of our salvation, for the glory of thy name: and deliver us, and purge away our sins, for thy name’s sake.

Hemanda gusu oya uirup utara anak ne— Nei utara koro Kamui neita an a?— sekoro itak kusu ne ya? E koro uitek utara koro aohetu kem anak ne aikemnu kuni aki-hi Chi shiksamata oya uirup otta anukare wa un kore.

Hemanta kusu oya uyrup utar anakne— Ne utar kor Kamuy ney ta an a?— sekor itak kusu ne ya? E=kor uytek utar kor a=ohetu kem anakne a=ykemnu kuni akihi Ci siksamata oya uyrup or ta a=nukare wa un kore.

Wherefore should the heathen say, Where is their God? let the revenging of the blood of thy servants which is shed be known among the heathen in our sight.

Ipakashnu chisei ta an guru koro tanne heise orun ingara; E koro poro okirashnu ambe sange wa aronnu kuni aesanniyo utara shiknure wa un kore;

Ipakasnu cise ta an kur kor tanne hese orun inkar; E=kor poro okirasnu anpe sanke wa a=ronnu kuni a=esanniyo utar siknure wa un kore;

Let the sighing of the prisoner come before thee; according to the greatness of thy power preserve thou those that are appointed to death;

Orowa, Aa Utarapa, ari E esapsep ani Atchisei un utara koro upshoro ta arawan shui pakno koropare wa un kore.

Orowa, Aa Utarpa, ari E esapsep ani Atcisey un utar kor upsoro ta arwan suy pakno korpare wa un kore.

And render unto our neighbours sevenfold into their bosom their reproach, wherewith they have reproached thee, O Lord.

Yakun, E koro utara, E koro mimdara ta okai chi utara anak ne Ramma pakno E koyaiiraige ash: Otusashuishiri pakno koro ramye-hi atte kusu ne na.

Yakun, E=kor utar, E=kor mimtar ta okay ci utar anakne Ramma pakno E koyayirayke as: Otu sasuysir pakno kor ramye hi atte kusu ne na.

So we thy people and sheep of thy pasture will give thee thanks for ever: we will shew forth thy praise to all generations.