85 Ik.

Shinotcha esapane guru gusu. Kora poho kara iyohaichish.

Sinotca esapane kur kusu. Kor poho kar iyohaycis.

For the Chief Musician. A Psalm of the sons of Korah.

Ehoba, Aokai anak ne E koro moshiri otta pirika irenga sange nisa: Teke-apashte wa okai Yakob E hoshippare nisa ruwe ne.

Ehoba, Aokay anakne E=kor mosir or ta pirka irenka sanke nisa: Teke-a=paste wa okay Yakob E hosippare nisa ruwe ne.

LORD, Thou hast been favourable unto thy land: thou hast brought back the captivity of Jacob.

E koro utara koro wen-buri tusare, Obitta no okai koro katpak kamure nisa ruwe ne. [Sera.]

E=kor utar kor wen-puri tusare, Opittano okay kor katpak kamure nisa ruwe ne. [Sera.]

Thou hast forgiven the iniquity of thy people, thou hast covered all their sin. Selah

E ki irushka ambe isamka, E ki kinrakara niwenbe shishire nisa ruwe ne.

E ki iruska anpe isamka, E ki kinrakar niwen pe sisire nisa ruwe ne.

Thou hast taken away all thy wrath: thou hast turned [thyself ]from the fierceness of thine anger.

Aa un kashiobiuki Kamui, un orun hosari hine, Un gusu an kinrakarabe isamka wa un kore.

Aa un kasiopiwki Kamuy, un orun hosari hine, Un kusu an kinrakarape isamka wa un kore.

Turn us, O God of our salvation, and cause thine indignation toward us to cease.

Ramma pakno Aokai un koirushka ya? Obitta no okai ainu ikiri pakno irushka ruwe be an?

Ramma pakno Aokay un koyruska ya? Opittano okay aynu ikiri pakno iruska ruwe pe an?

Wilt thou be angry with us for ever? wilt thou draw out thine anger to all generations?

E koro utara Aokai enupetne kuni gusu, Kanna-shui un shiknure shomoki ya?

E=kor utar Aokay enupetne kuni kusu, Kanna-suy un siknure somo ki ya?

Wilt thou not quicken us again: that thy people may rejoice in thee?

Aa Ehoba, E koro rampoken sange wa. Un kashiobiuki wa un kore.

Aa Ehoba, E=kor ranpoken sanke wa. Un kasiopiwki wa un kore.

Shew us thy mercy, O LORD, and grant us thy salvation.

Ehoba ne Kamui hemanda ye kusu ne ya sekoro ku nu kusu ne: Koro ashkanne utara otta, koro utara otta, itomo ye kusu ne gusu ne na: Koroka, iteki raka-sakbe otta ihoshipi yan.

Ehoba ne Kamuy hemanta ye kusu ne ya sekor ku=nu kusu ne: Kor askanne utar or ta, kor utar or ta, i=tom ye kusu ne kusu ne na: Korka, iteki raka-sak pe or ta i=hosipi yan.

I will hear what God the LORD will speak: for he will speak peace unto his people, and to his saints: but let them not turn again to folly.

Son no un Shinuma kashiobiuki-hi anak ne Shinuma ko-ishitoma utara ehange no an na; Chikoro moshiri ta nupeki oshiroma kuni gusu ne na.

Sonno un Sinuma kasiopiwki hi anakne Sinuma ko-isitoma utar ehanke no an na; Ci=kor mosir ta nupeki osiroma kuni kusu ne na.

Surely his salvation is nigh them that fear him; that glory may dwell in our land.

Rampoken newa sonep anak ne uwetunangara nisa; Oupeka-hi newa itomo anak ne utashpa chopchopse kan nisa.

ranpoken newa sonep anakne uwetunankar nisa; Owpeka hi newa i=tom anakne utaspa copcopse kan nisa.

Mercy and truth are met together; righteousness and peace have kissed each other.

Sonep anak ne toi wano hetuku; Oupeka-i anak ne kando orowa no herashi ingan nisa.

sonep anakne toy wano hetuku; Owpeka hi anakne kanto oro wano herasi inkar nisa.

Truth springeth out of the earth; and righteousness hath looked down from heaven.

Ruwe newa, Ehoba anak ne pirika okaibe koropare kusu ne; Chikoro moshiri ibehe sange kusu ne na.

Ruwe newa, Ehoba anakne pirka okaype korpare kusu ne; Ci=kor mosir ipehe sanke kusu ne na.

Yea, the LORD shall give that which is good; and our land shall yield her increase.

Oupeka-hi anak ne Shinuma kotchaot paye wa Koro kemaha gusu ruhu kara kusu ne na.

Owpeka hi anakne Sinuma kotcaot paye wa Kor kemaha kusu ruhu kar kusu ne na.

Righteousness shall go before him; and shall make his footsteps a way [to walk in].