Shinotcha esapane guru gusu. Batsheba orun omna okaketa, orota uweingara guru ne Natan ek ita, Dabid kara iyohaichish.
Sinotca esapane kur kusu. Batseba orun omna okake ta, oro ta ueinkar kur ne Natan ek hi ta, Dabid kar iyohaycis.
For the Chief Musician. A psalm of David: when Nathan the prophet came unto him, after he had gone in to Bath-sheba.
AA Kamui, E koro omap-an-ramuhauge-hi an korachi, en orun pirika irenga sange wa en kore: E koro poro ramuhauge irenga an gusu ku ohaitarep ushka wa en kore:
Aa Kamuy, E=kor omap-an-ramuhawke hi an koraci, en=orun pirka irenka sanke wa en=kore: E=kor poro ramuhawke irenka an kusu ku ohaytarep uska wa en=kore:
Have mercy upon me, O God, according to thy lovingkindness; according to the multitude of thy tender mercies blot out my transgressions.
Ku goro wen-buri gusu ara en furaye wa en kore, Ku goro katpak gusu en ashkannere wa en kore.
Ku=kor wen-puri kusu ar en=huraye wa en=kore, Ku=kor katpak kusu en askannere wa en=kore.
Wash me throughly from mine iniquity, and cleanse me from my sin.
Kuani ku ohaitarep ku eraman: Ku katpak anak ne ku shik-samata okai ruwe ne.
Kuani ku ohaytarep ku=eraman: Ku katpak anakne ku=sik-sama ta okay ruwe ne.
For I acknowledge my transgressions: and my sin is ever before me.
Aokai epeka no, ouse Aokai epeka no katpak ku ki nisa, Orowa, E shik-samata wenbe ku ki nisa: Aokai anak ne itak ye ita oupeka no aesanniyo kuni gusu, Aokai koipishi ita turu-sak no an kuni gusu an ruwe ne gusu ne na.
Aokay epeka no, owse Aokay epeka no katpak ku=ki nisa, Orowa, E sik-sama ta wenpe ku=ki nisa: Aokay anakne itak ye hi ta owpekano a=esanniyo kuni kusu, Aokay koypisi hi ta tur-sak no an kuni kusu an ruwe ne kusu ne na.
Against thee, thee only, have I sinned, and done that which is evil in thy sight: that thou mayest be justified when thou speakest, and be clear when thou judgest.
Wen-buri an wa a en shikore na, Wen-buri an wa ku goro habo shinnai kat iyeunu nisa ruwe ne.
Wen-puri an wa a en=sikore na, Wen-puri an wa ku=kor hapo sinnay kat iyewnu nisa ruwe ne.
Behold, I was shapen in iniquity; and in sin did my mother conceive me.
Aokai anak ne keutum ta okai son no ambe nukan rusui ruwe ne, Orowa, nuina wa an ushiketa en wayashnure kusu ne.
Aokay anakne kewtum ta okay sonno anpe nukar rusuy ruwe ne, Orowa, nuyna wa an uske ta en wayasnure kusu ne.
Behold, thou desirest truth in the inward parts: and in the hidden part thou shalt make me to know wisdom.
Hissop ani en ashkannere wa en kore, yakun, ku turu-sak kusu ne. En furaye wa en kore, yakun, upas kasu no ku retara kusu ne na.
hissop ani en askannere wa en=kore, yakun, ku=tur-sak kusu ne. En=huraye wa en=kore, yakun, upas kasuno ku=retar kusu ne na.
Purge me with hyssop, and I shall be clean: wash me, and I shall be whiter than snow.
Aokai kaye ponehe anak ne anupetnere kuni gusu, Nupetne ambe newa yaikopuntek ambe en nure wa en kore.
Aokay kaye ponehe anakne anupetnere kuni kusu, Nupetne anpe newa yaykopuntek anpe en=nure wa en=kore.
Make me to hear joy and gladness; that the bones which thou hast broken may rejoice.
Ku katpak otta E nanuhu seshke, Ku wen-buri obitta isamka wa en kore.
Ku katpak or ta E nanuhu seske, Ku=wen-puri opitta isamka wa en=kore.
Hide thy face from my sins, and blot out all mine iniquities.
Aa Kamui, en gusu turu-sak sambe kara wa en kore, Orowa, en onnaigeta utumashi shomoki keutum ashin no kara wa en kore.
Aa Kamuy, en kusu tur-sak sanpe kar wa en=kore, Orowa, en=onnayke ta utumasi somo ki kewtum asinno kar wa en=kore.
Create in me a clean heart, O God; and renew a right spirit within me.
E shik-sam wano iteki en emaka wa en kore; Shui, en orowa no iteki E koro Ashkanne ramat uk wa en kore,
E sik-sam wano iteki en=emaka wa en=kore; Suy, en=oro wano iteki E=kor Askanne ramat uk wa en=kore,
Cast me not away from thy presence; and take not thy holy spirit from me.
E koro kashiobiuki-hi gusu an nupetne ambe kannashui en kore: Orowa, irenga an ramat ani en nitata wa en kore.
E=kor kasiopiwki hi kusu an nupetne anpe kannasuy en=kore: Orowa, irenka an ramat ani en=nitata wa en=kore.
Restore unto me the joy of thy salvation: and uphold me with a free spirit.
Yakun, ohaita ki utara otta E ruhu ku epakashnu; Orowa akokatpak utara E orun ahoshippare kusu ne na.
Yakun, ohay ta ki utar or ta E ruhu ku=epakasnu; Orowa a=kokatpak utar E orun a=hosippare kusu ne na.
Then will I teach transgressors thy ways; and sinners shall be converted unto thee.
Aa Kamui, en kashiobiuki Kamui, keukbe orowa no e en ohaitare wa en kore; Yakun, ku parumbe anak ne E koro oupeka ambe gusu rui no shinotcha ki kusu ne na.
Aa Kamuy, en=kasiopiwki Kamuy, keukpe oro wano e en ohaytare wa en=kore; Yakun, ku=parunpe anakne E=kor owpeka anpe kusu ruyno sinotcaki kusu ne na.
Deliver me from bloodguiltiness, O God, thou God of my salvation; [and ]my tongue shall sing aloud of thy righteousness.
Aa Utarapa, ku papush maka wa en kore; Yakun, ku paro anak E ramye ash kusu ne.
Aa Utarpa, ku=papus maka wa en=kore; Yakun, ku=paro anak E ramye as kusu ne.
O Lord, open thou my lips; and my mouth shall shew forth thy praise.
Aokai anak ne ayangep gusu shomo enupetne, enupetne chiki akore kusu ne; Uhuyeka ayangep Aokai anak ne shomo enupetne ruwe ne gusu ne na.
Aokay anakne ayankep kusu somo enupetne, enupetne ciki a=kore kusu ne; Uhuyeka ayankep Aokay anakne somo enupetne ruwe ne kusu ne na.
For thou delightest not in sacrifice; else would I give it: thou hast no pleasure in burnt offering.
Kamui ayange kunip anak ne oknatara keutum ne: Oknatara newa yaikokatpak an keutum, Aa Kamui, Aokai shomo etunne kusu ne na.
Kamuy a=yanke kunip anakne oknatara kewtum ne: Oknatara newa yaykokatpak an kewtum, Aa Kamuy, Aokay somo etunne kusu ne na.
The sacrifices of God are a broken spirit: a broken and a contrite heart, O God, thou wilt not despise.
Aokai rengaine Zion orota pirikap ki wa en kore; Yerusarem koro chashi roshkire wa en kore.
Aokay renkayne Zion oro ta pirka p ki wa en=kore; Yerusarem kor casi roskire wa en=kore.
Do good in thy good pleasure unto Zion: build thou the walls of Jerusalem.
Yakun, Aokai anak ne oupeka-hi ari an ayangep, ramne an uhuyeka ayangep, enupetne kusu ne: Orowa, E yange-set kata beko yange kusu ne na.
Yakun, Aokay anakne owpeka hi ari an ayankep, ramne an uhuyeka ayankep, enupetne kusu ne: Orowa, E yanke-set kata peko yanke kusu ne na.
Then shalt thou delight in the sacrifices of righteousness, in burnt offering and whole burnt offering: then shall they offer bullocks upon thine altar.