40 Ik.

Shinotcha esapane guru gusu. Dabid kara Iyohaichish.

Sinotca esapane kur kusu. Dabid kar Iyohaycis.

For the Chief Musician. A Psalm of David.

KU chipachipa wa Ehoba ku ehuye: Awa, Shinuma en orun ikokanu wa ku ashte hawe nu nisa ruwe ne.

Ku=cipacipa wa Ehoba ku=ehuy: Awa, Sinuma en=orun ikokanu wa ku=aste hawe nu nisa ruwe ne.

I waited patiently for the LORD; and he inclined unto me, and heard my cry.

Shinuma anak ne sakayo an shui orowa no, yachi oma furetoi orowa no, en etaye; Aige, watara kata ku kema ande wa ku oman-i ashte nisa ruwe ne.

Sinuma anakne sakayo an suy oro wano, yaci oma huretoy oro wano, en=etaye; Ayke, watara kata ku=kema ante wa ku=oman hi aste nisa ruwe ne.

He brought me up also out of an horrible pit, out of the miry clay; and he set my feet upon a rock, and established my goings.

Chikoro Kamui ramye kuni ashiri shinotcha ku paro orota aomare: Inne utara nei ambe nukara wa kimatek kusu ne, Orowa, Ehoba eyaikopashte kusu ne na.

Ci=kor Kamuy ramye kuni a=siri sinotca ku=paro oro ta a=omare: Inne utar ne anpe nukar wa kimatek kusu ne, Orowa, Ehoba e=yaykopaste kusu ne na.

And he hath put a new song in my mouth, even praise unto our God: many shall see it, and fear, and shall trust in the LORD.

Pakesara utara kashiramu shomoki, shungep orun shomo hosari wa, Eli oba eyaikopashte gurʼanak ne anunuke ne ruwe ne.

Pakesara utar kasiramu somo ki, sunkep orun somo hosari wa, Eli op e=yaykopaste kur anakne a=nunuke ne ruwe ne.

Blessed is the man that maketh the LORD his trust, and respecteth not the proud, nor such as turn aside to lies.

Aa ku goro Kamui ne Ehoba, Aokai iki aerayapka ikip anak ne inne ruwe ne. Orowa, un gusu E esanniyo yainu-hi anak ne, Aokai orun aashte eaikapbe ne; Nei okaibe gusu ku ye wa ku pita rusui chiki, Apishki eaikap pakno inne ruwe ne.

Aa ku=kor Kamuy ne Ehoba, Aokay iki aerayapka iki p anakne inne ruwe ne. Orowa, un kusu E esanniyo yaynu hi anakne, Aokay orun a=aste eaykap pe ne; Ne okaype kusu ku=ye wa ku=pita rusuy ciki, A=piski eaykap pakno inne ruwe ne.

Many, O LORD my God, are the wonderful works which thou hast done, and thy thoughts which are to us-ward: they cannot be set in order unto thee; if I would declare and speak of them, they are more than can be numbered.

Chikoikip newa koho ayange kunip Aokai enupetne shomoki; Ku kisaraha Aokai pui o: Uhuika ayangep newa katpak gusu an ayangep Aokai kon rusui shomoki ruwre ne.

Cikoykip newa koho a=yanke kunip Aokay enupetne somo ki; Ku=kisaraha Aokay puy o: Uhuyka ayankep newa katpak kusu an ayankep Aokay kor rusuy somo ki ruwre ne.

Sacrifice and offering thou hast no delight in; mine ears hast thou opened: burnt offering and sin offering hast thou not required.

Nei ita ene ku itak-hi: —Hetak, ku ek shiriki: Nei kambi-sosh kata en gusu anuye wa an na:

Ne hi ta ene ku=itak hi: —Hetak, ku=ek siriki: Ne kampi-sos kata en kusu a=nuye wa an na:

Then said I, Lo, I am come; in the roll of the book it is written of me:

Aa ku goro Kamui, E korʼirenga ku ki kuni ku konoburu na; Ruwe ne wa, E koro tuitak anak ne ku keutum ta an ruwe ne.

Aa ku=kor Kamuy, E=kor irenka ku=ki kuni ku konopuru na; Ruwe ne wa, E=kor tuytak anakne ku=kewtum ta an ruwe ne.

I delight to do thy will, O my God; yea, thy law is within my heart.

Poro uwekari otta oupeka ambe ku eupaskuma ki nisa; Hetak, ku papush shomo ku seshke kusu ne, sekoro, Aa Ehoba, Aokai eraman ruwe ne.

Poro uekari or ta owpeka anpe ku=ewpaskuma ki nisa; Hetak, ku=papus somo ku=seske kusu ne, sekor, Aa Ehoba, Aokay eraman ruwe ne.

I have published righteousness in the great congregation; lo, I will not refrain my lips, O LORD, thou knowest.

E koro oupeka orushpe ku keutum oshiketa shomo ku nuina nisa; E koro ikipniukesh-hi newa kashiobiuki-hi ku ye nisa: Poro uwekari gusu E koro omap-an-ramuhauge-hi newa sonep shomo ku nuina nisa ruwe ne.

E=kor owpeka oruspe ku=kewtum oske ta somo ku=nuyna nisa; E=kor ikipniwkes hi newa kasiopiwki hi ku=ye nisa: Poro uekari kusu E=kor omap-an-ramuhawke hi newa sonep somo ku=nuyna nisa ruwe ne.

I have not hid thy righteousness within my heart; I have declared thy faithfulness and thy salvation: I have not concealed thy lovingkindness and thy truth from the great congregation.

Aa Ehoba, en gusu iteki E koro ramuhauge-rampoken seshke wa en kore: E koro omap-an-ramuhaugep newa sonep anak ne ramma en koshiratkire wa en kore.

Aa Ehoba, en kusu iteki E=kor ramuhawke-ranpoken seske wa en=kore: E=kor omap-an-ramuhawkep newa sonep anakne ramma en kosiratkire wa en=kore.

Withhold not thou thy tender mercies from me, O LORD: let thy lovingkindness and thy truth continually preserve me.

Inambe gusu ne yakun, inne no okai wenbe en nikkotama, Ku nan-epuni eaikap pakno ku ki ohaitap en oshkoni ruwe ne; Ku sapa otop-tu kasu no inne wa gusu ku keutum nin shiriki.

Inanpe kusu ne yakun, inne no okay wenpe en nikkotama, Ku=nan-epuni eaykap pakno ku=ki ohaytap en=oskoni ruwe ne; Ku=sapa otop-tu kasuno inne wa kusu ku=kewtum nin siriki.

For innumerable evils have compassed me about, mine iniquities have overtaken me, so that I am not able to look up; they are more than the hairs of mine head, and my heart hath failed me.

Aa Ehoba, irenga sange wa en kashiobiuki wa en kore: Aa Ehoba, chashnu no en ikashiu wa en kore.

Aa Ehoba, irenka sanke wa en=kasiopiwki wa en=kore: Aa Ehoba, casnu no en ikasiw wa en=kore.

Be pleased, O LORD, to deliver me: make haste to help me, O LORD.

Ku ramat isamka kuni gusu hunara utara Shine-ikinne ayainikoroshmare wa sambe kokurusere wa en kore: En wende rusui utara Aehorokare wa akoatcha kuni ne kara wa en kore.

Ku=ramat isamka kuni kusu hunara utar Sine-ikinne ayaynikorosmare wa sanpe kokurusere wa en=kore: En=wente rusuy utar Aehorokare wa a=koatca kuni ne kar wa en=kore.

Let them be ashamed and confounded together that seek after my soul to destroy it: let them be turned backward and brought to dishonour that delight in my hurt.

En orun, Aba, Aba, ye utara anak ne Yainikoroshma wa aiekimatekte wa en kore.

En=orun, Apa, Apa, ye utar anakne Yaynikorosma wa ayekimatekte wa en=kore.

Let them be desolate by reason of their shame that say unto me, Aha, Aha.

E hunara utara anak ne obitta Aokai gusu nupetne wa yainuchattekka wa en kore: E kashiobiuki-hi omap wa ramma kane Ehoba apasere an na, sekoro yere wa en kore.

E hunara utar anakne opitta Aokay kusu nupetne wa yaynucattekka wa en=kore: E kasiopiwki hi omap wa ramma kane Ehoba a=pasere an na, sekor yere wa en=kore.

Let all those that seek thee rejoice and be glad in thee: let such as love thy salvation say continually, The LORD be magnified.

Koroka, kuani anak ne otek-sak wa irapokkari guru ne; Utarapa en esanniyo: Aokai anak ne ikasbiu Kamui ne, en kashiobiukip ne; Aa ku goro Kamui, iteki tere wa en kore.

Korka, kuani anakne otek-sak wa irapokkari kur ne; Utarpa en=esanniyo: Aokay anakne ikaspiw Kamuy ne, en kasiopiwkip ne; Aa ku=kor Kamuy, iteki tere wa en=kore.

But I am poor and needy; [yet ]the Lord thinketh upon me: thou art my help and my deliverer; make no tarrying, O my God.