84 Ik.

Shinotcha esapane guru gusu; Gittet gusu. Kora poho kara iyohaichish.

Sinotca esapane kur kusu; Gittet kusu. Kor poho kar iyohaycis.

For the Chief Musician; set to the Gittith. A Psalm of the sons of Korah.

AA topaha koro Ehoba, E koro kash anak ne nep eramasu humi!

Aa topaha kor Ehoba, E=kor kas anakne nep eramasu humi!

How amiable are thy tabernacles, O LORD of hosts!

Ku ramat anak ne Ehoba koro kash gusu eyaikatekara, ruwe newa, ramurai ruwe ne; Ku sambe newa ku kam anak ne ishu Kamui gusu ehaukashu ruwe ne.

Ku=ramat anakne Ehoba kor kas kusu eyaykatekar, ruwe newa, ramuray ruwe ne; Ku=sanpe newa ku=kam anakne i=su Kamuy kusu ehawkasu ruwe ne.

My soul longeth, yea, even fainteth for the courts of the LORD; my heart and my flesh cry out unto the living God.

Ruwe un, amam-e-chikap anak ne yaikota gusu chisei pa, Kapap chikap ne yakka koro poho ande kuni yaikota gusu ushike pa nisa, Nei ambe anak ne Aa topaha koro Ehoba, En esapane Kamui, ku goro Kamui, E koro yange set ne ruwe ne.

Ruwe un, amam-e-cikap anakne yaykota kusu cise pa, Kapap cikap ne yakka kor poho ante kuni yaykota kusu usike pa nisa, Ne anpe anakne Aa topaha kor Ehoba, En=esapane Kamuy, ku=kor Kamuy, E=kor yanke set ne ruwe ne.

Yea, the sparrow hath found her an house, and the swallow a nest for herself, where she may lay her young, even thine altars, O LORD of hosts, my King, and my God.

E kot chisei ta oshiroma utara anak ne anunuke ne: Ramne to nei utara anak ne E koiramye na. [Sera.]

E kot cise ta osiroma utar anakne a=nunuke ne: Ramne to ne utar anakne E koyramye na. [Sera.]

Blessed are they that dwell in thy house: they will be still praising thee. Selah

E oshiketa kiroro koro gurʼanak ne anunuke ne; Shinuma koro keutum ta nei para-ru an ruwe ne gusu ne na.

E oske ta kiroro kor kur anakne a=nunuke ne; Sinuma kor kewtum ta ne para-ru an ruwe ne kusu ne na.

Blessed is the man whose strength is in thee; in whose heart are the highways [to Zion].

Nei utara Chish pinnai kush wa wakka purupuruge-i ne kara; Ruwe newa, aro-tunash apto anak ne nunuke ambe ani kamure ruwe ne.

Ne utar Cis pinnay kus wa wakka purpurke hi ne kar; Ruwe newa, a=ro-tunas apto anakne nunuke anpe ani kamure ruwe ne.

Passing through the valley of Weeping they make it a place of springs; yea, the early rain covereth it with blessings.

Kiroro wano kiroro pakno nei utara paye, Pishno pishno Zion otta an Kamui kotchaketa araki ruwe ne.

Kiroro wano kiroro pakno ne utar paye, Pisno pisno Zion or ta an Kamuy kotcake ta arki ruwe ne.

They go from strength to strength, every one of them appeareth before God in Zion.

Aa topaha koro Kamui ne Ehoba, ku ki inonno-itak nu wa en kore: Aa Yakob koro Kamui ikokanu wa en kore. [Sera.]

Aa topaha kor Kamuy ne Ehoba, ku=ki inonno-itak nu wa en=kore: Aa Yakob kor Kamuy ikokanu wa en=kore. [Sera.]

O LORD God of hosts, hear my prayer: give ear, O God of Jacob. Selah

Aa chikoro kikhumbe ne Kamui, ingara yan, E koro kashi-aota guru koro nanuhu orun ingara.

Aa ci=kor kikhunpe ne Kamuy, inkar yan, E=kor kasi-a=o ta kur kor nanuhu orun inkar.

Behold, O God our shield, and look upon the face of thine anointed.

Shine toho uturu E kot chisei ta an i anak ne wan hotne to kasu no pirika ruwe ne. Wen-buri an kash otta oshiroma kasu no Ku goro Kamui kot chisei apa pungine a-i ku konoburu ruwe ne.

Sine toho uturu E kot cise ta an i anakne wan hotne to kasuno pirka ruwe ne. Wen-puri an kas or ta osiroma kasuno Ku=kor Kamuy kot cise apa punkine a hi ku konopuru ruwe ne.

For a day in thy courts is better than a thousand. I had rather be a doorkeeper in the house of my God, than to dwell in the tents of wickedness.

Inambe gusu ne yakun, Ehoba ne Kamui anak ne chup ne, kikhumbe ne ruwe ne: Ehoba anak ne irenga newa nupeki koropare kusu ne: Oupeka no apkash utara gusu nep pirikap ne yakka koropare kusu ne ruwe ne.

Inanpe kusu ne yakun, Ehoba ne Kamuy anakne cup ne, kikhunpe ne ruwe ne: Ehoba anakne irenka newa nupeki korpare kusu ne: Owpekano apkas utar kusu nep pirka p ne yakka korpare kusu ne ruwe ne.

For the LORD God is a sun and a shield: the LORD will give grace and glory: no good thing will he withhold from them that walk uprightly.

Aa topaha koro Ehoba, E otta eyaikopashte gurʼanak ne anunuke ne ruwe ne.

Aa topaha kor Ehoba, E or ta e=yaykopaste kur anakne a=nunuke ne ruwe ne.

O LORD of hosts, blessed is the man that trusteth in thee.