共観表
Mattaios 10.1 §79II
1 Orowa, Shinuma anak ne koro koikara utara ne tun ikashima wa niu shihekote hotuyekara, aige, ichakkere ramat oashinge kuni mondum hemhem nep tashum ne yakka nep shiyeye ne yakka iwangere kuni mondum hemhem koropare nisa ruwe ne.
Orowa, Sinuma anakne kor koykar utar ne tun ikasma wa niw sihekote hotuyekar, ayke, icakkere ramat oasinke kuni montum hemhem nep tasum ne yakka nep siyeye ne yakka iwankere kuni montum hemhem korpare nisa ruwe ne.
Markos 3.13-16A §29II
13 Orowa, Shinuma nupuri hemesu, awa, orota rengaine utara hotuyepakara, aige, ahotuyepakara utara Shinuma otta paye nisa ruwe ne.
Orowa, Sinuma nupuri hemesu, awa, oro ta renkayne utar hotuyepakara, ayke, ahotuyepakara utar Sinuma or ta paye nisa ruwe ne.
14 Orowa, Shinuma tu niu ikashima wa niu tura no okai kuni ne,
Orowa, Sinuma tu niw ikasma wa niw turano okay kuni ne,
15 samata, upaskuma ki kuni ne payere gusu, orowa, nitne kamui oashinge kuni mondum akore kuni gusu are nisa ruwe ne:
sama ta, upaskuma ki kuni ne payere kusu, orowa, nitne kamuy oasinke kuni montum a=kore kuni kusu are nisa ruwe ne:
16 orowa, Simon anak ne Petros ani reikore:
orowa, Simon anakne Petros ani rékore:
Roukos 9.1-2 §86II
1 Orowa, Shinuma nei tun ikashima wan koikara utara uwekarapare wa obitta no okai nitne kamui oashinge hemhem ki, tashum iwangere hemhem ki kuni kiroro newa mondum koropare nisa ruwe ne.
Orowa, Sinuma ne tun ikasma wan koykar utar uwekarpare wa opittano okay nitne kamuy oasinke hemhem ki, tasum iwankere hemhem ki kuni kiroro newa montum korpare nisa ruwe ne.
2 Orowa, Kamui moshiri eupaskuma hemhem ki, tumu wen utara iwangere hemhem ki kuni ne payere.
Orowa, Kamuy mosir ewpaskuma hemhem ki, tumu wen utar iwankere hemhem ki kuni ne payere.
Mattaios 10.2-4 §80II
2 Orowa nei tun ikashima wan koikara utara reihei anak ne tambe ne ruwe ne: Hoshiki, Petros ari an reihei koro Simon newa koro iriwak Andreas an; Zebedaios poho Yakob newa koro iriwak ne Yoannes an;
Orowa ne tun ikasma wan koykar utar rehe anakne tanpe ne ruwe ne: Hoski, Petros ari an rehe kor Simon newa kor irwak Andreas an; Zebedayos poho Yakob newa kor irwak ne Yoannes an;
3 Pirippos newa Bartoromaios an; Tomas newa yaku etaye guru ne Mattaios an; Arpaios koro poho Yakob an; Taddaios an; Kanaan moshirʼun guru ne
Pirippos newa Bartoromayos an; Tomas newa yaku etaye kur ne Mattayos an; Arpayos kor poho Yakob an; Taddayos an; Kanaan mosir un kur ne
4 Simon newa Yesu ekoshi Kariot kotan un Youdas an ruwe ne.
Simon newa Yesu ekosi Kariot kotan un Yowdas an ruwe ne.
Markos 3.16B-19 §30II
16 orowa, Simon anak ne Petros ani reikore:
orowa, Simon anakne Petros ani rékore:
17 shui, Zebedaios koro poho Yakob newa shinuma koro iriwak Yoannes, tan utara Boanerges ani reikore, tambe anak Kamui-hum poho ikkewe ani an itak ne:
suy, Zebedayos kor poho Yakob newa sinuma kor irwak Yoannes, tan utar Boanerges ani rékore, tanpe anak Kamuy-hum poho ikkewe ani an itak ne:
18 orowa, Andreas hene, Piripos hene, Bartoromaios hene, Mattaios hene, Tomas hene,
orowa, Andreas hene, Piripos hene, Bartoromayos hene, Mattayos hene, Tomas hene,
19 Arupaios poho ne Yakob hene, Taddaios hene, Kanaan un Simon hene, orowa, Shinuma ekoshi Kariot kotan un guru ne Yudas hene ne ruwe ne.
Arupayos poho ne Yakob hene, Taddayos hene, Kanaan un Simon hene, orowa, Sinuma ekosi Kariot kotan un kur ne Yudas hene ne ruwe ne.
Roukos 6.13-16 §44II
13 Orowa, tokap ne chiki koikara utara shihekote hotuyekara: awa, nei tumuge wano tu niu ikashima wa niu numge wa Apostoro reihei ani reikore ruwe ne.
Orowa, tokap ne ciki koykar utar sihekote hotuyekar: awa, ne tumuke wano tu niw ikasma wa niw numke wa Apostoro rehe ani rékore ruwe ne.
14 Petros ani areikore Simon newa koro ainu iriwak Andreas an;
Petros ani a=rékore Simon newa kor aynu irwak Andreas an;
15 Yakob newa Yoannes an; Piripos newa Bartoromaios an; Mattaios newa Tomas an; Arupaios poho Yakob newa Zerotes ani aye Simon an;
Yakob newa Yoannes an; Piripos newa Bartoromayos an; Mattayos newa Tomas an; Arupayos poho Yakob newa Zerotes ani a=ye Simon an;
16 Yakob poho Youdas newa Yesu ekoshi guru ne nisa Kariot kotan un guru Youdas an;
Yakob poho Yowdas newa Yesu ekosi kur ne nisa Kariot kotan un kur Yowdas an;
Mattaios 10.5-6 §81X
5 Yesu anak ne tan tun ikashima wa niu payere hine kashpaotte wa ene itak-hi :—
Yesu anakne tan tun ikasma wa niw payere hine kaspaotte wa ene itak hi :—
6 Oya uirup koro ru oro-peka iteki paye yan, samata, Samaria un utara koro kotan orota ne yakka iteki ahup: koroka, ouse Israeru chisei un ru turainu wa okai hitsuji chikoikip otta paye yan.
Oya uyrup kor ru oro-peka iteki paye yan, sama ta, Samaria un utar kor kotan oro ta ne yakka iteki ahup: korka, owse Israeru cise un ru turaynu wa okay hitsuji cikoykip or ta paye yan.
Mattaios 10.7-10 §82II
7 Orowa, echi paye, aige upaskuma ki wa — Kando moshiri ehange no an ruwe ne, — ari an itak ari itak yan.
Orowa, eci=paye, ayke upaskuma ki wa — Kanto mosir ehanke no an ruwe ne, — ari an itak ari itak yan.
8 Tashum utara iwangere, rai utara hetopo-shiknure, munin tashum ki utara ashkannere, nitne kamui oashinge yan: oro isam no echi eungerai, oro isam no koropare yan.
Tasum utar iwankere, ray utar hetopo-siknure, munin tasum ki utar askannere, nitne kamuy oasinke yan: oro isam no eci=eunkeray, oro isam no korpare yan.
9 Kongani hene, shirokani hene, shiuninkani hene echi koro kani o pukuru otta iteki omare; orowa, payekai pusaru iteki koro,
Konkani hene, sirokani hene, siwninkani hene eci=kor kani o pukuru or ta iteki omare; orowa, payekay pusaru iteki kor,
10 tu amip hene, keirehe hene, kuwa bene iteki koro yan: inambe gusu ne yakun, monraige guru anak ne aep uk kunip ne ruwe ne.
tu amip hene, keyrehe hene, kuwa pene iteki kor yan: inanpe kusu ne yakun, monrayke kur anakne aep uk kunip ne ruwe ne.
Markos 6.7-9 §53II
7 Orowa, Shinuma nei tu niu ikashima wa niu shihekote hotuyekara wa tun range payere heashi; awa, Ichakkere ramat oashinge kuni mondum koropare; samata,
Orowa, Sinuma ne tu niw ikasma wa niw sihekote hotuyekar wa tun ranke payere heasi; awa, Icakkere ramat oasinke kuni montum korpare; sama ta,
8 payekai gusu kuwa moshima nep ne yakka koro shomoki kuni kashpaotte; aep hene, pusaru hene, ichen o pukuru otta kani hene iteki koro kuni kashpaotte;
payekay kusu kuwa mosma nep ne yakka kor somo ki kuni kaspaotte; aep hene, pusaru hene, icen o pukuru or ta kani hene iteki kor kuni kaspaotte;
9 koroka, shutu keire ush koro paye; samata, tu amip iteki yaitomchiure kuni kashpaotte nisa ruwe ne.
korka, sutu ker us kor paye; sama ta, tu amip iteki yaytomciwre kuni kaspaotte nisa ruwe ne.
Roukos 9.3-4 §87II
3 Aige, orota ene itak-hi :— Payekai kuni nep ne yakka kuwa hene, pusaru hene, aep hene, ichen hene, iteki koro, naa samata, tu mipihi ne yakka iteki koro yan.
Ayke, oro ta ene itak hi :— Payekay kuni nep ne yakka kuwa hene, pusaru hene, aep hene, icen hene, iteki kor, naa sama ta, tu mipihi ne yakka iteki kor yan.
4 Samata, nep chisei ta echi ahup yakka nei chisei ta riya, orowa nei chisei wano paye.
Sama ta, nep cise ta eci=ahup yakka ne cise ta riya, orowa ne cise wano paye.
Mattaios 10.11 §83II
11 Orowa, nep machiya ta hene nep kotan ta hene ne yakka echi kush chiki, nei ushiketa okai pirika guru hunara yan; orowa, ehopiru wa oman pakno nei guru otta reushi yan.
Orowa, nep maciya ta hene nep kotan ta hene ne yakka eci=kus ciki, ne uske ta okay pirka kur hunara yan; orowa, ehopiru wa oman pakno ne kur or ta rewsi yan.
Roukos 9.3-4 §87II
3 Aige, orota ene itak-hi :— Payekai kuni nep ne yakka kuwa hene, pusaru hene, aep hene, ichen hene, iteki koro, naa samata, tu mipihi ne yakka iteki koro yan.
Ayke, oro ta ene itak hi :— Payekay kuni nep ne yakka kuwa hene, pusaru hene, aep hene, icen hene, iteki kor, naa sama ta, tu mipihi ne yakka iteki kor yan.
4 Samata, nep chisei ta echi ahup yakka nei chisei ta riya, orowa nei chisei wano paye.
Sama ta, nep cise ta eci=ahup yakka ne cise ta riya, orowa ne cise wano paye.
Roukos 10.7A §112II
7 Orowa, nei chisei ta echi reushi wa ikore an aep ibe hemhem ki iku hemhem ki yan: monraige guru anak ne pummaha uk kuni guru ne ruwe ne gusu ne na.
Orowa, ne cise ta eci=rewsi wa ikore an aep ipe hemhem ki iku hemhem ki yan: monrayke kur anakne pummaha uk kuni kur ne ruwe ne kusu ne na.
Mattaios 10.12-13 §84V
12 Orowa chisei ta echi ahup chiki ko-ongami yan.
Orowa cise ta eci=ahup ciki ko-onkami yan.
13 Orowa, chisei koro guru echi korʼirenga kon rusui yakun, kore yan: koroka, shomoki yak anak ne, echi koro irenga kanna boshipire yan.
Orowa, cise kor kur eci=kor irenka kor rusuy yakun, kore yan: korka, somo ki yakanak ne, eci=kor irenka kanna posipire yan.
Roukos 10.5-6 §111V
5 Orowa, nep chisei ta echi ahup yakka hoshiki no ene itak yan :— Tan chisei otta itomo anro.
Orowa, nep cise ta eci=ahup yakka hoskino ene itak yan :— Tan cise or ta i=tom an ro.
6 Orowa, nei chisei ta itomo poho an chiki nei kashiketa e koro itomo an kusu ne; shomo an chiki nei ambe echi otta hoshipi kusu ne na.
Orowa, ne cise ta i=tom poho an ciki ne kasike ta e=kor i=tom an kusu ne; somo an ciki ne anpe eci or ta hosipi kusu ne na.
Mattaios 10.14-15 §85II
14 Orowa, nen ne yakka echi uk shomoki no echi ye itak shomo nu yakun, nei chisei hene nei machiya hene orowa no echi ehopiru wa paye chiki, echi chikiri ush koponchi tuituye yan.
Orowa, nen ne yakka eci=uk somo ki no eci=ye itak somo nu yakun, ne cise hene ne maciya hene oro wano eci ehopiru wa paye ciki, eci=cikiri us koponci tuytuye yan.
15 Son no echi otta Ku ye, koipishi toho ta Sodom newa Gomoron kotan akore panakte-i anak ne nei kotan kasu no kasush kusu ne.
Sonno eci or ta Ku=ye, koypisi toho ta Sodom newa Gomoron kotan a=kore panakte hi anakne ne kotan kasuno kasus kusu ne.
Markos 6.11 §55II
11 Orowa, nep ushike ne yakka echi uk shomoki no shomo echi nu chiki, nei ushike orowa no echi paye koro, nei utara epeka no an paweteshu ne gusu echi chikiri pok ush koponchi tuituye yan, ari itak.
Orowa, nep usike ne yakka eci=uk somo ki no somo eci=nu ciki, ne usike oro wano eci=paye kor, ne utar epeka no an pawetesu ne kusu eci=cikiri pok us koponci tuytuye yan, ari itak.
Roukos 9.5 §88II
5 Orowa, nen ne yakka echi uk shomoki utara, otta epeka paweteshu ne gusu, nei kotan ekohopi ita echi chikiri ush koponchi tuituye yan, ari itak.
Orowa, nen ne yakka eci=uk somo ki utar, or ta epeka pawetesu ne kusu, ne kotan ekohopi hi ta eci=cikiri us koponci tuytuye yan, ari itak.
Roukos 10.10-12 §114II
10 Koroka, nep machiya otta ne yakka echi ahup wa okai utara echi uina shomoki chiki; nei machiya un pararu otta echi soyumba wa ene itak yan :—
Korka, nep maciya or ta ne yakka eci=ahup wa okay utar eci=uyna somo ki ciki; ne maciya un pararu or ta eci=soyunpa wa ene itak yan :—
11 Chikoro chikiri ush echi koro machiya un koponchi poka echi epeka no chi piruba ruwe ne: yakka, Kamui moshiri ehange no ek an sekorʼambe echi eramu yan.
Ci=kor cikiri us eci=kor maciya un koponci poka eci=epeka no ci pirpa ruwe ne: yakka, Kamuy mosir ehanke no ek an sekor anpe eci=eramu yan.
12 Echi otta Ku ye :— Nei toho ta anak ne nei machiya kasu no Sodom kotan anak naa kashush no okai kusu ne.
Eci or ta Ku=ye :— Ne toho ta anakne ne maciya kasuno Sodom kotan anak naa kasus no okay kusu ne.
Mattaios 10.16 §86V
16 Ingarʼan, Kuani echi payere ash katu anak ne hitsuji horokeu tumu un ahupte korachi ne: tambe gusu, okokko pakno wayashnu no okai, kusuwep puri-ratchi pakno puri-ratchi wa okai yan.
Inkar=an, Kuani eci=payere as katu anakne hitsuji horkew tumu un ahupte koraci ne: tanpe kusu, okokko pakno wayasnu no okay, kusuwep puri-ratci pakno puri-ratci wa okay yan.
Mattaios 10.17-18 §87I
17 Koroka, utara yaitubare yan: inambe gusu ne yakun, utara anak ne ukoramkoro utara otta echi sange, orowa, koro uwekari chisei ta echi koshirkik kusu ne gusu ne na;
Korka, utar yaytupare yan: inanpe kusu ne yakun, utar anakne ukoramkor utar or ta eci=sanke, orowa, kor uekari cise ta eci kosirkik kusu ne kusu ne na;
18 ruwe un, Ku rengap gusu moshiri esapane utara shik-samata hene, moshiri epungine utara tek samata hene echi nimba an kusu ne, tambe anak ne nei utara gusu hene, oya moshirʼun utara gusu hene shirosh ne kusu ne na.
ruwe un, Ku=renkap kusu mosir esapane utar sik-sama ta hene, mosir epunkine utar teksama ta hene eci=ninpa an kusu ne, tanpe anakne ne utar kusu hene, oya mosir un utar kusu hene siros ne kusu ne na.
Markos 13.9 §139I
9 Koroka, echi utara yaitubare yan: inambe gusu ne yakun, utara anak ne ukoramkoro utara otta echi ekoshi kusu ne: orowa no, Uwekarapa chisei ta echi shirikik an, samata, nei utara epeka no paweteshu-i echi ne kuni Ku rengap gusu Esapane utara newa Moshiri shikkashima utara shik-samata echi roshki kusu ne.
Korka, eci utar yaytupare yan: inanpe kusu ne yakun, utar anakne ukoramkor utar or ta eci=ekosi kusu ne: orowano, Uekarpa cise ta eci=sirkik an, sama ta, ne utar epeka no pawetesu hi eci ne kuni Ku=renkap kusu Esapane utar newa Mosir sikkasima utar sik-sama ta eci=roski kusu ne.
Roukos 21.12-13 §250I
12 Koroka, obitta no tap okaibe an etokota, utara anak ne Ku reihei rengap gusu echi kishima wa echi epokba, aige, uwekarapa chisei otta hemhem, upakashnu chisei otta hemhem echi ekoshi hine Moshiri esapane utara newa epungine utara orun echi tura kusu ne.
Korka, opittano tap okaype an etoko ta, utar anakne Ku=rehe renkap kusu eci=kisma wa eci epokpa, ayke, uekarpa cise or ta hemhem, upakasnu cise or ta hemhem eci=ekosi hine Mosir esapane utar newa epunkine utar orun eci tura kusu ne.
13 Nei ambe anak ne echi otta paweteshu ne kusu ne.
Ne anpe anakne eci or ta pawetesu ne kusu ne.
Yoannes 15.21A §141I
21 Koroka, nei utara anak ne En omandep eamkiri shomoki gusu Ku reihei rengap gusu obitta no okai tap okaibe echi otta ki kusu ne na.
Korka, ne utar anakne En omantep e=amkir somo ki kusu Ku=rehe renkap kusu opittano okay tap okaype eci or ta ki kusu ne na.
Yoannes 16.2B-4A §146I
2 Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.
Utar anakne Uekarpa cise oro wano eci=emaka: ruwe ne wa, nen ne yakka eci=ronnu kur anakne Kamuy or ta yaysieywankere kuni ramu kusu ne pakihi ek ruwe ne.
3 Nei utara Michi eamkiri shomoki, En eamkiri ka shomoki gusu tap okaibe ki kusu ne.
Ne utar Mici e=amkir somo ki, En=e=amkir ka somo ki kusu tap okaype ki kusu ne.
4 Koroka, tan orushpe echi otta Ku ye ikkewehe anak ne, nei pakihi hetuku chiki, nei orushpe Kuani echi nure ash a ambe echi eshkarun kuni gusu an ap ne ruwe ne. Orowa, atpake wano tap okai orushpe shomo echi orun Ku ye, echi tura no Ku an nisa ruwe ne gusu ne na.
Korka, tan oruspe eci or ta Ku=ye ikkewehe anakne, ne pakihi hetuku ciki, ne oruspe Kuani eci=nure as a anpe eci=eskarun kuni kusu an ap ne ruwe ne. Orowa, atpake wano tap okay oruspe somo eci=orun Ku=ye, eci turano Ku=an nisa ruwe ne kusu ne na.
Mattaios 10.19-22 §88II
19 Koroka, echi asange ita, nekon a, hemanda an itak ani itak ya gusu iteki nishomap yan: hemanda gusu ne yakun, nei ita echi ye kuni itak anak ne akoropare kusu ne gusu ne na.
Korka, eci=a=sanke hi ta, nekona, hemanta an itak ani itak ya kusu iteki nisomap yan: hemanta kusu ne yakun, ne hi ta eci=ye kuni itak anakne a=korpare kusu ne kusu ne na.
20 Echi yaikota ye itak shomo ne wa, echi koro Michi kon Ramat echi keutura oshiketa itak hawe ne ruwe ne.
Eci=yaykota ye itak somo ne wa, eci=kor Mici kor Ramat eci kewtura oske ta itak hawe ne ruwe ne.
21 Orowa, iriwak anak ne iriwakihi araigere gusu ekoshi, michihi anak ne koro poho sange kusu ne: samata, po utara anak ne koro ona koro unu koiyonnuppa wa raigere kusu ne.
Orowa, irwak anakne iriwakihi a=raykere kusu ekosi, micihi anakne kor poho sanke kusu ne: sama ta, po utar anakne kor ona kor unu koiyonnuppa wa raykere kusu ne.
22 Orowa, echi utara anak ne Ku reihei ankushkeraipo obitta no okai utara orowa no aetunne kusu ne: koroka, okese pakno yaishiporore gurʼanak ne, nei gurʼanak kashiaobiuki kusu ne.
Orowa, eci utar anakne Ku=rehe an kuskeraypo opittano okay utar oro wano a=etunne kusu ne: korka, okes pakno yaysiporore kur anakne, ne kur anak kasiaopiwki kusu ne.
Markos 13.11-13 §141II
11 Orowa, utara echi ani wa ekoshi ita, nekon a katu an itak ani ye ya, iteki etokota nishomap yan; koroka, nei pakihi ta nep ne yakka echi koropare an ambe ani echi ye kusu ne; echi yaikota ye itak shomo ne, Ashkanne Ramat ye itak ne ruwe ne gusu ne na.
Orowa, utar eci ani wa ekosi hi ta, nekona katu an itak ani ye ya, iteki etoko ta nisomap yan; korka, ne pakihi ta nep ne yakka eci=korpare an anpe ani eci=ye kusu ne; eci=yaykota ye itak somo ne, Askanne Ramat ye itak ne ruwe ne kusu ne na.
12 Ainu iriwak anak ne koro ainu iriwak araigere gusu ekoshi, michi anak ne koro poho ekoshi kusu ne; orowa, po utara anak ne koro eshikop kopiuki wa raige kusu ne na.
Aynu irwak anakne kor aynu irwak a=raykere kusu ekosi, mici anakne kor poho ekosi kusu ne; orowa, po utar anakne kor esikop kopiwki wa rayke kusu ne na.
13 Samata, echi utara anak ne Ku reihei rengap gusu obitta no okai utara orowa no aetunne kusu ne: koroka, kesehe pakno yaishiporore guru anak ne, nei guru anak kashi-a-obiuki kusu ne na.
Sama ta, eci utar anakne Ku=rehe renkap kusu opittano okay utar oro wano a=etunne kusu ne: korka, kesehe pakno yaysiporore kur anakne, ne kur anak kasi-a-opiwki kusu ne na.
Roukos 12.11-12 §148II
11 Orowa, utara anak ne Uwekarapa chisei otta hene, esapane utara otta hene, mondum koro utara otta hene echi tak chiki, hemanda ku ye ya, nekon a katu an itak ani ku ese ya, gusu iteki enishomap yan;
Orowa, utar anakne Uekarpa cise or ta hene, esapane utar or ta hene, montum kor utar or ta hene eci=tak ciki, hemanta ku=ye ya, nekona katu an itak ani ku=ese ya, kusu iteki enisomap yan;
12 inambe gusu ne yakun, nei ita anak ne nekon a itak ani echi itak kusu ne ap, Ashkanne Ramat echi epakashnu kusu ne na.
inanpe kusu ne yakun, ne hi ta anakne nekona itak ani eci=itak kusu ne ap, Askanne Ramat eci=epakasnu kusu ne na.
Roukos 21.14-19 §251II
14 Tambe gusu, nei etokota nekon a echi ese ya iteki yaikoshiramse kuni echi keutum ta oshitchiu yan: inambe gusu ne yakun,
Tanpe kusu, ne etoko ta nekona eci=ese ya iteki yaykosiramse kuni eci=kewtum ta ositciw yan: inanpe kusu ne yakun,
15 Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na.
Kuani anakne opittano okay eci epokpa utar eyoko hemhem ki, or ta ese itak hemhem ki eaykap paroho newa wayasnu hi eci=kore as na.
16 Koroka, echi utara anak ne eshikop orowa no hene, iriwak orowa no hene, utara orowa no hene, nimaraha orowa no hene poka aekoshi kusu ne; samata, echi tumugeta okai sereke an utara aronnure kusu ne ruwe ne.
Korka, eci utar anakne esikop oro wano hene, irwak oro wano hene, utar oro wano hene, nimaraha oro wano hene poka a=ekosi kusu ne; sama ta, eci=tumke ta okay serke an utar aronnure kusu ne ruwe ne.
17 Orowa, Ku reihei ankushkerai gusu echi utara obitta no okai utara orowa no aetunne kusu ne.
Orowa, Ku=rehe an kuskeray kusu eci utar opittano okay utar oro wano a=etunne kusu ne.
18 Orowa, echi sapa un shine otop tu ne yakka aisamka shomoki.
Orowa, eci=sapa un sine otop tu ne yakka a=ysamka somo ki.
19 Echi yaishiporore wa kon ramat echi koro kusu ne.
Eci=yaysiporore wa kor ramat eci=kor kusu ne.
Mattaios 10.23 §89X
23 Koroka, tan machiya ta utara echi keshke chiki, nei samake an machiya orun kira yan: son no echi otta Ku ye, — Echi utara Israeru un machiya ebitta kush shomoki, aine, Ainu Poho ek kusu ne na.
Korka, tan maciya ta utar eci=keske ciki, ne samake an maciya orun kira yan: sonno eci or ta Ku=ye, — Eci utar Israeru un maciya epitta kus somo ki, ayne, Aynu Poho ek kusu ne na.
Mattaios 10.24-25A §90III
24 Koikara guru anak ne epakashnu guru kasu no an ambe shomo ne, ausshiunere guru anak ne kon nishpa kasu no an ambe shomo ne ruwe ne.
Koykar kur anakne epakasnu kur kasuno an anpe somo ne, aussiwnere kur anakne kor nispa kasuno an anpe somo ne ruwe ne.
25 Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?
Koykar kur anakne kor epakasnu kur néno an, aussiwnere kur kor nispa néno an anpe anakne pakno ne ruwe ne: cise kor nispa Beeruzeboru ani rékore yakun, kasuno ne cise un utar ne yakka somo ki kusu ne ya?
Roukos 6.40 §58III
40 Koikara guru anak ne koro epakashnu guru kasu no pase shomo ne: koroka, inan guru ne yakka ramuashinnere chiki anak ne koro epakashnu guru korachi an kusu ne.
Koykar kur anakne kor epakasnu kur kasuno pase somo ne: korka, inan kur ne yakka ramuasinnere ciki anakne kor epakasnu kur koraci an kusu ne.
Yoannes 13.16-17 §118III
16 Son no, son no, echi otta Ku ye, koro nishpa kasu no anak usshiune guru anak ne pase shomo ne; samata, apostoro anak ne shinuma omande guru kasu no pase shomo ne ruwe ne.
Sonno, sonno, eci or ta Ku=ye, kor nispa kasuno anak ussiw ne kur anakne pase somo ne; sama ta, apostoro anakne sinuma omante kur kasuno pase somo ne ruwe ne.
17 Tap okai orushpe echi eraman wa nei no ki yakun echi anunuke an ruwe ne.
Tap okay oruspe eci=eraman wa néno ki yakun eci=a=nunuke an ruwe ne.
Yoannes 15.20A §139III
20 Ausshiune guru anak ne kon nishpa kasu no shomo ne ruwe ne. Utara anak ne En epokba yak anak ne, echi utara ne yakka aepokba kusu ne na; nei utara anak ne Ku ki itak shikkashima yak anak ne, echi ki itak ne yakka shikkashima kusu ne na.
aussiwne kur anakne kor nispa kasuno somo ne ruwe ne. Utar anakne En epokpa yakanak ne, eci utar ne yakka aepokpa kusu ne na; ne utar anakne Ku=ki itak sikkasima yakanak ne, eci=ki itak ne yakka sikkasima kusu ne na.
Mattaios 10.25B-26A §91X
25 Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?
Koykar kur anakne kor epakasnu kur néno an, aussiwnere kur kor nispa néno an anpe anakne pakno ne ruwe ne: cise kor nispa Beeruzeboru ani rékore yakun, kasuno ne cise un utar ne yakka somo ki kusu ne ya?
26 Tambe gusu iteki nei utara koishitoma yan; inambe gusu ne yakun, akamure wa anukare shomoki ambe isam, anuina wa asarare shomoki ambe shinep ka isam ruwe ne.
Tanpe kusu iteki ne utar koysitoma yan; inanpe kusu ne yakun, a=kamure wa a=nukare somo ki anpe isam, a=nuyna wa a=sarare somo ki anpe sinep ka isam ruwe ne.
Mattaios 10.26B §92II
26 Tambe gusu iteki nei utara koishitoma yan; inambe gusu ne yakun, akamure wa anukare shomoki ambe isam, anuina wa asarare shomoki ambe shinep ka isam ruwe ne.
Tanpe kusu iteki ne utar koysitoma yan; inanpe kusu ne yakun, a=kamure wa a=nukare somo ki anpe isam, a=nuyna wa a=sarare somo ki anpe sinep ka isam ruwe ne.
Markos 4.22-23 §40II
22 Nep ne yakka anuinap anak ne asarare gusu anuina ruwe ne; orowa, nep ne yakka akamurep anak ne anukare gusu akamure ruwe ne na.
Nep ne yakka anuynap anakne a=sarare kusu a=nuyna ruwe ne; orowa, nep ne yakka akamurep anakne a=nukare kusu a=kamure ruwe ne na.
23 Nu kuni kisara koro guru an chiki, nu yan.
Nu kuni kisara kor kur an ciki, nu yan.
Mattaios 10.27-32 §93V
27 Kuani kunne ita echi nure ash ambe, pekere otta ye yan: orowa, kisara ani pi-nu no echi nup anak ne, chisei kitaige wa rui hawe ani shiassuru ashte yan.
Kuani kunne hi ta eci=nure as anpe, peker or ta ye yan: orowa, kisara ani pi-nu no eci=nup anakne, cise kitayke wa ruy hawe ani siassuru aste yan.
28 Netobake raige eashkai, koroka ramat raige eaikap utara iteki koishitoma yan: koroka, ramat hemhem netobake hemhem tup ne kane Gehenna orota isamka eashkaibe koishitoma yan.
Netopake rayke easkay, korka ramat rayke eaykap utar iteki koysitoma yan: korka, ramat hemhem netopake hemhem tup ne kane Gehenna oro ta isamka easkay pe koysitoma yan.
29 Tu amam e chikap anak ne shine issen gusu shomo aeiyok ruwe he an? yakka, shinep ne yakka echi koro Michi eramushkare no shiri kata hachiri shomoki ruwe ne:
Tu amam e cikap anakne sine issen kusu somo a=eiyok ruwe he an? yakka, sinep ne yakka eci=kor Mici eramuskare no siri kata hacir somo ki ruwe ne:
30 koroka, echi sapaha ush otop-tu katap obitta apishki wa an na.
korka, eci=sapaha us otop-tu katap opitta a=piski wa an na.
31 Tambe gusu, iteki ishitoma yan, echi utara anak ne inne aman e chikap kasu no oro an ambe ne.
Tanpe kusu, iteki isitoma yan, eci utar anakne inne aman e cikap kasuno oro an anpe ne.
32 Tambe gusu, nen ne yakka moshima guru tek-samta en eyaipushi wa ye guru an chiki Kuani ne yakka kando otta an Ku Michi tek-samta nei guru eyaipushi wa ye kusu ne.
Tanpe kusu, nen ne yakka mosma kur tek-sam ta en eyaypusi wa ye kur an ciki Kuani ne yakka kanto or ta an Ku Mici tek-sam ta ne kur eyaypusi wa ye kusu ne.
Roukos 12.2-8 §145V
2 Koroka, akamure wa anukara shomoki ambe isam, anuina wa aeramu shomoki ambe isam ruwe ne.
Korka, a=kamure wa a=nukar somo ki anpe isam, a=nuyna wa a=ermu somo ki anpe isam ruwe ne.
3 Tambe gusu, nep ne yakka kunne i ta echi yep anak ne pekere otta anu kusu ne; onnaige un tumbu ta kisara otta echi yep anak ne chisei kitaigeta assuru aashte kusu ne.
Tanpe kusu, nep ne yakka kunne i ta eci yep anakne peker or ta anu kusu ne; onnayke un tumpu ta kisara or ta eci yep anakne cise kitayke ta assuru a=aste kusu ne.
4 Samata, Ku ikatairotke echi utara otta Ku ye, netobake raige, orowa no nep ne yakka moshimap ki eaikap utara iteki ko-ishitoma yan.
Sama ta, Ku ikatayrotke eci utar or ta Ku=ye, netopake rayke, orowano nep ne yakka mosma p ki eaykap utar iteki ko-isitoma yan.
5 Koroka, inambe echi ko-ishitoma kunip ne ya echi nure ash na: Raige orowa no Gehenna otta eyapkiri mondum koro guru ishitoma yan; Ruwe un, Shinuma ko-ishitoma yan, ani Ku ye.
Korka, inanpe eci=ko-isitoma kunip ne ya eci=nure as na: Rayke oro wano Gehenna or ta eyapkir montum kor kur isitoma yan; Ruwe un, Sinuma ko-isitoma yan, ani Ku=ye.
6 Ashikne amam e chikap anak ne tu issen gusu shomo aeiyok ruwe he an? Awa, amam e chikap shinep ne yakka Kamui tek samata aoira shomoki ruwe ne.
Asikne amam e cikap anakne tu issen kusu somo a=eiyok ruwe he an? Awa, amam e cikap sinep ne yakka Kamuy teksama ta a=oyra somo ki ruwe ne.
7 Koroka, echi sapa ush otop katap obitta apishki wa an ruwe ne. Iteki shitoma yan: inne amam e chikap kasu no echi utara anak ne oro an shiri an.
Korka, eci=sapa us otop katap opitta a=piski wa an ruwe ne. Iteki sitoma yan: inne amam e cikap kasuno eci utar anakne oro an siri an.
8 Orowa, echi otta Ku ye, nen ne yakka utara kotchaketa En eyaipushi guru an chiki Ainu Poho anak ne Kamui hauturumbe kotchaketa nei guru ne yakka eyaipushi kusu ne;
Orowa, eci or ta Ku=ye, nen ne yakka utar kotcake ta En eyaypusi kur an ciki Aynu Poho anakne Kamuy hawturunpe kotcake ta ne kur ne yakka eyaypusi kusu ne;
Mattaios 10.33 §94II
33 Koroka, nen ne yakka moshima guru tek-samta en eshikashke guru an chiki, Kuani ne yakka kando otta an Ku goro Michi tek samta nei guru eshikashke kusu ne na.
Korka, nen ne yakka mosma kur tek-sam ta en=esikaske kur an ciki, Kuani ne yakka kanto or ta an Ku=kor Mici teksam ta ne kur esikaske kusu ne na.
Markos 8.38 §86II
38 Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.
Inan kur ne yakka tane okay hoiyo newa wen aynu ikiri ta Ku=kor oruspe newa Ku=kor itak e=yaynikorosma kur anakne, Aynu poho ne yakka askanne hawturunpe turano kor Mici a=rakur kor wa ek hi ta, ne kur e=yaynikorosma kusu ne.
Roukos 9.26 §97II
26 Koroka, Kuani newa Ku ye itak eyainikoroshina guru an chiki, Ainu Poho yaikota newa koro Michi newa Ashkanne hauturumbe newa koro nupeki otta ek ita anak ne Ainu Poho ne yakka nei guru eyainikoroshma kusu ne.
Korka, Kuani newa Ku=ye itak eyaynikorosina kur an ciki, Aynu Poho yaykota newa kor Mici newa Askanne hawturunpe newa kor nupeki or ta ek hi ta anakne Aynu Poho ne yakka ne kur e=yaynikorosma kusu ne.
Mattaios 10.34-36 §95V
34 Kuani anak ne moshiri otta itomo sange kuni gusu Ku ek shiri iteki yainu yan; itomo sange gusu Ku ek shomoki, emush asange gusu Ku ek ruwe ne.
Kuani anakne mosir or ta i=tom sanke kuni kusu Ku=ek siri iteki yaynu yan; i=tom sanke kusu Ku=ek somo ki, emus a=sanke kusu Ku=ek ruwe ne.
35 Inambe gusu ne yakun, Ku ek katu anak ne ainu koro michi eukopire, matne poho ne yakka koro habo eukopire, koshmat koro shiuto-habo eukopire kuni gusu Ku ek nisa ruwe ne:
Inanpe kusu ne yakun, Ku=ek katu anakne aynu kor mici ewkopire, matnepoho ne yakka kor hapo ewkopire, kosmat kor siwto-hapo ewkopire kuni kusu Ku=ek nisa ruwe ne:
36 orowa, ainu epokba utara anak ne yaikota koro uni un utara ne kusu ne ruwe ne.
orowa, aynu epokpa utar anakne yaykota kor uni un utar ne kusu ne ruwe ne.
Roukos 12.49-53 §160V
49 Kuani anak ne shiri kata abe Ku osura kuni gusu Ku ek; awa, abe anak ne aare okere chiki, nekon a Ku ki ya?
Kuani anakne siri kata ape Ku=osura kuni kusu Ku=ek; awa, ape anakne a=are okere ciki, nekona Ku=ki ya?
50 Koroka, uk kuni baptisma an, nei ambe auweomare okere pakno hemanda Ku ramu-pekamam humi!
Korka, uk kuni paptisma an, ne anpe a=ueomare okere pakno hemanta Ku=ramu-pekamam humi!
51 Moshiri kata itomo Ku kore kuni gusu Ku ek sekoro echi yainu ya? Shomo, echi otta Ku ye, upipi ande gusu ne na:
Mosir kata i=tom Ku=kore kuni kusu Ku=ek sekor eci=yaynu ya? Somo, eci or ta Ku=ye, upipi ante kusu ne na:
52 inambe gusu ne yakun, tewa no poka shine chisei ta ashikne niu okai wa utashpa upipi, ren anak ne tun epeka, tun anak ne ren epeka no upipi kusu ne na.
inanpe kusu ne yakun, tewano poka sine cise ta asikne niw okay wa utaspa upipi, ren anakne tun epeka, tun anakne ren epeka no upipi kusu ne na.
53 Ona anak ne okkai-po epeka, okkai-po anak ona epeka; unu anak ne matne-po epeka, matne-po anak unu epeka; shiuto-habo anak ne koshmat epeka, koshmat anak ne shiuto-habo epeka wa uko-upipi kusu ne na.
Ona anakne okkay-po epeka, okkay-po anak ona epeka; unu anakne matne-po epeka, matne-po anak unu epeka; siwto-hapo anakne kosmat epeka, kosmat anakne siwto-hapo epeka wa uko-upipi kusu ne na.
Mattaios 10.37-38 §96V
37 En akkari koro michi hene koro habo hene kasu no ko-omap gurʼanak ne, En ko-oripak shomoki ruwe ne; orowa, En akkari koro okkai poho hene matne po hene kasu no koomap gurʼanak ne, En ko-oripak shomoki gunʼne.
En=akkari kor mici hene kor hapo hene kasuno ko-omap kur anakne, En=ko-oripak somo ki ruwe ne; orowa, En=akkari kor okkay poho hene matnepo hene kasuno koomap kur anakne, En=ko-oripak somo ki kunne.
38 Orowa, koro utasap uk wa En osh shomo ek gurʼanak ne En ko-oripak shomoki guru ne ruwe ne.
Orowa, kor utasa p uk wa En=os somo ek kur anakne En=ko-oripak somo ki kur ne ruwe ne.
Roukos 14.25-27 §182V
25 Orowa, inne topaha utara Shinuma tura no paye:
Orowa, inne topaha utar Sinuma turano paye:
26 aige, Shinuma hosari wa otta ene itak-hi :— En orun ek guru anak ne yaikota koro ona hemhem, unu hemhem, po utara hemhem, okkai ainu iriwak hemhem, matne ainu iriwak hemhem, samata, yaikota kon ramat etunne shomoki chiki, En koikara guru ne eaikap ruwe ne.
ayke, Sinuma hosari wa or ta ene itak hi :— En=orun ek kur anakne yaykota kor ona hemhem, unu hemhem, po utar hemhem, okkay aynu irwak hemhem, matne aynu irwak hemhem, sama ta, yaykota kor ramat etunne somo ki ciki, En=koykar kur ne eaykap ruwe ne.
27 Nen ne yakka yaikota toro utasap ani wa En osh ek shomoki gurʼanak ne En koikara guru ne eaikap ruwe ne.
Nen ne yakka yaykota tor utasa p ani wa En=os ek somo ki kur anakne En=koykar kur ne eaykap ruwe ne.
Roukos 14.33 §184V
33 Tambe gusu, tap korachi echi utara tumuge an nen ne yakka obitta no okai yaikota korobe emaka shomoki yakun, En koikara guru ne eaikapbe ne ruwe ne.
Tanpe kusu, tap koraci eci utar tumuke an nen ne yakka opittano okay yaykota kor pe emaka somo ki yakun, En=koykar kur ne eaykap pe ne ruwe ne.
Mattaios 10.39 §97III
39 Kon ramat pa gurʼanak ne, nei ambe turainu kusu ne; orowa, Ku rengap gusu kon ramat turainu gurʼanak ne, ramat pa kusu ne ruwe ne na.
Kor ramat pa kur anakne, ne anpe turaynu kusu ne; orowa, Ku=renkap kusu kor ramat turaynu kur anakne, ramat pa kusu ne ruwe ne na.
Roukos 17.33 §211III
33 Nen ne yakka kon ramat eyaiepirikare kuni hunara guru anak ne nei ambe eyaiewende ruwe ne: koroka, nen ne yakka kon ramat eyaiewende gurʼanak ne nei ambe shiknure kusu ne na.
Nen ne yakka kor ramat eyayepirikare kuni hunara kur anakne ne anpe eyayewente ruwe ne: korka, nen ne yakka kor ramat eyayewente kur anakne ne anpe siknure kusu ne na.
Yoannes 12.25 §105III
25 Kon ramat omap gurʼanak ne nei ambe turainu ruwe ne; orowa, tap moshiri kata an wa kon ramat etunne gurʼanak ne ramma okere shomoki ishu-i otta nei ambe shikkashima kusu ne.
Kor ramat omap kur anakne ne anpe turaynu ruwe ne; orowa, tap mosir kata an wa kor ramat etunne kur anakne ramma okere somo ki i=su hi or ta ne anpe sikkasima kusu ne.
Mattaios 10.40 §98I
40 Echi uk gurʼanak ne En uk ruwe ne, orowa, En uk gurʼanak ne En omandep uk ruwe ne na.
Eci=uk kur anakne En=uk ruwe ne, orowa, En=uk kur anakne En omantep uk ruwe ne na.
Markos 9.37B §96I
37 Nen ne yakka Ku reihei rengap gusu tap korachi an pon guru uk gurʼanak ne En uk ruwe ne: orowa, nen ne yakka En uk gurʼanak ne En uk shomoki koroka En omandep uk ruwe ne, ari itak.
Nen ne yakka Ku=rehe renkap kusu tap koraci an pon kur uk kur anakne En=uk ruwe ne: orowa, nen ne yakka En=uk kur anakne En=uk somo ki korka En omantep uk ruwe ne, ari itak.
Roukos 10.16 §116I
16 Hedes pakno e range an kusu ne na. Echi nu guru anak ne En nu ruwe ne; orowa, echi emaka gurʼanak En emaka ruwe ne; orowa; En emaka guru anak ne En omande guru ne yakka emaka ruwe ne na.
Hedes pakno e ranke an kusu ne na. Eci=nu kur anakne En=nu ruwe ne; orowa, eci=emaka kur anak En=emaka ruwe ne; orowa; En=emaka kur anakne En=omante kur ne yakka emaka ruwe ne na.
Yoannes 5.23B §40I
23 Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.
Sonno sonno eci or ta Ku=ye, Ku=itak nu wa En omantep eysokor kur anakne ramma okere somo ki inotu kor, orowa, akoypisi somo ki, korka, ray hi oro wano paye wa inotu or ta ahun nisa ruwe ne.
Yoannes 12.44-45 §111I
44 Orowa, Yesu hawe ashte wa ene itak-hi :— En eishokoro gurʼanak ne En eishokoro shomoki, koroka, En omandep eishokon ruwe ne.
Orowa, Yesu hawe aste wa ene itak hi :— En=eysokor kur anakne En=eysokor somo ki, korka, En omantep eysokor ruwe ne.
45 Samata, En nukara gurʼanak ne En omandep nukan ruwe ne.
Sama ta, En=nukar kur anakne En omantep nukar ruwe ne.
Yoannes 13.20 §120I
20 Son no, son no, echi otta Ku ye, nen ne yakka Ku omande guru uk gurʼanak ne En uk ruwe ne; orowa, En uk gurʼanak ne En omandep uk ruwe ne.
Sonno, sonno, eci or ta Ku=ye, nen ne yakka Ku=omante kur uk kur anakne En=uk ruwe ne; orowa, En=uk kur anakne En omantep uk ruwe ne.
Yoannes 14.21B §129I
21 Ku ikashpaotte koro wa nei ambe shikkashima gurʼanak ne En omap gunʼne: orowa, En omap guru anak ne Ku Michi orowa no aomap kusu ne, orowa, Kuani anak shinuma omap wa otta yaikota Ku yainukara kusu ne na.
Ku=ikaspaotte kor wa ne anpe sikkasima kur anakne En=omap kunne: orowa, En=omap kur anakne Ku Mici oro wano a=omap kusu ne, orowa, Kuani anak sinuma omap wa or ta yaykota Ku yaynukara kusu ne na.
Yoannes 14.24B-25 §131I
24 En omap shomoki guru anak ne Ku itak shikkashima shomoki ruwe ne: orowa, echi nu itak anak ne Ku korobe shomo ne, koroka, En omande Michi korobe ne ruwe ne.
En=omap somo ki kur anakne Ku=itak sikkasima somo ki ruwe ne: orowa, eci=nu itak anakne Ku=kor pe somo ne, korka, En=omante Mici kor pe ne ruwe ne.
25 Echi tura no Ku an rapoketa tap okaibe echi otta Ku ye nisa ruwe ne.
Eci turano Ku=an rapoketa tap okaype eci or ta Ku=ye nisa ruwe ne.
Mattaios 10.41 §99X
41 Uweingara guru ne gusu uweingara guru uk gurʼanak ne uweingara guru koro pummaha uk kusu ne; orowa oupeka guru ne gusu oupeka guru uk gurʼanak ne oupeka guru koro pummaha uk kusu ne ruwe ne.
Ueinkar kur ne kusu ueinkar kur uk kur anakne ueinkar kur kor pummaha uk kusu ne; orowa owpeka kur ne kusu owpeka kur uk kur anakne owpeka kur kor pummaha uk kusu ne ruwe ne.
Mattaios 10.42 §100VI
42 Orowa, nen ne yakka En koikara guru ne gusu teda okai shine nokan guru otta nam wakka shine itangi patek poka kure gurʼanak ne, son no echi otta Ku ye, nei guru anak koro pummaha earikimre turainu shomoki kusu ne ruwe ne na.
Orowa, nen ne yakka En=koykar kur ne kusu teta okay sine nokan kur or ta nam wakka sine itanki patek poka kur kur anakne, sonno eci or ta Ku=ye, ne kur anak kor pummaha earikimre turaynu somo ki kusu ne ruwe ne na.
Markos 9.41 §98VI
41 Orowa, nen ne yakka echi utara anak Kiristo koro utara echi ne na gusu iku kuni wakka shine itangi echi kore gurʼanak ne, son no echi otta Ku ye, nei guru oara koro pummaha turainu shomoki kusu ne.
Orowa, nen ne yakka eci utar anak Kiristo kor utar eci ne na kusu iku kuni wakka sine itanki eci=kore kur anakne, sonno eci or ta Ku=ye, ne kur oar kor pummaha turaynu somo ki kusu ne.