共観表
Mattaios 18.1-5 §178II
1 Nei ita anak ne koikara utara Yesu orota araki wa ene itak-hi :— Yakun, kando moshiri ta hunna iyotta pase guru ne ruwe he an? ani itak.
Ne hi ta anakne koykar utar Yesu oro ta arki wa ene itak hi :— Yakun, kanto mosir ta hunna iyotta pase kur ne ruwe he an? ani itak.
2 Orowa, Yesu shine pon guru shihekote hotuyekara wa nei utara noshiteta ande wa ene itak-hi :—
Orowa, Yesu sine pon kur sihekote hotuyekar wa ne utar nositeta ante wa ene itak hi :—
3 Son no echi otta Ku ye, echi utara hosari wa pon utara okai-i korachi ne shomoki yak anak ne, oara Kando moshiri ahup eaikap kusu ne.
Sonno eci or ta Ku=ye, eci utar hosari wa pon utar okay hi koraci ne somo ki yakanak ne, oar Kanto mosir ahup eaykap kusu ne.
4 Tambe gusu, nen ne yakka tan pon poho an i korachi yaieoripakka guru anak ne nei guru anak Kando moshiri ta iyotta pase guru ne ruwe ne.
Tanpe kusu, nen ne yakka tan pon poho an i koraci yayeoripakka kur anakne ne kur anak Kanto mosir ta iyotta pase kur ne ruwe ne.
5 Orowa, nen ne yakka Ku reihei ankushkerai gusu tap korachi an shine pon guru uk gurʼanak ne En uk ruwe ne:
Orowa, nen ne yakka Ku=rehe an kuskeray kusu tap koraci an sine pon kur uk kur anakne En=uk ruwe ne:
Markos 9.34-37A §95II
34 Koroka, nei utara nep ka ye shomoki inambe gusu ne yakun, iyotta pase guru nen ne ruwe he an sekorʼambe ani nei utara ru hontomota uwe-eukoyupekere nisa ruwe ne gusu ne na.
Korka, ne utar nep ka ye somo ki inanpe kusu ne yakun, iyotta pase kur nen ne ruwe he an sekor anpe ani ne utar ru hontom ta ue-ewkoyupekere nisa ruwe ne kusu ne na.
35 Orowa, Shinuma a, aige, orota nei tu niu ikashima wa niu hotuyekara wa ene itak-hi :— Sapane rusui guru an chiki, nei guru iyotta keseke un gun ne, obitta no okai utara koro uitek guru ne kusu ne na, sekoro itak.
Orowa, Sinuma a, ayke, oro ta ne tu niw ikasma wa niw hotuyekar wa ene itak hi :— Sapane rusuy kur an ciki, ne kur iyotta keseke un kunne, opittano okay utar kor uytek kur ne kusu ne na, sekor itak.
36 Orowa, Shinuma shine pon guru uk wa utara noshiketa ande: orowa, tek omare wa nei utara otta ene itak-hi :—
Orowa, Sinuma sine pon kur uk wa utar noske ta ante: orowa, tek omare wa ne utar or ta ene itak hi :—
37 Nen ne yakka Ku reihei rengap gusu tap korachi an pon guru uk gurʼanak ne En uk ruwe ne: orowa, nen ne yakka En uk gurʼanak ne En uk shomoki koroka En omandep uk ruwe ne, ari itak.
Nen ne yakka Ku=rehe renkap kusu tap koraci an pon kur uk kur anakne En=uk ruwe ne: orowa, nen ne yakka En=uk kur anakne En=uk somo ki korka En omantep uk ruwe ne, ari itak.
Roukos 9.46-48 §102II
46 Orowa, inan guru iyotta pase guru ne kusu ne ya sekorʼan upakoiki ambe anak ne nei utara tumta ahun nisa ruwe ne. Koroka,
Orowa, inan kur iyotta pase kur ne kusu ne ya sekor an upakoyki anpe anakne ne utar tum ta ahun nisa ruwe ne. Korka,
47 Yesu nei utara koro keutum ta upaore an ambe eraman koro, shine pon guru uk wa yaikota samata ande wa nei utara otta ene itak-hi :—
Yesu ne utar kor kewtum ta upaore an anpe eraman kor, sine pon kur uk wa yaykota sama ta ante wa ne utar or ta ene itak hi :—
48 Nen ne yakka Ku reihei rengap gusu tan pon guru uk guru anak ne En uk ruwe ne: samata, nen ne yakka En uk gurʼanak ne En omande guru uk ruwe ne: inambe gusu ne yakun, obitta no echi utara tumugeta an iyotta pon guru anak ne, nei guru anak pase ruwe ne, sekoro itak.
Nen ne yakka Ku=rehe renkap kusu tan pon kur uk kur anakne En=uk ruwe ne: sama ta, nen ne yakka En=uk kur anakne En=omante kur uk ruwe ne: inanpe kusu ne yakun, opittano eci utar tumke ta an iyotta pon kur anakne, ne kur anak pase ruwe ne, sekor itak.
Mattaios 18.6-7 §179II
6 koroka, En eishokoro wa an shine pon guru epetchiure guru an chiki, nei guru poro shuma-nishu rekuchi aunu wa ooho atui otta arende-i anak, nei guru gusu pirika ruwe ne.
korka, En=eysokor wa an sine pon kur epetciwre kur an ciki, ne kur poro suma-nisu rekuci a=wn wa ooho atuy or ta arente hi anak, ne kur kusu pirka ruwe ne.
7 Epetchiure-i an gusu moshiri yaisambepokash humi; inambe gusu ne yakun, epetchiure-i anak ne ek gusu ne ap ruwe ne; koroka, gusu epetchiure ambe hetuku guru yaisambepokash ruwe ne.
epetciwre hi an kusu mosir yaysanpepokas humi; inanpe kusu ne yakun, epetciwre hi anakne ek kusu ne ap ruwe ne; korka, kusu epetciwre anpe hetuku kur yaysanpepokas ruwe ne.
Markos 9.42 §99II
42 Orowa, nen ne yakka tap okai En eishokoro pon guru shinen ure-epetchiure gurʼanak ne, nei guru koro rekuchi otta poro shumanishu aunu wa atui otta aeyapkiri katu nei guru gusu kasu no pirika ruwe ne.
Orowa, nen ne yakka tap okay En=eysokor pon kur sinen ure-epetciwre kur anakne, ne kur kor rekuci or ta poro sumanisu a=wn wa atuy or ta a=eyapkir katu ne kur kusu kasuno pirka ruwe ne.
Roukos 17.1-2 §197II
1 Orowa, Shinuma anak ne koro koikara utara otta ene itak-hi :— Epetchiurep shomo ek katu anak ne aeaikapbe ne ruwe ne: koroka, nei ambe ekte guru anak ne aeyaisambepokash humi!
Orowa, Sinuma anakne kor koykar utar or ta ene itak hi :— Epetchiurep somo ek katu anakne aeaykappe ne ruwe ne: korka, ne anpe ekte kur anakne aeyaysanpepokas humi!
2 Nei guru anak teda okai nokan utara un shinen epetchiure kasu no, shinuma rekuchi otta shuma-nishu aunu hine atui otta aeyapkiri-i anak nei guru gusu naa pirika ruwe ne.
Ne kur anak teta okay nokan utar un sinen epetciwre kasuno, sinuma rekuci or ta suma-nisu a=wn hine atuy or ta a=eyapkir hi anakne kur kusu naa pirka ruwe ne.
Mattaios 18.8-9 §180VI
8 Orowa, e teke hene e chikiri hene e epetchiure yak anak ne oattuye wa osura yan: inambe gusu ne yakun, tu teke hene tu chikiri hene koro wa hembara pakno ne yakka ush shomoki abe otta aeyapkiri ambe kasu no hera hene yaiewen hene ne wa ishu-i otta ahun katu eani gusu naa pirika ruwe ne.
Orowa, e teke hene e cikiri hene e epetciwre yakanak ne oattuye wa osura yan: inanpe kusu ne yakun, tu teke hene tu cikiri hene kor wa henpara pakno ne yakka us somo ki ape or ta a=eyapkir anpe kasuno her hene yayewen hene ne wa i=su hi or ta ahun katu eani kusu naa pirka ruwe ne.
9 Orowa, e shikihi e epetchiure yak anak ne oashinge wa osura yan: inambe gusu ne yakun, tu shikihi koro wa Gehenna un abe otta aeyapkiri ambe kasu no shine shiki koro wa ishu-i otta ahun katu eani gusu naa pirika ruwe ne.
Orowa, e sikihi e epetciwre yakanak ne oasinke wa osura yan: inanpe kusu ne yakun, tu sikihi kor wa Gehenna un ape or ta a=eyapkir anpe kasuno sine siki kor wa i=su hi or ta ahun katu eani kusu naa pirka ruwe ne.
Markos 9.43-47 §100VI
43 E koro tekehe e epetchiure yakun, oattuye yan: inambe gusu ne yakun, tu teke e koro wa Gehenna un, aushka eaikap abe un, oman kasu no eani hera wa ishu-i otta ahun katu anak ne eani gusu naa pirika ruwe ne gusu ne na.
E=kor tekehe e epetciwre yakun, oattuye yan: inanpe kusu ne yakun, tu teke e=kor wa Gehenna un, a=uska eaykap ape un, oman kasuno eani her wa i=su hi or ta ahun katu anakne eani kusu naa pirka ruwe ne kusu ne na.
44 Orowa, e chikiri e epetchiure yakun, oattuye yan: inambe gusu ne yakun, e koro tu chikiri koro wa Gehenna otta aeyapkiri kasu no yaiewen wa ishu-i otta ahun katu anak ne eani gusu naa pirika ruwe ne gusu ne na.
Orowa, e cikiri e epetciwre yakun, oattuye yan: inanpe kusu ne yakun, e=kor tu cikiri kor wa Gehenna or ta a=eyapkir kasuno yayewen wa i=su hi or ta ahun katu anakne eani kusu naa pirka ruwe ne kusu ne na.
45 Orowa, e shikihi e epetchiure yakun, oashinge yan; tu shikihi koro wa Gehenna otta aeyapkiri kasu no, shine shik koro wa Kamui moshiri orun ahun katu eani gusu naa pirika ruwe ne gusu ne na;
Orowa, e sikihi e epetciwre yakun, oasinke yan; tu sikihi kor wa Gehenna or ta a=eyapkir kasuno, sine sik kor wa Kamuy mosir orun ahun katu eani kusu naa pirka ruwe ne kusu ne na;
46 nei ushiketa koro mososhpe rai shomoki, samata, abe anak ne shomo aushka ruwe ne.
ne uske ta kor mosospe ray somo ki, sama ta, ape anakne somo a=uska ruwe ne.
47 Nen ne yakka, obitta abe ani shippo aushte kusu ne gusu ne na.
Nen ne yakka, opitta ape ani sippo a=uste kusu ne kusu ne na.
Mattaios 18.10 (-11, in note) §181X
10 Tap pon utara tumuge un shinen ka iteki etunne:
Tap pon utar tumuke un sinen ka iteki etunne:
11 inambe gusu ne yakun, echi otta Ku ye, nei utara koro hauturunbe anak ne hembara ne yakka kando otta an Ku Michi nanuhu nukan ruwe ne.
inanpe kusu ne yakun, eci or ta Ku=ye, ne utar kor hawturunpe anakne henpara ne yakka kanto or ta an Ku Mici nanuhu nukar ruwe ne.
Mattaios 18.12-14 §182V
12 Nekon a echi yainu ya? ashikne hotne hitsuji chikoikip koro ainu an wa nei shinep ru turainu chiki, shinepesambe ikashima wan e ashikne hotnep are wa nupuri otta oman hine nei aturainu hike hunara shomoki ruwe he an?
Nekona eci=yaynu ya? asikne hotne hitsuji cikoykip kor aynu an wa ne sinep ru turaynu ciki, sinepesanpe ikasma wan e asikne hotnep are wa nupuri or ta oman hine ne a=turaynu hike hunara somo ki ruwe he an?
13 Orowa, pa yak anak ne, son no echi otta Ku ye, aturainu shomoki shinepesambe ikashima wan e ashikne hotne hike gusu kasu no nei a turainu hike naa enupetne ruwe ne.
Orowa, pa yakanak ne, sonno eci or ta Ku=ye, a=turaynu somo ki sinepesanpe ikasma wan e asikne hotne hike kusu kasuno ne a turaynu hike naa enupetne ruwe ne.
14 Tap korachi tan okai pon utara shinen ne yakka isam kuni ambe anak ne, kando otta an echi koro Michi korʼirenga shomo ne ruwe ne.
Tap koraci tan okay pon utar sinen ne yakka isam kuni anpe anakne, kanto or ta an eci=kor Mici kor irenka somo ne ruwe ne.
Roukos 15.3-7 §187V
3 Orowa, Shinuma nei utara otta tan itak-maukushte-itak ye wa ene itak-hi :—
Orowa, Sinuma ne utar or ta tan itak-mawkuste-itak ye wa ene itak hi :—
4 Echi utara tumugeta inan guru ka ashikne hotne hitsuji chikoikip koro wa nei okai shinep turainu chiki, shinepesan ikashima wan e ashikne hotne chikoikip kimta ande wa oman hine pa pakno nei aturainup hunara shomoki ya?
Eci utar tumke ta inan kur ka asikne hotne hitsuji cikoykip kor wa ne okay sinep turaynu ciki, sinepesan ikasma wan e asikne hotne cikoykip kim ta ante wa oman hine pa pakno ne aturaynup hunara somo ki ya?
5 Orowa, apa chiki yaikopuntek wa yaikota koro tapsutu kata ani ruwe ne.
Orowa, apa ciki yaykopuntek wa yaykota kor tapsutu kata ani ruwe ne.
6 Orowa, uni un ek koro, nimaraha newa aun utara uwekarire wa orota ene itak-hi :— En tura no yaikopuntek wa en kore, aturainu ku hitsuji chikoikip apa nisa ruwe ne gusu ne na, sekoro itak.
Orowa, uni un ek kor, nimaraha newa aun utar uekarire wa oro ta ene itak hi :— En turano yaykopuntek wa en=kore, a=turaynu ku hitsuji cikoykip apa nisa ruwe ne kusu ne na, sekor itak.
7 Echi otta Ku ye, tap korachi yaikokatpak kuni shomoki shinepesan ikashima wan e ashikne hotne oupeka utara gusu kasu no, shine chikokatpak guru yaikokatpak gusu an nupetne ambe anak ne kando oshiketa naa an ruwe ne na.
Eci or ta Ku=ye, tap koraci yaykokatpak kuni somo ki sinepesan ikasma wan e asikne hotne owpeka utar kusu kasuno, sine ci=kokatpak kur yaykokatpak kusu an nupetne anpe anakne kanto oske ta naa an ruwe ne na.
Mattaios 18.15 §183V
15 Orowa, e koro iriwak anak ne e epeka no chikokatpak an chiki, e oman wa tun patek echi an ita otta nure; e ye itak nu chiki, eani anak ne koro iriwak epirika ruwe ne.
Orowa, e=kor irwak anakne e epeka no ci=kokatpak an ciki, e oman wa tun patek eci=an hi ta or ta nure; e ye itak nu ciki, eani anakne kor irwak e=pirka ruwe ne.
Mattaios 18.16-17 §184X
16 Koroka, e ye itak nu shomoki yak anak ne tun hene ren hene paweteshu guru gusu obitta no okai itak asonnere kuni ne moshima shinen tun tura yan.
Korka, e ye itak nu somo ki yakanak ne tun hene ren hene pawetesu kur kusu opittano okay itak asonnere kuni ne mosma sinen tun tura yan.
17 Orowa, nei paweteshu utara ye itak nu shomoki chiki, karisia otta ye; karisia ye itak ne yakka nu shomoki yak anak ne shinuma yaku-etaye guru hene oya guru hene korachi otta iki yan.
Orowa, ne pawetesu utar ye itak nu somo ki ciki, karisia or ta ye; karisia ye itak ne yakka nu somo ki yakanak ne sinuma yaku-etaye kur hene oya kur hene koraci or ta iki yan.
Mattaios 18.18 §185VII
18 Son no echi otta Ku ye, nep ne yakka kanna moshiri ta echi tupetupep anak ne kando otta ne yakka atupetupe kusu ne; orowa, nep ne yakka kanna moshiri ta echi pitap anak ne kando otta ne yakka apita kusu ne.
Sonno eci or ta Ku=ye, nep ne yakka kanna mosir ta eci tupetupep anakne kanto or ta ne yakka a=tupetupe kusu ne; orowa, nep ne yakka kanna mosir ta eci pitap anakne kanto or ta ne yakka a=pita kusu ne.
Yoannes 20.23 §215VII
23 Ashkanne Ramat echi uk yan: nen ne yakka koro katpak echi tusare yakun, atusare ruwe ne, orowa, nen ne yakka koro katpak echi ande yakun, aande ruwe ne kusu ne na, sekoro itak.
Askanne Ramat eci=uk yan: nen ne yakka kor katpak eci=tusare yakun, atusare ruwe ne, orowa, nen ne yakka kor katpak eci=ante yakun, a=ante ruwe ne kusu ne na, sekor itak.
Mattaios 18.19-20 §186X
19 Shui, echi otta Ku ye, nep ne yakka echi ikoramkorobe gusu echi tun ne wa ukoramkoro eramushinne chiki, kando otta an Ku Michi anak ne nei no ki kusu ne.
Suy, eci or ta Ku=ye, nep ne yakka eci ikoramkorope kusu eci=tun ne wa ukoramkor eramusinne ciki, kanto or ta an Ku Mici anakne néno ki kusu ne.
20 Inambe gusu ne yakun, Ku reihei ankushkerai tun ren uwekarapa wa okai ita, Kuani nei utara tumugeta an ruwe ne.
Inanpe kusu ne yakun, Ku=rehe an kuskeray tun ren uekarpa wa okay hi ta, Kuani ne utar tumke ta an ruwe ne.
Mattaios 18.21-22 §187V
21 Orowa, Petros ek wa shinuma otta ene itak-hi :— Utarapa, En epeka no ku iriwak anak ne katpak ki chiki, hembak shui ku tusare kusu ne ya? arawan shui pakno kusu ne ya? sekoro itak.
Orowa, Petros ek wa sinuma or ta ene itak hi :— Utarpa, En=epeka no ku=irwak anakne katpak ki ciki, henpak suy ku=tusare kusu ne ya? arwan suy pakno kusu ne ya? sekor itak.
22 Orota Yesu ene itak-hi :— Arawan shui pakno tusare yan sekoro Ku ye shomoki, koroka, arawan shui ikashima wan e ine hotne shui pakno ki yan, sekoro Ku ye ruwe ne.
Oro ta Yesu ene itak hi :— Arwan suy pakno tusare yan sekor Ku=ye somo ki, korka, arwan suy ikasma wan e ine hotne suy pakno ki yan, sekor Ku=ye ruwe ne.
Roukos 17.3C-4 §199V
3 Echi yaitubare yan: e koro ainu iriwak katpak ki chiki kopao yan; orowa, shinuma yaikokatpak yakun tusare yan.
Eci=yaytupare yan: e=kor aynu irwak katpak ki ciki kopao yan; orowa, sinuma yaykokatpak yakun tusare yan.
4 Shine to ta arawan shuine e epeka katpak ki wa arawan shuine e otta hoshipi hine :— Ku yaikokatpak ruwe ne, ani itak yakun, shinuma tusare yan.
Sine to ta arwan suyne e epeka katpak ki wa arwan suyne e or ta hosipi hine :— Ku=yaykokatpak ruwe ne, ani itak yakun, sinuma tusare yan.
Mattaios 18.23-35 §188X
23 Tambe gusu, Kando moshiri anak ne koro usshiune utara tura esanniyo ki shine moshiri esapane guru ukoherayere ruwe ne.
Tanpe kusu, Kanto mosir anakne kor ussiw ne utar tura esanniyo ki sine mosir esapane kur ukoherayere ruwe ne.
24 Orowa, esanniyo heashire koro ashikne shine wan hotne taranton sange kunip ne a guru shinen nei sapane guru otta atura wa ek ruwe ne.
Orowa, esanniyo heasire kor asikne sine wan hotne taranton sanke kunip ne a kur sinen ne sapanekur or ta a=tura wa ek ruwe ne.
25 Koroka, sange kuni kani sak ruwe ne gusu, kon nishpa orowa no nei guru hemhem koro machi hemhem po utara hemhem korope hemhem obitta aeihokte wa nei ataye sange kuni ne akashpaotte nisa ruwe ne na.
Korka, sanke kuni kani sak ruwe ne kusu, kor nispa oro wano ne kur hemhem kor maci hemhem po utar hemhem kor pe hemhem opitta aeyhokte wa ne ataye sanke kuni ne a=kaspaotte nisa ruwe ne na.
26 Tambe gusu, nei ausshiunere guru shiri-kamu wa ongami hine ene itak-hi :— Utarapa en gusu yaiyupupu wa en kore, yakun, obitta ku sange kusu ne na, ari itak.
Tanpe kusu, ne aussiwnere kur siri-kamu wa onkami hine ene itak hi :— Utarpa en kusu yaiyupupu wa en=kore, yakun, opitta ku=sanke kusu ne na, ari itak.
27 Orowa, sapane guru anak ne nei ausshiunere guru gusu erampokiwen wa kore hine omande wa nei a shosep tusare nisa ruwe ne.
Orowa, sapanekur anakne ne aussiwnere kur kusu eranpokiwen wa kore hine omante wa ne a sosep tusare nisa ruwe ne.
28 Koroka, nei ausshiunere guru oman wa yaikota ashikne hotne denaria shosere tura no iki auitek guru nukara wa, nei guru uk wa rekuchi kishima hine ene itak-hi :—
Korka, ne aussiwnere kur oman wa yaykota asikne hotne tenaria sosere turano iki awitek kur nukar wa, ne kur uk wa rekuci kisma hine ene itak hi :—
29 Ku shoserep sange yan, ari itak. Aige, tura no auitek guru shiri-kamu wa koramkoro hine ene itak-hi :— En gusu yaiyupupu wa en kore, yakun, nei shosep ku sange kusu ne, sekoro itak.
Ku soserep sanke yan, ari itak. Ayke, turano awitek kur siri-kamu wa koramkor hine ene itak hi :— En kusu yaiyupupu wa en=kore, yakun, ne sosep ku=sanke kusu ne, sekor itak.
30 Nei guru kopan: koroka, oman wa sange kunip asange pakno upakashnu chisei otta ahunge nisa ruwe ne.
Ne kur kopan: korka, oman wa sanke kunip a=sanke pakno upakasnu cise or ta ahunke nisa ruwe ne.
31 Tambe gusu, tura aeiwangere utara nei iki ambe nukara koro shi no oknatara wa araki hine aki orushpe obitta kon nishpa otta nure nisa ruwe ne.
Tanpe kusu, tura aeywankere utar ne iki anpe nukar korsi no oknatara wa arki hine aki oruspe opitta kor nispa or ta nure nisa ruwe ne.
32 Orowa, kon nishpa anak ne nei no iki guru shihekote hotuyekara wa ene itak-hi — Wen ausshiunere guru e ne, eani en koramkoro gusu nei a shose ambe obitta ku tusare;
Orowa, kor nispa anakne néno iki kur sihekote hotuyekar wa ene itak hi — Wen aussiwnere kur e ne, eani en=koramkor kusu ne a sos anpe opitta ku=tusare;
33 kuani e erampokiwen wa kore korachi eani ne yakka tura auitek guru otta erampokiwen wa kore kusu ne ap shomo ne ruwe he an? sekoro itak.
kuani e eranpokiwen wa kore koraci eani ne yakka tura awitek kur or ta eranpokiwen wa kore kusu ne ap somo ne ruwe he an? sekor itak.
34 Orowa, kon nishpa irushka wa nei a shosep obitta sange pakno ipanakte guru otta omande nisa ruwe ne na.
Orowa, kor nispa iruska wa ne a sosep opitta sanke pakno i=panakte kur or ta omante nisa ruwe ne na.
35 Echi utara ne yakka pishno pishno ramu-osshi wano echi koro iriwak tusare shomoki chiki, kando otta an Ku Michihi ne yakka nei no echi otta ki kusu ne na.
Eci utar ne yakka pisno pisno ramu-ossi wano eci=kor irwak tusare somo ki ciki, kanto or ta an Ku Micihi ne yakka néno eci or ta ki kusu ne na.