共観表
Mattaios 24.1-2 §242II
1 Orowa, Yesu anak ne Kamui kora kenru orowa no soine wa oman shiriki, aine, koikara utara araki wa nei Kamui kora kenru akara ambe orota nukare nisa ruwe ne na.
Orowa, Yesu anakne Kamuy kor kenru oro wano soyne wa oman siriki, ayne, koykar utar arki wa ne Kamuy kor kenru a=kar anpe oro ta nukare nisa ruwe ne na.
2 Koroka, nei utara otta Shinuma ese wa ene itak-hi :— Tan okaibe echi nukara shomoki ya? Son no echi otta Ku ye, — Tan ukata okai shomo ahachire kusu ne a shuma anak ne shine shuma poka shomo aande kusu ne na.
Korka, ne utar or ta Sinuma ese wa ene itak hi :— Tan okaype eci=nukar somo ki ya? Sonno eci or ta Ku=ye, — Tan ukata okay somo a=hacir kusu ne a suma anakne sine suma poka somo a=ante kusu ne na.
Markos 13.1-2 §137II
1 Orowa, Shinuma Kamui kora kenru orowa no soine wa oman, aige, koikara guru shinen Shinuma otta ene itak-hi :— Epakashnu guru, tap nep okai shuma nep okai chisei ingara!
Orowa, Sinuma Kamuy kor kenru oro wano soyne wa oman, ayke, koykar kur sinen Sinuma or ta ene itak hi :— Epakasnu kur, tap nep okay suma nep okay cise inkar!
2 Orota Yesu ene itak-hi :— Tan okai poro chisei e nukara ya? Teda an ukata ukata okai shuma obitta ahachire wa shinep ka ukata ande shomoki kusu ne na, sekoro itak.
Oro ta Yesu ene itak hi :— Tan okay poro cise e nukar ya? Teta an ukata ukata okay suma opitta a=hacir wa sinep ka ukata ante somo ki kusu ne na, sekor itak.
Roukos 19.44BC §237II
44 samata, eani newa otta okai poho utara newa shiri pakno hokushte kusu ne toho eani gusu ek kusu ne; nei utara shine shuma ne yakta shuma ukata moshima no ande shomoki kusu ne; eani anak ne ahotanukara paki i erampeutek nisa ruwe ne gusu ne na, sekoro itak.
sama ta, eani newa or ta okay poho utar newa siri pakno hokuste kusu ne toho eani kusu ek kusu ne; ne utar sine suma ne yak ta suma ukata mosmano ante somo ki kusu ne; eani anakne a=hotanukar paki i eranpewtek nisa ruwe ne kusu ne na, sekor itak.
Roukos 21.5-6 §248II
5 Orowa, Kamui kora kenru anak ne hemanda pirika shuma newa ayangep ani atomtere wa an katu ye korʼan utara okai rapoketa, otta Shinuma ene itak-hi :—
Orowa, Kamuy kor kenru anakne hemanta pirka suma newa ayankep ani atomtere wa an katu ye kor an utar okay rapoketa, or ta Sinuma ene itak hi :—
6 Tan okai echi nukarape gusu anak, ahachiri shomoki no teda an ukata-ukata okai shuma shinep ne yakka shuma ukata aande shomoki toho ek kusu ne na.
Tan okay eci=nukar pe kusu anak, a=hacir somo ki no teta an ukata-ukata okay suma sinep ne yakka suma ukata a=ante somo ki toho ek kusu ne na.
Mattaios 24.3-8 §243II
3 Orowa, Shinuma Kanran-ush nupuri kata a wa an rapoketa, koikara utara arorokishne no orota araki wa ene itak-hi :— Tan okaibe hembara ta hetuku ya? orowa, E ek kuni shirosh hemhem, moshiri shiokere kuni gusu an shirosh hemhem, nekon a an shirosh ne ya? un nure wa un kore, ari itak.
Orowa, Sinuma Kanran-us nupuri kata a wa an rapoketa, koykar utar arorkisneno oro ta arki wa ene itak hi :— Tan okaype henpara ta hetuku ya? orowa, E ek kuni siros hemhem, mosir siokere kuni kusu an siros hemhem, nekona an siros ne ya? un nure wa un kore, ari itak.
4 Yesu ese wa nei utara otta ene itak-hi :— Inan guru orowa no ne yakka iteki echi kokandama kuni ne yaitubare yan.
Yesu ese wa ne utar or ta ene itak hi :— Inan kur oro wano ne yakka iteki eci=kokantama kuni ne yaytupare yan.
5 Inambe gusu ne yakun, inne utara Ku reihei ye hine araki wa :— Kuani anak ne Kiristo ku ne, ari itak, aine, inne utara ru turainure kusu ne.
Inanpe kusu ne yakun, inne utar Ku=rehe ye hine arki wa :— Kuani anakne Kiristo ku ne, ari itak, ayne, inne utar ru turaynure kusu ne.
6 Orowa, tumi-koro orushpe hene tumi pahau hene echi nu kusu ne: iteki kimatek no okai yan: inambe gusu ne yakun, tap okaibe anak ne hetuku gusu ne ap ruwe ne: koroka, shiokere-hi anak ne naa shomo ruwe ne.
Orowa, tumi-kor oruspe hene tumi pahaw hene eci=nu kusu ne: iteki kimatek no okay yan: inanpe kusu ne yakun, tap okaype anakne hetuku kusu ne ap ruwe ne: korka, siokere hi anakne naa somo ruwe ne.
7 Uirup anak ne uirup kotumi koro, moshiri anak ne moshiri kotumi-koro kusu ne: orowa, usa okai kotan ta kemush hene iki, shirishimoye bene an kusu ne.
Uyrup anakne uyrup kotumi kor, mosir anakne mosir kotumi-kor kusu ne: orowa, usa okay kotan ta kemus hene iki, sirsimoye pene an kusu ne.
8 Koroka, obitta tan okaibe anak ne nuwap an kuni-i atpake ne ruwe ne.
Korka, opitta tan okaype anakne nuwap an kuni hi atpake ne ruwe ne.
Markos 13.3-8 §138II
3 Orowa, Shinuma Kamui kora kenru samake un Kanran ush nupuri kata a wa an ita, Petros newa Yakob newa Yoannes newa Andreu newa arorokishne no Shinuma otta ene nu-hi :—
Orowa, Sinuma Kamuy kor kenru samake un Kan ran us nupuri kata a wa an hi ta, Petros newa Yakob newa Yoannes newa Andrew newa arorkisneno Sinuma or ta ene nu hi :—
4 Tap okaibe hembara hetuku ya? orowa, tap orushpe obitta uweomare kuni kusu ne paha ta hemanda shirosh an nangoro ya? nei ambe un nure wa un kore, ari nu.
Tap okaype henpara hetuku ya? orowa, tap oruspe opitta ueomare kuni kusu ne paha ta hemanta siros an nankor ya? ne anpe un nure wa un kore, ari nu.
5 Orota Yesu ene itak heashi :— Iteki moshima guru echi shiren wa kokandama kuni yaitubare yan.
Oro ta Yesu ene itak heasi :— Iteki mosma kur eci=siren wa kokantama kuni yaytupare yan.
6 Inne utara Ku reihei ani hine araki wa, Kuani Shinuma ne, ari itak wa inne utara shiren wa kokandama kusu ne.
Inne utar Ku=rehe ani hine arki wa, Kuani Sinuma ne, ari itak wa inne utar siren wa kokantama kusu ne.
7 Orowa, tumiram hene, tumiram assuru hene, echi nu chiki, iteki kimatek yan: tap okaibe hetuku kunip ne ruwe ne! Koroka, keseke anak ne naa shomo ruwe ne!
Orowa, tumiram hene, tumiram assuru hene, eci=nu ciki, iteki kimatek yan: tap okaype hetuku kunip ne ruwe ne! Korka, keseke anakne naa somo ruwe ne!
8 Inambe gusu ne yakun, uirup anak ne uirup ko-tumi koro, moshiri anak ne moshiri ko-tumi koro: usa okai kotan ta shiri-shimoye an; kemush iki kusu ne: tap okaibe unuwap eatpake ne ruwe ne na.
Inanpe kusu ne yakun, uyrup anakne uyrup ko-tumikor, mosir anakne mosir ko-tumikor: usa okay kotan ta siri-simoye an; kemus iki kusu ne: tap okaype unuwap e=atpake ne ruwe ne na.
Roukos 21.7-11 §249II
7 Orowa, Shinuma otta nei utara uwepekennu wa ene itak-hi :— Epakashnu guru, tambe gusu, tap okaibe hembara pakita hetuku ya? Orowa, tap orushpe auweomare kuni kusu ne paha ta hemanda shirosh an kusu ne ya? ari itak.
Orowa, Sinuma or ta ne utar uwepekennu wa ene itak hi :— Epakasnu kur, tanpe kusu, tap okaype henpara pakita hetuku ya? Orowa, tap oruspe a=ueomare kuni kusu ne paha ta hemanta siros an kusu ne ya? ari itak.
8 Orowa, Shinuma ene itak-hi :— Iteki moshima guru echi kokandama kuni ne yaitubare yan: inambe gusu ne yakun, inne utara Ku reihei ani hine araki wa :— Kuani Shinuma ne, ani itak pakihi ehange no an: nei utara otta iteki paye yan.
Orowa, Sinuma ene itak hi :— Iteki mosma kur eci=kokantama kuni ne yaytupare yan: inanpe kusu ne yakun, inne utar Ku=rehe ani hine arki wa :— Kuani Sinuma ne, ani itak pakihi ehanke no an: ne utar or ta iteki paye yan.
9 Orowa, tumiram newa sakayo orushpe echi nu chiki, iteki ishitoma yan: inambe gusu ne yakun, tap okaibe hoshiki no hetuku kusu ne ap; toroka, okesehe anak naa tunash shomo ne ruwe ne.
Orowa, tumiram newa sakayo oruspe eci=nu ciki, iteki isitoma yan: inanpe kusu ne yakun, tap okaype hoskino hetuku kusu ne ap; toroka, okesehe anak naa tunas somo ne ruwe ne.
10 Orowa, nei utara orota Shinuma ene itak-hi :— Uirup anak ne uirup kotumi koro, moshiri anak ne moshiri kotumi koro:
Orowa, ne utar oro ta Sinuma ene itak hi :— Uyrup anakne uyrup kotumi kor, mosir anakne mosir kotumi kor:
11 orowa, poro shirishimoye an, usaine okai ushiketa keman newa turuse tashum an: samata, kando orowa no aeishitomap newa poro shirosh an kusu ne.
orowa, poro sirsimoye an, usayne okay uske ta keman newa turse tasum an: sama ta, kanto oro wano aeysitomap newa poro siros an kusu ne.
Mattaios 24.9 §244I
9 Nei ita anak ne echi aeramchuptekte gusu echi ekoshi wa echi raige kusu ne: orowa, Ku reihei ankushkerai obitta no okai uirup orowa no echi aepokba an kusu ne.
Ne hi ta anakne eci aeramcuptekte kusu eci=ekosi wa eci=rayke kusu ne: orowa, Ku=rehe an kuskeray opittano okay uyrup oro wano eci aepokpa an kusu ne.
Markos 13.9 §139I
9 Koroka, echi utara yaitubare yan: inambe gusu ne yakun, utara anak ne ukoramkoro utara otta echi ekoshi kusu ne: orowa no, Uwekarapa chisei ta echi shirikik an, samata, nei utara epeka no paweteshu-i echi ne kuni Ku rengap gusu Esapane utara newa Moshiri shikkashima utara shik-samata echi roshki kusu ne.
Korka, eci utar yaytupare yan: inanpe kusu ne yakun, utar anakne ukoramkor utar or ta eci=ekosi kusu ne: orowano, Uekarpa cise ta eci=sirkik an, sama ta, ne utar epeka no pawetesu hi eci ne kuni Ku=renkap kusu Esapane utar newa Mosir sikkasima utar sik-sama ta eci=roski kusu ne.
Roukos 21.12-13 §250I
12 Koroka, obitta no tap okaibe an etokota, utara anak ne Ku reihei rengap gusu echi kishima wa echi epokba, aige, uwekarapa chisei otta hemhem, upakashnu chisei otta hemhem echi ekoshi hine Moshiri esapane utara newa epungine utara orun echi tura kusu ne.
Korka, opittano tap okaype an etoko ta, utar anakne Ku=rehe renkap kusu eci=kisma wa eci epokpa, ayke, uekarpa cise or ta hemhem, upakasnu cise or ta hemhem eci=ekosi hine Mosir esapane utar newa epunkine utar orun eci tura kusu ne.
13 Nei ambe anak ne echi otta paweteshu ne kusu ne.
Ne anpe anakne eci or ta pawetesu ne kusu ne.
Yoannes 15.21A §141I
21 Koroka, nei utara anak ne En omandep eamkiri shomoki gusu Ku reihei rengap gusu obitta no okai tap okaibe echi otta ki kusu ne na.
Korka, ne utar anakne En omantep e=amkir somo ki kusu Ku=rehe renkap kusu opittano okay tap okaype eci or ta ki kusu ne na.
Yoannes 16.2B-4A §146I
2 Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.
Utar anakne Uekarpa cise oro wano eci=emaka: ruwe ne wa, nen ne yakka eci=ronnu kur anakne Kamuy or ta yaysieywankere kuni ramu kusu ne pakihi ek ruwe ne.
3 Nei utara Michi eamkiri shomoki, En eamkiri ka shomoki gusu tap okaibe ki kusu ne.
Ne utar Mici e=amkir somo ki, En=e=amkir ka somo ki kusu tap okaype ki kusu ne.
4 Koroka, tan orushpe echi otta Ku ye ikkewehe anak ne, nei pakihi hetuku chiki, nei orushpe Kuani echi nure ash a ambe echi eshkarun kuni gusu an ap ne ruwe ne. Orowa, atpake wano tap okai orushpe shomo echi orun Ku ye, echi tura no Ku an nisa ruwe ne gusu ne na.
Korka, tan oruspe eci or ta Ku=ye ikkewehe anakne, ne pakihi hetuku ciki, ne oruspe Kuani eci=nure as a anpe eci=eskarun kuni kusu an ap ne ruwe ne. Orowa, atpake wano tap okay oruspe somo eci=orun Ku=ye, eci turano Ku=an nisa ruwe ne kusu ne na.
Mattaios 24.10-13 §245X
10 Orowa, nei ita anak ne inne utara ureepetchiu, aige, utashpa uwe-ekoshi, utashpa uwe-etunne kusu ne.
Orowa, ne hi ta anakne inne utar ureepetciw, ayke, utaspa ue-ekosi, utaspa ue-etunne kusu ne.
11 Orowa, inne shunge uweingara utara hopuni wa poron no okai utara ru turainure kusu ne.
Orowa, inne sunke ueinkar utar hopuni wa poronno okay utar ru turaynure kusu ne.
12 Samata, wenbe aporore an kusu ne gusu, inne utara koro omap-i nin kusu ne.
Sama ta, wenpe a=porore an kusu ne kusu, inne utar kor omap hi nin kusu ne.
13 Koroka, okese pakno yaishiporore gurʼanak ne kashi-a-obiuki kusu ne.
Korka, okes pakno yaysiporore kur anakne kasi-a-opiwki kusu ne.
Mattaios 24.14 §246VI
14 Orowa, obitta no okai uirup utara orota an paweteshu ne gusu, ingi-nroshiri ta tan moshiri gusu an pirika orushpe aeupaskuma kusu ne; orowa, shiokere ambe anak ne ek tusu ne na.
Orowa, opittano okay uyrup utar oro ta an pawetesu ne kusu, inki-nrosiri ta tan mosir kusu an pirka oruspe a=ewpaskuma kusu ne; orowa, siokere anpe anakne ek tusu ne na.
Mattaios 24.15-16 §247VI
15 Tambe gusu uweingara guru ne Danieru ani ayere aetunne iwendep nei ashkanne ushita ash shiri echi
Tanpe kusu ueinkar kur ne Danieru ani a=yere a=etunne iwentep ne askanne usi ta as siri eci
16 nukara chiki (orooitak guru ramepakari yan) Yudea ta okai utara nupuri orun kokira:
nukar ciki (oroytak kur ramepakari yan) Yudea ta okay utar nupuri orun kokira:
Markos 13.14B-16 §143II
14 Koroka, shomo ash kuni ushiketa aetunne wendep ash shiri echi nukara ita (orooitak guru iramu yan),
Korka, somo as kuni uske ta a=etunne wente p as siri eci=nukar hi ta (oroytak kur iramu yan),
15 nei ita Yudea un utara nupuri otta ko-kira: orowa, chisei kata an guru chisei otta an okaibe uk kuni gusu iteki ran wa ahun yan:
ne hi ta Yudea un utar nupuri or ta ko-kira: orowa, cise kata an kur cise or ta an okaype uk kuni kusu iteki ran wa ahun yan:
16 orowa, toi otta an guru hokannashi mip uk gusu iteki hoshipi yan.
orowa, toy or ta an kur hokannasi mip uk kusu iteki hosipi yan.
Roukos 17.31 §209II
31 Nei toho ta chisei kitaigeta an wa korobe anak chisei oshiketa an guru anak ne iteki nei ambe uk kuni ran yan: orowa, kimta an guru ne yakka nei no korachi iteki hoshipi yan.
Ne toho ta cise kitayke ta an wa kor pe anak cise oske ta an kur anakne iteki ne anpe uk kuni ran yan: orowa, kim ta an kur ne yakka néno koraci iteki hosipi yan.
Roukos 21.21-22 §253II
21 Nei ita Yudea un utara nupuri otta kokira: orowa, nei oshiketa okai utara soyumba yan: orowa, kimta okai utara iteki nei orun ahup yan.
Ne hi ta Yudea un utar nupuri or ta kokira: orowa, ne oske ta okay utar soyunpa yan: orowa, kim ta okay utar iteki ne orun ahup yan.
22 Inambe gusu ne yakun, tan toho anak ne chieshinnuye wa obitta no okaibe auweomare kuni ikemnu toho ne ruwe ne gusu ne na.
Inanpe kusu ne yakun, tan toho anakne ciesinnuye wa opittano okaype a=ueomare kuni ikemnu toho ne ruwe ne kusu ne na.
Mattaios 24.19 §249II
19 Koroka nei ita honkoro guru newa tononde utara yaisambepokash humi!
Korka ne hi ta honkor kur newa tononte utar yaysanpepokas humi!
Roukos 21.23A §254II
23 Nei toho ta shinnai kat iyeunu wa okai utara hemhem, to nonde wa okai utara hemhem eyaisambepokash humi! inambe gusu ne yakun, moshiri kata poro aramusarakkap an, tan okai utara kata irushkap an kusu ne gusu ne na.
Ne toho ta sinnay kat iyewnu wa okay utar hemhem, to nonte wa okay utar hemhem eyaysanpepokas humi! inanpe kusu ne yakun, mosir kata poro aramusarakkap an, tan okay utar kata iruska p an kusu ne kusu ne na.
Mattaios 24.20 §250VI
20 Orowa, echi kira-i anak ne iteki mata otta hene Shini toho ta hene an kuni koramkoro yan:
Orowa, eci=kira hi anakne iteki mata or ta hene Sini toho ta hene an kuni koramkor yan:
Mattaios 24.21 §251II
21 moshiri heashi wano tane pakno, orowa, te wano hembara pakno ne yakka isam pakno nei ita anak ne poro aeramuchuptekbe hetuku kusu ne na.
mosir heasi wano tane pakno, orowa, te wano henpara pakno ne yakka isam pakno ne hi ta anakne poro aeramucuptekpe hetuku kusu ne na.
Markos 13.19 §146II
19 Inambe gusu ne yakun, nei toho ta anak ne Kamui kan rok moshiri heashi wano tane pakno hene, tane wano hembara pakno ne yakka isam pakno an aeramuchuptekbe hetuku kusu ne na.
Inanpe kusu ne yakun, ne toho ta anakne Kamuy kan rok mosir heasi wano tane pakno hene, tane wano henpara pakno ne yakka isam pakno an aeramucuptekpe hetuku kusu ne na.
Roukos 21.23B §255II
23 Nei toho ta shinnai kat iyeunu wa okai utara hemhem, to nonde wa okai utara hemhem eyaisambepokash humi! inambe gusu ne yakun, moshiri kata poro aramusarakkap an, tan okai utara kata irushkap an kusu ne gusu ne na.
Ne toho ta sinnay kat iyewnu wa okay utar hemhem, to nonte wa okay utar hemhem eyaysanpepokas humi! inanpe kusu ne yakun, mosir kata poro aramusarakkap an, tan okay utar kata iruska p an kusu ne kusu ne na.
Mattaios 24.22 §252VI
22 Orowa, nei toho ataknere shomoki chiki anak ne, nen ne yakka shomo kashi a-obiuki ruwe ne a an na: koroka, anumge wa okai utara gusu nei toho ataknere kusu ne.
Orowa, ne toho a=taknere somo ki ciki anakne, nen ne yakka somo kasi a-opiwki ruwe ne a an na: korka, a=numke wa okay utar kusu ne toho a=taknere kusu ne.
Markos 13.20 §147VI
20 Orowa, Utarapa anak ne nei toho taknere shomoki chiki, nen ne yakka shomo kashi-a-obiuki ruwe ne, koroka, Shinuma numge anumge utara rengap gusu nei toho ataknere nisa ruwe ne.
Orowa, Utarpa anakne ne toho taknere somo ki ciki, nen ne yakka somo kasi-a-opiwki ruwe ne, korka, Sinuma numke a=numke utar renkap kusu ne toho a=taknere nisa ruwe ne.
Mattaios 24.23 §253II
23 Orowa, nei ita Kiristo anak ne teda an, toada an sekoro echi otta ye guru an chiki, iteki eishokoro yan.
Orowa, ne hi ta Kiristo anakne teta an, toata an sekor eci or ta ye kur an ciki, iteki eysokor yan.
Mattaios 24.24 §254VI
24 Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.
Inanpe kusu ne yakun, inne sunke Kiristo newa sunke ueinkar kur hetuku wa poro siros poro iyokunnurep nukare; orowa, easkay ciki anakne a=numke utar ne yakka kokantama kusu ne.
Markos 13.22-23 §149VI
22 inambe gusu ne yakun, shunge Kiristo shunge uweingara utara hetuku wa eashkai chiki anumge utara shiren wa turainure kuni gusu shirosh newa iyokunnurep nukare kusu ne na.
inanpe kusu ne yakun, sunke Kiristo sunke ueinkar utar hetuku wa easkay ciki a=numke utar siren wa turaynure kuni kusu siros newa iyokunnurep nukare kusu ne na.
23 Koroka, echi yaitubare yan: ingara, etoko wano nep ne yakka echi nure ash nisa ruwe ne.
Korka, eci=yaytupare yan: inkar, etoko wano nep ne yakka eci=nure as nisa ruwe ne.
Mattaios 24.25-26 §255V
25 Ingarʼan, etoko wano tap echi nure ash na. Tambe gusu, shinuma anak ne nupuri kata an sekoro nei utara echi otta ye chiki:
Inkar=an, etoko wano tap eci=nure as na. Tanpe kusu, sinuma anakne nupuri kata an sekor ne utar eci or ta ye ciki:
26 iteki paye: orowa, ingarʼan, chisei onnaigeta an tumbu ta an, sekoro echi otta ye chiki, iteki eishokoro yan.
iteki paye: orowa, inkar=an, cise onnayke ta an tumpu ta an, sekor eci or ta ye ciki, iteki eysokor yan.
Roukos 17.20-21 §202V
20 Orowa, Kamui moshiri hembara ek kuni orushpe Parisee un utara Shinuma otta nu ita anak ne otta ene itak-hi :— Kamui moshiri anak ne aoshitkurukote no ek shomoki:
Orowa, Kamuy mosir henpara ek kuni oruspe Parisee un utar Sinuma or ta nu hi ta anakne or ta ene itak hi :— Kamuy mosir anakne aositkurukote no ek somo ki:
21 shui, teda an, toada an, ani an itak ani aye shomoki! Ingara, Kamui moshiri anak ne echi tumugeta an ruwe ne.
suy, teta an, toata an, ani an itak ani a=ye somo ki! Inkar, Kamuy mosir anakne eci=tumke ta an ruwe ne.
Mattaios 24.27 §256V
27 Inambe gusu ne yakun, imeru anak ne moshiri-pa wano hetuku wa moshiri-gesh pakno anukara korachi;
Inanpe kusu ne yakun, imeru anakne mosir-pa wano hetuku wa mosir-kes pakno a=nukar koraci;
Roukos 17.24 §205V
24 iteki nei utara osh paye yan: kando choropok wano shine an ushiketa imeru hetuku chiki, kando choropok un moshima an ushike pakno pekere atte ruwe ne; Ainu Poho ne yakka koro toho ta nei no korachi an kusu ne na.
iteki ne utar os paye yan: kanto corpok wano sine an uske ta imeru hetuku ciki, kanto corpok un mosma an usike pakno peker atte ruwe ne; Aynu Poho ne yakka kor toho ta néno koraci an kusu ne na.
Mattaios 24.29-30A §258II
29 Koroka, nei toho ta hetuku aeramuchuptekbe nani okaketa, tokap chup akunnere, kunne chup koro pekere atte shomoki, nochiu chup anak ne kando orowa no rapapse, orowa, kando kiroro ashuyeshuyere kusu ne:
Korka, ne toho ta hetuku aeramucuptekpe nani okake ta, tokap cup a=kunnere, kunne cup kor peker atte somo ki, nociw cup anakne kanto oro wano rapapse, orowa, kanto kiroro asuyesuyere kusu ne:
30 orowa, Ainu Poho koro shirosh kando otta anukara kusu ne: orowa no moshiri otta okai moshirʼun utara obitta yaituwashkarap, orowa, kiroro newa poro nupeki koro wa kando nishkuru kata o wa ek
orowa, Aynu Poho kor siros kanto or ta a=nukar kusu ne: orowano mosir or ta okay mosir un utar opitta yaytuwaskarap, orowa, kiroro newa poro nupeki kor wa kanto niskur kata o wa ek
Markos 13.24-25 §150II
24 Koroka, nei toho ta nei aeramuchuptekbe aokere ita anak ne, tokap chup akunnere, kunne chup pekere atte shomoki,
Korka, ne toho ta ne aeramucuptekpe a=okere hi ta anakne, tokap cup a=kunnere, kunne cup peker atte somo ki,
25 orowa nochiu anak ne kando orowa no rapapse, samata, kando un kiroro ashuyeshuye kusu ne.
orowa nociw anakne kanto oro wano rapapse, sama ta, kanto un kiroro a=suyesuye kusu ne.
Roukos 21.25-26 §257II
25 Orowa, tokap chup otta hene, kunne chup otta hene, nochiu otta hene shiroshi okai kusu ne; riri newa atui sash humi gusu sambe-kokuruse wa moshiri kata okai uirup yairamhekomo kusu ne;
Orowa, tokap cup or ta hene, kunne cup or ta hene, nociw or ta hene sirosi okay kusu ne; rir newa atuy sas humi kusu sanpe-kokuruse wa mosir kata okay uyrup yayramhekomo kusu ne;
26 moshiri otta araki kusu ne okaibe araki kuni esanniyo gusu, utara ishitoma wa ramu-rai kusu ne: kando un kiroro anak ne ashuyeshuye kusu ne gusu ne na.
mosir or ta arki kusu ne okaype arki kuni esanniyo kusu, utar isitoma wa ramu-ray kusu ne: kanto un kiroro anakne a=suyesuye kusu ne kusu ne na.
Mattaios 24.30B-35 §259II
30 orowa, Ainu Poho koro shirosh kando otta anukara kusu ne: orowa no moshiri otta okai moshirʼun utara obitta yaituwashkarap, orowa, kiroro newa poro nupeki koro wa kando nishkuru kata o wa ek
orowa, Aynu Poho kor siros kanto or ta a=nukar kusu ne: orowano mosir or ta okay mosir un utar opitta yaytuwaskarap, orowa, kiroro newa poro nupeki kor wa kanto niskur kata o wa ek
31 Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.
Aynu Poho nukar kusu ne Orowa, rappa poro humi aste hawe tura Sinuma anakne kor uytekpe payere wa ine rera oro wano kanto-pa wano kanto-kes wano kor numke utar uwekarpare kusu ne.
32 Ichijiku chikuni gusu an shine itak-maukushte itak nu yan: koro ni-tek tane hapuru wa ham hetukure yak anak ne, sak ehange ruwe ne sekoro echi eraman;
icijiku cikuni kusu an sine itak-mawkuste itak nu yan: kor ni-tek tane hapur wa ham hetukure yakanak ne, sak ehanke ruwe ne sekor eci=eraman;
33 tap korachi echi utara ne yakka tan okaibe obitta nukara chiki, Shinuma ehange no an, apa samaketa an sekoro echi onnere yan.
tap koraci eci utar ne yakka tan okaype opitta nukar ciki, Sinuma ehanke no an, apa samake ta an sekor eci=onnere yan.
34 Son no echi otta Ku ye, tap ambe obitta auweomare pakno tane okai ainu ikiri isam shomoki kusu ne.
Sonno eci or ta Ku=ye, tapanpe opitta a=ueomare pakno tane okay aynu ikiri isam somo ki kusu ne.
35 Kando newa toi anak ne aisamka kusu ne, koroka, Ku itak anak aisamka shomoki kusu ne na.
Kanto newa toy anakne a=ysamka kusu ne, korka, Ku=itak anak a=ysamka somo ki kusu ne na.
Markos 13.26-31 §151II
26 Orowa, Ainu Poho anak ne poro kiroro newa nupeki-hi koro wa nishkuru o wa ek shiri utara nukara kusu ne.
Orowa, Aynu Poho anakne poro kiroro newa nupeki hi kor wa niskur o wa ek siri utar nukar kusu ne.
27 Orowa no, Shinuma anak ne koro hauturumbe payere wa moshiripa pakno moshirigesh pakno, kando-pa wano kando-gesh pakno ine rera wano koro numge utara uwekarapare kusu ne na.
Orowano, Sinuma anakne kor hawturunpe payere wa mosirpa pakno mosirkes pakno, kanto-pa wano kanto-kes pakno ine rera wano kor numke utar uwekarpare kusu ne na.
28 Ichijiku chikuni ankushkerai itak-maukushte-itak nu yan: koro uitek tane hapuru wa ham hetukure yak anak ne sak ehange ruwe ne sekoro echi eramʼan;
icijiku cikuni an kuskeray itak-mawkuste-itak nu yan: kor uytek tane hapur wa ham hetukure yakanak ne sak ehanke ruwe ne sekor eci=eraman;
29 tap korachi ne yakka tan okaibe hetuku shiri echi nukara chiki, Shinuma ehange no an, apa samaketa an ruwe ne ari an ambe eraman yan.
tap koraci ne yakka tan okaype hetuku siri eci=nukar ciki, Sinuma ehanke no an, apa samake ta an ruwe ne ari an anpe eraman yan.
30 Son no echi otta Ku ye, tambe obitta auweomare pakno tane okai ainu ikiri isam shomoki kusu ne.
Sonno eci or ta Ku=ye, tanpe opitta a=ueomare pakno tane okay aynu ikiri isam somo ki kusu ne.
31 Kando newa toi anak ne isam kusu ne: koroka, Ku ye itak anak ne isam shomoki kusu ne ruwe ne.
Kanto newa toy anakne isam kusu ne: korka, Ku=ye itak anakne isam somo ki kusu ne ruwe ne.
Roukos 21.27-33 §258II
27 Orowa no, Ainu Poho anak ne kiroro newa poro nupeki koro wa nishkuru otta ek shiri anukara kusu ne.
Orowano, Aynu Poho anakne kiroro newa poro nupeki kor wa niskur or ta ek siri a=nukar kusu ne.
28 Koroka, tap okaibe hetuku heashi ita anak ne, hepuni un ingara, echi koro sapa puni yan; echi koro kikiaraye-i karange no ek ruwe ne gusu ne na.
Korka, tap okaype hetuku heasi hi ta anakne, hepuni un inkar, eci=kor sapa puni yan; eci=kor kikiaraye hi karankeno ek ruwe ne kusu ne na.
29 Orowa, nei utara otta Shinuma itak-maukushte-itak ye :— Ichijiku chikuni hemhem, obitta no okai chikuni hemhem ingara yan:
Orowa, ne utar or ta Sinuma itak-mawkuste-itak ye :— Ichijiku cikuni hemhem, opittano okay cikuni hemhem inkar yan:
30 nei ambe anak ne tane chuchu hetukure chiki, echi nukara wa tane sak un pa ehange no an shiri echi utara yaikota eraman ruwe ne.
ne anpe anakne tane cucu hetukure ciki, eci=nukar wa tane sak un pa ehanke no an siri eci utar yaykota eraman ruwe ne.
31 Nei no korachi echi utara anak ne tap okai orushpe hetuku-hi echi nukara chiki, Kamui moshiri ehange no an shiri echi eramu yan.
Néno koraci eci utar anakne tap okay oruspe hetuku hi eci=nukar ciki, Kamuy mosir ehanke no an siri eci=eramu yan.
32 Son no echi otta Ku ye :— Nep ne yakka an okaibe auweomare pakno, tan okai ainu ikiri isam shomoki kusu ne.
Sonno eci or ta Ku=ye :— Nep ne yakka an okaype a=ueomare pakno, tan okay aynu ikiri isam somo ki kusu ne.
33 Kando newa toi anak ne isam kusu ne, koroka, Ku itak anak ne isam shomoki kusu ne na.
Kanto newa toy anakne isam kusu ne, korka, Ku=itak anakne isam somo ki kusu ne na.
Mattaios 24.36 §260VI
36 Koroka, nei toho newa pakihi eraman guru isam, kando otta okai hauturumbe ka erampeutek, Poho ne yakka eramu an shomoki, ouse Michi patek eramʼan ruwe ne.
Korka, ne toho newa pakihi eraman kur isam, kanto or ta okay hawturunpe ka eranpewtek, Poho ne yakka eramuan somo ki, owse Mici patek eraman ruwe ne.
Mattaios 24.37-39 §261V
37 Orowa, Noa toho an korachi Ainu Poho ek pakihi ne yakka ene ani ne.
Orowa, Noa toho an koraci Aynu Poho ek pakihi ne yakka ene ani ne.
38 Inambe gusu ne yakun, pe-san etokota Noa chip otta ahun pakno utara anak ne ibe wa okai iku wa okai,
Inanpe kusu ne yakun, pe-san etoko ta Noa cip or ta ahun pakno utar anakne ipe wa okay iku wa okay,
39 mat akore hoku akore wa okai wa pe-san hetuku wa nei utara obitta isamka pakno nei utara erampeutek korachi,
mat a=kore hoku a=kore wa okay wa pe-san hetuku wa ne utar opitta isamka pakno ne utar eranpewtek koraci,
Roukos 17.26-27 §207V
26 Orowa no, Noe okai rapoketa an korachi, nei ambe nei no Ainu Poho pakita ne yakka an kusu ne.
Orowano, Noe okay rapoketa an koraci, ne anpe néno Aynu Poho pakita ne yakka an kusu ne.
27 Noe anak ne chip otta ahun wa pe san hine obitta no okai utara isamka pakno, nei ita okai utara anak ne ibe hemhem ki, iku hemhem ki, matkoro, hokukoro, matkore, hokukore hemhem ki nisa ruwe ne na.
Noe anakne cip or ta ahun wa pe san hine opittano okay utar isamka pakno, ne hi ta okay utar anakne ipe hemhem ki, iku hemhem ki, matkor, hoku kor, matkore, hokukore hemhem ki nisa ruwe ne na.
Mattaios 24.40-41 §262V
40 Ainu Poho ek pakihi ene ani ne. Nei ita anak ne tu ainu toi otta okai wa shinen auk shinen aande kusu ne:
Aynu Poho ek pakihi ene ani ne. Ne hi ta anakne tu aynu toy or ta okay wa sinen auk sinen a=ante kusu ne:
41 tu shiwentep nishu otta uta, shinen auk shinen aande kusu ne.
tu siwentep nisu or ta uta, sinen auk sinen a=ante kusu ne.
Roukos 17.34-35 (+36, in note) §212V
34 Echi otta Ku ye, nei anchikara ta tu ainu anak ne shine shotki kata okai, aine, shinen auk, shinen aande kusu ne na.
Eci or ta Ku=ye, ne ancikar ta tu aynu anakne sine sotki kata okay, ayne, sinen auk, sinen a=ante kusu ne na.
35 Tu shiwentep utara tu-unashi yuta koro, shinen anak ne auk, shinen anak aande kusu ne na.
Tu siwentep utar tu-unasi yuta kor, sinen anakne auk, sinen anak a=ante kusu ne na.
36 Orowa, nei utara ese wa Shinuma otta, Neita, Utarapa? Orota, Shinuma ene itak-hi :— Netobake an ushiketa nei ita anak ne kapachiri uweshineatki kusu ne ruwe ne, ari itak.
Orowa, ne utar ese wa Sinuma or ta, Ney ta, Utarpa? Oro ta, Sinuma ene itak hi :— Netopake an uske ta ne hi ta anakne kapacir uwesineatki kusu ne ruwe ne, ari itak.
Mattaios 24.42 §263VI
42 Tambe gusu shiruwande yan: echi koro Utarapa inan toho ta ek ya echi erampeutek ruwe ne gusu ne na.
Tanpe kusu siruwante yan: eci=kor Utarpa inan toho ta ek ya eci=eranpewtek ruwe ne kusu ne na.
Markos 13.33 §153VI
33 Ouse Michi patek eramʼan ruwe ne. Yairamatte wa shiruwande hemhem ki, inonno-itak hemhem ki yan: nei pakihi hembara ta an ya echi erampeutek ruwe ne gusu ne na.
Owse Mici patek eraman ruwe ne. Yairamatte wa siruwante hemhem ki, inonno-itak hemhem ki yan: ne pakihi henpara ta an ya eci=eranpewtek ruwe ne kusu ne na.
Mattaios 24.43-44 §264II
43 Koroka, tambe echi onnere yan: ikka guru inan pakihi pakita ek ya sekoro chisei kon nishpa eraman chiki, shiruwande wa koro chisei iteki aopattekka kuni ne kan nangon na.
Korka, tanpe eci=onnere yan: ikka kur inan pakihi pakita ek ya sekor cise kor nispa eraman ciki, siruwante wa kor cise iteki aopattekka kuni ne kan nankor na.
44 Tambe gusu echi utara ne yakka etokooiki wa okai yan; inambe gusu ne yakun, echi esanniyo shomoki pakihi ta Ainu Poho ek kusu ne.
Tanpe kusu eci utar ne yakka etokooyki wa okay yan; inanpe kusu ne yakun, eci=esanniyo somo ki pakihi ta Aynu Poho ek kusu ne.
Markos 13.35-37 §155II
35 Tambe gusu, shiruwande yan: inambe gusu ne yakun, chisei kon nishpa hembara ta ek ya, shiri-onuman ita hene, an noshike ta hene, niwatori chikap hau koro ita hene, kunneiwano ita hene, echi eramushkare ruwe ne gusu ne na:
Tanpe kusu, siruwante yan: inanpe kusu ne yakun, cise kor nispa henpara ta ek ya, siri-onuman hi ta hene, an noske ta hene, niwatori cikap hawkor hi ta hene, kunneywano hi ta hene, eci=eramuskare ruwe ne kusu ne na:
36 ikineipeka ika Shinuma ekushkonna ek wa echi mokoro shiri anukara na.
ikineypeka ika Sinuma ekuskonna ek wa eci=mokor siri a=nukar na.
37 Echi otta Ku ye itak obitta no okai utara otta Ku ye :— Shiruwande yan.
Eci or ta Ku=ye itak opittano okay utar or ta Ku=ye :— Siruwante yan.
Roukos 12.39-40 §156II
39 Koroka, tambe onnere yan, ikka guru inan pakita ek ya sekoro chisei kon nishpa eraman chiki, shiruwande wa chisei iteki aopattekka kuni ne kara.
Korka, tanpe onnere yan, ikka kur inan pakita ek ya sekor cise kor nispa eraman ciki, siruwante wa cise iteki aopattekka kuni ne kar.
40 Echi utara ne yakka, etokooiki wa okai yan: inambe gusu ne yakun, echi esanniyo shomoki pakihi ta Ainu Poho ek kusu ne na.
Eci utar ne yakka, etokooyki wa okay yan: inanpe kusu ne yakun, eci=esanniyo somo ki pakihi ta Aynu Poho ek kusu ne na.
Mattaios 24.45 §265V
45 Chisei koro guru koro chisei epunginere ausshiunere kipniukesh wayashnu utara nen ne ruwe he an? Nei utara otta nei pakihi epa ita aep koropare kusu ne.
Cise kor kur kor cise epunkinere aussiwnere kipniwkes wayasnu utar nen ne ruwe he an? Ne utar or ta ne pakihi epa hi ta aep korpare kusu ne.
Roukos 12.41-44 §157V
41 Orowa, Petros ene itak-hi :— Utarapa, un otta tan itak-maukushte-itak E ye ya, obitta no okai utara otta poka E ye ya? ari itak.
Orowa, Petros ene itak hi :— Utarpa, un or ta tan itak-mawkuste-itak E ye ya, opittano okay utar or ta poka E ye ya? ari itak.
42 Orowa, Utarapa ene itak-hi :— Pakihi epa ita utara otta uina kuni aep kore gusu kon nishpa anak ne koro chisei esapanere ikipniukesh wa wayashnu guru nen ne ruwe he an?
Orowa, Utarpa ene itak hi :— Pakihi epa hi ta utar or ta uyna kuni aep kore kusu kor nispa anakne kor cise esapanere ikipniwkes wa wayasnu kur nen ne ruwe he an?
43 Kon nishpa ek wa nei no ki wa anukara wa an uitek guru anak ne anunuke ne ruwe ne.
Kor nispa ek wa néno ki wa a=nukar wa an uytek kur anakne a=nunuke ne ruwe ne.
44 Son no echi otta Ku ye, korope ebitta esapanere kusu ne na.
Sonno eci or ta Ku=ye, kor pe epitta esapanere kusu ne na.
Mattaios 24.46-47 §266V
46 Kon nishpa ek ita nei no iki guru nukara chiki anunuke ne ruwe ne.
Kor nispa ek hi ta néno iki kur nukar ciki a=nunuke ne ruwe ne.
47 Son no echi otta Ku ye, nishpa anak ne koro wa okaibe obitta nei guru esapanere kusu ne.
Sonno eci or ta Ku=ye, nispa anakne kor wa okaype opitta ne kur esapanere kusu ne.
Roukos 12.37-38 §155V
37 Kon nishpa ek wa shiruwande wa okai anukara usshiune utara anak ne anunuke ne ruwe ne: son no echi otta Ku ye, Kon nishpa anak ne yaikota yai-kutkoro wa, nei utara ibe gusu rokte, orowa, ek wa otta yaishieiwangere kusu ne na.
Kor nispa ek wa siruwante wa okay a=nukar ussiw ne utar anakne a=nunuke ne ruwe ne: sonno eci or ta Ku=ye, Kor nispa anakne yaykota yay-kutkor wa, ne utar ipe kusu rokte, orowa, ek wa or ta yaysieywankere kusu ne na.
38 Orowa, shinuma anak ne, tutanu an shiniwe ita ek hene, re otutanu an shiruwe ita ek hene, nei no okai wa nukara chiki, nei uitek utara anunuke ne ruwe ne.
Orowa, sinuma anakne, tutanu an siniwe hi ta ek hene, re otutanu an siruwe hi ta ek hene, néno okay wa nukar ciki, ne uytek utar a=nunuke ne ruwe ne.
Roukos 12.41-44 §157V
41 Orowa, Petros ene itak-hi :— Utarapa, un otta tan itak-maukushte-itak E ye ya, obitta no okai utara otta poka E ye ya? ari itak.
Orowa, Petros ene itak hi :— Utarpa, un or ta tan itak-mawkuste-itak E ye ya, opittano okay utar or ta poka E ye ya? ari itak.
42 Orowa, Utarapa ene itak-hi :— Pakihi epa ita utara otta uina kuni aep kore gusu kon nishpa anak ne koro chisei esapanere ikipniukesh wa wayashnu guru nen ne ruwe he an?
Orowa, Utarpa ene itak hi :— Pakihi epa hi ta utar or ta uyna kuni aep kore kusu kor nispa anakne kor cise esapanere ikipniwkes wa wayasnu kur nen ne ruwe he an?
43 Kon nishpa ek wa nei no ki wa anukara wa an uitek guru anak ne anunuke ne ruwe ne.
Kor nispa ek wa néno ki wa a=nukar wa an uytek kur anakne a=nunuke ne ruwe ne.
44 Son no echi otta Ku ye, korope ebitta esapanere kusu ne na.
Sonno eci or ta Ku=ye, kor pe epitta esapanere kusu ne na.
Mattaios 24.48-51 §267V
48 Koroka, wen ausshiunere guru keutumu ta ku kon nishpa ek moire ari ye;
Korka, wen aussiwnere kur kewtumu ta ku=kor nispa ek moyre ari ye;
49 aige, tura no okai auitek utara shirikik, orowa, ihoshki utara tura no ibe hemhem ki iku hemhem ki chiki,
ayke, turano okay awitek utar sirkik, orowa, ihoski utar turano ipe hemhem ki iku hemhem ki ciki,
50 nei usshiune guru esanniyo shomoki toho ta, ek kuni aramu shomoki pakihi ta kon nishpa ek wa nei guru shiri shirikik,
ne ussiw ne kur esanniyo somo ki toho ta, ek kuni a=ramu somo ki pakihi ta kor nispa ek wa ne kur siri sirkik,
51 orowa, kankapkapeka utara tura no eimekbe koropare kusu ne: nei ita anak ne chish hemhem niyorokara hemhem an kusu ne na.
orowa, kankapkapeka utar turano eymekpe korpare kusu ne: ne hi ta anakne cis hemhem niyorkar hemhem an kusu ne na.
Roukos 12.45-46 §158V
45 Koroka, nei usshiune guru anak ne, kon nishpa ek moire, sekoro keutura ta ye wa auitek-ainu hemhem, auitek-mat hemhem shirikik,
Korka, ne ussiw ne kur anakne, kor nispa ek moyre, sekor kewtura ta ye wa awitek-aynu hemhem, awitek-mat hemhem sirkik,
46 orowa, ibe hemhem ki, iku hemhem ki wa ihoshki chiki, nei usshiune guru kon nishpa anak shinuma ek shomoki sekoro esanniyo toho ta, eramu an shomoki pakihi ta ek, aige, nei guru oattuye wa wen utara tura no aimekbe koropare kusu ne.
orowa, ipe hemhem ki, iku hemhem ki wa ihoski ciki, ne ussiw ne kur kor nispa anak sinuma ek somo ki sekor esanniyo toho ta, eramuan somo ki pakihi ta ek, ayke, ne kur oattuye wa wen utar turano aymekpe korpare kusu ne.