共観表
Mattaios 12.1-4 §114II
1 Nei ita Yesu anak ne shini toho ta mungi toi kush wa oman; aige, koro koikara utara ibe rusui gusu
Ne hi ta Yesu anakne sini toho ta munki toy kus wa oman; ayke, kor koykar utar ipe rusuy kusu
2 mungi upush tuiba wa ibe heashi koroka Parisee un utara tap ambe nukara chiki Shinuma otta ene itak-hi :— Ingarʼan, E koro koikara utara anak ne shini toho ta aki yak ne chikokatpak nep ki koro okai ruwe ne, ani itak.
munki upus tuypa wa ipe heasi korka Parisee un utar tapanpe nukar ciki Sinuma or ta ene itak hi :— Inkar=an, E=kor koykar utar anakne sini toho ta aki yakne ci=kokatpak nepki kor okay ruwe ne, ani itak.
3 Koroka, nei utara otta Shinuma ene ye-hi :— Dabid newa tura no okai utara ibe-rusui ita hemanda ki orushpe;
Korka, ne utar or ta Sinuma ene ye hi :— Dabid newa turano okay utar ipe-rusuy hi ta hemanta ki oruspe;
4 nei guru Kamui kora kenru orun ahun wa Kamui otta yaishieiwangere utara moshima okai utara e ko chikokatpak ne sekoro Kamui otta ayangep uk wa yaikota newa tura no okai utara ibe ambe echi oro-oitak shomoki ya?
ne kur Kamuy kor kenru orun ahun wa Kamuy or ta yaysieywankere utar mosma okay utar e ko ci=kokatpak ne sekor Kamuy or ta ayankep uk wa yaykota newa turano okay utar ipe anpe eci oro-oytak somo ki ya?
Markos 2.23-26 §24II
23 Orowa, Shini toho ta Shinuma mungi toi kush wa oman korʼan; awa, koro koikara utara paye rapoketa mungi push tuiba heashi nisa ruwe ne.
Orowa, Sini toho ta Sinuma munki toy kus wa oman kor an; awa, kor koykar utar paye rapoketa munki pus tuypa heasi nisa ruwe ne.
24 Aige, Parisee un utara Shinuma otta ene itak-hi :— Ingarʼan, hemanda gusu nei utara Shini toho ta aki yak ne tuitak otereke nep ki koro okai ruwe he an?
Ayke, Parisee un utar Sinuma or ta ene itak hi :— Inkar=an, hemanta kusu ne utar Sini toho ta aki yakne tuytak oterke nepki kor okay ruwe he an?
25 Orota Shinuma ene itak-hi :— Dabid newa tura no okai utara ibe rusui wa aeishiramnep an ita iki orushpe naa shomo echi orooitak ya?
Oro ta Sinuma ene itak hi :— Dabid newa turano okay utar ipe rusuy wa aeysiramnep an hi ta iki oruspe naa somo eci=oroytak ya?
26 Kamui kora kenru iyotta pase esapane guru Abiatar an ita, shinuma Kamui kora kenru orun ahun wa Kamui kora kenru esapane utara moshima okai utara e ambe tuitak oterekep ne Kamui otta ayange pan uk wa yaikota e, samata, tura no okai utara ne yakka ere ambe echi oro-oitak shomoki ruwe he an?
Kamuy kor kenru iyotta pase esapane kur Abiatar an hi ta, sinuma Kamuy kor kenru orun ahun wa Kamuy kor kenru esapane utar mosma okay utar e anpe tuytak oterekep ne Kamuy or ta a=yanke pan uk wa yaykota e, sama ta, turano okay utar ne yakka ere anpe eci oro-oytak somo ki ruwe he an?
Roukos 6.1-5 §41II
1 Orowa, Shini toho ta Shinuma mungi toi kush wa oman, aige, koro koikara utara mungi push tuiba wa tekehe otta noyanoya hine ibe korʼan ruwe ne.
Orowa, Sini toho ta Sinuma munki toy kus wa oman, ayke, kor koykar utar munki pus tuypa wa tekehe or ta noyanoya hine ipe kor an ruwe ne.
2 Koroka, Parisee un utara tumugeta okai utara ene itak-hi :— Shini toho ta aki yak anak ne Kamui ikashpaotte otereke buri nep gusu echi ki ruwe he an? ani itak.
Korka, Parisee un utar tumke ta okay utar ene itak hi :— Sini toho ta aki yakanak ne Kamuy ikaspaotte oterke puri nep kusu eci=ki ruwe he an? ani itak.
3 Orowa, orota Yesu ese wa ene itak-hi :— Dabid anak ne ibe-rusui ita tura no okai utara utura nekon a iki ya sekorʼan orushpe ka echi oro-oitak shomoki ruwe?
Orowa, oro ta Yesu ese wa ene itak hi :— Dabid anakne ipe-rusuy hi ta turano okay utar utura nekona iki ya sekor an oruspe ka eci oro-oytak somo ki ruwe?
4 Shinuma anak ne Kamui kora kenru orota ahun wa, ouse Kamui kora kenru esapane utara patek ibe kuni Kamui otta ayange aep uk wa e, orowa no, tura no okai utara otta koropare wa ere-i echi oro-oitak shomoki ya?
Sinuma anakne Kamuy kor kenru oro ta ahun wa, owse Kamuy kor kenru esapane utar patek ipe kuni Kamuy or ta a=yanke aep uk wa e, orowano, turano okay utar or ta korpare wa ere hi eci oro-oytak somo ki ya?
5 Ainu Poho anak ne Shini toho koro Utarapa ne ruwe ne, sekorʼan itak ani nei utara otta ye nisa ruwe ne na.
Aynu Poho anakne Sini toho kor Utarpa ne ruwe ne, sekor an itak ani ne utar or ta ye nisa ruwe ne na.
Mattaios 12.5-8 §115X
5 Shui, shini toho ta Kamui kora kenru un utara anak ne shini toho otereke yakka katpak isam ruwe ne a ambe ne yakka Kamui tuitak kashiketa echi oro-oitak shomoki ruwe he an?
Suy, sini toho ta Kamuy kor kenru un utar anakne sini toho oterke yakka katpak isam ruwe ne a anpe ne yakka Kamuy tuytak kasike ta eci oro-oytak somo ki ruwe he an?
6 Koroka, echi otta Ku ye, Kamui kora kenru kasu no porobe teda an ruwe ne.
Korka, eci or ta Ku=ye, Kamuy kor kenru kasuno poro p teta an ruwe ne.
7 Koroka, Kuani anak ne ramu-hauge ambe Ku kon rusui wa ayange kunip Ku kon rusui shomoki ruwe ne sekorʼan anuye wa an itak ikkewehe echi eramu an wa okai yakun, katpak sak utara kokatpakte shomo echi ki nangoro kusu ne.
Korka, Kuani anakne ramu-hawke anpe Ku=kor rusuy wa a=yanke kunip Ku=kor rusuy somo ki ruwe ne sekor an a=nuye wa an itak ikkewehe eci=eramu an wa okay yakun, katpak sak utar kokatpakte somo eci=ki nankor kusu ne.
8 Ainu Poho anak ne shini toho koro Utarapa ne ruwe ne.
Aynu Poho anakne sini toho kor Utarpa ne ruwe ne.
Mattaios 12.9-13 §116II
9 Orowa Shinuma nei oro ekohopi wa oman, aige, nei utara koro uwekari chisei ta ahun nisa ruwe ne:
Orowa Sinuma ne oro ekohopi wa oman, ayke, ne utar kor uekari cise ta ahun nisa ruwe ne:
10 awa, ingarʼan, oatteke shipeshte shine ainu an. Orowa, eiyonnuppa ika hunara rusui gusu utara uwepekennu wa otta ene itak-hi :— Shini toho ta iwangere ambe anak ikashpaotte an i korachi ne ruwe he an? ari itak ruwe ne.
awa, inkar=an, oattek sipeste sine aynu an. Orowa, eiyonnuppa ika hunara rusuy kusu utar uwepekennu wa or ta ene itak hi :— Sini toho ta iwankere anpe anak ikaspaotte an i koraci ne ruwe he an? ari itak ruwe ne.
11 Nei utara otta Shinuma ene itak-hi :— Echi utara tumugeta inan guru shine hitsuji chikoikip koro wa an wa nei ambe shini toho ta shui oro-oshma chiki kishima wa yange shomoki ya?
Ne utar or ta Sinuma ene itak hi :— Eci utar tumke ta inan kur sine hitsuji cikoykip kor wa an wa ne anpe sini toho ta suy oro-osma ciki kisma wa yanke somo ki ya?
12 Hitsuji kasu no ainu anak ne nep oro an-i aesanniyop humi! Tambe gusu shini toho ta pirikap ki ambe anak ne pirikap an i ne ruwe ne na, ari itak.
hitsuji kasuno aynu anakne nep oro an hi aesanniyop humi! Tanpe kusu sini toho ta pirka p ki anpe anakne pirka p an i ne ruwe ne na, ari itak.
13 Orowa, nei ainu otta :— E teke turi yan, ani Shinuma ye. Orowa, aturi, aige, moshima an ambe korachi atumashnure nisa ruwe ne.
Orowa, ne aynu or ta :— E teke turi yan, ani Sinuma ye. Orowa, a=turi, ayke, mosma an anpe koraci atumasnure nisa ruwe ne.
Markos 2.27-3.5 §25II
27 Orota shui Shinuma ene itak hi :— Shini toho anak ne ainu gusu akarape ne, ainu anak ne Shini toho gusu akarape shomo ne ruwe ne; tambe gusu,
Oro ta suy Sinuma ene itak hi :— Sini toho anakne aynu kusu a=karpe ne, aynu anakne Sini toho kusu a=karpe somo ne ruwe ne; tanpe kusu,
28 Ainu Poho anak ne Shini toho poka enishpane ruwe ne na.
Aynu Poho anakne Sini toho poka enispane ruwe ne na.
3:1 Orowa, shui Shinuma Uwekarapa chisei orun ahun; awa nei ita teke shipeshte guru shinen an wa an.
Orowa, suy Sinuma Uekarpa cise orun ahun; awa ne hi ta teke sipeste kur sinen an wa an.
2 Aige, utara anak ne Shinuma eiyonnupba kuni ikkewe kon rusui gusu Shini toho ta shinuma iwangere kusu ne ya nukara gusu orun oshitkurukote nisa ruwe ne.
Ayke, utar anakne Sinuma eiyonnuppa kuni ikkewe kor rusuy kusu Sini toho ta sinuma iwankere kusu ne ya nukar kusu orun ositkurukote nisa ruwe ne.
3 Orowa, Shinuma teke shipeshte guru otta, — Utara tumugeta ash yan, ari itak.
Orowa, Sinuma teke sipeste kur or ta, — Utar tumke ta as yan, ari itak.
4 Aige, utara otta Shinuma ene itak-hi :— Shini toho ta pirikap ki hene wenbe ki hene, ramat shiknure hene raige hene iki katu inambe ikashpaotte uweomarepe ne ruwe he an?
Ayke, utar or ta Sinuma ene itak hi :— Sini toho ta pirka p ki hene wenpe ki hene, ramat siknure hene rayke hene iki katu inanpe ikaspaotte uweomarepe ne ruwe he an?
5 Koroka, nei utara mo no okai ruwe ne. Orowa, Shinuma nei utara sambe nishte wa gusu yairamkoiki hine irushka wa orun ekeshne ingara koro, nei ainu otta, — E teke turi yan, ari itak. Orowa koro teke turi, aige, atumashnure nisa ruwe ne.
Korka, ne utar mo no okay ruwe ne. Orowa, Sinuma ne utar sanpe niste wa kusu yayramkoyki hine iruska wa orun ekesne inkar kor, ne aynu or ta, — E teke turi yan, ari itak. Orowa kor teke turi, ayke, atumasnure nisa ruwe ne.
Roukos 6.6-11 §42II
6 Orowa no, moshima an Shini toho ta Shinuma Uwekarapa chisei ta ahun wa epakashnu wa an wa an ruwe ne: awa, shimon tek shipeshte shine ainu nei ushiketa an ruwe ne.
Orowano, mosma an Sini toho ta Sinuma Uekarpa cise ta ahun wa epakasnu wa an wa an ruwe ne: awa, simon tek sipeste sine aynu ne uske ta an ruwe ne.
7 Awa, eiyonnuppa kuni ikkewe kon rusui gusu, Shini toho ta Shinuma ainu iwangere ya shomo ya nukara gusu, kambi-nuye utara newa Parisee un utara Shinuma orun oshikkurukote nisa ruwe ne.
Awa, eiyonnuppa kuni ikkewe kor rusuy kusu, Sini toho ta Sinuma aynu iwankere ya somo ya nukar kusu, kampi-nuye utar newa Parisee un utar Sinuma orun osikkurkote nisa ruwe ne.
8 Koroka, Shinuma nei utara yainu i eramʼan: aige, teke shipeshte guru otta — Hopuni wa utara tumugeta ash yan — ani itak.
Korka, Sinuma ne utar yaynu i eraman: ayke, teke sipeste kur or ta — Hopuni wa utar tumke ta as yan — ani itak.
9 Orowa no, shinuma hopuni wa ash ruwe ne. Utara orota Yesu ene itak-hi :— Orushpe Ku nu; — Shini toho ta pirikap ki hene, wenbe ki hene, ramat shiknure hene, ramat raige hene, inambe kara katu ikashpaotte uweomarepe ne ya?
Orowano, sinuma hopuni wa as ruwe ne. Utar oro ta Yesu ene itak hi :— Oruspe Ku=nu; — Sini toho ta pirka p ki hene, wenpe ki hene, ramat siknure hene, ramat rayke hene, inanpe kar katu ikaspaotte uweomarepe ne ya?
10 Orowa, Shinuma utara orun ingara wa — E tekehe turi yan — nei guru otta ye nisa ruwe ne. Orowa nei no ki chiki tekehe aiwangere nisa.
Orowa, Sinuma utar orun inkar wa — E tekehe turi yan — ne kur or ta ye nisa ruwe ne. Orowa néno ki ciki tekehe aywankere nisa.
11 Koroka, nei utara wayasap kashpa, awa, Yesu otta nekon a iki kusu ne ya ani utashpa ukoramkon ruwe ne.
Korka, ne utar wayasap kaspa, awa, Yesu or ta nekona iki kusu ne ya ani utaspa ukoramkor ruwe ne.
Roukos 13.14-16 §165II
14 Orowa, Yesu anak ne Shini toho ta iwangere ki gusu Uwekarapa chisei esapane guru irushka wa inne utara otta ene itak-hi :— Otta utara monraige kuni to-ho iwan toho okai: tambe gusu, nei toho ta echi araki wa aiwangere yan, iteki Shini toho ta araki yan, ari itak.
Orowa, Yesu anakne Sini toho ta iwankere ki kusu Uekarpa cise esapane kur iruska wa inne utar or ta ene itak hi :— Or ta utar monrayke kuni to-ho iwan toho okay: tanpe kusu, ne toho ta eci=arki wa aywankere yan, iteki Sini toho ta arki yan, ari itak.
15 Koroka, Utarapa anak ne nei guru otta ese wa ene itak-hi :— Kankapkapeka utara, Shini toho ta obitta no okai echi utara anak ne kitchi orota ashirikote wa okai koro beko hene, koro roba hene pita wa wakka an ushike un ani shomoki ya?
Korka, Utarpa anakne ne kur or ta ese wa ene itak hi :— Kankapkapeka utar, Sini toho ta opittano okay eci utar anakne kitci oro ta a=sirkote wa okay kor peko hene, kor ropa hene pita wa wakka an usike un ani somo ki ya?
16 Orowa, tupesan pa ikashima wan pa uturuta Satan ani atupetupe wa an Abraham matne-po ne tan Shiwentep anak ne Shini toho ta tan katchakbe gusu apita kusu ne ap shomo ne ya?
Orowa, tupesan pa ikasma wan pa utur ta Satan ani a=tupetupe wa an Abraham matne-po ne tan Siwentep anakne Sini toho ta tan katcakpe kusu a=pita kusu ne ap somo ne ya?
Roukos 14.5-6 §177II
5 Orowa, nei okai utara otta Shinuma ene itak-hi :— Echi utara tumugeta inan guru ka koro roba hene beko hene shimpui otta hachiri yakun Shini toho ta nani nei ambe yange shomoki ya? ani itak.
Orowa, ne okay utar or ta Sinuma ene itak hi :— Eci utar tumke ta inan kur ka kor ropa hene peko hene sinpuy or ta hacir yakun Sini toho ta nani ne anpe yanke somo ki ya? ani itak.
6 Orowa, shui nei utara tap okai itakbe gusu ese ki eaikap nisa ruwe ne.
Orowa, suy ne utar tap okay itak pe kusu ese ki eaykap nisa ruwe ne.
Mattaios 12.14 §117IV
14 Koroka, Parisee un utara soyumba wa Shinuma raige kuni eukoramkon nisa ruwe ne,
Korka, Parisee un utar soyunpa wa Sinuma rayke kuni e=wkoramkor nisa ruwe ne,
Markos 3.6-7A §26IV
6 Awa, Parisee un utara soyumba wa, nani nekon a iki wa Shinuma isamka eashkai ya, sekoro Herod un utara tura eukoramkon nisa ruwe ne.
Awa, Parisee un utar soyunpa wa, nani nekona iki wa Sinuma isamka easkay ya, sekor Herod un utar tura e=wkoramkor nisa ruwe ne.
7 Orowa, Yesu anak ne koro koikara utara tura atui orun ekohopi: awa, Gariraya wano an poro inne utara nei osh paye nisa ruwe ne:
Orowa, Yesu anakne kor koykar utar tura atuy orun ekohopi: awa, Gariraya wano an poro inne utar ne os paye nisa ruwe ne:
Yoannes 10.39-40 §93IV
39 Shui nei utara Shinuma kishima kuni ramu, koroka, nei tekehe wano oman nisa ruwe ne na.
Suy ne utar Sinuma kisma kuni ramu, korka, ne tekehe wano oman nisa ruwe ne na.
40 Orowa, etokota Yoannes baptisma kore Yorodan pet kushta an ushiketa Yesu shui oman wa an nisa ruwe ne.
Orowa, etoko ta Yoannes paptisma kore Yorodan pet kus ta an uske ta Yesu suy oman wa an nisa ruwe ne.
Yoannes 11.53-54 §95IV
53 Tambe gusu, Yesu tewa no poka yainukare no Yudea un utara tumugeta apkash shomoki no, nupuri samaketa an kotan Epraim machiya otta oman; awa, koro koikara utara tura no reushi nisa ruwe ne.
Tanpe kusu, Yesu tewano poka yaynukare no Yudea un utar tumke ta apkas somo ki no, nupuri samake ta an kotan Epraim maciya or ta oman; awa, kor koykar utar turano rewsi nisa ruwe ne.
54 Orowa, Yudea un utara koro Kamakush marapto ehange ruwe ne; awa, yaiashkannere kuni ne inne utara Kamakush marapto etokota kotan pishkaneke orowa no Yerusarem machiya orota paye nisa ruwe ne.
Orowa, Yudea un utar kor Kamakus marapto ehanke ruwe ne; awa, yayaskannere kuni ne inne utar Kamakus marapto etoko ta kotan piskaneke oro wano Yerusarem maciya oro ta paye nisa ruwe ne.
Mattaios 12.15-21 §118X
15 Aige, Yesu tambe eraman gusu nei kotan wano ekohopi wa oman:
Ayke, Yesu tanpe eraman kusu ne kotan wano ekohopi wa oman:
16 aine, inne utara nei osh paye. Orowa, Shinuma nei utara obitta iwangere, aige, moshima utara otta shomo iamkirire kuni ne kashpaotte nisa ruwe ne.
ayne, inne utar ne os paye. Orowa, Sinuma ne utar opitta iwankere, ayke, mosma utar or ta somo iamkirire kuni ne kaspaotte nisa ruwe ne.
17 Ku numge wa ku uitek ainu; Ku omap wa Ku keutum enupetne ainu ingara yan: Shinuma kashiketa Ku ramat Ku ande wa, Oya uirup otta Ku ikashpaotte nure kusu ne.
Ku=numke wa ku=uytek aynu; Ku=omap wa Ku=kewtum enupetne aynu inkar yan: Sinuma kasike ta Ku=ramat Ku=ante wa, Oya uyrup or ta Ku=ikaspaotte nure kusu ne.
18 Nei guru etushmak shomoki, rui hau sange ka shomoki: Orowa machiya otta koro hau nen ne yakka orowa no ami ka shomoki kusu ne
Ne kur etusmak somo ki, ruy haw sanke ka somo ki: Orowa maciya or ta kor haw nen ne yakka oro wano ami ka somo ki kusu ne
19 Orowa, ikashpaotte akire pakno piri o rapembe kaye shomoki,
Orowa, ikaspaotte a=kir pakno piri o rapenpe kaye somo ki,
20 Epuipuise hai ushka ka shomoki. Orowa, Oya moshirʼun utara nei ainu kon reihei ankushkerai chipachipa kusu ne,
Epuypuyse hay uska ka somo ki. Orowa, Oya mosir un utar ne aynu kor rehe an kuskeray cipacipa kusu ne,
21 sekoro uweingara guru Isaya aitakte hawehe auweomare kuni gusu ne na.
sekor ueinkar kur Isaya a=ytakte hawehe a=ueomare kuni kusu ne na.
Mattaios 12.22 §119V
22 Tande imakake nitne kamui shikatkari gusu shiknak shomo-itak guru shinen Shinuma otta atura, awa, Shinuma nei guru ingara hemhem ki, itak hemhem ki
Tan te imakake nitne kamuy sikatkari kusu siknak somo-itak kur sinen Sinuma or ta a=tura, awa, Sinuma ne kur inkar hemhem ki, itak hemhem ki
Roukos 11.14 §126V
14 Orowa, Shinuma shomo itak nitne kamui oashinge korʼan. Awa, nei nitne kamui oashin chiki shomo itak guru itak nisa ruwe ne: aige, inne utara anak ne enushkari nisa ruwe ne.
Orowa, Sinuma somo itak nitne kamuy oasinke kor an. Awa, ne nitne kamuy oasin ciki somo itak kur itak nisa ruwe ne: ayke, inne utar anakne enuskari nisa ruwe ne.
Mattaios 12.23 §120VII
23 kuni ne iwangere nisa ruwe ne. Orowa inne utara tambe nukara, aige, eoyamokte wa ene itak-hi :— Tan guru anak ne Dabid koro Poho ne ruwe he an? sekoro itak.
kuni ne iwankere nisa ruwe ne. Orowa inne utar tanpe nukar, ayke, e=oyamokte wa ene itak hi :— Tan kur anakne Dabid kor Poho ne ruwe he an? sekor itak.
Yoannes 7.40-41A §82VII
40 Tambe gusu, inne utara un serekehe anak ne tan itak nu chiki ene itak-hi :— Son no poka tambe anak nei uweingara guru ne, ari itak.
Tanpe kusu, inne utar un serkehe anakne tan itak nu ciki ene itak hi :— Sonno poka tanpe anakne ueinkar kur ne, ari itak.
41 Shui, Tambe anak ne Kiristo ne, ani ye utara okai. Koroka, Hemanda, Kiristo anak ne Gariraya wano ek ruwe he an?
Suy, Tanpe anakne Kiristo ne, ani ye utar okay. Korka, Hemanta, Kiristo anakne Gariraya wano ek ruwe he an?
Mattaios 12.24 §121II
24 Koroka, Parisee un utara nei ambe nu, aige, ene itak-hi :— Tan guru anak ne ouse Beeruzeboru ani aporose nitne kamui esapanep ani nitnep soyumbare ruwe ne, ari itak.
Korka, Parisee un utar ne anpe nu, ayke, ene itak hi :— Tan kur anakne owse Beeruzeboru ani a=porse nitne kamuy e=sapanep ani nitnep soyunpare ruwe ne, ari itak.
Markos 3.22 §32II
22 Orowa, Yerusarem kotan wano sap kambi-nuye utara anak ne, Shinuma Berusebub koro, orowa, nitne kamui esapanep ani nitne kamui oashinge ruwe ne sekoro itak.
Orowa, Yerusarem kotan wano sap kampi-nuye utar anakne, Sinuma Berusebub kor, orowa, nitne kamuy e=sapanep ani nitne kamuy oasinke ruwe ne sekor itak.
Mattaios 12.25-30 §122II
25 Shinuma nei utara yainu-hi eramu an wa otta ene itak-hi :— Inan moshiri uirup ne yakka yaikota gusu utashpa uwekopi yak anak ne, nei moshiri ahokushte kusu ne; shui, inan machiya hene inan chisei hene ne yakka, yaikota gusu uwekopi yakun okai eaikap kusu ne na: orowa, Satan anak ne Satan soyumbare yakun,
Sinuma ne utar yaynu hi eramuan wa or ta ene itak hi :— Inan mosir uyrup ne yakka yaykota kusu utaspa uwekopi yakanak ne, ne mosir a=hokuste kusu ne; suy, inan maciya hene inan cise hene ne yakka, yaykota kusu uwekopi yakun okay eaykap kusu ne na: orowa, Satan anakne Satan soyunpare yakun,
26 Satan yaikota gusu yaiekopi ruwe ne; yak anak ne nekon a shinuma koro moshiri ash eashkai ya?
Satan yaykota kusu yayekopi ruwe ne; yakanak ne nekona sinuma kor mosir as easkay ya?
27 Shui, Kuani anak ne Beeruzeboru ani nitnep soyumbare yakun, echi poho utara inan guru ani nei ambe soyumbare ruwe he an? Tambe gusu nei utara anak ne echi koipishi kusu ne ruwe ne na.
Suy, Kuani anakne Beeruzeboru ani nitnep soyunpare yakun, eci=poho utar inan kur ani ne anpe soyunpare ruwe he an? Tanpe kusu ne utar anakne eci koypisi kusu ne ruwe ne na.
28 Koroka, Kuani anak ne Kamui Ramat ani nitnep soyumbare yakun, Kamui moshiri echi orota ek wa an ruwe ne.
Korka, Kuani anakne Kamuy Ramat ani nitnep soyunpare yakun, Kamuy mosir eci oro ta ek wa an ruwe ne.
29 Shui, Ainu anak ne hoshiki no okirashnu guru tupetupe shomoki yakun, nekon a iki wa shinuma kot chisei ta ahun wa nei okirashnu guru korope akoisamka kusu ne ya? Atupetupe okere chiki kot chisei koisamka kusu ne na.
Suy, Aynu anakne hoskino okirasnu kur tupetupe somo ki yakun, nekona iki wa sinuma kot cise ta ahun wa ne okirasnu kur kor pe akoysamka kusu ne ya? A=tupetupe okere ciki kot cise koysamka kusu ne na.
30 En tura no iki shomoki gurʼanak ne En epokba gunʼne; orowa, En tura no uwekarapare shomoki gurʼanak ne chieshitchari ruwe ne.
En turano iki somo ki kur anakne En epokpa kunne; orowa, En turano uwekarpare somo ki kur anakne ci=esitcari ruwe ne.
Markos 3.23-27 §33II
23 Orota Shinuma nei utara shikekote hotuyepakara wa itak-maukushte-itak ani ene itak-hi :— Satan anak ne nekon a ki wa Satan oashinge eashkai ya?
Oro ta Sinuma ne utar sikekote hotuyepakara wa itak-mawkuste-itak ani ene itak hi :— Satan anakne nekona ki wa Satan oasinke easkay ya?
24 Moshiri uirup anak ne yaikota gusu utashpa uwekopi wa okai chiki, nei moshiri ash eaikap ruwe ne.
Mosir uyrup anakne yaykota kusu utaspa uwekopi wa okay ciki, ne mosir as eaykap ruwe ne.
25 Samata, chisei un utara anak ne yaikota gusu utashpa uwekopi chiki, nei chisei an eaikap kusu ne ruwe ne.
Sama ta, cise un utar anakne yaykota kusu utaspa uwekopi ciki, ne cise an eaykap kusu ne ruwe ne.
26 Orowa, Satan anak ne hopuni wa yaikoiki chiki, yaiuwekopi an;
Orowa, Satan anakne hopuni wa yaykoyki ciki, yayuwekopi an;
27 aige, okai eaikap wa aokere ruwe ne. Koroka, hoshiki no kiroroashnu guru tupetupe shomoki yakun, nei kiroroashnu guru koro chisei orun ahun wa korobe eikka eaikap; atupetupe yakne koro chisei kowende ruwe ne.
ayke, okay eaykap wa a=okere ruwe ne. Korka, hoskino kiroroasnu kur tupetupe somo ki yakun, ne kiroroasnu kur kor cise orun ahun wa kor pe eikka eaykap; a=tupetupe yakne kor cise kowente ruwe ne.
Roukos 11.17-23 §129II
17 Koroka, Shinuma anak nei utara koro yainu-i eraman wa orota ene itak-hi :— Nep moshiri ne yakka utashpa uweyaiukoupipi chiki awende kusu ne; samata, nep chisei ne yakka utashpa uweyaiukoupipi chiki hokush ruwe ne.
Korka, Sinuma anakne utar kor yaynu hi eraman wa oro ta ene itak hi :— Nep mosir ne yakka utaspa uweyayukowpipi ciki awente kusu ne; sama ta, nep cise ne yakka utaspa uweyayukowpipi ciki hokus ruwe ne.
18 Orowa, Satan ne yakka utashpa uweyaiukoupipi chiki, nekon a koro moshiri okai eashkai ya? Kuani anak ne Beeruzebub ani nitne kamui Ku oashinge ruwe ne ani echi ye ruwe ne gusu ne na.
Orowa, Satan ne yakka utaspa uweyayukowpipi ciki, nekona kor mosir okay easkay ya? Kuani anakne Beeruzebub ani nitne kamuy Ku=oasinke ruwe ne ani eci=ye ruwe ne kusu ne na.
19 Orowa, Kuani anak ne Beeruzebub ani nitne kamui oashinge yakun, echi poho utara hunna ani nei ambe oashinge ya? Tambe gusu, nei utara anak ne echi pishi utara ne kusu ne.
Orowa, Kuani anakne Beeruzebub ani nitne kamuy oasinke yakun, eci=poho utar hunna ani ne anpe oasinke ya? Tanpe kusu, ne utar anakne eci=pisi utar ne kusu ne.
20 Koroka, Kuani anak ne Kamui ashikepet ani nitne kamui oashinge chiki, Kamui moshiri echi otta ek nisa ruwe ne.
Korka, Kuani anakne Kamuy askepet ani nitne kamuy oasinke ciki, Kamuy mosir eci or ta ek nisa ruwe ne.
21 Okirashnu guru eshipopkep koro wa koro chashi shiruwe an ita anak ne,
Okirasnu kur esipopkep kor wa kor casi siruwe an hi ta anakne,
22 korobe irammakaka okai: koroka, nei guru kasu no naa okirashnu guru ka ek ita anak ne shinuma annokara kusu ne, orowa no, gusu eyaikopashte hayokbe auk wa orowa no aukbe eimek ruwe ne.
kor pe irammakaka okay: korka, ne kur kasuno naa okirasnu kur ka ek hi ta anakne sinuma annokar kusu ne, orowano, kusu e=yaykopaste hayokpe auk wa oro wano aukpe eymek ruwe ne.
23 En tura no iki shomoki gurʼanak ne En epokba ruwe ne; En tura no uwekarapare shomoki gurʼanak ne shitchari ruwe ne.
En turano iki somo ki kur anakne En epokpa ruwe ne; En turano uwekarpare somo ki kur anakne sitcari ruwe ne.
Mattaios 12.31-32 §123II
31 Tambe gusu echi otta Ku ye, nep chikokatpak ne yakka, nep koatchap ne yakka utara gusu atusare kusu ne, koroka, Ramat epeka no an koatchap anak ne atusare shomoki kusu ne ruwe ne.
Tanpe kusu eci or ta Ku=ye, nep ci=kokatpak ne yakka, nep koatcap ne yakka utar kusu atusare kusu ne, korka, Ramat epeka no an koatcap anakne atusare somo ki kusu ne ruwe ne.
32 Orowa, nen ne yakka Ainu Poho epeka sempiroitak ki guru an yakka atusare kusu ne, koroka, nen ne yakka Ashkanne Ramat epeka sempiroitak ki guru anak ne, tan moshirʼotta ne yakka, ek kushki moshirʼotta ne yakka atusare shomoki kusu ne ruwe ne.
Orowa, nen ne yakka Aynu Poho epeka senpiroytak ki kur an yakka atusare kusu ne, korka, nen ne yakka Askanne Ramat epeka senpiroytak ki kur anakne, tan mosir or ta ne yakka, ek kuski mosir or ta ne yakka atusare somo ki kusu ne ruwe ne.
Markos 3.28-30 §34II
28 Son no echi otta Ku ye :— Utara poho utara koro obitta no okai chikokatpak newa koatcha ani iki koatcha ambe anak ne atusare kusu ne; koroka,
Sonno eci or ta Ku=ye :— Utar poho utar kor opittano okay ci=kokatpak newa koatca ani iki koatca anpe anakne atusare kusu ne; korka,
29 nen ne yakka Ashkanne Ramat koatcha gurʼanak ne nei pakno ne yakka atusare shomoki kusu ne, koroka, nei guru koro chikokatpak hembara pakno ne yakka an ap ne ruwe ne:
nen ne yakka Askanne Ramat koatca kur anakne ne pakno ne yakka atusare somo ki kusu ne, korka, ne kur kor ci=kokatpak henpara pakno ne yakka an ap ne ruwe ne:
30 Shinuma anak ne Ichakkere ramat kon ruwe ne, ari nei utara ye nisa ruwe ne gusu ne na.
Sinuma anakne Icakkere ramat kor ruwe ne, ari ne utar ye nisa ruwe ne kusu ne na.
Roukos 12.10 §147II
10 Orowa, nen ne yakka Ainu Poho epeka itak sange guru anak ne, nei ambe atusare kusu ne, koroka, Ashkanne Ramat koatcha guru anak atusare shomoki kusu ne na.
Orowa, nen ne yakka Aynu Poho epeka itak sanke kur anakne, ne anpe atusare kusu ne, korka, Askanne Ramat koatca kur anak atusare somo ki kusu ne na.
Mattaios 12.33-34 §124X
33 Chikuni anak ne koro nikaop tura pirika ruwe ne ani ye yan: shomo ne yakun, chikuni nikaop tura wen ruwe ne ari ye yan: inambe gusu ne yakun, chikuni anak ne koro nikaop gusu aeraman ruwe ne.
Cikuni anakne kor nikaop tura pirka ruwe ne ani ye yan: somo ne yakun, cikuni nikaop tura wen ruwe ne ari ye yan: inanpe kusu ne yakun, cikuni anakne kor nikaop kusu aeraman ruwe ne.
34 Paskuru okokko koro san tek utara, echi wen wa gusu nekon a echi iki wa pirikap ye eashkai ya? Keutura oshiketa nuye an no an-i wano paroho itak sange ruwe ne gusu ne na.
Paskur okokko kor santek utar, eci=wen wa kusu nekona eci=iki wa pirka p ye easkay ya? Keutura oske ta nuye an no an hi wano paroho itak sanke ruwe ne kusu ne na.
Mattaios 12.35 §125V
35 Pirika ainu anak ne pirika ikoro an ushike wano pirikap sange ruwe ne, wen ainu anak ne wen ikoro an ushike wano wenbe sange ruwe ne.
Pirka aynu anakne pirka i=kor an usike wano pirka p sanke ruwe ne, wen aynu anakne wen i=kor an usike wano wenpe sanke ruwe ne.
Roukos 6.45 §62V
45 Pirika ainu anak ne keutum ta okai pirika ikoro orowa no pirikap sange ruwe ne; wen ainu anak ne wen ikoro orowa no wenbe sange ruwe ne; inambe gusu ne yakun, keutura ta nuye an no an-i wano paroho anak ne itak ruwe ne.
Pirka aynu anakne kewtum ta okay pirka i=kor oro wano pirka p sanke ruwe ne; wen aynu anakne wen i=kor oro wano wenpe sanke ruwe ne; inanpe kusu ne yakun, kewtura ta nuye an no an hi wano paroho anakne itak ruwe ne.
Mattaios 12.36-37 §126X
36 Orowa, echi otta Ku ye, nep ikkewe sak no an itak ani ye yakka, akoipishi toho ta nei ambe gusu aesanniyo kusu ne.
Orowa, eci or ta Ku=ye, nep ikkewe sak no an itak ani ye yakka, akoypisi toho ta ne anpe kusu a=esanniyo kusu ne.
37 E ye itak gusu eani aopekare kusu ne, orowa e ye itak gusu akokatpakte kusu ne gusu ne na.
E ye itak kusu eani a=opekare kusu ne, orowa e ye itak kusu akokatpakte kusu ne kusu ne na.
Mattaios 12.38 §127V
38 Orowa, kambi-nuye utara tumugeta okai utara newa Parisee un utara tumugeta okai utara anak ne Shinuma orun ese wa ene itak-hi :— Epakashnu guru, chi okai utara anak ne E ki shirosh shinep anukan rusui ruwe ne, ari itak.
Orowa, kampi-nuye utar tumke ta okay utar newa Parisee un utar tumke ta okay utar anakne Sinuma orun ese wa ene itak hi :— Epakasnu kur, ci okay utar anakne E ki siros sinep a=nukar rusuy ruwe ne, ari itak.
Mattaios 12.39-42 §128V
39 Koroka, Shinuma nei utara otta ese wa ene itak-hi :— Wen newa omoinu koro ainu ikiri anak ne shirosh hunara ruwe ne; aige uweingara guru Yona koro shirosh moshima anak shirosh akore shomoki:
Korka, Sinuma ne utar or ta ese wa ene itak hi :— Wen newa omoynu kor aynu ikiri anakne siros hunara ruwe ne; ayke ueinkar kur Yona kor siros mosma anak siros a=kore somo ki:
40 Yona anak ne tokap-to rereko kunne-to re anchikara uturuta poro rep un chikoikip honi oshiketa an korachi, tambe nei no Ainu Poho ne yakka tokap-to rereko kunne-to re anchikara uturuta toitoi sambe oshiketa an kusu ne.
Yona anakne tokap-to rerko kunne-to re ancikar utur ta poro repun cikoykip honi oske ta an koraci, tanpe néno Aynu Poho ne yakka tokap-to rerko kunne-to re ancikar utur ta toytoy sanpe oske ta an kusu ne.
41 Ninepe kotan un utara anak ne tane okai ainu ikiri gusu hopumba hine koipishi wa kokatpakte kusu ne; inambe gusu ne yakun, nei utara anak ne Yona ki upaskuma gusu yaikokatpak nisa ruwe ne, awa, ingarʼan, Yona kasu no pase guru teda an ruwe ne.
Ninepe kotan un utar anakne tane okay aynu ikiri kusu hopunpa hine koypisi wa kokatpakte kusu ne; inanpe kusu ne yakun, ne utar anakne Yona ki upaskuma kusu yaykokatpak nisa ruwe ne, awa, inkar=an, Yona kasuno pase kur teta an ruwe ne.
42 Pikata un moshiri esapane shiwentep anak ne hopuni wa tane okai ainu ikiri gusu koipishi wa kokatpakte kusu ne: inambe gusu ne yakun, shinuma anak ne Soromon koro wayashnu ambe nu kuni gusu moshirigesh wano ek nisa ruwe ne;
Pikata un mosir esapane siwentep anakne hopuni wa tane okay aynu ikiri kusu koypisi wa kokatpakte kusu ne: inanpe kusu ne yakun, sinuma anakne Soromon kor wayasnu anpe nu kuni kusu mosirkes wano ek nisa ruwe ne;
Roukos 11.29-32 §132V
29 Orowa, Shinuma orota inne utara uwekarapa korʼan ita anak ne, orota Shinuma itak heashi wa ene ye-hi :— Tane an ainu ikiri anak ne wen ikiri ne: shirosh nukan rusui, koroka, Yona gusu an shirosh moshima anak shirosh akore shomoki kusu ne na.
Orowa, Sinuma oro ta inne utar uekarpa kor an hi ta anakne, oro ta Sinuma itak heasi wa ene ye hi :— Tane an aynu ikiri anakne wen ikiri ne: siros nukar rusuy, korka, Yona kusu an siros mosma anak siros a=kore somo ki kusu ne na.
30 Yona anak ne Ninepe kotan un utara gusu shirosh ne akara korachi, Ainu Toho ne yakka tane okai ainu ikiri gusu shirosh ne akan kusu ne.
Yona anakne Ninepe kotan un utar kusu siros ne a=kar koraci, Aynu Toho ne yakka tane okay aynu ikiri kusu siros ne akan kusu ne.
31 Pikata un Moshiri esapane shiwentep anak ne koipishi ita tane okai ainu ikiri tura hopuni wa, katpak an sekoro esanniyo kusu ne: inambe gusu ne yakun, shinuma anak ne Soromon koro wayashnu ambe nu gusu moshirigesh wano ek nisa ruwe ne; aige, ingarʼan, nei ambe kasu
Pikata un Mosir esapane siwentep anakne koypisi hi ta tane okay aynu ikiri tura hopuni wa, katpak an sekor esanniyo kusu ne: inanpe kusu ne yakun, sinuma anakne Soromon kor wayasnu anpe nu kusu mosirkes wano ek nisa ruwe ne; ayke, inkar=an, ne anpe kasu
32 no an ap teda an ruwe ne. Ninepe un utara koipishi ita tane okai ainu ikiri tura no hopumba wa katpak an sekoro esanniyo kusu ne; inambe gusu ne yakun, Yona ki upaskuma nu wa eyaikokatpak nisa ruwe ne, aige, ingarʼan Yona kasu no an guru teda an ruwe ne gusu ne na.
no an ap teta an ruwe ne. Ninepe un utar koypisi hi ta tane okay aynu ikiri turano hopunpa wa katpak an sekor esanniyo kusu ne; inanpe kusu ne yakun, Yona ki upaskuma nu wa e=yaykokatpak nisa ruwe ne, ayke, inkar=an Yona kasuno an kur teta an ruwe ne kusu ne na.
Mattaios 12.43-45 §129V
43 awa, ingarʼan, Soromon kasu no pase guru teda an ruwe ne. Koroka, ichakkere ramat anak ne ainu orowa no soine chiki shini ushike hunara gusu wakka-sak ikush wa oman, aige, pa shomoki ruwe ne.
awa, inkar=an, Soromon kasuno pase kur teta an ruwe ne. Korka, icakkere ramat anakne aynu oro wano soyne ciki sini usike hunara kusu wakka-sak ikus wa oman, ayke, pa somo ki ruwe ne.
44 Orowa no ene ye-hi :— Kuani anak ne orowa Ku soine chisei shui orun Ku hoshipi kusu ne, ari itak; orowa, ek, aige, nei chisei oha, achashnure wa an, atomtere ruwe ne — ari nukan ruwe ne.
Orowano ene ye hi :— Kuani anakne orowa Ku=soyne cise suy orun Ku=hosipi kusu ne, ari itak; orowa, ek, ayke, ne cise oha, a=casnure wa an, atomtere ruwe ne — ari nukar ruwe ne.
45 Orowa no shinuma oman wa moshima an yaikasu no wen arawan ramat uina wa tura no ahup wa okai ruwe ne; orowa, nei ainu hoshiki no an katu kasu no iyoshi no an katuhu anak ne naa wen ruwe ne. Tane okai wen ainu ikiri otta ne yakka tambe nei no an kusu ne na.
Orowano sinuma oman wa mosma an yaykasu no wen arwan ramat uyna wa turano ahup wa okay ruwe ne; orowa, ne aynu hoskino an katu kasuno i=yos no an katuhu anakne naa wen ruwe ne. Tane okay wen aynu ikiri or ta ne yakka tanpe néno an kusu ne na.
Roukos 11.24-26 §130V
24 Ichakkere ramat anak ne ainu orowa no oashin chiki, shini ushike hunara gusu wakka sak i kush wa oman; aige, pa shomoki wa, kuani orowa no oashin chisei orun Ku hoshipi na, sekoro itak.
Icakkere ramat anakne aynu oro wano oasin ciki, sini usike hunara kusu wakka sak i kus wa oman; ayke, pa somo ki wa, kuani oro wano oasin cise orun Ku=hosipi na, sekor itak.
25 Orowa no ek koro, nei chisei achashnure hine atomtere wa an anukara.
Orowano ek kor, ne cise a=casnure hine atomtere wa an a=nukar.
26 Orowa, shinuma oman wa yaikasu no wen arawan ramat uina koro nei utara ahup wa okai ruwe ne; orowa, nei ainu hoshiki no an i kasu no iyoshi no an i anak ne naa wen ne ruwe ne, sekoro itak.
Orowa, sinuma oman wa yaykasu no wen arwan ramat uyna kor ne utar ahup wa okay ruwe ne; orowa, ne aynu hoskino an i kasuno i=yos no an i anakne naa wen ne ruwe ne, sekor itak.
Mattaios 12.46-50 §130II
46 Shinuma anak ne inne topaha utara orota itak rapoketa, ingarʼan, koro habo koro iriwak utara tura Shinuma otta itak rusui gusu soita roshki wa okai.
Sinuma anakne inne topaha utar oro ta itak rapoketa, inkar=an, kor hapo kor irwak utar tura Sinuma or ta itak rusuy kusu soy ta roski wa okay.
47 Awa, shine ainu Shinuma otta ene itak-hi :— Ingarʼan, E koro habo E koro iriwak utara tura E otta itak rusui gusu soita roshki wa okai ruwe ne, ani itak.
Awa, sine aynu Sinuma or ta ene itak hi :— Inkar=an, E=kor hapo E=kor irwak utar tura E or ta itak rusuy kusu soy ta roski wa okay ruwe ne, ani itak.
48 Koroka, nei guru otta Shinuma ese wa ene itak-hi :— Ku goro habo nen ne? Ku goro iriwak utara nen ne ruwe he an? — ari itak.
Korka, ne kur or ta Sinuma ese wa ene itak hi :— Ku=kor hapo nen ne? Ku=kor irwak utar nen ne ruwe he an? — ari itak.
49 Orowa, Shinuma koro koikara utara oro un tekehe turi wa ene itak-hi :— Ingarʼan, Ku goro habo Ku goro iriwak utara!
Orowa, Sinuma kor koykar utar oro un tekehe turi wa ene itak hi :— Inkar=an, Ku=kor hapo Ku=kor irwak utar!
50 Inambe gusu ne yakun, inan guru ne yakka kando otta an Ku goro Michi irenga ki gurʼanak ne shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne na.
Inanpe kusu ne yakun, inan kur ne yakka kanto or ta an Ku=kor Mici irenka ki kur anakne sinuma anak Ku=okkay aynu irwak ne, Ku=mat aynu irwak ne, Ku=hapo ne ruwe ne na.
Markos 3.31-35 §35II
31 Orowa, koro habo newa koro ainu iriwak utara araki, aige, soita roshki wa Shinuma hotuyekara gusu teshkan nisa ruwe ne.
Orowa, kor hapo newa kor aynu irwak utar arki, ayke, soy ta roski wa Sinuma hotuyekar kusu teskar nisa ruwe ne.
32 Awa, inne utara Shinuma okari ta rok wa okai: aige, Shinuma otta utara anak ne ene itak-hi :— Ingarʼan, E koro habo E koro ainu iriwak utara soita okai hine E hunara wa okai ruwe ne.
Awa, inne utar Sinuma okari ta rok wa okay: ayke, Sinuma or ta utar anakne ene itak hi :— Inkar=an, E=kor hapo E=kor aynu irwak utar soy ta okay hine E hunara wa okay ruwe ne.
33 Shinuma ese wa ene itak-hi :— Ku habo newa Ku ainu iriwak utara inambe ne ruwe he an?
Sinuma ese wa ene itak hi :— Ku=hapo newa Ku=aynu irwak utar inanpe ne ruwe he an?
34 Orowa, Shinuma okari rok wa okai utara orun hosari
Orowa, Sinuma okari rok wa okay utar orun hosari
35 ingara wa ene itak-hi :— Ku goro habo Ku goro ainu iriwak utara ingara yan! Inambe gusu ne yakun, nen ne yakka Kamui irenga ki gurʼanak ne, shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne gusu ne na, ari itak nisa ruwe ne.
inkar wa ene itak hi :— Ku=kor hapo Ku=kor aynu irwak utar inkar yan! Inanpe kusu ne yakun, nen ne yakka Kamuy irenka ki kur anakne, sinuma anak Ku=okkay aynu irwak ne, Ku=mat aynu irwak ne, Ku=hapo ne ruwe ne kusu ne na, ari itak nisa ruwe ne.
Roukos 8.19-21 §82II
19 Orowa, koro habo newa koro ainu iriwak utara Shinuma orota araki, awa, inne utara okai gusu Shinuma samake un araki eaikap ruwe ne.
Orowa, kor hapo newa kor aynu irwak utar Sinuma oro ta arki, awa, inne utar okay kusu Sinuma samake un arki eaykap ruwe ne.
20 Aige, E koro habo E koro ainu iriwak utara soita roshki wa E nukan rusui, ari an ambe Shinuma otta aye nisa ruwe ne.
Ayke, E=kor hapo E=kor aynu irwak utar soy ta roski wa E nukar rusuy, ari an anpe Sinuma or ta a=ye nisa ruwe ne.
21 Koroka, orota Shinuma ese wa ene itak-hi :— Ku habo newa Ku ainu iriwak utara anak ne, Kamui itak nu wa nei no ki utara ne ruwe ne, ari an itak ani ye nisa ruwe ne na.
Korka, oro ta Sinuma ese wa ene itak hi :— Ku=hapo newa Ku=aynu irwak utar anakne, Kamuy itak nu wa néno ki utar ne ruwe ne, ari an itak ani ye nisa ruwe ne na.