共観表

1 Iteki echi sambe chiukopoye yan: Kamui eishokoro, samata En eishokoro yan.

Iteki eci=sanpe ci=wkopoye yan: Kamuy eysokor, sama ta En=eysokor yan.

2 Ku Michi chisei ta inne oshiroma kuni ushike okai; shomo ne yakun, Kuani echi nure ash na; echi utara okai kuni ushike Ku etokooiki gusu Ku arapa ruwe ne gusu ne na.

Ku Mici cise ta inne osiroma kuni usike okay; somo ne yakun, Kuani eci=nure as na; eci utar okay kuni usike Ku=etokooyki kusu Ku=arpa ruwe ne kusu ne na.

3 Echi okai kuni ushike Ku etokooiki gusu Ku arapa yak anak ne, shui Ku ek wa, Ku an ushiketa echi utara ne yakka okai kuni gusu Kuani Yaikota En tura no echi koande ash ruwe ne.

Eci=okay kuni usike Ku=etokooyki kusu Ku=arpa yakanak ne, suy Ku=ek wa, Ku=an uske ta eci utar ne yakka okay kuni kusu Kuani Yaykota En turano eci koante as ruwe ne.

4 Otta Ku oman ushike echi eraman, samata, nei ruhu echi eraman ruwe ne.

Or ta Ku=oman usike eci=eraman, sama ta, ne ruhu eci=eraman ruwe ne.

5 Orota Tomas ene itak-hi :— Utarapa, otta E oman ushike chi erampeutek; hemanda ani nei ruhu chi eraman ya? ani itak.

Oro ta Tomas ene itak hi :— Utarpa, or ta E oman usike ci eranpewtek; hemanta ani ne ruhu ci eraman ya? ani itak.

6 Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Oro ta Yesu ene itak hi :— Kuani anakne ruhu ne, sonep ne, inotu Ku ne ruwe ne; En=kari somo ki no Mici orun ek kur isam ruwe ne.

7 Echi utara En eamkiri yak anak ne, Ku Michi ne yakka eamkiri kusu ne ap: te wano echi utara Shinuma eamkiri, orowa, Shinuma nukan nisa ruwe ne na.

Eci utar En=e=amkir yakanak ne, Ku Mici ne yakka e=amkir kusu ne ap: te wano eci utar Sinuma e=amkir, orowa, Sinuma nukar nisa ruwe ne na.

8 Shinuma otta Piripos ene itakhi :— Utarapa, Un otta Michi nukare wa un kore, yakun chi ramuashinnere ash kusu ne, ani itak.

Sinuma or ta Piripos ene itak hi :— Utarpa, Un or ta Mici nukare wa un kore, yakun ci ramuasinnere as kusu ne, ani itak.

9 Orota Yesu ene itak-hi :— Tap ohonno echi tura no Ku an wa eani En eamkiri shomoki ya? En nukara guru anak ne Michi nukan nisa ruwe ne; Michi un nukare, sekoro hemanda e ye ya?

Oro ta Yesu ene itak hi :— Tap ohonno eci turano Ku=an wa eani En=e=amkir somo ki ya? En=nukar kur anakne Mici nukar nisa ruwe ne; Mici un nukare, sekor hemanta e ye ya?

10 Kuani anak ne Michi oshiketa Ku an, orowa, Michi anak ne En oshiketa an sekoro shomo eishokoro ya? Echi otta Ku ye itak anak ne Kuani yaikota orowa no a ye shomoki ruwe ne: koroka, En oshiketa oshiroma wa an Michi anak koro ikip ki ruwe ne.

Kuani anakne Mici oske ta Ku=an, orowa, Mici anakne En=oske ta an sekor somo eysokor ya? Eci or ta Ku=ye itak anakne Kuani yaykota oro wano a ye somo ki ruwe ne: korka, En=oske ta osiroma wa an Mici anak kor iki p ki ruwe ne.

11 Kuani anak ne Michi oshiketa an, orowa, Michi anak ne En oshiketa an sekoro eishokoro yan: shomo ne yakun, aki ikip gusu eishokoro yan.

Kuani anakne Mici oske ta an, orowa, Mici anakne En=oske ta an sekor eysokor yan: somo ne yakun, aki iki p kusu eysokor yan.

12 Son no, son no, echi otta Ku ye, En eishokoro guru anak ne Ku ki ikip nei guru ne yakka ki kusu ne; orowa, tambe kasu no poro ikip ki kusu ne; Michi orota Ku arapa ruwe ne gusu ne na.

Sonno, sonno, eci or ta Ku=ye, En=eysokor kur anakne Ku=ki iki p ne kur ne yakka ki kusu ne; orowa, tanpe kasuno poro iki p ki kusu ne; Mici oro ta Ku=arpa ruwe ne kusu ne na.

13 Orowa, Poho oshiketa Michi anak ne aeoripak kuni ne, Ku reihei ankushkerai nep ne yakka echi koramkorope Ku kara kusu ne.

Orowa, Poho oske ta Mici anakne a=eoripak kuni ne, Ku=rehe an kuskeray nep ne yakka eci koramkorope Ku=kar kusu ne.

14 Nep ne yakka Ku reihei ankushkerai echi En koramkoro yakun Ku kara kusu ne.

Nep ne yakka Ku=rehe an kuskeray eci En=koramkor yakun Ku=kar kusu ne.

15 Echi utara En omap yakun, Ku ki ikashpaotte echi shikkashima kusu ne.

Eci utar En=omap yakun, Ku=ki ikaspaotte eci=sikkasima kusu ne.

16 Orowa, Michi Ku koramkoro wa hembara pakno ne yakka echi tura no an gusu Shinuma moshima no an Kotchane ki kunip echi kore kusu ne, nei ambe anak ne Sone an Ramat ne:

Orowa, Mici Ku=koramkor wa henpara pakno ne yakka eci turano an kusu Sinuma mosmano an Kotchane ki kunip eci=kore kusu ne, ne anpe anakne Sone an Ramat ne:

17 moshiri anak Shinuma uk eaikap Shinuma nukara shomoki samata shomo Shinuma eamkiri gusu ruwe ne gusu ne na, echi utara anak ne Shinuma eamkiri; echi tura no oshiroma wa echi otta an kusu ne gusu ne na.

mosir anak Sinuma uk eaykap Sinuma nukar somo ki sama ta somo Sinuma e=amkir kusu ruwe ne kusu ne na, eci utar anakne Sinuma e=amkir; eci turano osiroma wa eci or ta an kusu ne kusu ne na.

18 Eshikop sak no Kuani echi ande ash shomoki, echi otta Ku ek kusu ne na.

Esikop sak no Kuani eci=ante as somo ki, eci or ta Ku=ek kusu ne na.

19 Naa nisako ta moshiri anak ne En nukara shomoki kusu ne, koroka, echi utara anak En nukan ruwe ne: Kuani ishu gusu, echi utara ne yakka ishu kusu ne.

Naa nisako ta mosir anakne En=nukar somo ki kusu ne, korka, eci utar anak En=nukar ruwe ne: Kuani i=su kusu, eci utar ne yakka i=su kusu ne.

20 Nei toho ta Kuani anak ne Ku Michi otta Ku an, orowa, echi utara En otta okai, samata, Kuani anak echi otta Ku an shiri echi eraman kusu ne na.

Ne toho ta Kuani anakne Ku Mici or ta Ku=an, orowa, eci utar En or ta okay, sama ta, Kuani anak eci or ta Ku=an siri eci=eraman kusu ne na.

21 Ku ikashpaotte koro wa nei ambe shikkashima gurʼanak ne En omap gunʼne: orowa, En omap guru anak ne Ku Michi orowa no aomap kusu ne, orowa, Kuani anak shinuma omap wa otta yaikota Ku yainukara kusu ne na.

Ku=ikaspaotte kor wa ne anpe sikkasima kur anakne En=omap kunne: orowa, En=omap kur anakne Ku Mici oro wano a=omap kusu ne, orowa, Kuani anak sinuma omap wa or ta yaykota Ku yaynukara kusu ne na.

21 Ku ikashpaotte koro wa nei ambe shikkashima gurʼanak ne En omap gunʼne: orowa, En omap guru anak ne Ku Michi orowa no aomap kusu ne, orowa, Kuani anak shinuma omap wa otta yaikota Ku yainukara kusu ne na.

Ku=ikaspaotte kor wa ne anpe sikkasima kur anakne En=omap kunne: orowa, En=omap kur anakne Ku Mici oro wano a=omap kusu ne, orowa, Kuani anak sinuma omap wa or ta yaykota Ku yaynukara kusu ne na.

22 Shinuma otta Youdas (Kariot kotan un guru shomo ne) ene itak-hi :— Utarapa, nep hetuku wa an gusu Aokai anak ne moshiri otta shomo ne no koroka un otta yainukara ya? sekoro itak.

Sinuma or ta Yowdas (Kariot kotan un kur somo ne) ene itak hi :— Utarpa, nep hetuku wa an kusu Aokay anakne mosir or ta somo ne no korka un or ta yaynukara ya? sekor itak.

23 Orota Yesu ese wa ene itak-hi :— Ainu En omap yakun Ku itak shikkashima kusu ne: orowa, Ku Michi anak ne nei guru omap kusu ne, orowa, nei guru otta chi araki ash wa tura no oshiroma ash kusu ne ruwe ne.

Oro ta Yesu ese wa ene itak hi :— Aynu En=omap yakun Ku=itak sikkasima kusu ne: orowa, Ku Mici anakne ne kur omap kusu ne, orowa, ne kur or ta ci arki as wa turano osiroma as kusu ne ruwe ne.

24 En omap shomoki guru anak ne Ku itak shikkashima shomoki ruwe ne: orowa, echi nu itak anak ne Ku korobe shomo ne, koroka, En omande Michi korobe ne ruwe ne.

En=omap somo ki kur anakne Ku=itak sikkasima somo ki ruwe ne: orowa, eci=nu itak anakne Ku=kor pe somo ne, korka, En=omante Mici kor pe ne ruwe ne.

24 En omap shomoki guru anak ne Ku itak shikkashima shomoki ruwe ne: orowa, echi nu itak anak ne Ku korobe shomo ne, koroka, En omande Michi korobe ne ruwe ne.

En=omap somo ki kur anakne Ku=itak sikkasima somo ki ruwe ne: orowa, eci=nu itak anakne Ku=kor pe somo ne, korka, En=omante Mici kor pe ne ruwe ne.

25 Echi tura no Ku an rapoketa tap okaibe echi otta Ku ye nisa ruwe ne.

Eci turano Ku=an rapoketa tap okaype eci or ta Ku=ye nisa ruwe ne.

26 Koroka, Ku reihei rengap gusu Ku Michi omande Kotchane kuni Ashkanne Ramat anak ne, Shinuma anak obitta no okaibe echi epakashnu kusu ne, orowa, echi otta obitta no okai Ku ye ambe echi eshikarunde kusu ne na.

Korka, Ku=rehe renkap kusu Ku Mici omante Kotchane kuni Askanne Ramat anakne, Sinuma anak opittano okaype eci=epakasnu kusu ne, orowa, eci or ta opittano okay Ku=ye anpe eci esikarunte kusu ne na.

27 Itomo echi otta Ku hoppa: Ku goro itomo echi kore ash na: moshiri kore nei no Kuani echi kore shomoki ruwe ne. Iteki echi sambe yaikowepekerere, iteki sambe kimatekte yan.

I=tom eci or ta Ku=hoppa: Ku=kor i=tom eci=kore as na: mosir kore néno Kuani eci=kore somo ki ruwe ne. Iteki eci=sanpe yaykowepekerere, iteki sanpe kimatekte yan.

28 Ku oman wa shui echi otta Ku ek kusu ne ani an itak ani Ku ye-hi echi nu nisa. Echi utara En omap yakun, Kuani Michi otta Ku arapa gusu echi yaikopuntek kusu ne: En kasu no Michi anak ne pase ruwe ne gusu ne na.

Ku=oman wa suy eci or ta Ku=ek kusu ne ani an itak ani Ku=ye hi eci=nu nisa. Eci utar En=omap yakun, Kuani Mici or ta Ku=arpa kusu eci=yaykopuntek kusu ne: En=kasu no Mici anakne pase ruwe ne kusu ne na.

29 Orowa, tane nei ambe hetuku etokota Kuani echi nure ash nisa, nei ambe hetuku chiki echi utara eishokoro kuni gusu ne ruwe ne.

Orowa, tane ne anpe hetuku etoko ta Kuani eci=nure as nisa, ne anpe hetuku ciki eci utar eysokor kuni kusu ne ruwe ne.

30 Te wano poron no echi tura Ku koitak shomoki, inambe gusu ne yakun, moshiri esapanep ek: orowa, En otta shinuma nep ka koro shomoki ruwe ne;

Te wano poronno eci tura Ku=koytak somo ki, inanpe kusu ne yakun, mosir e=sapanep ek: orowa, En or ta sinuma nep ka kor somo ki ruwe ne;

31 koroka, Kuani anak ne Michi Ku omap sekorʼambe eraman kuni ambe ne, orowa, Michi En kashpaotte nei no Ku ki ruwe ne. Hopuni, te wano paye anro.

korka, Kuani anakne Mici Ku=omap sekor anpe eraman kuni anpe ne, orowa, Mici En=kaspaotte néno Ku=ki ruwe ne. Hopuni, te wano paye an ro.

15:1 Kuani anak ne son no hat pungara Ku ne ruwe ne, orowa, Ku Michi anak nei toita guru ne ruwe ne.

Kuani anakne sonno hat punkar Ku ne ruwe ne, orowa, Ku Mici anakne toyta kur ne ruwe ne.

2 En otta okai ibe o shomoki ni-tek, Shinuma obitta oyake un omande: orowa, obitta no okai ibe o ni-tek anak ne naa kasu no ibe o kuni gusu, Shinuma turusakte ruwe ne.

En or ta okay ipe o somo ki ni-tek, Sinuma opitta oyake un omante: orowa, opittano okay ipe o ni-tek anakne naa kasuno ipe o kuni kusu, Sinuma turusakte ruwe ne.

3 Tane echi otta Ku ye okere itak gusu echi utara anak ne turu-sak wa okai ruwe ne.

Tane eci or ta Ku=ye okere itak kusu eci utar anakne tur-sak wa okay ruwe ne.

4 En oshiketa echi okai yan, orowa, echi oshiketa Ku an kusu ne. Ni-tek anak ne pungara otta shomo kotuk chiki yaikota ibe o eaikap korachi, echi utara ne yakka En otta okai shomo ne chiki ibe o eaikap ruwe ne.

En=oske ta eci=okay yan, orowa, eci=oske ta Ku=an kusu ne. Ni-tek anakne punkar or ta somo kotuk ciki yaykota ipe o eaykap koraci, eci utar ne yakka En or ta okay somo ne ciki ipe o eaykap ruwe ne.

5 Kuani anak ne pungara Ku ne, echi utara nei ni-tek ne ruwe ne: En oshiketa an wa, samata, oshiketa Ku an guru anak ne, nei guru anak poron no ibe o ruwe ne: En oyakta an chiki nep ne yakka echi ki eaikap ruwe ne gusu ne na.

Kuani anakne punkar Ku ne, eci utar ne ni-tek ne ruwe ne: En=oske ta an wa, sama ta, oske ta Ku=an kur anakne, ne kur anak poronno ipe o ruwe ne: En=oyak ta an ciki nep ne yakka eci=ki eaykap ruwe ne kusu ne na.

6 Ainu anak ne En oshiketa an shomo ne chiki, ni-tek korachi oyakta aosura wa shumumge ruwe ne: orowa, utara nei ambe eumashnu wa abe otta osura, aige, auhuyeka ruwe ne.

Aynu anakne En=oske ta an somo ne ciki, ni-tek koraci oyak ta a=osura wa sumumke ruwe ne: orowa, utar ne anpe ewmasnu wa ape or ta osura, ayke, awhuyeka ruwe ne.