10 Ik. ページ 188

Tan orushpe aokere chiki Utarapa anak ne moshima okai wa niu ikashima e ine hotne niu numge wa yaikota ek kushki nep machiya hene kotan hene tun range otta koro kotchaketa payere nisa ruwe ne.

Tan oruspe a=okere ciki Utarpa anakne mosma okay wa niw ikasma e ine hotne niw numke wa yaykota ek kuski nep maciya hene kotan hene tun ranke or ta kor kotcake ta payere nisa ruwe ne.

μετα δε ταυτα ανεδειξεν ο κυριος ετερους εβδομηκοντα [δυο] και απεστειλεν αυτους ανα δυο [δυο] προ προσωπου αυτου εις πασαν πολιν και τοπον ου ημελλεν αυτος ερχεσθαι

その後、主はほかに七十二人を任命し、御自分が行くつもりのすべての町や村に二人ずつ先に遣わされた。

Awa, otta ene itak-hi :— Nange kuni ushi nuye an koroka, monraige utara moyo ruwe ne: tambe gusu, Nange ushi kon nishpa anak ne nange ushita monraige utara payere kuni gusu koramkoro yan.

Awa, or ta ene itak hi :— Nanke kuni usi nuye an korka, monrayke utar moyo ruwe ne: tanpe kusu, Nanke usi kor nispa anakne nanke usi ta monrayke utar payere kuni kusu koramkor yan.

ελεγεν δε προς αυτους ο μεν θερισμος πολυς οι δε εργαται ολιγοι δεηθητε ουν του κυριου του θερισμου οπως εργατας εκβαλη εις τον θερισμον αυτου

そして、彼らに言われた。「収穫は多いが、働き手が少ない。だから、収穫のために働き手を送ってくださるように、収穫の主に願いなさい。

Echi paye yan; pon hitsuji chikoikip anak ne horokeu tumu un ahupte korachi echi payere ash na.

Eci=paye yan; pon hitsuji cikoykip anakne horkew tumu un ahupte koraci eci=payere as na.

υπαγετε ιδου αποστελλω υμας ως αρνας εν μεσω λυκων

行きなさい。わたしはあなたがたを遣わす。それは、狼の群れに小羊を送り込むようなものだ。

Ichen o pukuru hene, pusaru hene, keire hene iteki koro yan: samata, payekai rapoketa iteki nen ne yakka erangarap yan.

Icen o pukuru hene, pusaru hene, ker hene iteki kor yan: sama ta, payekay rapoketa iteki nen ne yakka erankarap yan.

μη βασταζετε βαλλαντιον μη πηραν μη υποδηματα και μηδενα κατα την οδον ασπασησθε

財布も袋も履物も持って行くな。途中でだれにも挨拶をするな。

Orowa, nep chisei ta echi ahup yakka hoshiki no ene itak yan :— Tan chisei otta itomo anro.

Orowa, nep cise ta eci=ahup yakka hoskino ene itak yan :— Tan cise or ta i=tom an ro.

εις ην δ αν εισελθητε οικιαν πρωτον λεγετε ειρηνη τω οικω τουτω

どこかの家に入ったら、まず、『この家に平和があるように』と言いなさい。

Orowa, nei chisei ta itomo poho an chiki nei kashiketa e koro itomo an kusu ne; shomo an chiki nei ambe echi otta hoshipi kusu ne na.

Orowa, ne cise ta i=tom poho an ciki ne kasike ta e=kor i=tom an kusu ne; somo an ciki ne anpe eci or ta hosipi kusu ne na.

και εαν εκει η υιος ειρηνης επαναπαησεται επ αυτον η ειρηνη υμων ει δε μηγε μη γε εφ υμας ανακαμψει

平和の子がそこにいるなら、あなたがたの願う平和はその人にとどまる。もし、いなければ、その平和はあなたがたに戻ってくる。

Orowa, nei chisei ta echi reushi wa ikore an aep ibe hemhem ki iku hemhem ki yan: monraige guru anak ne pummaha uk kuni guru ne ruwe ne gusu ne na.

Orowa, ne cise ta eci=rewsi wa ikore an aep ipe hemhem ki iku hemhem ki yan: monrayke kur anakne pummaha uk kuni kur ne ruwe ne kusu ne na.

εν αυτη δε τη οικια μενετε εσθοντες εσθιοντες και πινοντες τα παρ αυτων αξιος γαρ ο εργατης του μισθου αυτου μη μεταβαινετε εξ οικιας εις οικιαν

その家に泊まって、そこで出される物を食べ、また飲みなさい。働く者が報酬を受けるのは当然だからである。家から家へと渡り歩くな。

Orowa, iteki chisei pish no otta paye yan. Samata, nep machiya otta ne yakka echi ahup, aige, nei utara echi uina chiki, echi kotchaketa aande aep ibe yan;

Orowa, iteki cise pisno or ta paye yan. Sama ta, nep maciya or ta ne yakka eci=ahup, ayke, ne utar eci=uyna ciki, eci=kotcake ta a=ante aep ipe yan;

και εις ην αν πολιν εισερχησθε και δεχωνται υμας εσθιετε τα παρατιθεμενα υμιν

どこかの町に入り、迎え入れられたら、出される物を食べ、

orowa, nei machiya otta okai tashum ki utara iwangere wa otta ene itak yan :— Kamui moshiri anak ne echi koehange no ek ruwe ne, ani itak.

orowa, ne maciya or ta okay tasum ki utar iwankere wa or ta ene itak yan :— Kamuy mosir anakne eci=koehanke no ek ruwe ne, ani itak.

και θεραπευετε τους εν αυτη ασθενεις και λεγετε αυτοις ηγγικεν εφ υμας η βασιλεια του θεου

その町の病人をいやし、また、『神の国はあなたがたに近づいた』と言いなさい。

Koroka, nep machiya otta ne yakka echi ahup wa okai utara echi uina shomoki chiki; nei machiya un pararu otta echi soyumba wa ene itak yan :—

Korka, nep maciya or ta ne yakka eci=ahup wa okay utar eci=uyna somo ki ciki; ne maciya un pararu or ta eci=soyunpa wa ene itak yan :—

εις ην δ αν πολιν εισελθητε και μη δεχωνται υμας εξελθοντες εις τας πλατειας αυτης ειπατε

しかし、町に入っても、迎え入れられなければ、広場に出てこう言いなさい。

Chikoro chikiri ush echi koro machiya un koponchi poka echi epeka no chi piruba ruwe ne: yakka, Kamui moshiri ehange no ek an sekorʼambe echi eramu yan.

Ci=kor cikiri us eci=kor maciya un koponci poka eci=epeka no ci pirpa ruwe ne: yakka, Kamuy mosir ehanke no ek an sekor anpe eci=eramu yan.

και τον κονιορτον τον κολληθεντα ημιν εκ της πολεως υμων εις τους ποδας απομασσομεθα υμιν πλην τουτο γινωσκετε οτι ηγγικεν η βασιλεια του θεου

『足についたこの町の埃さえも払い落として、あなたがたに返す。しかし、神の国が近づいたことを知れ』と。

Echi otta Ku ye :— Nei toho ta anak ne nei machiya kasu no Sodom kotan anak naa kashush no okai kusu ne.

Eci or ta Ku=ye :— Ne toho ta anakne ne maciya kasuno Sodom kotan anak naa kasus no okay kusu ne.

λεγω υμιν οτι σοδομοις εν τη ημερα εκεινη ανεκτοτερον εσται η τη πολει εκεινη

言っておくが、かの日には、その町よりまだソドムの方が軽い罰で済む。」

Aa Korazin kotan, aeyaisambepokash humi! Aa Betsaida kotan, aeyaisambepokash humi! Inambe gusu ne yakun, echi otta Ku ki kirorope anak ne Tiros kotan newa Sidon kotan ta akara yak anak ne fushkotoi ta hai ani akara amip newa uina otta rok wa yaikokatpak kusu ne a an.

Aa Korazin kotan, aeyaysanpepokas humi! Aa Betsayda kotan, aeyaysanpepokas humi! Inanpe kusu ne yakun, eci or ta Ku=ki kirorope anakne Tiros kotan newa Sidon kotan ta a=kar yakanak ne huskotoy ta hay ani a=kar amip newa uyna or ta rok wa yaykokatpak kusu ne a an.

ουαι σοι χοραζιν ουαι σοι βηθσαιδα οτι ει εν τυρω και σιδωνι εγενηθησαν αι δυναμεις αι γενομεναι εν υμιν παλαι αν εν σακκω και σποδω καθημενοι μετενοησαν

「コラジン、お前は不幸だ。ベトサイダ、お前は不幸だ。お前たちのところでなされた奇跡がティルスやシドンで行われていれば、これらの町はとうの昔に粗布をまとい、灰の中に座って悔い改めたにちがいない。

Koroka, koipishi ita anak ne eani kasu no Tiros newa Sidon kotan gusu naa kasush kusu ne.

Korka, koypisi hi ta anakne eani kasuno Tiros newa Sidon kotan kusu naa kasus kusu ne.

πλην τυρω και σιδωνι ανεκτοτερον εσται εν τη κρισει η υμιν

しかし、裁きの時には、お前たちよりまだティルスやシドンの方が軽い罰で済む。

Orowa, eani, Kapernaum kotan, eani anak ne kando pakno aerikinde an kusu ne ya?

Orowa, eani, Kapernaum kotan, eani anakne kanto pakno aerikinte an kusu ne ya?

και συ καφαρναουμ μη εως ουρανου υψωθηση εως του αδου καταβηση

また、カファルナウム、お前は、天にまで上げられるとでも思っているのか。陰府にまで落とされるのだ。

Hedes pakno e range an kusu ne na. Echi nu guru anak ne En nu ruwe ne: orowa, echi emaka gurʼanak En emaka ruwe ne; orowa; En emaka guru anak ne En omande guru ne yakka emaka ruwe ne na.

Hedes pakno e ranke an kusu ne na. Eci=nu kur anakne En=nu ruwe ne: orowa, eci=emaka kur anak En=emaka ruwe ne; orowa; En=emaka kur anakne En=omante kur ne yakka emaka ruwe ne na.

ο ακουων υμων εμου ακουει και ο αθετων υμας εμε αθετει ο δε εμε αθετων αθετει τον αποστειλαντα με

あなたがたに耳を傾ける者は、わたしに耳を傾け、あなたがたを拒む者は、わたしを拒むのである。わたしを拒む者は、わたしを遣わされた方を拒むのである。」

Orowa, nei wa niu ikashima e ine hotne niu anak ne yaikopuntek hine hoshippa wa ene itak-hi :— Utarapa, nitne kamui poka E reihei gusu chi ki itak nu ruwe ne.

Orowa, ne wa niw ikasma e ine hotne niw anakne yaykopuntek hine hosippa wa ene itak hi :— Utarpa, nitne kamuy poka E rehe kusu ci ki itak nu ruwe ne.

υπεστρεψαν δε οι εβδομηκοντα [δυο] μετα χαρας λεγοντες κυριε και τα δαιμονια υποτασσεται ημιν εν τω ονοματι σου

七十二人は喜んで帰って来て、こう言った。「主よ、お名前を使うと、悪霊さえもわたしたちに屈服します。」

Orota Shinuma ene itak-hi :— Satan anak ne imeru korachi kando orowa no ran shiri Ku nukan nisa.

Oro ta Sinuma ene itak hi :— Satan anakne imeru koraci kanto oro wano ran siri Ku=nukar nisa.

ειπεν δε αυτοις εθεωρουν τον σαταναν ως αστραπην εκ του ουρανου πεσοντα

イエスは言われた。「わたしは、サタンが稲妻のように天から落ちるのを見ていた。

Ingarʼan, echi utara anak ne okokko newa sasori kata otereke kuni, samata, epokbap kiroro esapane kuni mondum echi kore ash nisa: awa, nep ne yakka son no newa echi ewende shomoki kusu ne.

Inkar=an, eci utar anakne okokko newa sasori kata oterke kuni, sama ta, epokpap kiroro esapane kuni montum eci=kore as nisa: awa, nep ne yakka sonno newa eci=e=wente somo ki kusu ne.

ιδου δεδωκα υμιν την εξουσιαν του πατειν επανω οφεων και σκορπιων και επι πασαν την δυναμιν του εχθρου και ουδεν υμας ου μη αδικησει αδικηση

蛇やさそりを踏みつけ、敵のあらゆる力に打ち勝つ権威を、わたしはあなたがたに授けた。だから、あなたがたに害を加えるものは何一つない。

Koroka, tap ambe gusu, ramat utara echi ki itak nu gusu, iteki echi yaikopuntek yan; echi kon reihei anak ne kando oshiketa anuye wa okai gusu yaikopuntek yan.

Korka, tapanpe kusu, ramat utar eci=ki itak nu kusu, iteki eci=yaykopuntek yan; eci=kor rehe anakne kanto oske ta a=nuye wa okay kusu yaykopuntek yan.

πλην εν τουτω μη χαιρετε οτι τα πνευματα υμιν υποτασσεται χαιρετε δε οτι τα ονοματα υμων εγγεγραπται εν τοις ουρανοις

しかし、悪霊があなたがたに服従するからといって、喜んではならない。むしろ、あなたがたの名が天に書き記されていることを喜びなさい。」

Nei i pakita hita Shinuma anak ne Ashkanne Ramat ani nupetne, awa, ene itak-hi :— Kando newa moshiri Utarapa ne Ku Michihi, Aokai anak ne tap okaibe wayashnu utara newa ramu an utara wano nuina wa aiai otta nukare gusu Ku koyaiiraige ash na. Ruwe newa Michihi, tambe korachi an-i anak ne Aokai aesanniyop ne ruwe ne gusu ne na.

Ne i pakita hi ta Sinuma anakne Askanne Ramat ani nupetne, awa, ene itak hi :— Kanto newa mosir Utarpa ne Ku Micihi, Aokay anakne tap okaype wayasnu utar newa ramuan utar wano nuyna wa ayay or ta nukare kusu Ku=koyayirayke as na. Ruwe newa Micihi, tanpe koraci an hi anakne Aokay aesanniyop ne ruwe ne kusu ne na.

εν αυτη τη ωρα ηγαλλιασατο [εν] τω πνευματι τω αγιω και ειπεν εξομολογουμαι σοι πατερ κυριε του ουρανου και της γης οτι απεκρυψας ταυτα απο σοφων και συνετων και απεκαλυψας αυτα νηπιοις ναι ο πατηρ οτι ουτως ευδοκια εγενετο εμπροσθεν σου

そのとき、イエスは聖霊によって喜びにあふれて言われた。「天地の主である父よ、あなたをほめたたえます。これらのことを知恵ある者や賢い者には隠して、幼子のような者にお示しになりました。そうです、父よ、これは御心に適うことでした。

Nep ne yakka Ku Michi wano a en koropare nisa ruwe ne; orowa, Poho anak ne nen ne ruwe he an sekoro eramʼan guru Michi moshima isam; samata, Michi anak ne nen ne ruwe he an sekoro eramʼan guru, Poho newa Poho ramuoshma wa otta eramʼande guru isam ruwe ne.

Nep ne yakka Ku Mici wano a en=korpare nisa ruwe ne; orowa, Poho anakne nen ne ruwe he an sekor eraman kur Mici mosma isam; sama ta, Mici anakne nen ne ruwe he an sekor eraman kur, Poho newa Poho ramuosma wa or ta eram ante kur isam ruwe ne.

παντα μοι παρεδοθη υπο του πατρος μου και ουδεις γινωσκει τις εστιν ο υιος ει μη ο πατηρ και τις εστιν ο πατηρ ει μη ο υιος και ω αν εαν βουληται ο υιος αποκαλυψαι

すべてのことは、父からわたしに任せられています。父のほかに、子がどういう者であるかを知る者はなく、父がどういう方であるかを知る者は、子と、子が示そうと思う者のほかには、だれもいません。」

Orowa, koro koikara utara otta hosari wa arorokishne no ene itak-hi :— Echi nukara okaibe ingara echi shikihi anak ne anunuke ne:

Orowa, kor koykar utar or ta hosari wa arorkisneno ene itak hi :— Eci=nukar okaype inkar eci=sikihi anakne a=nunuke ne:

και στραφεις προς τους μαθητας κατ ιδιαν ειπεν μακαριοι οι οφθαλμοι οι βλεποντες α βλεπετε

それから、イエスは弟子たちの方を振り向いて、彼らだけに言われた。「あなたがたの見ているものを見る目は幸いだ。

inambe gusu ne yakun, echi otta Ku ye, inne uweingara utara newa Moshiri shikkashima utara anak ne echi nukarabe nukan rusui, awa, nukara shomoki; orowa, echi nu okaibe nu rusui a koroka nu shomoki nisa ruwe ne na.

inanpe kusu ne yakun, eci or ta Ku=ye, inne ueinkar utar newa Mosir sikkasima utar anakne eci=nukar pe nukar rusuy, awa, nukar somo ki; orowa, eci=nu okaype nu rusuy a korka nu somo ki nisa ruwe ne na.

λεγω γαρ υμιν οτι πολλοι προφηται και βασιλεις ηθελησαν ιδειν α υμεις βλεπετε και ουκ ειδαν και ακουσαι α ακουετε και ουκ ηκουσαν

言っておくが、多くの預言者や王たちは、あなたがたが見ているものを見たかったが、見ることができず、あなたがたが聞いているものを聞きたかったが、聞けなかったのである。」

Orowa, ingarʼan, shine ikashpaotte pita guru ash wa Shinuma koramnukara wa ene itak-hi :— Epakashnu guru, ramma okere shomoki inotu ku eikeshkoro kuni nekon a ku ki kusu ne ya.

Orowa, inkar=an, sine ikaspaotte pita kur as wa Sinuma koramnukar wa ene itak hi :— Epakasnu kur, ramma okere somo ki inotu ku eykeskoro kuni nekona ku=ki kusu ne ya.

και ιδου νομικος τις ανεστη εκπειραζων αυτον λεγων διδασκαλε τι ποιησας ζωην αιωνιον κληρονομησω

すると、ある律法の専門家が立ち上がり、イエスを試そうとして言った。「先生、何をしたら、永遠の命を受け継ぐことができるでしょうか。」

Orota Shinuma ene itakhi :— Tuitak otta hemanda chi-eshinnuye wa an a?

Oro ta Sinuma ene itak hi :— Tuytak or ta hemanta ci-esinnuye wa an a?

ο δε ειπεν προς αυτον εν τω νομω τι γεγραπται πως αναγινωσκεις

イエスが、「律法には何と書いてあるか。あなたはそれをどう読んでいるか」と言われると、

Nekon a e orooitak ya? Nei guru ese wa ene itak-hi :— Sambe osshi wano hemhem, keutura osshi wano hemhem, kiroro an pakno hemhem, ramu an pakno hemhem, Utarapa ne e koro Kamui omap yan; orowa yaiomap korachi aota un guru ne yakka omap yan, ani itak.

Nekona e oroytak ya? Ne kur ese wa ene itak hi :— Sanpe ossi wano hemhem, kewtura ossi wano hemhem, kiroro an pakno hemhem, ramuan pakno hemhem, Utarpa ne e=kor Kamuy omap yan; orowa yayomap koraci a=o ta un kur ne yakka omap yan, ani itak.

ο δε αποκριθεις ειπεν αγαπησεις κυριον τον θεον σου εξ ολης [της] καρδιας σου και εν ολη τη ψυχη σου και εν ολη τη ισχυι σου και εν ολη τη διανοια σου και τον πλησιον σου ως σεαυτον

彼は答えた。「『心を尽くし、精神を尽くし、力を尽くし、思いを尽くして、あなたの神である主を愛しなさい、また、隣人を自分のように愛しなさい』とあります。」

Orota Shinuma ene itak-hi :— Aokai oupeka no ese itak nisa ruwe ne, tap korachi ki, yak anak ne eani ishu kusu ne na, ani itak.

Oro ta Sinuma ene itak hi :— Aokay owpekano ese itak nisa ruwe ne, tap koraci ki, yakanak ne eani i=su kusu ne na, ani itak.

ειπεν δε αυτω ορθως απεκριθης τουτο ποιει και ζηση

イエスは言われた。「正しい答えだ。それを実行しなさい。そうすれば命が得られる。」

Koroka, nei guru anak ne yaikota yaioupekare rusui wa Yesu otta ene itak-hi :— Orowa, ku aota un guru nen ne ruwe he an?

Korka, ne kur anakne yaykota yayowpekare rusuy wa Yesu or ta ene itak hi :— Orowa, ku=a=o ta un kur nen ne ruwe he an?

ο δε θελων δικαιωσαι εαυτον ειπεν προς τον ιησουν και τις εστιν μου πλησιον

しかし、彼は自分を正当化しようとして、「では、わたしの隣人とはだれですか」と言った。

Yesu ese wa ene itak-hi; — Shine ainu anak ne Yerusarem kotan wano Yeriko kotan orun san nisa ruwe ne: awa, ikka utara orowa no ashikkashima, aige, nei utara shinuma atusare wa shirikik,

Yesu ese wa ene itak hi; — Sine aynu anakne Yerusarem kotan wano Yeriko kotan orun san nisa ruwe ne: awa, ikka utar oro wano a=sikkasma, ayke, ne utar sinuma atusare wa sirkik,

υπολαβων ο ιησους ειπεν ανθρωπος τις κατεβαινεν απο ιερουσαλημ εις ιεριχω και λησταις περιεπεσεν οι και εκδυσαντες αυτον και πληγας επιθεντες απηλθον αφεντες ημιθανη

イエスはお答えになった。「ある人がエルサレムからエリコへ下って行く途中、追いはぎに襲われた。追いはぎはその人の服をはぎ取り、殴りつけ、半殺しにしたまま立ち去った。

orowa, ru-rai no ande wa paye nisa ruwe ne. Orowa no po, nei ru kari Kamui kora kenru esapane guru shinen oman; nei guru shinuma nukara chiki oyake un kush wa arapa.

orowa, ru-ray no ante wa paye nisa ruwe ne. Orowano po, ne ru kari Kamuy kor kenru esapane kur sinen oman; ne kur sinuma nukar ciki oyake un kus wa arpa.

κατα συγκυριαν δε ιερευς τις κατεβαινεν [εν] εν τη οδω εκεινη και ιδων αυτον αντιπαρηλθεν

ある祭司がたまたまその道を下って来たが、その人を見ると、道の向こう側を通って行った。

Orowa, shui nei no korachi Rebi un guru nei ushike kari oman hine nukara koro oyake un kush wa oman nisa ruwe ne.

Orowa, suy néno koraci Rebi un kur ne usike kari oman hine nukar kor oyake un kus wa oman nisa ruwe ne.

ομοιως δε και λευιτης [γενομενος] κατα τον τοπον ελθων και ιδων αντιπαρηλθεν

同じように、レビ人もその場所にやって来たが、その人を見ると、道の向こう側を通って行った。

Koroka, Samaria kotan un guru shinen payekai hine nei guru an ushiketa ek; awa, shinuma nukara chiki erampokiwen wa kore,

Korka, Samaria kotan un kur sinen payekay hine ne kur an uske ta ek; awa, sinuma nukar ciki eranpokiwen wa kore,

σαμαρειτης σαμαριτης δε τις οδευων ηλθεν κατ αυτον και ιδων εσπλαγχνισθη

ところが、旅をしていたあるサマリア人は、そばに来ると、その人を見て憐れに思い、

orowa, orota ek wa koro piri kata shum newa tonoto ota wa nei piri kokarakara nisa ruwe ne; samata, yaikota koro chikoikip kata ore hine yando chisei orun ani wa eyam no shikkashima nisa ruwe ne.

orowa, oro ta ek wa kor piri kata sum newa tonoto ota wa ne piri kokarkar nisa ruwe ne; sama ta, yaykota kor cikoykip kata ore hine yanto cise orun ani wa eyam no sikkasima nisa ruwe ne.

και προσελθων κατεδησεν τα τραυματα αυτου επιχεων ελαιον και οινον επιβιβασας δε αυτον επι το ιδιον κτηνος ηγαγεν αυτον εις πανδοχειον και επεμεληθη αυτου

近寄って傷に油とぶどう酒を注ぎ、包帯をして、自分のろばに乗せ、宿屋に連れて行って介抱した。

Orowa no, nei shimge toho ta tu denaria sange wa yando chisei kon nishpa otta kore wa ene itakhi :— Nei guru eyam no shikkashima; orowa, tambe kasu no e eiwange yak anak ne kuani ku hoshipi ita ku sange wa e kore ash kusu ne na,

Orowano, ne simke toho ta tu tenaria sanke wa yanto cise kor nispa or ta kore wa ene itak hi :— Ne kur eyam no sikkasima; orowa, tanpe kasuno e eywanke yakanak ne kuani ku=hosipi hi ta ku=sanke wa e kore as kusu ne na,

και επι την αυριον εκβαλων δυο δηναρια εδωκεν εδωκεν δυο δηναρια τω πανδοχει και ειπεν επιμεληθητι αυτου και ο τι αν προσδαπανησης εγω εν τω επανερχεσθαι με αποδωσω σοι

そして、翌日になると、デナリオン銀貨二枚を取り出し、宿屋の主人に渡して言った。『この人を介抱してください。費用がもっとかかったら、帰りがけに払います。』

ani itak Tan ren tumugeta nei ikka utara orowa no ashikkashima ainu otta inan guru ka aota un guru ne ya? Nekon a e yainu ya? sekoro Yesu itak.

ani itak Tan ren tumke ta ne ikka utar oro wano a=sikkasma aynu or ta inan kur ka a=o ta un kur ne ya? Nekona e yaynu ya? sekor Yesu itak.

τις τουτων των τριων πλησιον δοκει σοι γεγονεναι του εμπεσοντος εις τους ληστας

さて、あなたはこの三人の中で、だれが追いはぎに襲われた人の隣人になったと思うか。」

Orota nei guru ene itak-hi :— Irampokiwen wa kore guru ne, ani itak. Orota Yesu ene itak-hi :— Oman wa eani ne yakka nei no korachi kara yan, ani itak.

Oro ta ne kur ene itak hi :— Iranpokiwen wa kore kur ne, ani itak. Oro ta Yesu ene itak hi :— Oman wa eani ne yakka néno koraci kar yan, ani itak.

ο δε ειπεν ο ποιησας το ελεος μετ αυτου ειπεν δε αυτω [ο] ο ιησους πορευου και συ ποιει ομοιως

律法の専門家は言った。「その人を助けた人です。」そこで、イエスは言われた。「行って、あなたも同じようにしなさい。」

Orowa, nei utara payekai korʼan ita, shine kotan orun Shinuma ahun ruwe ne: awa, Maruta ani aye shine shiwentep anak ne koro chisei ta Shinuma reushire nisa ruwe ne.

Orowa, ne utar payekay kor an hi ta, sine kotan orun Sinuma ahun ruwe ne: awa, Maruta ani a=ye sine siwentep anakne kor cise ta Sinuma rewsire nisa ruwe ne.

εν δε τω πορευεσθαι αυτους αυτος εισηλθεν εις κωμην τινα γυνη δε τις ονοματι μαρθα υπεδεξατο αυτον εις την οικιαν

一行が歩いて行くうち、イエスはある村にお入りになった。すると、マルタという女が、イエスを家に迎え入れた。

Nei shiwentep otta Maria ani an reihei koro turesh-mat an ruwe ne, shinuma anak ne Utarapa koro chikiri samaketa a wa koro itak nu koro an nisa ruwe ne.

Ne siwentep or ta Maria ani an rehe kor tures-mat an ruwe ne, sinuma anakne Utarpa kor cikiri samake ta a wa kor itak nu kor an nisa ruwe ne.

και τηδε ην αδελφη καλουμενη μαριαμ [η] και παρακαθεσθεισα προς τους ποδας του κυριου ηκουεν τον λογον αυτου

彼女にはマリアという姉妹がいた。マリアは主の足もとに座って、その話に聞き入っていた。

Koroka, Maruta anak ne usaine okaibe gusu imontabirekashpa an; aige, shinuma Yesu otta ek wa ene itak-hi :— Utarapa, ku turesh-mat anak ne shinen ku ne po en yaishieiwangere shiri Aokai ramu-eunin ruwe? Tambe gusu shinuma en ikashui kuni ne kashpaotte wa en kore, ari itak.

Korka, Maruta anakne usayne okaype kusu imontapirekaspa an; ayke, sinuma Yesu or ta ek wa ene itak hi :— Utarpa, ku=tures-mat anakne sinen ku ne po en yaysieywankere siri Aokay ramu-ewnin ruwe? Tanpe kusu sinuma en=ikasuy kuni ne kaspaotte wa en=kore, ari itak.

η δε μαρθα περιεσπατο περι πολλην διακονιαν επιστασα δε ειπεν κυριε ου μελει σοι οτι η αδελφη μου μονην με κατελειπεν διακονειν ειπον κατελιπεν διακονειν ειπε ουν αυτη ινα μοι συναντιλαβηται

マルタは、いろいろのもてなしのためせわしく立ち働いていたが、そばに近寄って言った。「主よ、わたしの姉妹はわたしだけにもてなしをさせていますが、何ともお思いになりませんか。手伝ってくれるようにおっしゃってください。」

Koroka, Utarapa, ese wa ene itak-hi :— Maruta, Maruta, eani anak ne inne okaibe gusu nishomap wa ramusarak ruwe ne; koroka, an kusu ne ap shinep an:

Korka, Utarpa, ese wa ene itak hi :— Maruta, Maruta, eani anakne inne okaype kusu nisomap wa ramusarak ruwe ne; korka, an kusu ne ap sinep an:

αποκριθεις δε ειπεν αυτη ο κυριος μαρθα μαρθα μεριμνας και θορυβαζη περι πολλα

主はお答えになった。「マルタ、マルタ、あなたは多くのことに思い悩み、心を乱している。

orowa, Maria anak ne orowa no auk shomoki pirika ushike numge nisa ruwe ne na.

orowa, Maria anakne oro wano auk somo ki pirka usike numke nisa ruwe ne na.

ολιγων δε εστιν χρεια η ενος ενος δε εστιν χρεια μαριαμ γαρ την αγαθην μεριδα εξελεξατο ητις ουκ αφαιρεθησεται αυτης

しかし、必要なことはただ一つだけである。マリアは良い方を選んだ。それを取り上げてはならない。」