共観表
Yoannes 14.26-15.6 §132X
26 Koroka, Ku reihei rengap gusu Ku Michi omande Kotchane kuni Ashkanne Ramat anak ne, Shinuma anak obitta no okaibe echi epakashnu kusu ne, orowa, echi otta obitta no okai Ku ye ambe echi eshikarunde kusu ne na.
Korka, Ku=rehe renkap kusu Ku Mici omante Kotchane kuni Askanne Ramat anakne, Sinuma anak opittano okaype eci=epakasnu kusu ne, orowa, eci or ta opittano okay Ku=ye anpe eci esikarunte kusu ne na.
27 Itomo echi otta Ku hoppa: Ku goro itomo echi kore ash na: moshiri kore nei no Kuani echi kore shomoki ruwe ne. Iteki echi sambe yaikowepekerere, iteki sambe kimatekte yan.
I=tom eci or ta Ku=hoppa: Ku=kor i=tom eci=kore as na: mosir kore néno Kuani eci=kore somo ki ruwe ne. Iteki eci=sanpe yaykowepekerere, iteki sanpe kimatekte yan.
28 Ku oman wa shui echi otta Ku ek kusu ne ani an itak ani Ku ye-hi echi nu nisa. Echi utara En omap yakun, Kuani Michi otta Ku arapa gusu echi yaikopuntek kusu ne: En kasu no Michi anak ne pase ruwe ne gusu ne na.
Ku=oman wa suy eci or ta Ku=ek kusu ne ani an itak ani Ku=ye hi eci=nu nisa. Eci utar En=omap yakun, Kuani Mici or ta Ku=arpa kusu eci=yaykopuntek kusu ne: En=kasu no Mici anakne pase ruwe ne kusu ne na.
29 Orowa, tane nei ambe hetuku etokota Kuani echi nure ash nisa, nei ambe hetuku chiki echi utara eishokoro kuni gusu ne ruwe ne.
Orowa, tane ne anpe hetuku etoko ta Kuani eci=nure as nisa, ne anpe hetuku ciki eci utar eysokor kuni kusu ne ruwe ne.
30 Te wano poron no echi tura Ku koitak shomoki, inambe gusu ne yakun, moshiri esapanep ek: orowa, En otta shinuma nep ka koro shomoki ruwe ne;
Te wano poronno eci tura Ku=koytak somo ki, inanpe kusu ne yakun, mosir e=sapanep ek: orowa, En or ta sinuma nep ka kor somo ki ruwe ne;
31 koroka, Kuani anak ne Michi Ku omap sekorʼambe eraman kuni ambe ne, orowa, Michi En kashpaotte nei no Ku ki ruwe ne. Hopuni, te wano paye anro.
korka, Kuani anakne Mici Ku=omap sekor anpe eraman kuni anpe ne, orowa, Mici En=kaspaotte néno Ku=ki ruwe ne. Hopuni, te wano paye an ro.
15:1 Kuani anak ne son no hat pungara Ku ne ruwe ne, orowa, Ku Michi anak nei toita guru ne ruwe ne.
Kuani anakne sonno hat punkar Ku ne ruwe ne, orowa, Ku Mici anakne toyta kur ne ruwe ne.
2 En otta okai ibe o shomoki ni-tek, Shinuma obitta oyake un omande: orowa, obitta no okai ibe o ni-tek anak ne naa kasu no ibe o kuni gusu, Shinuma turusakte ruwe ne.
En or ta okay ipe o somo ki ni-tek, Sinuma opitta oyake un omante: orowa, opittano okay ipe o ni-tek anakne naa kasuno ipe o kuni kusu, Sinuma turusakte ruwe ne.
3 Tane echi otta Ku ye okere itak gusu echi utara anak ne turu-sak wa okai ruwe ne.
Tane eci or ta Ku=ye okere itak kusu eci utar anakne tur-sak wa okay ruwe ne.
4 En oshiketa echi okai yan, orowa, echi oshiketa Ku an kusu ne. Ni-tek anak ne pungara otta shomo kotuk chiki yaikota ibe o eaikap korachi, echi utara ne yakka En otta okai shomo ne chiki ibe o eaikap ruwe ne.
En=oske ta eci=okay yan, orowa, eci=oske ta Ku=an kusu ne. Ni-tek anakne punkar or ta somo kotuk ciki yaykota ipe o eaykap koraci, eci utar ne yakka En or ta okay somo ne ciki ipe o eaykap ruwe ne.
5 Kuani anak ne pungara Ku ne, echi utara nei ni-tek ne ruwe ne: En oshiketa an wa, samata, oshiketa Ku an guru anak ne, nei guru anak poron no ibe o ruwe ne: En oyakta an chiki nep ne yakka echi ki eaikap ruwe ne gusu ne na.
Kuani anakne punkar Ku ne, eci utar ne ni-tek ne ruwe ne: En=oske ta an wa, sama ta, oske ta Ku=an kur anakne, ne kur anak poronno ipe o ruwe ne: En=oyak ta an ciki nep ne yakka eci=ki eaykap ruwe ne kusu ne na.
6 Ainu anak ne En oshiketa an shomo ne chiki, ni-tek korachi oyakta aosura wa shumumge ruwe ne: orowa, utara nei ambe eumashnu wa abe otta osura, aige, auhuyeka ruwe ne.
Aynu anakne En=oske ta an somo ne ciki, ni-tek koraci oyak ta a=osura wa sumumke ruwe ne: orowa, utar ne anpe ewmasnu wa ape or ta osura, ayke, awhuyeka ruwe ne.
Markos 11.24 §125IV
24 Tambe gusu, echi otta Ku ye :— Nep ne yakka echi koro kuni gusu koramkoro wa inonno-itak chiki, obitta nei okaibe echi koro kusu ne ani eishokoro yan, yakun, akore kusu ne na.
Tanpe kusu, eci or ta Ku=ye :— Nep ne yakka eci=kor kuni kusu koramkor wa inonno-itak ciki, opitta ne okaype eci=kor kusu ne ani eysokor yan, yakun, a=kore kusu ne na.
Yoannes 15.7 §133IV
7 Echi utara En oshiketa okai, orowa, Ku itak anak echi oshiketa an chiki, nep ne yakka echi rengaine koramkoro yakka, echi gusu akara kusu ne na.
Eci utar En=oske ta okay, orowa, Ku=itak anak eci=oske ta an ciki, nep ne yakka eci=renkayne koramkor yakka, eci kusu a=kar kusu ne na.
Yoannes 15.8-12 §134X
8 Tambe otta Ku Michi anak ne aeoripak an, echi utara poron no ibe o;
Tanpe or ta Ku Mici anakne a=eoripak an, eci utar poronno ipe o;
9 Ku goro koikara utara echi ne ruwe ne kusu ne na. Michi poka En omap korachi, Kuani ne yakka echi omap ash nisa ruwe ne:
Ku=kor koykar utar eci ne ruwe ne kusu ne na. Mici poka En=omap koraci, Kuani ne yakka eci=omap as nisa ruwe ne:
10 Ku omap ambe oshiketa echi okai yan. Echi utara Ku ki ikashpaotte shikkashima chiki, Ku omap ambe oshiketa echi okai kusu ne; Kuani anak Ku Michi ki ikashpaotte Ku shikkashima wa Shinuma omap ambe oshiketa Ku an korachi ne ruwe ne.
Ku=omap anpe oske ta eci=okay yan. Eci utar Ku=ki ikaspaotte sikkasima ciki, Ku=omap anpe oske ta eci=okay kusu ne; Kuani anak Ku Mici ki ikaspaotte Ku=sikkasima wa Sinuma omap anpe oske ta Ku=an koraci ne ruwe ne.
11 Ku ki yaikopuntek-i anak ne echi oshiketa an wa echi ki yaikopuntek-i auweomare kuni gusu tap okaibe echi orun Ku ye nisa ruwe ne.
Ku=ki yaykopuntek hi anakne eci=oske ta an wa eci=ki yaykopuntek hi a=ueomare kuni kusu tap okaype eci=orun Ku=ye nisa ruwe ne.
12 Kuani echi omap ash korachi echi utara utashpa uweomap kuni ambe anak ne, tambe anak Ku ki ikashpaotte ne ruwe ne.
Kuani eci=omap as koraci eci utar utaspa uweomap kuni anpe anakne, tanpe anak Ku=ki ikaspaotte ne ruwe ne.
Mattaios 20.28 §204IV
28 tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.
tanpe koraci Aynu Poho anakne mosma kur eywanke kuni ne ek ka somo ne, yaysieywankere kuni kusu ek ruwe ne; orowa, inne utar kikiraye kusu kor ramat kore kusu ek nisa ruwe tapan na.
Markos 10.45 §115IV
45 Inambe gusu ne yakun, son no newa Ainu Poho anak ne moshima utara eiwange kuni gusu ek shomo ne, koroka, yaishieiwangere kuni gusu ek, inne utara kikiraye gusu, koro inotu kore kuni gusu ek nisa ruwe ne na.
Inanpe kusu ne yakun, sonno newa Aynu Poho anakne mosma utar eywanke kuni kusu ek somo ne, korka, yaysieywankere kuni kusu ek, inne utar kikiraye kusu, kor inotu kore kuni kusu ek nisa ruwe ne na.
Yoannes 15.13 §135IV
13 Ainu anak ne ikatairotki guru gusu yaikota kon ramat ande ambe kasu no naa poro omap ambe isama.
Aynu anakne ikatayrotki kur kusu yaykota kor ramat ante anpe kasuno naa poro omap anpe isam.
Yoannes 15.14-16A §136X
14 Echi utara anak ne Ku ki ikashpaotte nei no ki yakun, Ku katairotki utara echi ne ruwe ne.
Eci utar anakne Ku=ki ikaspaotte néno ki yakun, Ku katayrotki utar eci ne ruwe ne.
15 Te wano usshiune utara ani an itak ani echi reikore ash shomo Ku ki; usshiune guru anak ne kon nishpa iki ambe erampeutek ruwe ne gusu ne na: koroka, katairotki utara ani Kuani echi reikore ash nisa ruwe ne; inambe gusu ne yakun, obitta Ku Michi orowa no Ku nu okaibe echi nure ash nisa ruwe ne gusu ne na.
Te wano ussiw ne utar ani an itak ani eci rékore as somo Ku=ki; ussiw ne kur anakne kor nispa iki anpe eranpewtek ruwe ne kusu ne na: korka, katayrotki utar ani Kuani eci rékore as nisa ruwe ne; inanpe kusu ne yakun, opitta Ku Mici oro wano Ku=nu okaype eci=nure as nisa ruwe ne kusu ne na.
16 Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.
Eci utar anakne En=numke somo ki, korka, eci=paye wa ipe o, sama ta, eci=o ipehe okay kuni kusu Kuani eci=numke wa ante nisa ruwe ne; orowa, nep ne yakka Ku=rehe renkap kusu Mici or ta eci koramkorope anakne a=kore kuni kusu ne ruwe ne.
Markos 11.24 §125IV
24 Tambe gusu, echi otta Ku ye :— Nep ne yakka echi koro kuni gusu koramkoro wa inonno-itak chiki, obitta nei okaibe echi koro kusu ne ani eishokoro yan, yakun, akore kusu ne na.
Tanpe kusu, eci or ta Ku=ye :— Nep ne yakka eci=kor kuni kusu koramkor wa inonno-itak ciki, opitta ne okaype eci=kor kusu ne ani eysokor yan, yakun, a=kore kusu ne na.
Yoannes 15.16B §137IV
16 Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.
Eci utar anakne En=numke somo ki, korka, eci=paye wa ipe o, sama ta, eci=o ipehe okay kuni kusu Kuani eci=numke wa ante nisa ruwe ne; orowa, nep ne yakka Ku=rehe renkap kusu Mici or ta eci koramkorope anakne a=kore kuni kusu ne ruwe ne.
Yoannes 15.17-19 §138X
17 Echi utara utashpa uweomap gusu, tap okaibe echi kashpaotte ash na.
Eci utar utaspa uweomap kusu, tap okaype eci=kaspaotte as na.
18 Moshiri anak ne echi etunne yakun, echi etokota En etunne nisa ruwe ne, sekoro eraman.
Mosir anakne eci=etunne yakun, eci=etoko ta En=etunne nisa ruwe ne, sekor eraman.
19 Moshiri orowa no an okaibe echi ne yakun, moshiri anak ne yaikota korobe omap kusu ne: koroka, moshiri orowa no an okaibe shomo echi ne wa moshiri wano Kuani echi numge ash gusu, tambe gusu, moshiri anak ne echi etunne ruwe ne. Echi otta Ku ye itak eshkarun yan :—
Mosir oro wano an okaype eci ne yakun, mosir anakne yaykota kor pe omap kusu ne: korka, mosir oro wano an okaype somo eci ne wa mosir wano Kuani eci=numke as kusu, tanpe kusu, mosir anakne eci=etunne ruwe ne. Eci or ta Ku=ye itak eskarun yan :—
Mattaios 10.24-25A §90III
24 Koikara guru anak ne epakashnu guru kasu no an ambe shomo ne, ausshiunere guru anak ne kon nishpa kasu no an ambe shomo ne ruwe ne.
Koykar kur anakne epakasnu kur kasuno an anpe somo ne, aussiwnere kur anakne kor nispa kasuno an anpe somo ne ruwe ne.
25 Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?
Koykar kur anakne kor epakasnu kur néno an, aussiwnere kur kor nispa néno an anpe anakne pakno ne ruwe ne: cise kor nispa Beeruzeboru ani rékore yakun, kasuno ne cise un utar ne yakka somo ki kusu ne ya?
Roukos 6.40 §58III
40 Koikara guru anak ne koro epakashnu guru kasu no pase shomo ne: koroka, inan guru ne yakka ramuashinnere chiki anak ne koro epakashnu guru korachi an kusu ne.
Koykar kur anakne kor epakasnu kur kasuno pase somo ne: korka, inan kur ne yakka ramuasinnere ciki anakne kor epakasnu kur koraci an kusu ne.
Yoannes 15.20A §139III
20 Ausshiune guru anak ne kon nishpa kasu no shomo ne ruwe ne. Utara anak ne En epokba yak anak ne, echi utara ne yakka aepokba kusu ne na; nei utara anak ne Ku ki itak shikkashima yak anak ne, echi ki itak ne yakka shikkashima kusu ne na.
aussiwne kur anakne kor nispa kasuno somo ne ruwe ne. Utar anakne En epokpa yakanak ne, eci utar ne yakka aepokpa kusu ne na; ne utar anakne Ku=ki itak sikkasima yakanak ne, eci=ki itak ne yakka sikkasima kusu ne na.
Yoannes 15.20B §140X
20 Ausshiune guru anak ne kon nishpa kasu no shomo ne ruwe ne. Utara anak ne En epokba yak anak ne, echi utara ne yakka aepokba kusu ne na; nei utara anak ne Ku ki itak shikkashima yak anak ne, echi ki itak ne yakka shikkashima kusu ne na.
aussiwne kur anakne kor nispa kasuno somo ne ruwe ne. Utar anakne En epokpa yakanak ne, eci utar ne yakka aepokpa kusu ne na; ne utar anakne Ku=ki itak sikkasima yakanak ne, eci=ki itak ne yakka sikkasima kusu ne na.
Mattaios 10.17-18 §87I
17 Koroka, utara yaitubare yan: inambe gusu ne yakun, utara anak ne ukoramkoro utara otta echi sange, orowa, koro uwekari chisei ta echi koshirkik kusu ne gusu ne na;
Korka, utar yaytupare yan: inanpe kusu ne yakun, utar anakne ukoramkor utar or ta eci=sanke, orowa, kor uekari cise ta eci kosirkik kusu ne kusu ne na;
18 ruwe un, Ku rengap gusu moshiri esapane utara shik-samata hene, moshiri epungine utara tek samata hene echi nimba an kusu ne, tambe anak ne nei utara gusu hene, oya moshirʼun utara gusu hene shirosh ne kusu ne na.
ruwe un, Ku=renkap kusu mosir esapane utar sik-sama ta hene, mosir epunkine utar teksama ta hene eci=ninpa an kusu ne, tanpe anakne ne utar kusu hene, oya mosir un utar kusu hene siros ne kusu ne na.
Mattaios 24.9 §244I
9 Nei ita anak ne echi aeramchuptekte gusu echi ekoshi wa echi raige kusu ne: orowa, Ku reihei ankushkerai obitta no okai uirup orowa no echi aepokba an kusu ne.
Ne hi ta anakne eci aeramcuptekte kusu eci=ekosi wa eci=rayke kusu ne: orowa, Ku=rehe an kuskeray opittano okay uyrup oro wano eci aepokpa an kusu ne.
Markos 13.9 §139I
9 Koroka, echi utara yaitubare yan: inambe gusu ne yakun, utara anak ne ukoramkoro utara otta echi ekoshi kusu ne: orowa no, Uwekarapa chisei ta echi shirikik an, samata, nei utara epeka no paweteshu-i echi ne kuni Ku rengap gusu Esapane utara newa Moshiri shikkashima utara shik-samata echi roshki kusu ne.
Korka, eci utar yaytupare yan: inanpe kusu ne yakun, utar anakne ukoramkor utar or ta eci=ekosi kusu ne: orowano, Uekarpa cise ta eci=sirkik an, sama ta, ne utar epeka no pawetesu hi eci ne kuni Ku=renkap kusu Esapane utar newa Mosir sikkasima utar sik-sama ta eci=roski kusu ne.
Roukos 21.12-13 §250I
12 Koroka, obitta no tap okaibe an etokota, utara anak ne Ku reihei rengap gusu echi kishima wa echi epokba, aige, uwekarapa chisei otta hemhem, upakashnu chisei otta hemhem echi ekoshi hine Moshiri esapane utara newa epungine utara orun echi tura kusu ne.
Korka, opittano tap okaype an etoko ta, utar anakne Ku=rehe renkap kusu eci=kisma wa eci epokpa, ayke, uekarpa cise or ta hemhem, upakasnu cise or ta hemhem eci=ekosi hine Mosir esapane utar newa epunkine utar orun eci tura kusu ne.
13 Nei ambe anak ne echi otta paweteshu ne kusu ne.
Ne anpe anakne eci or ta pawetesu ne kusu ne.
Yoannes 15.21A §141I
21 Koroka, nei utara anak ne En omandep eamkiri shomoki gusu Ku reihei rengap gusu obitta no okai tap okaibe echi otta ki kusu ne na.
Korka, ne utar anakne En omantep e=amkir somo ki kusu Ku=rehe renkap kusu opittano okay tap okaype eci or ta ki kusu ne na.
Mattaios 11.27B §112III
27 Nep ne yakka obitta Ku Michi orowa no A en koropare nisa ruwe ne: orowa Michi moshima Poho eramu an guru shinen ka isam: samata Poho newa koro Michi otta Poho nukare ainu moshima, Michi eramu an guru isam ruwe ne.
Nep ne yakka opitta Ku Mici oro wano A en=korpare nisa ruwe ne: orowa Mici mosma Poho eramuan kur sinen ka isam: sama ta Poho newa kor Mici or ta Poho nukare aynu mosma, Mici eramuan kur isam ruwe ne.
Roukos 10.22 §119III
22 Nep ne yakka Ku Michi wano a en koropare nisa ruwe ne; orowa, Poho anak ne nen ne ruwe he an sekoro eramʼan guru Michi moshima isam; samata, Michi anak ne nen ne ruwe he an sekoro eramʼan guru, Poho newa Poho ramuoshma wa otta eramʼande guru isam ruwe ne.
Nep ne yakka Ku Mici wano a en=korpare nisa ruwe ne; orowa, Poho anakne nen ne ruwe he an sekor eraman kur Mici mosma isam; sama ta, Mici anakne nen ne ruwe he an sekor eraman kur, Poho newa Poho ramuosma wa or ta eram ante kur isam ruwe ne.
Yoannes 15.21B §142III
21 Koroka, nei utara anak ne En omandep eamkiri shomoki gusu Ku reihei rengap gusu obitta no okai tap okaibe echi otta ki kusu ne na.
Korka, ne utar anakne En omantep e=amkir somo ki kusu Ku=rehe renkap kusu opittano okay tap okaype eci or ta ki kusu ne na.
Yoannes 15.22 §143X
22 Kuani anak ne ek wa nei utara otta Ku ye a shomoki yakun, katpak koro shomoki kusu ne ap; koroka, tane anak nei katpak gusu yaiunashke ushike sak ruwe ne.
Kuani anakne ek wa ne utar or ta Ku=ye a somo ki yakun, katpak kor somo ki kusu ne ap; korka, tane anakne katpak kusu yayunaske usike sak ruwe ne.
Markos 9.37B §96I
37 Nen ne yakka Ku reihei rengap gusu tap korachi an pon guru uk gurʼanak ne En uk ruwe ne: orowa, nen ne yakka En uk gurʼanak ne En uk shomoki koroka En omandep uk ruwe ne, ari itak.
Nen ne yakka Ku=rehe renkap kusu tap koraci an pon kur uk kur anakne En=uk ruwe ne: orowa, nen ne yakka En=uk kur anakne En=uk somo ki korka En omantep uk ruwe ne, ari itak.
Roukos 10.16 §116I
16 Hedes pakno e range an kusu ne na. Echi nu guru anak ne En nu ruwe ne; orowa, echi emaka gurʼanak En emaka ruwe ne; orowa; En emaka guru anak ne En omande guru ne yakka emaka ruwe ne na.
Hedes pakno e ranke an kusu ne na. Eci=nu kur anakne En=nu ruwe ne; orowa, eci=emaka kur anak En=emaka ruwe ne; orowa; En=emaka kur anakne En=omante kur ne yakka emaka ruwe ne na.
Yoannes 15.23 §144I
23 En etunne guru anak ne Ku Michi ne yakka etunne ruwe ne.
En=etunne kur anakne Ku Mici ne yakka etunne ruwe ne.
Yoannes 15.24-16.2A §145X
24 Moshima guru kara shomoki ikip nei utara tumugeta Ku kara shomoki yak anak ne, katpak ki a shomoki: koroka, nei utara tane Kuani hemhem, Ku Michi hemhem un nukara hemhem ki, etunne hemhem ki nisa ruwe ne na.
Mosma kur kar somo ki iki p ne utar tumke ta Ku=kar somo ki yakanak ne, katpak ki a somo ki: korka, ne utar tane Kuani hemhem, Ku Mici hemhem un nukar hemhem ki, etunne hemhem ki nisa ruwe ne na.
25 Koroka, nei utara koro tuitak otta anuye wa an ap auweomare kuni gusu, — Ikkewe sak no nei utara En etunne nisa ruwe ne.
Korka, ne utar kor tuytak or ta a=nuye wa an ap a=ueomare kuni kusu, — Ikkewe sak no ne utar En=etunne nisa ruwe ne.
26 Koroka, Michi orowa no echi utara otta Ku omande kusu ne Kotchane ki kunip, Michi orowa no hetuku Sone an Ramat ek chiki, Shinuma anak ne En gusu paweteshu ki kusu ne;
Korka, Mici oro wano eci utar or ta Ku=omante kusu ne Kotchane ki kunip, Mici oro wano hetuku Sone an Ramat ek ciki, Sinuma anakne En kusu pawetesu ki kusu ne;
27 orowa, echi utara ne yakka atpake wano En tura no okai nisa ruwe ne gusu, paweteshu echi ki kusu ne na.
orowa, eci utar ne yakka atpake wano En turano okay nisa ruwe ne kusu, pawetesu eci=ki kusu ne na.
16:1 Echi utara shomo aureepetchiure kuni gusu tap okaibe echi otta Ku ye nisa.
Eci utar somo awreepetciwre kuni kusu tap okaype eci or ta Ku=ye nisa.
2 Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.
Utar anakne Uekarpa cise oro wano eci=emaka: ruwe ne wa, nen ne yakka eci=ronnu kur anakne Kamuy or ta yaysieywankere kuni ramu kusu ne pakihi ek ruwe ne.