共観表
Mattaios 10.1 §79II
1 Orowa, Shinuma anak ne koro koikara utara ne tun ikashima wa niu shihekote hotuyekara, aige, ichakkere ramat oashinge kuni mondum hemhem nep tashum ne yakka nep shiyeye ne yakka iwangere kuni mondum hemhem koropare nisa ruwe ne.
Orowa, Sinuma anakne kor koykar utar ne tun ikasma wa niw sihekote hotuyekar, ayke, icakkere ramat oasinke kuni montum hemhem nep tasum ne yakka nep siyeye ne yakka iwankere kuni montum hemhem korpare nisa ruwe ne.
Markos 3.13-16A §29II
13 Orowa, Shinuma nupuri hemesu, awa, orota rengaine utara hotuyepakara, aige, ahotuyepakara utara Shinuma otta paye nisa ruwe ne.
Orowa, Sinuma nupuri hemesu, awa, oro ta renkayne utar hotuyepakara, ayke, ahotuyepakara utar Sinuma or ta paye nisa ruwe ne.
14 Orowa, Shinuma tu niu ikashima wa niu tura no okai kuni ne,
Orowa, Sinuma tu niw ikasma wa niw turano okay kuni ne,
15 samata, upaskuma ki kuni ne payere gusu, orowa, nitne kamui oashinge kuni mondum akore kuni gusu are nisa ruwe ne:
sama ta, upaskuma ki kuni ne payere kusu, orowa, nitne kamuy oasinke kuni montum a=kore kuni kusu are nisa ruwe ne:
16 orowa, Simon anak ne Petros ani reikore:
orowa, Simon anakne Petros ani rékore:
Roukos 9.1-2 §86II
1 Orowa, Shinuma nei tun ikashima wan koikara utara uwekarapare wa obitta no okai nitne kamui oashinge hemhem ki, tashum iwangere hemhem ki kuni kiroro newa mondum koropare nisa ruwe ne.
Orowa, Sinuma ne tun ikasma wan koykar utar uwekarpare wa opittano okay nitne kamuy oasinke hemhem ki, tasum iwankere hemhem ki kuni kiroro newa montum korpare nisa ruwe ne.
2 Orowa, Kamui moshiri eupaskuma hemhem ki, tumu wen utara iwangere hemhem ki kuni ne payere.
Orowa, Kamuy mosir ewpaskuma hemhem ki, tumu wen utar iwankere hemhem ki kuni ne payere.
Mattaios 10.7-10 §82II
7 Orowa, echi paye, aige upaskuma ki wa — Kando moshiri ehange no an ruwe ne, — ari an itak ari itak yan.
Orowa, eci=paye, ayke upaskuma ki wa — Kanto mosir ehanke no an ruwe ne, — ari an itak ari itak yan.
8 Tashum utara iwangere, rai utara hetopo-shiknure, munin tashum ki utara ashkannere, nitne kamui oashinge yan: oro isam no echi eungerai, oro isam no koropare yan.
Tasum utar iwankere, ray utar hetopo-siknure, munin tasum ki utar askannere, nitne kamuy oasinke yan: oro isam no eci=eunkeray, oro isam no korpare yan.
9 Kongani hene, shirokani hene, shiuninkani hene echi koro kani o pukuru otta iteki omare; orowa, payekai pusaru iteki koro,
Konkani hene, sirokani hene, siwninkani hene eci=kor kani o pukuru or ta iteki omare; orowa, payekay pusaru iteki kor,
10 tu amip hene, keirehe hene, kuwa bene iteki koro yan: inambe gusu ne yakun, monraige guru anak ne aep uk kunip ne ruwe ne.
tu amip hene, keyrehe hene, kuwa pene iteki kor yan: inanpe kusu ne yakun, monrayke kur anakne aep uk kunip ne ruwe ne.
Mattaios 10.11 §83II
11 Orowa, nep machiya ta hene nep kotan ta hene ne yakka echi kush chiki, nei ushiketa okai pirika guru hunara yan; orowa, ehopiru wa oman pakno nei guru otta reushi yan.
Orowa, nep maciya ta hene nep kotan ta hene ne yakka eci=kus ciki, ne uske ta okay pirka kur hunara yan; orowa, ehopiru wa oman pakno ne kur or ta rewsi yan.
Markos 6.7-9 §53II
7 Orowa, Shinuma nei tu niu ikashima wa niu shihekote hotuyekara wa tun range payere heashi; awa, Ichakkere ramat oashinge kuni mondum koropare; samata,
Orowa, Sinuma ne tu niw ikasma wa niw sihekote hotuyekar wa tun ranke payere heasi; awa, Icakkere ramat oasinke kuni montum korpare; sama ta,
8 payekai gusu kuwa moshima nep ne yakka koro shomoki kuni kashpaotte; aep hene, pusaru hene, ichen o pukuru otta kani hene iteki koro kuni kashpaotte;
payekay kusu kuwa mosma nep ne yakka kor somo ki kuni kaspaotte; aep hene, pusaru hene, icen o pukuru or ta kani hene iteki kor kuni kaspaotte;
9 koroka, shutu keire ush koro paye; samata, tu amip iteki yaitomchiure kuni kashpaotte nisa ruwe ne.
korka, sutu ker us kor paye; sama ta, tu amip iteki yaytomciwre kuni kaspaotte nisa ruwe ne.
Roukos 9.3-4 §87II
3 Aige, orota ene itak-hi :— Payekai kuni nep ne yakka kuwa hene, pusaru hene, aep hene, ichen hene, iteki koro, naa samata, tu mipihi ne yakka iteki koro yan.
Ayke, oro ta ene itak hi :— Payekay kuni nep ne yakka kuwa hene, pusaru hene, aep hene, icen hene, iteki kor, naa sama ta, tu mipihi ne yakka iteki kor yan.
4 Samata, nep chisei ta echi ahup yakka nei chisei ta riya, orowa nei chisei wano paye.
Sama ta, nep cise ta eci=ahup yakka ne cise ta riya, orowa ne cise wano paye.
Mattaios 10.14-15 §85II
14 Orowa, nen ne yakka echi uk shomoki no echi ye itak shomo nu yakun, nei chisei hene nei machiya hene orowa no echi ehopiru wa paye chiki, echi chikiri ush koponchi tuituye yan.
Orowa, nen ne yakka eci=uk somo ki no eci=ye itak somo nu yakun, ne cise hene ne maciya hene oro wano eci ehopiru wa paye ciki, eci=cikiri us koponci tuytuye yan.
15 Son no echi otta Ku ye, koipishi toho ta Sodom newa Gomoron kotan akore panakte-i anak ne nei kotan kasu no kasush kusu ne.
Sonno eci or ta Ku=ye, koypisi toho ta Sodom newa Gomoron kotan a=kore panakte hi anakne ne kotan kasuno kasus kusu ne.
Markos 6.11 §55II
11 Orowa, nep ushike ne yakka echi uk shomoki no shomo echi nu chiki, nei ushike orowa no echi paye koro, nei utara epeka no an paweteshu ne gusu echi chikiri pok ush koponchi tuituye yan, ari itak.
Orowa, nep usike ne yakka eci=uk somo ki no somo eci=nu ciki, ne usike oro wano eci=paye kor, ne utar epeka no an pawetesu ne kusu eci=cikiri pok us koponci tuytuye yan, ari itak.
Roukos 9.5 §88II
5 Orowa, nen ne yakka echi uk shomoki utara, otta epeka paweteshu ne gusu, nei kotan ekohopi ita echi chikiri ush koponchi tuituye yan, ari itak.
Orowa, nen ne yakka eci=uk somo ki utar, or ta epeka pawetesu ne kusu, ne kotan ekohopi hi ta eci=cikiri us koponci tuytuye yan, ari itak.
Markos 6.12-13 §56VIII
12 Orowa, nei utara paye wa utara yaikokatpak kuni upaskuma ki nisa ruwe ne.
Orowa, ne utar paye wa utar yaykokatpak kuni upaskuma ki nisa ruwe ne.
13 Samata, inne nitne kamui oashinge, orowa, inne tashum ki utara kata shum ota wa iwangere nisa ruwe ne na.
Sama ta, inne nitne kamuy oasinke, orowa, inne tasum ki utar kata sum ota wa iwankere nisa ruwe ne na.
Roukos 9.6 §89VIII
6 Orowa no, shinuma utara paye, aige, kotan akush wa Pirika shongo eupaskuma hemhem ki neita ne yakka tashum ki utara iwangere hemhem ki nisa ruwe ne na.
Orowano, sinuma utar paye, ayke, kotan akus wa Pirka sonko ewpaskuma hemhem ki ney ta ne yakka tasum ki utar iwankere hemhem ki nisa ruwe ne na.
Mattaios 14.1-2 §143II
1 Nei ita Tetrakes Herod anak ne Yesu gusu an
Ne hi ta Tetrakes Herod anakne Yesu kusu an
2 orushpe nu wa — Tan guru anak Baptisma kore Yoannes ne, rai orowa no hetopo-shiknu nisa ruwe ne, tambe gusu otta tan okai kiroro unbe aki ruwe ne, ari koro uitek utara otta ye.
oruspe nu wa — Tan kur anak Baptisma kore Yoannes ne, ray oro wano hetopo-siknu nisa ruwe ne, tanpe kusu or ta tan okay kiroro un pe aki ruwe ne, ari kor uytek utar or ta ye.
Markos 6.14 §57II
14 Orowa, Moshiri shikkashima guru Herod anak ne nei orushpe nu; Shinuma kon reihei assuru aashte wa an ruwe ne gusu ne na: aige, ene itak-hi :— Baptisma kore Yoannes rai-i orowa no hetopo-a-shiknure, tambe gusu tap kiroro an ambe Shinuma oshiketa iki ruwe ne, ari itak.
Orowa, Mosir sikkasima kur Herod anakne ne oruspe nu; Sinuma kor rehe assuru a=aste wa an ruwe ne kusu ne na: ayke, ene itak hi :— Baptisma kore Yoannes ray hi oro wano hetopo-a-siknure, tanpe kusu tap kiroro an anpe Sinuma oske ta iki ruwe ne, ari itak.
Roukos 9.7-9 §90II
7 Orowa, Tetrakes Herod anak ne aki orushpe obitta nu: awa, keutum chiutumashbare wa an ruwe ne, inambe gusu ne yakun, Yoannes rai orowa no hetopo-a-shiknure ani itak guru okai;
Orowa, Tetrakes Herod anakne aki oruspe opitta nu: awa, kewtum ciwtumaspare wa an ruwe ne, inanpe kusu ne yakun, Yoannes ray oro wano hetopo-a-siknure ani itak kur okay;
8 Ericha ek an na ani ye guru ka okai; orowa, fushkotoita an shine uweingara guru shui hopuni an ani ye guru ka okai ruwe ne gusu ne na.
Erica ek an na ani ye kur ka okay; orowa, huskotoyta an sine ueinkar kur suy hopuni an ani ye kur ka okay ruwe ne kusu ne na.
9 Koroka, Herod anak ne ene itak-hi :— Kuani Yoannes koro sapa ku otuye okere, koroka, tap okai anu orushpe gusu an guru nen ne ruwe he an? ari itak. Orowa, nei guru Shinuma nukan rusui ruwe ne.
Korka, Herod anakne ene itak hi :— Kuani Yoannes kor sapa ku=otuye okere, korka, tap okay anu oruspe kusu an kur nen ne ruwe he an? ari itak. Orowa, ne kur Sinuma nukar rusuy ruwe ne.
Roukos 9.10A §91VIII
10 Orowa, Apostoro utara hoshippa wa yaikota ki orushpe Shinuma otta nure nisa ruwe ne. Orowa, Shinuma nei utara tura wa Betsaida ani aporose kotan orun shietaye nisa ruwe ne.
Orowa, Apostoro utar hosippa wa yaykota ki oruspe Sinuma or ta nure nisa ruwe ne. Orowa, Sinuma ne utar tura wa Betsayda ani a=porse kotan orun sietaye nisa ruwe ne.
Mattaios 14.13-14 §146III
13 Yesu tan orushpe nu chiki ekohopi hine chip o wa shinen ne utara isam no an ushi orun oman nisa ruwe ne: orowa inne utara nu chiki machiya orowa no payekai wa Shinuma oshi araki nisa ruwe ne.
Yesu tan oruspe nu ciki ekohopi hine cip o wa sinen ne utar isam no an usi orun oman nisa ruwe ne: orowa inne utar nu ciki maciya oro wano payekay wa Sinuma osi arki nisa ruwe ne.
14 Aige, Shinuma ek wa poro ainu topaha nukara, awa, erampokiwen wa kore hine koro tashum ki utara iwangere nisa ruwe ne.
Ayke, Sinuma ek wa poro aynu topaha nukar, awa, eranpokiwen wa kore hine kor tasum ki utar iwankere nisa ruwe ne.
Roukos 9.10B-11 §92III
10 Orowa, Apostoro utara hoshippa wa yaikota ki orushpe Shinuma otta nure nisa ruwe ne. Orowa, Shinuma nei utara tura wa Betsaida ani aporose kotan orun shietaye nisa ruwe ne.
Orowa, Apostoro utar hosippa wa yaykota ki oruspe Sinuma or ta nure nisa ruwe ne. Orowa, Sinuma ne utar tura wa Betsayda ani a=porse kotan orun sietaye nisa ruwe ne.
11 Koroka, inne topaha utara nei ambe nukara chiki Shinuma osh paye: orowa, Shinuma nei utara enupetne uk wa orota Kamui moshiri gusu an orushpe nure, samata, tashum aiwangere kuni okai utara iwangere nisa ruwe ne.
Korka, inne topaha utar ne anpe nukar ciki Sinuma os paye: orowa, Sinuma ne utar enupetne uk wa oro ta Kamuy mosir kusu an oruspe nure, sama ta, tasum aywankere kuni okay utar iwankere nisa ruwe ne.
Mattaios 14.15-21 §147I
15 Shiri-onuman an chiki, koro koikara utara Shinuma otta araki wa ene itak-hi :— Tan ushike anak ne nepka isam ushi ne, orowa tane moire okere ruwe ne; inne topaha utara yaikota gusu aep hok kuni ne machiya orun payere wa un kore, ani ye.
Siri-onuman an ciki, kor koykar utar Sinuma or ta arki wa ene itak hi :— Tan usike anakne nep ka isam usi ne, orowa tane moyre okere ruwe ne; inne topaha utar yaykota kusu aep hok kuni ne maciya orun payere wa un kore, ani ye.
16 Koroka, nei utara otta Yesu ene itak-hi :— Oman kuni ika isam; echi utara ibere yan, ari itak.
Korka, ne utar or ta Yesu ene itak hi :— Oman kuni ika isam; eci utar ipere yan, ari itak.
17 Shinuma orota nei utara ene itak-hi :— Teda anak ne ouse pan ashikne tak newa tu chep patak an ruwe ne.
Sinuma oro ta ne utar ene itak hi :— Teta anakne owse pan asikne tak newa tu cep patak an ruwe ne.
18 Orowa Shinuma ene itak-hi :— Ete-un koro wa araki yan.
Orowa Sinuma ene itak hi :— Eteun kor wa arki yan.
19 Orowa, Shinuma nei topaha utara mun kata rokte kuni kashpaotte nisa ruwe ne; awa, nei ashikne pantak hemhem nei tu chep hemhem uina hine kando orun hepuni wa yaiiraige ki, orowa, meshpa wa koikara utara otta pantak kore, aige, koikara utara anak utara topaha otta koropare nisa ruwe ne.
Orowa, Sinuma ne topaha utar mun kata rokte kuni kaspaotte nisa ruwe ne; awa, ne asikne pantak hemhem ne tu cep hemhem uyna hine kanto orun hepuni wa yayirayke ki, orowa, mespa wa koykar utar or ta pantak kore, ayke, koykar utar anak utar topaha or ta korpare nisa ruwe ne.
20 Utara obitta ibe wa akironnure ruwe ne: orowa, nei ameshpa pantak ikashima ike anak ne tu saranip ikashima wan saranip pakno umomare nisa ruwe ne na.
Utar opitta ipe wa akironnure ruwe ne: orowa, ne a=mespa pantak ikasma ike anakne tu saranip ikasma wan saranip pakno umomare nisa ruwe ne na.
21 Awa, shiwentep utara newa pon utara moshima e ainu pish ki-i anak ne go sen nin ne ainu ehange ruwe ne.
Awa, siwentep utar newa pon utar mosma e aynu pis ki hi anakne ko sen nin ne aynu ehanke ruwe ne.
Markos 6.35-44 §64I
35 Orowa, tane tokap okere ehange ita orota koikara utara araki wa ene itak-hi :— Tan ushike kimta ne,
Orowa, tane tokap okere ehanke hi ta oro ta koykar utar arki wa ene itak hi :— Tan usike kim ta ne,
36 tokap anak ne aokere; nei utara yaikota gusu nepka aep hok kuni ne okari okai machiya otta hene kotan otta hene payere yan, ari itak.
tokap anakne a=okere; ne utar yaykota kusu nep ka aep hok kuni ne okari okay maciya or ta hene kotan or ta hene payere yan, ari itak.
37 Koroka, Shinuma ese wa ene itak-hi :— Echi utara ibere yan. Orota nei utara ene itak-hi :— Chi paye ash wa wan hot denaria pakno an aep hok wa ibere ya?
Korka, Sinuma ese wa ene itak hi :— Eci utar ipere yan. Oro ta ne utar ene itak hi :— Ci paye as wa wan hot tenaria pakno an aep hok wa ipere ya?
38 Orota Shinuma ene itak-hi :— Pantak hempakbe echi koro? Oman wa ingara, ani itak. Orowa eramʼan chiki, ashiknep okai, samata, tu chep an ruwe ne ari itak.
Oro ta Sinuma ene itak hi :— Pantak henpakpe eci=kor? Oman wa inkar, ani itak. Orowa eraman ciki, asiknep okay, sama ta, tu cep an ruwe ne ari itak.
39 Orowa, Shinuma anak ne okai utara ikiri range ikiri range fukinani mun kata rok kuni kashpaotte nisa ruwe ne.
Orowa, Sinuma anakne okay utar ikiri ranke ikiri ranke hukinani mun kata rok kuni kaspaotte nisa ruwe ne.
40 Awa, ikiri range, ashikne hotne range no an ikiri hene, wan e re hotne an ikiri range hene rok nisa ruwe ne.
Awa, ikiri ranke, asikne hotne ranke no an ikiri hene, wan e re hotne an ikiri ranke hene rok nisa ruwe ne.
41 Orowa, Shinuma nei ashikne pantak newa tu chep uina hine kando orun hepuni ingara wa nunuke ki, orowa, pantak meshpa; aige, nei tu chep obitta no okai utara otta eimek nisa ruwe ne.
Orowa, Sinuma ne asikne pantak newa tu cep uyna hine kanto orun hepuni inkar wa nunuke ki, orowa, pantak mespa; ayke, ne tu cep opittano okay utar or ta eymek nisa ruwe ne.
42 Awa, utara obitta ibe wa kironnu nisa ruwe ne.
Awa, utar opitta ipe wa kironnu nisa ruwe ne.
43 Orowa, ameshpa uibe tu saranip ikashima wan saranip umomare, chep ne yakka shem korachi ne.
Orowa, a=mespa uype tu saranip ikasma wan saranip umomare, cep ne yakka semkoraci ne.
44 Nei pantak ibe utara anak ne go sen nin ne ainu ne ruwe ne.
Ne pantak ipe utar anakne ko sen nin ne aynu ne ruwe ne.
Roukos 9.12-17 §93I
12 Orowa, tokap-to aokere heashi ita anak ne, nei tun ikashima wan koikara utara Shinuma orota araki wa ene itak-hi :— Inne utara aep koro hemhem ki, orota reushi hemhem ki kuni ne kotan otta hene okari an ushike orun hene payere yan, tan ushike nup ne ruwe ne gusu ne na, ari itak.
Orowa, tokap-to a=okere heasi hi ta anakne, ne tun ikasma wan koykar utar Sinuma oro ta arki wa ene itak hi :— Inne utar aep kor hemhem ki, oro ta rewsi hemhem ki kuni ne kotan or ta hene okari an usike orun hene payere yan, tan usike nup ne ruwe ne kusu ne na, ari itak.
13 Koroka, orota Shinuma ene itak-hi :— Nei utara echi ibere yan, ari itak. Nei utara ene ye-hi :— Tan inne utara gusu chi paye wa aep hok shomoki chiki, ashikne pantak newa tu chep kasu no aep sak ruwe ne, ani itak.
Korka, oro ta Sinuma ene itak hi :— Ne utar eci=ipere yan, ari itak. Ne utar ene ye hi :— Tan inne utar kusu ci paye wa aep hok somo ki ciki, asikne pantak newa tu cep kasuno aep sak ruwe ne, ani itak.
14 Okai utara anak ne go sen nin ne ainu ne ruwe ne. Orowa, wan e re hotne niu range shineat no kara wa roktere kuni koikara utara otta Shinuma ye nisa ruwe ne.
Okay utar anakne ko sen nin ne aynu ne ruwe ne. Orowa, wan e re hotne niw ranke sineat no kar wa roktere kuni koykar utar or ta Sinuma ye nisa ruwe ne.
15 Awa, nei utara obitta arektere nisa ruwe ne.
Awa, ne utar opitta arektere nisa ruwe ne.
16 Orowa, Shinuma nei ashikne pantak newa tu chep uina hine kando orun hepuni wa nunuke, aige, meshpa, orowa, inne utara kotchaketa asange kuni ne koikara utara otta kore nisa ruwe ne.
Orowa, Sinuma ne asikne pantak newa tu cep uyna hine kanto orun hepuni wa nunuke, ayke, mespa, orowa, inne utar kotcake ta a=sanke kuni ne koykar utar or ta kore nisa ruwe ne.
17 Orowa, utara obitta ibe we akironnure: awa, nei ameshpa pan ae ikashimap anak ne tu saranip ikashima wan saranip pakno auina nisa ruwe ne.
Orowa, utar opitta ipe we akironnure: awa, ne a=mespa pan ae ikasma p anakne tu saranip ikasma wan saranip pakno awina nisa ruwe ne.
Yoannes 6.5-13 §49I
5 Tambe gusu, Yesu anak ne koro shikihi hepuni wa orota araki poro inne utara nukara koro Piripos otta ene itak-hi :— Tan okai utara ibe kuni aep nei wano chi hok ya? sekoro itak.
Tanpe kusu, Yesu anakne kor sikihi hepuni wa oro ta arki poro inne utar nukar kor Piripos or ta ene itak hi :— Tan okay utar ipe kuni aep ne wano ci hok ya? sekor itak.
6 Koroka, tap itak ye ika anak ne shinuma uwande kuni gusu an ap ne; Shinuma nekon a kara ya yaikota eraman ruwe ne gusu ne na.
Korka, tap itak ye ika anakne sinuma uwante kuni kusu an ap ne; Sinuma nekona kar ya yaykota eraman ruwe ne kusu ne na.
7 Shinuma otta Piripos ene ese-hi :— Nei utara obitta shinen range pon no poka e kuni shine wan hotne denaria pakno okai aep an yakka upak shomo ne ruwe ne, sekoro itak.
Sinuma or ta Piripos ene ese hi :— Ne utar opitta sinen ranke ponno poka e kuni sine wan hotne tenaria pakno okay aep an yakka upak somo ne ruwe ne, sekor itak.
8 Simon Petros koro ainu iriwak Andreas ani aye shine Yesu koikara guru anak ne Shinuma otta ene itak-hi :—
Simon Petros kor aynu irwak Andreas ani a=ye sine Yesu koykar kur anakne Sinuma or ta ene itak hi :—
9 Omungi pantak ashiknep hemhem, tu chep hemhem koro shine heikachi teda an: koroka, tap okai inne utara otta tambe nep okaibe ne ya? ari itak.
omunki pantak asiknep hemhem, tu cep hemhem kor sine hekaci teta an: korka, tap okay inne utar or ta tanpe nep okaype ne ya? ari itak.
10 Utara rokte yan, ani Yesu ye. Nei ushiketa mun poron no okai. Tambe gusu, nei ainu utara rok nisa ruwe ne, pishkihi anak ne go sen nin ne ainu ehange ruwe ne.
Utar rokte yan, ani Yesu ye. Ne uske ta mun poronno okay. Tanpe kusu, ne aynu utar rok nisa ruwe ne, piskihi anakne ko sen nin ne aynu ehanke ruwe ne.
11 Orowa, Yesu anak ne nei pantak uina; awa, yaiiraige ki chiki rok wa okai utara otta eimek nisa ruwe ne; shui, utara kon rusui pakno chep ani shem korachi ki nisa ruwe ne na.
Orowa, Yesu anakne ne pantak uyna; awa, yayirayke ki ciki rok wa okay utar or ta eymek nisa ruwe ne; suy, utar kor rusuy pakno cep ani semkoraci ki nisa ruwe ne na.
12 Orowa, nei utara kironnu aokere chiki koro koikara utara otta Shinuma ene itak-hi:— Nep ne yakka iteki aturainu kuni ne ikashima wa okai ameshpa uibe eumashnu yan, ani itak.
Orowa, ne utar kironnu a=okere ciki kor koykar utar or ta Sinuma ene itak hi:— Nep ne yakka iteki a=turaynu kuni ne ikasma wa okay a=mespa uype ewmasnu yan, ani itak.
13 Tambe gusu, nei utara anak ne ibe utara otta nei ashikne omungi pantak gusu ikashima wa okai ameshpa uibe eumashnu wa tu saranip ikashima wan saranip shikte nisa ruwe ne na.
Tanpe kusu, ne utar anakne ipe utar or ta ne asikne omunki pantak kusu ikasma wa okay a=mespa uype ewmasnu wa tu saranip ikasma wan saranip sikte nisa ruwe ne na.
Mattaios 16.13-16 §166I
13 Orowa, Yesu, anak ne Kaisarea Pirippos kotan an ushita ek wa an ita, koro koikara utara otta ene uwepekennu-hi :— Ainu Poho anak ne nen ne kuni utara ye ruwe he okai?
Orowa, Yesu, anakne Kaysarea Pirippos kotan an usi ta ek wa an hi ta, kor koykar utar or ta ene uwepekennu hi :— Aynu Poho anakne nen ne kuni utar ye ruwe he okay?
14 Orota nei utara ene itak-hi :— Baptisma kore Yoannes ne ye utara ka okai; Ericha ani ye utara ka okai; Yeremia hene, uweingara utara tumuge un shine uweingara guru bene ye utara ka okai ruwe ne, ari ye nisa ruwe ne.
Oro ta ne utar ene itak hi :— Baptisma kore Yoannes ne ye utar ka okay; Erica ani ye utar ka okay; Yeremia hene, ueinkar utar tumuke un sine ueinkar kur pene ye utar ka okay ruwe ne, ari ye nisa ruwe ne.
15 Orota, Shinuma ene itak-hi :— Echi utara anak Kuani nen ne kuni echi ye ruwe he an?
Oro ta, Sinuma ene itak hi :— Eci utar anak Kuani nen ne kuni eci=ye ruwe he an?
16 Simon Petros ese wa ene itak-hi :— Aokai anak ne Kiristo ne: Ishu Kamui koro Poho E ne ruwe ne, ari itak.
Simon Petros ese wa ene itak hi :— Aokay anakne Kiristo ne: I=su Kamuy kor Poho E ne ruwe ne, ari itak.
Markos 8.27-29A §82I
27 Orowa, Yesu newa koro koikara utara anak ne paye wa Kaisarea Piripos kotan otta ahup nisa ruwe ne: awa, ru hontomota koikara utara otta Shinuma uwepekennu wa ene itak-hi :— Kuani anak ne nen ne kuni utara ye ya?
Orowa, Yesu newa kor koykar utar anakne paye wa Kaysarea Piripos kotan or ta ahup nisa ruwe ne: awa, ru hontom ta koykar utar or ta Sinuma uwepekennu wa ene itak hi :— Kuani anakne nen ne kuni utar ye ya?
28 Orota nei utara ene ye-hi :— Baptisma kore Yoannes ne ari ye utara okai: Ericha ani ye utara okai; koroka, moshima utara anak, uweingara utara tumuge un shine uweingara guru E ne ruwe ne, ani ye ruwe ne, sekoro itak.
Oro ta ne utar ene ye hi :— Baptisma kore Yoannes ne ari ye utar okay: Erica ani ye utar okay; korka, mosma utar anak, ueinkar utar tumuke un sine ueinkar kur E ne ruwe ne, ani ye ruwe ne, sekor itak.
29 Tata otta Shinuma ene nu-hi :— Echi utara anak Kuani nen ne kuni echi ye ruwe he an? Petros ese wa orota ene itak-hi :—
Tata or ta Sinuma ene nu hi :— Eci utar anak Kuani nen ne kuni eci=ye ruwe he an? Petros ese wa oro ta ene itak hi :—
Roukos 9.18-20 §94I
18 Orowa, Shinuma shinen ne po inonno-itak ki wa an, awa, koro koikara utara tura no okai ruwe ne: orowa :— Kuani anak inan guru Ku ne ya inne topaha utara ye ruwe he an? ani Shinuma ko-uwepekennu. Nei utara ese wa ene itak-hi :—
Orowa, Sinuma sinen ne po inonno-itak ki wa an, awa, kor koykar utar turano okay ruwe ne: orowa :— Kuani anak inan kur Ku ne ya inne topaha utar ye ruwe he an? ani Sinuma ko-uwepekennu. Ne utar ese wa ene itak hi :—
19 Baptisma kore Yoannes ne ari ye utara okai; Ericha E ne ruwe ne ari ye utara ka okai; koroka, fushkotoita an uweingara guru shui hopuni ruwe ne ani ye utara ka okai ruwe ne, ari itak.
paptisma kore Yoannes ne ari ye utar okay; Erica E ne ruwe ne ari ye utar ka okay; korka, huskotoyta an ueinkar kur suy hopuni ruwe ne ani ye utar ka okay ruwe ne, ari itak.
20 Orota Shinuma ene itak-hi :— Koroka, echi okai utara anak ne inan guru Ku ne ya sekoro echi ye ruwe he an? Petros ese wa :— Aokai anak ne Kamui koro Kiristo E ne ruwe ne, ani itak.
Oro ta Sinuma ene itak hi :— Korka, eci=okay utar anakne inan kur Ku ne ya sekor eci=ye ruwe he an? Petros ese wa :— Aokay anakne Kamuy kor Kiristo E ne ruwe ne, ani itak.
Yoannes 1.41-42 §17I
41 Tan guru hoshiki no koro iriwak ne Simon koekari wa, — Chi utara Messia koekari ash nisa ruwe ne (tan itak iporose an katu anak ne “Kiristo” ani an iporose ne ruwe ne), sekoro orota ye ruwe ne.
Tan kur hoskino kor irwak ne Simon koekari wa, — Ci utar Messia koekari as nisa ruwe ne (tan itak iporose an katu anakne “Kiristo” ani an iporose ne ruwe ne), sekor oro ta ye ruwe ne.
42 Orowa, shinuma Yesu otta atura wa ek. Yesu shinuma nukara wa ene itak-hi :— Yoannes poho Simon e ne ruwe ne: eani Kepas ani aye kusu ne (tan itak eipakita ne yakun “Shuma” ani an itak ani ibehe kon ruwe ne).
Orowa, sinuma Yesu or ta a=tura wa ek. Yesu sinuma nukar wa ene itak hi :— Yoannes poho Simon e ne ruwe ne: eani Kepas ani a=ye kusu ne (tan itak e=pakita ne yakun “Suma” ani an itak ani ipehe kor ruwe ne).
Yoannes 6.68-69 §74I
68 Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.
Or ta Simon Petros ene ese hi :— Utarpa, inan kur or ta paye as kusu ne ya? Aokay anakne ramma okere somo ki inotu oma itak E=kor ruwe ne.
69 Samata, Aokai anak ne Kamui koro Ashkannep E ne ruwe ne, sekoro chi eishokoro wa chi eraman nisa ruwe ne na, ani itak.
Sama ta, Aokay anakne Kamuy kor Askannep E ne ruwe ne, sekor ci eysokor wa ci eraman nisa ruwe ne na, ani itak.
Mattaios 16.20-21 §168II
20 Orowa Shinuma anak ne Kiristo ne sekoro iteki moshima guru otta nure kuni koikara utara eikashpaotte nisa ruwe ne na.
Orowa Sinuma anakne Kiristo ne sekor iteki mosma kur or ta nure kuni koykar utar e=kaspaotte nisa ruwe ne na.
21 Nei i orowa no Yesu anak ne Yerusarem kotan orota oman wa ekashi orowa no hemhem Kamui kora kenru esapane utara orowa no hemhem, kambi-nuye utara orowa no hemhem inne okaibe gusu ramuashitnere, aige, araige hine rere-ko an ita hetopo-a-shiknure kusu ne ari an ambe koro koikara utara otta epakashnu heashi nisa ruwe ne.
Ne i oro wano Yesu anakne Yerusarem kotan oro ta oman wa ekasi oro wano hemhem Kamuy kor kenru esapane utar oro wano hemhem, kampi-nuye utar oro wano hemhem inne okaype kusu ramuasitnere, ayke, arayke hine rere-ko an hi ta hetopo-a-siknure kusu ne ari an anpe kor koykar utar or ta epakasnu heasi nisa ruwe ne.
Markos 8.29B-32A §83II
29 Tata otta Shinuma ene nu-hi :— Echi utara anak Kuani nen ne kuni echi ye ruwe he an? Petros ese wa orota ene itak-hi :—
Tata or ta Sinuma ene nu hi :— Eci utar anak Kuani nen ne kuni eci=ye ruwe he an? Petros ese wa oro ta ene itak hi :—
30 Aokai anak ne Kiristo ne ruwe ne. Orowa, tan orushpe iteki moshima guru otta nure kuni Shinuma kashpaotte nisa ruwe ne.
Aokay anakne Kiristo ne ruwe ne. Orowa, tan oruspe iteki mosma kur or ta nure kuni Sinuma kaspaotte nisa ruwe ne.
31 Orowa, Ainu Poho poron no aramushitnere wa ekashi utara orowa no hemhem, Kamui kora kenru esapane utara orowa no hemhem, kambi-nuye utara orowa no hemhem aemaka hine araige, samata, rereko an ita hetopo-shiknu kuni orushpe nei utara otta epakashnu heashi nisa ruwe ne.
Orowa, Aynu Poho poronno a=ramusitnere wa ekasi utar oro wano hemhem, Kamuy kor kenru esapane utar oro wano hemhem, kampi-nuye utar oro wano hemhem a=emaka hine arayke, sama ta, rerko an hi ta hetopo-siknu kuni oruspe ne utar or ta epakasnu heasi nisa ruwe ne.
32 Shinuma tan itak anu no ye nisa ruwe ne. Orowa, Petros Shinuma uk wa ko-sakayokara heashi ruwe ne.
Sinuma tan itak anu no ye nisa ruwe ne. Orowa, Petros Sinuma uk wa ko-sakayokar heasi ruwe ne.
Roukos 9.21-22 §95II
21 Koroka, tan orushpe iteki moshima utara nure kuni ne Shinuma kashpaotte nisa ruwe ne; samata, ene itak-hi :—
Korka, tan oruspe iteki mosma utar nure kuni ne Sinuma kaspaotte nisa ruwe ne; sama ta, ene itak hi :—
22 Ainu Poho anak ne poron no aeyairamushitnere kusu ne, aige, ekashi utara orowa no hene, Kamui kora kenru esapane utara orowa no hene, kambi-nuye utara orowa no hene aemaka, orowa, araige wa rereko an ita hetopo-a-shiknure kusu ne na, ari itak.
Aynu Poho anakne poronno aeyayramusitnere kusu ne, ayke, ekasi utar oro wano hene, Kamuy kor kenru esapane utar oro wano hene, kampi-nuye utar oro wano hene a=emaka, orowa, arayke wa rerko an hi ta hetopo-a-siknure kusu ne na, ari itak.
Mattaios 16.24-26 §170II
24 Orowa no Yesu anak ne koro koikara utara otta ene itak-hi :— Nen ne yakka En osh ek kuni ramu guru an chiki, yaikota yaieshina wa koro utasap ani wa En osh ek yan.
Orowano Yesu anakne kor koykar utar or ta ene itak hi :— Nen ne yakka En=os ek kuni ramu kur an ciki, yaykota yayesina wa kor utasa p ani wa En=os ek yan.
25 Inambe gusu ne yakun, nen ne yakka kon ramat kaobiuki kuni esanniyo guru anak ne nei ambe turainu kusu ne; orowa, Ku rengap gusu kon ramat turainu gurʼanak ne nei ambe pa kusu ne ruwe ne gusu ne na.
Inanpe kusu ne yakun, nen ne yakka kor ramat kaopiwki kuni esanniyo kur anakne ne anpe turaynu kusu ne; orowa, Ku=renkap kusu kor ramat turaynu kur anakne ne anpe pa kusu ne ruwe ne kusu ne na.
26 Inambe gusu ne yakun, Ainu anak ne moshirʼebitta eyaiepirikare wa kon ramat eyaiewende yak anak ne, hemanda ani aeyaiepirikare ruwe he an? Orowa, ramat shirihine ainu anak ne nep koropare ruwe he an?
Inanpe kusu ne yakun, Aynu anakne mosir epitta eyayepirikare wa kor ramat eyayewente yakanak ne, hemanta ani aeyayepirikare ruwe he an? Orowa, ramat sirihi ne aynu anakne nep korpare ruwe he an?
Markos 8.34-37 §85II
34 Orowa, orota inne utara newa koro koikara utura tura shibekote hotuyekara wa otta ene itak-hi :— En osh ek kuni esanniyo guru an chiki, yaikota yaiesbina hine koro utasap ani wa En oshi ekte yan.
Orowa, oro ta inne utar newa kor koykar utura tura sipekote hotuyekar wa or ta ene itak hi :— En=os ek kuni esanniyo kur an ciki, yaykota yayespina hine kor utasa p ani wa En=osi ekte yan.
35 Inambe gusu ne yakun, kon ramat shiknure kuni esanniyo gurʼanak ne nei ambe turainu kusu ne; orowa, Ku rengap gusu hemhem pirika shongo rengap gusu hemhem kon ramat turainu gurʼanak ne, nei ambe shiknure kusu ne gusu ne na.
Inanpe kusu ne yakun, kor ramat siknure kuni esanniyo kur anakne ne anpe turaynu kusu ne; orowa, Ku=renkap kusu hemhem pirka sonko renkap kusu hemhem kor ramat turaynu kur anakne, ne anpe siknure kusu ne kusu ne na.
36 Ainu anak moshirʼebitta eyaiepirikare, aige, kon ramat turainu chiki nep aeyaiepirikarep an ruwe he an?
Aynu anak mosir epitta eyayepirikare, ayke, kor ramat turaynu ciki nep aeyayepirikarep an ruwe he an?
37 Samata, kon ramat shirihine ainu anak ne nep itasa kore kusu ne ya?
Sama ta, kor ramat sirihi ne aynu anakne nep itasa kore kusu ne ya?
Roukos 9.23-25 §96II
23 Orowa, Shinuma obitta no okai utara otta ene ye-hi :— En osh ek kuni esanniyo guru an chiki yaikota yaieshina wa kesto koro utasap ani wa En osh ek yan.
Orowa, Sinuma opittano okay utar or ta ene ye hi :— En=os ek kuni esanniyo kur an ciki yaykota yayesina wa kesto kor utasa p ani wa En=os ek yan.
24 Inambe gusu ne yakun, kon ramat shiknure kuni esanniyo guru anak ne ramat turainu kusu ne; koroka, Ku rengap gusu kon ramat turainu gurʼanak ne nei ambe shiknure kusu ne.
Inanpe kusu ne yakun, kor ramat siknure kuni esanniyo kur anakne ramat turaynu kusu ne; korka, Ku=renkap kusu kor ramat turaynu kur anakne ne anpe siknure kusu ne.
25 Ainu anak ne moshirʼebitta eyaiepirikare wa yaikota yai turainu hene ki eyaiwende hene ki yak anak ne nep ani aeyaiepirikarep an ruwe he an?
Aynu anakne mosir epitta eyayepirikare wa yaykota yay turaynu hene ki eyaywente hene ki yakanak ne nep ani aeyayepirikarep an ruwe he an?
Mattaios 10.33 §94II
33 Koroka, nen ne yakka moshima guru tek-samta en eshikashke guru an chiki, Kuani ne yakka kando otta an Ku goro Michi tek samta nei guru eshikashke kusu ne na.
Korka, nen ne yakka mosma kur tek-sam ta en=esikaske kur an ciki, Kuani ne yakka kanto or ta an Ku=kor Mici teksam ta ne kur esikaske kusu ne na.
Markos 8.38 §86II
38 Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.
Inan kur ne yakka tane okay hoiyo newa wen aynu ikiri ta Ku=kor oruspe newa Ku=kor itak e=yaynikorosma kur anakne, Aynu poho ne yakka askanne hawturunpe turano kor Mici a=rakur kor wa ek hi ta, ne kur e=yaynikorosma kusu ne.
Roukos 9.26 §97II
26 Koroka, Kuani newa Ku ye itak eyainikoroshina guru an chiki, Ainu Poho yaikota newa koro Michi newa Ashkanne hauturumbe newa koro nupeki otta ek ita anak ne Ainu Poho ne yakka nei guru eyainikoroshma kusu ne.
Korka, Kuani newa Ku=ye itak eyaynikorosina kur an ciki, Aynu Poho yaykota newa kor Mici newa Askanne hawturunpe newa kor nupeki or ta ek hi ta anakne Aynu Poho ne yakka ne kur e=yaynikorosma kusu ne.
Mattaios 16.28-17.9 §172II
28 Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.
Sonno eci or ta Ku=ye, teta okay utar tumke ta roski utar anakne Aynu poho kor mosir tura wa ek siriki hi nukar pakno, oar ray anpe sapke somo ki kusu ne na.
17:1 Orowa, iwan rereko okaketa Yesu anak ne Petros newa, Yakob newa, Yakob koro iriwak ne Yoannes newa tura wa oyakta an ri nupuri hemesu nisa ruwe ne;
Orowa, iwan rerko okake ta Yesu anakne Petros newa, Yakob newa, Yakob kor irwak ne Yoannes newa tura wa oyak ta an ri nupuri hemesu nisa ruwe ne;
2 awa, nei utara shik samata Shinuma katuhu oya kat ne akan nisa ruwe ne: koro nanuhu anak ne tokap chup korachi heri at, mipihi anak shiripekere pakno retan ruwe ne.
awa, ne utar sik sama ta Sinuma katuhu oya kat ne a=kar nisa ruwe ne: kor nanuhu anakne tokap cup koraci heri at, mipihi anak sirpeker pakno retar ruwe ne.
3 Orowa ingarʼan, Mose hemhem, Ericha hemhem Shinuma tura ukowepekere wa okai katu anukan nisa ruwe ne.
Orowa inkar=an, Mose hemhem, Erica hemhem Sinuma tura ukowepekere wa okay katu a=nukar nisa ruwe ne.
4 Aige, Petros ese wa Yesu otta ene itak-hi :— Utarapa, teda chi okai kuni ambe anak ne pirika ruwe ne: Aokai E ramuoshma yakun, kuani teda kash rep-pish ku kara kusu ne; shinep anak ne Aokai gusu, shinep anak ne Mose gusu, shinep anak ne Ericha gusu ne ruwe ne.
Ayke, Petros ese wa Yesu or ta ene itak hi :— Utarpa, teta ci okay kuni anpe anakne pirka ruwe ne: Aokay E ramuosma yakun, kuani teta kas rep-pis ku=kar kusu ne; sinep anakne Aokay kusu, sinep anakne Mose kusu, sinep anakne Erica kusu ne ruwe ne.
5 Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.
Sinuma naa ye rapoketa inkar=an, peker niskur sinep enkasike kamu; orowa, inkar=an, ne niskur oro wano haw anu wa ene hawe okay hi :— Tanpe anak Ku=omap sino Ku=enupetne Poho ne ruwe ne, Sinuma nu yan, ari hawe as.
6 Orowa, koikara utara nei hawe nu chiki, enpuina no hachiri, aige, shiri ishitoma nisa ruwe ne.
Orowa, koykar utar ne hawe nu ciki, enpuyna no hacir, ayke, siri isitoma nisa ruwe ne.
7 Awa, Yesu ek wa nei utara tomooshma, aige, Hopuni, iteki ishitoma yan, ari itak.
Awa, Yesu ek wa ne utar tomoosma, ayke, Hopuni, iteki isitoma yan, ari itak.
8 Orowa, hepuni wa ingara chiki nen ne yakka nukara shomoki, ouse Yesu patek nukan nisa ruwe ne na.
Orowa, hepuni wa inkar ciki nen ne yakka nukar somo ki, owse Yesu patek nukar nisa ruwe ne na.
9 Orowa, nupuri wano rap koro an ita, Yesu ikashpaotte wa ene itak-hi :— Ainu Poho rai orowa no hetopo-ashiknure an pakno tap echi nukarape nen ne yakka ika nure yan, ari ki ruwe ne.
Orowa, nupuri wano rap kor an hi ta, Yesu ikaspaotte wa ene itak hi :— Aynu Poho ray oro wano hetopo-a=siknure an pakno tap eci=nukar pe nen ne yakka ika nure yan, ari ki ruwe ne.
Markos 9.1-9 §87II
1 Orowa, orota Shinuma ene itak-hi :— Son no echi otta Ku ye, tan okai utara tumugeta teda roshki wa okai utara anak ne Kamui moshiri anak ne kiroro ani ek shiri nukara pakno oara rai ambe sapke katap shomoki kusu ne na, sekoro itak.
Orowa, oro ta Sinuma ene itak hi :— Sonno eci or ta Ku=ye, tan okay utar tumke ta teta roski wa okay utar anakne Kamuy mosir anakne kiroro ani ek siri nukar pakno oar ray anpe sapke katap somo ki kusu ne na, sekor itak.
2 Orowa, iwan rereko okaketa Yesu anak ne Petros newa Yakob newa Yoannes tura wa ainu isam ri nupuri hemesu nisa ruwe ne: awa, nei utara shik samata katuhu oya kat ne akan ruwe ne:
Orowa, iwan rerko okake ta Yesu anakne Petros newa Yakob newa Yoannes tura wa aynu isam ri nupuri hemesu nisa ruwe ne: awa, ne utar sik sama ta katuhu oya kat ne a=kar ruwe ne:
3 koro mipihi anak ne shikayekaye wa shiri retan ruwe ne; amip retaraka guru mipihi iretaraka eaikap pakno retan ruwe ne.
kor mipihi anakne sikayekaye wa siri retar ruwe ne; amip retarka kur mipihi iretarka eaykap pakno retar ruwe ne.
4 Orowa, Ericha anak ne Mose tura anukara, awa, Yesu tura uweneusara shiri an.
Orowa, Erica anakne Mose tura a=nukar, awa, Yesu tura uenewsar siri an.
5 Tata otta Petros ese wa Yesu otta ene itak-hi :— Rabbi, chi utara teda okai ambe anak ne pirika ruwe ne: kash reppish chi kanro: shinep Aokai gusu, shinep Mose gusu,
Tata or ta Petros ese wa Yesu or ta ene itak hi :— Rabbi, ci utar teta okay anpe anakne pirka ruwe ne: kas reppis ci kanro: sinep Aokay kusu, sinep Mose kusu,
6 shinep Ericha gusu ne na, ari itak. Nep itak ani itak yak pirika ya erampeutek; nei utara shiri ishitoma shiriki nisa ruwe ne gusu ne na.
sinep Erica kusu ne na, ari itak. Nep itak ani itak yak pirka ya eranpewtek; ne utar siri isitoma siriki nisa ruwe ne kusu ne na.
7 Orowa, nei utara enkashike kashi-kamu shine nishkuru ek: aige, nishkuru wano, — Tambe anak ne Ku omap an Poho ne; Shinuma echi nu yan, sekorʼan hawe an ruwe ne.
Orowa, ne utar enkasike kasi-kamu sine niskur ek: ayke, niskur wano, — Tanpe anakne Ku=omap an Poho ne; Sinuma eci=nu yan, sekor an hawean ruwe ne.
8 Orowa, ekushkonna ekeshne ingara koro, ouse tura no an Yesu moshima nen ne yakka anukara shomoki nisa ruwe ne na.
Orowa, ekuskonna ekesne inkar kor, owse turano an Yesu mosma nen ne yakka a=nukar somo ki nisa ruwe ne na.
9 Nupuri orowa no rap shiri an ita, Ainu Poho rai i orowa no hetopo-shiknu pakno iteki nen ne yakka otta nei orushpe nure kuni kashpaotte nisa ruwe ne.
Nupuri oro wano rap siri an hi ta, Aynu Poho ray i oro wano hetopo-siknu pakno iteki nen ne yakka or ta ne oruspe nure kuni kaspaotte nisa ruwe ne.
Roukos 9.27-36 §98II
27 Son no newa, echi otta Ku ye; — Kamui moshiri shomo nukara pakno rai-i sapke shomoki utara tane teda ash wa okai ruwe ne, ari itak.
Sonno newa, eci or ta Ku=ye; — Kamuy mosir somo nukar pakno ray hi sapke somo ki utar tane teta as wa okay ruwe ne, ari itak.
28 Tan orushpe aye orowa tupesan rereko ehange pakita, Shinuma anak ne Petros hemhem Yoannes hemhem Yakob hemhem tura wa inonno-itak ki kuni gusu nupuri hemesu nisa ruwe ne.
Tan oruspe a=ye orowa tupesan rerko ehanke pakita, Sinuma anakne Petros hemhem Yoannes hemhem Yakob hemhem tura wa inonno-itak ki kuni kusu nupuri hemesu nisa ruwe ne.
29 Awa, inonno-itak ki rapoketa koro nanu iporo shinnai no an, orowa, koro mipihi retara wa kiaiush nisa ruwe ne.
Awa, inonno-itak ki rapoketa kor nanu iporo sinnayno an, orowa, kor mipihi retar wa kiayus nisa ruwe ne.
30 Orowa, ingarʼan, tu ainu Shinuma tura itak korʼan, shinen anak ne Mose ne,
Orowa, inkar=an, tu aynu Sinuma tura itak kor an, sinen anakne Mose ne,
31 shinen anak Ericha ne ruwe ne; nei utara araguru otta anukara, awa, Shinuma Yerusarem kotan ta ki kusu ne moshiri kohoppa-i gusu itak nisa ruwe ne.
sinen anak Erica ne ruwe ne; ne utar a=rakur or ta a=nukar, awa, Sinuma Yerusarem kotan ta ki kusu ne mosir kohoppa hi kusu itak nisa ruwe ne.
32 Petros newa tura no okai utara anak ne mokon rusui wa okai, koroka, nei utara irammaka mosh an chiki, Shinuma koro araguru hemhem tura no roshki wa okai tu ainu hemhem nukara.
Petros newa turano okay utar anakne mokor rusuy wa okay, korka, ne utar i=rammaka mos an ciki, Sinuma kor a=rakur hemhem turano roski wa okay tu aynu hemhem nukar.
33 Orowa, nei utara Shinuma ekohopi wa paye koro okai ita, Petros anak ne Yesu otta ene itak-hi :— Nishpa, chi utara teda okai kuni ambe anak ne pirika ruwe ne; kash reppish chi kara ash; shinep Aokai gusu, shinep Mose gusu, shinep Ericha gusu akara, ari itak; shinuma yaikota ye itak erampeutek ruwe ne gusu ne na.
Orowa, ne utar Sinuma ekohopi wa paye kor okay hi ta, Petros anakne Yesu or ta ene itak hi :— Nispa, ci utar teta okay kuni anpe anakne pirka ruwe ne; kas reppis ci kar as; sinep Aokay kusu, sinep Mose kusu, sinep Erica kusu a=kar, ari itak; sinuma yaykota ye itak eranpewtek ruwe ne kusu ne na.
34 Orowa, tan itak ye rapoketa nishkuru ek wa shinuma utara kashi-kamu: awa, nishkuru otta ahup aige ishitoma nisa ruwe ne.
Orowa, tan itak ye rapoketa niskur ek wa sinuma utar kasi-kamu: awa, niskur or ta ahup ayke isitoma nisa ruwe ne.
35 Orowa, nishkuru wano hawe anu wa ene ye-hi: Tambe anak Ku Poho ne,
Orowa, niskur wano hawe anu wa ene ye hi: Tanpe anak Ku Poho ne,
36 Ku numgep ne, Shinuma nu yan, ari itak. Orowa, nei hau aokere chiki Yesu shinen ne an wa anukara. Orowa, nei utara nep ka itak shomoki, nei toho ta anukara ambe moshima utara otta nei pakihi ta nure shomoki nisa ruwe ne na.
Ku numkep ne, Sinuma nu yan, ari itak. Orowa, ne haw a=okere ciki Yesu sinen ne an wa a=nukar. Orowa, ne utar nep ka itak somo ki, ne toho ta a=nukar anpe mosma utar or ta ne pakihi ta nure somo ki nisa ruwe ne na.
Mattaios 17.14-18 §174II
14 Orowa, inne utara orota araki chiki anak ne shine ainu Shinuma orota ek wa kokkaea hine ene itak-hi :—
Orowa, inne utar oro ta arki ciki anakne sine aynu Sinuma oro ta ek wa kokkaea hine ene itak hi :—
15 Utarapa, ku okkai poho erampokiwen wa en kore; shinuma nupitke tashum ki wa shi no aeramushitne ruwe ne, kanna-kanna abe otta hachiri, kanna-kanna wakka otta ne yakka hachin ruwe ne.
Utarpa, ku=okkay poho eranpokiwen wa en=kore; sinuma nupitke tasum ki wa sino a=eramusitne ruwe ne, kanna-kanna ape or ta hacir, kanna-kanna wakka or ta ne yakka hacir ruwe ne.
16 Aige, E koro koikara utara otta ku tura wa ek a koroka, iwangere
Ayke, E=kor koykar utar or ta ku tura wa ek a korka, iwankere
17 eaikap ruwe ne. Orowa, Yesu ese wa ene itak-hi :— Aa, eishokoro-i sak wa oheuge ikiri, hembara pakno echi tura no Ku an kusu ne ya? Hembara pakno echi eyaishiporore kusu ne ya? Nei guru En otta tura wa ek yan, ari itak.
eaykap ruwe ne. Orowa, Yesu ese wa ene itak hi :— Aa, eysokor hi sak wa ohewke ikiri, henpara pakno eci turano Ku=an kusu ne ya? Henpara pakno eci=eyaysiporore kusu ne ya? Ne kur En or ta tura wa ek yan, ari itak.
18 Orowa, Yesu sakayo itak ki; awa, nitne kamui oashin; aige, nei i orota nei heikachi aiwangere nisa ruwe ne na.
Orowa, Yesu sakayo itak ki; awa, nitne kamuy oasin; ayke, ne i oro ta ne hekaci aywankere nisa ruwe ne na.
Markos 9.17-27 §91II
17 Orowa, inne utara oshiketa shiueu anak ne ese wa ene itak-hi :— Epakashnu guru, shomo itak ramat shikatkare ku poho e otta ku tura wa ek;
Orowa, inne utar oske ta siwew anakne ese wa ene itak hi :— Epakasnu kur, somo itak ramat sikatkare ku=poho e or ta ku tura wa ek;
18 awa, neita ne yakka ashikatkare yupke ita ayasa; orowa, koishum oashinge wa nimaki niyorokara, orowa, sattek ne ruwe ne: E koro koikara utara nei ramat oashinge gusu ku koramkoro, koroka,
awa, ney ta ne yakka asikatkare yupke hi ta a=yasa; orowa, koysum oasinke wa nimaki niyorkar, orowa, sattek ne ruwe ne: E=kor koykar utar ne ramat oasinke kusu ku=koramkor, korka,
19 eaikap ruwe ne, sekoro itak. Nei utara otta Shinuma ese wa ene itak-hi :— Aa eishokor-i sak ikiri, hembara pakno echi tura no Ku an kusu ne ya? Hembara pakno echi gusu Ku yaishiporore ya? En orota i ani wa ek yan, ari itak.
eaykap ruwe ne, sekor itak. Ne utar or ta Sinuma ese wa ene itak hi :— Aa eysokor hi sak ikiri, henpara pakno eci turano Ku=an kusu ne ya? Henpara pakno eci kusu Ku=yaysiporore ya? En oro ta i ani wa ek yan, ari itak.
20 Orowa, Shinuma otta atura wa araki: awa, nei guru Shinuma ingara chiki nani ramat anak ne, yupke no pitkere; aine, shiri kata hachiri wa teshke-teshke hine koishum oashinge nisa ruwe ne.
Orowa, Sinuma or ta a=tura wa arki: awa, ne kur Sinuma inkar ciki nani ramat anakne, yupke no pitkere; ayne, siri kata hacir wa teske-teske hine koysum oasinke nisa ruwe ne.
21 Orowa, hembara wano tan tashum ki ruwe, koro michi otta Shinuma inu. Ponram orowa no ani nei guru ye.
Orowa, henpara wano tan tasum ki ruwe, kor mici or ta Sinuma inu. Ponram oro wano ani ne kur ye.
22 Orowa, kanna-kanna shinuma raige kuni ne abe otta hene wakka oshiketa hene eyapkiri ruwe ne, koroka, Aokai nep ka ki eashkai chiki, un erampokiwen wa un kashiobiuki wa un kore, sekoro itak.
Orowa, kanna-kanna sinuma rayke kuni ne ape or ta hene wakka oske ta hene eyapkir ruwe ne, korka, Aokay nep ka ki easkay ciki, un eranpokiwen wa un kasiopiwki wa un kore, sekor itak.
23 Orota Yesu ene itak-hi :— Ki eashkai! Eishokoro guru otta anak ne nep ne yakka an eashkaibe ne.
Oro ta Yesu ene itak hi :— Ki easkay! Eysokor kur or ta anakne nep ne yakka an easkay pe ne.
24 Nani nei michi anak ne hawe ashte wa, ku eishokon ruwe ne, ku eishokor-i sakbe kashiobiuki wa en kore.
Nani ne mici anakne hawe aste wa, ku=eysokor ruwe ne, ku=eysokor hi sak pe kasiopiwki wa en=kore.
25 Orowa, inne utara hoyuppa wa uwekarapa shiri Yesu nukara chiki, Ichakkere ramat ko-sakayokara wa otta ene itak-hi :— Shomo-itak ashpa uwopuk ramat, nei guru wano oashin wa, kannashui iteki otta ahun yan, ari ku kashpaotte na.
Orowa, inne utar hoyuppa wa uekarpa siri Yesu nukar ciki, Icakkere ramat ko-sakayokar wa or ta ene itak hi :— Somo-itak aspa uwopuk ramat, ne kur wano oasin wa, kannasuy iteki or ta ahun yan, ari ku=kaspaotte na.
26 Orowa, hawe ashte koro shiri shinuma pitkere chiki oashin: awa, nei guru rai guru korachi ne: shinuma rai okere ari inne utara poro sereke ye pakno ne ruwe ne.
Orowa, hawe aste kor siri sinuma pitkere ciki oasin: awa, ne kur raykur koraci ne: sinuma ray okere ari inne utar poro serke ye pakno ne ruwe ne.
27 Koroka, Yesu anak ne koro tekehe kishima wa punire, orowa, shinuma hopuni nisa ruwe ne.
Korka, Yesu anakne kor tekehe kisma wa punire, orowa, sinuma hopuni nisa ruwe ne.
Roukos 9.37-42 §99II
37 Orowa, nei shimge toho ta nupuri wano rap chiki, poro inne utara Shinuma etunangan nisa ruwe ne.
Orowa, ne simke toho ta nupuri wano rap ciki, poro inne utar Sinuma etunankar nisa ruwe ne.
38 Awa, ingarʼan, inne utara tumuge wano shine Ainu hawe ashte wa ene itak-hi :— Epakashnu guru, nekon ka newa ku poho nukan-nukara wa en kore; shinuma ku shinen ne poho ne ruwe ne:
Awa, inkar=an, inne utar tumuke wano sine Aynu hawe aste wa ene itak hi :— Epakasnu kur, nekon ka newa ku=poho nukan-nukar wa en=kore; sinuma ku=sinen ne poho ne ruwe ne:
39 orowa, ingarʼan, ramat anak ne shinuma turen wa ekushkonna hawe ashte; orowa, ramat shinuma yasa gusu koishum sange pakno ki ruwe ne, orowa, poron no piri o wa aine-aine orowa no oman ruwe ne.
orowa, inkar=an, ramat anakne sinuma turen wa ekuskonna hawe aste; orowa, ramat sinuma yasa kusu koysum sanke pakno ki ruwe ne, orowa, poronno piri o wa ayne-ayne oro wano oman ruwe ne.
40 Nei ambe oashingere kuni ne E koro koikara utara ku koramkoro, awa, eaikapbe, ari itak.
Ne anpe oasinkere kuni ne E=kor koykar utar ku=koramkor, awa, eaykap pe, ari itak.
41 Orowa, Yesu ese wa ene itak-hi :— Eishokorʼi sak, ehaita ainu ikiri, hembara pakno echi tura no Ku an wa eyaishiporore ya? E koro poho ani wa ek yan.
Orowa, Yesu ese wa ene itak hi :— Eysokor i sak, ehayta aynu ikiri, henpara pakno eci turano Ku=an wa eyaysiporore ya? E=kor poho ani wa ek yan.
42 Orowa, naa ek aine nitne kamui shinuma hokushte wa toiko machitke nisa ruwe ne. Koroka, Yesu anak ne nei Ichakkere ramat kosakayokara hine heikachi iwangere wa koro michi otta koropare nisa ruwe ne.
Orowa, naa ek ayne nitne kamuy sinuma hokuste wa toyko macitke nisa ruwe ne. Korka, Yesu anakne ne Icakkere ramat kosakayokar hine hekaci iwankere wa kor mici or ta korpare nisa ruwe ne.
Markos 7.36B-37A §75VIII
36 Orowa, nei utara iteki moshima guru nure kuni kashpaotte: koroka, Shinuma poron no ikashpaotte pakno, naa mashkin no nei orushpe utara assuru ashte nisa ruwe ne na.
Orowa, ne utar iteki mosma kur nure kuni kaspaotte: korka, Sinuma poronno ikaspaotte pakno, naa maskinno ne oruspe utar assuru aste nisa ruwe ne na.
37 Orowa, utara shiri iyokunnure kashpa wa ene itak-hi :— Shinuma nep ne yakka pirika no kanʼnisa: ashpa guru ne yakka nure, shomo itak guru itakte ruwe ne, sekoro itak.
Orowa, utar siri iyokunnure kaspa wa ene itak hi :— Sinuma nep ne yakka pirkano kan nisa: aspa kur ne yakka nure, somo itak kur itakte ruwe ne, sekor itak.
Roukos 9.43A §100VIII
43 Orowa, utara obitta Kamui poro pase ambe eiyokunnure ruwe ne. Koroka, utara obitta Shinuma ki ikip enushkari wa okai ita, koro koikara utara otta Shinuma ene itak-hi :—
Orowa, utar opitta Kamuy poro pase anpe e=iyokunnure ruwe ne. Korka, utar opitta Sinuma ki iki p enuskari wa okay hi ta, kor koykar utar or ta Sinuma ene itak hi :—
Mattaios 17.22-23 §176II
22 Orowa, Gariraya moshiri ta okai rapoketa, nei utara otta Yesu ene itak-hi :— Ainu Poho anak ne utara teke otta aekoshi kusu ne; orowa utara orowa no araige, aige, rereko an ita hetopo-a-shiknure kusu ne,
Orowa, Gariraya mosir ta okay rapoketa, ne utar or ta Yesu ene itak hi :— Aynu Poho anakne utar teke or ta a=ekosi kusu ne; orowa utar oro wano arayke, ayke, rerko an hi ta hetopo-a-siknure kusu ne,
23 ari itak. Orowa, nei utara shi no oknatan nisa ruwe ne na.
ari itak. Orowa, ne utar sino oknatan nisa ruwe ne na.
Markos 9.30-32 §93II
30 Orowa, shinuma utara nei kotan wano paye wa Gariraya moshiri kush nisa ruwe ne; awa, nen ne yakka iteki nei ambe eramu an kuni Shinuma kon rusui ruwe ne.
Orowa, sinuma utar ne kotan wano paye wa Gariraya mosir kus nisa ruwe ne; awa, nen ne yakka iteki ne anpe eramuan kuni Sinuma kor rusuy ruwe ne.
31 Orowa, Shinuma koikara utara epakashnu wa, ene itak-hi :— Ainu Poho anak ne utara teke otta aekoshi, aige, nei utara Shinuma raige kusu ne; araige okere chiki rereko orowa no hetopo-shiknu kusu ne, ari itak.
Orowa, Sinuma koykar utar epakasnu wa, ene itak hi :— Aynu Poho anakne utar teke or ta a=ekosi, ayke, ne utar Sinuma rayke kusu ne; arayke okere ciki rerko oro wano hetopo-siknu kusu ne, ari itak.
32 Koroka, utara anak ne nei itak ibehe erampeutek, samata, otta ibehe nu kuni ishitoma ruwe ne.
Korka, utar anakne ne itak ipehe eranpewtek, sama ta, or ta ipehe nu kuni isitoma ruwe ne.
Roukos 9.43B-45 §101II
43 Orowa, utara obitta Kamui poro pase ambe eiyokunnure ruwe ne. Koroka, utara obitta Shinuma ki ikip enushkari wa okai ita, koro koikara utara otta Shinuma ene itak-hi :—
Orowa, utar opitta Kamuy poro pase anpe e=iyokunnure ruwe ne. Korka, utar opitta Sinuma ki iki p enuskari wa okay hi ta, kor koykar utar or ta Sinuma ene itak hi :—
44 Tan okai itak echi kisara otta ahunge yan: inambe gusu ne yakun, Ainu Poho anak ne utara tekehe otta aekoshi kusu ne gusu ne na.
Tan okay itak eci=kisara or ta ahunke yan: inanpe kusu ne yakun, Aynu Poho anakne utar tekehe or ta a=ekosi kusu ne kusu ne na.
45 Koroka, nei utara tap itak erampeutek, nei ambe iteki aeram' an kuni ne anuina wa an kusu ne gusu ne na: orowa, tan itak gusu uwepekennu kuni ishitoma nisa ruwe ne.
Korka, ne utar tap itak eranpewtek, ne anpe iteki aeram' an kuni ne a=nuyna wa an kusu ne kusu ne na: orowa, tan itak kusu uwepekennu kuni isitoma nisa ruwe ne.
Mattaios 18.1-5 §178II
1 Nei ita anak ne koikara utara Yesu orota araki wa ene itak-hi :— Yakun, kando moshiri ta hunna iyotta pase guru ne ruwe he an? ani itak.
Ne hi ta anakne koykar utar Yesu oro ta arki wa ene itak hi :— Yakun, kanto mosir ta hunna iyotta pase kur ne ruwe he an? ani itak.
2 Orowa, Yesu shine pon guru shihekote hotuyekara wa nei utara noshiteta ande wa ene itak-hi :—
Orowa, Yesu sine pon kur sihekote hotuyekar wa ne utar nositeta ante wa ene itak hi :—
3 Son no echi otta Ku ye, echi utara hosari wa pon utara okai-i korachi ne shomoki yak anak ne, oara Kando moshiri ahup eaikap kusu ne.
Sonno eci or ta Ku=ye, eci utar hosari wa pon utar okay hi koraci ne somo ki yakanak ne, oar Kanto mosir ahup eaykap kusu ne.
4 Tambe gusu, nen ne yakka tan pon poho an i korachi yaieoripakka guru anak ne nei guru anak Kando moshiri ta iyotta pase guru ne ruwe ne.
Tanpe kusu, nen ne yakka tan pon poho an i koraci yayeoripakka kur anakne ne kur anak Kanto mosir ta iyotta pase kur ne ruwe ne.
5 Orowa, nen ne yakka Ku reihei ankushkerai gusu tap korachi an shine pon guru uk gurʼanak ne En uk ruwe ne:
Orowa, nen ne yakka Ku=rehe an kuskeray kusu tap koraci an sine pon kur uk kur anakne En=uk ruwe ne:
Markos 9.34-37A §95II
34 Koroka, nei utara nep ka ye shomoki inambe gusu ne yakun, iyotta pase guru nen ne ruwe he an sekorʼambe ani nei utara ru hontomota uwe-eukoyupekere nisa ruwe ne gusu ne na.
Korka, ne utar nep ka ye somo ki inanpe kusu ne yakun, iyotta pase kur nen ne ruwe he an sekor anpe ani ne utar ru hontom ta ue-ewkoyupekere nisa ruwe ne kusu ne na.
35 Orowa, Shinuma a, aige, orota nei tu niu ikashima wa niu hotuyekara wa ene itak-hi :— Sapane rusui guru an chiki, nei guru iyotta keseke un gun ne, obitta no okai utara koro uitek guru ne kusu ne na, sekoro itak.
Orowa, Sinuma a, ayke, oro ta ne tu niw ikasma wa niw hotuyekar wa ene itak hi :— Sapane rusuy kur an ciki, ne kur iyotta keseke un kunne, opittano okay utar kor uytek kur ne kusu ne na, sekor itak.
36 Orowa, Shinuma shine pon guru uk wa utara noshiketa ande: orowa, tek omare wa nei utara otta ene itak-hi :—
Orowa, Sinuma sine pon kur uk wa utar noske ta ante: orowa, tek omare wa ne utar or ta ene itak hi :—
37 Nen ne yakka Ku reihei rengap gusu tap korachi an pon guru uk gurʼanak ne En uk ruwe ne: orowa, nen ne yakka En uk gurʼanak ne En uk shomoki koroka En omandep uk ruwe ne, ari itak.
Nen ne yakka Ku=rehe renkap kusu tap koraci an pon kur uk kur anakne En=uk ruwe ne: orowa, nen ne yakka En=uk kur anakne En=uk somo ki korka En omantep uk ruwe ne, ari itak.
Roukos 9.46-48 §102II
46 Orowa, inan guru iyotta pase guru ne kusu ne ya sekorʼan upakoiki ambe anak ne nei utara tumta ahun nisa ruwe ne. Koroka,
Orowa, inan kur iyotta pase kur ne kusu ne ya sekor an upakoyki anpe anakne ne utar tum ta ahun nisa ruwe ne. Korka,
47 Yesu nei utara koro keutum ta upaore an ambe eraman koro, shine pon guru uk wa yaikota samata ande wa nei utara otta ene itak-hi :—
Yesu ne utar kor kewtum ta upaore an anpe eraman kor, sine pon kur uk wa yaykota sama ta ante wa ne utar or ta ene itak hi :—
48 Nen ne yakka Ku reihei rengap gusu tan pon guru uk guru anak ne En uk ruwe ne: samata, nen ne yakka En uk gurʼanak ne En omande guru uk ruwe ne: inambe gusu ne yakun, obitta no echi utara tumugeta an iyotta pon guru anak ne, nei guru anak pase ruwe ne, sekoro itak.
Nen ne yakka Ku=rehe renkap kusu tan pon kur uk kur anakne En=uk ruwe ne: sama ta, nen ne yakka En=uk kur anakne En=omante kur uk ruwe ne: inanpe kusu ne yakun, opittano eci utar tumke ta an iyotta pon kur anakne, ne kur anak pase ruwe ne, sekor itak.
Markos 9.38-40 §97VIII
38 Yoannes anak ne Shinuma otta ene itak-hi :— Epakashnu guru, E reihei ankushtapne nitne kamui oashinge guru shinen chi nukara, awa, nei guru un osh ek shomoki gusu chi hattoki ash nisa ruwe ne, ari itak.
Yoannes anakne Sinuma or ta ene itak hi :— Epakasnu kur, E rehe ankustapne nitne kamuy oasinke kur sinen ci nukar, awa, ne kur un os ek somo ki kusu ci hattoki as nisa ruwe ne, ari itak.
39 Koroka, Yesu ene itak-hi :— Iteki hattoki yan: inambe gusu ne yakun, Ku reihei ankushtapne kiroro umbe ki wa tunashi no En ohaigekara guru isam ruwe ne gusu ne na.
Korka, Yesu ene itak hi :— Iteki hattoki yan: inanpe kusu ne yakun, Ku=rehe ankustapne kiroro un pe ki wa tunasno En=ohaykekar kur isam ruwe ne kusu ne na.
40 Un epokba shomoki gurʼanak ne un ramuoshma ruwe ne.
Un epokpa somo ki kur anakne un ramuosma ruwe ne.
Roukos 9.49-50 §103VIII
49 Yoannes ese wa ene itak-hi :— Nishpa, E reihei ani nitne kamui oashinge guru shinen chi nukara; awa, nei guru un tura no E osh ek shomoki gusu chi hattoki nisa ruwe ne.
Yoannes ese wa ene itak hi :— Nispa, E rehe ani nitne kamuy oasinke kur sinen ci nukar; awa, ne kur un turano E os ek somo ki kusu ci hattoki nisa ruwe ne.
50 Koroka, otta Yesu ene itak-hi :— Iteki hattoki yan, inambe gusu ne yakun, echi epokba shomoki guru anak ne echi tura no an ruwe ne gusu ne na, ari itak.
Korka, or ta Yesu ene itak hi :— Iteki hattoki yan, inanpe kusu ne yakun, eci epokpa somo ki kur anakne eci turano an ruwe ne kusu ne na, ari itak.
Roukos 9.51-56 §104X
51 Orowa, Shinuma rikta auk kuni toho nanihungo auweomare korʼan wa an ita anak ne, Shinuma Yerusarem kotan orun oman kuni gusu koro nanuhu atte nisa ruwe ne; awa, kotchaketa shongo kore utara payere:
Orowa, Sinuma rik ta auk kuni toho nanihunko a=ueomare kor an wa an hi ta anakne, Sinuma Yerusarem kotan orun oman kuni kusu kor nanuhu atte nisa ruwe ne; awa, kotcake ta sonko kore utar payere:
52 aige, nei utara paye wa Samaria un utara koro shine kotan orun ahup wa Shinuma ek kuni etokooiki nisa ruwe ne.
ayke, ne utar paye wa Samaria un utar kor sine kotan orun ahup wa Sinuma ek kuni etokooyki nisa ruwe ne.
53 Orowa, Yerusarem kotan orun oman noine an gusu, nei utara Shinuma uk shomoki nisa ruwe ne.
Orowa, Yerusarem kotan orun oman noyne an kusu, ne utar Sinuma uk somo ki nisa ruwe ne.
54 Orowa, koro koikara utara ne Yakob newa Yoannes anak ne tap ambe nukara chiki ene itak-hi :— Utarapa, chi utara ikashpaotte hine kando orowa no abe rapte wa nei utara isamka kuni E ramuoshma ya? ani itak.
Orowa, kor koykar utar ne Yakob newa Yoannes anakne tapanpe nukar ciki ene itak hi :— Utarpa, ci utar ikaspaotte hine kanto oro wano ape rapte wa ne utar isamka kuni E ramuosma ya? ani itak.
55 Koroka, Shinuma hosari wa nei utara kosakayokara ruwe ne.
Korka, Sinuma hosari wa ne utar kosakayokar ruwe ne.
56 Aige, moshima an kotan ta paye nisa ruwe ne.
Ayke, mosma an kotan ta paye nisa ruwe ne.
Mattaios 8.19-22 §68V
19 Orowa, shine kambi-nuye guru ek wa Shinuma otta ene itak-hi :— Epakashnu guru, neun E oman yakka ku itura kusu ne, ari itak.
Orowa, sine kampi-nuye kur ek wa Sinuma or ta ene itak hi :— Epakasnu kur, neun E oman yakka ku=itura kusu ne, ari itak.
20 Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.
Yesu ne kur or ta ene itak hi :— Cironnup anakne suy kor, rik peka oman cikap anakne rewsi usi an, korka, Aynu Poho anakne sapa eninuy usike ka sak ruwe ne.
21 Orowa, moshima an Shinuma koikara guru naa shinen ek wa ene itak-hi :— Utarapa, kuani hoshiki no oman wa ku michi iyurui otta ku omare kuni ramuoshma wa en kore, ani itak.
Orowa, mosma an Sinuma koykar kur naa sinen ek wa ene itak hi :— Utarpa, kuani hoskino oman wa ku=mici iyuruy or ta ku=omare kuni ramuosma wa en=kore, ani itak.
22 Koroka, Yesu nei guru otta ene itak-hi :— En osh ek yan; rai guru anak ne koro rai guru iyurui otta omarere yan, sekoro itak.
Korka, Yesu ne kur or ta ene itak hi :— En=os ek yan; raykur anakne kor raykur iyuruy or ta omarere yan, sekor itak.
Roukos 9.57-60 §105V
57 Orowa, nei utara payekai korʼan rapoketa shine ainu Shinuma otta ene itak-hi :— Neita E oman yakka E osh ku oman kusu ne na, ani itak.
Orowa, ne utar payekay kor an rapoketa sine aynu Sinuma or ta ene itak hi :— Ney ta E oman yakka E os ku=oman kusu ne na, ani itak.
58 Otta Yesu ene itak-hi :— Chironnup anak ne shui koro, rik peka oman chikap anak ne reushi kuni ushike koro, koroka, Ainu Poho anak sapa eninui ushi ka sak ruwe ne, ari itak.
Or ta Yesu ene itak hi :— Cironnup anakne suy kor, rik peka oman cikap anakne rewsi kuni usike kor, korka, Aynu Poho anak sapa eninuy usi ka sak ruwe ne, ari itak.
59 Orowa, moshima an guru otta Yesu ene itak-hi :— En osh ek yan, ani itak. Koroka, orota shinuma ene itak-hi :— Utarapa, hoshiki no ku hoshipi wa ku goro michi tushiri otta omare kuni ramuoshma wa en kore, ani itak.
Orowa, mosma an kur or ta Yesu ene itak hi :— En=os ek yan, ani itak. Korka, oro ta sinuma ene itak hi :— Utarpa, hoskino ku=hosipi wa ku=kor mici tusiri or ta omare kuni ramuosma wa en=kore, ani itak.
60 Koroka, Yesu nei guru otta ene itak-hi :— Rai guru anak ne rai guru tushiri otta omarere yan; orowa, e oman wa Kamui moshiri assuru ashte yan, ari itak.
Korka, Yesu ne kur or ta ene itak hi :— Raykur anakne raykur tusiri or ta omarere yan; orowa, e oman wa Kamuy mosir assuru aste yan, ari itak.
Roukos 9.61-62 §106X
61 Orowa, naa moshima an guru ene itak-hi :— Utarapa, E osh ku ek kusu ne na, koroka, hoshiki ku hoshipi wa ku chisei ta okai utara uwetutkopak kuni ramuoshma wa en kore, ari itak.
Orowa, naa mosma an kur ene itak hi :— Utarpa, E os ku=ek kusu ne na, korka, hoski ku=hosipi wa ku=cise ta okay utar uwetutkopak kuni ramuosma wa en=kore, ari itak.
62 Koroka, nei guru otta Yesu ene itak-hi :— Inan guru ne yakka toipushup otta teke ande wa hosari ingara gurʼanak ne Kamui moshiri gusu upak ambe shomo ne ruwe ne, sekoro itak.
Korka, ne kur or ta Yesu ene itak hi :— Inan kur ne yakka toypusup or ta teke ante wa hosari inkar kur anakne Kamuy mosir kusu upak anpe somo ne ruwe ne, sekor itak.