共観表
Mattaios 22.1-10 §221V
1 Orowa, Yesu ese wa shui itak-maukushte itak ani nei utara otta ene ye-hi :—
Orowa, Yesu ese wa suy itak-mawkuste itak ani ne utar or ta ene ye hi :—
2 Kando moshiri anak ne
Kanto mosir anakne
3 koro poho gusu shuke iwai kara moshiri esapane guru koheraye ruwe ne, nei marapto otta araki kuni ahotuyepakara utara tak gusu ausshiunere utara payere ruwe ne: koroka, araki nukuri nisa ruwe ne.
kor poho kusu suke iway kar mosir esapane kur koheraye ruwe ne, ne marapto or ta arki kuni ahotuyepakara utar tak kusu aussiwnere utar payere ruwe ne: korka, arki nukuri nisa ruwe ne.
4 Shui, Shinuma moshima okai ausshiunere utara payere wa ene itak-hi :— Ingarʼan, kuani ku marapto etokooiki okere: ku beko hemhem mimush chikoikip hemhem aronnu, nep ne yakka etoko-a-oiki an okere: shuke iwai orota araki yan, ari ahotuyepakara utara otta itak yan, ani ye.
Suy, Sinuma mosma okay aussiwnere utar payere wa ene itak hi :— Inkar=an, kuani ku=marapto etokooyki okere: ku=peko hemhem mimus cikoykip hemhem a=ronnu, nep ne yakka etoko-a-oyki an okere: suke iway oro ta arki yan, ari ahotuyepakara utar or ta itak yan, ani ye.
5 Koroka, nei utara anak ne nei ambe isaika no esanniyo wa paye, kot toi otta oman guru an, iraugetupa gusu oman guru ka an,
Korka, ne utar anakne ne anpe isayka no esanniyo wa paye, kot toy or ta oman kur an, irawketupa kusu oman kur ka an,
6 orowa, moshima okai utara nei ausshiunere utara kishima wa wen no epeka hine ronnu nisa ruwe ne.
orowa, mosma okay utar ne aussiwnere utar kisma wa wenno epeka hine ronnu nisa ruwe ne.
7 Koroka, moshiri esapane guru irushka wa tumi-koro topaha payere wa nei teuk utara isamka yara, orowa, koro machiya uhuyekare nisa ruwe ne.
Korka, mosir esapane kur iruska wa tumi-kor topaha payere wa ne teuk utar isamka yara, orowa, kor maciya uhuyekare nisa ruwe ne.
8 Orowa, koro usshiunere utara otta ene ye-hi :— Shuke iwai anak ne etoko-a-oiki an okere, koroka, orota ahotuyepakara utara araki kuni upak utara shomo ne ruwe ne.
Orowa, kor ussiwnere utar or ta ene ye hi :— Suke iway anakne etoko-a-oyki an okere, korka, oro ta ahotuyepakara utar arki kuni upak utar somo ne ruwe ne.
9 Tambe gusu, ru eukopi ushita paye wa nen ne yakka echi nukara guru obitta shuke iwai otta tak yan.
Tanpe kusu, ru ewkopi usi ta paye wa nen ne yakka eci=nukar kur opitta suke iway or ta tak yan.
10 Orowa, nei ausshiunere utara ru orun paye wa nen ne yakka nukara guru, pirika guru hene wen guru hene uwekarapare: aige, marapto urokte utara inne nisa
Orowa, ne aussiwnere utar ru orun paye wa nen ne yakka nukar kur, pirka kur hene wenkur hene uwekarpare: ayke, marapto urokte utar inne nisa
Roukos 14.16-24 §181V
16 Koroka, orota Yesu ene itak-hi :— Poro marapto kara wa inne utara ahupte kuni shine ainu an;
Korka, oro ta Yesu ene itak hi :— Poro marapto kar wa inne utar ahupte kuni sine aynu an;
17 awa, nei marapto shipini aokere chiki otta araki kuni aeahupte utara otta koro uitek guru omande wa ene itakte-hi :— Araki yan; tane marapto etokoaoiki wa an na, ani itakte.
awa, ne marapto sipini a=okere ciki or ta arki kuni aeahupte utar or ta kor uytek kur omante wa ene itakte hi :— Arki yan; tane marapto etokoaoyki wa an na, ani itakte.
18 Orowa, utara obitta shine ikinne yaiunashke heashi ruwe ne. Orota hoshiiki no an guru anak ne :— Kuani anak toi ku hok, awa, ku oman wa nei ambe ku nukara kusu ne ap, nekon ka newa shomo ku ek kuni yaiunashke ku ki na, ani itak.
Orowa, utar opitta sine ikinne yayunaske heasi ruwe ne. Oro ta hoskino an kur anakne :— Kuani anak toy ku=hok, awa, ku=oman wa ne anpe ku=nukar kusu ne ap, nekon ka newa somo ku=ek kuni yayunaske ku=ki na, ani itak.
19 Orowa, moshima an guru ene itak-hi :— Kuani anak ne ashikne tup range beko ku hok, awa, nei ambe uwande kuni gusu ku oman kusu ne na: nekon ka newa shomo ku ek kuni yaiunashke ku ki na, ari itak.
Orowa, mosma an kur ene itak hi :— Kuani anakne asikne tup ranke peko ku=hok, awa, ne anpe uwante kuni kusu ku=oman kusu ne na: nekon ka newa somo ku=ek kuni yayunaske ku=ki na, ari itak.
20 Orowa, moshima an guru ene itak-hi :— Kuani anak ne machi ku ahupkara nisa, tambe gusu ek eaikap ruwe ne, sekoro itak.
Orowa, mosma an kur ene itak hi :— Kuani anakne maci ku=ahupkar nisa, tanpe kusu ek eaykap ruwe ne, sekor itak.
21 Orowa no, nei uitek guru ek wa tap orushpe kon nishpa nure nisa ruwe ne na. Tata otta chisei kon nishpa irushka wa koro uitek guru otta ene itak-hi :— Tunashi no machiya un para ru otta newa hutne ru otta e oman wa irapokkari utara hemhem, yaiewen utara hemhem, shiknak utara hemhem, hera utara hemhem eteun tura yan, ari itak.
Orowano, ne uytek kur ek wa tap oruspe kor nispa nure nisa ruwe ne na. Tata or ta cise kor nispa iruska wa kor uytek kur or ta ene itak hi :— Tunasno maciya un para ru or ta newa hutne ru or ta e oman wa irapokkari utar hemhem, yayewen utar hemhem, siknak utar hemhem, her utar hemhem eteun tura yan, ari itak.
22 Orowa no, uitek guru ene itak-hi :— E ikashpaotte korachi aki na, yakka ushike an ruwe ne, ani itak.
Orowano, uytek kur ene itak hi :— E ikaspaotte koraci aki na, yakka usike an ruwe ne, ani itak.
23 Orota kon nishpa ene itak-hi :— Ku kot chisei aeshikte kuni gusu para ru otta hene, ankura an ushike otta hene, e oman wa utara ahup kuni ne ki yan,
Oro ta kor nispa ene itak hi :— Ku=kot cise a=esikte kuni kusu para ru or ta hene, ankura an usike or ta hene, e oman wa utar ahup kuni ne ki yan,
24 inambe gusu ne yakun, e otta Ku ye, marapto otta aeahupte kuni aye utara shinen ka nei marapto sapke shomoki kusu ne na, sekoro itak.
inanpe kusu ne yakun, e or ta Ku=ye, marapto or ta aeahupte kuni a=ye utar sinen ka ne marapto sapke somo ki kusu ne na, sekor itak.
Mattaios 22.11-14 §222X
11 ruwe ne na. Koroka, aurokte utara nukara gusu moshiri esapane guru ahun chiki; marapto eshiyuk amip shomo mi wa an guru nukan ruwe ne; awa,
ruwe ne na. Korka, a=wrokte utar nukar kusu mosir esapane kur ahun ciki; marapto esiyuk amip somo mi wa an kur nukar ruwe ne; awa,
12 orota ene itak-hi :— Katairotke guru, nekon a e iki wa marapto eshiyuk amip shomo mi no eteun e ahun nisa ruwe he an? ari itak. Orowa, nei guru mo no an ruwe ne.
oro ta ene itak hi :— Katairotke kur, nekona e iki wa marapto esiyuk amip somo mi no eteun e ahun nisa ruwe he an? ari itak. Orowa, ne kur mo no an ruwe ne.
13 Tata otta moshiri esapane guru anak ne koro uitek utara otta ene itak-hi :— Tan guru chikiri newa
Tata or ta mosir esapane kur anakne kor uytek utar or ta ene itak hi :— Tan kur cikiri newa
14 teke echi tupetupe wa soita an kunne-i otta eyapkiri yan; nei ita chish hemhem niyorokara hemhem an kusu ne. Inne utara ahotuyepakara wa okai, koroka, anumge utara moyo ruwe ne gusu ne na.
teke eci=tupetupe wa soy ta an kunne hi or ta eyapkir yan; ne hi ta cis hemhem niyorkar hemhem an kusu ne. Inne utar ahotuyepakara wa okay, korka, a=numke utar moyo ruwe ne kusu ne na.
Mattaios 22.15-33 §223II
15 Orowa no Parisee un utara paye wa Shinuma ye itak ani oitaksakte kuni eukoramkon nisa ruwe ne.
Orowano Parisee un utar paye wa Sinuma ye itak ani oytaksakte kuni e=wkoramkor nisa ruwe ne.
16 Awa, shinuma utara koro koikara utara Herodian un utara tura Shinuma otta payere wa ene itakte-hi :— Epakashnu guru, Aokai an at ne sone an guru ne ruwe ne, orowa, son no Kamui ruhu epakashnu wa nen ne yakka koishitoma shomoki ruwe ne; ainu E esanniyo shomoki ruwe ne gusu ne na.
Awa, sinuma utar kor koykar utar Herodian un utar tura Sinuma or ta payere wa ene itakte hi :— Epakasnu kur, Aokay an at ne sone an kur ne ruwe ne, orowa, sonno Kamuy ruhu epakasnu wa nen ne yakka koysitoma somo ki ruwe ne; aynu E esanniyo somo ki ruwe ne kusu ne na.
17 Tambe gusu, nekon a E yainu ya? Un nure wa un kore, — Kaisaros otta yatu koropare-i anak ne oupeka ambe ne ya? Shomo ne ya?
Tanpe kusu, nekona E yaynu ya? Un nure wa un kore, — Kaysaros or ta yatu korpare hi anakne owpeka anpe ne ya? Somo ne ya?
18 Un nure wa un kore, ari itak. Koroka, Shinuma nei utara wen koro ambe eraman wa otta ene itak-hi :— Echi kankapkapeka utara, hemanda gusu echi En koramnukara ya?
Un nure wa un kore, ari itak. Korka, Sinuma ne utar wen kor anpe eraman wa or ta ene itak hi :— Eci kankapkapeka utar, hemanta kusu eci En=koramnukar ya?
19 Yaku koropare kuni ichen En nukare yan. Nei utara shine denarion koro wa araki nisa.
Yaku korpare kuni icen En=nukare yan. Ne utar sine tenarion kor wa arki nisa.
20 Orota Shinuma ene itak-hi :— Tan nokaha newa kashiketa anuye wa an ikiri nen korope ne ruwe he an? Kaisaros korope ne shinuma utara ye nisa ruwe ne.
Oro ta Sinuma ene itak hi :— Tan nokaha newa kasike ta a=nuye wa an ikiri nen kor pe ne ruwe he an? Kaysaros kor pe ne sinuma utar ye nisa ruwe ne.
21 Orowa, nei utara otta Shinuma ene itak-hi :— Tambe gusu Kaisaros otta Kaisaros korope koropare yan; Kamui korope anak ne Kamui otta yange yan, ari itak.
Orowa, ne utar or ta Sinuma ene itak hi :— Tanpe kusu Kaysaros or ta Kaysaros kor pe korpare yan; Kamuy kor pe anakne Kamuy or ta yanke yan, ari itak.
22 Nei utara tan itak nu chiki iyokunnure wa Shinuma moshima no okai hine paye nisa ruwe ne.
Ne utar tan itak nu ciki iyokunnure wa Sinuma mosmano okay hine paye nisa ruwe ne.
23 Nei toho ta hetopo-shiknu-ambe isam ari ye Saddokai un utara Shinuma orota araki wa uwepekennu hine ene itak-hi :—
Ne toho ta hetopo-siknu-anpe isam ari ye Saddokay un utar Sinuma oro ta arki wa uwepekennu hine ene itak hi :—
24 Epakashnu guru, po sak no ainu rai chiki koro iriwak nei machihi ahupkara wa iriwak otta kese kore kuni po hetukure yan, ari Mose itak nisa ruwe ne.
Epakasnu kur, po sak no aynu ray ciki kor irwak ne macihi ahupkar wa irwak or ta kese kore kuni po hetukure yan, ari Mose itak nisa ruwe ne.
25 Tap, ainu uiriwak ara wa niu okai; awa, kiyanne guru mat ahupkara, orowa no rai ruwe ne; po sak gusu koro akihi otta machihi hoppa nisa ruwe ne;
Tap, aynu uyriwak ar wa niw okay; awa, kiyanne kurmat ahupkar, orowano ray ruwe ne; po sak kusu kor akihi or ta macihi hoppa nisa ruwe ne;
26 tutanu an ainu ne yakka nei no iki, naa otutanu an ainu hemhem arawan uotutanu an ainu pakno hemhem nei no iki nisa ruwe ne.
tutanu an aynu ne yakka néno iki, naa otutanu an aynu hemhem arwan uotutanu an aynu pakno hemhem néno iki nisa ruwe ne.
27 Ainu uiriwak obitta rai wa isam okaketa nei a shiwentep ne yakka rai okere.
Aynu uyriwak opitta ray wa isam okake ta ne a siwentep ne yakka ray okere.
28 Tambe gusu, hetopo-shiknu ita anak ne nei shiwentep arawa niu otta inan guru machihi ne ruwe? Obitta kon nisa ruwe ne gusu ne na, ari itak.
Tanpe kusu, hetopo-siknu hi ta anakne ne siwentep a=raw niw or ta inan kur macihi ne ruwe? Opitta kor nisa ruwe ne kusu ne na, ari itak.
29 Koroka, nei utara otta Yesu ese wa ene itak-hi :— Echi utara anak ne, Kamui kambi-sosh newa Kamui mondum erampeutek wa gusu ohaita ruwe ne.
Korka, ne utar or ta Yesu ese wa ene itak hi :— Eci utar anakne, Kamuy kampi-sos newa Kamuy montum eranpewtek wa kusu ohay ta ruwe ne.
30 Inambe gusu ne yakun, hetopo-shiknu ita anak ne mat ahuptara ambe hoku ahupkara ambe, mat akore ambe hoku akore ambe isam ruwe ne, koroka, kando otta an Kamui hauturumbe ukorachi ne ruwe ne.
Inanpe kusu ne yakun, hetopo-siknu hi ta anakne mat ahuptara anpe hoku ahupkar anpe, mat a=kore anpe hoku a=kore anpe isam ruwe ne, korka, kanto or ta an Kamuy hawturunpe ukoraci ne ruwe ne.
31 Koroka, rai guru hetopo-shiknu ambe gusu anak, —
Korka, raykur hetopo-siknu anpe kusu anak, —
32 Kuani anak ne Abraham koro Kamui ne, Isaak koro Kamui ne, Yakob koro Kamui Ku ne ruwe ne, ari Kamui ye itak echi oro-oitak shomoki ruwe he an? Kamui anak ne rai guru koro Kamui shomo ne, koroka, ishu guru koro Kamui ne ruwe tapan na.
Kuani anakne Abraham kor Kamuy ne, Isaak kor Kamuy ne, Yakob kor Kamuy Ku ne ruwe ne, ari Kamuy ye itak eci oro-oytak somo ki ruwe he an? Kamuy anakne raykur kor Kamuy somo ne, korka, i=su kur kor Kamuy ne ruwe tapan na.
33 Inne utara tan itak nu chiki, Shinuma koro epakashi koenushkari nisa ruwe ne na.
Inne utar tan itak nu ciki, Sinuma kor epakasi koenuskari nisa ruwe ne na.
Markos 12.13-27 §130II
13 Orowa no, Shinuma oitaksakte kuni ne utara anak ne Parisee un utara newa Herodian un utara Shinuma orota payere nisa ruwe ne.
Orowano, Sinuma oytaksakte kuni ne utar anakne Parisee un utar newa Herodian un utar Sinuma oro ta payere nisa ruwe ne.
14 Awa, orota araki chiki Shinuma otta ene itak-hi :— Epakashnu guru, Aokai anak ne sone an gunʼne, nen ne yakka E ko-ishitoma shomoki ruwe ne shiri chi eramʼan: ainu katuhu Aokai esanniyo shomoki no son no newa Kamui ru epakashnu ruwe ne gusu ne na: Kaisaros otta yakuichen koropare-ambe anak ne kashpaotte nei no an ambe ne ya, shomo ya?
Awa, oro ta arki ciki Sinuma or ta ene itak hi :— Epakasnu kur, Aokay anakne sone an kunne, nen ne yakka E ko-isitoma somo ki ruwe ne siri ci eraman: aynu katuhu Aokay esanniyo somo ki no sonno newa Kamuy ru epakasnu ruwe ne kusu ne na: Kaysaros or ta yakuycen korpare-anpe anakne kaspaotte néno an anpe ne ya, somo ya?
15 Chi utara anak ne nei ambe sange kunip ne ya, shomo sange yak pirika ya? ari itak. Koroka, Shinuma nei utara kankapkapeka ambe eramʼan wa orota ene itak-hi :— Nep gusu echi En koramnukara ya? Denaria shinep koro wa araki wa En nukare.
Ci utar anakne ne anpe sanke kunip ne ya, somo sanke yak pirka ya? ari itak. Korka, Sinuma ne utar kankapkapeka anpe eraman wa oro ta ene itak hi :— Nep kusu eci En=koramnukar ya? Denaria sinep kor wa arki wa En=nukare.
16 Orowa no, koro wa araki. Tata otta Shinuma nei utara otta ene itak-hi :— Tan nokaha newa kashiketa anuye wa an ikiri inan guru korope ne ruwe he an? sekoro itak. Orota, Kaisaros korope ne ani nei utara ye ruwe ne.
Orowano, kor wa arki. Tata or ta Sinuma ne utar or ta ene itak hi :— Tan nokaha newa kasike ta a=nuye wa an ikiri inan kur kor pe ne ruwe he an? sekor itak. Oro ta, Kaysaros kor pe ne ani ne utar ye ruwe ne.
17 Tata otta Yesu nei utara otta ene itak-hi :— Kaisaros otta Kaisaros korobe koropare yan, Kamui otta Kamui korobe koropare yan, ari itak. Orowa no, nei utara shi no enushkari nisa ruwe ne na.
Tata or ta Yesu ne utar or ta ene itak hi :— Kaysaros or ta Kaysaros kor pe korpare yan, Kamuy or ta Kamuy kor pe korpare yan, ari itak. Orowano, ne utar sino enuskari nisa ruwe ne na.
18 Orowa, hetopo-shiknu ambe isam sekoro ye Saddokai un utara anak ne Yesu otta araki hine uwepekennu wa ene itak-hi :—
Orowa, hetopo-siknu anpe isam sekor ye Saddokay un utar anakne Yesu or ta arki hine uwepekennu wa ene itak hi :—
19 Epakashnu guru, Mose anak ne un gusu kambi-nuye katu ene okai-hi :— Ainu koro ainu iriwak rai wa koro machi hoppa, aige, po sak chiki, rai guru koro ainu iriwak anak ne nei machi koro wa iriwak otta kese kore kuni po hetukure yan, ani ne ruwe ne.
Epakasnu kur, Mose anakne un kusu kampi-nuye katu ene okay hi :— Aynu kor aynu irwak ray wa kor maci hoppa, ayke, po sak ciki, raykur kor aynu irwak anakne ne maci kor wa irwak or ta kese kore kuni po hetukure yan, ani ne ruwe ne.
20 Arawan ainu uiriwak okai: kiyanne guru machi koro, orowa no po sak no rai:
Arwan aynu uyriwak okay: kiyanne kur maci kor, orowano po sak no ray:
21 tutanu an ainu nei shiwentep koro, aine, po hoppa shomoki no rai:
tutanu an aynu ne siwentep kor, ayne, po hoppa somo ki no ray:
22 nei otutanu an ainu shem korachi; arawan utara po ande shomoki nisa ruwe ne. Okaketa nei shiwentep ne yakka rai nisa ruwe ne na.
ne otutanu an aynu semkoraci; arwan utar po ante somo ki nisa ruwe ne. Okake ta ne siwentep ne yakka ray nisa ruwe ne na.
23 Hetopo-shiknu-i ita anak ne nei shiwentep anak nei utara otta inan guru koro machihi ne kusu ne ya? arawa niu machi ne kon nisa ruwe ne gusu ne na.
Hetopo-siknu hi hi ta anakne ne siwentep anakne utar or ta inan kur kor macihi ne kusu ne ya? a=raw niw maci ne kor nisa ruwe ne kusu ne na.
24 Orota Yesu ene itak-hi :— Echi utara anak ne Kamui nuyere kambi-sosh newa Kamui kiroro echi erampeutek wa gusu, tambe gusu, echi ohaita shomoki ruwe he an?
Oro ta Yesu ene itak hi :— Eci utar anakne Kamuy nuyere kampi-sos newa Kamuy kiroro eci=eranpewtek wa kusu, tanpe kusu, eci=ohay ta somo ki ruwe he an?
25 Rai orowa no hetopo-shiknu ita anak ne mat ahupkara ambe, ainu ahupkara ambe, mat kore, ainu kore i isama; koroka, kando otta an Kamui hauturunbe ukorachi ne ruwe ne.
Ray oro wano hetopo-siknu hi ta anakne mat ahupkar anpe, aynu ahupkar anpe, mat kore, aynu kore i isam; korka, kanto or ta an Kamuy hawturunpe ukoraci ne ruwe ne.
26 Koroka, rai guru hetopo-a-shiknure gusu an ap anak: Mose nuye kambi-sosh kata nei chaha orushpe chieshinnuye wa an ushiketa, nekon a itak ani shinuma orota Kamui ye ya? Naa shomo echi orooitak ya? — Kuani anak ne Abraham koro Kamui ne, Isaak koro Kamui ne, Yakob koro Kamui ne ruwe ne, ari an itak ani Kamui itak nisa.
Korka, raykur hetopo-a-siknure kusu an ap anak: Mose nuye kampi-sos kata ne caha oruspe ciesinnuye wa an uske ta, nekona itak ani sinuma oro ta Kamuy ye ya? Naa somo eci=oroytak ya? — Kuani anakne Abraham kor Kamuy ne, Isaak kor Kamuy ne, Yakob kor Kamuy ne ruwe ne, ari an itak ani Kamuy itak nisa.
27 Shinuma anak ne rai guru koro Kamui shomo ne, shiknu guru koro Kamui ne ruwe ne: echi utara poron no ohaita ruwe ne na.
Sinuma anakne raykur kor Kamuy somo ne, siknu kur kor Kamuy ne ruwe ne: eci utar poronno ohay ta ruwe ne na.
Roukos 20.20-39 §243II
20 Orowa, nei utara Shinuma uwande, samata ye itak oitak-sakte wa esapane umbe otta hemhem mondum koro epungine guru otta hemhem ekoshi kuni ne, orota yaitota shioupekanere etokoush kuni utara payere nisa ruwe ne.
Orowa, ne utar Sinuma uwante, sama ta ye itak oytak-sakte wa esapane un pe or ta hemhem montum kor epunkine kur or ta hemhem ekosi kuni ne, oro ta yaytota siowpekanere etokous kuni utar payere nisa ruwe ne.
21 Orowa, nei utara Shinuma otta nu wa ene itak-hi :— Epakashnu guru, Aokai anak ne oupeka no ye hemhem ki, epakashnu hemhem ki, orowa, ainu esanniyo shomoki, koroka, oheuge sak no Kamui ruhu epakashnu ruwe ne,
Orowa, ne utar Sinuma or ta nu wa ene itak hi :— Epakasnu kur, Aokay anakne owpekano ye hemhem ki, epakasnu hemhem ki, orowa, aynu esanniyo somo ki, korka, ohewke sak no Kamuy ruhu epakasnu ruwe ne,
22 ari an ambe chi eramʼan: Chi utara anak ne Kaisaros otta yaku koropare ambe anak ne ikashpaotte nei no an ambe ne ya, shomo ne ya?
ari an anpe ci eraman: Ci utar anakne Kaysaros or ta yaku korpare anpe anakne ikaspaotte néno an anpe ne ya, somo ne ya?
23 Koroka, Shinuma anak ne nei utara koro irarabe eramʼan wa otta ene itak-hi :—
Korka, Sinuma anakne ne utar kor irara p eraman wa or ta ene itak hi :—
24 Denaria shinep En nukare yan. Kashiketa shinuye wa an nokaha newa ikiri anak ne inan guru korobe ne ya? Otta, Kaisaros korobe ne, ani nei utara itak.
tenaria sinep En=nukare yan. Kasike ta sinuye wa an nokaha newa ikiri anakne inan kur kor pe ne ya? Or ta, Kaysaros kor pe ne, ani ne utar itak.
25 Orowa Shinuma nei utara otta ene itak-hi :— Yak anak ne Kaisaros otta Kaisaros korobe koropare yan, Kamui otta Kamui korobe koropare yan, ari itak.
Orowa Sinuma ne utar or ta ene itak hi :— Yakanak ne Kaysaros or ta Kaysaros kor pe korpare yan, Kamuy or ta Kamuy kor pe korpare yan, ari itak.
26 Orowa, nei utara anak ne utara kotchaketa okai wa nei itak oitaksakte eaikap ruwe ne: orowa, nei ese itak gusu enushkari wa shomo itak ki no okai nisa ruwe ne na.
Orowa, ne utar anakne utar kotcake ta okay wa ne itak oytaksakte eaykap ruwe ne: orowa, ne ese itak kusu enuskari wa somo itak ki no okay nisa ruwe ne na.
27 Orowa no, hetopo-shiknu ambe isam sekoro ye Saddokai un utara araki wa Shinuma otta nu wa ene itak-hi :—
Orowano, hetopo-siknu anpe isam sekor ye Saddokay un utar arki wa Sinuma or ta nu wa ene itak hi :—
28 Epakashnu guru, Mose un gusu kambi-nuye katu ene okai-hi :— Ainu koro ainu iriwak anak ne machi koro, orowa, po sak no rai chiki, nei ainu anak koro iriwak hoppa machi koro wa otta kese kore kuni po hetukure tusu ne, ani nuye.
Epakasnu kur, Mose un kusu kampi-nuye katu ene okay hi :— Aynu kor aynu irwak anakne maci kor, orowa, po sak no ray ciki, ne aynu anak kor irwak hoppa maci kor wa or ta kese kore kuni po hetukure tusu ne, ani nuye.
29 Arawan ainu uiriwak okai; kiyanne guru machi koro wa po sak no rai;
Arwan aynu uyriwak okay; kiyanne kur maci kor wa po sak no ray;
30 tu otutanu hemhem, re otutanu hemhem,
tu otutanu hemhem, re otutanu hemhem,
31 nei no ne ruwe ne; arawa niu ka nei shiwentep koro, awa, po ande shomoki no rai nisa ruwe ne.
néno ne ruwe ne; a=raw niw ka ne siwentep kor, awa, po ante somo ki no ray nisa ruwe ne.
32 Okaketa, nei shiwentep ne yakka rai nisa ruwe ne.
Okake ta, ne siwentep ne yakka ray nisa ruwe ne.
33 Hetopo-shiknu-i ita anak ne nei shiwentep anak nei utara otta inan guru koro machi ne kusu ne ya? arawa niu machi ne kon nisa ruwe ne gusu ne na.
Hetopo-siknu hi hi ta anakne ne siwentep anakne utar or ta inan kur kor maci ne kusu ne ya? a=raw niw maci ne kor nisa ruwe ne kusu ne na.
34 Orota Yesu ene itak-hi :— Tane okai poho utara anak ne matakore hoku akore ruwe ne:
Oro ta Yesu ene itak hi :— Tane okay poho utar anakne matkore hoku a=kore ruwe ne:
35 koroka, nei moshiri hemhem akore, rai orowa no hetopo-ashiknure kuni hemhem aesanniyo utara anak ne matakore shomoki hoku akore shomoki ruwe ne:
korka, ne mosir hemhem a=kore, ray oro wano hetopo-a=siknure kuni hemhem a=esanniyo utar anakne matkore somo ki hoku a=kore somo ki ruwe ne:
36 orowa, shui nei utara anak ne naa rai eaikap: Kamui hauturumbe nei no okaibe ne; orowa, hetopo-shiknu poho ne gusu Kamui poho ne ruwe ne.
orowa, suy ne utar anakne naa ray eaykap: Kamuy hawturunpe néno okaype ne; orowa, hetopo-siknu poho ne kusu Kamuy poho ne ruwe ne.
37 Koroka, rai guru hetopo-ashiknure gusu an ambe anak, Mose poka nei chaha orushpe an ushiketa, Utarapa ani Abraham Kamui, Isaat Kamui, Yakob Kamui sekoro ye ita epakashnu ruwe ne.
Korka, raykur hetopo-a=siknure kusu an anpe anak, Mose poka ne caha oruspe an uske ta, Utarpa ani Abraham Kamuy, Isaat Kamuy, Yakob Kamuy sekor ye hi ta epakasnu ruwe ne.
38 Shinuma anak ne rai guru koro Kamui shomo ne, shiknu guru koro Kamui ne ruwe ne: Shinuma gusu obitta no okai utara anak ne shiknu ruwe ne.
Sinuma anakne raykur kor Kamuy somo ne, siknu kur kor Kamuy ne ruwe ne: Sinuma kusu opittano okay utar anakne siknu ruwe ne.
39 Orowa, kambi-nuye utara ese wa ene itak-hi :— Epakashnu guru, Aokai pirika no ye ruwe ne, ari itak.
Orowa, kampi-nuye utar ese wa ene itak hi :— Epakasnu kur, Aokay pirkano ye ruwe ne, ari itak.
Mattaios 22.34-40 §224VI
34 Koroka, Shinuma anak ne Saddokai un utara hau more ruwe ne sekoro Parisee un utara nu chiki yaiuwekarapare nisa ruwe ne.
Korka, Sinuma anakne Saddokay un utar haw more ruwe ne sekor Parisee un utar nu ciki yayuwekarapare nisa ruwe ne.
35 Awa, Kamui tuitak pita guru shinen Shinuma koramnukara hine uwepekennu wa ene itak-hi :—
Awa, Kamuy tuytak pita kur sinen Sinuma koramnukar hine uwepekennu wa ene itak hi :—
36 Epakashnu guru, tuitak tumugeta pase ikashpaotte inambe ne ruwe he an? sekoro itak.
Epakasnu kur, tuytak tumke ta pase ikaspaotte inanpe ne ruwe he an? sekor itak.
37 Orota Shinuma ene itak-hi: Eani sambe osshi pakno hemhem, keutum osshi pakno hemhem, ramu an pakno hemhem, Utarapa ne e koro Kamui omap yan.
Oro ta Sinuma ene itak hi: Eani sanpe ossi pakno hemhem, kewtum ossi pakno hemhem, ramuan pakno hemhem, Utarpa ne e=kor Kamuy omap yan.
38 Tambe anak pase newa hoshiki no an ikashpaotte ne ruwe ne.
Tanpe anak pase newa hoskino an ikaspaotte ne ruwe ne.
39 Tutanu an ap anak ne tambe nei no an ruwe ne, Eani yaikota yaiomap korachi aota un guru ne yakka omap yan.
Tutanu an ap anakne tanpe néno an ruwe ne, Eani yaykota yayomap koraci a=o ta un kur ne yakka omap yan.
40 Tan tu ikashpaotte kata tuitak newa uweingarape obitta akopashte wa okai ruwe ne.
Tan tu ikaspaotte kata tuytak newa uweinkarape opitta akopaste wa okay ruwe ne.
Markos 12.28-31 §131VI
28 Orowa, kambi-nuye guru shiueu ek, awa, nei utara utashpa uwepekennu shiri nu, samata, Yesu anak ne pirika no nei utara otta ese itak ki sekorʼambe eramʼan koro, orota ene uwepekennu-hi :— Iyotta sapane an ikashpaotte nekon a ambe ne ya, ari itak.
Orowa, kampi-nuye kur siwew ek, awa, ne utar utaspa uwepekennu siri nu, sama ta, Yesu anakne pirkano ne utar or ta ese itak ki sekor anpe eraman kor, oro ta ene uwepekennu hi :— Iyotta sapane an ikaspaotte nekona anpe ne ya, ari itak.
29 Yesu ese wa ene itak-hi :— Iyotta sapanep anak ne tambe ne :— Israeru un utara inu yan, Utarapa ne chikoro Kamui anak shine Utarapa ne:
Yesu ese wa ene itak hi :— Iyotta sapanep anakne tanpe ne :— Israeru un utar inu yan, Utarpa ne ci=kor Kamuy anak sine Utarpa ne:
30 eani anak sambe osshi wano hemhem, keutum osshi wano hemhem, ramu osshi wano hemhem, orowa, kiroro an pakno hemhem, Utarapa ne e koro Kamui omap yan.
eani anak sanpe ossi wano hemhem, kewtum ossi wano hemhem, ramu ossi wano hemhem, orowa, kiroro an pakno hemhem, Utarpa ne e=kor Kamuy omap yan.
31 Nei otutanup anak ne tambe ne: Eani yaikota yaiomap korachi aota un guru omap yan. Tan ikashpaotte kasu no pasep isam ruwe ne.
Ne otutanup anakne tanpe ne: Eani yaykota yayomap koraci a=o ta un kur omap yan. Tan ikaspaotte kasuno pase p isam ruwe ne.
Mattaios 22.41-45 §225II
41 Orowa, Parisee un utara uwekarapa wa okai rapoketa Yesu shine uwepekennu-i nu wa ene itak-hi :—
Orowa, Parisee un utar uekarpa wa okay rapoketa Yesu sine uwepekennu hi nu wa ene itak hi :—
42 Kiristo gusu echi nekon a yainu? Shinuma inan guru koro poho ne ya? Aige, Dabid poho ne sekoro nei utara ye nisa ruwe ne.
Kiristo kusu eci=nekon a yaynu? Sinuma inan kur kor poho ne ya? Ayke, Dabid poho ne sekor ne utar ye nisa ruwe ne.
43 Orota Shinuma ene itak-hi :— Yakun, E epokba utara e chikiri choropoketa ku ande pakno, Ku shimon tek samata a, Ani Utarapa anak ne ku Utarapa otta ye,
Oro ta Sinuma ene itak hi :— Yakun, E epokpa utar e cikiri corpoke ta ku=ante pakno, Ku=simon teksama ta a, Ani Utarpa anakne ku Utarpa or ta ye,
44 sekorʼan itak ani nep gusu Dabid anak ne ramat oshiketa koro poho epeka no Utarapa ani reikore ya?
sekor an itak ani nep kusu Dabid anakne ramat oske ta kor poho epeka no Utarpa ani rékore ya?
45 Dabid anak ne Shinuma Utarapa ani ye chiki, nekon
Dabid anakne Sinuma Utarpa ani ye ciki, nekon
Markos 12.35-37 §134II
35 Orowa, Yesu Kamui kora kenru ta epakashnu wa an ita ese wa ene itak-hi :— Hemanda gusu kambi-nuye utara anak ne Kiristo anak Dabid koro poho ne ani itak ya?
Orowa, Yesu Kamuy kor kenru ta epakasnu wa an hi ta ese wa ene itak hi :— Hemanta kusu kampi-nuye utar anakne Kiristo anak Dabid kor poho ne ani itak ya?
36 Dabid anak ne yaikota Ashkanne Ramat ani, Utarapa anak ne ku Utarapa otta, ene itak-hi :— E epokba utara kata e chikiri aande kunip ne ku kara pakno, Ku shimon tek samata a, sekoro itak.
Dabid anakne yaykota Askanne Ramat ani, Utarpa anakne ku Utarpa or ta, ene itak hi :— E epokpa utar kata e cikiri a=ante kunip ne ku=kar pakno, Ku=simon teksama ta a, sekor itak.
37 Dabid yaikota Shinuma Utarapa ani ye; Hemanda gusu koro poho ne ruwe ne ya? Orowa, nei uwatte no an utara anak ne yaikopuntek no Shinuma nunisa ruwe ne.
Dabid yaykota Sinuma Utarpa ani ye; Hemanta kusu kor poho ne ruwe ne ya? Orowa, ne uwatte no an utar anakne yaykopuntek no Sinuma nunisa ruwe ne.
Roukos 20.41-44 §245II
41 Orowa, Shinuma nei utara otta ene itak-hi :— Hemanda gusu Kiristo anak ne Dabid koro poho ne ani utara ye ya?
Orowa, Sinuma ne utar or ta ene itak hi :— Hemanta kusu Kiristo anakne Dabid kor poho ne ani utar ye ya?
42 Inambe gusu ne yakun, Dabid yaikota Iyohaiochish oma kambi-sosh kata ene itak-hi :—
Inanpe kusu ne yakun, Dabid yaykota Iyohaiochish oma kampi-sos kata ene itak hi :—
43 Utarapa anak ne ku goro Utarapa otta ene itak-hi :— E epokba utara ani e chikiri aande kunip ne ku kara pakno, Ku shimon tek samata a, ari itak.
Utarpa anakne ku=kor Utarpa or ta ene itak hi :— E epokpa utar ani e cikiri a=ante kunip ne ku=kar pakno, Ku=simon teksama ta a, ari itak.
44 Tambe gusu, Dabid anak ne Shinuma Utarapa ani ye, hemanda ani koro poho ne ruwe ne ya?
Tanpe kusu, Dabid anakne Sinuma Utarpa ani ye, hemanta ani kor poho ne ruwe ne ya?
Mattaios 22.46 §226II
46 a iki wa gusu koro poho ne ya? Orowa shine itak ani poka ese eashkai guru shinen ka isam, aige, nei toho wano Shinuma otta uwepekennu eashkai guru shinen ka isam nisa ruwe ne na.
a iki wa kusu kor poho ne ya? Orowa sine itak ani poka ese easkay kur sinen ka isam, ayke, ne toho wano Sinuma or ta uwepekennu easkay kur sinen ka isam nisa ruwe ne na.
Markos 12.34B §133II
34 Orowa, nei guru oramush no ese ruwe ne sekoro Yesu nukara koro, orota ene itak-hi :— Aokai anak ne Kamui moshiri orowa no ehangeko no an shomo ne, ani itak. Orowa no, nei i wano nen ne yakka Yesu otta nepka uwepekennu kuni guru isam ruwe ne na.
Orowa, ne kur oramus no ese ruwe ne sekor Yesu nukar kor, oro ta ene itak hi :— Aokay anakne Kamuy mosir oro wano e=hankeko no an somo ne, ani itak. Orowano, ne i wano nen ne yakka Yesu or ta nep ka uwepekennu kuni kur isam ruwe ne na.