共観表
Mattaios 16.1 §161IV
1 Orowa, Parisee un utara newa Saddokai un utara araki hine Shinuma koramnukara wa kando orowa shirosh nukare kuni koramkon nisa ruwe ne na.
Orowa, Parisee un utar newa Saddokay un utar arki hine Sinuma koramnukar wa kanto orowa siros nukare kuni koramkor nisa ruwe ne na.
Mattaios 16.2-3 §162V
2 Koroka, orota Shinuma ese wa ene itak-hi :— Onuman anak ne kando kotoro fure gusu, shiri pirika kusu ne sekoro echi ye ruwe ne.
Korka, oro ta Sinuma ese wa ene itak hi :— Onuman anakne kanto kotor hure kusu, siri pirka kusu ne sekor eci=ye ruwe ne.
3 Orowa, kunneiwano anak ne kando kotoro fure, nishkuru ram gusu, tanto shiri wen kusu ne sekoro echi ye ruwe ne. Kando kotoro uwande wa echi eraman, koroka, pakihi gusu an shirosh echi erampeutek ruwe ne.
Orowa, kunneywano anakne kanto kotor hure, niskur ram kusu, tanto siri wen kusu ne sekor eci=ye ruwe ne. Kanto kotor uwante wa eci=eraman, korka, pakihi kusu an siros eci=eranpewtek ruwe ne.
Roukos 12.54-57 §161V
54 Orowa, shui inne utara otta Shinuma ene itak-hi :— Chuppok ta nishkuru hetuku shiri echi nukara chiki, apto ek, ani nani echi itak, orowa no nei no an ruwe ne.
Orowa, suy inne utar or ta Sinuma ene itak hi :— Cuppok ta niskur hetuku siri eci=nukar ciki, apto ek, ani nani eci=itak, orowano néno an ruwe ne.
55 Samata, pikata un rera rui shiri echi nukara chiki, shiri seisek ne kusu ne, ani echi ye; orowa no nei no an ruwe ne.
Sama ta, pikata un rera ruy siri eci=nukar ciki, siri sesek ne kusu ne, ani eci=ye; orowano néno an ruwe ne.
56 Kankapkapeka utara, moshiri newa kando kotoro uwande katu echi eramʼan; koroka, nep gusu pakihi uwande katu echi erampeutek ya?
kankapkapeka utar, mosir newa kanto kotor uwante katu eci=eraman; korka, nep kusu pakihi uwante katu eci=eranpewtek ya?
57 Orowa, nep gusu echi utara yaikota oupekap gusu shomo ko-ipishi ya?
Orowa, nep kusu eci utar yaykota owpekap kusu somo ko-ipisi ya?
Mattaios 16.4 §163VI
4 Wen wa omoinu koro sanikiri anak ne shirosh hunara ruwe ne, koroka, Yona gusu an shirosh moshima anak shirosh akore shomoki kusu ne na. Orowa, Shinuma nei utara ekohopi wa oman nisa ruwe ne na.
Wen wa omoynu kor sanikiri anakne siros hunara ruwe ne, korka, Yona kusu an siros mosma anak siros a=kore somo ki kusu ne na. Orowa, Sinuma ne utar ekohopi wa oman nisa ruwe ne na.
Markos 8.12-14 §78VI
12 Awa, Shinuma keutum osshi wano tanne heisei ki wa ene itak-hi :— Nep gusu tan ainu ikiri shirosh hunara ya? Son no echi otta Ku ye, tan ainu ikiri otta shirosh
Awa, Sinuma kewtum ossi wano tanne hese ki wa ene itak hi :— Nep kusu tan aynu ikiri siros hunara ya? Sonno eci or ta Ku=ye, tan aynu ikiri or ta siros
13 akore shomoki kusu ne ruwe ne, ari itak. Orowa, Shinuma nei utara moshima no ande wa chip orun ahun hine ikush un arapa nisa ruwe ne na.
a=kore somo ki kusu ne ruwe ne, ari itak. Orowa, Sinuma ne utar mosmano ante wa cip orun ahun hine ikus un arpa nisa ruwe ne na.
14 Orowa, pan koro kuni oira; samata, tura no chip oshiketa shine pantak kasu no pan isam ruwe ne.
Orowa, pan kor kuni oyra; sama ta, turano cip oske ta sine pantak kasuno pan isam ruwe ne.
Mattaios 16.5-6 §164II
5 Orowa, koikara utara anak ne atui kushta shirepa, awa, pantak koro kuni ambe oira nisa ruwe ne.
Orowa, koykar utar anakne atuy kus ta sirepa, awa, pantak kor kuni anpe oyra nisa ruwe ne.
6 Orowa, orota Yesu ene itak-hi :— Parisee un utara newa Saddokai un utara koro pandane yaitubare yan.
Orowa, oro ta Yesu ene itak hi :— Parisee un utar newa Saddokay un utar kor pantane yaytupare yan.
Roukos 12.1C §144II
1 Nei ita, ukata uweotereke pakno shiri inne topaha utara uwekarapa ita anak ne Shinuma hoshiki no koro koikara utara otta ene itak heashi :— Parisee un utara koro pandane yaitubare yan, nei ambe anak kankapkapeka ambe ne ruwe ne.
Ne hi ta, ukata uweotereke pakno siri inne topaha utar uekarpa hi ta anakne Sinuma hoskino kor koykar utar or ta ene itak heasi :— Parisee un utar kor pantane yaytupare yan, ne anpe anak kankapkapeka anpe ne ruwe ne.
Mattaios 16.7-12 §165VI
7 Aige, nei utara anak ne utashpa uwe-upaure wa ene itak-hi :— Tap ambe anak ne pantak chi oira gusu an itak ne, ari itak.
Ayke, ne utar anakne utaspa ue-upawre wa ene itak hi :— Tapanpe anakne pantak ci oyra kusu an itak ne, ari itak.
8 Awa, Yesu tambe eramu an wa ene itak-hi :— Aa eishokor-i pon utara, hemanda gusu pantak echi oira gusu uwe-upaure ruwe he an?
Awa, Yesu tanpe eramuan wa ene itak hi :— Aa eysokor hi pon utar, hemanta kusu pantak eci=oyra kusu ue-upawre ruwe he an?
9 Nei go sen nin ne ainu newa nei ashikne pantak,
Ne ko sen nin ne aynu newa ne asikne pantak,
10 orowa, saranip hempakbe echi umomare ambe hene; samata, shui, nei shi sen nin ne ainu newa arawan pantak orowa saranip hempakbe echi umomare ambe hera hera, echi ramepakari wa eshikarun shomoki ruwe he an?
orowa, saranip henpakpe eci=umomare anpe hene; sama ta, suy, ne si sen nin ne aynu newa arwan pantak orowa saranip henpakpe eci=umomare anpe her her, eci=ramepakari wa esikarun somo ki ruwe he an?
11 Kuani anak ne pantak epeka gusu echi otta Ku ye shomoki ambe hemanda gusu shomo echi ramepakari ya? Koroka, Parisee un utara newa Saddokai un utara koro pandane yaitubare yan.
Kuani anakne pantak epeka kusu eci or ta Ku=ye somo ki anpe hemanta kusu somo eci=ramepakari ya? Korka, Parisee un utar newa Saddokay un utar kor pantane yaytupare yan.
12 Tambe gusu, Shinuma anak ne pantak pandane gusu yaitubare kuni ye ambe shomo ne, koroka Parisee un utara newa Saddokai un utara koro epakashi gusu an itak ne, sekoro koikara utara eraman nisa ruwe ne na.
Tanpe kusu, Sinuma anakne pantak pantane kusu yaytupare kuni ye anpe somo ne, korka Parisee un utar newa Saddokay un utar kor epakasi kusu an itak ne, sekor koykar utar eraman nisa ruwe ne na.
Markos 8.16-21 §80VI
16 Orowa, nei utara utashpa uwe-upaore wa, — Pan isam gusu ne, ari itak.
Orowa, ne utar utaspa ue-upaore wa, — Pan isam kusu ne, ari itak.
17 Yesu tambe eramu an wa orota ene itak-hi :— Hemanda gusu pan sak gusu echi upaore ya? Naa shomo echi eramu hemhem ki ramepakari hemhem ki ya?
Yesu tanpe eramuan wa oro ta ene itak hi :— Hemanta kusu pan sak kusu eci=upaore ya? Naa somo eci=eramu hemhem ki ramepakari hemhem ki ya?
18 Echi keutum anishtere ya? Shiki koro wa shomo echi nukara? Kisara koro wa shomo echi nu?
Eci=kewtum a=nistere ya? Siki kor wa somo eci=nukar? Kisara kor wa somo eci=nu?
19 Shomo echi eshkarun ya? Go sen nin ne ainu otta ashikne pantak Ku meshpa ita, nei ameshpa uibe umomare wa ani hempak no okai saranip echi shikte ya? Orota, tu saranip ikashima wan saranip ne, ari itak.
Somo eci=eskarun ya? Ko sen nin ne aynu or ta asikne pantak Ku=mespa hi ta, ne a=mespa uype umomare wa ani henpak no okay saranip eci=sikte ya? Oro ta, tu saranip ikasma wan saranip ne, ari itak.
20 Orowa, shi sen nin ne ainu otta arawan pantak an ita ameshpa uibe ani hempak saranip echi shikte ya?
Orowa, si sen nin ne aynu or ta arwan pantak an hi ta a=mespa uype ani henpak saranip eci=sikte ya?
21 Orota nei utara, Arawanbe, ari itak. Orota Shinuma ene itak-hi :— Naa shomo echi ramepakari ya?
Oro ta ne utar, Arawanpe, ari itak. Oro ta Sinuma ene itak hi :— Naa somo eci=ramepakari ya?
Mattaios 16.13-16 §166I
13 Orowa, Yesu, anak ne Kaisarea Pirippos kotan an ushita ek wa an ita, koro koikara utara otta ene uwepekennu-hi :— Ainu Poho anak ne nen ne kuni utara ye ruwe he okai?
Orowa, Yesu, anakne Kaysarea Pirippos kotan an usi ta ek wa an hi ta, kor koykar utar or ta ene uwepekennu hi :— Aynu Poho anakne nen ne kuni utar ye ruwe he okay?
14 Orota nei utara ene itak-hi :— Baptisma kore Yoannes ne ye utara ka okai; Ericha ani ye utara ka okai; Yeremia hene, uweingara utara tumuge un shine uweingara guru bene ye utara ka okai ruwe ne, ari ye nisa ruwe ne.
Oro ta ne utar ene itak hi :— Baptisma kore Yoannes ne ye utar ka okay; Erica ani ye utar ka okay; Yeremia hene, ueinkar utar tumuke un sine ueinkar kur pene ye utar ka okay ruwe ne, ari ye nisa ruwe ne.
15 Orota, Shinuma ene itak-hi :— Echi utara anak Kuani nen ne kuni echi ye ruwe he an?
Oro ta, Sinuma ene itak hi :— Eci utar anak Kuani nen ne kuni eci=ye ruwe he an?
16 Simon Petros ese wa ene itak-hi :— Aokai anak ne Kiristo ne: Ishu Kamui koro Poho E ne ruwe ne, ari itak.
Simon Petros ese wa ene itak hi :— Aokay anakne Kiristo ne: I=su Kamuy kor Poho E ne ruwe ne, ari itak.
Markos 8.27-29A §82I
27 Orowa, Yesu newa koro koikara utara anak ne paye wa Kaisarea Piripos kotan otta ahup nisa ruwe ne: awa, ru hontomota koikara utara otta Shinuma uwepekennu wa ene itak-hi :— Kuani anak ne nen ne kuni utara ye ya?
Orowa, Yesu newa kor koykar utar anakne paye wa Kaysarea Piripos kotan or ta ahup nisa ruwe ne: awa, ru hontom ta koykar utar or ta Sinuma uwepekennu wa ene itak hi :— Kuani anakne nen ne kuni utar ye ya?
28 Orota nei utara ene ye-hi :— Baptisma kore Yoannes ne ari ye utara okai: Ericha ani ye utara okai; koroka, moshima utara anak, uweingara utara tumuge un shine uweingara guru E ne ruwe ne, ani ye ruwe ne, sekoro itak.
Oro ta ne utar ene ye hi :— Baptisma kore Yoannes ne ari ye utar okay: Erica ani ye utar okay; korka, mosma utar anak, ueinkar utar tumuke un sine ueinkar kur E ne ruwe ne, ani ye ruwe ne, sekor itak.
29 Tata otta Shinuma ene nu-hi :— Echi utara anak Kuani nen ne kuni echi ye ruwe he an? Petros ese wa orota ene itak-hi :—
Tata or ta Sinuma ene nu hi :— Eci utar anak Kuani nen ne kuni eci=ye ruwe he an? Petros ese wa oro ta ene itak hi :—
Roukos 9.18-20 §94I
18 Orowa, Shinuma shinen ne po inonno-itak ki wa an, awa, koro koikara utara tura no okai ruwe ne: orowa :— Kuani anak inan guru Ku ne ya inne topaha utara ye ruwe he an? ani Shinuma ko-uwepekennu. Nei utara ese wa ene itak-hi :—
Orowa, Sinuma sinen ne po inonno-itak ki wa an, awa, kor koykar utar turano okay ruwe ne: orowa :— Kuani anak inan kur Ku ne ya inne topaha utar ye ruwe he an? ani Sinuma ko-uwepekennu. Ne utar ese wa ene itak hi :—
19 Baptisma kore Yoannes ne ari ye utara okai; Ericha E ne ruwe ne ari ye utara ka okai; koroka, fushkotoita an uweingara guru shui hopuni ruwe ne ani ye utara ka okai ruwe ne, ari itak.
paptisma kore Yoannes ne ari ye utar okay; Erica E ne ruwe ne ari ye utar ka okay; korka, huskotoyta an ueinkar kur suy hopuni ruwe ne ani ye utar ka okay ruwe ne, ari itak.
20 Orota Shinuma ene itak-hi :— Koroka, echi okai utara anak ne inan guru Ku ne ya sekoro echi ye ruwe he an? Petros ese wa :— Aokai anak ne Kamui koro Kiristo E ne ruwe ne, ani itak.
Oro ta Sinuma ene itak hi :— Korka, eci=okay utar anakne inan kur Ku ne ya sekor eci=ye ruwe he an? Petros ese wa :— Aokay anakne Kamuy kor Kiristo E ne ruwe ne, ani itak.
Yoannes 1.41-42 §17I
41 Tan guru hoshiki no koro iriwak ne Simon koekari wa, — Chi utara Messia koekari ash nisa ruwe ne (tan itak iporose an katu anak ne “Kiristo” ani an iporose ne ruwe ne), sekoro orota ye ruwe ne.
Tan kur hoskino kor irwak ne Simon koekari wa, — Ci utar Messia koekari as nisa ruwe ne (tan itak iporose an katu anakne “Kiristo” ani an iporose ne ruwe ne), sekor oro ta ye ruwe ne.
42 Orowa, shinuma Yesu otta atura wa ek. Yesu shinuma nukara wa ene itak-hi :— Yoannes poho Simon e ne ruwe ne: eani Kepas ani aye kusu ne (tan itak eipakita ne yakun “Shuma” ani an itak ani ibehe kon ruwe ne).
Orowa, sinuma Yesu or ta a=tura wa ek. Yesu sinuma nukar wa ene itak hi :— Yoannes poho Simon e ne ruwe ne: eani Kepas ani a=ye kusu ne (tan itak e=pakita ne yakun “Suma” ani an itak ani ipehe kor ruwe ne).
Yoannes 6.68-69 §74I
68 Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.
Or ta Simon Petros ene ese hi :— Utarpa, inan kur or ta paye as kusu ne ya? Aokay anakne ramma okere somo ki inotu oma itak E=kor ruwe ne.
69 Samata, Aokai anak ne Kamui koro Ashkannep E ne ruwe ne, sekoro chi eishokoro wa chi eraman nisa ruwe ne na, ani itak.
Sama ta, Aokay anakne Kamuy kor Askannep E ne ruwe ne, sekor ci eysokor wa ci eraman nisa ruwe ne na, ani itak.
Mattaios 16.17-19 §167X
17 Orowa, shinuma otta Yesu ese wa ene itak-hi :— Simon Bar-Yona, tap ambe e epakashnu gurʼanak ne kam newa kem shomo ne, kando otta an Ku Michi anak tan orushpe e eramande nisa ruwe ne gusu, anunuke ainu e ne ruwe ne.
Orowa, sinuma or ta Yesu ese wa ene itak hi :— Simon Bar-Yona, tapanpe e epakasnu kur anakne kam newa kem somo ne, kanto or ta an Ku Mici anak tan oruspe e eramante nisa ruwe ne kusu, a=nunuke aynu e ne ruwe ne.
18 Orowa, tambe ka e otta Ku ye, Aokai anak ne Petros ne, orowa tan watara kata Ku karisia Ku ashte kusu ne; orowa, Hedes apa nei ambe annokara shomoki kusu ne ruwe ne.
Orowa, tanpe ka e or ta Ku=ye, Aokay anakne Petros ne, orowa tan watara kata Ku karisia Ku=aste kusu ne; orowa, Hedes apa ne anpe annokar somo ki kusu ne ruwe ne.
19 Kuani anak ne kando moshiri apa kangi e kore ash kusu ne; orowa, nep ne yakka moshiri kata e tupetupe yakun, kando otta ne yakka atupetupe kusu ne: orowa, nep ne yakka moshiri kata e pita yakun, kando otta ne yakka apita kusu ne na.
Kuani anakne kanto mosir apa kank e kore as kusu ne; orowa, nep ne yakka mosir kata e tupetupe yakun, kanto or ta ne yakka a=tupetupe kusu ne: orowa, nep ne yakka mosir kata e pita yakun, kanto or ta ne yakka a=pita kusu ne na.
Mattaios 16.20-21 §168II
20 Orowa Shinuma anak ne Kiristo ne sekoro iteki moshima guru otta nure kuni koikara utara eikashpaotte nisa ruwe ne na.
Orowa Sinuma anakne Kiristo ne sekor iteki mosma kur or ta nure kuni koykar utar e=kaspaotte nisa ruwe ne na.
21 Nei i orowa no Yesu anak ne Yerusarem kotan orota oman wa ekashi orowa no hemhem Kamui kora kenru esapane utara orowa no hemhem, kambi-nuye utara orowa no hemhem inne okaibe gusu ramuashitnere, aige, araige hine rere-ko an ita hetopo-a-shiknure kusu ne ari an ambe koro koikara utara otta epakashnu heashi nisa ruwe ne.
Ne i oro wano Yesu anakne Yerusarem kotan oro ta oman wa ekasi oro wano hemhem Kamuy kor kenru esapane utar oro wano hemhem, kampi-nuye utar oro wano hemhem inne okaype kusu ramuasitnere, ayke, arayke hine rere-ko an hi ta hetopo-a-siknure kusu ne ari an anpe kor koykar utar or ta epakasnu heasi nisa ruwe ne.
Markos 8.29B-32A §83II
29 Tata otta Shinuma ene nu-hi :— Echi utara anak Kuani nen ne kuni echi ye ruwe he an? Petros ese wa orota ene itak-hi :—
Tata or ta Sinuma ene nu hi :— Eci utar anak Kuani nen ne kuni eci=ye ruwe he an? Petros ese wa oro ta ene itak hi :—
30 Aokai anak ne Kiristo ne ruwe ne. Orowa, tan orushpe iteki moshima guru otta nure kuni Shinuma kashpaotte nisa ruwe ne.
Aokay anakne Kiristo ne ruwe ne. Orowa, tan oruspe iteki mosma kur or ta nure kuni Sinuma kaspaotte nisa ruwe ne.
31 Orowa, Ainu Poho poron no aramushitnere wa ekashi utara orowa no hemhem, Kamui kora kenru esapane utara orowa no hemhem, kambi-nuye utara orowa no hemhem aemaka hine araige, samata, rereko an ita hetopo-shiknu kuni orushpe nei utara otta epakashnu heashi nisa ruwe ne.
Orowa, Aynu Poho poronno a=ramusitnere wa ekasi utar oro wano hemhem, Kamuy kor kenru esapane utar oro wano hemhem, kampi-nuye utar oro wano hemhem a=emaka hine arayke, sama ta, rerko an hi ta hetopo-siknu kuni oruspe ne utar or ta epakasnu heasi nisa ruwe ne.
32 Shinuma tan itak anu no ye nisa ruwe ne. Orowa, Petros Shinuma uk wa ko-sakayokara heashi ruwe ne.
Sinuma tan itak anu no ye nisa ruwe ne. Orowa, Petros Sinuma uk wa ko-sakayokar heasi ruwe ne.
Roukos 9.21-22 §95II
21 Koroka, tan orushpe iteki moshima utara nure kuni ne Shinuma kashpaotte nisa ruwe ne; samata, ene itak-hi :—
Korka, tan oruspe iteki mosma utar nure kuni ne Sinuma kaspaotte nisa ruwe ne; sama ta, ene itak hi :—
22 Ainu Poho anak ne poron no aeyairamushitnere kusu ne, aige, ekashi utara orowa no hene, Kamui kora kenru esapane utara orowa no hene, kambi-nuye utara orowa no hene aemaka, orowa, araige wa rereko an ita hetopo-a-shiknure kusu ne na, ari itak.
Aynu Poho anakne poronno aeyayramusitnere kusu ne, ayke, ekasi utar oro wano hene, Kamuy kor kenru esapane utar oro wano hene, kampi-nuye utar oro wano hene a=emaka, orowa, arayke wa rerko an hi ta hetopo-a-siknure kusu ne na, ari itak.
Mattaios 16.22-23 §169VI
22 Orowa, Petros anak ne Shinuma uk wa kosakayokara hine ene itak-hi :— Aerampokiwen wa akore, Utarapa, tap okaibe anak ne ara E epeka shomoki kusu ne na, sekoro itak.
Orowa, Petros anakne Sinuma uk wa kosakayokar hine ene itak hi :— A=eranpokiwen wa a=kore, Utarpa, tap okaype anakne ar E epeka somo ki kusu ne na, sekor itak.
23 Koroka, Shinuma hosari wa Petros otta ene itak-hi :— Satan, En oshmake un oman; eani anak ne En gusu an ureepetchiurep e ne, eani anak ne Kamui gusu an orushpe esanniyo shomoki, ainu gusu an orushpe esaniyo ruwe ne gusu ne na, sekoro itak.
Korka, Sinuma hosari wa Petros or ta ene itak hi :— Satan, En=osmake un oman; eani anakne En kusu an ureepetciwrep e ne, eani anakne Kamuy kusu an oruspe esanniyo somo ki, aynu kusu an oruspe esaniyo ruwe ne kusu ne na, sekor itak.
Markos 8.32B-33 §84VI
32 Shinuma tan itak anu no ye nisa ruwe ne. Orowa, Petros Shinuma uk wa ko-sakayokara heashi ruwe ne.
Sinuma tan itak anu no ye nisa ruwe ne. Orowa, Petros Sinuma uk wa ko-sakayokar heasi ruwe ne.
33 Koroka, Shinuma hosari wa koro koikara utara nukara hine Petros orun ko-sakayokara wa ene itak-hi :— Satan, En oshmake un oman; eani anak ne Kamui orushpe esanniyo shomoki no ainu orushpe esanniyo ruwe ne gusu ne na, ari itak.
Korka, Sinuma hosari wa kor koykar utar nukar hine Petros orun ko-sakayokar wa ene itak hi :— Satan, En=osmake un oman; eani anakne Kamuy oruspe esanniyo somo ki no aynu oruspe esanniyo ruwe ne kusu ne na, ari itak.
Mattaios 16.24-26 §170II
24 Orowa no Yesu anak ne koro koikara utara otta ene itak-hi :— Nen ne yakka En osh ek kuni ramu guru an chiki, yaikota yaieshina wa koro utasap ani wa En osh ek yan.
Orowano Yesu anakne kor koykar utar or ta ene itak hi :— Nen ne yakka En=os ek kuni ramu kur an ciki, yaykota yayesina wa kor utasa p ani wa En=os ek yan.
25 Inambe gusu ne yakun, nen ne yakka kon ramat kaobiuki kuni esanniyo guru anak ne nei ambe turainu kusu ne; orowa, Ku rengap gusu kon ramat turainu gurʼanak ne nei ambe pa kusu ne ruwe ne gusu ne na.
Inanpe kusu ne yakun, nen ne yakka kor ramat kaopiwki kuni esanniyo kur anakne ne anpe turaynu kusu ne; orowa, Ku=renkap kusu kor ramat turaynu kur anakne ne anpe pa kusu ne ruwe ne kusu ne na.
26 Inambe gusu ne yakun, Ainu anak ne moshirʼebitta eyaiepirikare wa kon ramat eyaiewende yak anak ne, hemanda ani aeyaiepirikare ruwe he an? Orowa, ramat shirihine ainu anak ne nep koropare ruwe he an?
Inanpe kusu ne yakun, Aynu anakne mosir epitta eyayepirikare wa kor ramat eyayewente yakanak ne, hemanta ani aeyayepirikare ruwe he an? Orowa, ramat sirihi ne aynu anakne nep korpare ruwe he an?
Markos 8.34-37 §85II
34 Orowa, orota inne utara newa koro koikara utura tura shibekote hotuyekara wa otta ene itak-hi :— En osh ek kuni esanniyo guru an chiki, yaikota yaiesbina hine koro utasap ani wa En oshi ekte yan.
Orowa, oro ta inne utar newa kor koykar utura tura sipekote hotuyekar wa or ta ene itak hi :— En=os ek kuni esanniyo kur an ciki, yaykota yayespina hine kor utasa p ani wa En=osi ekte yan.
35 Inambe gusu ne yakun, kon ramat shiknure kuni esanniyo gurʼanak ne nei ambe turainu kusu ne; orowa, Ku rengap gusu hemhem pirika shongo rengap gusu hemhem kon ramat turainu gurʼanak ne, nei ambe shiknure kusu ne gusu ne na.
Inanpe kusu ne yakun, kor ramat siknure kuni esanniyo kur anakne ne anpe turaynu kusu ne; orowa, Ku=renkap kusu hemhem pirka sonko renkap kusu hemhem kor ramat turaynu kur anakne, ne anpe siknure kusu ne kusu ne na.
36 Ainu anak moshirʼebitta eyaiepirikare, aige, kon ramat turainu chiki nep aeyaiepirikarep an ruwe he an?
Aynu anak mosir epitta eyayepirikare, ayke, kor ramat turaynu ciki nep aeyayepirikarep an ruwe he an?
37 Samata, kon ramat shirihine ainu anak ne nep itasa kore kusu ne ya?
Sama ta, kor ramat sirihi ne aynu anakne nep itasa kore kusu ne ya?
Roukos 9.23-25 §96II
23 Orowa, Shinuma obitta no okai utara otta ene ye-hi :— En osh ek kuni esanniyo guru an chiki yaikota yaieshina wa kesto koro utasap ani wa En osh ek yan.
Orowa, Sinuma opittano okay utar or ta ene ye hi :— En=os ek kuni esanniyo kur an ciki yaykota yayesina wa kesto kor utasa p ani wa En=os ek yan.
24 Inambe gusu ne yakun, kon ramat shiknure kuni esanniyo guru anak ne ramat turainu kusu ne; koroka, Ku rengap gusu kon ramat turainu gurʼanak ne nei ambe shiknure kusu ne.
Inanpe kusu ne yakun, kor ramat siknure kuni esanniyo kur anakne ramat turaynu kusu ne; korka, Ku=renkap kusu kor ramat turaynu kur anakne ne anpe siknure kusu ne.
25 Ainu anak ne moshirʼebitta eyaiepirikare wa yaikota yai turainu hene ki eyaiwende hene ki yak anak ne nep ani aeyaiepirikarep an ruwe he an?
Aynu anakne mosir epitta eyayepirikare wa yaykota yay turaynu hene ki eyaywente hene ki yakanak ne nep ani aeyayepirikarep an ruwe he an?
Mattaios 16.27 §171X
27 Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.
Inanpe kusu ne yakun, Aynu Poho anakne kor Mici nupekihi hemhem, kor uytekpe hemhem turano ek tusu ne; ne hi ta anakne Sinuma opittano okay utar pisno ikici puri an hi koraci kore ruwe ne kusu ne na.
Mattaios 16.28-17.9 §172II
28 Son no echi otta Ku ye, teda okai utara tumugeta roshki utara anak ne Ainu poho koro moshiri tura wa ek shiriki-hi nukara pakno, oara rai ambe sapke shomoki kusu ne na.
Sonno eci or ta Ku=ye, teta okay utar tumke ta roski utar anakne Aynu poho kor mosir tura wa ek siriki hi nukar pakno, oar ray anpe sapke somo ki kusu ne na.
17:1 Orowa, iwan rereko okaketa Yesu anak ne Petros newa, Yakob newa, Yakob koro iriwak ne Yoannes newa tura wa oyakta an ri nupuri hemesu nisa ruwe ne;
Orowa, iwan rerko okake ta Yesu anakne Petros newa, Yakob newa, Yakob kor irwak ne Yoannes newa tura wa oyak ta an ri nupuri hemesu nisa ruwe ne;
2 awa, nei utara shik samata Shinuma katuhu oya kat ne akan nisa ruwe ne: koro nanuhu anak ne tokap chup korachi heri at, mipihi anak shiripekere pakno retan ruwe ne.
awa, ne utar sik sama ta Sinuma katuhu oya kat ne a=kar nisa ruwe ne: kor nanuhu anakne tokap cup koraci heri at, mipihi anak sirpeker pakno retar ruwe ne.
3 Orowa ingarʼan, Mose hemhem, Ericha hemhem Shinuma tura ukowepekere wa okai katu anukan nisa ruwe ne.
Orowa inkar=an, Mose hemhem, Erica hemhem Sinuma tura ukowepekere wa okay katu a=nukar nisa ruwe ne.
4 Aige, Petros ese wa Yesu otta ene itak-hi :— Utarapa, teda chi okai kuni ambe anak ne pirika ruwe ne: Aokai E ramuoshma yakun, kuani teda kash rep-pish ku kara kusu ne; shinep anak ne Aokai gusu, shinep anak ne Mose gusu, shinep anak ne Ericha gusu ne ruwe ne.
Ayke, Petros ese wa Yesu or ta ene itak hi :— Utarpa, teta ci okay kuni anpe anakne pirka ruwe ne: Aokay E ramuosma yakun, kuani teta kas rep-pis ku=kar kusu ne; sinep anakne Aokay kusu, sinep anakne Mose kusu, sinep anakne Erica kusu ne ruwe ne.
5 Shinuma naa ye rapoketa ingarʼan, peken nishkuru shinep enkashike kamu; orowa, ingarʼan, nei nishkuru orowa no hau anu wa ene hawe okai-hi :— Tambe anak Ku omap shi no Ku enupetne Poho ne ruwe ne, Shinuma nu yan, ari hawe ash.
Sinuma naa ye rapoketa inkar=an, peker niskur sinep enkasike kamu; orowa, inkar=an, ne niskur oro wano haw anu wa ene hawe okay hi :— Tanpe anak Ku=omap sino Ku=enupetne Poho ne ruwe ne, Sinuma nu yan, ari hawe as.
6 Orowa, koikara utara nei hawe nu chiki, enpuina no hachiri, aige, shiri ishitoma nisa ruwe ne.
Orowa, koykar utar ne hawe nu ciki, enpuyna no hacir, ayke, siri isitoma nisa ruwe ne.
7 Awa, Yesu ek wa nei utara tomooshma, aige, Hopuni, iteki ishitoma yan, ari itak.
Awa, Yesu ek wa ne utar tomoosma, ayke, Hopuni, iteki isitoma yan, ari itak.
8 Orowa, hepuni wa ingara chiki nen ne yakka nukara shomoki, ouse Yesu patek nukan nisa ruwe ne na.
Orowa, hepuni wa inkar ciki nen ne yakka nukar somo ki, owse Yesu patek nukar nisa ruwe ne na.
9 Orowa, nupuri wano rap koro an ita, Yesu ikashpaotte wa ene itak-hi :— Ainu Poho rai orowa no hetopo-ashiknure an pakno tap echi nukarape nen ne yakka ika nure yan, ari ki ruwe ne.
Orowa, nupuri wano rap kor an hi ta, Yesu ikaspaotte wa ene itak hi :— Aynu Poho ray oro wano hetopo-a=siknure an pakno tap eci=nukar pe nen ne yakka ika nure yan, ari ki ruwe ne.
Markos 9.1-9 §87II
1 Orowa, orota Shinuma ene itak-hi :— Son no echi otta Ku ye, tan okai utara tumugeta teda roshki wa okai utara anak ne Kamui moshiri anak ne kiroro ani ek shiri nukara pakno oara rai ambe sapke katap shomoki kusu ne na, sekoro itak.
Orowa, oro ta Sinuma ene itak hi :— Sonno eci or ta Ku=ye, tan okay utar tumke ta teta roski wa okay utar anakne Kamuy mosir anakne kiroro ani ek siri nukar pakno oar ray anpe sapke katap somo ki kusu ne na, sekor itak.
2 Orowa, iwan rereko okaketa Yesu anak ne Petros newa Yakob newa Yoannes tura wa ainu isam ri nupuri hemesu nisa ruwe ne: awa, nei utara shik samata katuhu oya kat ne akan ruwe ne:
Orowa, iwan rerko okake ta Yesu anakne Petros newa Yakob newa Yoannes tura wa aynu isam ri nupuri hemesu nisa ruwe ne: awa, ne utar sik sama ta katuhu oya kat ne a=kar ruwe ne:
3 koro mipihi anak ne shikayekaye wa shiri retan ruwe ne; amip retaraka guru mipihi iretaraka eaikap pakno retan ruwe ne.
kor mipihi anakne sikayekaye wa siri retar ruwe ne; amip retarka kur mipihi iretarka eaykap pakno retar ruwe ne.
4 Orowa, Ericha anak ne Mose tura anukara, awa, Yesu tura uweneusara shiri an.
Orowa, Erica anakne Mose tura a=nukar, awa, Yesu tura uenewsar siri an.
5 Tata otta Petros ese wa Yesu otta ene itak-hi :— Rabbi, chi utara teda okai ambe anak ne pirika ruwe ne: kash reppish chi kanro: shinep Aokai gusu, shinep Mose gusu,
Tata or ta Petros ese wa Yesu or ta ene itak hi :— Rabbi, ci utar teta okay anpe anakne pirka ruwe ne: kas reppis ci kanro: sinep Aokay kusu, sinep Mose kusu,
6 shinep Ericha gusu ne na, ari itak. Nep itak ani itak yak pirika ya erampeutek; nei utara shiri ishitoma shiriki nisa ruwe ne gusu ne na.
sinep Erica kusu ne na, ari itak. Nep itak ani itak yak pirka ya eranpewtek; ne utar siri isitoma siriki nisa ruwe ne kusu ne na.
7 Orowa, nei utara enkashike kashi-kamu shine nishkuru ek: aige, nishkuru wano, — Tambe anak ne Ku omap an Poho ne; Shinuma echi nu yan, sekorʼan hawe an ruwe ne.
Orowa, ne utar enkasike kasi-kamu sine niskur ek: ayke, niskur wano, — Tanpe anakne Ku=omap an Poho ne; Sinuma eci=nu yan, sekor an hawean ruwe ne.
8 Orowa, ekushkonna ekeshne ingara koro, ouse tura no an Yesu moshima nen ne yakka anukara shomoki nisa ruwe ne na.
Orowa, ekuskonna ekesne inkar kor, owse turano an Yesu mosma nen ne yakka a=nukar somo ki nisa ruwe ne na.
9 Nupuri orowa no rap shiri an ita, Ainu Poho rai i orowa no hetopo-shiknu pakno iteki nen ne yakka otta nei orushpe nure kuni kashpaotte nisa ruwe ne.
Nupuri oro wano rap siri an hi ta, Aynu Poho ray i oro wano hetopo-siknu pakno iteki nen ne yakka or ta ne oruspe nure kuni kaspaotte nisa ruwe ne.
Roukos 9.27-36 §98II
27 Son no newa, echi otta Ku ye; — Kamui moshiri shomo nukara pakno rai-i sapke shomoki utara tane teda ash wa okai ruwe ne, ari itak.
Sonno newa, eci or ta Ku=ye; — Kamuy mosir somo nukar pakno ray hi sapke somo ki utar tane teta as wa okay ruwe ne, ari itak.
28 Tan orushpe aye orowa tupesan rereko ehange pakita, Shinuma anak ne Petros hemhem Yoannes hemhem Yakob hemhem tura wa inonno-itak ki kuni gusu nupuri hemesu nisa ruwe ne.
Tan oruspe a=ye orowa tupesan rerko ehanke pakita, Sinuma anakne Petros hemhem Yoannes hemhem Yakob hemhem tura wa inonno-itak ki kuni kusu nupuri hemesu nisa ruwe ne.
29 Awa, inonno-itak ki rapoketa koro nanu iporo shinnai no an, orowa, koro mipihi retara wa kiaiush nisa ruwe ne.
Awa, inonno-itak ki rapoketa kor nanu iporo sinnayno an, orowa, kor mipihi retar wa kiayus nisa ruwe ne.
30 Orowa, ingarʼan, tu ainu Shinuma tura itak korʼan, shinen anak ne Mose ne,
Orowa, inkar=an, tu aynu Sinuma tura itak kor an, sinen anakne Mose ne,
31 shinen anak Ericha ne ruwe ne; nei utara araguru otta anukara, awa, Shinuma Yerusarem kotan ta ki kusu ne moshiri kohoppa-i gusu itak nisa ruwe ne.
sinen anak Erica ne ruwe ne; ne utar a=rakur or ta a=nukar, awa, Sinuma Yerusarem kotan ta ki kusu ne mosir kohoppa hi kusu itak nisa ruwe ne.
32 Petros newa tura no okai utara anak ne mokon rusui wa okai, koroka, nei utara irammaka mosh an chiki, Shinuma koro araguru hemhem tura no roshki wa okai tu ainu hemhem nukara.
Petros newa turano okay utar anakne mokor rusuy wa okay, korka, ne utar i=rammaka mos an ciki, Sinuma kor a=rakur hemhem turano roski wa okay tu aynu hemhem nukar.
33 Orowa, nei utara Shinuma ekohopi wa paye koro okai ita, Petros anak ne Yesu otta ene itak-hi :— Nishpa, chi utara teda okai kuni ambe anak ne pirika ruwe ne; kash reppish chi kara ash; shinep Aokai gusu, shinep Mose gusu, shinep Ericha gusu akara, ari itak; shinuma yaikota ye itak erampeutek ruwe ne gusu ne na.
Orowa, ne utar Sinuma ekohopi wa paye kor okay hi ta, Petros anakne Yesu or ta ene itak hi :— Nispa, ci utar teta okay kuni anpe anakne pirka ruwe ne; kas reppis ci kar as; sinep Aokay kusu, sinep Mose kusu, sinep Erica kusu a=kar, ari itak; sinuma yaykota ye itak eranpewtek ruwe ne kusu ne na.
34 Orowa, tan itak ye rapoketa nishkuru ek wa shinuma utara kashi-kamu: awa, nishkuru otta ahup aige ishitoma nisa ruwe ne.
Orowa, tan itak ye rapoketa niskur ek wa sinuma utar kasi-kamu: awa, niskur or ta ahup ayke isitoma nisa ruwe ne.
35 Orowa, nishkuru wano hawe anu wa ene ye-hi: Tambe anak Ku Poho ne,
Orowa, niskur wano hawe anu wa ene ye hi: Tanpe anak Ku Poho ne,
36 Ku numgep ne, Shinuma nu yan, ari itak. Orowa, nei hau aokere chiki Yesu shinen ne an wa anukara. Orowa, nei utara nep ka itak shomoki, nei toho ta anukara ambe moshima utara otta nei pakihi ta nure shomoki nisa ruwe ne na.
Ku numkep ne, Sinuma nu yan, ari itak. Orowa, ne haw a=okere ciki Yesu sinen ne an wa a=nukar. Orowa, ne utar nep ka itak somo ki, ne toho ta a=nukar anpe mosma utar or ta ne pakihi ta nure somo ki nisa ruwe ne na.