共観表
Roukos 11.53-12.1B §143X
53 Orowa, Shinuma nei chisei soine chiki kambi-nuye utara newa Parisee un utara toiko Shinuma keshke heashi hine inne okai orushpe gusu Shinuma itakte;
Orowa, Sinuma ne cise soyne ciki kampi-nuye utar newa Parisee un utar toyko Sinuma keske heasi hine inne okay oruspe kusu Sinuma itakte;
54 Shinuma paroho ani aoitaksakte kuni itak etokotuye wa okai nisa ruwe ne na.
Sinuma paroho ani aoytaksakte kuni itak etoko tuye wa okay nisa ruwe ne na.
12:1 Nei ita, ukata uweotereke pakno shiri inne topaha utara uwekarapa ita anak ne Shinuma hoshiki no koro koikara utara otta ene itak heashi :— Parisee un utara koro pandane yaitubare yan, nei ambe anak kankapkapeka ambe ne ruwe ne.
Ne hi ta, ukata uweotereke pakno siri inne topaha utar uekarpa hi ta anakne Sinuma hoskino kor koykar utar or ta ene itak heasi :— Parisee un utar kor pantane yaytupare yan, ne anpe anak kankapkapeka anpe ne ruwe ne.
Mattaios 16.5-6 §164II
5 Orowa, koikara utara anak ne atui kushta shirepa, awa, pantak koro kuni ambe oira nisa ruwe ne.
Orowa, koykar utar anakne atuy kus ta sirepa, awa, pantak kor kuni anpe oyra nisa ruwe ne.
6 Orowa, orota Yesu ene itak-hi :— Parisee un utara newa Saddokai un utara koro pandane yaitubare yan.
Orowa, oro ta Yesu ene itak hi :— Parisee un utar newa Saddokay un utar kor pantane yaytupare yan.
Roukos 12.1C §144II
1 Nei ita, ukata uweotereke pakno shiri inne topaha utara uwekarapa ita anak ne Shinuma hoshiki no koro koikara utara otta ene itak heashi :— Parisee un utara koro pandane yaitubare yan, nei ambe anak kankapkapeka ambe ne ruwe ne.
Ne hi ta, ukata uweotereke pakno siri inne topaha utar uekarpa hi ta anakne Sinuma hoskino kor koykar utar or ta ene itak heasi :— Parisee un utar kor pantane yaytupare yan, ne anpe anak kankapkapeka anpe ne ruwe ne.
Mattaios 10.27-32 §93V
27 Kuani kunne ita echi nure ash ambe, pekere otta ye yan: orowa, kisara ani pi-nu no echi nup anak ne, chisei kitaige wa rui hawe ani shiassuru ashte yan.
Kuani kunne hi ta eci=nure as anpe, peker or ta ye yan: orowa, kisara ani pi-nu no eci=nup anakne, cise kitayke wa ruy hawe ani siassuru aste yan.
28 Netobake raige eashkai, koroka ramat raige eaikap utara iteki koishitoma yan: koroka, ramat hemhem netobake hemhem tup ne kane Gehenna orota isamka eashkaibe koishitoma yan.
Netopake rayke easkay, korka ramat rayke eaykap utar iteki koysitoma yan: korka, ramat hemhem netopake hemhem tup ne kane Gehenna oro ta isamka easkay pe koysitoma yan.
29 Tu amam e chikap anak ne shine issen gusu shomo aeiyok ruwe he an? yakka, shinep ne yakka echi koro Michi eramushkare no shiri kata hachiri shomoki ruwe ne:
Tu amam e cikap anakne sine issen kusu somo a=eiyok ruwe he an? yakka, sinep ne yakka eci=kor Mici eramuskare no siri kata hacir somo ki ruwe ne:
30 koroka, echi sapaha ush otop-tu katap obitta apishki wa an na.
korka, eci=sapaha us otop-tu katap opitta a=piski wa an na.
31 Tambe gusu, iteki ishitoma yan, echi utara anak ne inne aman e chikap kasu no oro an ambe ne.
Tanpe kusu, iteki isitoma yan, eci utar anakne inne aman e cikap kasuno oro an anpe ne.
32 Tambe gusu, nen ne yakka moshima guru tek-samta en eyaipushi wa ye guru an chiki Kuani ne yakka kando otta an Ku Michi tek-samta nei guru eyaipushi wa ye kusu ne.
Tanpe kusu, nen ne yakka mosma kur tek-sam ta en eyaypusi wa ye kur an ciki Kuani ne yakka kanto or ta an Ku Mici tek-sam ta ne kur eyaypusi wa ye kusu ne.
Roukos 12.2-8 §145V
2 Koroka, akamure wa anukara shomoki ambe isam, anuina wa aeramu shomoki ambe isam ruwe ne.
Korka, a=kamure wa a=nukar somo ki anpe isam, a=nuyna wa a=ermu somo ki anpe isam ruwe ne.
3 Tambe gusu, nep ne yakka kunne i ta echi yep anak ne pekere otta anu kusu ne; onnaige un tumbu ta kisara otta echi yep anak ne chisei kitaigeta assuru aashte kusu ne.
Tanpe kusu, nep ne yakka kunne i ta eci yep anakne peker or ta anu kusu ne; onnayke un tumpu ta kisara or ta eci yep anakne cise kitayke ta assuru a=aste kusu ne.
4 Samata, Ku ikatairotke echi utara otta Ku ye, netobake raige, orowa no nep ne yakka moshimap ki eaikap utara iteki ko-ishitoma yan.
Sama ta, Ku ikatayrotke eci utar or ta Ku=ye, netopake rayke, orowano nep ne yakka mosma p ki eaykap utar iteki ko-isitoma yan.
5 Koroka, inambe echi ko-ishitoma kunip ne ya echi nure ash na: Raige orowa no Gehenna otta eyapkiri mondum koro guru ishitoma yan; Ruwe un, Shinuma ko-ishitoma yan, ani Ku ye.
Korka, inanpe eci=ko-isitoma kunip ne ya eci=nure as na: Rayke oro wano Gehenna or ta eyapkir montum kor kur isitoma yan; Ruwe un, Sinuma ko-isitoma yan, ani Ku=ye.
6 Ashikne amam e chikap anak ne tu issen gusu shomo aeiyok ruwe he an? Awa, amam e chikap shinep ne yakka Kamui tek samata aoira shomoki ruwe ne.
Asikne amam e cikap anakne tu issen kusu somo a=eiyok ruwe he an? Awa, amam e cikap sinep ne yakka Kamuy teksama ta a=oyra somo ki ruwe ne.
7 Koroka, echi sapa ush otop katap obitta apishki wa an ruwe ne. Iteki shitoma yan: inne amam e chikap kasu no echi utara anak ne oro an shiri an.
Korka, eci=sapa us otop katap opitta a=piski wa an ruwe ne. Iteki sitoma yan: inne amam e cikap kasuno eci utar anakne oro an siri an.
8 Orowa, echi otta Ku ye, nen ne yakka utara kotchaketa En eyaipushi guru an chiki Ainu Poho anak ne Kamui hauturumbe kotchaketa nei guru ne yakka eyaipushi kusu ne;
Orowa, eci or ta Ku=ye, nen ne yakka utar kotcake ta En eyaypusi kur an ciki Aynu Poho anakne Kamuy hawturunpe kotcake ta ne kur ne yakka eyaypusi kusu ne;
Mattaios 10.33 §94II
33 Koroka, nen ne yakka moshima guru tek-samta en eshikashke guru an chiki, Kuani ne yakka kando otta an Ku goro Michi tek samta nei guru eshikashke kusu ne na.
Korka, nen ne yakka mosma kur tek-sam ta en=esikaske kur an ciki, Kuani ne yakka kanto or ta an Ku=kor Mici teksam ta ne kur esikaske kusu ne na.
Markos 8.38 §86II
38 Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.
Inan kur ne yakka tane okay hoiyo newa wen aynu ikiri ta Ku=kor oruspe newa Ku=kor itak e=yaynikorosma kur anakne, Aynu poho ne yakka askanne hawturunpe turano kor Mici a=rakur kor wa ek hi ta, ne kur e=yaynikorosma kusu ne.
Roukos 12.9 §146II
9 koroka, utara kotchaketa En eshikashke ainu anak ne Kamui hauturumbe kotchaketa aeshikashke an kusu ne na.
korka, utar kotcake ta En=esikaske aynu anakne Kamuy hawturunpe kotcake ta a=esikaske an kusu ne na.
Mattaios 12.31-32 §123II
31 Tambe gusu echi otta Ku ye, nep chikokatpak ne yakka, nep koatchap ne yakka utara gusu atusare kusu ne, koroka, Ramat epeka no an koatchap anak ne atusare shomoki kusu ne ruwe ne.
Tanpe kusu eci or ta Ku=ye, nep ci=kokatpak ne yakka, nep koatcap ne yakka utar kusu atusare kusu ne, korka, Ramat epeka no an koatcap anakne atusare somo ki kusu ne ruwe ne.
32 Orowa, nen ne yakka Ainu Poho epeka sempiroitak ki guru an yakka atusare kusu ne, koroka, nen ne yakka Ashkanne Ramat epeka sempiroitak ki guru anak ne, tan moshirʼotta ne yakka, ek kushki moshirʼotta ne yakka atusare shomoki kusu ne ruwe ne.
Orowa, nen ne yakka Aynu Poho epeka senpiroytak ki kur an yakka atusare kusu ne, korka, nen ne yakka Askanne Ramat epeka senpiroytak ki kur anakne, tan mosir or ta ne yakka, ek kuski mosir or ta ne yakka atusare somo ki kusu ne ruwe ne.
Markos 3.28-30 §34II
28 Son no echi otta Ku ye :— Utara poho utara koro obitta no okai chikokatpak newa koatcha ani iki koatcha ambe anak ne atusare kusu ne; koroka,
Sonno eci or ta Ku=ye :— Utar poho utar kor opittano okay ci=kokatpak newa koatca ani iki koatca anpe anakne atusare kusu ne; korka,
29 nen ne yakka Ashkanne Ramat koatcha gurʼanak ne nei pakno ne yakka atusare shomoki kusu ne, koroka, nei guru koro chikokatpak hembara pakno ne yakka an ap ne ruwe ne:
nen ne yakka Askanne Ramat koatca kur anakne ne pakno ne yakka atusare somo ki kusu ne, korka, ne kur kor ci=kokatpak henpara pakno ne yakka an ap ne ruwe ne:
30 Shinuma anak ne Ichakkere ramat kon ruwe ne, ari nei utara ye nisa ruwe ne gusu ne na.
Sinuma anakne Icakkere ramat kor ruwe ne, ari ne utar ye nisa ruwe ne kusu ne na.
Roukos 12.10 §147II
10 Orowa, nen ne yakka Ainu Poho epeka itak sange guru anak ne, nei ambe atusare kusu ne, koroka, Ashkanne Ramat koatcha guru anak atusare shomoki kusu ne na.
Orowa, nen ne yakka Aynu Poho epeka itak sanke kur anakne, ne anpe atusare kusu ne, korka, Askanne Ramat koatca kur anak atusare somo ki kusu ne na.
Mattaios 10.19-22 §88II
19 Koroka, echi asange ita, nekon a, hemanda an itak ani itak ya gusu iteki nishomap yan: hemanda gusu ne yakun, nei ita echi ye kuni itak anak ne akoropare kusu ne gusu ne na.
Korka, eci=a=sanke hi ta, nekona, hemanta an itak ani itak ya kusu iteki nisomap yan: hemanta kusu ne yakun, ne hi ta eci=ye kuni itak anakne a=korpare kusu ne kusu ne na.
20 Echi yaikota ye itak shomo ne wa, echi koro Michi kon Ramat echi keutura oshiketa itak hawe ne ruwe ne.
Eci=yaykota ye itak somo ne wa, eci=kor Mici kor Ramat eci kewtura oske ta itak hawe ne ruwe ne.
21 Orowa, iriwak anak ne iriwakihi araigere gusu ekoshi, michihi anak ne koro poho sange kusu ne: samata, po utara anak ne koro ona koro unu koiyonnuppa wa raigere kusu ne.
Orowa, irwak anakne iriwakihi a=raykere kusu ekosi, micihi anakne kor poho sanke kusu ne: sama ta, po utar anakne kor ona kor unu koiyonnuppa wa raykere kusu ne.
22 Orowa, echi utara anak ne Ku reihei ankushkeraipo obitta no okai utara orowa no aetunne kusu ne: koroka, okese pakno yaishiporore gurʼanak ne, nei gurʼanak kashiaobiuki kusu ne.
Orowa, eci utar anakne Ku=rehe an kuskeraypo opittano okay utar oro wano a=etunne kusu ne: korka, okes pakno yaysiporore kur anakne, ne kur anak kasiaopiwki kusu ne.
Markos 13.11-13 §141II
11 Orowa, utara echi ani wa ekoshi ita, nekon a katu an itak ani ye ya, iteki etokota nishomap yan; koroka, nei pakihi ta nep ne yakka echi koropare an ambe ani echi ye kusu ne; echi yaikota ye itak shomo ne, Ashkanne Ramat ye itak ne ruwe ne gusu ne na.
Orowa, utar eci ani wa ekosi hi ta, nekona katu an itak ani ye ya, iteki etoko ta nisomap yan; korka, ne pakihi ta nep ne yakka eci=korpare an anpe ani eci=ye kusu ne; eci=yaykota ye itak somo ne, Askanne Ramat ye itak ne ruwe ne kusu ne na.
12 Ainu iriwak anak ne koro ainu iriwak araigere gusu ekoshi, michi anak ne koro poho ekoshi kusu ne; orowa, po utara anak ne koro eshikop kopiuki wa raige kusu ne na.
Aynu irwak anakne kor aynu irwak a=raykere kusu ekosi, mici anakne kor poho ekosi kusu ne; orowa, po utar anakne kor esikop kopiwki wa rayke kusu ne na.
13 Samata, echi utara anak ne Ku reihei rengap gusu obitta no okai utara orowa no aetunne kusu ne: koroka, kesehe pakno yaishiporore guru anak ne, nei guru anak kashi-a-obiuki kusu ne na.
Sama ta, eci utar anakne Ku=rehe renkap kusu opittano okay utar oro wano a=etunne kusu ne: korka, kesehe pakno yaysiporore kur anakne, ne kur anak kasi-a-opiwki kusu ne na.
Roukos 12.11-12 §148II
11 Orowa, utara anak ne Uwekarapa chisei otta hene, esapane utara otta hene, mondum koro utara otta hene echi tak chiki, hemanda ku ye ya, nekon a katu an itak ani ku ese ya, gusu iteki enishomap yan;
Orowa, utar anakne Uekarpa cise or ta hene, esapane utar or ta hene, montum kor utar or ta hene eci=tak ciki, hemanta ku=ye ya, nekona katu an itak ani ku=ese ya, kusu iteki enisomap yan;
12 inambe gusu ne yakun, nei ita anak ne nekon a itak ani echi itak kusu ne ap, Ashkanne Ramat echi epakashnu kusu ne na.
inanpe kusu ne yakun, ne hi ta anakne nekona itak ani eci=itak kusu ne ap, Askanne Ramat eci=epakasnu kusu ne na.
Roukos 12.13-21 §149X
13 Inne utara tumugeta an shine ainu Shinuma otta ene itak-hi :— Epakashnu guru, ku ainu iriwak anak ne eikeshkorobe en otta usaraye kuni ne ye wa en kore.
Inne utar tumke ta an sine aynu Sinuma or ta ene itak hi :— Epakasnu kur, ku=aynu irwak anakne eykeskorope en or ta usaraye kuni ne ye wa en=kore.
14 Koroka, nei guru otta Shinuma ene itak-hi :— Ainu, Kuani anak ne echi otta ipishi hemhem ki, usaraye hemhem ki kuni gusu En kara guru nen ne ruwe he an? ani itak.
Korka, ne kur or ta Sinuma ene itak hi :— Aynu, Kuani anakne eci or ta ipisi hemhem ki, usaraye hemhem ki kuni kusu En=kar kur nen ne ruwe he an? ani itak.
15 Orowa, utara otta ene itak-hi :— Iteki yaikoshipuinere kuni ne yairamatte yan: inambe gusu ne yakun, ainu inotu anak ne poron no korobe okai gusu an ambe shomo ne.
Orowa, utar or ta ene itak hi :— Iteki yaykosipuynere kuni ne yayramatte yan: inanpe kusu ne yakun, aynu inotu anakne poronno kor pe okay kusu an anpe somo ne.
16 Orowa, Shinuma shine itak-maukushte-itak nei utara otta ye-hi :— Shine oteknu ainu kot toi nuye an no ibehe shipiraspa:
Orowa, Sinuma sine itak-mawkuste-itak ne utar or ta ye hi :— Sine oteknu aynu kot toy nuye an no ipehe sipiraspa:
17 awa, nei ainu keutum ta yaikoshiramse wa ene itak-hi :— Nekon a ku ki ya? Ku ibehe eumashnu ushike ku sak ruwe ne gusu ne na.
awa, ne aynu kewtum ta yaykosiramse wa ene itak hi :— Nekona ku=ki ya? Ku=ipehe ewmasnu usike ku=sak ruwe ne kusu ne na.
18 Orowa, tambe ku kara kusu ne, ani itak: Ku puhu ku hokushte wa kasu no porobe ku kara; orowa, nei oshiketa ku goro amam newa ku korobe obitta ku eumashnu kusu ne na.
Orowa, tanpe ku=kar kusu ne, ani itak: Ku puhu ku=hokuste wa kasuno poro p ku=kar; orowa, ne oske ta ku=kor amam newa ku=kor pe opitta ku ewmasnu kusu ne na.
19 Orowa, ku ramat otta ene ku ye-hi; Ramat, inne paha gusu poron no okaibe aeumashnu wa okai; shini yan, ibe hemhem ki, iku hemhem ki, orowa nuchattek wa okai yan, sekoro itak.
Orowa, ku=ramat or ta ene ku=ye hi; Ramat, inne paha kusu poronno okaype aewmasnu wa okay; sini yan, ipe hemhem ki, iku hemhem ki, orowa nucattek wa okay yan, sekor itak.
20 Koroka, nei guru otta Kamui ene itak-hi :— Haita guru, tan ukuran e kon ramat auk kusu ne; orowa, eani etokooiki okaibe, hunna korobe ne kusu ne ya? ani itak.
Korka, ne kur or ta Kamuy ene itak hi :— Hayta kur, tan ukuran e=kor ramat auk kusu ne; orowa, eani etokooyki okaype, hunna kor pe ne kusu ne ya? ani itak.
21 Yaikota gusu aeoteknup eumashnu wa Kamui epeka oteknu shomo ne an gurʼanak ne nei no korachi ne ruwe ne na.
Yaykota kusu aeoteknup ewmasnu wa Kamuy epeka oteknu somo ne an kur anakne néno koraci ne ruwe ne na.
Mattaios 6.25-34 §49V
25 Tambe gusu, echi otta ku ye, echi ishu gusu hemanda echi e, hemanda echi ku, samata, netobake gusu hemanda echi rai, ari an ambe gusu iteki nishomap yan. Inotu anak ne aep kasu no pase ambe shomo ne ruwe he an? Netobake anak ne amip kasu no pase ambe shomo ne ya?
Tanpe kusu, eci or ta ku=ye, eci=i=su kusu hemanta eci=e, hemanta eci=ku, sama ta, netopake kusu hemanta eci=ray, ari an anpe kusu iteki nisomap yan. Inotu anakne aep kasuno pase anpe somo ne ruwe he an? Netopake anakne amip kasuno pase anpe somo ne ya?
26 Rik peka oman chikap ingara yan, nei okaibe toita shomoki, nanke ka shomoki, pu otta eumashnu ka shomoki, yakka kando otta an echi koro Michihi anak ne nei okaibe ibere ruwe ne. Echi utara nei chikap akkari pase ambe shomo ne ruwe he an?
Rik peka oman cikap inkar yan, ne okaype toyta somo ki, nanke ka somo ki, pu or ta ewmasnu ka somo ki, yakka kanto or ta an eci=kor Micihi anakne ne okaype ipere ruwe ne. Eci utar ne cikap akkari pase anpe somo ne ruwe he an?
27 Echi tumugeta inan guru ka nishomap wa shine ik pakno hene yaikewe porore eashkai ya?
Eci=tumke ta inan kur ka nisomap wa sine ik pakno hene yaykewe porore easkay ya?
28 Hemanda gusu echi rai kunip enishomap ya? Nupuri kata an nonno nekon ne wa hetuku ya, sekoro esanniyo yan:
Hemanta kusu eci=ray kunip enisomap ya? Nupuri kata an nonno nekon ne wa hetuku ya, sekor esanniyo yan:
29 monraige shomoki, ishitaige ka shomoki; yakka echi otta Ku ye, Soromon ne yakka iyotta tomte wa an ita anak ne tan nonno pakno eyaitomchiure shomoki ruwe tapan na.
monrayke somo ki, isitayke ka somo ki; yakka eci or ta Ku=ye, Soromon ne yakka iyotta tomte wa an hi ta anakne tan nonno pakno eyaytomciwre somo ki ruwe tapan na.
30 Koroka, Kamui anak ne tan to nup otta okai wa, nishatta auhuika mun nei no tomte no kan ruwe ne chiki nei akkari echi okai utara okai gusu shomoki ya?
Korka, Kamuy anakne tanto nup or ta okay wa, nisatta a=whuyka mun néno tomteno kan ruwe ne ciki ne akkari eci=okay utar okay kusu somo ki ya?
31 aa eishokor-i pon utara humi! tambe gusu, hemanda chi e, hemanda chi ku, shui, nekon a amip ani ayaimire ya? sekoro ye hine iteki nishomap yan;
aa eysokor hi pon utar humi! tanpe kusu, hemanta ci e, hemanta ci ku, suy, nekona amip ani ayaymire ya? sekor ye hine iteki nisomap yan;
32 obitta tan okaibe anak ne oya guru hunarape ne ruwe ne: koroka, kando otta an echi koro Michi anak ne obitta tan okaibe echi koro kunip ne sekoro eraman wa an ruwe tapan na.
opitta tan okaype anakne oya kur hunarape ne ruwe ne: korka, kanto or ta an eci=kor Mici anakne opitta tan okaype eci=kor kunip ne sekor eraman wa an ruwe tapan na.
33 Koroka iyotta hoshiki no Shinuma moshiri hemhem, Shinuma oupeka-i hemhem hunara yan: yakun, tapan okaibe obitta echi akore kusu ne.
Korka iyotta hoskino Sinuma mosir hemhem, Sinuma owpeka hi hemhem hunara yan: yakun, tapan okaype opitta eci=a=kore kusu ne.
34 Tambe gusu, nishatta gusu iteki nishomap yan: nishatta anak ne yaikota gusu nishomap kusu ne. Toho korʼewenbe anak nei toho gusu pakno ne ruwe ne na.
Tanpe kusu, nisatta kusu iteki nisomap yan: nisatta anakne yaykota kusu nisomap kusu ne. Toho kor e=wenpe anakne toho kusu pakno ne ruwe ne na.
Roukos 12.22-31 §150V
22 Orowa, koro koikara utara orota Shinuma ene itak-hi :— Tambe gusu, echi otta Ku ye, echi shiknu kuni gusu hemanda echi e ya? samata, echi kon netobake gusu hemanda echiimi ya? iteki nishomap yan.
Orowa, kor koykar utar oro ta Sinuma ene itak hi :— Tanpe kusu, eci or ta Ku=ye, eci=siknu kuni kusu hemanta eci=e ya? sama ta, eci=kor netopake kusu hemanta eci=imi ya? iteki nisomap yan.
23 Inambe gusu ne yakun, ramat anak ne aep kasu no an ap ne, netobake anak ne amip kasu no an ap ne ruwe ne.
Inanpe kusu ne yakun, ramat anakne aep kasuno an ap ne, netopake anakne amip kasuno an ap ne ruwe ne.
24 Paskuru chikap esanniyo yan, nei okaibe toita shomoki, nange ka shomoki; eumashnu tumbu hene pu hene sak ruwe ne; Kamui anak ne nei ambe ibere ruwe ne: chikap kasu no hemanda ataye shiri echi okai!
Paskur cikap esanniyo yan, ne okaype toyta somo ki, nanke ka somo ki; ewmasnu tumpu hene pu hene sak ruwe ne; Kamuy anakne ne anpe ipere ruwe ne: cikap kasuno hemanta ataye siri eci=okay!
25 Orowa, echi tumta inan guru nishomap wa gusu shine ik pakno kon ramat naa ohon no shiknure eashkai ya?
Orowa, eci=tum ta inan kur nisomap wa kusu sine ik pakno kor ramat naa ohor no siknure easkay ya?
26 Tambe gusu, iyotta ponbe katap echi ki eaikap yakun, nep gusu moshima okaibe gusu echi nishomap ruwe?
Tanpe kusu, iyotta ponpe katap eci=ki eaykap yakun, nep kusu mosma okaype kusu eci=nisomap ruwe?
27 Nonno shukup katu esanniyo yan; nei ambe monraige shomoki, ishitaigi ka shomoki; yakka echi otta Ku ye, Soromon ne yakka chitomte wa an ita anak ne tan shine nonno pakno atomte shomo ruwe tap an na.
Nonno sukup katu esanniyo yan; ne anpe monrayke somo ki, isitayki ka somo ki; yakka eci or ta Ku=ye, Soromon ne yakka citomte wa an hi ta anakne tan sine nonno pakno atomte somo ruwe tapan na.
28 Koroka, Kamui anak ne tanto nup otta okai wa nishatta abe sokot oshiketa aeyapkiri mon katap nei no mire chiki, nei akkari echi okai utara shomo ne ya, aa eishokor-i pon utara?
Korka, Kamuy anakne tanto nup or ta okay wa nisatta ape sokot oske ta a=eyapkir mon katap néno mire ciki, ne akkari eci=okay utar somo ne ya, aa eysokor hi pon utar?
29 Orowa, hemanda echi e, hemanda echi ku kuni iteki hunara yan, samata, keutum iteki utumashire yan.
Orowa, hemanta eci=e, hemanta eci=ku kuni iteki hunara yan, sama ta, kewtum iteki utumasire yan.
30 Inambe gusu ne yakun, moshiri uirup utara obitta nei okaibe hunara ruwe ne: koroka, tan okaibe anak ne echi koro kunip ne sekoro echi koro Michi eramʼan ruwe ne.
Inanpe kusu ne yakun, mosir uyrup utar opitta ne okaype hunara ruwe ne: korka, tan okaype anakne eci=kor kunip ne sekor eci=kor Mici eraman ruwe ne.
31 Yakka Shinuma koro moshiri hunara yan, orowa, tap okaibe obitta echi otta kashi akore kusu ne na.
Yakka Sinuma kor mosir hunara yan, orowa, tap okaype opitta eci or ta kasi a=kore kusu ne na.
Roukos 12.32 §151X
32 Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.
Pon topaha, iteki isitoma yan; eci or ta mosir a=kore hi anakne eci=kor Mici pirka irenka ne ruwe ne.
Mattaios 19.21 §194II
21 Orota Yesu ene itak-hi :— Uhaita sak no an kuni e kon rusui chiki anak ne, oman wa e korobe eihok, orowa, irapokkari guru otta kore, yakun, kando oshiketa ikoro koro kusu ne: orowa, ek wa En osh ek yan.
Oro ta Yesu ene itak hi :— Uhayta sak no an kuni e=kor rusuy ciki anakne, oman wa e=kor pe e=hok, orowa, irapokkari kur or ta kore, yakun, kanto oske ta i=kor kor kusu ne: orowa, ek wa En=os ek yan.
Markos 10.21B §108II
21 Orowa, Yesu nei guru orun nukara wa omap ki, aine, orota ene itak-hi :— E haita ambe shinep an: e oman wa e korobe obitta ehok hine irapokkari guru otta koropare, yak anak ne kando oshiketa aeoteknup e koro kusu ne; orowa no ek wa En osh apkash yan, ari itak.
Orowa, Yesu ne kur orun nukar wa omap ki, ayne, oro ta ene itak hi :— E hayta anpe sinep an: e oman wa e=kor pe opitta e=hok hine irapokkari kur or ta korpare, yakanak ne kanto oske ta aeoteknup e=kor kusu ne; orowano ek wa En=os apkas yan, ari itak.
Roukos 12.33A §152II
33 Echi korobe eihok wa eungeraitep kore yan; fushko ne shomo ki ichen o pukuru kara, ikka guru karange no ek shomoki, shish wende shomoki kando oshiketa okere shomoki aeoteknup ande yan.
Eci=kor pe e=hok wa eunkeraytep kore yan; husko ne somo ki icen o pukuru kar, ikka kur karankeno ek somo ki, sis wente somo ki kanto oske ta okere somo ki aeoteknup ante yan.
Mattaios 6.20-21 §46V
20 koroka, shish ne yakka shikopopbe ne yakka isamka shomoki, ikka guru opattekka wa ikka shomoki kando otta ikoro eumashnu yan:
korka, sis ne yakka sikopoppe ne yakka isamka somo ki, ikka kur opattekka wa ikka somo ki kanto or ta i=kor ewmasnu yan:
21 inambe gusu ne yakun, echi ikoro an ushiketa echi keutum ne yakka an kusu ne gusu ne na.
inanpe kusu ne yakun, eci=i=kor an uske ta eci=kewtum ne yakka an kusu ne kusu ne na.
Roukos 12.33B-34 §153V
33 Echi korobe eihok wa eungeraitep kore yan; fushko ne shomo ki ichen o pukuru kara, ikka guru karange no ek shomoki, shish wende shomoki kando oshiketa okere shomoki aeoteknup ande yan.
Eci=kor pe e=hok wa eunkeraytep kore yan; husko ne somo ki icen o pukuru kar, ikka kur karankeno ek somo ki, sis wente somo ki kanto oske ta okere somo ki aeoteknup ante yan.
34 Inambe gusu ne yakun, echi aeoteknup an ushiketa echi keutum ne yakka an kusu ne gusu ne na.
Inanpe kusu ne yakun, eci aeoteknup an uske ta eci=kewtum ne yakka an kusu ne kusu ne na.
Roukos 12.35-36 §154X
35 Echi kutkoro wa okai hine koro ratchako uhuika wa okai yan;
Eci=kutkor wa okay hine kor ratcako uhuyka wa okay yan;
36 orowa, echi utara anak ne shuke iwai orowa no hoshipi kon nishpa untere, aige, shinuma ek wa apa kokik chiki nani orota sarare kuni okai utara korachi okai yan.
orowa, eci utar anakne suke iway oro wano hosipi kor nispa untere, ayke, sinuma ek wa apa kokik ciki nani oro ta sarare kuni okay utar koraci okay yan.
Mattaios 24.46-47 §266V
46 Kon nishpa ek ita nei no iki guru nukara chiki anunuke ne ruwe ne.
Kor nispa ek hi ta néno iki kur nukar ciki a=nunuke ne ruwe ne.
47 Son no echi otta Ku ye, nishpa anak ne koro wa okaibe obitta nei guru esapanere kusu ne.
Sonno eci or ta Ku=ye, nispa anakne kor wa okaype opitta ne kur esapanere kusu ne.
Roukos 12.37-38 §155V
37 Kon nishpa ek wa shiruwande wa okai anukara usshiune utara anak ne anunuke ne ruwe ne: son no echi otta Ku ye, Kon nishpa anak ne yaikota yai-kutkoro wa, nei utara ibe gusu rokte, orowa, ek wa otta yaishieiwangere kusu ne na.
Kor nispa ek wa siruwante wa okay a=nukar ussiw ne utar anakne a=nunuke ne ruwe ne: sonno eci or ta Ku=ye, Kor nispa anakne yaykota yay-kutkor wa, ne utar ipe kusu rokte, orowa, ek wa or ta yaysieywankere kusu ne na.
38 Orowa, shinuma anak ne, tutanu an shiniwe ita ek hene, re otutanu an shiruwe ita ek hene, nei no okai wa nukara chiki, nei uitek utara anunuke ne ruwe ne.
Orowa, sinuma anakne, tutanu an siniwe hi ta ek hene, re otutanu an siruwe hi ta ek hene, néno okay wa nukar ciki, ne uytek utar a=nunuke ne ruwe ne.
Mattaios 24.43-44 §264II
43 Koroka, tambe echi onnere yan: ikka guru inan pakihi pakita ek ya sekoro chisei kon nishpa eraman chiki, shiruwande wa koro chisei iteki aopattekka kuni ne kan nangon na.
Korka, tanpe eci=onnere yan: ikka kur inan pakihi pakita ek ya sekor cise kor nispa eraman ciki, siruwante wa kor cise iteki aopattekka kuni ne kan nankor na.
44 Tambe gusu echi utara ne yakka etokooiki wa okai yan; inambe gusu ne yakun, echi esanniyo shomoki pakihi ta Ainu Poho ek kusu ne.
Tanpe kusu eci utar ne yakka etokooyki wa okay yan; inanpe kusu ne yakun, eci=esanniyo somo ki pakihi ta Aynu Poho ek kusu ne.
Markos 13.35-37 §155II
35 Tambe gusu, shiruwande yan: inambe gusu ne yakun, chisei kon nishpa hembara ta ek ya, shiri-onuman ita hene, an noshike ta hene, niwatori chikap hau koro ita hene, kunneiwano ita hene, echi eramushkare ruwe ne gusu ne na:
Tanpe kusu, siruwante yan: inanpe kusu ne yakun, cise kor nispa henpara ta ek ya, siri-onuman hi ta hene, an noske ta hene, niwatori cikap hawkor hi ta hene, kunneywano hi ta hene, eci=eramuskare ruwe ne kusu ne na:
36 ikineipeka ika Shinuma ekushkonna ek wa echi mokoro shiri anukara na.
ikineypeka ika Sinuma ekuskonna ek wa eci=mokor siri a=nukar na.
37 Echi otta Ku ye itak obitta no okai utara otta Ku ye :— Shiruwande yan.
Eci or ta Ku=ye itak opittano okay utar or ta Ku=ye :— Siruwante yan.
Roukos 12.39-40 §156II
39 Koroka, tambe onnere yan, ikka guru inan pakita ek ya sekoro chisei kon nishpa eraman chiki, shiruwande wa chisei iteki aopattekka kuni ne kara.
Korka, tanpe onnere yan, ikka kur inan pakita ek ya sekor cise kor nispa eraman ciki, siruwante wa cise iteki aopattekka kuni ne kar.
40 Echi utara ne yakka, etokooiki wa okai yan: inambe gusu ne yakun, echi esanniyo shomoki pakihi ta Ainu Poho ek kusu ne na.
Eci utar ne yakka, etokooyki wa okay yan: inanpe kusu ne yakun, eci=esanniyo somo ki pakihi ta Aynu Poho ek kusu ne na.
Mattaios 24.45 §265V
45 Chisei koro guru koro chisei epunginere ausshiunere kipniukesh wayashnu utara nen ne ruwe he an? Nei utara otta nei pakihi epa ita aep koropare kusu ne.
Cise kor kur kor cise epunkinere aussiwnere kipniwkes wayasnu utar nen ne ruwe he an? Ne utar or ta ne pakihi epa hi ta aep korpare kusu ne.
Mattaios 24.46-47 §266V
46 Kon nishpa ek ita nei no iki guru nukara chiki anunuke ne ruwe ne.
Kor nispa ek hi ta néno iki kur nukar ciki a=nunuke ne ruwe ne.
47 Son no echi otta Ku ye, nishpa anak ne koro wa okaibe obitta nei guru esapanere kusu ne.
Sonno eci or ta Ku=ye, nispa anakne kor wa okaype opitta ne kur esapanere kusu ne.
Roukos 12.41-44 §157V
41 Orowa, Petros ene itak-hi :— Utarapa, un otta tan itak-maukushte-itak E ye ya, obitta no okai utara otta poka E ye ya? ari itak.
Orowa, Petros ene itak hi :— Utarpa, un or ta tan itak-mawkuste-itak E ye ya, opittano okay utar or ta poka E ye ya? ari itak.
42 Orowa, Utarapa ene itak-hi :— Pakihi epa ita utara otta uina kuni aep kore gusu kon nishpa anak ne koro chisei esapanere ikipniukesh wa wayashnu guru nen ne ruwe he an?
Orowa, Utarpa ene itak hi :— Pakihi epa hi ta utar or ta uyna kuni aep kore kusu kor nispa anakne kor cise esapanere ikipniwkes wa wayasnu kur nen ne ruwe he an?
43 Kon nishpa ek wa nei no ki wa anukara wa an uitek guru anak ne anunuke ne ruwe ne.
Kor nispa ek wa néno ki wa a=nukar wa an uytek kur anakne a=nunuke ne ruwe ne.
44 Son no echi otta Ku ye, korope ebitta esapanere kusu ne na.
Sonno eci or ta Ku=ye, kor pe epitta esapanere kusu ne na.
Mattaios 24.48-51 §267V
48 Koroka, wen ausshiunere guru keutumu ta ku kon nishpa ek moire ari ye;
Korka, wen aussiwnere kur kewtumu ta ku=kor nispa ek moyre ari ye;
49 aige, tura no okai auitek utara shirikik, orowa, ihoshki utara tura no ibe hemhem ki iku hemhem ki chiki,
ayke, turano okay awitek utar sirkik, orowa, ihoski utar turano ipe hemhem ki iku hemhem ki ciki,
50 nei usshiune guru esanniyo shomoki toho ta, ek kuni aramu shomoki pakihi ta kon nishpa ek wa nei guru shiri shirikik,
ne ussiw ne kur esanniyo somo ki toho ta, ek kuni a=ramu somo ki pakihi ta kor nispa ek wa ne kur siri sirkik,
51 orowa, kankapkapeka utara tura no eimekbe koropare kusu ne: nei ita anak ne chish hemhem niyorokara hemhem an kusu ne na.
orowa, kankapkapeka utar turano eymekpe korpare kusu ne: ne hi ta anakne cis hemhem niyorkar hemhem an kusu ne na.
Roukos 12.45-46 §158V
45 Koroka, nei usshiune guru anak ne, kon nishpa ek moire, sekoro keutura ta ye wa auitek-ainu hemhem, auitek-mat hemhem shirikik,
Korka, ne ussiw ne kur anakne, kor nispa ek moyre, sekor kewtura ta ye wa awitek-aynu hemhem, awitek-mat hemhem sirkik,
46 orowa, ibe hemhem ki, iku hemhem ki wa ihoshki chiki, nei usshiune guru kon nishpa anak shinuma ek shomoki sekoro esanniyo toho ta, eramu an shomoki pakihi ta ek, aige, nei guru oattuye wa wen utara tura no aimekbe koropare kusu ne.
orowa, ipe hemhem ki, iku hemhem ki wa ihoski ciki, ne ussiw ne kur kor nispa anak sinuma ek somo ki sekor esanniyo toho ta, eramuan somo ki pakihi ta ek, ayke, ne kur oattuye wa wen utar turano aymekpe korpare kusu ne.
Roukos 12.47-48 §159X
47 Orowa, kon nishpa koro ikashpaotte eramʼan wa etokooiki shomoki, ikashpaotte ne yakka nei no ki shomoki ausshiunere guru anak ne poron no ani akokik kusu ne;
Orowa, kor nispa kor ikaspaotte eraman wa etokooyki somo ki, ikaspaotte ne yakka néno ki somo ki aussiwnere kur anakne poronno ani akokik kusu ne;
48 koroka eramushkari no akokik kuni buri ki guru anak ne moyo no ani akoshirikik kusu ne na. Orowa, otta poron no akoropare guru orowa no poron no auk kusu ne: poron no shikkashimare guru orowa no naa poron no auk kusu ne ruwe ne na.
korka eramuskari no akokik kuni puri ki kur anakne moyono ani akosirikik kusu ne na. Orowa, or ta poronno a=korpare kur oro wano poronno auk kusu ne: poronno sikkasmare kur oro wano naa poronno auk kusu ne ruwe ne na.
Mattaios 10.34-36 §95V
34 Kuani anak ne moshiri otta itomo sange kuni gusu Ku ek shiri iteki yainu yan; itomo sange gusu Ku ek shomoki, emush asange gusu Ku ek ruwe ne.
Kuani anakne mosir or ta i=tom sanke kuni kusu Ku=ek siri iteki yaynu yan; i=tom sanke kusu Ku=ek somo ki, emus a=sanke kusu Ku=ek ruwe ne.
35 Inambe gusu ne yakun, Ku ek katu anak ne ainu koro michi eukopire, matne poho ne yakka koro habo eukopire, koshmat koro shiuto-habo eukopire kuni gusu Ku ek nisa ruwe ne:
Inanpe kusu ne yakun, Ku=ek katu anakne aynu kor mici ewkopire, matnepoho ne yakka kor hapo ewkopire, kosmat kor siwto-hapo ewkopire kuni kusu Ku=ek nisa ruwe ne:
36 orowa, ainu epokba utara anak ne yaikota koro uni un utara ne kusu ne ruwe ne.
orowa, aynu epokpa utar anakne yaykota kor uni un utar ne kusu ne ruwe ne.
Roukos 12.49-53 §160V
49 Kuani anak ne shiri kata abe Ku osura kuni gusu Ku ek; awa, abe anak ne aare okere chiki, nekon a Ku ki ya?
Kuani anakne siri kata ape Ku=osura kuni kusu Ku=ek; awa, ape anakne a=are okere ciki, nekona Ku=ki ya?
50 Koroka, uk kuni baptisma an, nei ambe auweomare okere pakno hemanda Ku ramu-pekamam humi!
Korka, uk kuni paptisma an, ne anpe a=ueomare okere pakno hemanta Ku=ramu-pekamam humi!
51 Moshiri kata itomo Ku kore kuni gusu Ku ek sekoro echi yainu ya? Shomo, echi otta Ku ye, upipi ande gusu ne na:
Mosir kata i=tom Ku=kore kuni kusu Ku=ek sekor eci=yaynu ya? Somo, eci or ta Ku=ye, upipi ante kusu ne na:
52 inambe gusu ne yakun, tewa no poka shine chisei ta ashikne niu okai wa utashpa upipi, ren anak ne tun epeka, tun anak ne ren epeka no upipi kusu ne na.
inanpe kusu ne yakun, tewano poka sine cise ta asikne niw okay wa utaspa upipi, ren anakne tun epeka, tun anakne ren epeka no upipi kusu ne na.
53 Ona anak ne okkai-po epeka, okkai-po anak ona epeka; unu anak ne matne-po epeka, matne-po anak unu epeka; shiuto-habo anak ne koshmat epeka, koshmat anak ne shiuto-habo epeka wa uko-upipi kusu ne na.
Ona anakne okkay-po epeka, okkay-po anak ona epeka; unu anakne matne-po epeka, matne-po anak unu epeka; siwto-hapo anakne kosmat epeka, kosmat anakne siwto-hapo epeka wa uko-upipi kusu ne na.
Mattaios 16.2-3 §162V
2 Koroka, orota Shinuma ese wa ene itak-hi :— Onuman anak ne kando kotoro fure gusu, shiri pirika kusu ne sekoro echi ye ruwe ne.
Korka, oro ta Sinuma ese wa ene itak hi :— Onuman anakne kanto kotor hure kusu, siri pirka kusu ne sekor eci=ye ruwe ne.
3 Orowa, kunneiwano anak ne kando kotoro fure, nishkuru ram gusu, tanto shiri wen kusu ne sekoro echi ye ruwe ne. Kando kotoro uwande wa echi eraman, koroka, pakihi gusu an shirosh echi erampeutek ruwe ne.
Orowa, kunneywano anakne kanto kotor hure, niskur ram kusu, tanto siri wen kusu ne sekor eci=ye ruwe ne. Kanto kotor uwante wa eci=eraman, korka, pakihi kusu an siros eci=eranpewtek ruwe ne.
Roukos 12.54-57 §161V
54 Orowa, shui inne utara otta Shinuma ene itak-hi :— Chuppok ta nishkuru hetuku shiri echi nukara chiki, apto ek, ani nani echi itak, orowa no nei no an ruwe ne.
Orowa, suy inne utar or ta Sinuma ene itak hi :— Cuppok ta niskur hetuku siri eci=nukar ciki, apto ek, ani nani eci=itak, orowano néno an ruwe ne.
55 Samata, pikata un rera rui shiri echi nukara chiki, shiri seisek ne kusu ne, ani echi ye; orowa no nei no an ruwe ne.
Sama ta, pikata un rera ruy siri eci=nukar ciki, siri sesek ne kusu ne, ani eci=ye; orowano néno an ruwe ne.
56 Kankapkapeka utara, moshiri newa kando kotoro uwande katu echi eramʼan; koroka, nep gusu pakihi uwande katu echi erampeutek ya?
kankapkapeka utar, mosir newa kanto kotor uwante katu eci=eraman; korka, nep kusu pakihi uwante katu eci=eranpewtek ya?
57 Orowa, nep gusu echi utara yaikota oupekap gusu shomo ko-ipishi ya?
Orowa, nep kusu eci utar yaykota owpekap kusu somo ko-ipisi ya?
Mattaios 5.25-26 §36V
25 Iyepokba guru ru kashi tura no an chiki, tunashi no upakbare yan; ikineipeka nei iyepokba guru koipishi guru otta ekoshi, orowa, ikoipishi guru anak ne tutanu an guru otta e ekoshi wa ipakashnu chisei otta ika e ahunde an kuni gusu ne na.
iyepokpa kur ru kasi turano an ciki, tunasno upakpare yan; ikineypeka ne iyepokpa kur koypisi kur or ta ekosi, orowa, ikoypisi kur anakne tutanu an kur or ta e ekosi wa ipakasnu cise or ta ika e ahunte an kuni kusu ne na.
26 Son no e otta Ku ye, amras pakno an ambe ne yakka shomo e sange yak anak ne e soine eaikap kusu ne ruwe ne na.
Sonno e or ta Ku=ye, amras pakno an anpe ne yakka somo e sanke yakanak ne e soyne eaykap kusu ne ruwe ne na.
Roukos 12.58-59 §162V
58 Orowa, ikineipeka, iteki e epokba guru anak ne koipishi guru otta e tak wa, nei ipishi guru anak yaku koro guru otta e ekoshi, orowa, nei yaku koro guru anak ne upakashnu chisei ta e ahunge kuni ne e epokba guru tura no sapane guru otta oman ita, ru hontomota okai rapoketa nei guru orowa no ahonnere kuni ne kara yan.
Orowa, ikineypeka, iteki e epokpa kur anakne koypisi kur or ta e tak wa, ne ipisi kur anak yaku kor kur or ta e ekosi, orowa, ne yaku kor kur anakne upakasnu cise ta e ahunke kuni ne e epokpa kur turano sapanekur or ta oman hi ta, ru hontom ta okay rapoketa ne kur oro wano a=honnere kuni ne kar yan.
59 Son no e otta Ku ye, shine reptos pakno an ambe ne yakka obitta shomo e sange pakno, nei wano oara e soine shomoki kusu ne na.
Sonno e or ta Ku=ye, sine reptos pakno an anpe ne yakka opitta somo e sanke pakno, ne wano oar e soyne somo ki kusu ne na.