共観表
Mattaios 15.29-39 §160VI
29 Orowa, Yesu nei kotan ekohopi wa Gariraya atui samake un ek nisa ruwe ne; awa, nupuri hemesu wa a nisa ruwe ne.
Orowa, Yesu ne kotan ekohopi wa Gariraya atuy samake un ek nisa ruwe ne; awa, nupuri hemesu wa a nisa ruwe ne.
30 Orowa, orota poro topaha utara, hera utara hene, shiknak utara bene, shomo-itak utara hene, yaiewen utara hene, naa moshima utara hene, inne no tura wa araki hine Shinuma chikiri samaketa are nisa ruwe ne; aige, Shinuma iwangere nisa ruwe ne:
Orowa, oro ta poro topaha utar, her utar hene, siknak utar pene, somo-itak utar hene, yayewen utar hene, naa mosma utar hene, inne no tura wa arki hine Sinuma cikiri samake ta are nisa ruwe ne; ayke, Sinuma iwankere nisa ruwe ne:
31 awa, topaha utara anak ne nei shomo-itak utara itak hawe hemhem, yaiewen guru aiwangere wa okai katu hemhem, hera utara apkash katu hemhem, shiknak utara ingara katu hemhem nukara chiki Israeru un utara koro Kamui ko-iramye nisa ruwe ne na.
awa, topaha utar anakne ne somo-itak utar itak hawe hemhem, yayewen kur aywankere wa okay katu hemhem, her utar apkas katu hemhem, siknak utar inkar katu hemhem nukar ciki Israeru un utar kor Kamuy ko-iramye nisa ruwe ne na.
32 Orowa, Yesu anak ne koikara utara shihekote hotuyekara wa orota ene itak-hi :— Topaha utara tane rere-ko shomo ibe no En tura no okai gusu, Ku erampokiwen wa kore ruwe ne: orowa, ikineipeka ru hontomo ta ika sambe eshingi kuni ne, shomo ibere no Ku payere niukesh ruwe ne, sekoro itak.
Orowa, Yesu anakne koykar utar sihekote hotuyekar wa oro ta ene itak hi :— Topaha utar tane rere-ko somo ipe no En turano okay kusu, Ku=eranpokiwen wa kore ruwe ne: orowa, ikineypeka ru hontomo ta ika sanpe esinki kuni ne, somo ipere no Ku=payere niwkes ruwe ne, sekor itak.
33 Orowa, Shinuma otta koikara utara ene itak-hi :— Ani tap okai poro topaha utara kironnure kuni pakno an pantak tap korachi an nepka isam ushi ta hunak wa koro ya, ari itak.
Orowa, Sinuma or ta koykar utar ene itak hi :— Ani tap okay poro topaha utar kironnure kuni pakno an pantak tap koraci an nep ka isam usi ta hunak wa kor ya, ari itak.
34 Orota Yesu ene itak-hi :— Pantak hempakbe echi koro ya? Orota, Arawanbe an, orowa, cheppo anak pon no ka an ruwe ne, ari itak.
Oro ta Yesu ene itak hi :— Pantak henpakpe eci=kor ya? Oro ta, Arawanpe an, orowa, ceppo anak ponno ka an ruwe ne, ari itak.
35 Orowa, topaha utara shiri kata rok kuni Shinuma kashpaotte, aige, nei arawan pantak newa nei chep uina;
Orowa, topaha utar siri kata rok kuni Sinuma kaspaotte, ayke, ne arwan pantak newa ne cep uyna;
36 aine, yaiiraige ki wa meshpa, orowa koikara utara kore, awa, koikara utara anak ne topaha utara orota koropare nisa ruwe ne.
ayne, yayirayke ki wa mespa, orowa koykar utar kore, awa, koykar utar anakne topaha utar oro ta korpare nisa ruwe ne.
37 Nei utara obitta ibe wa akironnure: orowa, ameshpa wa ikashima ike arawan saranip pakno umomare nisa ruwe ne.
Ne utar opitta ipe wa akironnure: orowa, a=mespa wa ikasma ike arwan saranip pakno umomare nisa ruwe ne.
38 Ibe ainu anak ne poho utara newa shiwentep utara moshima, shi sen nin ne ainu ne ruwe ne.
Ipe aynu anakne poho utar newa siwentep utar mosma, si sen nin ne aynu ne ruwe ne.
39 Orowa, nei topaha utara payere, aige, chip otta ahun hine Magadan kotan koshirepa nisa ruwe ne na.
Orowa, ne topaha utar payere, ayke, cip or ta ahun hine Magadan kotan kosirepa nisa ruwe ne na.
Markos 7.37B-8.10 §76VI
37 Orowa, utara shiri iyokunnure kashpa wa ene itak-hi :— Shinuma nep ne yakka pirika no kanʼnisa: ashpa guru ne yakka nure, shomo itak guru itakte ruwe ne, sekoro itak.
Orowa, utar siri iyokunnure kaspa wa ene itak hi :— Sinuma nep ne yakka pirkano kan nisa: aspa kur ne yakka nure, somo itak kur itakte ruwe ne, sekor itak.
8:1 Nei toho ta shui poro inne utara okai, awa, aep isama, nei ita orota Shinuma koikara utara shihekote hotuyekara wa ene itak-hi :—
Ne toho ta suy poro inne utar okay, awa, aep isam, ne hi ta oro ta Sinuma koykar utar sihekote hotuyekar wa ene itak hi :—
2 Inne utara rampokiwen wa Ku kore na, tane rereko ta En tura no okai wa nep ne yakka ibe shomoki nisa ruwe ne gusu ne na:
Inne utar ranpokiwen wa Ku=kore na, tane rerko ta En turano okay wa nep ne yakka ipe somo ki nisa ruwe ne kusu ne na:
3 shomo ramnu ki no Ku payere chiki, ru hontomota sambe-toranne nangoro; samata, ehangeko no an-i wano araki utara okai ruwe ne, ari itak.
somo ramnu ki no Ku=payere ciki, ru hontom ta sanpe-toranne nankor; sama ta, e=hankeko no an hi wano arki utar okay ruwe ne, ari itak.
4 Orota koikara utara ese wa ene itak-hi :— Nei wano teda tan kim un ushiketa aep ani tan okai utara kironnure eashkai ya? sekoro itak.
Oro ta koykar utar ese wa ene itak hi :— Ne wano teta tan kimun uske ta aep ani tan okay utar kironnure easkay ya? sekor itak.
5 Orowa, Shinuma pantak hempakbe echi koro ya? ari nu. Orota, arawanbe an ani nei utara itak.
Orowa, Sinuma pantak henpakpe eci=kor ya? ari nu. Oro ta, arawanpe an ani ne utar itak.
6 Orowa, inne utara shiri kata rok kuni Shinuma kashpaotte; aige, Shinuma nei arawan pantak uk, awa, yaiiraige ki okere chiki, meshpa hine inne utara kotchaketa sange gusu koro koikara utara otta koropare nisa ruwe ne; awa, nei utara anak ne inne utara kotchaketa sange nisa ruwe ne na.
Orowa, inne utar siri kata rok kuni Sinuma kaspaotte; ayke, Sinuma ne arwan pantak uk, awa, yayirayke ki okere ciki, mespa hine inne utar kotcake ta sanke kusu kor koykar utar or ta korpare nisa ruwe ne; awa, ne utar anakne inne utar kotcake ta sanke nisa ruwe ne na.
7 Samata, cheppo anak moyo no kon ruwe ne; nei ambe Shinuma nunuke okere chiki, chep ne yakka utara kotchaketa sange kuni ikashpaotte nisa ruwe ne.
Sama ta, ceppo anak moyono kor ruwe ne; ne anpe Sinuma nunuke okere ciki, cep ne yakka utar kotcake ta sanke kuni ikaspaotte nisa ruwe ne.
8 Orowa, utara ibe wa akironnure: orowa, ameshpa wa ikashima uibe arawan saranip pakno umomare nisa ruwe ne.
Orowa, utar ipe wa akironnure: orowa, a=mespa wa ikasma uype arwan saranip pakno umomare nisa ruwe ne.
9 Nei utara pishkihi aukotama chiki shi sen nin ne ainu ne: orowa, Shinuma nei utara payere nisa ruwe ne na.
Ne utar piskihi awkotama ciki si sen nin ne aynu ne: orowa, Sinuma ne utar payere nisa ruwe ne na.
10 Orowa, nani Shinuma koro koikara utara tura chip o wa Darmanuta un kotan orun ek nisa ruwe ne na.
Orowa, nani Sinuma kor koykar utar tura cip o wa Darmanuta un kotan orun ek nisa ruwe ne na.
Markos 8.11 §77IV
11 Orowa, Parisee un utara araki wa Shinuma ko-uwepekennu heashi, aige, koramnukara wa kando orowa no aki shirosh ek kuni hunara ruwe ne.
Orowa, Parisee un utar arki wa Sinuma ko-uwepekennu heasi, ayke, koramnukar wa kanto oro wano aki siros ek kuni hunara ruwe ne.
Mattaios 16.4 §163VI
4 Wen wa omoinu koro sanikiri anak ne shirosh hunara ruwe ne, koroka, Yona gusu an shirosh moshima anak shirosh akore shomoki kusu ne na. Orowa, Shinuma nei utara ekohopi wa oman nisa ruwe ne na.
Wen wa omoynu kor sanikiri anakne siros hunara ruwe ne, korka, Yona kusu an siros mosma anak siros a=kore somo ki kusu ne na. Orowa, Sinuma ne utar ekohopi wa oman nisa ruwe ne na.
Markos 8.12-14 §78VI
12 Awa, Shinuma keutum osshi wano tanne heisei ki wa ene itak-hi :— Nep gusu tan ainu ikiri shirosh hunara ya? Son no echi otta Ku ye, tan ainu ikiri otta shirosh
Awa, Sinuma kewtum ossi wano tanne hese ki wa ene itak hi :— Nep kusu tan aynu ikiri siros hunara ya? Sonno eci or ta Ku=ye, tan aynu ikiri or ta siros
13 akore shomoki kusu ne ruwe ne, ari itak. Orowa, Shinuma nei utara moshima no ande wa chip orun ahun hine ikush un arapa nisa ruwe ne na.
a=kore somo ki kusu ne ruwe ne, ari itak. Orowa, Sinuma ne utar mosmano ante wa cip orun ahun hine ikus un arpa nisa ruwe ne na.
14 Orowa, pan koro kuni oira; samata, tura no chip oshiketa shine pantak kasu no pan isam ruwe ne.
Orowa, pan kor kuni oyra; sama ta, turano cip oske ta sine pantak kasuno pan isam ruwe ne.
Mattaios 16.5-6 §164II
5 Orowa, koikara utara anak ne atui kushta shirepa, awa, pantak koro kuni ambe oira nisa ruwe ne.
Orowa, koykar utar anakne atuy kus ta sirepa, awa, pantak kor kuni anpe oyra nisa ruwe ne.
6 Orowa, orota Yesu ene itak-hi :— Parisee un utara newa Saddokai un utara koro pandane yaitubare yan.
Orowa, oro ta Yesu ene itak hi :— Parisee un utar newa Saddokay un utar kor pantane yaytupare yan.
Markos 8.15 §79II
15 Awa, Shinuma nei utara kashpaotte wa ene itak-hi :— Ingarʼan, Parisee un utara koro pan-dane hene Herod koro pan-dane hene yaitubare yan.
Awa, Sinuma ne utar kaspaotte wa ene itak hi :— Inkar=an, Parisee un utar kor pan-tane hene Herod kor pan-tane hene yaytupare yan.
Roukos 12.1C §144II
1 Nei ita, ukata uweotereke pakno shiri inne topaha utara uwekarapa ita anak ne Shinuma hoshiki no koro koikara utara otta ene itak heashi :— Parisee un utara koro pandane yaitubare yan, nei ambe anak kankapkapeka ambe ne ruwe ne.
Ne hi ta, ukata uweotereke pakno siri inne topaha utar uekarpa hi ta anakne Sinuma hoskino kor koykar utar or ta ene itak heasi :— Parisee un utar kor pantane yaytupare yan, ne anpe anak kankapkapeka anpe ne ruwe ne.
Mattaios 16.7-12 §165VI
7 Aige, nei utara anak ne utashpa uwe-upaure wa ene itak-hi :— Tap ambe anak ne pantak chi oira gusu an itak ne, ari itak.
Ayke, ne utar anakne utaspa ue-upawre wa ene itak hi :— Tapanpe anakne pantak ci oyra kusu an itak ne, ari itak.
8 Awa, Yesu tambe eramu an wa ene itak-hi :— Aa eishokor-i pon utara, hemanda gusu pantak echi oira gusu uwe-upaure ruwe he an?
Awa, Yesu tanpe eramuan wa ene itak hi :— Aa eysokor hi pon utar, hemanta kusu pantak eci=oyra kusu ue-upawre ruwe he an?
9 Nei go sen nin ne ainu newa nei ashikne pantak,
Ne ko sen nin ne aynu newa ne asikne pantak,
10 orowa, saranip hempakbe echi umomare ambe hene; samata, shui, nei shi sen nin ne ainu newa arawan pantak orowa saranip hempakbe echi umomare ambe hera hera, echi ramepakari wa eshikarun shomoki ruwe he an?
orowa, saranip henpakpe eci=umomare anpe hene; sama ta, suy, ne si sen nin ne aynu newa arwan pantak orowa saranip henpakpe eci=umomare anpe her her, eci=ramepakari wa esikarun somo ki ruwe he an?
11 Kuani anak ne pantak epeka gusu echi otta Ku ye shomoki ambe hemanda gusu shomo echi ramepakari ya? Koroka, Parisee un utara newa Saddokai un utara koro pandane yaitubare yan.
Kuani anakne pantak epeka kusu eci or ta Ku=ye somo ki anpe hemanta kusu somo eci=ramepakari ya? Korka, Parisee un utar newa Saddokay un utar kor pantane yaytupare yan.
12 Tambe gusu, Shinuma anak ne pantak pandane gusu yaitubare kuni ye ambe shomo ne, koroka Parisee un utara newa Saddokai un utara koro epakashi gusu an itak ne, sekoro koikara utara eraman nisa ruwe ne na.
Tanpe kusu, Sinuma anakne pantak pantane kusu yaytupare kuni ye anpe somo ne, korka Parisee un utar newa Saddokay un utar kor epakasi kusu an itak ne, sekor koykar utar eraman nisa ruwe ne na.
Markos 8.16-21 §80VI
16 Orowa, nei utara utashpa uwe-upaore wa, — Pan isam gusu ne, ari itak.
Orowa, ne utar utaspa ue-upaore wa, — Pan isam kusu ne, ari itak.
17 Yesu tambe eramu an wa orota ene itak-hi :— Hemanda gusu pan sak gusu echi upaore ya? Naa shomo echi eramu hemhem ki ramepakari hemhem ki ya?
Yesu tanpe eramuan wa oro ta ene itak hi :— Hemanta kusu pan sak kusu eci=upaore ya? Naa somo eci=eramu hemhem ki ramepakari hemhem ki ya?
18 Echi keutum anishtere ya? Shiki koro wa shomo echi nukara? Kisara koro wa shomo echi nu?
Eci=kewtum a=nistere ya? Siki kor wa somo eci=nukar? Kisara kor wa somo eci=nu?
19 Shomo echi eshkarun ya? Go sen nin ne ainu otta ashikne pantak Ku meshpa ita, nei ameshpa uibe umomare wa ani hempak no okai saranip echi shikte ya? Orota, tu saranip ikashima wan saranip ne, ari itak.
Somo eci=eskarun ya? Ko sen nin ne aynu or ta asikne pantak Ku=mespa hi ta, ne a=mespa uype umomare wa ani henpak no okay saranip eci=sikte ya? Oro ta, tu saranip ikasma wan saranip ne, ari itak.
20 Orowa, shi sen nin ne ainu otta arawan pantak an ita ameshpa uibe ani hempak saranip echi shikte ya?
Orowa, si sen nin ne aynu or ta arwan pantak an hi ta a=mespa uype ani henpak saranip eci=sikte ya?
21 Orota nei utara, Arawanbe, ari itak. Orota Shinuma ene itak-hi :— Naa shomo echi ramepakari ya?
Oro ta ne utar, Arawanpe, ari itak. Oro ta Sinuma ene itak hi :— Naa somo eci=ramepakari ya?
Markos 8.22-26 §81X
22 Orowa, Betsaida kotan orun araki nisa ruwe ne. Aige, utara anak ne shik-nak guru shinen Shinuma otta tura hine, Shinuma tomooshma kuni koramkoro.
Orowa, Betsayda kotan orun arki nisa ruwe ne. Ayke, utar anakne sik-nak kur sinen Sinuma or ta tura hine, Sinuma tomoosma kuni koramkor.
23 Orowa, Shinuma nei shik-nak guru koro teke kishma wa kotan soige un itura; aige, shiki kata topsekara chiki kashiketa teke ande koro, nepka e nukara ya, ari uwepekennu.
Orowa, Sinuma ne sik-nak kur kor teke kisma wa kotan soyke un itura; ayke, siki kata topsekar ciki kasike ta teke ante kor, nep ka e nukar ya, ari uwepekennu.
24 Nei guru hepuni ingara wa, utara ku nukara, chikuni nei no anukarabe apkash korʼan-hi ku nukara na, ari itak.
Ne kur hepuni inkar wa, utar ku=nukar, cikuni néno anukarape apkas kor an hi ku=nukar na, ari itak.
25 Orowa, shui Shinuma nei guru shiki kata teke ande ruwe ne; orowa, shinuma irammakaka ingara koro aiwangere, aige, nep ne yakka irammakaka nukan nisa ruwe ne na.
Orowa, suy Sinuma ne kur siki kata teke ante ruwe ne; orowa, sinuma irammakaka inkar kor aywankere, ayke, nep ne yakka irammakaka nukar nisa ruwe ne na.
26 Orowa, koro uni orun Shinuma nei guru omande hine ene itak-hi :— Iteki kotan otta ahun poka ki yan, ari itak.
Orowa, kor uni orun Sinuma ne kur omante hine ene itak hi :— Iteki kotan or ta ahun poka ki yan, ari itak.
Mattaios 16.13-16 §166I
13 Orowa, Yesu, anak ne Kaisarea Pirippos kotan an ushita ek wa an ita, koro koikara utara otta ene uwepekennu-hi :— Ainu Poho anak ne nen ne kuni utara ye ruwe he okai?
Orowa, Yesu, anakne Kaysarea Pirippos kotan an usi ta ek wa an hi ta, kor koykar utar or ta ene uwepekennu hi :— Aynu Poho anakne nen ne kuni utar ye ruwe he okay?
14 Orota nei utara ene itak-hi :— Baptisma kore Yoannes ne ye utara ka okai; Ericha ani ye utara ka okai; Yeremia hene, uweingara utara tumuge un shine uweingara guru bene ye utara ka okai ruwe ne, ari ye nisa ruwe ne.
Oro ta ne utar ene itak hi :— Baptisma kore Yoannes ne ye utar ka okay; Erica ani ye utar ka okay; Yeremia hene, ueinkar utar tumuke un sine ueinkar kur pene ye utar ka okay ruwe ne, ari ye nisa ruwe ne.
15 Orota, Shinuma ene itak-hi :— Echi utara anak Kuani nen ne kuni echi ye ruwe he an?
Oro ta, Sinuma ene itak hi :— Eci utar anak Kuani nen ne kuni eci=ye ruwe he an?
16 Simon Petros ese wa ene itak-hi :— Aokai anak ne Kiristo ne: Ishu Kamui koro Poho E ne ruwe ne, ari itak.
Simon Petros ese wa ene itak hi :— Aokay anakne Kiristo ne: I=su Kamuy kor Poho E ne ruwe ne, ari itak.
Markos 8.27-29A §82I
27 Orowa, Yesu newa koro koikara utara anak ne paye wa Kaisarea Piripos kotan otta ahup nisa ruwe ne: awa, ru hontomota koikara utara otta Shinuma uwepekennu wa ene itak-hi :— Kuani anak ne nen ne kuni utara ye ya?
Orowa, Yesu newa kor koykar utar anakne paye wa Kaysarea Piripos kotan or ta ahup nisa ruwe ne: awa, ru hontom ta koykar utar or ta Sinuma uwepekennu wa ene itak hi :— Kuani anakne nen ne kuni utar ye ya?
28 Orota nei utara ene ye-hi :— Baptisma kore Yoannes ne ari ye utara okai: Ericha ani ye utara okai; koroka, moshima utara anak, uweingara utara tumuge un shine uweingara guru E ne ruwe ne, ani ye ruwe ne, sekoro itak.
Oro ta ne utar ene ye hi :— Baptisma kore Yoannes ne ari ye utar okay: Erica ani ye utar okay; korka, mosma utar anak, ueinkar utar tumuke un sine ueinkar kur E ne ruwe ne, ani ye ruwe ne, sekor itak.
29 Tata otta Shinuma ene nu-hi :— Echi utara anak Kuani nen ne kuni echi ye ruwe he an? Petros ese wa orota ene itak-hi :—
Tata or ta Sinuma ene nu hi :— Eci utar anak Kuani nen ne kuni eci=ye ruwe he an? Petros ese wa oro ta ene itak hi :—
Roukos 9.18-20 §94I
18 Orowa, Shinuma shinen ne po inonno-itak ki wa an, awa, koro koikara utara tura no okai ruwe ne: orowa :— Kuani anak inan guru Ku ne ya inne topaha utara ye ruwe he an? ani Shinuma ko-uwepekennu. Nei utara ese wa ene itak-hi :—
Orowa, Sinuma sinen ne po inonno-itak ki wa an, awa, kor koykar utar turano okay ruwe ne: orowa :— Kuani anak inan kur Ku ne ya inne topaha utar ye ruwe he an? ani Sinuma ko-uwepekennu. Ne utar ese wa ene itak hi :—
19 Baptisma kore Yoannes ne ari ye utara okai; Ericha E ne ruwe ne ari ye utara ka okai; koroka, fushkotoita an uweingara guru shui hopuni ruwe ne ani ye utara ka okai ruwe ne, ari itak.
paptisma kore Yoannes ne ari ye utar okay; Erica E ne ruwe ne ari ye utar ka okay; korka, huskotoyta an ueinkar kur suy hopuni ruwe ne ani ye utar ka okay ruwe ne, ari itak.
20 Orota Shinuma ene itak-hi :— Koroka, echi okai utara anak ne inan guru Ku ne ya sekoro echi ye ruwe he an? Petros ese wa :— Aokai anak ne Kamui koro Kiristo E ne ruwe ne, ani itak.
Oro ta Sinuma ene itak hi :— Korka, eci=okay utar anakne inan kur Ku ne ya sekor eci=ye ruwe he an? Petros ese wa :— Aokay anakne Kamuy kor Kiristo E ne ruwe ne, ani itak.
Yoannes 1.41-42 §17I
41 Tan guru hoshiki no koro iriwak ne Simon koekari wa, — Chi utara Messia koekari ash nisa ruwe ne (tan itak iporose an katu anak ne “Kiristo” ani an iporose ne ruwe ne), sekoro orota ye ruwe ne.
Tan kur hoskino kor irwak ne Simon koekari wa, — Ci utar Messia koekari as nisa ruwe ne (tan itak iporose an katu anakne “Kiristo” ani an iporose ne ruwe ne), sekor oro ta ye ruwe ne.
42 Orowa, shinuma Yesu otta atura wa ek. Yesu shinuma nukara wa ene itak-hi :— Yoannes poho Simon e ne ruwe ne: eani Kepas ani aye kusu ne (tan itak eipakita ne yakun “Shuma” ani an itak ani ibehe kon ruwe ne).
Orowa, sinuma Yesu or ta a=tura wa ek. Yesu sinuma nukar wa ene itak hi :— Yoannes poho Simon e ne ruwe ne: eani Kepas ani a=ye kusu ne (tan itak e=pakita ne yakun “Suma” ani an itak ani ipehe kor ruwe ne).
Yoannes 6.68-69 §74I
68 Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.
Or ta Simon Petros ene ese hi :— Utarpa, inan kur or ta paye as kusu ne ya? Aokay anakne ramma okere somo ki inotu oma itak E=kor ruwe ne.
69 Samata, Aokai anak ne Kamui koro Ashkannep E ne ruwe ne, sekoro chi eishokoro wa chi eraman nisa ruwe ne na, ani itak.
Sama ta, Aokay anakne Kamuy kor Askannep E ne ruwe ne, sekor ci eysokor wa ci eraman nisa ruwe ne na, ani itak.
Mattaios 16.20-21 §168II
20 Orowa Shinuma anak ne Kiristo ne sekoro iteki moshima guru otta nure kuni koikara utara eikashpaotte nisa ruwe ne na.
Orowa Sinuma anakne Kiristo ne sekor iteki mosma kur or ta nure kuni koykar utar e=kaspaotte nisa ruwe ne na.
21 Nei i orowa no Yesu anak ne Yerusarem kotan orota oman wa ekashi orowa no hemhem Kamui kora kenru esapane utara orowa no hemhem, kambi-nuye utara orowa no hemhem inne okaibe gusu ramuashitnere, aige, araige hine rere-ko an ita hetopo-a-shiknure kusu ne ari an ambe koro koikara utara otta epakashnu heashi nisa ruwe ne.
Ne i oro wano Yesu anakne Yerusarem kotan oro ta oman wa ekasi oro wano hemhem Kamuy kor kenru esapane utar oro wano hemhem, kampi-nuye utar oro wano hemhem inne okaype kusu ramuasitnere, ayke, arayke hine rere-ko an hi ta hetopo-a-siknure kusu ne ari an anpe kor koykar utar or ta epakasnu heasi nisa ruwe ne.
Markos 8.29B-32A §83II
29 Tata otta Shinuma ene nu-hi :— Echi utara anak Kuani nen ne kuni echi ye ruwe he an? Petros ese wa orota ene itak-hi :—
Tata or ta Sinuma ene nu hi :— Eci utar anak Kuani nen ne kuni eci=ye ruwe he an? Petros ese wa oro ta ene itak hi :—
30 Aokai anak ne Kiristo ne ruwe ne. Orowa, tan orushpe iteki moshima guru otta nure kuni Shinuma kashpaotte nisa ruwe ne.
Aokay anakne Kiristo ne ruwe ne. Orowa, tan oruspe iteki mosma kur or ta nure kuni Sinuma kaspaotte nisa ruwe ne.
31 Orowa, Ainu Poho poron no aramushitnere wa ekashi utara orowa no hemhem, Kamui kora kenru esapane utara orowa no hemhem, kambi-nuye utara orowa no hemhem aemaka hine araige, samata, rereko an ita hetopo-shiknu kuni orushpe nei utara otta epakashnu heashi nisa ruwe ne.
Orowa, Aynu Poho poronno a=ramusitnere wa ekasi utar oro wano hemhem, Kamuy kor kenru esapane utar oro wano hemhem, kampi-nuye utar oro wano hemhem a=emaka hine arayke, sama ta, rerko an hi ta hetopo-siknu kuni oruspe ne utar or ta epakasnu heasi nisa ruwe ne.
32 Shinuma tan itak anu no ye nisa ruwe ne. Orowa, Petros Shinuma uk wa ko-sakayokara heashi ruwe ne.
Sinuma tan itak anu no ye nisa ruwe ne. Orowa, Petros Sinuma uk wa ko-sakayokar heasi ruwe ne.
Roukos 9.21-22 §95II
21 Koroka, tan orushpe iteki moshima utara nure kuni ne Shinuma kashpaotte nisa ruwe ne; samata, ene itak-hi :—
Korka, tan oruspe iteki mosma utar nure kuni ne Sinuma kaspaotte nisa ruwe ne; sama ta, ene itak hi :—
22 Ainu Poho anak ne poron no aeyairamushitnere kusu ne, aige, ekashi utara orowa no hene, Kamui kora kenru esapane utara orowa no hene, kambi-nuye utara orowa no hene aemaka, orowa, araige wa rereko an ita hetopo-a-shiknure kusu ne na, ari itak.
Aynu Poho anakne poronno aeyayramusitnere kusu ne, ayke, ekasi utar oro wano hene, Kamuy kor kenru esapane utar oro wano hene, kampi-nuye utar oro wano hene a=emaka, orowa, arayke wa rerko an hi ta hetopo-a-siknure kusu ne na, ari itak.
Mattaios 16.22-23 §169VI
22 Orowa, Petros anak ne Shinuma uk wa kosakayokara hine ene itak-hi :— Aerampokiwen wa akore, Utarapa, tap okaibe anak ne ara E epeka shomoki kusu ne na, sekoro itak.
Orowa, Petros anakne Sinuma uk wa kosakayokar hine ene itak hi :— A=eranpokiwen wa a=kore, Utarpa, tap okaype anakne ar E epeka somo ki kusu ne na, sekor itak.
23 Koroka, Shinuma hosari wa Petros otta ene itak-hi :— Satan, En oshmake un oman; eani anak ne En gusu an ureepetchiurep e ne, eani anak ne Kamui gusu an orushpe esanniyo shomoki, ainu gusu an orushpe esaniyo ruwe ne gusu ne na, sekoro itak.
Korka, Sinuma hosari wa Petros or ta ene itak hi :— Satan, En=osmake un oman; eani anakne En kusu an ureepetciwrep e ne, eani anakne Kamuy kusu an oruspe esanniyo somo ki, aynu kusu an oruspe esaniyo ruwe ne kusu ne na, sekor itak.
Markos 8.32B-33 §84VI
32 Shinuma tan itak anu no ye nisa ruwe ne. Orowa, Petros Shinuma uk wa ko-sakayokara heashi ruwe ne.
Sinuma tan itak anu no ye nisa ruwe ne. Orowa, Petros Sinuma uk wa ko-sakayokar heasi ruwe ne.
33 Koroka, Shinuma hosari wa koro koikara utara nukara hine Petros orun ko-sakayokara wa ene itak-hi :— Satan, En oshmake un oman; eani anak ne Kamui orushpe esanniyo shomoki no ainu orushpe esanniyo ruwe ne gusu ne na, ari itak.
Korka, Sinuma hosari wa kor koykar utar nukar hine Petros orun ko-sakayokar wa ene itak hi :— Satan, En=osmake un oman; eani anakne Kamuy oruspe esanniyo somo ki no aynu oruspe esanniyo ruwe ne kusu ne na, ari itak.
Mattaios 16.24-26 §170II
24 Orowa no Yesu anak ne koro koikara utara otta ene itak-hi :— Nen ne yakka En osh ek kuni ramu guru an chiki, yaikota yaieshina wa koro utasap ani wa En osh ek yan.
Orowano Yesu anakne kor koykar utar or ta ene itak hi :— Nen ne yakka En=os ek kuni ramu kur an ciki, yaykota yayesina wa kor utasa p ani wa En=os ek yan.
25 Inambe gusu ne yakun, nen ne yakka kon ramat kaobiuki kuni esanniyo guru anak ne nei ambe turainu kusu ne; orowa, Ku rengap gusu kon ramat turainu gurʼanak ne nei ambe pa kusu ne ruwe ne gusu ne na.
Inanpe kusu ne yakun, nen ne yakka kor ramat kaopiwki kuni esanniyo kur anakne ne anpe turaynu kusu ne; orowa, Ku=renkap kusu kor ramat turaynu kur anakne ne anpe pa kusu ne ruwe ne kusu ne na.
26 Inambe gusu ne yakun, Ainu anak ne moshirʼebitta eyaiepirikare wa kon ramat eyaiewende yak anak ne, hemanda ani aeyaiepirikare ruwe he an? Orowa, ramat shirihine ainu anak ne nep koropare ruwe he an?
Inanpe kusu ne yakun, Aynu anakne mosir epitta eyayepirikare wa kor ramat eyayewente yakanak ne, hemanta ani aeyayepirikare ruwe he an? Orowa, ramat sirihi ne aynu anakne nep korpare ruwe he an?
Markos 8.34-37 §85II
34 Orowa, orota inne utara newa koro koikara utura tura shibekote hotuyekara wa otta ene itak-hi :— En osh ek kuni esanniyo guru an chiki, yaikota yaiesbina hine koro utasap ani wa En oshi ekte yan.
Orowa, oro ta inne utar newa kor koykar utura tura sipekote hotuyekar wa or ta ene itak hi :— En=os ek kuni esanniyo kur an ciki, yaykota yayespina hine kor utasa p ani wa En=osi ekte yan.
35 Inambe gusu ne yakun, kon ramat shiknure kuni esanniyo gurʼanak ne nei ambe turainu kusu ne; orowa, Ku rengap gusu hemhem pirika shongo rengap gusu hemhem kon ramat turainu gurʼanak ne, nei ambe shiknure kusu ne gusu ne na.
Inanpe kusu ne yakun, kor ramat siknure kuni esanniyo kur anakne ne anpe turaynu kusu ne; orowa, Ku=renkap kusu hemhem pirka sonko renkap kusu hemhem kor ramat turaynu kur anakne, ne anpe siknure kusu ne kusu ne na.
36 Ainu anak moshirʼebitta eyaiepirikare, aige, kon ramat turainu chiki nep aeyaiepirikarep an ruwe he an?
Aynu anak mosir epitta eyayepirikare, ayke, kor ramat turaynu ciki nep aeyayepirikarep an ruwe he an?
37 Samata, kon ramat shirihine ainu anak ne nep itasa kore kusu ne ya?
Sama ta, kor ramat sirihi ne aynu anakne nep itasa kore kusu ne ya?
Roukos 9.23-25 §96II
23 Orowa, Shinuma obitta no okai utara otta ene ye-hi :— En osh ek kuni esanniyo guru an chiki yaikota yaieshina wa kesto koro utasap ani wa En osh ek yan.
Orowa, Sinuma opittano okay utar or ta ene ye hi :— En=os ek kuni esanniyo kur an ciki yaykota yayesina wa kesto kor utasa p ani wa En=os ek yan.
24 Inambe gusu ne yakun, kon ramat shiknure kuni esanniyo guru anak ne ramat turainu kusu ne; koroka, Ku rengap gusu kon ramat turainu gurʼanak ne nei ambe shiknure kusu ne.
Inanpe kusu ne yakun, kor ramat siknure kuni esanniyo kur anakne ramat turaynu kusu ne; korka, Ku=renkap kusu kor ramat turaynu kur anakne ne anpe siknure kusu ne.
25 Ainu anak ne moshirʼebitta eyaiepirikare wa yaikota yai turainu hene ki eyaiwende hene ki yak anak ne nep ani aeyaiepirikarep an ruwe he an?
Aynu anakne mosir epitta eyayepirikare wa yaykota yay turaynu hene ki eyaywente hene ki yakanak ne nep ani aeyayepirikarep an ruwe he an?
Mattaios 10.33 §94II
33 Koroka, nen ne yakka moshima guru tek-samta en eshikashke guru an chiki, Kuani ne yakka kando otta an Ku goro Michi tek samta nei guru eshikashke kusu ne na.
Korka, nen ne yakka mosma kur tek-sam ta en=esikaske kur an ciki, Kuani ne yakka kanto or ta an Ku=kor Mici teksam ta ne kur esikaske kusu ne na.
Markos 8.38 §86II
38 Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.
Inan kur ne yakka tane okay hoiyo newa wen aynu ikiri ta Ku=kor oruspe newa Ku=kor itak e=yaynikorosma kur anakne, Aynu poho ne yakka askanne hawturunpe turano kor Mici a=rakur kor wa ek hi ta, ne kur e=yaynikorosma kusu ne.
Roukos 9.26 §97II
26 Koroka, Kuani newa Ku ye itak eyainikoroshina guru an chiki, Ainu Poho yaikota newa koro Michi newa Ashkanne hauturumbe newa koro nupeki otta ek ita anak ne Ainu Poho ne yakka nei guru eyainikoroshma kusu ne.
Korka, Kuani newa Ku=ye itak eyaynikorosina kur an ciki, Aynu Poho yaykota newa kor Mici newa Askanne hawturunpe newa kor nupeki or ta ek hi ta anakne Aynu Poho ne yakka ne kur e=yaynikorosma kusu ne.