共観表
Mattaios 15.1-11 §154VI
1 Orowa, Yerusarem kotan wano Parisee un utara hemhem kambi-nuye utara hemhem Yesu orota araki wa ene itak-hi :—
Orowa, Yerusarem kotan wano Parisee un utar hemhem kampi-nuye utar hemhem Yesu oro ta arki wa ene itak hi :—
2 Hemanda gusu E koro koikara utara anak ne ekashi oina ohaita ruwe he an? Inambe gusu ne yakun, ibe etokota shomo tekehe furaye ruwe ne gusu ne na, sekoro itak.
Hemanta kusu E=kor koykar utar anakne ekasi oyna ohay ta ruwe he an? Inanpe kusu ne yakun, ipe etoko ta somo tekehe huraye ruwe ne kusu ne na, sekor itak.
3 Shinuma ese wa ene itak-hi :— Hemanda gusu echi utara ne yakka yaikota koro oina gusu Kamui ikashpaotte ohaita ruwe he an?
Sinuma ese wa ene itak hi :— Hemanta kusu eci utar ne yakka yaykota kor oyna kusu Kamuy ikaspaotte ohay ta ruwe he an?
4 Inambe gusu ne yakun, e koro onaha e koro unuhu kooripak yan; orowa, koro ona koro unu ohaigekara guru anak ne son no poka rai kusu ne,
Inanpe kusu ne yakun, e=kor onaha e=kor unuhu kooripak yan; orowa, kor ona kor unu ohaykekar kur anakne sonno poka ray kusu ne,
5 ari an itak ani Kamui itak. Koroka, nen ne yakka — Ani eani epirikare kuni gusu an ambe anak ne ayange okere ari an itak ani koro ona koro unu otta ye guru anak ne;
ari an itak ani Kamuy itak. Korka, nen ne yakka — Ani eani e=pirkare kuni kusu an anpe anakne a=yanke okere ari an itak ani kor ona kor unu or ta ye kur anakne;
6 shinuma anak koro onaha kooripak shomoki kusu ne ruwe ne. Echi utara anak ne koro oina gusu Kamui itak isamka ruwe ne.
sinuma anak kor onaha kooripak somo ki kusu ne ruwe ne. Eci utar anakne kor oyna kusu Kamuy itak isamka ruwe ne.
7 Kankapkapeka echi utara, Isaya anak ne irammakaka
kankapkapeka eci utar, Isaya anakne irammakaka
8 echi epeka no uweingara wa ene ye-hi :— Tan utara anak ne patoi ani en kooripak;
eci=epeka no ueinkar wa ene ye hi :— Tan utar anakne patoy ani en=kooripak;
9 Koroka, keutum anak ne En orowa no ukattuima no okai ruwe ne. Koroka, Ainu kara epakashi epakashnu gusu, Raka isam no en koongami ruwe ne,
Korka, kewtum anakne En=oro wano ukattuymano okay ruwe ne. Korka, Aynu kar epakasi epakasnu kusu, Raka isam no en=koonkami ruwe ne,
10 Orowa, Shinuma topaha utara shihekote hotuyekara wa orota ene itak-hi :—
Orowa, Sinuma topaha utar sihekote hotuyekar wa oro ta ene itak hi :—
11 Nu wa eramu yan: Paroho orota ahunbe anak ne ainu turu-ushtep shomo ne; koroka, paroho orowa no oashinbe anak ne tambe ainu turu-ushte ruwe ne.
Nu wa eramu yan: Paroho oro ta a=hunpe anakne aynu tur-ustep somo ne; korka, paroho oro wano oasinpe anakne tanpe aynu tur-uste ruwe ne.
Markos 7.5-16 §71VI
5 Orowa, Parisee un utara newa kambi-nuye utara Shinuma otta ene itak-hi :— Hemanda gusu E koikara utara anak ne ekashi koro oina nei no apkash shomoki no use teke ani aep ibe ya? ari nu.
Orowa, Parisee un utar newa kampi-nuye utar Sinuma or ta ene itak hi :— Hemanta kusu E koykar utar anakne ekasi kor oyna néno apkas somo ki no use teke ani aep ipe ya? ari nu.
6 Orota Yesu ene itak-hi :— Kankapkapeka utara, echi utara gusu chieshinnuye wa an korachi, Isaya pirika no uweingara ki :— Tan utara anak ne koro papush ani en ko-oripak, Koroka, koro keutum anak ne en kattuima no okai ruwe ne.
Oro ta Yesu ene itak hi :— Kankapkapeka utar, eci utar kusu ciesinnuye wa an koraci, Isaya pirkano ueinkar ki :— Tan utar anakne kor papus ani en=ko-oripak, Korka, kor kewtum anakne en=kattuyma no okay ruwe ne.
7 Koroka, raka isam no nei utara en ko-ongami, Ainu kara epakashi ani ipawetenge nei no epakashnu ruwe ne na.
Korka, raka isam no ne utar en=ko-onkami, Aynu kar epakasi ani ipawetenke néno epakasnu ruwe ne na.
8 Echi utara anak ne Kamui sange kashpaotte emaka wa ainu kara oina shikkashima ruwe ne.
Eci utar anakne Kamuy sanke kaspaotte emaka wa aynu kar oyna sikkasima ruwe ne.
9 Shui, orota Shinuma ene itak-hi :— Echi koro oina nei no echi ki kuni ne, Kamui ikashpaotte earikinne echi ekatupase ruwe ne.
Suy, oro ta Sinuma ene itak hi :— Eci=kor oyna néno eci=ki kuni ne, Kamuy ikaspaotte earikinne eci ekatupase ruwe ne.
10 Inambe gusu ne yakun, Mose ene itak-hi :— E koro ona e koro unu eoripak yan, orowa, koro ona koro unu gusu wen itak sange gurʼanak ne son no poka nei rai ambe erairero: ari Mose itak.
Inanpe kusu ne yakun, Mose ene itak hi :— E=kor ona e=kor unu eoripak yan, orowa, kor ona kor unu kusu wen itak sanke kur anakne sonno poka ne ray anpe erayrero: ari Mose itak.
11 Koroka, nen ne yakka ani en orowa no e yai-epirikare eashkaibe Korban ne, nei ambe anak, Kamui otta
Korka, nen ne yakka ani en=oro wano e yay-e=pirkare easkay pe Korban ne, ne anpe anak, Kamuy or ta
12 ayangep ne ari an itak ani koro ona koro unu otta ye chiki, nei ona unu gusu nep ne yakka ki kuni echi hattoki ruwe ne;
ayankep ne ari an itak ani kor ona kor unu or ta ye ciki, ne ona unu kusu nep ne yakka ki kuni eci hattoki ruwe ne;
13 echi utara anak ne echi sange oina ani Kamui itak isamka; samata, inne nei no okaibe echi ki ruwe ne.
eci utar anakne eci=sanke oyna ani Kamuy itak isamka; sama ta, inne néno okaype eci=ki ruwe ne.
14 Orowa, kanna shui inne utara shikekote
Orowa, kanna suy inne utar sikekote
15 hotuyekara wa orota ene itak-hi :— Echi utara obitta En nu wa eramu yan; nep ne yakka ainu soige wa an okaibe ainu oshike un ahun wa shinuma turu-ushtep isama:
hotuyekar wa oro ta ene itak hi :— Eci utar opitta En=nu wa eramu yan; nep ne yakka aynu soyke wa an okaype aynu osike un ahun wa sinuma tur-ustep isam:
16 koroka, ainu orowa no oashin ambe anak ne ainu turu-ushte ruwe ne.
korka, aynu oro wano oasin anpe anakne aynu tur-uste ruwe ne.
Mattaios 15.12-13 §155X
12 Orowa, koikara utara araki wa ene itak-hi :— Parisee un utara tap itak nu ita irushka ruwe ne, sekoro Aokai eramu an ya?
Orowa, koykar utar arki wa ene itak hi :— Parisee un utar tap itak nu hi ta iruska ruwe ne, sekor Aokay eramuan ya?
13 Koroka, Shinuma ese wa ene itak-hi :— Nep aetoitap ne yakka kando otta an Ku goro Michi orowa no aetoita shomoki yak anak ne arishpa kusu ne na.
Korka, Sinuma ese wa ene itak hi :— Nep aetoytap ne yakka kanto or ta an Ku=kor Mici oro wano aetoyta somo ki yakanak ne a=rispa kusu ne na.
Mattaios 15.14 §156V
14 Nei utara moshima okai yan; shiknak ru-epakashnu utara ne ruwe ne. Orowa, shiknak guru anak ne shiknak guru ru epakashnu chiki, tun kane shui oro-oshima kusu ne.
Ne utar mosma okay yan; siknak ru-epakasnu utar ne ruwe ne. Orowa, siknak kur anakne siknak kur ru epakasnu ciki, tun kane suy oro-osma kusu ne.
Roukos 6.39 §57V
39 Orowa, nei utara otta Shinuma itak-maukushte-itak ne yakka ye :— Shiknak guru anak ne shiknak guru ani eashkai ya? Tun kane shui oro oshma shomoki kusu ne ya?
Orowa, ne utar or ta Sinuma itak-mawkuste-itak ne yakka ye :— Siknak kur anakne siknak kur ani easkay ya? Tun kane suy oro osma somo ki kusu ne ya?
Mattaios 15.15-23 §157VI
15 Orowa, Petros anak ne Shinuma otta ese wa ene itak-hi :— Tan itak-maukushte-itak un gusu pita wa en kore, ari itak.
Orowa, Petros anakne Sinuma or ta ese wa ene itak hi :— Tan itak-mawkuste-itak un kusu pita wa en=kore, ari itak.
16 Shinuma ene ye-hi :— Tane ne yakka naa echi utara poka erampeutek ruwe he an?
Sinuma ene ye hi :— Tane ne yakka naa eci utar poka eranpewtek ruwe he an?
17 Nep ne yakka paroho otta ahunbe anak ne honi oshiketa ran wa rera otta aoashinge ruwe ne, sekorʼambe echi erampeutek ya?
Nep ne yakka paroho or ta a=hunpe anakne honi oske ta ran wa rera or ta a=oasinke ruwe ne, sekor anpe eci=eranpewtek ya?
18 Koroka, paro orowa no hetukup anak ne keutum orowa no ek ruwe ne; nei okaibe anak ainu turu-ushtep ne.
Korka, paro oro wano hetuku p anakne kewtum oro wano ek ruwe ne; ne okaype anak aynu tur-ustep ne.
19 Inambe gusu ne yakun, wen yainu-hi hene, keukbe hene, omoinu ambe hene, hoiyop hene, ikka ambe hene, shunge paweteshu ki ambe hene, sakayokara ambe hene, ainu keutum wano hetuku ruwe ne gusu ne na:
Inanpe kusu ne yakun, wen yaynu hi hene, keukpe hene, omoynu anpe hene, hoiyop hene, ikka anpe hene, sunke pawetesu ki anpe hene, sakayokar anpe hene, aynu kewtum wano hetuku ruwe ne kusu ne na:
20 tan okaibe anak ne ainu turu-ushte okaibe ne ruwe ne; koroka, tekehe furaye shomoki no ibe katu anak ne ainu turu-ushte shomoki ruwe ne na.
tan okaype anakne aynu tur-uste okaype ne ruwe ne; korka, tekehe huraye somo ki no ipe katu anakne aynu tur-uste somo ki ruwe ne na.
21 Orowa Yesu nei i wano paye wa Turos newa Sidon kotan pishkanikepeka orun arapa nisa ruwe ne.
Orowa Yesu ne i wano paye wa Turos newa Sidon kotan piskanike peka orun arpa nisa ruwe ne.
22 Awa, shine Kanaan moshirʼun shiwentep nei samake ta an kotan wano ek wa hawe ashte hine ene itak-hi :—
Awa, sine Kanaan mosir un siwentep ne samake ta an kotan wano ek wa hawe aste hine ene itak hi :—
23 Aa Dabid Poho ne Utarapa, en erampokiwen wa en kore, ku matne po anak ne yupke no nitne kamui shikatkari wa an na, sekoro itak. Koroka, Yesu anak ne shine itak ani ka ese shomoki ruwe ne. Orowa, koikara utara araki wa Shinuma koramkoro hine ene itak-hi :— Tan shiwentep un oshi hawe ashte gusu oyake un omande wa un kore, ani itak nisa ruwe ne.
Aa Dabid Poho ne Utarpa, en=eranpokiwen wa en=kore, ku=matne po anakne yupke no nitne kamuy sikatkari wa an na, sekor itak. Korka, Yesu anakne sine itak ani ka ese somo ki ruwe ne. Orowa, koykar utar arki wa Sinuma koramkor hine ene itak hi :— Tan siwentep un osi hawe aste kusu oyake un omante wa un kore, ani itak nisa ruwe ne.
Markos 7.17-26A §72VI
17 Orowa, Shinuma inne utara hoppa wa chisei orun ahun chiki, koro koikara utara anak ne nei itak-maukushte-itak nu nisa ruwe ne.
Orowa, Sinuma inne utar hoppa wa cise orun ahun ciki, kor koykar utar anakne ne itak-mawkuste-itak nu nisa ruwe ne.
18 Orota Shinuma ene itak-hi :— Echi utara ne yakka ene ramu-sak ya? Nep ne yakka soita an okaibe anak ne ainu oshike un ahun wa shinuma turu-ushte eaikap;
Oro ta Sinuma ene itak hi :— Eci utar ne yakka ene ramu-sak ya? Nep ne yakka soy ta an okaype anakne aynu osike un ahun wa sinuma tur-uste eaykap;
19 nei ambe anak ne shinuma koro keutum orun ahun shomoki no honi oshiketa ran, aige, rera otta oashin ruwe ne, ani an ambe echi eramu an shomoki ya? Nep aep ne yakka turu-asaktep ne ruwe ne, ari itak.
ne anpe anakne sinuma kor kewtum orun ahun somo ki no honi oske ta ran, ayke, rera or ta oasin ruwe ne, ani an anpe eci=eramu an somo ki ya? Nep aep ne yakka tur-asaktep ne ruwe ne, ari itak.
20 Orowa, ene itak-hi :— Ainu orowa no oashinbe anak ne nei ambe anak shinuma turu-ushte ruwe ne.
Orowa, ene itak hi :— Aynu oro wano oasinpe anakne ne anpe anak sinuma tur-uste ruwe ne.
21 Inambe gusu ne yakun, oshike wano, ainu utara keutum wano wen yainu-hi hene,
Inanpe kusu ne yakun, osike wano, aynu utar kewtum wano wen yaynu hi hene,
22 hoiyo ambe hene, ikka ambe hene, keukbe hene, omoinu ambe hene, yaikoshipuinere-hi hene, wen-buri hene, kokandama ambe hene, ramupekere hene, wen-shiki hene,
hoiyo anpe hene, ikka anpe hene, keukpe hene, omoynu anpe hene, yaykosipuynere hi hene, wen-puri hene, kokantama anpe hene, ramupekere hene, wen-siki hene,
23 koatcha ambe hene, shiokunnure ambe hene, haitaburi hene; tap okaibe obitta onnaige wano hetuku wa ainu turu-ushte ruwe ne gusu ne na, sekoro itak.
koatca anpe hene, siokunnure anpe hene, haytapuri hene; tap okaype opitta onnayke wano hetuku wa aynu tur-uste ruwe ne kusu ne na, sekor itak.
24 Orowa, Shinuma hopuni wa nei kotan wano paye hine Turos newa Sidon kotan orun oman nisa ruwe ne. Awa, chisei orun ahun wa nen ne yakka shomo eramʼan kuni kon rusui; koroka, anuina eaikap ruwe ne.
Orowa, Sinuma hopuni wa ne kotan wano paye hine Turos newa Sidon kotan orun oman nisa ruwe ne. Awa, cise orun ahun wa nen ne yakka somo eraman kuni kor rusuy; korka, a=nuyna eaykap ruwe ne.
25 Aige, koro pon matkachi Ichakkere ramat shikatkari wa an shine shiwentep anak ne Shinuma gusu an orushpe nu wa nani ek hine Shinuma chikiri samaketa hachiri ruwe ne.
Ayke, kor pon matkaci Icakkere ramat sikatkari wa an sine siwentep anakne Sinuma kusu an oruspe nu wa nani ek hine Sinuma cikiri samake ta hacir ruwe ne.
26 Nei shiwentep anak oya kotan un gunʼne, Suropenisia un guru sanike ne ruwe ne. Shinuma nei matkachi orowa no Ichakkere ramat oashinge kuni ne ekoramkon na.
Ne siwentep anak oya kotan un kunne, Suropenisia un kur sanike ne ruwe ne. Sinuma ne matkaci oro wano Icakkere ramat oasinke kuni ne e=koramkor na.
Mattaios 15.24 §158V
24 Koroka, Shinuma ese wa ene itak-hi :— Kuani anak ne ouse Israeru chisei un ru turainu hitsuji otta patek a en omandep ne, sekoro itak.
Korka, Sinuma ese wa ene itak hi :— Kuani anakne owse Israeru cise un ru turaynu hitsuji or ta patek a en omantep ne, sekor itak.
Mattaios 15.25-28 §159VI
25 Koroka, nei a shiwentep ek wa Yesu ko-ongami hine ene itak-hi :—
Korka, ne a siwentep ek wa Yesu ko-onkami hine ene itak hi :—
26 Utarapa en kaobiuki wa en kore, ari itak. Shinuma ese wa ene itak-hi :— Poho utara gusu an aep uk wa seta otta koropare-i anak ne pirikap shomo ne ruwe ne,
Utarpa en kaopiwki wa en=kore, ari itak. Sinuma ese wa ene itak hi :— Poho utar kusu an aep uk wa seta or ta korpare hi anakne pirka p somo ne ruwe ne,
27 sekoro itak nisa ruwe ne. Koroka, shiwentep ese wa ene itak-hi :— Ruwe un, Utarapa, yakka seta anak ne kon nishpa set choropoke un rapapse aep uibe e ruwe ne,
sekor itak nisa ruwe ne. Korka, siwentep ese wa ene itak hi :— Ruwe un, Utarpa, yakka seta anakne kor nispa set corpok un rapapse aep uype e ruwe ne,
28 sekoro itak, orowa, Yesu nei guru orota ese wa ene itak-hi :— Aa shiwentep, e koro eishokor-i anak ne porobe ne ruwe; eani e kon rusui korachi aki kusu ne, sekoro itak. Orowa, neita nani koro matne-po aiwangere nisa ruwe ne na.
sekor itak, orowa, Yesu ne kur oro ta ese wa ene itak hi :— Aa siwentep, e=kor eysokor hi anakne poro p ne ruwe; eani e=kor rusuy koraci aki kusu ne, sekor itak. Orowa, ney ta nani kor matne-po aywankere nisa ruwe ne na.
Markos 7.26B-30 §73VI
26 Nei shiwentep anak oya kotan un gunʼne, Suropenisia un guru sanike ne ruwe ne. Shinuma nei matkachi orowa no Ichakkere ramat oashinge kuni ne ekoramkon na.
Ne siwentep anak oya kotan un kunne, Suropenisia un kur sanike ne ruwe ne. Sinuma ne matkaci oro wano Icakkere ramat oasinke kuni ne e=koramkor na.
27 Orota Shinuma ene itak-hi :— Hoshiki no poho utara kironnure yan: po utara koro aep uk wa seta otta koropare ambe anak ne pirikap shomo ne ruwe ne gusu ne na, ari itak.
Oro ta Sinuma ene itak hi :— Hoskino poho utar kironnure yan: po utar kor aep uk wa seta or ta korpare anpe anakne pirka p somo ne ruwe ne kusu ne na, ari itak.
28 Koroka, nei shiwentep Shinuma otta ene itak-hi :— Ruwe un Utarapa, yakka set choropoke un seta anak ne po utara aep uibe ibe ruwe ne.
Korka, ne siwentep Sinuma or ta ene itak hi :— Ruwe un Utarpa, yakka set corpok un seta anakne po utar aep uype ipe ruwe ne.
29 Orota Yesu ene itak-hi :— Nei no e itak an gusu, oman yan, e koro matnepo wano nitne kamui oashin wa isam ruwe ne, ari itak.
Oro ta Yesu ene itak hi :— Néno e itak an kusu, oman yan, e=kor matnepo wano nitne kamuy oasin wa isam ruwe ne, ari itak.
30 Orowa, shinuma anak ne koro uni un oman wa poho shotki kata hotke wa an shiri nukara, awa, nitne kamui oashin wa isam shiri ne ruwe ne.
Orowa, sinuma anakne kor uni un oman wa poho sotki kata hotke wa an siri nukar, awa, nitne kamuy oasin wa isam siri ne ruwe ne.
Mattaios 15.29-39 §160VI
29 Orowa, Yesu nei kotan ekohopi wa Gariraya atui samake un ek nisa ruwe ne; awa, nupuri hemesu wa a nisa ruwe ne.
Orowa, Yesu ne kotan ekohopi wa Gariraya atuy samake un ek nisa ruwe ne; awa, nupuri hemesu wa a nisa ruwe ne.
30 Orowa, orota poro topaha utara, hera utara hene, shiknak utara bene, shomo-itak utara hene, yaiewen utara hene, naa moshima utara hene, inne no tura wa araki hine Shinuma chikiri samaketa are nisa ruwe ne; aige, Shinuma iwangere nisa ruwe ne:
Orowa, oro ta poro topaha utar, her utar hene, siknak utar pene, somo-itak utar hene, yayewen utar hene, naa mosma utar hene, inne no tura wa arki hine Sinuma cikiri samake ta are nisa ruwe ne; ayke, Sinuma iwankere nisa ruwe ne:
31 awa, topaha utara anak ne nei shomo-itak utara itak hawe hemhem, yaiewen guru aiwangere wa okai katu hemhem, hera utara apkash katu hemhem, shiknak utara ingara katu hemhem nukara chiki Israeru un utara koro Kamui ko-iramye nisa ruwe ne na.
awa, topaha utar anakne ne somo-itak utar itak hawe hemhem, yayewen kur aywankere wa okay katu hemhem, her utar apkas katu hemhem, siknak utar inkar katu hemhem nukar ciki Israeru un utar kor Kamuy ko-iramye nisa ruwe ne na.
32 Orowa, Yesu anak ne koikara utara shihekote hotuyekara wa orota ene itak-hi :— Topaha utara tane rere-ko shomo ibe no En tura no okai gusu, Ku erampokiwen wa kore ruwe ne: orowa, ikineipeka ru hontomo ta ika sambe eshingi kuni ne, shomo ibere no Ku payere niukesh ruwe ne, sekoro itak.
Orowa, Yesu anakne koykar utar sihekote hotuyekar wa oro ta ene itak hi :— Topaha utar tane rere-ko somo ipe no En turano okay kusu, Ku=eranpokiwen wa kore ruwe ne: orowa, ikineypeka ru hontomo ta ika sanpe esinki kuni ne, somo ipere no Ku=payere niwkes ruwe ne, sekor itak.
33 Orowa, Shinuma otta koikara utara ene itak-hi :— Ani tap okai poro topaha utara kironnure kuni pakno an pantak tap korachi an nepka isam ushi ta hunak wa koro ya, ari itak.
Orowa, Sinuma or ta koykar utar ene itak hi :— Ani tap okay poro topaha utar kironnure kuni pakno an pantak tap koraci an nep ka isam usi ta hunak wa kor ya, ari itak.
34 Orota Yesu ene itak-hi :— Pantak hempakbe echi koro ya? Orota, Arawanbe an, orowa, cheppo anak pon no ka an ruwe ne, ari itak.
Oro ta Yesu ene itak hi :— Pantak henpakpe eci=kor ya? Oro ta, Arawanpe an, orowa, ceppo anak ponno ka an ruwe ne, ari itak.
35 Orowa, topaha utara shiri kata rok kuni Shinuma kashpaotte, aige, nei arawan pantak newa nei chep uina;
Orowa, topaha utar siri kata rok kuni Sinuma kaspaotte, ayke, ne arwan pantak newa ne cep uyna;
36 aine, yaiiraige ki wa meshpa, orowa koikara utara kore, awa, koikara utara anak ne topaha utara orota koropare nisa ruwe ne.
ayne, yayirayke ki wa mespa, orowa koykar utar kore, awa, koykar utar anakne topaha utar oro ta korpare nisa ruwe ne.
37 Nei utara obitta ibe wa akironnure: orowa, ameshpa wa ikashima ike arawan saranip pakno umomare nisa ruwe ne.
Ne utar opitta ipe wa akironnure: orowa, a=mespa wa ikasma ike arwan saranip pakno umomare nisa ruwe ne.
38 Ibe ainu anak ne poho utara newa shiwentep utara moshima, shi sen nin ne ainu ne ruwe ne.
Ipe aynu anakne poho utar newa siwentep utar mosma, si sen nin ne aynu ne ruwe ne.
39 Orowa, nei topaha utara payere, aige, chip otta ahun hine Magadan kotan koshirepa nisa ruwe ne na.
Orowa, ne topaha utar payere, ayke, cip or ta ahun hine Magadan kotan kosirepa nisa ruwe ne na.
Markos 7.37B-8.10 §76VI
37 Orowa, utara shiri iyokunnure kashpa wa ene itak-hi :— Shinuma nep ne yakka pirika no kanʼnisa: ashpa guru ne yakka nure, shomo itak guru itakte ruwe ne, sekoro itak.
Orowa, utar siri iyokunnure kaspa wa ene itak hi :— Sinuma nep ne yakka pirkano kan nisa: aspa kur ne yakka nure, somo itak kur itakte ruwe ne, sekor itak.
8:1 Nei toho ta shui poro inne utara okai, awa, aep isama, nei ita orota Shinuma koikara utara shihekote hotuyekara wa ene itak-hi :—
Ne toho ta suy poro inne utar okay, awa, aep isam, ne hi ta oro ta Sinuma koykar utar sihekote hotuyekar wa ene itak hi :—
2 Inne utara rampokiwen wa Ku kore na, tane rereko ta En tura no okai wa nep ne yakka ibe shomoki nisa ruwe ne gusu ne na:
Inne utar ranpokiwen wa Ku=kore na, tane rerko ta En turano okay wa nep ne yakka ipe somo ki nisa ruwe ne kusu ne na:
3 shomo ramnu ki no Ku payere chiki, ru hontomota sambe-toranne nangoro; samata, ehangeko no an-i wano araki utara okai ruwe ne, ari itak.
somo ramnu ki no Ku=payere ciki, ru hontom ta sanpe-toranne nankor; sama ta, e=hankeko no an hi wano arki utar okay ruwe ne, ari itak.
4 Orota koikara utara ese wa ene itak-hi :— Nei wano teda tan kim un ushiketa aep ani tan okai utara kironnure eashkai ya? sekoro itak.
Oro ta koykar utar ese wa ene itak hi :— Ne wano teta tan kimun uske ta aep ani tan okay utar kironnure easkay ya? sekor itak.
5 Orowa, Shinuma pantak hempakbe echi koro ya? ari nu. Orota, arawanbe an ani nei utara itak.
Orowa, Sinuma pantak henpakpe eci=kor ya? ari nu. Oro ta, arawanpe an ani ne utar itak.
6 Orowa, inne utara shiri kata rok kuni Shinuma kashpaotte; aige, Shinuma nei arawan pantak uk, awa, yaiiraige ki okere chiki, meshpa hine inne utara kotchaketa sange gusu koro koikara utara otta koropare nisa ruwe ne; awa, nei utara anak ne inne utara kotchaketa sange nisa ruwe ne na.
Orowa, inne utar siri kata rok kuni Sinuma kaspaotte; ayke, Sinuma ne arwan pantak uk, awa, yayirayke ki okere ciki, mespa hine inne utar kotcake ta sanke kusu kor koykar utar or ta korpare nisa ruwe ne; awa, ne utar anakne inne utar kotcake ta sanke nisa ruwe ne na.
7 Samata, cheppo anak moyo no kon ruwe ne; nei ambe Shinuma nunuke okere chiki, chep ne yakka utara kotchaketa sange kuni ikashpaotte nisa ruwe ne.
Sama ta, ceppo anak moyono kor ruwe ne; ne anpe Sinuma nunuke okere ciki, cep ne yakka utar kotcake ta sanke kuni ikaspaotte nisa ruwe ne.
8 Orowa, utara ibe wa akironnure: orowa, ameshpa wa ikashima uibe arawan saranip pakno umomare nisa ruwe ne.
Orowa, utar ipe wa akironnure: orowa, a=mespa wa ikasma uype arwan saranip pakno umomare nisa ruwe ne.
9 Nei utara pishkihi aukotama chiki shi sen nin ne ainu ne: orowa, Shinuma nei utara payere nisa ruwe ne na.
Ne utar piskihi awkotama ciki si sen nin ne aynu ne: orowa, Sinuma ne utar payere nisa ruwe ne na.
10 Orowa, nani Shinuma koro koikara utara tura chip o wa Darmanuta un kotan orun ek nisa ruwe ne na.
Orowa, nani Sinuma kor koykar utar tura cip o wa Darmanuta un kotan orun ek nisa ruwe ne na.