共観表
Mattaios 21.1-3 §206II
1 Orowa, nei utara anak ne Yerusarem kotan ehange no araki wa Betpage kotan un Kanran-ush nupuri orota shirepa chiki, Yesu tu koikara utara teshkara wa orota ene itak-hi :—
Orowa, ne utar anakne Yerusarem kotan ehanke no arki wa Betpage kotan un Kanran-us nupuri oro ta sirepa ciki, Yesu tu koykar utar teskar wa oro ta ene itak hi :—
2 Ikushketa an kotan orun paye, yakun, nani ashirikote wa an roba po tura anukara kusu ne: pita wa En orun tura wa araki yan.
Ikuske ta an kotan orun paye, yakun, nani a=sirkote wa an ropa po tura a=nukar kusu ne: pita wa En=orun tura wa arki yan.
3 Nen ka echi otta nep ka ye chiki, Utarapa tambe kon rusui, ani ye yan; yatun, nani omande kusu ne na, sekoro itat.
Nen ka eci or ta nep ka ye ciki, Utarpa tanpe kor rusuy, ani ye yan; yatun, nani omante kusu ne na, sekor i=tat.
Markos 11.1-3 §117II
1 Orowa, nei utara Yerusarem newa Betpage newa Betania kotan un Kanran ush nupuri orota karange no araki chiki, Shinuma tu koikara utara omande wa ene itak-hi :—
Orowa, ne utar Yerusarem newa Betpage newa Betania kotan un Kan ran us nupuri oro ta karankeno arki ciki, Sinuma tu koykar utar omante wa ene itak hi :—
2 Ikushta an kotan orun paye yan: aine, echi ahup korʼan ita nani ainu naa shomo o ashirikote wa an pon roba chikoikip echi nukara kusu ne, nei ambe pita hine nimba wa araki yan.
Ikusta an kotan orun paye yan: ayne, eci=ahup kor an hi ta nani aynu naa somo o a=sirkote wa an pon ropa cikoykip eci=nukar kusu ne, ne anpe pita hine ninpa wa arki yan.
3 Orowa no, nen ka :— Hemanda gusu nei no echi ki ya? ari an itak ani ye guru an yak anak ne, “Utarapa kon rusui, orowa nani teda shui omande kusu ne na,” ari itak yan.
Orowano, nen ka :— Hemanta kusunéno eci=ki ya? ari an itak ani ye kur an yakanak ne, “Utarpa kor rusuy, orowa nani teta suy omante kusu ne na,” ari itak yan.
Roukos 19.28-31 §232II
28 Orowa, Shinuma tap okai itak ye okere chiki, nei utara kotchaketa oman wa Yerusarem kotan orun hemesu nisa ruwe ne na.
Orowa, Sinuma tap okay itak ye okere ciki, ne utar kotcake ta oman wa Yerusarem kotan orun hemesu nisa ruwe ne na.
29 Orowa, Shinuma Betpage newa Betania kotan un Kanran-ush ani aye nupuri otta karange no ek chiki, koro koikara utara tu niu payere wa ene itak-hi :—
Orowa, Sinuma Betpage newa Betania kotan un Kanran-us ani a=ye nupuri or ta karankeno ek ciki, kor koykar utar tu niw payere wa ene itak hi :—
30 Ikushta an kotan orun paye: nei kotan orun echi ahup korʼan ita ainu naa shomo o ashirikote wa an pon roba echi nukara kusu ne: nei ambe pita hine nimba wa araki yan.
Ikusta an kotan orun paye: ne kotan orun eci=ahup kor an hi ta aynu naa somo o a=sirkote wa an pon ropa eci=nukar kusu ne: ne anpe pita hine ninpa wa arki yan.
31 Orowa no, nen ka nep gusu nei ambe echi pita ya? ari an itak ani ye guru an yak anak ne, Utarapa kon rusui, ani ye yan.
Orowano, nen ka nep kusu ne anpe eci=pita ya? ari an itak ani ye kur an yakanak ne, Utarpa kor rusuy, ani ye yan.
Mattaios 21.4-5 §207VII
4 Tapne aki katu anak ne, Sion matne po otta ene ye yan, Ingarʼan, e esapane guru anak ne ramu-rotcha, Roba newa roba poho ne pon roba Kashiketa o wa e otta ek ruwe ne,
Tapne aki katu anakne, Sion matnepo or ta ene ye yan, Inkar=an, e esapane kur anakne ramu-rotca, Roba newa ropa poho ne pon ropa Kasike ta o wa e or ta ek ruwe ne,
5 sekoro uweingara guru ani chi itakte itak auweomare kuni ne aki nisa ruwe ne na.
sekor ueinkar kur ani ci itakte itak a=ueomare kuni ne aki nisa ruwe ne na.
Yoannes 12.14-15 §101VII
14 Orowa, Yesu pon roba pa chiki kata o nisa ruwe ne; —
Orowa, Yesu pon ropa pa ciki kata o nisa ruwe ne; —
15 Zion matnepo iteki ishitoma yan, ingara, Aokai gusu an Moshiri shikkashima guru anak ne roba po kata o wa ek ruwe ne, chieshinnuye wa an korachi ne na.
Zion matnepo iteki isitoma yan, inkar, Aokay kusu an Mosir sikkasima kur anakne ropa po kata o wa ek ruwe ne, ciesinnuye wa an koraci ne na.
Mattaios 21.6-8 §208II
6 Orowa, koikara utara paye wa Yesu orowa akashpaotte nei no poka ki hine,
Orowa, koykar utar paye wa Yesu orowa a=kaspaotte néno poka ki hine,
7 roba newa pon roba tura wa araki, aine, kata koro mipi ande, awa, Shinuma nei kashiketa o nisa ruwe ne.
ropa newa pon ropa tura wa arki, ayne, kata kor mipi ante, awa, Sinuma ne kasike ta o nisa ruwe ne.
8 Orowa, inne utara poro sereke anak ne koro raipi ru otta pirasa; moshima okai utara chikuni ni-tek otuiba wa ru otta piraspa nisa ruwe ne.
Orowa, inne utar poro serke anakne kor raypi ru or ta pirasa; mosma okay utar cikuni ni-tek otuypa wa ru or ta piraspa nisa ruwe ne.
Markos 11.4-8 §118II
4 Orowa, nei utara paye, aine, soita chisei okari un ru otta apa samaketa ashirikote wa an pon roba nukara, awa, pita nisa ruwe ne.
Orowa, ne utar paye, ayne, soy ta cise okari un ru or ta apa samake ta a=sirkote wa an pon ropa nukar, awa, pita nisa ruwe ne.
5 Orowa, nei ushiketa roshki guru tumugeta okai utara anak ne :— Pon roba pita guru, nep echi ki ya? ari itak.
Orowa, ne uske ta roski kur tumke ta okay utar anakne :— Pon ropa pita kur, nep eci=ki ya? ari itak.
6 Orowa, nei utara Yesu ye korachi itak nisa ruwe ne: awa, aomande ruwe ne. Orowa, nei utara anak ne nei pon roba Yesu otta nimba wa araki,
Orowa, ne utar Yesu ye koraci itak nisa ruwe ne: awa, a=omante ruwe ne. Orowa, ne utar anakne ne pon ropa Yesu or ta ninpa wa arki,
7 aige, kashiketa koro mipi ande; orowa, Shinuma ore nisa ruwe ne.
ayke, kasike ta kor mipi ante; orowa, Sinuma ore nisa ruwe ne.
8 Orowa, inne utara anak ne koro mipi ru kata pirasa, samata, moshima utara okim wano uitek otuiba wa piraspa nisa ruwe ne na.
Orowa, inne utar anakne kor mipi ru kata pirasa, sama ta, mosma utar okim wano uytek otuypa wa piraspa nisa ruwe ne na.
Roukos 19.32-36 §233II
32 Orowa, aomande utara paye wa orota Shinuma ye korachi nukara.
Orowa, a=omante utar paye wa oro ta Sinuma ye koraci nukar.
33 Awa, pon roba pita korʼan ita koro utara nei utara otta :—
Awa, pon ropa pita kor an hi ta kor utar ne utar or ta :—
34 Nep gusu pon roba echi pita ya? ani itak. Orota nei utara anak ne :— Utarapa nei ambe kon rusui, ani ese-hi.
Nep kusu pon ropa eci=pita ya? ani itak. Oro ta ne utar anakne :— Utarpa ne anpe kor rusuy, ani ese hi.
35 Orowa no, Yesu otta nimba wa araki: aige, pon roba kashiketa koro chi mip ande wa Yesu ore nisa ruwe ne.
Orowano, Yesu or ta ninpa wa arki: ayke, pon ropa kasike ta kor ci mip ante wa Yesu ore nisa ruwe ne.
36 Samata, oman aine utara ru otta koro amip piraspa nisa ruwe ne.
Sama ta, oman ayne utar ru or ta kor amip piraspa nisa ruwe ne.
Mattaios 21.9 §209I
9 Orowa, Shinuma kotchaot paye inne utara hemhem, oshi araki utara hemhem hawe ashte wa ene itak-hi :— Dabid koro poho otta Hosanna an na; Utarapa reihei ani ek guru anak ne anunuke ne; iyotta rikun ushiketa Hosanna an na; ari itak.
Orowa, Sinuma kotcaot paye inne utar hemhem, osi arki utar hemhem hawe aste wa ene itak hi :— Dabid kor poho or ta Hosanna an na; Utarpa rehe ani ek kur anakne a=nunuke ne; iyotta rikun uske ta Hosanna an na; ari itak.
Markos 11.9-10 §119I
9 Orowa, Yesu kotchaot paye utara hemhem, nei osh araki utara hemhem, ene hawe ashte-hi :— Hosanna; Utarapa reihei ani ek gurʼanak ne anunuke ne:
Orowa, Yesu kotcaot paye utar hemhem, ne os arki utar hemhem, ene hawe aste hi :— Hosanna; Utarpa rehe ani ek kur anakne a=nunuke ne:
10 ek kushki moshiri, ek kushki akoro Michi Dabid korobe anunuke ne: iyotta rikun kando otta Hosanna an na, ari an hawe ani hawe ashte nisa ruwe ne.
ek kuski mosir, ek kuski a=kor Mici Dabid kor pe a=nunuke ne: iyotta rikun kanto or ta Hosanna an na, ari an hawe ani hawe aste nisa ruwe ne.
Roukos 19.37-38 §234I
37 Orowa, karange no ek wa Kanran-ush nupuri ran orogeta an ita, obitta no okai inne topaha un koikara utara anak ne nukara okere obitta no okai kiroro an ikip gusu yaikopuntek hine rui hau ani Kamui iramye heashi wa ene itak-hi :— Utarapa reihei ankushkerai ek Moshiri shikkashima gurʼanak ne anunuke ne:
Orowa, karankeno ek wa Kanran-us nupuri ran orke ta an hi ta, opittano okay inne topaha un koykar utar anakne nukar okere opittano okay kiroro an iki p kusu yaykopuntek hine ruy haw ani Kamuy iramye heasi wa ene itak hi :— Utarpa rehe an kuskeray ek Mosir sikkasima kur anakne a=nunuke ne:
38 Kando oshiketa itomo an, iyotta rik un ushiketa aeoripak ambe an na, ari itak.
Kanto oske ta i=tom an, iyotta rikun uske ta a=eoripak anpe an na, ari itak.
Yoannes 12.12-13 §100I
12 Nei shimge toho ta marapto gusu araki poro inne utara anak ne Yesu Yerusarem kotan ta ek kusu ne shiri nu chiki,
Ne simke toho ta marapto kusu arki poro inne utar anakne Yesu Yerusarem kotan ta ek kusu ne siri nu ciki,
13 shuro chikuni ni-tek koro wa ekanok gusu paye, orowa, itak sange hawe ene okai-hi :— Hosanna: Utarapa reihei ankushkerai ek Israeru un utara Shikkashima guru airamye an na, ari itak.
suro cikuni ni-tek kor wa ekanok kusu paye, orowa, itak sanke hawe ene okay hi :— Hosanna: Utarpa rehe an kuskeray ek Israeru un utar Sikkasima kur a=yramye an na, ari itak.
Mattaios 21.10-11 §210X
10 Orowa, Yerusarem kotan orota Shinuma ek chiki, machiya un utara obitta keutum chiukopoye wa ene itak-hi :—
Orowa, Yerusarem kotan oro ta Sinuma ek ciki, maciya un utar opitta kewtum ci=wkopoye wa ene itak hi :—
11 Tan guru nen ne ruwe he an? Tan guru anak nei Gariraya un Nazaret kotan wano ek Yesu ne ruwe ne, sekoro inne utara ye nisa ruwe ne.
Tan kur nen ne ruwe he an? Tan kur anakne Gariraya un Nazaret kotan wano ek Yesu ne ruwe ne, sekor inne utar ye nisa ruwe ne.
Mattaios 21.12-13 §211I
12 Orowa, Yesu Kamui kora kenru orun ahun wa nei oshiketa okai eihok utara newa hok utara obitta esoyun okeuba, orowa, kani itasari utara koro set hene, kusuwep eihok utara koro set hene hokushte nisa ruwe ne;
Orowa, Yesu Kamuy kor kenru orun ahun wa ne oske ta okay e=hok utar newa hok utar opitta esoyun okewpa, orowa, kani itasari utar kor set hene, kusuwep e=hok utar kor set hene hokuste nisa ruwe ne;
13 aige, utara otta ene itak-hi :— Ku kora kenru anak ne inonno-itak kuni chisei ani aye kusu ne, sekorʼan itak anuye wa an, koroka, echi utara anak ne nei kenru ani ikka guru chisei ne kan nisa ruwe ne, sekoro itak.
ayke, utar or ta ene itak hi :— Ku=kor kenru anakne inonno-itak kuni cise ani a=ye kusu ne, sekor an itak a=nuye wa an, korka, eci utar anakne ne kenru ani ikka kur cise ne kan nisa ruwe ne, sekor itak.
Markos 11.15B-17 §121I
15 Orowa, Yerusarem kotan ta araki; awa, Kamui kora kenru orun ahun wa nei oshiketa eihok utara newa hok utara esoyumbare heashi, samata, ichen itasari utara koro set hene, kusuwep eihok utara koro set hene hokushte nisa ruwe ne;
Orowa, Yerusarem kotan ta arki; awa, Kamuy kor kenru orun ahun wa ne oske ta e=hok utar newa hok utar esoyunpare heasi, sama ta, icen itasari utar kor set hene, kusuwep e=hok utar kor set hene hokuste nisa ruwe ne;
16 orowa, nen ne yakka oro-omap ani wa Kamui kora kenru kush wa oman ambe ramuoshma shomoki ruwe ne.
orowa, nen ne yakka oro-omap ani wa Kamuy kor kenru kus wa oman anpe ramuosma somo ki ruwe ne.
17 Orowa, Shinuma epakashnu wa utara otta ene itak-hi :— Ku kot chisei anak ne ingi-moshirʼun utara gusu an inonno-itak chisei ne aporose kusu ne, sekorʼambe chieshinnuye wa an shomoki ruwe he an? Koroka, echi utara anak ne ikka utara chisei ne kan nisa ruwe ne na, ari itak.
Orowa, Sinuma epakasnu wa utar or ta ene itak hi :— Ku=kot cise anakne inki-mosir un utar kusu an inonno-itak cise ne a=porse kusu ne, sekor anpe ciesinnuye wa an somo ki ruwe he an? Korka, eci utar anakne ikka utar cise ne kan nisa ruwe ne na, ari itak.
Roukos 19.45-46 §238I
45 Orowa, Shinuma Kamui kora kenru orun ahun hine eiyok utara soyumbare heashi, aige, nei utara
Orowa, Sinuma Kamuy kor kenru orun ahun hine eiyok utar soyunpare heasi, ayke, ne utar
46 otta ene itak-hi :— Ku kora kenru anak ne inonno-itak ki gusu an chisei ne kusu ne, sekorʼambe chieshinnuye wa an: koroka, echi utara ikka utara kot chisei ne echi kan nisa ruwe ne na, sekoro itak.
or ta ene itak hi :— Ku=kor kenru anakne inonno-itak ki kusu an cise ne kusu ne, sekor anpe ciesinnuye wa an: korka, eci utar ikka utar kot cise ne eci=kan nisa ruwe ne na, sekor itak.
Yoannes 2.14-16 §21I
14 Orowa, Kamui kora kenru ta beko hemhem, hitsuji hemhem, kusuwep hemhem ehok utara nukara, naa samata, ichen itasare utara rok wa okai shiri nukan nisa ruwe ne:
Orowa, Kamuy kor kenru ta peko hemhem, hitsuji hemhem, kusuwep hemhem e=hok utar nukar, naa sama ta, icen itasare utar rok wa okay siri nukar nisa ruwe ne:
15 awa, Shinuma ka ani tush kara wa hitsuji newa beko obitta Kamui kora kenru orowa no okeuba; orowa, ichen itasare utara koro ichen ohetu wa koro set horakte;
awa, Sinuma ka ani tus kar wa hitsuji newa peko opitta Kamuy kor kenru oro wano okewpa; orowa, icen itasare utar kor icen ohetu wa kor set horakte;
16 kusuwep ehok utara otta :— Tan okaibe oyakta koro wa paye, Ku Michi kot chisei ani ehok chisei ne iteki kara yan, ari itak.
kusuwep e=hok utar or ta :— Tan okaype oyak ta kor wa paye, Ku Mici kot cise ani e=hok cise ne iteki kar yan, ari itak.
Mattaios 21.14 §212X
14 Orowa, shik-nak utara newa hera utara anak ne Kamui kora kenru ta an Shinuma orun ahup nisa ruwe ne; aige, Shinuma nei utara iwangere nisa ruwe ne.
Orowa, sik-nak utar newa her utar anakne Kamuy kor kenru ta an Sinuma orun ahup nisa ruwe ne; ayke, Sinuma ne utar iwankere nisa ruwe ne.
Mattaios 21.15-16 §213V
15 Korota, Kamui kora kenru esapane utara newa kambi-nuye utara anak ne Shinuma iki iyokunnure ikip hene, Kamui kora kenru ta okai wa, — Dabid poho otta Hosanna an na, — ari an itak ani, poho utara hawe ashte-hi hene nukara chiki, irushka hine Shinuma otta ene itak-hi :—
Koro ta, Kamuy kor kenru esapane utar newa kampi-nuye utar anakne Sinuma iki iyokunnure iki p hene, Kamuy kor kenru ta okay wa, — Dabid poho or ta Hosanna an na, — ari an itak ani, poho utar hawe aste hi hene nukar ciki, iruska hine Sinuma or ta ene itak hi :—
16 Tan utara ye itak E nu ya? ari itak. Orota Yesu ene itak-hi :— O un: Aiai utara newa tonun utara paroho orowa no Aokai anak ne ramuyere kuni ambe eramushinnere nisa ruwe ne, ari an itak echi oro-oitak shomoki ruwe he an?
Tan utar ye itak E nu ya? ari itak. Oro ta Yesu ene itak hi :— O un: Ayay utar newa ton un utar paroho oro wano Aokay anakne ramuyere kuni anpe eramusinnere nisa ruwe ne, ari an itak eci oro-oytak somo ki ruwe he an?
Roukos 19.39-40 §235V
39 Orowa, topaha utara tumugeta okai Parisee un utara anak ne Shinuma otta ene itak-hi :— Epakashnu guru, E koro koikara utara kopao wa un kore, ari itak.
Orowa, topaha utar tumke ta okay Parisee un utar anakne Sinuma or ta ene itak hi :— Epakasnu kur, E=kor koykar utar kopao wa un kore, ari itak.
40 Orowa, Shinuma ese wa ene itak-hi :— Tan okai utara mo no okai chiki, shuma anak hawe ashte kusu ne na.
Orowa, Sinuma ese wa ene itak hi :— Tan okay utar mo no okay ciki, suma anak hawe aste kusu ne na.
Mattaios 21.17-20 §214VI
17 Orowa, Shinuma nei utara ande wa nei machiya ekohopi wa oman hine Betania kotan ta reushi nisa ruwe ne na.
Orowa, Sinuma ne utar ante wa ne maciya ekohopi wa oman hine Betania kotan ta rewsi nisa ruwe ne na.
18 Orowa, kunneiwano Shinuma machiya orun hoshipi ita, ibe rusui ruwe ne.
Orowa, kunneywano Sinuma maciya orun hosipi hi ta, ipe rusuy ruwe ne.
19 Awa, ru paruruta shine ichijiku chikuni an wa nukara hine orota oman wa ibehe sak chikuni ne, ouse ham patek an ruwe ne; nei ambe orota Shinuma ene itak-hi :— Tewa no hembara pakno ne yakka iteki nikaop hetukure yan, ari itak. Orowa, nani nei a ichijiku chikuni shumumge nisa ruwe ne.
Awa, ru parur ta sine icijiku cikuni an wa nukar hine oro ta oman wa ipehe sak cikuni ne, owse ham patek an ruwe ne; ne anpe oro ta Sinuma ene itak hi :— Tewano henpara pakno ne yakka iteki nikaop hetukure yan, ari itak. Orowa, nani ne a icijiku cikuni sumumke nisa ruwe ne.
20 Aige, koikara utara nei ambe nukara chiki enushkari wa ene itak-hi :— Nep tunashi no nei ichijiku chikuni shumumge ruwe?
Ayke, koykar utar ne anpe nukar ciki enuskari wa ene itak hi :— Nep tunasno ne icijiku cikuni sumumke ruwe?
Markos 11.11-15A §120VI
11 Orowa, Shinuma Yerusarem kotan ta oman wa Kamui kora kenru orun ahun; awa, nep ne yakka otta ekeshne ingara chiki tane shiri-onuman koro nei tun ikashima wa niu tura no Betania kotan orota oman nisa ruwe ne.
Orowa, Sinuma Yerusarem kotan ta oman wa Kamuy kor kenru orun ahun; awa, nep ne yakka or ta ekesne inkar ciki tane siri-onuman kor ne tun ikasma wa niw turano Betania kotan oro ta oman nisa ruwe ne.
12 Orowa no, nei shimge toho ta Betania kotan wa soyumba ita,
Orowano, ne simke toho ta Betania kotan wa soyunpa hi ta,
13 Shinuma ibe-rusui, awa, ehangeko no an ushiketa ham o ichijiku chikuni nukara, aige, nepka ibehe ao kuni ramu wa orota ek: awa, otta ek chiki ham moshima nep ne yakka isam ruwe ne; ibe o kuni pa shomo ne ruwe ne gusu ne na.
Sinuma ipe-rusuy, awa, e=hankeko no an uske ta ham o icijiku cikuni nukar, ayke, nep ka ipehe ao kuni ramu wa oro ta ek: awa, or ta ek ciki ham mosma nep ne yakka isam ruwe ne; ipe o kuni pa somo ne ruwe ne kusu ne na.
14 Shinuma ese wa nei chikuni otta ene itak-hi :— Nen ne yakka tewa no hembara pakno ne yakka eani orowa no hetuku nikaop iteki ibe yan, ari itak. Nei koikara utara tan itak nu nisa ruwe ne na.
Sinuma ese wa ne cikuni or ta ene itak hi :— Nen ne yakka tewano henpara pakno ne yakka eani oro wano hetuku nikaop iteki ipe yan, ari itak. Ne koykar utar tan itak nu nisa ruwe ne na.
15 Orowa, Yerusarem kotan ta araki; awa, Kamui kora kenru orun ahun wa nei oshiketa eihok utara newa hok utara esoyumbare heashi, samata, ichen itasari utara koro set hene, kusuwep eihok utara koro set hene hokushte nisa ruwe ne;
Orowa, Yerusarem kotan ta arki; awa, Kamuy kor kenru orun ahun wa ne oske ta e=hok utar newa hok utar esoyunpare heasi, sama ta, icen itasari utar kor set hene, kusuwep e=hok utar kor set hene hokuste nisa ruwe ne;
Mattaios 21.21 §215VI
21 Orowa, Yesu ese wa nei utara otta ene itak-hi :— Son no echi otta Ku ye, echi utara anak ne utumashi shomoki no eisho-toro yakun tan ichijiku chikuni otta aki korachi echi ki kusu ne ambe patek shomo ne, koroka, tan nupuri otta poka — Eani auk wa atui oshiketa aosura wa okai yan — ani echi ye chiki, aki kusu ne.
Orowa, Yesu ese wa ne utar or ta ene itak hi :— Sonno eci or ta Ku=ye, eci utar anakne utumasi somo ki no e=yso-tor yakun tan icijiku cikuni or ta aki koraci eci=ki kusu ne anpe patek somo ne, korka, tan nupuri or ta poka — Eani auk wa atuy oske ta a=osura wa okay yan — ani eci=ye ciki, aki kusu ne.
Markos 11.22-23 §124VI
22 Yesu ese wa orota ene itak-hi :— Kamui eishokoro yan.
Yesu ese wa oro ta ene itak hi :— Kamuy eysokor yan.
23 Son no echi otta Ku ye, nen ne yakka tan nupuri otta, eani auk wa atui oshiketa e aeyapkiri yan, ani an itak ani ye chiki, samata, keutum ta utumashi shomoki no ye itak korachi uwe-a-omare kusu ne sekorʼambe eishokoro yakun, akara kusu ne na.
Sonno eci or ta Ku=ye, nen ne yakka tan nupuri or ta, eani auk wa atuy oske ta e a=eyapkir yan, ani an itak ani ye ciki, sama ta, kewtum ta utumasi somo ki no ye itak koraci ue-a-omare kusu ne sekor anpe eysokor yakun, a=kar kusu ne na.
Mattaios 21.22 §216IV
22 Orowa, nep ne yakka echi eishokoro wa inonno-itak ani koramkoro yakun obitta akore kusu ne na.
Orowa, nep ne yakka eci=eysokor wa inonno-itak ani koramkor yakun opitta a=kore kusu ne na.
Markos 11.24 §125IV
24 Tambe gusu, echi otta Ku ye :— Nep ne yakka echi koro kuni gusu koramkoro wa inonno-itak chiki, obitta nei okaibe echi koro kusu ne ani eishokoro yan, yakun, akore kusu ne na.
Tanpe kusu, eci or ta Ku=ye :— Nep ne yakka eci=kor kuni kusu koramkor wa inonno-itak ciki, opitta ne okaype eci=kor kusu ne ani eysokor yan, yakun, a=kore kusu ne na.
Yoannes 14.13-21A §128IV
13 Orowa, Poho oshiketa Michi anak ne aeoripak kuni ne, Ku reihei ankushkerai nep ne yakka echi koramkorope Ku kara kusu ne.
Orowa, Poho oske ta Mici anakne a=eoripak kuni ne, Ku=rehe an kuskeray nep ne yakka eci koramkorope Ku=kar kusu ne.
14 Nep ne yakka Ku reihei ankushkerai echi En koramkoro yakun Ku kara kusu ne.
Nep ne yakka Ku=rehe an kuskeray eci En=koramkor yakun Ku=kar kusu ne.
15 Echi utara En omap yakun, Ku ki ikashpaotte echi shikkashima kusu ne.
Eci utar En=omap yakun, Ku=ki ikaspaotte eci=sikkasima kusu ne.
16 Orowa, Michi Ku koramkoro wa hembara pakno ne yakka echi tura no an gusu Shinuma moshima no an Kotchane ki kunip echi kore kusu ne, nei ambe anak ne Sone an Ramat ne:
Orowa, Mici Ku=koramkor wa henpara pakno ne yakka eci turano an kusu Sinuma mosmano an Kotchane ki kunip eci=kore kusu ne, ne anpe anakne Sone an Ramat ne:
17 moshiri anak Shinuma uk eaikap Shinuma nukara shomoki samata shomo Shinuma eamkiri gusu ruwe ne gusu ne na, echi utara anak ne Shinuma eamkiri; echi tura no oshiroma wa echi otta an kusu ne gusu ne na.
mosir anak Sinuma uk eaykap Sinuma nukar somo ki sama ta somo Sinuma e=amkir kusu ruwe ne kusu ne na, eci utar anakne Sinuma e=amkir; eci turano osiroma wa eci or ta an kusu ne kusu ne na.
18 Eshikop sak no Kuani echi ande ash shomoki, echi otta Ku ek kusu ne na.
Esikop sak no Kuani eci=ante as somo ki, eci or ta Ku=ek kusu ne na.
19 Naa nisako ta moshiri anak ne En nukara shomoki kusu ne, koroka, echi utara anak En nukan ruwe ne: Kuani ishu gusu, echi utara ne yakka ishu kusu ne.
Naa nisako ta mosir anakne En=nukar somo ki kusu ne, korka, eci utar anak En=nukar ruwe ne: Kuani i=su kusu, eci utar ne yakka i=su kusu ne.
20 Nei toho ta Kuani anak ne Ku Michi otta Ku an, orowa, echi utara En otta okai, samata, Kuani anak echi otta Ku an shiri echi eraman kusu ne na.
Ne toho ta Kuani anakne Ku Mici or ta Ku=an, orowa, eci utar En or ta okay, sama ta, Kuani anak eci or ta Ku=an siri eci=eraman kusu ne na.
21 Ku ikashpaotte koro wa nei ambe shikkashima gurʼanak ne En omap gunʼne: orowa, En omap guru anak ne Ku Michi orowa no aomap kusu ne, orowa, Kuani anak shinuma omap wa otta yaikota Ku yainukara kusu ne na.
Ku=ikaspaotte kor wa ne anpe sikkasima kur anakne En=omap kunne: orowa, En=omap kur anakne Ku Mici oro wano a=omap kusu ne, orowa, Kuani anak sinuma omap wa or ta yaykota Ku yaynukara kusu ne na.
Yoannes 15.7 §133IV
7 Echi utara En oshiketa okai, orowa, Ku itak anak echi oshiketa an chiki, nep ne yakka echi rengaine koramkoro yakka, echi gusu akara kusu ne na.
Eci utar En=oske ta okay, orowa, Ku=itak anak eci=oske ta an ciki, nep ne yakka eci=renkayne koramkor yakka, eci kusu a=kar kusu ne na.
Yoannes 15.16B §137IV
16 Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.
Eci utar anakne En=numke somo ki, korka, eci=paye wa ipe o, sama ta, eci=o ipehe okay kuni kusu Kuani eci=numke wa ante nisa ruwe ne; orowa, nep ne yakka Ku=rehe renkap kusu Mici or ta eci koramkorope anakne a=kore kuni kusu ne ruwe ne.
Yoannes 16.23B-24 §150IV
23 Nei toho ta nep ne yakka En otta echi uwepekennu shomoki. Son no, son no, echi otta Ku ye :— Nepka Ku Michi otta echi koramkoro yakun, Shinuma Ku reihei rengap gusu echi kore kusu ne.
Ne toho ta nep ne yakka En or ta eci=uwepekennu somo ki. Sonno, sonno, eci or ta Ku=ye :— Nep ka Ku Mici or ta eci=koramkor yakun, Sinuma Ku=rehe renkap kusu eci=kore kusu ne.
24 Tane pakno Ku reihei rengap gusu nep ne yakka echi koramkoro shomoki: koramkoro yan, orowa, echi yaikopuntek-i auweoma kuni gusu echi akore kusu ne na.
Tane pakno Ku=rehe renkap kusu nep ne yakka eci=koramkor somo ki: koramkor yan, orowa, eci=yaykopuntek hi auweoma kuni kusu eci=a=kore kusu ne na.
Mattaios 21.23-27 §217II
23 Orowa, Shinuma Kamui kora kenru orun ahun chiki nei kenru esapane utara hemhem utara koro ekashi utara hemhem Shinuma epakashnu wa an rapoketa orota araki wa ene itak-hi :— Nep mondum e koro gusu tap okaibe e iki ya? Tan mondum e kore guru nen ne ruwe he an? ari itak.
Orowa, Sinuma Kamuy kor kenru orun ahun ciki ne kenru esapane utar hemhem utar kor ekasi utar hemhem Sinuma epakasnu wa an rapoketa oro ta arki wa ene itak hi :— Nep montum e=kor kusu tap okaype e iki ya? Tan montum e kore kur nen ne ruwe he an? ari itak.
24 Orota Yesu ese wa ene itak-hi :— Kuani ne yakka echi otta shine itak Ku uwepekennu kusu ne, echi En nure chiki anak ne Kuani ne yakka nep mondum Ku goro wa gusu tap okaibe Ku iki ya echi nure ash kusu ne.
Oro ta Yesu ese wa ene itak hi :— Kuani ne yakka eci or ta sine itak Ku=uwepekennu kusu ne, eci En=nure ciki anakne Kuani ne yakka nep montum Ku=kor wa kusu tap okaype Ku=iki ya eci=nure as kusu ne.
25 Yoannes kore Baptisma nei wano ekbe ne ruwe? Kando orowa no ekbe ne ruwe? Ainu orowa no ekbe ne ruwe he an? Orowa, nei utara utashpa upaure wa ene itak-hi :— Kando orowa no ekbe ne ani chi ye chiki, Nep, gusu echi utara Yoannes eishokoro shomoki ya?
Yoannes kore Baptisma ne wano ek pe ne ruwe? Kanto oro wano ek pe ne ruwe? Aynu oro wano ek pe ne ruwe he an? Orowa, ne utar utaspa upawre wa ene itak hi :— Kanto oro wano ek pe ne ani ci ye ciki, Nep, kusu eci utar Yoannes eysokor somo ki ya?
26 Ari Shinuma itak nangoro. Koroka, ainu orowa no ekbe ne ani an itak chi ye yak anak ne inne utara koishitoma ash ruwe ne, inambe gusu ne yakun, obitta no okai utara anak ne Yoannes uweingara guru ne sekoro yainu wa okai ruwe ne.
Ari Sinuma itak nankor. Korka, aynu oro wano ek pe ne ani an itak ci ye yakanak ne inne utar koysitoma as ruwe ne, inanpe kusu ne yakun, opittano okay utar anakne Yoannes ueinkar kur ne sekor yaynu wa okay ruwe ne.
27 Orowa, nei utara Yesu otta ese wa ene itak-hi :— Chi eramushkari, ari itak. Orota Shinuma ne yakka ene itakhi :— Nep mondum Ku goro wa gusu tap okaibe Ku iki ya ne yakka echi nure ash shomoki ruwe ne.
Orowa, ne utar Yesu or ta ese wa ene itak hi :— Ci eramuskari, ari itak. Oro ta Sinuma ne yakka ene itak hi :— Nep montum Ku=kor wa kusu tap okaype Ku=iki ya ne yakka eci=nure as somo ki ruwe ne.
Markos 11.27-33 §127II
27 aige, orota ene itak-hi :— Nep mondum E koro wa gusu tap okaibe E ki ya? Tap okaibe E ki kuni mondum E kore guru nen ne ruwe he an, ari itak.
ayke, oro ta ene itak hi :— Nep montum E=kor wa kusu tap okaype E ki ya? Tap okaype E ki kuni montum E kore kur nen ne ruwe he an, ari itak.
28 Orowa, nei utara otta Yesu ene itak-hi :— Kuani shine itak echi otta Ku nu kusu ne, echi utara En orun ese itak ki yakun, Kuani nep mondum Ku goro wa gusu tap okaibe ki ya echi nure ash kusu ne.
Orowa, ne utar or ta Yesu ene itak hi :— Kuani sine itak eci or ta Ku=nu kusu ne, eci utar En=orun ese itak ki yakun, Kuani nep montum Ku=kor wa kusu tap okaype ki ya eci=nure as kusu ne.
29 Yoannes kore baptisma anak ne kando orowa no ekbe ne ruwe, ainu orowa no ekbe ne ruwe? En orun ese yan.
Yoannes kore paptisma anakne kanto oro wano ek pe ne ruwe, aynu oro wano ek pe ne ruwe? En=orun ese yan.
30 Orowa, nei utara utashpa upaore wa ene itakhi :— Kando orowa no ekbe ne ani chi ye ko anak ne, yakun, nep gusu echi utara shinuma eishokoro shomoki ya? ari an itak ani Shinuma ye nangoro.
Orowa, ne utar utaspa upaore wa ene itak hi :— Kanto oro wano ek pe ne ani ci ye ko anakne, yakun, nep kusu eci utar sinuma eysokor somo ki ya? ari an itak ani Sinuma ye nankor.
31 Koroka, ainu orowa no ekbe ne ani chi ye chiki :— Utara ko-ishitoina: Yoannes anak ne uweingara guru ne ani utara obitta eishokon nisa ruwe ne gusu ne na.
Korka, aynu oro wano ek pe ne ani ci ye ciki :— Utar ko-isitoyna: Yoannes anakne ueinkar kur ne ani utar opitta eysokor nisa ruwe ne kusu ne na.
32 Orowa, Yesu otta, Chi eramushkare ani ese itak ki nisa ruwe ne. Orota Yesu ene itak-hi :— Nep mondum Ku goro wa gusu tap okaibe Ku ki ya hene shomo echi nure ash na, ari itak.
Orowa, Yesu or ta, Ci eramuskare ani ese itak ki nisa ruwe ne. Oro ta Yesu ene itak hi :— Nep montum Ku=kor wa kusu tap okaype Ku=ki ya hene somo eci=nure as na, ari itak.
Roukos 20.1-8 §240II
1 Nei rapoke un shine toho ta Shinuma Kamui kora kenru ta an wa utara epakashnu hemhem ki, Pirika shongo eupaskuma hemhem ki ita, ekashi utara tura no Kamui kora kenru esapane utara hemhem,
Ne rapok un sine toho ta Sinuma Kamuy kor kenru ta an wa utar epakasnu hemhem ki, Pirka sonko ewpaskuma hemhem ki hi ta, ekasi utar turano Kamuy kor kenru esapane utar hemhem,
2 kambi-nuye utara hemhem araki; awa, itak ki hine Shinuma orota ene ye-hi :— Un nure wa un kore: Inan okai mondum e koro wa gusu tap okaibe e ki ya? Samata, nei mondum e kore guru nen ne ruwe he an? ari ye.
kampi-nuye utar hemhem arki; awa, itak ki hine Sinuma oro ta ene ye hi :— Un nure wa un kore: Inan okay montum e=kor wa kusu tap okaype e ki ya? Sama ta, ne montum e kore kur nen ne ruwe he an? ari ye.
3 Shinuma ese wa nei utara otta ene itak-hi :— Kuani nei yakka shine itak echi otta Ku nu kusu ne; orowa En nure yan:
Sinuma ese wa ne utar or ta ene itak hi :— Kuani ne yakka sine itak eci or ta Ku=nu kusu ne; orowa En=nure yan:
4 Yoannes kore baptisma anak ne kando orowa no ekbe ne ruwe, ainu orowa no ekbe ne ruwe ne ya?
Yoannes kore paptisma anakne kanto oro wano ek pe ne ruwe, aynu oro wano ek pe ne ruwe ne ya?
5 Orowa, nei utara utashpa uwe-esanniyo wa ene itak-hi :— Kando orowa no ekbe ne ani chi ye ko anak ne, yakun, nep gusu echi utara shinuma eishokoro shomoki ya? ani Shinuma itak mangoro.
Orowa, ne utar utaspa ue-esanniyo wa ene itak hi :— Kanto oro wano ek pe ne ani ci ye ko anakne, yakun, nep kusu eci utar sinuma eysokor somo ki ya? ani Sinuma itak mankoro.
6 Koroka, ainu orowa no ekbe ne ani chi ye ko anak ne, obitta no okai utara shuma un kopiye-kara kusu ne: Yoannes anak ne uweingara guru ne ani utara eishokoro ruwe ne gusu ne na.
Korka, aynu oro wano ek pe ne ani ci ye ko anakne, opittano okay utar suma un kopiye-kar kusu ne: Yoannes anakne ueinkar kur ne ani utar eysokor ruwe ne kusu ne na.
7 Orowa, nei utara ese wa :— Nei wano ekbe ne ya? chi eramushkari ash na, ari itak.
Orowa, ne utar ese wa :— Ne wano ek pe ne ya? ci eramuskari as na, ari itak.
8 Orowa, nei utara orota Yesu ene itak-hi :— Nep mondum Ku goro wa gusu tap okaibe Ku ki ya bene shomo echi nure ash ruwe ne.
Orowa, ne utar oro ta Yesu ene itak hi :— Nep montum Ku=kor wa kusu tap okaype Ku=ki ya pene somo eci=nure as ruwe ne.
Mattaios 21.28-32 §218X
28 Koroka, nekon a echi yainu? Shine ainu tu po kon ruwe ne; awa, kiyanne-po orota shinuma oman wa ene itak-hi :— Ku poho, tanto e oman wa ku kot toi otta monraige yan.
Korka, nekona eci=yaynu? Sine aynu tu po kor ruwe ne; awa, kiyanne-po oro ta sinuma oman wa ene itak hi :— Ku=poho, tanto e oman wa ku=kot toy or ta monrayke yan.
29 Nei guru ese wa :— shomo ku oman, ari itat: orowa, okaketa shinuma yaikokatpak wa oman nisa ruwe ne.
Ne kur ese wa :— somo ku=oman, ari i=tat: orowa, okake ta sinuma yaykokatpak wa oman nisa ruwe ne.
30 Orowa, shinuma anak ne tutanu an poho otta ukorachi an itak ani ye nisa ruwe ne. Orowa, poho ese wa :— Nishpa, ku oman kusu ne ari itak: koroka, oman shomoki.
Orowa, sinuma anakne tutanu an poho or ta ukoraci an itak ani ye nisa ruwe ne. Orowa, poho ese wa :— Nispa, ku=oman kusu ne ari itak: korka, oman somo ki.
31 Tan tun ututta inan guru michi korʼirenga ki nisa ruwe he an? Nei utara :— Hoshiki an gunʼne, ari itak. Orota Yesu ene itak-hi :— Son no echi otta Ku ye, yaku-etaye utara newa ramupekere shiwentep utara anak ne echi etokota Kamui moshiri orun ahup ruwe ne.
Tan tun ututta inan kur mici kor irenka ki nisa ruwe he an? Ne utar :— Hoski an kunne, ari itak. Oro ta Yesu ene itak hi :— Sonno eci or ta Ku=ye, yaku-etaye utar newa ramupekere siwentep utar anakne eci=etoko ta Kamuy mosir orun ahup ruwe ne.
32 Inambe gusu ne yakun, Yoannes anak ne oupeka an ru kari echi otta ek nisa ruwe ne, awa, echi eumbipka nisa ruwe ne: koroka, yaku-etaye utara newa ramupekere shiwentep anak ne eishokon nisa ruwe ne: aige, echi utara nei ambe nukara, chiki okaketa shinuma eishokoro kuni ne yaikokatpak ka shomoki nisa ruwe ne.
Inanpe kusu ne yakun, Yoannes anakne owpeka an ru kari eci or ta ek nisa ruwe ne, awa, eci=eunpipka nisa ruwe ne: korka, yaku-etaye utar newa ramupekere siwentep anakne eysokor nisa ruwe ne: ayke, eci utar ne anpe nukar, ciki okake ta sinuma eysokor kuni ne yaykokatpak ka somo ki nisa ruwe ne.
Mattaios 21.33-44 §219II
33 Naa shine itak-maukushte itak nu yan. Chisei koro ainu shinen an, awa, shinuma hat toi kara wa okari ankura roshki, orowa, toi oshiketa ani tonoto orun akara nishu ande, naa samata, shiniwe kuni chisei kara, aige, toi kara utara otta eirusa wa oya moshirʼotta oman nisa ruwe ne.
Naa sine itak-mawkuste itak nu yan. Cise kor aynu sinen an, awa, sinuma hat toy kar wa okari ankura roski, orowa, toy oske ta ani tonoto orun a=kar nisu ante, naa sama ta, siniwe kuni cise kar, ayke, toy kar utar or ta eyrusa wa oya mosir or ta oman nisa ruwe ne.
34 Orowa, nikaop okai ushi epa ehange ko anak ne nei ambe uina kuni gusu toi kara utara orota koro usshiune utara payere nisa ruwe ne,
Orowa, nikaop okay usi epa ehanke ko anakne ne anpe uyna kuni kusu toy kar utar oro ta kor ussiw ne utar payere nisa ruwe ne,
35 awa, toi kara utara anak ne koro usshiune guru shinen shirikik, shinen raige, shuma ani shinen kopiyekara nisa ruwe ne.
awa, toy kar utar anakne kor ussiw ne kur sinen sirkik, sinen rayke, suma ani sinen kopiyekar nisa ruwe ne.
36 Shui, hoshiki no apayere ausshiunere utara kasu no pase utara payere,
Suy, hoskino a=payere aussiwnere utar kasuno pase utar payere,
37 awa, kanna-shui orota nei no iki nisa ruwe ne. Koroka, okaketa, nei utara anak ne ku poho ko-oripak kusu ne ari ye wa orota koro poho omande nisa ruwe ne.
awa, kanna-suy oro ta néno iki nisa ruwe ne. Korka, okake ta, ne utar anakne ku=poho ko-oripak kusu ne ari ye wa oro ta kor poho omante nisa ruwe ne.
38 Koroka, toi kara utara nei poho nukara chiki utashpa ene itak-hi :— Tan guru anak ne eikeshkoro guru ne: hetak, raige wa nei eikeshkoro ambe aukro, ari itak.
Korka, toy kar utar ne poho nukar ciki utaspa ene itak hi :— Tan kur anakne eykeskoro kur ne: hetak, rayke wa ne eykeskoro anpe aukro, ari itak.
39 Aige, nei utara Shinuma kishima wa hat toi orowa no eyomak wa raige nisa ruwe ne.
Ayke, ne utar Sinuma kisma wa hat toy oro wano eyomak wa rayke nisa ruwe ne.
40 Tambe gusu, hat toi kon nishpa ek chiki, nei a toi kara utara otta nekon a iki nangoro ya?
Tanpe kusu, hat toy kor nispa ek ciki, ne a toy kar utar or ta nekona iki nankor ya?
41 Orota nei utara ene itak-hi :— Shinuma nei wen utara wen no isamka, orowa nikaop epa ita iotta koropare kuni moshima okai toi kara utara orun hat toi eirusa kusu ne, ari itak.
Oro ta ne utar ene itak hi :— Sinuma ne wen utar wenno isamka, orowa nikaop epa hi ta iotta korpare kuni mosma okay toy kar utar orun hat toy eyrusa kusu ne, ari itak.
42 Nei utara otta Yesu ene itak-hi :— Chisei kara utara emaka shuma anak ne Chisei shikkeu sapanep ne akan nisa ruwe ne: Tambe anak Utarapa orowa no an ap ne: Chi shik samata aehomatup ne ruwe ne, sekorʼan itak Kamui kambi-sosh kashiketa echi oro-oitak shomoki ya?
Ne utar or ta Yesu ene itak hi :— Cise kar utar emaka suma anakne Cise sikkew sapanep ne a=kar nisa ruwe ne: Tanpe anak Utarpa oro wano an ap ne: Ci sik sama ta aehomatup ne ruwe ne, sekor an itak Kamuy kampi-sos kasike ta eci oro-oytak somo ki ya?
43 Tambe gusu, echi otta Ku ye, Kamui moshiri anak ne echi orowa no auk wa gusu hetukure kuni nikaop hetukure uirup otta akore kusu ne.
Tanpe kusu, eci or ta Ku=ye, Kamuy mosir anakne eci=oro wano auk wa kusu hetukure kuni nikaop hetukure uyrup or ta a=kore kusu ne.
44 Orowa, nei shuma kashiketa hachiri gurʼanak ne hurane apereke kusu ne: koroka, nen ne yakka kashiketa tan shuma hachiri guru anak ne, toitoi koponchi apatu korachi apatu kusu ne, ari itak.
Orowa, ne suma kasike ta hacir kur anakne hurane a=perke kusu ne: korka, nen ne yakka kasike ta tan suma hacir kur anakne, toytoy koponci apatu koraci apatu kusu ne, ari itak.
Markos 12.1-11 §128II
1 Orowa, itak-maukushte-itak ani utara otta ye heashi nisa ruwe ne. Shine ainu anak ne hat toi etoita, nei okari ankura ashte, orowa, orun tonoto kara kuni nishu oma gusu shui ouri, samata, shiniwe chisei kara, aige, toi-kara utara otta eirusa wa oya moshiri orun oman nisa ruwe ne.
Orowa, itak-mawkuste-itak ani utar or ta ye heasi nisa ruwe ne. Sine aynu anakne hat toy etoyta, ne okari ankura aste, orowa, orun tonoto kar kuni nisu oma kusu suy owri, sama ta, siniwe cise kar, ayke, toy-kar utar or ta eyrusa wa oya mosir orun oman nisa ruwe ne.
2 Awa, ibe o ush-i epa ita hat toi un nikaop toi-kara utara orowa no uina kuni ne orota shine uitek guru omande nisa ruwe ne.
Awa, ipe o us hi epa hi ta hat toy un nikaop toy-kar utar oro wano uyna kuni ne oro ta sine uytek kur omante nisa ruwe ne.
3 Aige, toi-kara utara anak ne shinuma kishima wa shirikik hine nep ka sak no arapare.
Ayke, toy-kar utar anakne sinuma kisma wa sirkik hine nep ka sak no arpare.
4 Orowa, shui, naa shine uitek guru nei utara otta aomande, awa, utara anak ne nei guru sapa piri omare hine otta shomo yaikatanu ki ruwe ne.
Orowa, suy, naa sine uytek kur ne utar or ta a=omante, awa, utar anakne ne kur sapa piri omare hine or ta somo yaykatanu ki ruwe ne.
5 Orowa, naa shinen omande, awa, nei utara shinuma raige nisa ruwe ne: orowa, moshima okai inne utara payere; aige, sereke shirikik, sereke ronnu nisa ruwe ne na.
Orowa, naa sinen omante, awa, ne utar sinuma rayke nisa ruwe ne: orowa, mosma okay inne utar payere; ayke, serke sirkik, serke ronnu nisa ruwe ne na.
6 Toi kon nishpa naa shinen poka koro, omap an poho ne: awa, iyotta okaketa nei utara otta shinuma omande wa :—
Toy kor nispa naa sinen poka kor, omap an poho ne: awa, iyotta okake ta ne utar or ta sinuma omante wa :—
7 Ku poho ko-oripak nangoro, ari itak. Koroka, toi-kara utara utashpa ene uwe itak-hi :— Tan guru anak ne eikeshkoro gunʼne; hetak, shinuma raige, yak anak ne nei eikeshkoro kunip chi korobe ne kusu ne na, ari itak.
Ku=poho ko-oripak nankor, ari itak. Korka, toy-kar utar utaspa ene ue itak hi :— Tan kur anakne eykeskoro kunne; hetak, sinuma rayke, yakanak ne ne eykeskoro kunip ci kor pe ne kusu ne na, ari itak.
8 Tata otta nei utara shinuma kishima wa raige, orowa no, hat toi wano emaka nisa ruwe ne.
Tata or ta ne utar sinuma kisma wa rayke, orowano, hat toy wano emaka nisa ruwe ne.
9 Tambe gusu, hat toi kon nishpa nekon a ki nangora? Shinuma ek wa nei okai toi-kara utara isamka, aige, moshima utara otta nei hat toi koropare kusu ne na.
Tanpe kusu, hat toy kor nispa nekona ki nankora? Sinuma ek wa ne okay toy-kar utar isamka, ayke, mosma utar or ta ne hat toy korpare kusu ne na.
10 Tan chieshinnuye wa an itak ka naa shomo echi orooitak ya? — Chisei kara utara osura shuma anak, Nei ambe shikkeu sapaha shuma ne akan nisa ruwe ne:
Tan ciesinnuye wa an itak ka naa somo eci=oroytak ya? — Cise kar utar osura suma anak, Ne anpe sikkew sapaha suma ne a=kar nisa ruwe ne:
11 Tambe anak ne Utarapa orowa no an ambe ne, Chi shik samata aenushkarip ne ruwe ne: sekoro Yesu itak.
Tanpe anakne Utarpa oro wano an anpe ne, Ci sik sama ta aenuskarip ne ruwe ne: sekor Yesu itak.
Roukos 20.9-18 §241II
9 Orowa, Shinuma tan itak-maukushte-itak utara otta ye heashi nisa ruwe ne :— Shine ainu anak ne hat toi etoita wa toi kara utara otta erusa nisa ruwe ne, orowa, ohon no okai gusu oya moshirʼotta oman nisa ruwe ne na.
Orowa, Sinuma tan itak-mawkuste-itak utar or ta ye heasi nisa ruwe ne :— Sine aynu anakne hat toy etoyta wa toy kar utar or ta erusa nisa ruwe ne, orowa, ohor no okay kusu oya mosir or ta oman nisa ruwe ne na.
10 Awa, ibe o ush-i epa ita anak ne hat toi un nikaop akore kuni ne shine usshiune guru nei toi kara utara otta omande nisa ruwe ne; koroka, toi kara utara anak ne nei guru shirikik wa nep ka sak no arapare nisa ruwe ne.
Awa, ipe o us hi epa hi ta anakne hat toy un nikaop a=kore kuni ne sine ussiw ne kur ne toy kar utar or ta omante nisa ruwe ne; korka, toy kar utar anakne ne kur sirkik wa nep ka sak no arpare nisa ruwe ne.
11 Orowa, naa shine usshiune guru omande ruwe ne: awa, nei utara shinuma ne yakka shirikik wa otta shomo ko-oripak no ki hine nep ka sak no arapare ruwe ne.
Orowa, naa sine ussiw ne kur omante ruwe ne: awa, ne utar sinuma ne yakka sirkik wa or ta somo ko-oripak no ki hine nep ka sak no arpare ruwe ne.
12 Orowa no, naa re otutanu an guru omande: nei utara anak ne shinuma ne yakka piri ore wa emaka nisa ruwe ne.
Orowano, naa re otutanu an kur omante: ne utar anakne sinuma ne yakka piri ore wa emaka nisa ruwe ne.
13 Orowa, nei hat toi kon nishpa ene itak-hi :— Nekon a ku ki ya? Ku omap an poho ku omande kusu ne; nei utara shinuma ko-oripak kusu ne nangoro, ari itak.
Orowa, ne hat toy kor nispa ene itak hi :— Nekona ku=ki ya? Ku=omap an poho ku=omante kusu ne; ne utar sinuma ko-oripak kusu ne nankor, ari itak.
14 Koroka, nei toi kara utara shinuma nukara chiki, utashpa upaore wa ene itak-hi :— Tan guru anak ne eikeshkoro gunʼne; nei eikeshkoro kunip chi korobe ne kuni ne raige anro, ari itak.
Korka, ne toy kar utar sinuma nukar ciki, utaspa upaore wa ene itak hi :— Tan kur anakne eykeskoro kunne; ne eykeskoro kunip ci kor pe ne kuni ne rayke an ro, ari itak.
15 Orowa, hat toi wano shinuma eyomak hine raige nisa ruwe ne. Tambe gusu, hat toi kon nishpa nei utara otta nekon a iki nangora?
Orowa, hat toy wano sinuma eyomak hine rayke nisa ruwe ne. Tanpe kusu, hat toy kor nispa ne utar or ta nekona iki nankora?
16 Shinuma ek wa nei toi kara utara isamka wa moshima okai utara otta koropare kusu ne, ari itak. Orowa, okai utara nei ambe nu chiki :—
Sinuma ek wa ne toy kar utar isamka wa mosma okay utar or ta korpare kusu ne, ari itak. Orowa, okay utar ne anpe nu ciki :—
17 Iteki nei no an kuni anro, sekoro itak. Koroka, Shinuma nei utara orun ingara wa ene itak-hi :— Yakun, tap chieshinnuye wa an itak nekon a ambe ne ya? Chisei kara utara emaka shuma anak ne Shikkeu sapane shuma ne akan nisa ruwe ne?
Iteki néno an kuni an ro, sekor itak. Korka, Sinuma ne utar orun inkar wa ene itak hi :— Yakun, tap ciesinnuye wa an itak nekona anpe ne ya? Cise kar utar emaka suma anakne Sikkew sapane suma ne a=kar nisa ruwe ne?
18 Nei shuma kashiketa hachiri gurʼanak ne hurane apereke kusu ne; koroka, nen ne yakka kashiketa tan shuma hachiri guru an chiki toitoi mana acharichari korachi shinuma gusu aki kusu ne na.
Ne suma kasike ta hacir kur anakne hurane a=perke kusu ne; korka, nen ne yakka kasike ta tan suma hacir kur an ciki toytoy mana a=caricari koraci sinuma kusu aki kusu ne na.
Mattaios 21.45-46 §220I
45 Orowa, Kamui kora kenru esapane utara newa Parisee un utara koro itak-maukushte itak nu chiki, shinuma utara epeka no aye itak ne-i sekoro eraman nisa ruwe ne.
Orowa, Kamuy kor kenru esapane utar newa Parisee un utar kor itak-mawkuste itak nu ciki, sinuma utar epeka no a=ye itak ne hi sekor eraman nisa ruwe ne.
46 Orowa, Shinuma kishima kuni hunara chiki, inne utara koishitoma ruwe ne, inambe gusu ne yakun, Shinuma anak ne uweingara guru ne sekoro esanniyo nisa ruwe ne na.
Orowa, Sinuma kisma kuni hunara ciki, inne utar koysitoma ruwe ne, inanpe kusu ne yakun, Sinuma anakne ueinkar kur ne sekor esanniyo nisa ruwe ne na.
Markos 11.18 §122I
18 Orowa, Kamui kora kenru esapane utara hemhem, kambi-nuye utara hemhem, nei orushpe nu, awa, Shinuma isamka kuni ika hunara ruwe ne: nei utara Shinuma ko-ishitoma gusu, samata, inne utara obitta nei epakashi eiyokunnure korʼan nisa ruwe ne gusu ne na.
Orowa, Kamuy kor kenru esapane utar hemhem, kampi-nuye utar hemhem, ne oruspe nu, awa, Sinuma isamka kuni ika hunara ruwe ne: ne utar Sinuma ko-isitoma kusu, sama ta, inne utar opitta ne epakasi e=iyokunnure kor an nisa ruwe ne kusu ne na.
Markos 12.12 §129I
12 Orowa, utara anak ne Shinuma kishima rusui a koroka, inne utara ko-ishitoma, nisa ruwe ne; Shinuma nei utara epeka no nei itak-maukushte-itak ye shiri ramepakari wa okai ruwe ne gusu ne na; orowa no, nei utara Shinuma moshima no ande wa paye nisa ruwe ne na.
Orowa, utar anakne Sinuma kisma rusuy a korka, inne utar ko-isitoma, nisa ruwe ne; Sinuma ne utar epeka no ne itak-mawkuste-itak ye siri ramepakari wa okay ruwe ne kusu ne na; orowano, ne utar Sinuma mosmano ante wa paye nisa ruwe ne na.
Roukos 19.47-48 §239I
47 Orowa, Shinuma kesto Kamui kora kenru ta epakashnu korʼan nisa ruwe ne. Koroka, Kamui kora kenru esapane utara hemhem, kambi-nuye utara hemhem, utara koro pase utara hemhem,
Orowa, Sinuma kesto Kamuy kor kenru ta epakasnu kor an nisa ruwe ne. Korka, Kamuy kor kenru esapane utar hemhem, kampi-nuye utar hemhem, utar kor pase utar hemhem,
48 Shinuma raige kuni hunara ruwe ne: awa, hemanda ki kuni i, nei utara esanniyo eaikap: inambe gusu ne yakun, obitta no okai utara Shinuma nu gusu ko-okai shiriki an nisa ruwe ne gusu ne na.
Sinuma rayke kuni hunara ruwe ne: awa, hemanta ki kuni i, ne utar esanniyo eaykap: inanpe kusu ne yakun, opittano okay utar Sinuma nu kusu ko-okay siriki an nisa ruwe ne kusu ne na.
Roukos 20.19 §242I
19 Orowa, nei i epakigeta anak ne kambi-nuye utara newa Kamui kora kenru esapane utara Shinuma kishima kuni hunara ruwe ne: awa; okai utara ko-ishitoma; orowa, yaikota epeka no Shinuma nei itak-maukushte-itak ye nisa ruwe ne, sekoro, nei utara ramepakari nisa ruwe ne gusu ne na.
Orowa, ne i epakiketa anakne kampi-nuye utar newa Kamuy kor kenru esapane utar Sinuma kisma kuni hunara ruwe ne: awa; okay utar ko-isitoma; orowa, yaykota epeka no Sinuma ne itak-mawkuste-itak ye nisa ruwe ne, sekor, ne utar ramepakari nisa ruwe ne kusu ne na.
Roukos 22.2 §261I
2 Aige, Kamui kora kenru esapane utara hemhem, kambi-nuye utara hemhem hemanda Shinuma raige ika hunara wa okai; awa, utara koishitoma nisa ruwe ne.
Ayke, Kamuy kor kenru esapane utar hemhem, kampi-nuye utar hemhem hemanta Sinuma rayke ika hunara wa okay; awa, utar koysitoma nisa ruwe ne.
Yoannes 7.30 §77I
30 Tambe gusu, nei utara anak ne Shinuma kishima kuni hunara: awa, Shinuma koro pakihi naa shomo an gusu kashiketa teke ande guru isam ruwe ne.
Tanpe kusu, ne utar anakne Sinuma kisma kuni hunara: awa, Sinuma kor pakihi naa somo an kusu kasike ta teke ante kur isam ruwe ne.
Yoannes 7.44 §85I
44 Orowa, Shinuma kishima rusui utara okai, koroka, kashiketa koro teke ande guru isam ruwe ne.
Orowa, Sinuma kisma rusuy utar okay, korka, kasike ta kor teke ante kur isam ruwe ne.
Yoannes 8.20 §88I
20 Tan okaibe Shinuma Kamui kora kenru ta epakashnu wa an, nei yange ichen shuop an tumbu ta Shinuma an ita ye nisa ruwe ne: orowa, Shinuma koro pakihi naa shomo an gusu, nen ne yakka Shinuma kishima shomoki nisa ruwe ne na.
Tan okaype Sinuma Kamuy kor kenru ta epakasnu wa an, ne yanke icen suop an tumpu ta Sinuma an hi ta ye nisa ruwe ne: orowa, Sinuma kor pakihi naa somo an kusu, nen ne yakka Sinuma kisma somo ki nisa ruwe ne na.