共観表
Mattaios 23.1-3 §227X
1 Nei ita Yesu anak ne inne utara newa koikara utara otta ene itak-hi :—
Ne hi ta Yesu anakne inne utar newa koykar utar or ta ene itak hi :—
2 Kambi-nuye utara newa Parisee un utara Mose koro set kashiketa rok ruwe ne:
Kampi-nuye utar newa Parisee un utar Mose kor set kasike ta rok ruwe ne:
3 tambe gusu nep ne yakka nei utara echi kashpaotte chiki, nei no ki wa shikkashima yan: koroka, nei utara ki ikip nei no iteki ki yan, nei utara ye, koroka, yaikota iki shomoki ruwe ne gusu ne na.
tanpe kusu nep ne yakka ne utar eci=kaspaotte ciki, néno ki wa sikkasima yan: korka, ne utar ki iki p néno iteki ki yan, ne utar ye, korka, yaykota iki somo ki ruwe ne kusu ne na.
Mattaios 23.4 §228V
4 Ruwe un, nei utara anak ne pase wa sei hokamba shikehe kara wa ainu utara tapsutu kata ande, koroka, koro shine ashikepet ani nei ambe koshnere shomoki ruwe ne.
Ruwe un, ne utar anakne pase wa sey hokanpa sikehe kar wa aynu utar tapsutu kata ante, korka, kor sine askepet ani ne anpe kosnere somo ki ruwe ne.
Roukos 11.45-46 §139V
45 Ikashpaotte pita guru shinen anak ne ese wa Shinuma otta ene itak-hi :— Epakashnu guru, tap ambe E ye koro wen no un epeka ruwe ne, ari itak.
Ikaspaotte pita kur sinen anakne ese wa Sinuma or ta ene itak hi :— Epakasnu kur, tapanpe E ye kor wenno un epeka ruwe ne, ari itak.
46 Orota Shinuma ene itak-hi :— Ikashpaotte pita echi utara yaisambepokash humi! Echi utara anak ne sei hokambakashpa shikehe ani utara seire wa echi utara koro shine ashikepet ani nei shikehe tomooshma ka shomoki ruwe ne gusu ne na.
Oro ta Sinuma ene itak hi :— Ikaspaotte pita eci utar yaysanpepokas humi! Eci utar anakne sey hokanpakaspa sikehe ani utar sere wa eci utar kor sine askepet ani ne sikehe tomoosma ka somo ki ruwe ne kusu ne na.
Mattaios 23.5-7 §229II
5 Nei utara anak ne aeshikkoingara kuni ne ikip ki ruwe ne: inambe gusu ne yakun, shinuma utara sep pirakteria ushi, orowa, amip chingi porore ruwe ne,
Ne utar anakne aesikkoinkara kuni ne iki p ki ruwe ne: inanpe kusu ne yakun, sinuma utar sep pirakteria usi, orowa, amip cinki porore ruwe ne,
6 orowa, marapto an-i ta sapane ushiketa rok katu hemhem,
orowa, marapto an hi ta sapane uske ta rok katu hemhem,
7 Kamui kora kenru sapane set hemhem, iraugetupa ushita ako-ongami-i hemhem, utara orowa no Rabbi ani aye-i hemhem konoburu ruwe ne gusu ne na.
Kamuy kor kenru sapane set hemhem, irawketupa usi ta ako-onkami hi hemhem, utar oro wano Rabbi ani a=ye hi hemhem konopuru ruwe ne kusu ne na.
Markos 12.38-39 §135II
38 Orowa, epakashnu rapoketa ene itak-hi :— Tanne mipihi mi wa apkash rusui, iraugetupa ushiketa ako-rangarap konoburu,
Orowa, epakasnu rapoketa ene itak hi :— Tanne mipihi mi wa apkas rusuy, irawketupa uske ta ako-rankarap konopuru,
39 Uwekarapa chisei ta iyotta sapane set kata, samata marapto an ita iyotta sapane ushiketa rok rusui kambi-nuye utara yaitubare yan;
Uekarpa cise ta iyotta sapane set kata, sama ta marapto an hi ta iyotta sapane uske ta rok rusuy kampi-nuye utar yaytupare yan;
Roukos 11.43 §137II
43 Parisee un echi utara, yaisambepokash humi! inambe gusu ne yakun, Uwekarapa chisei otta iyotta sapane set hemhem, iraugetupa ushiketa akorangarap hemhem echi konoburu ruwe ne.
Parisee un eci utar, yaysanpepokas humi! inanpe kusu ne yakun, Uekarpa cise or ta iyotta sapane set hemhem, irawketupa uske ta akorankarap hemhem eci konopuru ruwe ne.
Roukos 20.45-46 §246II
45 Orowa, obitta no okai utara nu wa okai rapoketa koro koikara utara otta ene itak-hi :—
Orowa, opittano okay utar nu wa okay rapoketa kor koykar utar or ta ene itak hi :—
46 Tanne amip mi wa apkash rusui hemhem ki, iraugetupa ushiketa akorangarap hemhem, Uwekarapa chisei ta iyotta sapane set hemhem, marapto an ita iyotta nishpane ushike hemhem konoburu kambi-nuye utara yaitubare yan;
Tanne amip mi wa apkas rusuy hemhem ki, irawketupa uske ta akorankarap hemhem, Uekarpa cise ta iyotta sapane set hemhem, marapto an hi ta iyotta nispane usike hemhem konopuru kampi-nuye utar yaytupare yan;
Mattaios 23.8-11 §230X
8 Koroka, echi utara anak ne iteki Rabbi ani aye yan: inambe gusu ne yakun, echi koro epakashnu guru anak ne shinen ne, aige, echi utara obitta uiriwak ne ruwe ne.
Korka, eci utar anakne iteki Rabbi ani a=ye yan: inanpe kusu ne yakun, eci=kor epakasnu kur anakne sinen ne, ayke, eci utar opitta uyriwak ne ruwe ne.
9 Naa samata, kanna moshiri ta nen ne yakka michi ani iteki ye yan, inambe gusu ne yakun, kando otta an shinen anak ne echi koro Michi ne ruwe ne.
Naa sama ta, kanna mosir ta nen ne yakka mici ani iteki ye yan, inanpe kusu ne yakun, kanto or ta an sinen anakne eci=kor Mici ne ruwe ne.
10 Naa samata, nishpa ani iteki aye yan, inambe gusu ne yakun, echi kon Nishpa shinep ne, Kiristo ne ruwe ne.
Naa sama ta, nispa ani iteki a=ye yan, inanpe kusu ne yakun, eci=kor Nispa sinep ne, Kiristo ne ruwe ne.
11 Koroka, echi tumugeta an iyotta pase gurʼanak ne echi koro uitek guru ne kusu ne.
Korka, eci=tumke ta an iyotta pase kur anakne eci=kor uytek kur ne kusu ne.
Mattaios 23.12 §231V
12 Orowa, nen ne yakka yaikota yairikta ande gurʼanak ne aeoripakka kusu ne; orowa, yaikota yaieoripakka guru anak ne arikta ande kusu ne.
Orowa, nen ne yakka yaykota yayrikta ante kur anakne aeoripakka kusu ne; orowa, yaykota yayeoripakka kur anakne a=rikta ante kusu ne.
Roukos 14.11 §179V
11 Inambe gusu ne yakun, nen ne yakka yaikota yairikande gurʼanak ne aramde kusu ne; orowa, yaikota yairamde gurʼanak ne arikta ande kusu ne na.
Inanpe kusu ne yakun, nen ne yakka yaykota yayrikante kur anakne a=ramte kusu ne; orowa, yaykota yayramte kur anakne a=rikta ante kusu ne na.
Roukos 18.14B §215V
14 Echi otta Ku ye :— Nei guru kasu no tan guru anak ne aoupekare no koro uni orun san nisa ruwe ne na: inambe gusu ne yakun, nen ne yakka yaikota yairikande gurʼanak ne aramde kusu ne; koroka, yaikota yairamde gurʼanak ne arikta ande kusu ne na, sekoro itak.
Eci or ta Ku=ye :— Ne kur kasuno tan kur anakne a=owpekare no kor uni orun san nisa ruwe ne na: inanpe kusu ne yakun, nen ne yakka yaykota yayrikante kur anakne a=ramte kusu ne; korka, yaykota yayramte kur anakne a=rikta ante kusu ne na, sekor itak.
Mattaios 23.13 (-14, in note) §232V
13 Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, utara gusu Kando moshiri echi koapashi: echi utara yaikota ahup shomoki,
Aa kankapkapeka kampi-nuye utar newa Parisee un utar, eci yaysanpepokas humi! Inanpe kusu ne yakun, utar kusu Kanto mosir eci koapasi: eci utar yaykota ahup somo ki,
14 orowa, ahup korʼan utara etokotuye ruwe ne gusu ne na.
orowa, ahup kor an utar etoko tuye ruwe ne kusu ne na.
Roukos 11.52 §142V
52 Ikashpaotte pita echi utara yaisambepokash humi! Eramu an kuni kangi echi uk wa isamka; orowa, echi utara yaikota ahup shomoki, samata, ahup korʼan utara echi hattoki nisa ruwe ne.
Ikaspaotte pita eci utar yaysanpepokas humi! Eramuan kuni kank eci=uk wa isamka; orowa, eci utar yaykota ahup somo ki, sama ta, ahup kor an utar eci hattoki nisa ruwe ne.
Mattaios 23.15-22 §233X
15 Aa kankapkapeka kambi-nuye utara newa Parisee un utara, echi yaisambepokash humi! shine koikara guru kara kuni ne rep oro ya oro echi nikkotama ruwe ne; orowa, koikara guru anere chiki echi kasu no tup pakno Gehenna un po ne kan ruwe ne gusu ne na.
Aa kankapkapeka kampi-nuye utar newa Parisee un utar, eci yaysanpepokas humi! sine koykar kur kar kuni ne rep oro ya oro eci nikkotama ruwe ne; orowa, koykar kur anere ciki eci=kasu no tup pakno Gehenna un po ne kan ruwe ne kusu ne na.
16 Nen ne yakka Kamui kora kenru koye wa ekambakbe kara chiki, nep ne ka aramu shomo ne; koroka, nen ne yakka Kamui kora kenru un kongani koye wa ekambakbe ki yakun, shosei guru ne ani ye shiknak ru epakashnu echi utara yaisambepokash humi!
Nen ne yakka Kamuy kor kenru koy wa ekanpakpe kar ciki, nep ne ka a=ramu somo ne; korka, nen ne yakka Kamuy kor kenru un konkani koy wa ekanpakpe ki yakun, sos kur ne ani ye siknak ru epakasnu eci utar yaysanpepokas humi!
17 Haita newa shiknak echi utara: kongani hene kongani ashkannere Kamui kora kenru hene inambe pase ambe ne ruwe he an?
Hayta newa siknak eci utar: konkani hene konkani askannere Kamuy kor kenru hene inanpe pase anpe ne ruwe he an?
18 Shui, nen ne yakka yange set koye wa ekambakbe kara chiki, nep ne ka aramu shomo ne; koroka, nen ne yakka yange set kashiketa okai ayangep koye wa ekambakbe ki chiki, shosei guru ne ruwe ne.
Suy, nen ne yakka yanke set koy wa ekanpakpe kar ciki, nep ne ka a=ramu somo ne; korka, nen ne yakka yanke set kasike ta okay ayankep koy wa ekanpakpe ki ciki, sos kur ne ruwe ne.
19 Shiknak echi utara; ayangep hene ayangep ashkannere yange set hene, inambe pase ambe ne ruwe he an?
Siknak eci utar; ayankep hene ayankep askannere yanke set hene, inanpe pase anpe ne ruwe he an?
20 Tambe gusu, yange set koye wa ekambakbe kara guru anak ne yange set newa kashiketa okai nep ne yakka ukotamge no koye wa ekambakbe ki ruwe ne.
Tanpe kusu, yanke set koy wa ekanpakpe kar kur anakne yanke set newa kasike ta okay nep ne yakka ukotamke no koy wa ekanpakpe ki ruwe ne.
21 Orowa, Kamui kora kenru koye wa ekambakbe kara guru anak ne Kamui kora kenru newa orota an Kamui ne yakka koye wa ekambakbe ki ruwe ne.
Orowa, Kamuy kor kenru koy wa ekanpakpe kar kur anakne Kamuy kor kenru newa oro ta an Kamuy ne yakka koy wa ekanpakpe ki ruwe ne.
22 Orowa, kando koye wa ekambakbe kara guru anak ne Kamui araset newa kashiketa a Kamui koye wa ekambakbe ki ruwe ne na.
Orowa, kanto koy wa ekanpakpe kar kur anakne Kamuy araset newa kasike ta a Kamuy koy wa ekanpakpe ki ruwe ne na.
Mattaios 23.23 §234V
23 Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, echi utara anak ne hakka mun gusu hemhem, uikiyo mun gusu hemhem, makin mun gusu hemhem, yaku echi sange ruwe ne, koroka, tuitak gusu an aesanniyop newa rampoken newa eishokor-i nei no an pase ambe shomo echi kan ruwe ne: koroka, tap okaibe echi ki kunip ne, orowa nei ambe ne yakka echi shomo ki no an katu anak ne wen ruwe ne.
Aa kankapkapeka kampi-nuye utar newa Parisee un utar, eci yaysanpepokas humi! Inanpe kusu ne yakun, eci utar anakne hakka mun kusu hemhem, uykiyo mun kusu hemhem, makin mun kusu hemhem, yaku eci=sanke ruwe ne, korka, tuytak kusu an aesanniyop newa ranpoken newa eysokor hi néno an pase anpe somo eci=kan ruwe ne: korka, tap okaype eci=ki kunip ne, orowa ne anpe ne yakka eci somo ki no an katu anakne wen ruwe ne.
Roukos 11.42 §136V
42 Koroka, Parisee un echi utara yaisambepokash humi! inambe gusu ne yakun, echi utara anak ne hakka mun hene uikyo mun hene obitta moshima okai kinratashkep hene ani wanbe un shinep echi sange, aige, ipishi newa Kamui omap-i echi eshishi ruwe ne; koroka, tap okaibe echi ki kusu ne kunip ne, orowa, nei ambe ne yakka moshima no ande kunip shomo ne ruwe ne.
Korka, Parisee un eci utar yaysanpepokas humi! inanpe kusu ne yakun, eci utar anakne hakka mun hene uikyo mun hene opitta mosma okay kinrataskep hene ani wanpe un sinep eci=sanke, ayke, ipisi newa Kamuy omap hi eci=esisi ruwe ne; korka, tap okaype eci=ki kusu ne kunip ne, orowa, ne anpe ne yakka mosmano ante kunip somo ne ruwe ne.
Mattaios 23.24 §235X
24 Shiknak ru epakashnu utara, etutanne kikiri gusu echi rekuchi iun, koroka, rakuda chikoikip echi ruki ruwe ne.
Siknak ru epakasnu utar, etutanne kikir kusu eci=rekuci i=un, korka, rak ta cikoykip eci=ruki ruwe ne.
Mattaios 23.25-26 §236V
25 Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, itangi newa orowa aibe sei soige echi ashkannere ruwe ne, koroka, onnaige anak ne ibeshikashure ambe newa eikaunu ambe ani eshik ruwe ne.
Aa kankapkapeka kampi-nuye utar newa Parisee un utar, eci yaysanpepokas humi! Inanpe kusu ne yakun, itanki newa orowa aype sey soyke eci askannere ruwe ne, korka, onnayke anakne ipesikasure anpe newa e=kawnu anpe ani esik ruwe ne.
26 Shiknak Parisee un guru, itangi newa orowa aibe sei soige ne yakka aashkannere kuni ne hoshiki no nei onnaige ashkannere yan.
Siknak Parisee un kur, itanki newa orowa aype sey soyke ne yakka aaskannere kuni ne hoskino ne onnayke askannere yan.
Roukos 11.37-41 §135V
37 Orowa, Shinuma itak rapoketa, shine Parisee un guru anak ne tura no ibe gusu hotuyekan nisa ruwe ne: awa, Shinuma ahun wa ibe gusu a ruwe ne.
Orowa, Sinuma itak rapoketa, sine Parisee un kur anakne turano ipe kusu hotuyekar nisa ruwe ne: awa, Sinuma ahun wa ipe kusu a ruwe ne.
38 Orowa, Parisee un guru nei ambe nukara chiki, ibe etokota Shinuma shomo yashke gusu, enushkari.
Orowa, Parisee un kur ne anpe nukar ciki, ipe etoko ta Sinuma somo yaske kusu, enuskari.
39 Orota Utarapa ene itak-hi :— Tane echi Parisee un utara anak ne itangi newa sei-nima soige furaye; koroka echi onnaige anak ne niwenbe newa wenburi ani eshik ruwe ne.
Oro ta Utarpa ene itak hi :— Tane eci Parisee un utar anakne itanki newa sey-nima soyke huraye; korka eci=onnayke anakne niwen pe newa wenpuri ani esik ruwe ne.
40 Echi haita utara, soige kara guru anak ne onnaige ne yakka kara shomoki ya?
Eci=hayta utar, soyke kar kur anakne onnayke ne yakka kar somo ki ya?
41 Koroka, eungeraitep gusu onnaigeta okaibe kore yan; yak anak ne nep ne yakka echi otta ashkanne ne ruwe ne.
Korka, eunkeraytep kusu onnayke ta okaype kore yan; yakanak ne nep ne yakka eci or ta askanne ne ruwe ne.
Mattaios 23.27-28 §237V
27 Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, echi utara anak ne aretaraka tushiri korachi ne ruwe ne, nei soige anak ne atomte ne, koroka, onnaige anak ne rai guru koro pone newa obitta no okai ichakkere ambe ani eshik ruwe ne.
Aa kankapkapeka kampi-nuye utar newa Parisee un utar, eci yaysanpepokas humi! Inanpe kusu ne yakun, eci utar anakne a=retarka tusiri koraci ne ruwe ne, ne soyke anakne atomte ne, korka, onnayke anakne raykur kor pone newa opittano okay icakkere anpe ani esik ruwe ne.
28 Tap korachi echi utara ne yakka ainu shik orogeta oupeka utara ukorachi anutara, koroka, echi onnaige anak ne kankapkapeka ambe newa wen-buri ani eshik ruwe ne gusu ne na.
Tap koraci eci utar ne yakka aynu sik orke ta owpeka utar ukoraci an utar, korka, eci=onnayke anakne kankapkapeka anpe newa wen-puri ani esik ruwe ne kusu ne na.
Roukos 11.44 §138V
44 Echi yaisambepokash humi! echi utara nuina wa an tushiri korachi echi ne, orowa, kashiketa apkash utara anak ne nei ambe tushiri ne sekorʼambe eramu an shomoki ruwe ne na.
Eci yaysanpepokas humi! eci utar nuyna wa an tusiri koraci eci ne, orowa, kasike ta apkas utar anakne ne anpe tusiri ne sekor anpe eramuan somo ki ruwe ne na.
Mattaios 23.29-32 §238V
29 Aa kankapkapeka kambi-nuye utara newa Parisee un utara echi yaisambepokash humi! Echi utara anak ne uweingara utara koro tushiri kara, orowa, oupeka utara koro iyurui tomtere ruwe ne, aige, ene
Aa kankapkapeka kampi-nuye utar newa Parisee un utar eci yaysanpepokas humi! Eci utar anakne ueinkar utar kor tusiri kar, orowa, owpeka utar kor iyuruy tomtere ruwe ne, ayke, ene
30 itak-hi :— Ekashi okai ita chi utara ne yakka shiknu a chiki, nei utara tura no chi utara anak ne uweingara utara shomo ronnu, ari echi itak.
itak hi :— Ekasi okay hi ta ci utar ne yakka siknu a ciki, ne utar turano ci utar anakne ueinkar utar somo ronnu, ari eci=itak.
31 Tambe gusu echi utara anak ne uweingara utara ronnu guru koro poho utara echi ne sekoro yaiyepaweteshu echi ki ruwe ne.
Tanpe kusu eci utar anakne ueinkar utar ronnu kur kor poho utar eci ne sekor yaiyepawetesu eci=ki ruwe ne.
32 Tambe gusu echi koro ekashi koro chomba eshikte yan.
Tanpe kusu eci=kor ekasi kor conpa esikte yan.
Roukos 11.47-48 §140V
47 Echi utara yaisambepokash humi! Echi utara anak ne uweingara utara koro tushiri kara, koroka, echi koro ekashi utara nei uweingara utara ronnu nisa ruwe ne.
Eci utar yaysanpepokas humi! Eci utar anakne ueinkar utar kor tusiri kar, korka, eci=kor ekasi utar ne ueinkar utar ronnu nisa ruwe ne.
48 Tambe gusu, echi ekashi utara ikip gusu echi utara anak paweteshu hemhem ki, otta ramuoshma hemhem ki utara echi ne; nei utara anak ne uweingara utara ronnu wa echi utara nei tushiri kan ruwe ne gusu ne na.
Tanpe kusu, eci=ekasi utar iki p kusu eci utar anak pawetesu hemhem ki, or ta ramuosma hemhem ki utar eci ne; ne utar anakne ueinkar utar ronnu wa eci utar ne tusiri kan ruwe ne kusu ne na.
Mattaios 23.33 §239X
33 Okotko utara, paskuru tokkoni koro sanike ne echi utara, Gehenna oma aesanniyop nekon a echi ehaita kusu ne ya?
okotko utar, paskur tokkoni kor sanike ne eci utar, Gehenna oma aesanniyop nekona eci=ehayta kusu ne ya?
Mattaios 23.34-36 §240V
34 Tambe gusu, ingarʼan, uweingara utara hemhem wayashnu utara hemhem kambi-nuye utara hemhem echi orun Ku payere: orowa, echi utara anak ne nei tumugeta sereke okai utara ronnu wa utasa chikuni otta kungi kokikkik kusu ne, sereke utara Kamui kora kenru otta shirikik, orowa, machiya orowa no oya machiya otta keshke kusu ne;
Tanpe kusu, inkar=an, ueinkar utar hemhem wayasnu utar hemhem kampi-nuye utar hemhem eci=orun Ku=payere: orowa, eci utar anakne ne tumke ta serke okay utar ronnu wa utasa cikuni or ta kunki kokikkik kusu ne, serke utar Kamuy kor kenru or ta sirkik, orowa, maciya oro wano oya maciya or ta keske kusu ne;
35 tambe anak ne moshiri kata aohetu oupeka kem, oupeka Aberu kem orowa no yange set newa Kamui kora kenru ukouturugeta echi raige Barakia poho Zakaria kem pakno obitta echi kata aande kuni ne echi ki kusu ne.
tanpe anakne mosir kata a=ohetu owpeka kem, owpeka Aberu kem oro wano yanke set newa Kamuy kor kenru ukowturuketa eci=rayke Barakia poho Zakaria kem pakno opitta eci=kata a=ante kuni ne eci=ki kusu ne.
36 Son no echi otta Ku ye, tane okai ainu ikiri otta tap okaibe ek kusu ne.
Sonno eci or ta Ku=ye, tane okay aynu ikiri or ta tap okaype ek kusu ne.
Roukos 11.49-51 §141V
49 Tambe gusu Kamui wayashnu ambe ene itak-hi :— Nei utara orota uweingara utara hemhem Apostoro utara hemhem ku omande kusu ne, aige, nei utara anak ne nei tumuge un sereke utara ronnu hera hera ki, keshke hemhem ki kusu ne; tambe anak ne,
Tanpe kusu Kamuy wayasnu anpe ene itak hi :— Ne utar oro ta ueinkar utar hemhem Apostoro utar hemhem ku=omante kusu ne, ayke, ne utar anakne ne tumuke un serke utar ronnu her her ki, keske hemhem ki kusu ne; tanpe anakne,
50 moshiri heashi wano echikiki obitta no uweingara utara koro kem,
mosir heasi wano ecikiki opittano ueinkar utar kor kem,
51 Aberu koro kem wano Kamui kora kenru newa yange set uturuta aisamka Zakarias koro kem pakno tane okai ainu ikiri otta ahunara kuni gusu ne na: ruwe ne wa, echi otta Ku ye, tane okai ainu ikiri otta ahunara kusu ne na.
Aberu kor kem wano Kamuy kor kenru newa yanke set utur ta a=ysamka Zakarias kor kem pakno tane okay aynu ikiri or ta a=hunara kuni kusu ne na: ruwe ne wa, eci or ta Ku=ye, tane okay aynu ikiri or ta a=hunara kusu ne na.
Mattaios 23.37-39 §241V
37 Aa uweingara utara ronnu, orota apayere utara shuma ani kopiyekara Yerusarem kotan, Yerusarem kotan! niwatori chikap koro tekkup choropoketa pon chikap uwekarire korachi, hembak-shui Kuani neyakka echi poho Ku uwekarire rusui?
Aa ueinkar utar ronnu, oro ta a=payere utar suma ani kopiyekar Yerusarem kotan, Yerusarem kotan! niwatori cikap kor tekkup corpoke ta pon cikap uekarire koraci, henpak-suy Kuani ne yakka eci=poho Ku=uekarire rusuy?
38 Awa, echi kopan! Ingarʼan, echi kot chisei anak ne po sak chisei korachi echi gusu an ruwe ne.
Awa, eci=kopan! Inkar=an, eci=kot cise anakne po sak cise koraci eci kusu an ruwe ne.
39 Echi otta Ku ye, Utarapa reihei ani ek gurʼanak ne anunuke ne ari an itak ani echi ye pakno echi En nukara shomoki kusu ne gusu ne na.
Eci or ta Ku=ye, Utarpa rehe ani ek kur anakne a=nunuke ne ari an itak ani eci=ye pakno eci En=nukar somo ki kusu ne kusu ne na.
Roukos 13.34-35 §175V
34 Aa Uweingara utara ronnu hemhem ki, orota apayere utara otta shuma kopiyekara hemhem ki Yerusarem kotan, Yerusarem kotan! Niwatori-chikap poka koro tekkup choropoketa yaikota koro chikappo uwekarire korachi, hempak shui Kuani ne yakka echi koro poho uwekarire rusui, yakka echi kopan ruwe!
Aa Ueinkar utar ronnu hemhem ki, oro ta a=payere utar or ta suma kopiyekar hemhem ki Yerusarem kotan, Yerusarem kotan! Niwatori-cikap poka kor tekkup corpoke ta yaykota kor cikappo uekarire koraci, henpak suy Kuani ne yakka eci=kor poho uekarire rusuy, yakka eci=kopan ruwe!
35 Ingarʼan, echi kot chisei anak ne echi otta aande: koroka, echi otta Ku ye, Utarapa reihei ani ek guru anak ne anunuke ne, ari an itak ani echi ye pakno tewa no shomo echi En nukara kusu ne na.
Inkar=an, eci=kot cise anakne eci or ta a=ante: korka, eci or ta Ku=ye, Utarpa rehe ani ek kur anakne a=nunuke ne, ari an itak ani eci=ye pakno tewano somo eci En=nukar kusu ne na.