共観表
Mattaios 28.1-4 §352I
1 Orowa, shini toho moire no an-kesh paketa nei mawari atpake an toho ehange ita, Makdarene un Maria hemhem, moshima an Maria hemhem utura hine tushiri nukara gusu araki nisa ruwe ne.
Orowa, sini toho moyre no an-kes pak ta ne mawari atpake an toho ehanke hi ta, Makdarene un Maria hemhem, mosma an Maria hemhem utura hine tusiri nukar kusu arki nisa ruwe ne.
2 Aige, ingarʼan, poro shirishimoye an; kando orowa no Kamui uitekbe ran hine ek wa nei poro shuma oyakta karakarasere wa kata a nisa ruwe ne gusu ne na.
Ayke, inkar=an, poro sirsimoye an; kanto oro wano Kamuy uytekpe ran hine ek wa ne poro suma oyak ta karkarsere wa kata a nisa ruwe ne kusu ne na.
3 Koro katuhu anak ne imeru korachi ne, mipihi anak ne upas pakno retan ruwe ne:
Kor katuhu anakne imeru koraci ne, mipihi anakne upas pakno retar ruwe ne:
4 orowa, pungi utara shinuma koishitoma gusu tusushke, aine, rai guru iporo korachi ipukitara ruwe ne Orowa,
orowa, punki utar sinuma koysitoma kusu tususke, ayne, raykur iporo koraci ipukitara ruwe ne Orowa,
Markos 16.2-5 §231I
2 Awa, Shini toho eshimge no an toho ta aro-kunneiwano an ita, chup hetuku chiki tushiri orota araki nisa ruwe ne.
Awa, Sini toho esimke no an toho ta a=ro-kunneywano an hi ta, cup hetuku ciki tusiri oro ta arki nisa ruwe ne.
3 Aige, un gusu tushiri apa wano shuma oyakta kokarakarasere guru hunna ruwe? ari itak;
Ayke, un kusu tusiri apa wano suma oyak ta kokarakarasere kur hunna ruwe? ari itak;
4 aige, hepuni ingara chiki, nei shuma oyake un kokarakarase wa an, ani nukara; nei ambe shiri porobe ne gusu ne na.
ayke, hepuni inkar ciki, ne suma oyake un kokarakarase wa an, ani nukar; ne anpe siri poro p ne kusu ne na.
5 Orowa no, tushiri otta ahup koro shimon samata a retara mipihi amire wa an shine upen ainu anukara; aige, nei utara kimatek nisa ruwe ne.
Orowano, tusiri or ta ahup kor simon sama ta a retar mipihi a=mire wa an sine upen aynu a=nukar; ayke, ne utar kimatek nisa ruwe ne.
Roukos 24.1-4 §336I
1 Orowa, nei utara anak ne tuitak an korachi Shini toho ta shini ruwe ne. Awa, Shini toho eshimge no an toho ta aroankes pakita nei utara shipini okere pirika hura ushbe koro wa tushiri orota araki nisa ruwe ne.
Orowa, ne utar anakne tuytak an koraci Sini toho ta sini ruwe ne. Awa, Sini toho esimke no an toho ta aroankes pakita ne utar sipini okere pirka hura uspe kor wa tusiri oro ta arki nisa ruwe ne.
2 Aige, nei tushiri wano shuma kokarakarase wa an shiri anukara.
Ayke, ne tusiri wano suma kokarakarase wa an siri a=nukar.
3 Awa, orota ahup hine Utarapa ne Yesu kon netobake nukara shomoki.
Awa, oro ta ahup hine Utarpa ne Yesu kor netopake nukar somo ki.
4 Orowa, nei utara tambe gusu keutura utumashi wa okai, aige, pekere at amip rai wa okai tu ainu nei samaketa roshki nisa ruwe ne:
Orowa, ne utar tanpe kusu kewtura utumasi wa okay, ayke, peker at amip ray wa okay tu aynu ne samake ta roski nisa ruwe ne:
Yoannes 20.1 §209I
1 Orowa, Mawari atpake an toho ta, naa shirikunne an ita, Makdarene un Maria anak ne tushiri otta ek, awa, nei tushiri wano shuma auk wa an shiri nukara.
Orowa, Mawari atpake an toho ta, naa sirkunne an hi ta, Makdarene un Maria anakne tusiri or ta ek, awa, ne tusiri wano suma auk wa an siri nukar.
Yoannes 20.11-12 §211I
11 Koroka, Maria anak ne chish koro soita tushiri samaketa ash wa an ruwe ne: awa, chish shiri an koro hotku wa tushiri orun ingan nisa ruwe ne;
Korka, Maria anakne cis kor soy ta tusiri samake ta as wa an ruwe ne: awa, cis siri an kor hotku wa tusiri orun inkar nisa ruwe ne;
12 aige, retara amip mi wa okai tu Kamui hauturumbe nukara, Yesu kon netobake aande ushiketa, shinep nei sapaha an ushike shinep nei chikiri an ushiketa a wa an ruwe ne.
ayke, retar amip mi wa okay tu Kamuy hawturunpe nukar, Yesu kor netopake a=ante uske ta, sinep ne sapaha an usike sinep ne cikiri an uske ta a wa an ruwe ne.
Mattaios 28.5-7 §353II
5 Kamui uitekbe ese wa nei shiwentep utara otta ene itak-hi :— Iteki ishitoma yan: echi utara utasa chikuni otta araige Yesu hunara wa echi okai wa ku eraman ruwe ne gusu ne na.
Kamuy uytekpe ese wa ne siwentep utar or ta ene itak hi :— Iteki isitoma yan: eci utar utasa cikuni or ta arayke Yesu hunara wa eci=okay wa ku=eraman ruwe ne kusu ne na.
6 Shinuma teda isam, hoshiki itak korachi hetopo-shiknu nisa ruwe ne gusu ne na. Araki wa Utarapa hoshiki otta hotke-i ingara yan.
Sinuma teta isam, hoski itak koraci hetopo-siknu nisa ruwe ne kusu ne na. Arki wa Utarpa hoski or ta hotke hi inkar yan.
7 Orowa no tunashi no paye wa koro koikara utara otta :— Shinuma rai orowa no hetopo-shiknu wa an sekoro nure yan, orowa, echi kotchaot Gariraya moshiri orun oman nisa ruwe ne; nei ita echi nukara kusu ne; ingarʼan, kuani echi nure okere na.
Orowano tunasno paye wa kor koykar utar or ta :— Sinuma ray oro wano hetopo-siknu wa an sekor nure yan, orowa, eci=kotcaot Gariraya mosir orun oman nisa ruwe ne; ne hi ta eci=nukar kusu ne; inkar=an, kuani eci=nure okere na.
Markos 16.6-7 §232II
6 Orowa, nei shiwentep otta shinuma ene itak-hi :— Iteki kimatek yan, echi utara anak ne utasa chikuni otta a kungi kokikkik Nazaret kotan un Yesu echi hunara shiri okai: Shinuma hetopo-a-shiknure wa teda isama, utara Shinuma ande ushike ingara yan!
Orowa, ne siwentep or ta sinuma ene itak hi :— Iteki kimatek yan, eci utar anakne utasa cikuni or ta a kunki kokikkik Nazaret kotan un Yesu eci=hunara siri okay: Sinuma hetopo-a-siknure wa teta isam, utar Sinuma ante usike inkar yan!
7 Koroka, echi paye wa :— Shinuma anak ne echi kotchaot Gariraya moshiri un oman ruwe ne, echi otta ye korachi nei moshiri ta echi nukara kusu ne, ari an itak ani koro koikara utara newa Petros otta ye yan, ari itak.
Korka, eci=paye wa :— Sinuma anakne eci=kotcaot Gariraya mosir un oman ruwe ne, eci or ta ye koraci ne mosir ta eci=nukar kusu ne, ari an itak ani kor koykar utar newa Petros or ta ye yan, ari itak.
Roukos 24.5-8 §337II
5 awa, nei utara kimatek wa shiri kata koro nanuhu hepokiki, aine orota nei ainu utara ene itak-hi :— Nep gusu rai guru tumugeta shiknu guru echi hunara ya?
awa, ne utar kimatek wa siri kata kor nanuhu hepokiki, ayne oro ta ne aynu utar ene itak hi :— Nep kusu raykur tumke ta siknu kur eci=hunara ya?
6 Shinuma teda isam, koroka, hetopo-a-shiknure nisa ruwe ne: Shinuma naa Gariraya kotan ta an rapoketa echi otta :—
Sinuma teta isam, korka, hetopo-a-siknure nisa ruwe ne: Sinuma naa Gariraya kotan ta an rapoketa eci or ta :—
7 Ainu Poho anak ne katpak koro utara tekehe otta aekoshi wa utasa chikuni otta akungi kokikkik, orowa, rereko an ita hotopo-shiknu kusu ne ap, ani an itak ani ye katu echi eshkarun yan, ari itak.
Aynu Poho anakne katpak kor utar tekehe or ta a=ekosi wa utasa cikuni or ta a=kunki kokikkik, orowa, rerko an hi ta hotopo-siknu kusu ne ap, ani an itak ani ye katu eci=eskarun yan, ari itak.
8 Orowa, nei utara anak ne Shinuma ye itak eshkarun,
Orowa, ne utar anakne Sinuma ye itak eskarun,
Mattaios 28.8 §354II
8 Orowa no nei utara yaitunashka hine kimatek koro shi no yaikopuntek wa tushiri ekohopi wa koikara utara otta nure kuni ne paye nisa ruwe ne na.
Orowano ne utar yaytunaska hine kimatek korsi no yaykopuntek wa tusiri ekohopi wa koykar utar or ta nure kuni ne paye nisa ruwe ne na.
Markos 16.8 §233II
8 Orowa no, nei utara soyumba wa tushiri wano kira nisa ruwe ne: inambe gusu ne yakun, nei utara tusushke hemhem ki, homatu hemhem ki ruwe ne gusu ne na; orowa, nen ye yakka otta nep ka ye shomoki: ishitoma nisa ruwe ne gusu ne na.
Orowano, ne utar soyunpa wa tusiri wano kira nisa ruwe ne: inanpe kusu ne yakun, ne utar tususke hemhem ki, homatu hemhem ki ruwe ne kusu ne na; orowa, nen ye yakka or ta nep ka ye somo ki: isitoma nisa ruwe ne kusu ne na.
Roukos 24.9 §338II
9 awa, tushiri wano hoshippa hine nei shinen ikashima wa niu otta hemhem, obitta no okai moshima utara otta hemhem obitta tap orushpe nure nisa ruwe ne.
awa, tusiri wano hosippa hine ne sinen ikasma wa niw or ta hemhem, opittano okay mosma utar or ta hemhem opitta tap oruspe nure nisa ruwe ne.
Mattaios 28.9-20 §355X
9 Aige, ingarʼan, Yesu nei utara etunangara, orowa, irangarapte — ari itak. Orowa, nei utara araki wa Shinuma koro kema kishima wa ongami nisa ruwe ne.
Ayke, inkar=an, Yesu ne utar etunankar, orowa, irankarapte — ari itak. Orowa, ne utar arki wa Sinuma kor kema kisma wa onkami nisa ruwe ne.
10 Awa, nei utara otta Yesu ene itak-hi :— Iteki ishitoma yan; paye wa Ku uiriwak utara Gariraya moshiri orota paye kuni ne otta ye yan, orota nei utara En nukara kusu ne na, ari itak.
Awa, ne utar or ta Yesu ene itak hi :— Iteki isitoma yan; paye wa Ku uyriwak utar Gariraya mosir oro ta paye kuni ne or ta ye yan, oro ta ne utar En=nukar kusu ne na, ari itak.
11 Nei utara paye rapoketa anak ne, ingarʼan, pungi utara nimaraha machiya otta paye wa Kamui kora kenru esapane guru orota nei hetuku okere orushpe obitta nure nisa ruwe ne.
Ne utar paye rapoketa anakne, inkar=an, punki utar nimaraha maciya or ta paye wa Kamuy kor kenru esapane kur oro ta ne hetuku okere oruspe opitta nure nisa ruwe ne.
12 Orowa no nei utara anak ne ekashi utara tura uwekarapa hine ukoramkoro okere, ichen kani poron no sange wa nei tumi-koro utara otta koropare hine ene itak-hi :—
Orowano ne utar anakne ekasi utar tura uekarpa hine ukoramkor okere, icen kani poronno sanke wa ne tumi-kor utar or ta korpare hine ene itak hi :—
13 Chi utara mokoro ash rapoketa, anchikarata koro koikara utara araki wa Shinuma eikka wa isam ruwe ne, ani echi ye yan.
Ci utar mokor as rapoketa, ancikar ta kor koykar utar arki wa Sinuma eikka wa isam ruwe ne, ani eci=ye yan.
14 Orowa, esapane guru anak ne tan orushpe nu yakun, echi utara iteki nishomap kuni ne, otta itak wa onishnishi ash kusu ne na, ari itak.
Orowa, esapane kur anakne tan oruspe nu yakun, eci utar iteki nisomap kuni ne, or ta itak wa onisnisi as kusu ne na, ari itak.
15 Tambe gusu, nei utara anak ne nei kani uk, aige, aepakashnu korachi ki nisa ruwe ne: orowa, tan orushpe anak ne Yudea moshirʼun utara otta assuru ashte wa tanto pakno an ruwe ne.
Tanpe kusu, ne utar anakne ne kani uk, ayke, a=epakasnu koraci ki nisa ruwe ne: orowa, tan oruspe anakne Yudea mosir un utar or ta assuru aste wa tanto pakno an ruwe ne.
16 Koroka, nei shinen ikashima wan koikara utara anak ne Yesu hoshiki Gariraya moshiri ta numge shine nupuri otta paye nisa ruwe ne.
Korka, ne sinen ikasma wan koykar utar anakne Yesu hoski Gariraya mosir ta numke sine nupuri or ta paye nisa ruwe ne.
17 Orowa, Shinuma nukara chiki, ko-ongami nisa ruwe ne: koroka, utumashire utara okai.
Orowa, Sinuma nukar ciki, ko-onkami nisa ruwe ne: korka, utumasire utar okay.
18 Orowa, Yesu nei utara otta ek wa itak sange hawe ene ani :— Moshiri kata ne yakka kando oshiketa ne yakka obitta no an mondum a en kore an na.
Orowa, Yesu ne utar or ta ek wa itak sanke hawe ene ani :— Mosir kata ne yakka kanto oske ta ne yakka opittano an montum a en=kore an na.
19 Tambe gusu echi paye wa ingi-moshiri uirup ani koikara gunʼne kara yan, aige, Michi reihei otta ne yakka Poho reihei otta ne yakka Ashkanne Ramat reihei otta ne yakka baptisma kore:
Tanpe kusu eci=paye wa inki-mosir uyrup ani koykar kunne kar yan, ayke, Mici rehe or ta ne yakka Poho rehe or ta ne yakka Askanne Ramat rehe or ta ne yakka paptisma kore:
20 orowa, nep ne yakka Kuani echi kashpaotte okaibe nei utara shikkashima kuni ne ki yan: orowa, ingarʼan moshiri ko-onne pakno Kuani anak echi tura no an kusu ne na.
orowa, nep ne yakka Kuani eci=kaspaotte okaype ne utar sikkasima kuni ne ki yan: orowa, inkar=an mosir ko-onne pakno Kuani anak eci turano an kusu ne na.