共観表
Mattaios 13.1-11 §131II
1 Nei toho ta Yesu chisei soine hine atui samta a nisa ruwe ne, awa, poro inne utara uwekarapa gusu,
Ne toho ta Yesu cise soyne hine atuy sam ta a nisa ruwe ne, awa, poro inne utar uekarpa kusu,
2 Shinuma chip orun ahun wa a nisa ruwe ne; uwekarapa utara anak ne atui samata roshki wa okai nisa ruwe ne na.
Sinuma cip orun ahun wa a nisa ruwe ne; uekarpa utar anakne atuy sama ta roski wa okay nisa ruwe ne na.
3 Awa, itak-maukushte-itak ani Shinuma usausa okaibe nei utara otta ye, aige, ene itak-hi :—
Awa, itak-mawkuste-itak ani Sinuma usawsa okaype ne utar or ta ye, ayke, ene itak hi :—
4 Ingarʼan, Piyehe etoita shine ainu oman wa piyehe etoita; etoita orota ru paruru ta hachiri ambe an,
Inkar=an, Piyehe etoyta sine aynu oman wa piyehe etoyta; etoyta oro ta ru paruru ta hacir anpe an,
5 aige, chikap reu wa nei ambe e nisa ruwe ne: orowa, shuma-ush kapan no toi an ushiketa hachiri ambe an,
ayke, cikap rew wa ne anpe e nisa ruwe ne: orowa, suma-us kapar no toy an uske ta hacir anpe an,
6 awa, toitoi ahak gusu nani hetukba: aige, chup ri chiki shukus-chire; samata, shinrit isambe ne gusu shumumge wa isam nisa ruwe ne.
awa, toytoy ahak kusu nani hetukpa: ayke, cup ri ciki sukus-cire; sama ta, sinrit i=sanpe ne kusu sumumke wa isam nisa ruwe ne.
7 Orowa, moshimap anak ne ai-ush ni an ushiketa hachiri; awa, ai-ush ni hetukba wa nei ambe ateye nisa ruwe ne;
Orowa, mosma p anakne ay-us ni an uske ta hacir; awa, ay-us ni hetukpa wa ne anpe a=teye nisa ruwe ne;
8 shui, moshima ambe anak ne toitoi pirika ushike ta hachiri wa hetukba, aine, ashikne hotne pakno hene, re hotne pakno hene, wanbe ikashima hotne pakno hene shipiraspa nisa ruwe ne na.
suy, mosma anpe anakne toytoy pirka usike ta hacir wa hetukpa, ayne, asikne hotne pakno hene, re hotne pakno hene, wanpe ikasma hotne pakno hene sipiraspa nisa ruwe ne na.
9 Kisara koro guru, nu yan.
Kisara kor kur, nu yan.
10 Orowa, koikara utara araki wa Shinuma orota ene ye-hi :— Hemanda gusu itak-maukushte-itak ani nei utara otta E itak ya?
Orowa, koykar utar arki wa Sinuma oro ta ene ye hi :— Hemanta kusu itak-mawkuste-itak ani ne utar or ta E itak ya?
11 Shinuma ese wa orota ene hawe oka-hi :— Kando moshirʼotta anuinap eramʼan-hi anak ne echi otta akore wa an, koroka, nei utara otta shomo akore ruwe ne.
Sinuma ese wa oro ta ene haweoka hi :— Kanto mosir or ta anuynap eraman hi anakne eci or ta a=kore wa an, korka, ne utar or ta somo a=kore ruwe ne.
Markos 4.1-11B §36II
1 Orowa shui Shinuma atui samta epakashnu heashi nisa ruwe ne. Awa, orota shiri poro inne utara uwekarapa, Shinuma chip otta ahun wa atui kata a pakno ne ruwe ne; inne utara obitta atui sam un ya ta okai.
Orowa suy Sinuma atuy sam ta epakasnu heasi nisa ruwe ne. Awa, oro ta siri poro inne utar uekarpa, Sinuma cip or ta ahun wa atuy kata a pakno ne ruwe ne; inne utar opitta atuy sam un ya ta okay.
2 Orowa, itak-maukushte itak ani inne orushpe epakashnu nisa ruwe ne; epakashnu rapoketa ene itak-hi :—
Orowa, itak-mawkuste itak ani inne oruspe epakasnu nisa ruwe ne; epakasnu rapoketa ene itak hi :—
3 Nu yan: ingarʼan, Piyehe etoita gusu shine toita guru oman nisa ruwe ne;
Nu yan: inkar=an, Piyehe etoyta kusu sine toyta kur oman nisa ruwe ne;
4 etoita rapoketa ru paruruta hachiri piye an, awa, chikap reu wa nei ambe e ruwe ne.
etoyta rapoketa ru parur ta hacir piye an, awa, cikap rew wa ne anpe e ruwe ne.
5 Orowa, moshimap anak ne watara-ush kapan no toi an ushiketa hachiri; nani nei ambe hetukba, toitoi kapara ushike ne ruwe ne gusu ne na:
Orowa, mosma p anakne watara-us kapar no toy an uske ta hacir; nani ne anpe hetukpa, toytoy kapar usike ne ruwe ne kusu ne na:
6 orowa, shinrit isambe ne gusu chup ri koro shukuschire,
orowa, sinrit i=sanpe ne kusu cup ri kor sukuscire,
7 aige, shumumge nisa ruwe ne. Orowa, ai-ush ni tumugeta hachiripe an, awa, ai ush ni hetukba wa nei piyehe eteyeba, aige, ibe-o shomoki ruwe ne.
ayke, sumumke nisa ruwe ne. Orowa, ay-us ni tumke ta haciripe an, awa, ay us ni hetukpa wa ne piyehe eteyepa, ayke, ipe-o somo ki ruwe ne.
8 Orowa, moshima an piyehe anak ne toitoi pirika ushike kata hachiri, orowa, ibe-o, hetukba wa poro ne; orowa, wan e tu hotne pakno hene, re hotne pakno hene, ashikne hotne pakno hene, shipiraspa nisa ruwe ne.
Orowa, mosma an piyehe anakne toytoy pirka usike kata hacir, orowa, ipe-o, hetukpa wa poro ne; orowa, wan e tu hotne pakno hene, re hotne pakno hene, asikne hotne pakno hene, sipiraspa nisa ruwe ne.
9 Shui ene itak-hi :— Nu kuni kisara koro guru nu yan.
Suy ene itak hi :— Nu kuni kisara kor kur nu yan.
10 Orowa, Shinuma pui no an ita tun ikashima wa niu tura no okai, okari un utara Shinuma otta nei itak-maukushte-itak gusu uwepekennu nisa ruwe ne.
Orowa, Sinuma puy no an hi ta tun ikasma wa niw turano okay, okari un utar Sinuma or ta ne itak-mawkuste-itak kusu uwepekennu nisa ruwe ne.
11 Orowa, orota Shinuma ene itak-hi :— Kamui moshiri gusu an anuina ambe anak ne echi otta akore; koroka, soita okai utara otta obitta no okaibe itak-maukushte-itak ani akan ruwe ne;
Orowa, oro ta Sinuma ene itak hi :— Kamuy mosir kusu an a=nuyna anpe anakne eci or ta a=kore; korka, soy ta okay utar or ta opittano okaype itak-mawkuste-itak ani a=kar ruwe ne;
Roukos 8.4-10A §76II
4 Orowa no, inne topaha utara uwekarapa, samata, obitta no okai machiya orowa no utara Yesu orota kouwekarapa wa okai ita anak ne, Shinuma itak-maukushte-itak ani ye nisa ruwe ne.
Orowano, inne topaha utar uekarpa, sama ta, opittano okay maciya oro wano utar Yesu oro ta kouekarpa wa okay hi ta anakne, Sinuma itak-mawkuste-itak ani ye nisa ruwe ne.
5 Etoita guru anak ne koro piyehe etoita gusu oman: etoita rapoketa ru parurugeta hachiri piye an, awa, aotereke, orowa, rik peka kush chikap nei ap ibe nisa ruwe ne.
Etoyta kur anakne kor piyehe etoyta kusu oman: etoyta rapoketa ru parurke ta hacir piye an, awa, a=oterke, orowa, rik peka kus cikap ne ap ipe nisa ruwe ne.
6 Orowa, watara kata hachiri piye an; nei ap hetuku chiki nani shumumge wa isam, wakka sakbe ne gusu ne na.
Orowa, watara kata hacir piye an; ne ap hetuku ciki nani sumumke wa isam, wakka sak pe ne kusu ne na.
7 Orowa, ai-ush ni tumugeta hachiri piye an; ai-ush ni anak ne tura no hetuku wa nei piyehe teyepa nisa ruwe ne.
Orowa, ay-us ni tumke ta hacir piye an; ay-us ni anakne turano hetuku wa ne piyehe tepa nisa ruwe ne.
8 Orowa, moshima an piyehe anak ne pirika toi otta hachiri wa hetuku, orowa, ashikne hotne pakno ibehe hetukba nisa ruwe ne. Shinuma tan itak ye okere chiki; nu kuni kisara koro guru, nu yan, sekoro rui hau ani itak nisa ruwe ne na.
Orowa, mosma an piyehe anakne pirka toy or ta hacir wa hetuku, orowa, asikne hotne pakno ipehe hetukpa nisa ruwe ne. Sinuma tan itak ye okere ciki; nu kuni kisara kor kur, nu yan, sekor ruy haw ani itak nisa ruwe ne na.
9 Orowa, tan itak-maukushte-itak nekon a ambe aye-i ne ya, koikara utara Shinuma otta uwepekennu nisa ruwe ne, awa, Shinuma ene itak-hi :— Kamui
Orowa, tan itak-mawkuste-itak nekona anpe a=ye hi ne ya, koykar utar Sinuma or ta uwepekennu nisa ruwe ne, awa, Sinuma ene itak hi :— Kamuy
10 moshiri gusu an anuinap eraman kuni-hi anak ne echi otta akore: koroka, moshima okai utara otta itak-maukushte-itak ani ayep ne; nei utara ingara, yakka, nukara shomoki, nu yakka, shomo eraman kuni gusu ne gusu ne na.
mosir kusu an anuynap eraman kuni hi anakne eci or ta a=kore: korka, mosma okay utar or ta itak-mawkuste-itak ani a=ye p ne; ne utar inkar, yakka, nukar somo ki, nu yakka, somo eraman kuni kusu ne kusu ne na.
Mattaios 13.12 §132V
12 Inambe gusu ne yakun, nen ne yakka koro guru otta akore wa nuye an no shinuma koro kusu ne; koroka, nen ne yakka koro shomoki gurʼanak ne, koro wa an ambe ne yakka auk kusu ne gusu ne na.
Inanpe kusu ne yakun, nen ne yakka kor kur or ta a=kore wa nuye an no sinuma kor kusu ne; korka, nen ne yakka kor somo ki kur anakne, kor wa an anpe ne yakka auk kusu ne kusu ne na.
Roukos 8.18 §81V
18 Tambe gusu, nekon a echi nu ya yaitubare yan: inambe gusu ne yakun, koro guru otta naa akore kusu ne; orowa, koro shomoki guru orowa no koro wa an kuni shinuma yainu ambe ne yakka auk kusu ne gusu ne na.
Tanpe kusu, nekona eci=nu ya yaytupare yan: inanpe kusu ne yakun, kor kur or ta naa a=kore kusu ne; orowa, kor somo ki kur oro wano kor wa an kuni sinuma yaynu anpe ne yakka auk kusu ne kusu ne na.
Mattaios 13.13-15 §133I
13 Nei utara ingara wa nukara shomoki, inu wa nu ka shomoki, shui, ramepakari shomoki wa okai gusu tambe gusu itak-maukushte-itak ani Ku ye ruwe ne.
Ne utar inkar wa nukar somo ki, inu wa nu ka somo ki, suy, ramepakari somo ki wa okay kusu tanpe kusu itak-mawkuste-itak ani Ku=ye ruwe ne.
14 Inu wa echi nu, koroka, oara erampeutek; Ingara wa echi nukara, koroka, ramepakari ka shomoki: Tan utara anak ne shikihi ani shomo nukara, Kisara ani shomo nu,
Inu wa eci=nu, korka, oar eranpewtek; Inkar wa eci=nukar, korka, ramepakari ka somo ki: Tan utar anakne sikihi ani somo nukar, Kisara ani somo nu,
15 Keutum ani shomo eramʼan kuni, Aige, Ku iwangere gusu shomo hosari kuni ne Tan utara koro sambe nishte ne, Koro kisara ashpa ne, Shikihi shikkamuktek ne; sekoro uweingara guru Isaya koro uweingarape tan utara gusu auweomare ruwe ne na.
Kewtum ani somo eraman kuni, Ayke, Ku=iwankere kusu somo hosari kuni ne Tan utar kor sanpe niste ne, Kor kisara aspa ne, Sikihi sikkamuktek ne; sekor ueinkar kur Isaya kor uweinkarape tan utar kusu a=ueomare ruwe ne na.
Markos 4.11C-13 §37I
11 Orowa, orota Shinuma ene itak-hi :— Kamui moshiri gusu an anuina ambe anak ne echi otta akore; koroka, soita okai utara otta obitta no okaibe itak-maukushte-itak ani akan ruwe ne;
Orowa, oro ta Sinuma ene itak hi :— Kamuy mosir kusu an a=nuyna anpe anakne eci or ta a=kore; korka, soy ta okay utar or ta opittano okaype itak-mawkuste-itak ani a=kar ruwe ne;
12 ikineipeka nei utara iteki hosari wa atusare kuni ne, ingara wa nukara, yakka, ramepakare shomoki; inu wa nu, yakka, eramʼan shomoki ruwe ne gusu ne na. Orowa, orota Shinuma ene itak-hi :—
ikineypeka ne utar iteki hosari wa atusare kuni ne, inkar wa nukar, yakka, ramepakar somo ki; inu wa nu, yakka, eraman somo ki ruwe ne kusu ne na. Orowa, oro ta Sinuma ene itak hi :—
13 Tan itak-maukushte-itak echi eramʼan shomoki ruwe? Yakun, hemanda ani obitta no okai itak-maukushte-itak eramʼan kusu ne ya?
Tan itak-mawkuste-itak eci=eraman somo ki ruwe? Yakun, hemanta ani opittano okay itak-mawkuste-itak eraman kusu ne ya?
Roukos 8.10B §77I
10 moshiri gusu an anuinap eraman kuni-hi anak ne echi otta akore: koroka, moshima okai utara otta itak-maukushte-itak ani ayep ne; nei utara ingara, yakka, nukara shomoki, nu yakka, shomo eraman kuni gusu ne gusu ne na.
mosir kusu an anuynap eraman kuni hi anakne eci or ta a=kore: korka, mosma okay utar or ta itak-mawkuste-itak ani a=ye p ne; ne utar inkar, yakka, nukar somo ki, nu yakka, somo eraman kuni kusu ne kusu ne na.
Yoannes 12.39-40 §109I
39 Tambe gusu, nei utara anak ne eishokoro eaikap ruwe ne, orowa, Isaya shui ene ye ruwe ne gusu ne na,
Tanpe kusu, ne utar anakne eysokor eaykap ruwe ne, orowa, Isaya suy ene ye ruwe ne kusu ne na,
40 Shinuma anak ne nei utara koro shiki shik-nakte, koro sambe nishtere ruwe ne; Ikineipeka, shomo shiki ani nukara, keutum ani ramepakari, Orowa, hoshipi hine Nei utara Ku iwangere kuni gusu ne na.
Sinuma anakne ne utar kor siki sik-nakte, kor sanpe nistere ruwe ne; Ikineypeka, somo siki ani nukar, kewtum ani ramepakari, Orowa, hosipi hine Ne utar Ku=iwankere kuni kusu ne na.
Mattaios 13.16-17 §134V
16 Koroka, echi koro shikihi anak ne nukara gusu, echi koro kisara nu gusu anunuke ne.
Korka, eci=kor sikihi anakne nukar kusu, eci=kor kisara nu kusu a=nunuke ne.
17 Inambe gusu ne yakun, son no echi otta Ku ye, inne uweingara utara hene, inne oupeka utara ne yakka echi nukarabe nukan rusui a koroka, shomo nukara; echi nu ambe nu rusui a koroka, nu ka shomoki nisa ruwe ne.
Inanpe kusu ne yakun, sonno eci or ta Ku=ye, inne ueinkar utar hene, inne owpeka utar ne yakka eci=nukar pe nukar rusuy a korka, somo nukar; eci=nu anpe nu rusuy a korka, nu ka somo ki nisa ruwe ne.
Roukos 10.23-24 §120V
23 Orowa, koro koikara utara otta hosari wa arorokishne no ene itak-hi :— Echi nukara okaibe ingara echi shikihi anak ne anunuke ne:
Orowa, kor koykar utar or ta hosari wa arorkisneno ene itak hi :— Eci=nukar okaype inkar eci=sikihi anakne a=nunuke ne:
24 inambe gusu ne yakun, echi otta Ku ye, inne uweingara utara newa Moshiri shikkashima utara anak ne echi nukarabe nukan rusui, awa, nukara shomoki; orowa, echi nu okaibe nu rusui a koroka nu shomoki nisa ruwe ne na.
inanpe kusu ne yakun, eci or ta Ku=ye, inne ueinkar utar newa Mosir sikkasima utar anakne eci=nukar pe nukar rusuy, awa, nukar somo ki; orowa, eci=nu okaype nu rusuy a korka nu somo ki nisa ruwe ne na.
Mattaios 13.18-23 §135II
18 Tambe gusu piyehe etoita guru gusu an itak-maukushte-itak nu yan.
Tanpe kusu piyehe etoyta kur kusu an itak-mawkuste-itak nu yan.
19 Nen ne yakka nei moshiri gusu an orushpe nu wa erampeutek chiki anak ne, wenbe ek wa nei guru keutum oshiketa aetoitap ehekem wa uk ruwe ne. Tambe anak ru paruru ta aetoita guru ne ruwe ne.
Nen ne yakka ne mosir kusu an oruspe nu wa eranpewtek ciki anakne, wenpe ek wa ne kur kewtum oske ta aetoytap ehekem wa uk ruwe ne. Tanpe anak ru paruru ta aetoyta kur ne ruwe ne.
20 Orowa, shuma-ush ushiketa aetoita gurʼanak ne, tambe anak itak nu,
Orowa, suma-us uske ta aetoyta kur anakne, tanpe anak itak nu,
21 orowa, nani yaikopuntek hine kon ruwe ne; yakka koro keutum ta shinrit isamma gusu, irukai-tomta yaishiporore; aige, nei itak gusu aeramchuptekbe hene aepokbap hene hetuku yakun, nani epetchiu ruwe ne.
orowa, nani yaykopuntek hine kor ruwe ne; yakka kor kewtum ta sinrit i=samma kusu, irukay-tomta yaysiporore; ayke, ne itak kusu aeramcuptekpe hene aepokpap hene hetuku yakun, nani epetciw ruwe ne.
22 Orowa, ai-ush ni an ushiketa aetoita gurʼanak ne, tambe anak nei itak nu; orowa, kanna moshiri gusu an nishomap ambe hene, aeoteknu ambe gusu an kokandama ambe hene gusu, nei itak ateye, aige, ibehe shomo hetukure gunʼne.
Orowa, ay-us ni an uske ta aetoyta kur anakne, tanpe anakne itak nu; orowa, kanna mosir kusu an nisomap anpe hene, aeoteknu anpe kusu an kokantama anpe hene kusu, ne itak a=teye, ayke, ipehe somo hetukure kunne.
23 Orowa toitoi pirika ushiketa aetoita gurʼanak ne, tambe anak nei itak nu wa eramʼan; orowa, son no poka shinuma ibe o, ashikne hotne pakno hene, re hotne pakno hene, wanbe ikashima hotne pakno hene hetukure guru ne ruwe ne, ari itak.
Orowa toytoy pirka uske ta aetoyta kur anakne, tanpe anakne itak nu wa eraman; orowa, sonno poka sinuma ipe o, asikne hotne pakno hene, re hotne pakno hene, wanpe ikasma hotne pakno hene hetukure kur ne ruwe ne, ari itak.
Markos 4.14-20 §38II
14 Toita guru anak ne itak etoita ruwe ne.
Toyta kur anakne itak etoyta ruwe ne.
15 Itak aetoita wa ru parurugeta okai utara anak ne tambe ne ruwe ne; nei utara nu okere koro nani Satan ek wa nei oshiketa aetoita itak uina ruwe ne. Orowa, watara-ush kapan no toi an ushiketa aetoitap shem korachi,
Itak aetoyta wa ru parurke ta okay utar anakne tanpe ne ruwe ne; ne utar nu okere kor nani Satan ek wa ne oske ta aetoyta itak uyna ruwe ne. Orowa, watara-us kapar no toy an uske ta aetoytap semkoraci,
16 nei utara itak nu chiki nani yaikopuntek wa koro; orowa, nei utara yai-oshiketa shinrit isam,
ne utar itak nu ciki nani yaykopuntek wa kor; orowa, ne utar yay-oske ta sinrit isam,
17 koroka irukai okai; orowa, itak gusu aeramchuptek hene aepokbap hene hetuku chiki nani ureechiu ruwe ne.
korka irukay okay; orowa, itak kusu aeramcuptek hene aepokpap hene hetuku ciki nani ureeciw ruwe ne.
18 Orowa, moshima okaibe ai-ush ni tumugeta aetoitap ne; tan utara anak itak nu,
Orowa, mosma okaype ay-us ni tumke ta aetoytap ne; tan utar anak itak nu,
19 orowa, moshiri gusu an nishomap hene, ikorobe kokandama ambe hene, orowa, moshima okai ambe ibeshikashure-hi ahup wa itak eteye hine ibe-o shomoki ruwe ne na.
orowa, mosir kusu an nisomap hene, i=korpe kokantama anpe hene, orowa, mosma okay anpe ipesikasure hi ahup wa itak e=teye hine ipe-o somo ki ruwe ne na.
20 Orowa, pirika toi kata aetoitap anak ne tambe ne, nei utara itak nu wa koro, orowa, wan e tu hotne pakno hene, re hotne pakno hene, ashikne hotne pakno hene ibe-o ruwe ne.
Orowa, pirka toy kata aetoytap anakne tanpe ne, ne utar itak nu wa kor, orowa, wan e tu hotne pakno hene, re hotne pakno hene, asikne hotne pakno hene ipe-o ruwe ne.
Roukos 8.11-15 §78II
11 Tan itak-maukushte-itak ene ani ne :— Piyehe anak ne Kamui itak ne ruwe ne.
Tan itak-mawkuste-itak ene ani ne :— Piyehe anakne Kamuy itak ne ruwe ne.
12 Ru parurugeta okaibe anak ne nu utara ne; orowa, nitne kamui ek wa nei utara iteki eishokoro wa kashiaobiuki kuni ne keutum orowa no itak etaye ruwe ne.
Ru parurke ta okaype anakne nu utar ne; orowa, nitne kamuy ek wa ne utar iteki eysokor wa kasiaopiwki kuni ne kewtum oro wano itak etaye ruwe ne.
13 Orowa, watara kata okaibe anak ne itak nu chiki yaikopuntek wa nei itak koro; orowa, tan utara shinrit sak wa irukai tomta eishokoro, orowa, akoramnukara ita anak ne yaikoemaka ruwe ne.
Orowa, watara kata okaype anakne itak nu ciki yaykopuntek wa ne itak kor; orowa, tan utar sinrit sak wa irukay tomta eysokor, orowa, a=koramnukar hi ta anakne yaykoemaka ruwe ne.
14 Orowa, ai-ush ni tumugeta hachiribe anak ne, nei utara anak itaknu utara ne, koroka, oman aige, shiknu gusu an nishomap ambe hene, ikorobe gusu hene, kanna moshiri ta an shiniwe gusu hene ateyepa wa ibehe epare shomoki ruwe ne.
Orowa, ay-us ni tumke ta haciripe anakne, ne utar anak itak nu utar ne, korka, oman ayke, siknu kusu an nisomap anpe hene, i=korpe kusu hene, kanna mosir ta an siniwe kusu hene ateyepa wa ipehe epare somo ki ruwe ne.
15 Orowa, pirika toi otta okaibe anak ne, oheuge-sak newa pirika keutum koro wa itak nu hine yupke no shikkashima wa yaishiporore wa ibehe hetubare utara ne ruwe ne.
Orowa, pirka toy or ta okaype anakne, ohewke-sak newa pirka kewtum kor wa itak nu hine yupke no sikkasima wa yaysiporore wa ipehe hetupare utar ne ruwe ne.
Mattaios 13.24-30 §136X
24 Shinuma naa shine itak-maukushte-itak nei utara otta sange wa ene ye-hi :— Kando moshiri anak ne kot toi otta pirika piyehe etoita guru akoherayere ruwe ne;
Sinuma naa sine itak-mawkuste-itak ne utar or ta sanke wa ene ye hi :— Kanto mosir anakne kot toy or ta pirka piyehe etoyta kur akoherayere ruwe ne;
25 koroka, utara mokon rapoketa epokba guru shinen ek wa mungi tumugeta zizania mun etoita wa oman ruwe ne.
korka, utar mokor rapoketa epokpa kur sinen ek wa munki tumke ta cicania mun etoyta wa oman ruwe ne.
26 Awa, nei raha hetukba wa ibehe ashippa koro anak ne zizania mun ne yakka anukan nisa ruwe ne.
Awa, ne raha hetukpa wa ipehe asippa kor anakne cicania mun ne yakka a=nukar nisa ruwe ne.
27 Orowa, toi koro guru orota ausshiune utara araki wa ene itak-hi :— Nishpa, e kot toi otta pirika piyehe e toita shomo ki ya? aige, hemanda gusu zizania mun hetukba ruwe he an? sekoro itak.
Orowa, toy kor kur oro ta aussiwne utar arki wa ene itak hi :— Nispa, e kot toy or ta pirka piyehe e toyta somo ki ya? ayke, hemanta kusu cicania mun hetukpa ruwe he an? sekor itak.
28 Toi kon nishpa ene hawe an-hi :— Tambe anak ne en epokba guru ki ikip ne ruwe ne, sekoro itak. Orowa, orota uitek utara ene ye-hi :— Tap ne ne hawe ne yakun, paye ash wa nei a zizania mun uwekarire yak pirika ya? sekoro itak.
Toy kor nispa ene hawean hi :— Tanpe anakne en epokpa kur ki iki p ne ruwe ne, sekor itak. Orowa, oro ta uytek utar ene ye hi :— Tapne ne hawe ne yakun, paye as wa ne a cicania mun uekarire yak pirka ya? sekor itak.
29 Shomo, nei ambe echi rishpa yak anak ne mungi ne yakka tura no akorishpa nangon na.
Somo, ne anpe eci=rispa yakanak ne munki ne yakka turano akorispa nankor na.
30 Anange paha pakno tup ne kane iteki ekottanu yan: aotuye ita, otuye utara orota ene ku ye kusu ne-hi :— Echi paye wa hoshiki no nei zizania mun uina wa uhuika kuni ne muye ne kara: koroka mungi anak ne ku puhu otta omare yan, sekoro ku itak kusu ne.
A=nanke paha pakno tup ne kane iteki ekottanu yan: a=otuye hi ta, otuye utar oro ta ene ku=ye kusu ne hi :— Eci=paye wa hoskino ne cicania mun uyna wa uhuyka kuni ne muye ne kar: korka munki anakne ku puhu or ta omare yan, sekor ku=itak kusu ne.
Mattaios 13.31-32 §137II
31 Naa shine itak-maukushte-itak Shinuma nei utara otta sange wa ene ye-hi :— Kando moshiri anak ne shine karashi piyehe koheraye ruwe ne; an ainu nei ambe uk wa kot toi otta etoita:
Naa sine itak-mawkuste-itak Sinuma ne utar or ta sanke wa ene ye hi :— Kanto mosir anakne sine karasi piyehe koheraye ruwe ne; an aynu ne anpe uk wa kot toy or ta etoyta:
32 awa, nei piyehe anak son no poka moshima okaibe kasu no pokashnu nokanbe ne; a koroka, hetuku koro anak ne moshima okai haru kasu no poro, aige, rik peka kush chikap araki wa nei tekehe kata reushi ruwe ne.
awa, ne piyehe anak sonno poka mosma okaype kasuno pokasnu nokanpe ne; a korka, hetuku kor anakne mosma okay haru kasuno poro, ayke, rik peka kus cikap arki wa ne tekehe kata rewsi ruwe ne.
Markos 4.30-32 §44II
30 Orowa, Shinuma ene itak-hi :— Nekon a Kamui moshiri chi koherayere kusu ne ya? Nekon a itak-maukushte-itak ani nei ambe pita kusu ne ya?
Orowa, Sinuma ene itak hi :— Nekona Kamuy mosir ci koherayere kusu ne ya? Nekona itak-mawkuste-itak ani ne anpe pita kusu ne ya?
31 Shine karashi piyehe koheraye ruwe ne, nei ambe shiri kata aetoita chiki, toi kata an obitta no okai piyehe kasu no pokashnu nokanbe ne a yakka aetoita chiki hetuku,
Sine karasi piyehe koheraye ruwe ne, ne anpe siri kata aetoyta ciki, toy kata an opittano okay piyehe kasuno pokasnu nokanpe ne a yakka aetoyta ciki hetuku,
32 orowa, moshima okai ham kasu no poro ne, samata, poro teke piraspa; rik un chikap nei sempiriketa shini eashkai pakno ne ruwe ne na, sekoro itak.
orowa, mosma okay ham kasuno poro ne, sama ta, poro teke piraspa; rikun cikap ne senpirke ta sini easkay pakno ne ruwe ne na, sekor itak.
Roukos 13.18-19 §167II
18 Tambe gusu, Shinuma ene itak-hi :— Kamui moshiri anak ne nepi koheraye ya! Nepi otta Ku koherayere kusu ne ya?
Tanpe kusu, Sinuma ene itak hi :— Kamuy mosir anakne nep koheraye ya! Nep or ta Ku koherayere kusu ne ya?
19 Ainu uk wa kot toi otta omare shine karashi piyehe koheraye ruwe ne; nei ambe hetuku wa chikuni ne, orowa no, rik un chikap nei tekehe kata reushi nisa ruwe ne.
Aynu uk wa kot toy or ta omare sine karasi piyehe koheraye ruwe ne; ne anpe hetuku wa cikuni ne, orowano, rikun cikap ne tekehe kata rewsi nisa ruwe ne.
Mattaios 13.33 §138V
33 Naa shine itak-maukushte-itak ani nei utara otta Shinuma ye nisa ruwe ne; Kando moshiri anak ne shiwentep orowa auk wa koho re chomba oshiketa anuina, nei okaibe obitta shipushkere pan-dane koheraye ruwe ne, ani itak.
Naa sine itak-mawkuste-itak ani ne utar or ta Sinuma ye nisa ruwe ne; Kanto mosir anakne siwentep orowa auk wa koho re conpa oske ta a=nuyna, ne okaype opitta sipuskere pan-tane koheraye ruwe ne, ani itak.
Roukos 13.20-21 §168V
20 Orowa, Shui itak-hi :— Nepi otta Kamui moshiri Ku koherayere ya?
Orowa, Suy itak hi :— Nep or ta Kamuy mosir Ku koherayere ya?
21 Shiwentep uk wa amam koho re chomba oshiketa nuina, aige, nei koho obitta shipushkere pandane koheraye ruwe ne, ari itak.
Siwentep uk wa amam koho re conpa oske ta nuyna, ayke, ne koho opitta sipuskere pantane koheraye ruwe ne, ari itak.
Mattaios 13.34-35 §139VI
34 Tan orushpe obitta Yesu itak-maukushte-itak ani nei inne topaha utara otta ye wa nure nisa ruwe ne, aige, itak-maukushte-itak isam no nep ne yakka utara otta ye shomoki:
Tan oruspe opitta Yesu itak-mawkuste-itak ani ne inne topaha utar or ta ye wa nure nisa ruwe ne, ayke, itak-mawkuste-itak isam no nep ne yakka utar or ta ye somo ki:
35 tambe anak, Itak-maukushte-itak gusu ku paroho ku maka kusu ne, Moshiri heashi-i wano anuina wa an orushpe Ku ye kusu ne, sekoro uweingara guru ye itak auweomare kuni gusu an ap ne ruwe ne na.
tanpe anak, Itak-mawkuste-itak kusu ku=paroho ku=maka kusu ne, Mosir heasi hi wano a=nuyna wa an oruspe Ku=ye kusu ne, sekor ueinkar kur ye itak a=ueomare kuni kusu an ap ne ruwe ne na.
Markos 4.33-34A §45VI
33 Okai utara anak ne nu eashkai pakno Shinuma itak-maukushte-itak ani orota itak nure nisa ruwe ne;
Okay utar anakne nu easkay pakno Sinuma itak-mawkuste-itak ani oro ta itak nure nisa ruwe ne;
34 itak-maukushte-itak isam no otta Shinuma ye shomoki: koroka, yaiikiri no okai ita koro koikara utara otta obitta pita nisa ruwe ne na.
itak-mawkuste-itak isam no or ta Sinuma ye somo ki: korka, yayikiri no okay hi ta kor koykar utar or ta opitta pita nisa ruwe ne na.
Mattaios 13.36-53 §140X
36 Orowa, Shinuma nei inne topaha utara ekohopi wa chisei orun ahun: awa, koro koikara utara otta araki hine ene itak-hi :— Toi otta aetoita zizania mun gusu an itak-maukushte-itak pita wa un kore, ari itak.
Orowa, Sinuma ne inne topaha utar ekohopi wa cise orun ahun: awa, kor koykar utar or ta arki hine ene itak hi :— Toy or ta aetoyta cicania mun kusu an itak-mawkuste-itak pita wa un kore, ari itak.
37 Orota Shinuma ese wa ene itak-hi :— Pirika piyehe etoita gurʼanak ne Ainu poho ne ruwe ne; toi anak ne moshiri ne;
Oro ta Sinuma ese wa ene itak hi :— Pirka piyehe etoyta kur anakne Aynu poho ne ruwe ne; toy anakne mosir ne;
38 pirika piyehe anak ne moshirʼun gunʼne; zizania mun anak ne nitnep koro poho ne; nei
pirka piyehe anakne mosir un kunne; cicania mun anakne nitnep kor poho ne; ne
39 ambe etoita epokba gurʼanak ne nitne kamui ne ruwe ne: anange pa anak ne moshiri shiokere-i ne; otuye utara anak ne Kamui hauturʼun utara ne ruwe ne na.
anpe etoyta epokpa kur anakne nitne kamuy ne ruwe ne: a=nanke pa anakne mosir siokere hi ne; otuye utar anakne Kamuy hawtur un utar ne ruwe ne na.
40 Tambe gusu, zizania mun anak ne auwekarire wa abe ani auhuika korachi, moshiri aokere-i ta ne yakka nei no an kusu ne.
Tanpe kusu, cicania mun anakne a=uekarire wa ape ani a=whuyka koraci, mosir a=okere hi ta ne yakka néno an kusu ne.
41 Ainu Poho anak ne koro uitek utara payere wa koro moshiri orowa no nep ne yakka
Aynu Poho anakne kor uytek utar payere wa kor mosir oro wano nep ne yakka
42 epetchiurep hene wenbe ki utara hene etayere wa, abe sokot otta osurare kusu ne; nei ita chish ambe hene niyorokara an kusu ne.
epetciwrep hene wenpe ki utar hene etayere wa, ape sokot or ta osurare kusu ne; ne hi ta cis anpe hene niyorkar an kusu ne.
43 Nei ita anak ne tokap chup nupeki atte korachi oupeka utara ne yakka koro michi koro moshiri ta nupeki atte kusu ne na. Kisara koro guru, nu yan.
Ne hi ta anakne tokap cup nupeki atte koraci owpeka utar ne yakka kor mici kor mosir ta nupeki atte kusu ne na. Kisara kor kur, nu yan.
44 Kando moshiri anak ne toi tumugeta anuina wa an ikoro koheraye ruwe ne; ainu nei ambe pa chiki nuina; orowa, yaikopuntek gusu oman, aige, yaikota korobe obitta eihok wa nei toi hok ruwe ne.
Kanto mosir anakne toy tumke ta a=nuyna wa an i=kor koheraye ruwe ne; aynu ne anpe pa ciki nuyna; orowa, yaykopuntek kusu oman, ayke, yaykota kor pe opitta e=hok wa ne toy hok ruwe ne.
45 Shui, Kando moshiri anak ne pirika shinju shikhunara rambashne guru koheraye ruwe ne; aige, nei
Suy, Kanto mosir anakne pirka sinju sikhunara ranpasne kur koheraye ruwe ne; ayke, ne
46 guru ataye yupke shinju shinep apa chiki oman wa yaikota korope obitta eihok wa nei ambe hok nisa ruwe ne.
kur ataye yupke sinju sinep apa ciki oman wa yaykota kor pe opitta e=hok wa ne anpe hok nisa ruwe ne.
47 Shui, Kando moshiri anak ne atui otta aare wa usa okai chep-rup okarire ya kohereye ruwe ne:
Suy, Kanto mosir anakne atuy or ta a=are wa usa okay cep-rup okarire ya kohereye ruwe ne:
48 nei ya shikno an koro anak ne utara ya ta etaye wa yange; orowa, rok wa pirika ike saranip oro omare, koroka wen ike osuruba ruwe ne.
ne ya sikno an kor anakne utar ya ta etaye wa yanke; orowa, rok wa pirka ike saranip oro omare, korka wen ike osurpa ruwe ne.
49 Moshiri shiokere-i ta ne yakka nei no aki kusu ne: Kamui hauturumbe araki
Mosir siokere hi ta ne yakka néno aki kusu ne: Kamuy hawturunpe arki
50 wa oupeka utara tumuge wano wen utara numge hine abe sokot otta osurupa kusu ne: nei ita chish ambe hene niyorokara hene an kusu ne.
wa owpeka utar tumuke wano wen utar numke hine ape sokot or ta osurpa kusu ne: ne hi ta cis anpe hene niyorkar hene an kusu ne.
51 Echi utara anak ne tan okai orushpe obitta eramʼan ruwe he an? Orota, chi eramʼan ruwe ne ari nei utara ye ruwe ne.
Eci utar anakne tan okay oruspe opitta eraman ruwe he an? Oro ta, ci eraman ruwe ne ari ne utar ye ruwe ne.
52 Orowa, orota Shinuma ene ye-hi :— Tambe gusu nen ne yakka kando moshiri gusu akoikare kambi-nuye ainu anak ne, koro ikoro orowa no fushko ambe hene, ashiripe hene sange chisei-koro guru koheraye ruwe ne, ari itak nisa ruwe ne na.
Orowa, oro ta Sinuma ene ye hi :— Tanpe kusu nen ne yakka kanto mosir kusu a=koykar kampi-nuye aynu anakne, kor i=kor oro wano husko anpe hene, a=siripe hene sanke cise-kor kur koheraye ruwe ne, ari itak nisa ruwe ne na.
53 Orowa, Yesu tan okai itak-maukushte-itak ye okere chiki, nei kotan ekohopi wa oman nisa ruwe ne.
Orowa, Yesu tan okay itak-mawkuste-itak ye okere ciki, ne kotan ekohopi wa oman nisa ruwe ne.
Mattaios 13.54-56 §141I
54 Orowa, koro kotan ta ek wa uwekarapa chisei orun ahun hine utara epakashnu nisa ruwe ne; aige, nu utara iyokunnure wa ene itak-hi :— Tan ainu anak ne nei no okai wayashnu ambe hene kiroro an mondum hene hunak wa kon ruwe he an?
Orowa, kor kotan ta ek wa uekarpa cise orun ahun hine utar epakasnu nisa ruwe ne; ayke, nu utar iyokunnure wa ene itak hi :— Tan aynu anakne néno okay wayasnu anpe hene kiroro an montum hene hunak wa kor ruwe he an?
55 Tambe anak ne pancho ainu koro poho shomo ne ruwe he an? Koro habo anak ne Maria ani an reihei koro shiwentep shomo ne ya? samata koro okkai ainu iriwak utara anak ne Yakob newa Yosep newa Simon newa Yudas newa ani aye utara shomo ne ya?
Tanpe anakne panco aynu kor poho somo ne ruwe he an? Kor hapo anakne Maria ani an rehe kor siwentep somo ne ya? sama ta kor okkay aynu irwak utar anakne Yakob newa Yosep newa Simon newa Yudas newa ani a=ye utar somo ne ya?
56 Orowa, koro mat ainu iriwak utara ne yakka un tura no okai shomo ne ruwe he an? Ta an guru anak ne nei no okaibe hunak wa koro ya? ari itak.
Orowa, kor mataynu irwak utar ne yakka un turano okay somo ne ruwe he an? Ta an kur anakne néno okaype hunak wa kor ya? ari itak.
Markos 6.1-3 §50I
1 Orowa no, nei ushike wano Shinuma soine, awa, koro kotan orun ek; aine, koikara utara nei osh paye nisa ruwe ne.
Orowano, ne usike wano Sinuma soyne, awa, kor kotan orun ek; ayne, koykar utar ne os paye nisa ruwe ne.
2 Shini toho an koro Uwekarapa chisei ta epakashnu heashi: orowa, inne utara nu wa iyokunnure, awa, ene itak-hi :— Tan guru anak ne tap okaibe hunak wa koro ya? Tap okai kiroro an ikip ambe koro teke ani ki kuni mondum tan guru otta akore wayashnu-i nekon a ambe ne ruwe he an?
Sini toho an kor Uekarpa cise ta epakasnu heasi: orowa, inne utar nu wa iyokunnure, awa, ene itak hi :— Tan kur anakne tap okaype hunak wa kor ya? Tap okay kiroro an iki p anpe kor teke ani ki kuni montum tan kur or ta a=kore wayasnu hi nekona anpe ne ruwe he an?
3 Tambe anak ne bancho ne guru, Maria koro poho shomo ne ya? Yakob hene, Yoses hene, Youdas hene, Simon hene, koro okkai ainu uiriwak shomo ne he an? Samata, koro matne ainu uiriwak teda un tura no okai shomo ne ruwe he an? ari itak. Orowa, nei utara Shinuma gusu epetchiu nisa ruwe ne.
Tanpe anakne panco ne kur, Maria kor poho somo ne ya? Yakob hene, Yoses hene, Yowdas hene, Simon hene, kor okkay aynu uyriwak somo ne he an? Sama ta, kor matne aynu uyriwak teta un turano okay somo ne ruwe he an? ari itak. Orowa, ne utar Sinuma kusu epetciw nisa ruwe ne.
Roukos 4.22 §19I
22 Orowa obitta no okai utara Shinuma gusu paweteshu ki, aine, Shinuma koro paroho wano oashin irenga no an itak enushkari: samata, Tan guru anak ne Yosep koro poho shomo ne ya? ari itak.
Orowa opittano okay utar Sinuma kusu pawetesu ki, ayne, Sinuma kor paroho wano oasin irenka no an itak enuskari: sama ta, Tan kur anakne Yosep kor poho somo ne ya? ari itak.
Yoannes 6.41-42 §59I
41 Tambe gusu, Yudea un utara anak ne Yesu gusu oromam ruwe ne, Kuani anak ne kando orowa no ran aep Ku ne ruwe ne, ari an itak ani Shinuma ye nisa ruwe ne gusu ne na.
Tanpe kusu, Yudea un utar anakne Yesu kusu oromam ruwe ne, Kuani anakne kanto oro wano ran aep Ku ne ruwe ne, ari an itak ani Sinuma ye nisa ruwe ne kusu ne na.
42 Awa, ene itak-hi :— Tan guru anak ne koro ona koro unu chi eamkiri Yosep koro poho Yesu shomo ne ya? Hemanda gusu, Kuani anak ne kando orowa no Ku ran ruwe ne ani tane Shinuma itak ya? sekoro nei utara itak nisa ruwe ne.
Awa, ene itak hi :— Tan kur anakne kor ona kor unu ci e=amkir Yosep kor poho Yesu somo ne ya? Hemanta kusu, Kuani anakne kanto oro wano Ku=ran ruwe ne ani tane Sinuma itak ya? sekor ne utar itak nisa ruwe ne.
Mattaios 13.57-58 §142I
57 Orowa, Shinuma gusu nei utara aureepetchiure nisa ruwe ne na. Koroka, Yesu nei utara otta ene itak-hi :— Uweingara guru anak ne yaikota koro moshiri ta hene koro unihi ta hene moshima an ushiketa ne yakun aeoripakbe ne, sekoro itak.
Orowa, Sinuma kusu ne utar awreepetciwre nisa ruwe ne na. Korka, Yesu ne utar or ta ene itak hi :— Ueinkar kur anakne yaykota kor mosir ta hene kor unihi ta hene mosma an uske ta ne yakun aeoripakpe ne, sekor itak.
58 Orowa, nei utara eumbipka keutum gusu, Shinuma nei kotan ta kiroro an iki ikip poron no shomo iki nisa ruwe ne na.
Orowa, ne utar eunpipka kewtum kusu, Sinuma ne kotan ta kiroro an iki iki p poronno somo iki nisa ruwe ne na.
Markos 6.4-6A §51I
4 Orowa nei utara orota Yesu ene itak-hi :— Uweingara guru anak ne yaikota koro kotan ta hene, koro uiriwak utara tumta hene, koro uni ta hene shomo ne chiki aeoripak sak no an ambe shomo ne ruwe ne, ari itak.
Orowa ne utar oro ta Yesu ene itak hi :— Ueinkar kur anakne yaykota kor kotan ta hene, kor uyriwak utar tum ta hene, kor uni ta hene somo ne ciki a=eoripak sak no an anpe somo ne ruwe ne, ari itak.
5 Orowa, nei ita kiroro an ikip iki eaikap ruwe ne, ouse moyo no okai tashum ki utara kata koro teke ande wa iwangere nisa ruwe ne.
Orowa, ne hi ta kiroro an iki p iki eaykap ruwe ne, owse moyono okay tasum ki utar kata kor teke ante wa iwankere nisa ruwe ne.
6 Nei utara eumbipkap Shinuma enushkari nisa ruwe ne na. Orowa, Shinuma okari okai kotan orun oman wa epakashnu nisa ruwe ne.
Ne utar eunpipkap Sinuma enuskari nisa ruwe ne na. Orowa, Sinuma okari okay kotan orun oman wa epakasnu nisa ruwe ne.