10 Ik. ページ 280

Son no, son no, echi otta Ku ye, hitsuji topa gusu an ekashi otta apa kari ahun shomoki no, oya ru kari ta yan gurʼanak ne, shinuma anak ikka guru ne, niwen no iki ikka guru ne ruwe ne.

Sonno, sonno, eci or ta Ku=ye, hitsuji topa kusu an ekasi or ta apa kari ahun somo ki no, oya ru kari ta yan kur anakne, sinuma anak ikka kur ne, niwen no iki ikka kur ne ruwe ne.

αμην αμην λεγω υμιν ο μη εισερχομενος δια της θυρας εις την αυλην των προβατων αλλα αναβαινων αλλαχοθεν εκεινος κλεπτης εστιν και ληστης

「はっきり言っておく。羊の囲いに入るのに、門を通らないでほかの所を乗り越えて来る者は、盗人であり、強盗である。

Koroka, apa kari ahun guru anak ne hitsuji koro reshpa guru ne.

Korka, apa kari ahun kur anakne hitsuji kor respa kur ne.

ο δε εισερχομενος δια της θυρας ποιμην εστιν των προβατων

門から入る者が羊飼いである。

Apa pungi Shinuma gusu apa maka; orowa, hitsuji anak ne Shinuma koro hawe nu: samata, Shinuma yaikota koro hitsuji areikore an reihei ani hotuyekara wa soyumba wa tura ruwe ne.

Apa punki Sinuma kusu apa maka; orowa, hitsuji anakne Sinuma kor hawe nu: sama ta, Sinuma yaykota kor hitsuji a=rékore an rehe ani hotuyekar wa soyunpa wa tura ruwe ne.

τουτω ο θυρωρος ανοιγει και τα προβατα της φωνης αυτου ακουει και τα ιδια προβατα φωνει κατ ονομα και εξαγει αυτα

門番は羊飼いには門を開き、羊はその声を聞き分ける。羊飼いは自分の羊の名を呼んで連れ出す。

Shinuma anak ne obitta no yaikota korobe soyumbare chiki, nei kotchaketa oman wa hitsuji nei osh paye ruwe ne: koro hawe kiri ruwe ne gusu ne na.

Sinuma anakne opittano yaykota kor pe soyunpare ciki, ne kotcake ta oman wa hitsuji ne os paye ruwe ne: kor hawe kiri ruwe ne kusu ne na.

οταν τα ιδια παντα εκβαλη εμπροσθεν αυτων πορευεται και τα προβατα αυτω ακολουθει οτι οιδασιν την φωνην αυτου

自分の羊をすべて連れ出すと、先頭に立って行く。羊はその声を知っているので、ついて行く。

Nei hitsuji anak ne oya guru oshi paye shomoki, koroka, orowa no kira ruwe ne: oya utara koro hawe kiri shomoki ruwe ne gusu ne na.

Ne hitsuji anakne oya kur osi paye somo ki, korka, orowano kira ruwe ne: oya utar kor hawe kiri somo ki ruwe ne kusu ne na.

αλλοτριω δε ου μη ακολουθησουσιν αλλα φευξονται απ αυτου οτι ουκ οιδασιν των αλλοτριων την φωνην

しかし、ほかの者には決してついて行かず、逃げ去る。ほかの者たちの声を知らないからである。」

Yesu tan itak-maukushte-itak utara otta ye: koroka, orota Shinuma ye orushpe ibehe nei utara erampeutek nisa ruwe ne na.

Yesu tan itak-mawkuste-itak utar or ta ye: korka, oro ta Sinuma ye oruspe ipehe ne utar eranpewtek nisa ruwe ne na.

ταυτην την παροιμιαν ειπεν αυτοις ο ιησους εκεινοι δε ουκ εγνωσαν τινα ην α ελαλει αυτοις

イエスは、このたとえをファリサイ派の人々に話されたが、彼らはその話が何のことか分からなかった。

Tambe gusu, shui, nei utara otta Yesu ene itakhi :— Son no, son no, echi otta Ku ye, Kuani anak ne hitsuji apa Ku ne ruwe ne.

Tanpe kusu, suy, ne utar or ta Yesu ene itak hi :— Sonno, sonno, eci or ta Ku=ye, Kuani anakne hitsuji apa Ku ne ruwe ne.

ειπεν ουν παλιν [ο] ο ιησους αμην αμην λεγω υμιν οτι εγω ειμι η θυρα των προβατων

イエスはまた言われた。「はっきり言っておく。わたしは羊の門である。

En etokota araki obitta no okai utara anak ne ikka utara ne, niwen no iki ikka utara ne: koroka, hitsuji anak ne nei utara ko-nu shomoki nisa ruwe ne.

En=etoko ta arki opittano okay utar anakne ikka utar ne, niwen no iki ikka utar ne: korka, hitsuji anakne ne utar ko-nu somo ki nisa ruwe ne.

παντες οσοι ηλθον προ εμου [προ εμου] κλεπται εισιν και λησται αλλ ουκ ηκουσαν αυτων τα προβατα

わたしより前に来た者は皆、盗人であり、強盗である。しかし、羊は彼らの言うことを聞かなかった。

Kuani anak nei apa Ku ne: En kari otta ahun guru an chiki, kashi-a-obiuki kusu ne, orowa, ahun hemhem ki, soine hemhem ki wa aep koro kusu ne na.

Kuani anakne apa Ku ne: En=kari or ta ahun kur an ciki, kasi-a-opiwki kusu ne, orowa, ahun hemhem ki, soyne hemhem ki wa aep kor kusu ne na.

εγω ειμι η θυρα δι εμου εαν τις εισελθη σωθησεται και εισελευσεται και εξελευσεται και νομην ευρησει

わたしは門である。わたしを通って入る者は救われる。その人は、門を出入りして牧草を見つける。

Ikka hemhem ki, ronnu hemhem ki, isamka hemhem ki kuni gusu moshima ikka guru anak ne ek shomoki ruwe ne; Ku ek ikkewehe anak ne echi utara inotu koro, nuye an no echi koro kuni gusu ne ruwe ne na.

Ikka hemhem ki, ronnu hemhem ki, isamka hemhem ki kuni kusu mosma ikka kur anakne ek somo ki ruwe ne; Ku=ek ikkewehe anakne eci utar inotu kor, nuye an no eci=kor kuni kusu ne ruwe ne na.

ο κλεπτης ουκ ερχεται ει μη ινα κλεψη και θυση και απολεση εγω ηλθον ινα ζωην εχωσιν και περισσον εχωσιν

盗人が来るのは、盗んだり、屠ったり、滅ぼしたりするためにほかならない。わたしが来たのは、羊が命を受けるため、しかも豊かに受けるためである。

Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

Kuani pirka hitsuji respa kur Ku ne: ne pirka respa kur anakne hitsuji kusu kor inotu ante ruwe ne.

εγω ειμι ο ποιμην ο καλος ο ποιμην ο καλος την ψυχην αυτου τιθησιν υπερ των προβατων

わたしは良い羊飼いである。良い羊飼いは羊のために命を捨てる。

Nei hitsuji koro shomoki reshpa guru shomo ne no an ayatoine guru anak ne, horokeu ek shiri nukara wa kira hine nei hitsuji ande ruwe ne, orowa, horokeu anak ne hitsuji kishima hemhem ki, chari hemhem ki ruwe ne;

Ne hitsuji kor somo ki respa kur somo ne no an ayatoyne kur anakne, horkew ek siri nukar wa kira hine ne hitsuji ante ruwe ne, orowa, horkew anakne hitsuji kisma hemhem ki, cari hemhem ki ruwe ne;

ο μισθωτος και ουκ ων ποιμην ου ουκ εστιν τα προβατα ιδια θεωρει τον λυκον ερχομενον και αφιησιν τα προβατα και φευγει και ο λυκος αρπαζει αυτα και σκορπιζει

羊飼いでなく、自分の羊を持たない雇い人は、狼が来るのを見ると、羊を置き去りにして逃げる。――狼は羊を奪い、また追い散らす。――

nei guru ayatoine guru ne wa gusu hitsuji shomo ko-eyam no an ruwe ne gusu ne na.

ne kur ayatoyne kur ne wa kusu hitsuji somo ko-eyam no an ruwe ne kusu ne na.

οτι μισθωτος εστιν και ου μελει αυτω περι των προβατων

彼は雇い人で、羊のことを心にかけていないからである。

Kuani anak ne pirika reshpa guru Ku ne; yaikota Ku korobe Ku eamkiri, orowa, Ku korobe anak En eamkiri ruwe ne,

Kuani anakne pirka respa kur Ku ne; yaykota Ku=kor pe Ku=e=amkir, orowa, Ku=kor pe anak En=e=amkir ruwe ne,

εγω ειμι ο ποιμην ο καλος και γινωσκω τα εμα και γινωσκουσιν με τα εμα

わたしは良い羊飼いである。わたしは自分の羊を知っており、羊もわたしを知っている。

Michi anak ne En eamkiri, Kuani anak Michi Ku eamkiri ukorachi ne na; orowa, hitsuji gusu Ku inotu Ku ande

Mici anakne En=e=amkir, Kuani anak Mici Ku=e=amkir ukoraci ne na; orowa, hitsuji kusu Ku=inotu Ku=ante

καθως γινωσκει με ο πατηρ καγω γινωσκω τον πατερα και την ψυχην μου τιθημι υπερ των προβατων

それは、父がわたしを知っておられ、わたしが父を知っているのと同じである。わたしは羊のために命を捨てる。

ruwe ne. Tan hitsuji topaha gusu an ekashi shomo tura an moshima okai hitsuji Ku koro: nei ambe ne yakka Ku ani kusu ne ap, orowa, nei ambe Ku hawe nu kusu ne na; aige, shine topaha, shine reshpa guru an kusu ne na.

ruwe ne. Tan hitsuji topaha kusu an ekasi somo tura an mosma okay hitsuji Ku=kor: ne anpe ne yakka Ku ani kusu ne ap, orowa, ne anpe Ku hawe nu kusu ne na; ayke, sine topaha, sine respa kur an kusu ne na.

και αλλα προβατα εχω α ουκ εστιν εκ της αυλης ταυτης κακεινα δει με αγαγειν και της φωνης μου ακουσουσιν και γενησονται μια ποιμνη εις ποιμην

わたしには、この囲いに入っていないほかの羊もいる。その羊をも導かなければならない。その羊もわたしの声を聞き分ける。こうして、羊は一人の羊飼いに導かれ、一つの群れになる。

Tambe gusu, Ku Michi anak ne En omap ruwe ne, shui nei ambe ku uk kuni gusu ku ande ruwe ne gusu ne.

Tanpe kusu, Ku Mici anakne En=omap ruwe ne, suy ne anpe ku=uk kuni kusu ku=ante ruwe ne kusu ne.

δια τουτο με ο πατηρ αγαπα οτι εγω τιθημι την ψυχην μου ινα παλιν λαβω αυτην

わたしは命を、再び受けるために、捨てる。それゆえ、父はわたしを愛してくださる。

En orowa no nei ambe uk guru isam, koroka, Kuani rengaine nei ambe ku ande ruwe ne. Nei ambe ande kuni mondum Ku koro, shui, uk kuni mondum Ku kon ruwe ne. Ku Michi orowa no tan ikashpaotte a en kore nisa ruwe ne na.

En=oro wano ne anpe uk kur isam, korka, Kuani renkayne ne anpe ku=ante ruwe ne. Ne anpe ante kuni montum Ku=kor, suy, uk kuni montum Ku=kor ruwe ne. Ku Mici oro wano tan ikaspaotte a en=kore nisa ruwe ne na.

ουδεις ηρεν αιρει αυτην απ εμου αλλ εγω τιθημι αυτην απ εμαυτου εξουσιαν εχω θειναι αυτην και εξουσιαν εχω παλιν λαβειν αυτην ταυτην την εντολην ελαβον παρα του πατρος μου

だれもわたしから命を奪い取ることはできない。わたしは自分でそれを捨てる。わたしは命を捨てることもでき、それを再び受けることもできる。これは、わたしが父から受けた掟である。」

Shui, tan itak gusu, Yudea un utara tumugeta eukopi hopuni nisa ruwe ne.

Suy, tan itak kusu, Yudea un utar tumke ta ewkopi hopuni nisa ruwe ne.

σχισμα παλιν εγενετο εν τοις ιουδαιοις δια τους λογους τουτους

この話をめぐって、ユダヤ人たちの間にまた対立が生じた。

Shinuma anak ne nitne kamui shikatkare wa chiitasare an; Nep gusu Shinuma otta echi nu ya? ani an itak ani inne utara ye ruwe ne.

Sinuma anakne nitne kamuy sikatkare wa ciitasare an; Nep kusu Sinuma or ta eci=nu ya? ani an itak ani inne utar ye ruwe ne.

ελεγον δε πολλοι εξ αυτων δαιμονιον εχει και μαινεται τι αυτου ακουετε

多くのユダヤ人は言った。「彼は悪霊に取りつかれて、気が変になっている。なぜ、あなたたちは彼の言うことに耳を貸すのか。」

Orowa, Tan itak anak ne nitne kamui shikatkare guru ye itak shomo ne. Nitne kamui anak ne shiknak guru koro shiki maka eashkai ruwe he an? moshima utara ye nisa ruwe ne.

Orowa, Tan itak anakne nitne kamuy sikatkare kur ye itak somo ne. Nitne kamuy anakne siknak kur kor siki maka easkay ruwe he an? mosma utar ye nisa ruwe ne.

αλλοι ελεγον ταυτα τα ρηματα ουκ εστιν δαιμονιζομενου μη δαιμονιον δυναται τυφλων οφθαλμους ανοιξαι

ほかの者たちは言った。「悪霊に取りつかれた者は、こういうことは言えない。悪霊に盲人の目が開けられようか。」

Orowa, Yerusarem kotan ta Kamui kora kenru yange marapto an: mata-pa ne ruwe ne; awa,

Orowa, Yerusarem kotan ta Kamuy kor kenru yanke marapto an: mata-pa ne ruwe ne; awa,

εγενετο τοτε τα εγκαινια εν τοις ιεροσολυμοις χειμων ην

そのころ、エルサレムで神殿奉献記念祭が行われた。冬であった。

Yesu Kamui kora kenru un Soromon ikushpe tumta apkash korʼan.

Yesu Kamuy kor kenru un Soromon ikuspe tum ta apkas kor an.

και περιεπατει [ο] ο ιησους εν τω ιερω εν τη στοα του σολομωνος

イエスは、神殿の境内でソロモンの回廊を歩いておられた。

Tambe gusu, Yudea un utara anak ne Shinuma okari un araki wa otta ene itak-hi :— Hembara pakno un utumashire ya? Aokai Kiristo ne yakun irammakaka un nure yan, ari itak Orota Yesu ene itak-hi :—

Tanpe kusu, Yudea un utar anakne Sinuma okari un arki wa or ta ene itak hi :— Henpara pakno un utumasire ya? Aokay Kiristo ne yakun irammakaka un nure yan, ari itak Oro ta Yesu ene itak hi :—

εκυκλωσαν ουν αυτον οι ιουδαιοι και ελεγον αυτω εως ποτε την ψυχην ημων αιρεις ει συ ει ο χριστος ειπον ειπε ημιν παρρησια

すると、ユダヤ人たちがイエスを取り囲んで言った。「いつまで、わたしたちに気をもませるのか。もしメシアなら、はっきりそう言いなさい。」

Ku echi nure ash nisa, awa, echi shomo eishokoro: Ku Michi reihei ankushkeraipo Ku ki ikip anak ne En gusu paweteshu ki ruwe ne.

Ku=eci nure as nisa, awa, eci somo eysokor: Ku Mici rehe an kuskeraypo Ku=ki iki p anakne En kusu pawetesu ki ruwe ne.

απεκριθη αυτοις [ο] ο ιησους ειπον υμιν και ου πιστευετε τα εργα α εγω ποιω εν τω ονοματι του πατρος μου ταυτα μαρτυρει περι εμου

イエスは答えられた。「わたしは言ったが、あなたたちは信じない。わたしが父の名によって行う業が、わたしについて証しをしている。

Koroka, echi utara anak ne Ku koro hitsuji chikoikip shomo ne gusu eishokoro shomoki ruwe ne.

Korka, eci utar anakne Ku=kor hitsuji cikoykip somo ne kusu eysokor somo ki ruwe ne.

αλλα υμεις ου πιστευετε οτι ουκ εστε εκ των προβατων των εμων

しかし、あなたたちは信じない。わたしの羊ではないからである。

Ku koro hitsuji anak ne Ku hawe nu, samata, Kuani anak ne nei ambe eamkiri, nei ambe anak En eamkiri wa En osh araki:

Ku=kor hitsuji anakne Ku hawe nu, sama ta, Kuani anakne ne anpe e=amkir, ne anpe anak En=e=amkir wa En=os arki:

τα προβατα τα εμα της φωνης μου ακουουσιν καγω γινωσκω αυτα και ακολουθουσιν μοι

わたしの羊はわたしの声を聞き分ける。わたしは彼らを知っており、彼らはわたしに従う。

orowa, orota ramma okere shomoki inotu Ku kore ruwe ne; nei ambe hembara ne yakka aisamka shomoki, orowa, Ku teke wano nei ambe etaye guru isam kusu ne na.

orowa, oro ta ramma okere somo ki inotu Ku=kore ruwe ne; ne anpe henpara ne yakka a=ysamka somo ki, orowa, Ku=teke wano ne anpe etaye kur isam kusu ne na.

καγω διδωμι αυτοις ζωην αιωνιον και ου μη απολωνται εις τον αιωνα και ουχ αρπασει τις αυτα εκ της χειρος μου

わたしは彼らに永遠の命を与える。彼らは決して滅びず、だれも彼らをわたしの手から奪うことはできない。

En otta nei ambe kore Ku Michi anak ne nen ne yakka kasu no eitasa pase ruwe ne; orowa, Ku Michi tekehe wano etaye eashkai guru isam ruwe ne.

En or ta ne anpe kore Ku Mici anakne nen ne yakka kasuno eytasa pase ruwe ne; orowa, Ku Mici tekehe wano etaye easkay kur isam ruwe ne.

ο πατηρ μου ο δεδωκεν μοι παντων μειζον εστιν και ουδεις δυναται αρπαζειν εκ της χειρος του πατρος

わたしの父がわたしにくださったものは、すべてのものより偉大であり、だれも父の手から奪うことはできない。

Kuani newa Ku Michi anak ne shinep ne ruwe ne, ari itak.

Kuani newa Ku Mici anakne sinep ne ruwe ne, ari itak.

εγω και ο πατηρ εν εσμεν

わたしと父とは一つである。」

Orowa, shui, Shinuma kopiyekara gusu, Yudea un utara shuma uina nisa ruwe ne.

Orowa, suy, Sinuma kopiyekar kusu, Yudea un utar suma uyna nisa ruwe ne.

εβαστασαν παλιν λιθους οι ιουδαιοι ινα λιθασωσιν αυτον

ユダヤ人たちは、イエスを石で打ち殺そうとして、また石を取り上げた。

Orota Yesu ene ese-hi :— Kuani anak ne Michi orowa no inne pirika ikip echi nukare; awa, nekon a an ikip gusu echi En kopiyekara ya?

Oro ta Yesu ene ese hi :— Kuani anakne Mici oro wano inne pirka iki p eci=nukare; awa, nekona an iki p kusu eci En=kopiyekar ya?

απεκριθη αυτοις ο ιησους πολλα εργα εδειξα υμιν καλα καλα εδειξα υμιν εκ του πατρος δια ποιον αυτων εργον εμε λιθαζετε

すると、イエスは言われた。「わたしは、父が与えてくださった多くの善い業をあなたたちに示した。その中のどの業のために、石で打ち殺そうとするのか。」

Orota nei Yudea un utara ene ese-hi :— Pirika ikip gusu E kopiyekara ash shomoki, Eani Kamui koatcha gusu; orowa, Eani ainu E ne wa Kamui yaikara ruwe ne gusu ne na.

Oro ta ne Yudea un utar ene ese hi :— Pirka iki p kusu E kopiyekar as somo ki, Eani Kamuy koatca kusu; orowa, Eani aynu E ne wa Kamuy yaykar ruwe ne kusu ne na.

απεκριθησαν αυτω οι ιουδαιοι περι καλου εργου ου λιθαζομεν σε αλλα περι βλασφημιας και οτι συ ανθρωπος ων ποιεις σεαυτον θεον

ユダヤ人たちは答えた。「善い業のことで、石で打ち殺すのではない。神を冒瀆したからだ。あなたは、人間なのに、自分を神としているからだ。」

Orota Yesu ene ese-hi :— Kamui utara echi ne sekoro Ku ye, ani an itak ambe anak ne echi koro tuitak kambi kata anuye wa an shomo ne ya?

Oro ta Yesu ene ese hi :— Kamuy utar eci ne sekor Ku=ye, ani an itak anpe anakne eci=kor tuytak kampi kata a=nuye wa an somo ne ya?

απεκριθη αυτοις [ο] ιησους ουκ εστιν γεγραμμενον εν τω νομω υμων οτι εγω ειπα θεοι εστε

そこで、イエスは言われた。「あなたたちの律法に、『わたしは言う。あなたたちは神々である』と書いてあるではないか。

Otta Kamui itak ek utara, Kamui utara ani shinuma reikore yak anak ne (orowa, Kamui nuyere itak aotereke eaikapbe),

Or ta Kamuy itak ek utar, Kamuy utar ani sinuma rékore yakanak ne (orowa, Kamuy nuyere itak a=oterke eaykap pe),

ει εκεινους ειπεν θεους προς ους ο λογος του θεου εγενετο και ου δυναται λυθηναι η γραφη

神の言葉を受けた人たちが、『神々』と言われている。そして、聖書が廃れることはありえない。

Michi oripak wa moshiri kata omande guru epeka no, Kuani anak ne Kamui Poho Ku ne ani Ku ye gusu, Eani Kamui koatcha, ari echi ye ya?

Mici oripak wa mosir kata omante kur epeka no, Kuani anakne Kamuy Poho Ku ne ani Ku=ye kusu, Eani Kamuy koatca, ari eci=ye ya?

ον ο πατηρ ηγιασεν και απεστειλεν εις τον κοσμον υμεις λεγετε οτι βλασφημεις οτι ειπον υιος του θεου ειμι

それなら、父から聖なる者とされて世に遣わされたわたしが、『わたしは神の子である』と言ったからとて、どうして『神を冒瀆している』と言うのか。

Ku Michi koro ikip Ku iki shomoki yak anak ne iteki En eishokoro yan.

Ku Mici kor iki p Ku=iki somo ki yakanak ne iteki En=eysokor yan.

ει ου ποιω τα εργα του πατρος μου μη πιστευετε μοι

もし、わたしが父の業を行っていないのであれば、わたしを信じなくてもよい。

Koroka, nei ambe Ku iki yakun, echi utara En eishokoro shomoki yakka, nei ikip eishokoro yan: Michi anak ne En onnaigeta an, Kuani anak Michi onnaigeta Ku an shiri echi eraman wa ramepakari kuni gusu ne na, ari itak.

Korka, ne anpe Ku=iki yakun, eci utar En=eysokor somo ki yakka, ne iki p eysokor yan: Mici anakne En=onnayke ta an, Kuani anak Mici onnayke ta Ku=an siri eci=eraman wa ramepakari kuni kusu ne na, ari itak.

ει δε ποιω καν εμοι μη πιστευητε τοις εργοις πιστευετε ινα γνωτε και γινωσκητε οτι εν εμοι ο πατηρ καγω εν τω πατρι

しかし、行っているのであれば、わたしを信じなくても、その業を信じなさい。そうすれば、父がわたしの内におられ、わたしが父の内にいることを、あなたたちは知り、また悟るだろう。」

Shui nei utara Shinuma kishima kuni ramu, koroka, nei tekehe wano oman nisa ruwe ne na.

Suy ne utar Sinuma kisma kuni ramu, korka, ne tekehe wano oman nisa ruwe ne na.

εζητουν [ουν] αυτον παλιν πιασαι και εξηλθεν εκ της χειρος αυτων

そこで、ユダヤ人たちはまたイエスを捕らえようとしたが、イエスは彼らの手を逃れて、去って行かれた。

Orowa, etokota Yoannes baptisma kore Yorodan pet kushta an ushiketa Yesu shui oman wa an nisa ruwe ne.

Orowa, etoko ta Yoannes paptisma kore Yorodan pet kus ta an uske ta Yesu suy oman wa an nisa ruwe ne.

και απηλθεν παλιν περαν του ιορδανου εις τον τοπον οπου ην ιωαννης το πρωτον βαπτιζων και εμενεν εμεινεν εκει

イエスは、再びヨルダンの向こう側、ヨハネが最初に洗礼を授けていた所に行って、そこに滞在された。

Awa, inne utara Shinuma orota araki wa ene itak-hi: Son no poka, Yoannes anak ne shirosh ki shomoki: koroka, tan guru gusu Yoannes ye obitta no okai orushpe anak ne son no ambe ne, sekoro itak.

Awa, inne utar Sinuma oro ta arki wa ene itak hi: Sonno poka, Yoannes anakne siros ki somo ki: korka, tan kur kusu Yoannes ye opittano okay oruspe anakne sonno anpe ne, sekor itak.

και πολλοι ηλθον προς αυτον και ελεγον οτι ιωαννης μεν σημειον εποιησεν ουδεν παντα δε οσα ειπεν ιωαννης περι τουτου αληθη ην

多くの人がイエスのもとに来て言った。「ヨハネは何のしるしも行わなかったが、彼がこの方について話したことは、すべて本当だった。」

Orowa, toan ushiketa okai inne utara Shinuma eishokon nisa ruwe ne na.

Orowa, toan uske ta okay inne utar Sinuma eysokor nisa ruwe ne na.

και πολλοι επιστευσαν εις αυτον εκει

そこでは、多くの人がイエスを信じた。