Nei toho okaketa shui Shinuma Kapernaum machiya otta ahun chiki, Shinuma anak ne chisei ta an sekoro orushpe assuru aashte nisa ruwe ne.
Ne toho okake ta suy Sinuma Kapernaum maciya or ta ahun ciki, Sinuma anakne cise ta an sekor oruspe assuru a=aste nisa ruwe ne.
και εισελθων παλιν εις καφαρναουμ δι ημερων ηκουσθη οτι εν οικω εστιν
数日後、イエスが再びカファルナウムに来られると、家におられることが知れ渡り、
Awa, inne utara uwekarapa, naa chisei ahup eaikap pakno, apa samake katap okai eaikap pakno shiri-eshik ruwe ne: orowa, Shinuma nei utara otta itak ye nisa ruwe ne.
Awa, inne utar uekarpa, naa cise ahup eaykap pakno, apa samake katap okay eaykap pakno siri-esik ruwe ne: orowa, Sinuma ne utar or ta itak ye nisa ruwe ne.
και συνηχθησαν πολλοι ωστε μηκετι χωρειν μηδε τα προς την θυραν και ελαλει αυτοις τον λογον
大勢の人が集まったので、戸口の辺りまですきまもないほどになった。イエスが御言葉を語っておられると、
Orowa, ine ainu shine tusushke tashum ki guru ani wa araki utara okai, awa, atura wa araki.
Orowa, ine aynu sine tususke tasum ki kur ani wa arki utar okay, awa, a=tura wa arki.
και ερχονται φεροντες προς αυτον παραλυτικον αιρομενον υπο τεσσαρων
四人の男が中風の人を運んで来た。
Aige, inne utara okai gusu ko-ehange no araki eaikap chiki, Shinuma an chisei kitai maka nisa ruwe re: nei ambe yaspa aokere yakun tusushke tashum ki guru kata hotke wa an atarabe range nisa ruwe ne.
Ayke, inne utar okay kusu ko-ehanke no arki eaykap ciki, Sinuma an cise kitay maka nisa ruwe re: ne anpe yaspa a=okere yakun tususke tasum ki kur kata hotke wa an a=tarap ranke nisa ruwe ne.
και μη δυναμενοι προσενεγκαι αυτω δια τον οχλον απεστεγασαν την στεγην οπου ην και εξορυξαντες χαλωσιν τον κραβαττον οπου ο παραλυτικος κατεκειτο
しかし、群衆に阻まれて、イエスのもとに連れて行くことができなかったので、イエスがおられる辺りの屋根をはがして穴をあけ、病人の寝ている床をつり降ろした。
Orowa, Yesu nei utara koro eishokor i nukara wa tusushke tashum ki guru otta — Poho, e koro katpak atusare wa an ruwe ne; ari itak.
Orowa, Yesu ne utar kor eysokor i nukar wa tususke tasum ki kur or ta — Poho, e=kor katpak atusare wa an ruwe ne; ari itak.
και ιδων ο ιησους την πιστιν αυτων λεγει τω παραλυτικω τεκνον αφιενται σου αι αμαρτιαι
イエスはその人たちの信仰を見て、中風の人に、「子よ、あなたの罪は赦される」と言われた。
Koroka, nei ushiketa rok wa okai kambi-nuye u ara tumugeta keutum ta upaore, aige, —
Korka, ne uske ta rok wa okay kampi-nuye u ar tumke ta kewtum ta upaore, ayke, —
ησαν δε τινες των γραμματεων εκει καθημενοι και διαλογιζομενοι εν ταις καρδιαις αυτων
ところが、そこに律法学者が数人座っていて、心の中であれこれと考えた。
Tan guru hemanda gusu nei no itak ya? Kamui koatcha ruwe ne: Shinen moshima, Kamui moshima katpak tusare eashkaibe nen ne ruwe? ari iki ruwe ne.
Tan kur hemanta kusunéno itak ya? Kamuy koatca ruwe ne: Sinen mosma, Kamuy mosma katpak tusare easkay pe nen ne ruwe? ari iki ruwe ne.
τι ουτος ουτως λαλει βλασφημει τις δυναται αφιεναι αμαρτιας ει μη εις ο θεος
「この人は、なぜこういうことを口にするのか。神を冒瀆している。神おひとりのほかに、いったいだれが、罪を赦すことができるだろうか。」
Koro ramat ani nani Yesu anak ne shinuma utara keutum oshiketa nei no okaibe upaore katu eramʼan koro, orota ene itak-hi: Hemanda gusu echi keutum ta tap okaibe echi upaore ya?
Kor ramat ani nani Yesu anakne sinuma utar kewtum oske ta néno okaype upaore katu eraman kor, oro ta ene itak hi: Hemanta kusu eci=kewtum ta tap okaype eci=upaore ya?
και ευθυς επιγνους ο ιησους τω πνευματι αυτου οτι [ουτως] ουτως διαλογιζονται εν εαυτοις λεγει [αυτοις] αυτοις τι ταυτα διαλογιζεσθε εν ταις καρδιαις υμων
イエスは、彼らが心の中で考えていることを、御自分の霊の力ですぐに知って言われた。「なぜ、そんな考えを心に抱くのか。
Tusushke tashum ki guru otta e koro katpak atusare wa an sekoro itak ye newa hopuni wa atarape ani wa apkash yan, sekoro itak ye anak ne, inambe ye itak katu isaika itak ne ruwe he an?
Tususke tasum ki kur or ta e=kor katpak atusare wa an sekor itak ye newa hopuni wa a=tarap ani wa apkas yan, sekor itak ye anakne, inanpe ye itak katu isayka itak ne ruwe he an?
τι εστιν ευκοπωτερον ειπειν τω παραλυτικω αφιενται σου αι αμαρτιαι η ειπειν εγειρου [και] εγειρε και αρον τον κραβαττον σου και περιπατει
中風の人に『あなたの罪は赦される』と言うのと、『起きて、床を担いで歩け』と言うのと、どちらが易しいか。
Koroka, Ainu Poho shiri kata an wa katpak tusare mondum koro wa an ari ambe echi eramu an kuni gusu
Korka, Aynu Poho siri kata an wa katpak tusare montum kor wa an ari anpe eci=eramu an kuni kusu
ινα δε ειδητε οτι εξουσιαν εχει ο υιος του ανθρωπου αφιεναι αμαρτιας επι της γης λεγει τω παραλυτικω
人の子が地上で罪を赦す権威を持っていることを知らせよう。」そして、中風の人に言われた。
(tusushke tashum ki guru otta ene itak-hi) e otta Ku ye, hopuni wa koro atarape ani wa e uni un oman yan, ari itak.
(tususke tasum ki kur or ta ene itak hi) e or ta Ku=ye, hopuni wa kor a=tarap ani wa e uni un oman yan, ari itak.
σοι λεγω εγειρε αρον τον κραβαττον σου και υπαγε εις τον οικον σου
「わたしはあなたに言う。起き上がり、床を担いで家に帰りなさい。」
Orowa, nei guru hopuni hine nani atarape koro wa obitta no okai utara kotchaketa soine nisa ruwe ne; okai utara obitta oyamokte, orowa, Kamui ko oripak wa ene itak-hi :— Tambe nei no tane pakno naa shomo chi nukara ash nisa ruwe ne na, ari itak.
Orowa, ne kur hopuni hine nani a=tarap kor wa opittano okay utar kotcake ta soyne nisa ruwe ne; okay utar opitta oyamokte, orowa, Kamuy ko oripak wa ene itak hi :— Tanpe néno tane pakno naa somo ci nukar as nisa ruwe ne na, ari itak.
και ηγερθη και ευθυς αρας τον κραβαττον εξηλθεν εμπροσθεν παντων ωστε εξιστασθαι παντας και δοξαζειν τον θεον [λεγοντας] λεγοντας οτι ουτως ουδεποτε ειδαμεν ειδομεν
その人は起き上がり、すぐに床を担いで、皆の見ている前を出て行った。人々は皆驚き、「このようなことは、今まで見たことがない」と言って、神を賛美した。
Shui, Shinuma atui sam un oman, aige, obitta no okai inne utara Shinuma orota araki, awa, Shinuma nei utara epakashnu nisa ruwe ne.
Suy, Sinuma atuy sam un oman, ayke, opittano okay inne utar Sinuma oro ta arki, awa, Sinuma ne utar epakasnu nisa ruwe ne.
και εξηλθεν παλιν παρα την θαλασσαν και πας ο οχλος ηρχετο προς αυτον και εδιδασκεν αυτους
イエスは、再び湖のほとりに出て行かれた。群衆が皆そばに集まって来たので、イエスは教えられた。
Orowa, Shinuma shirikush an ita, Arupeus koro poho Rebi yaku-etaye ushiketa a wa an i nukara, awa, otta En osh ek yan, ani itak. Orowa, shinuma hopuni wa I osh oman nisa ruwe ne.
Orowa, Sinuma sirikus an hi ta, Arupeus kor poho Rebi yaku-etaye uske ta a wa an i nukar, awa, or ta En=os ek yan, ani itak. Orowa, sinuma hopuni wa I os oman nisa ruwe ne.
και παραγων ειδεν λευιν τον του αλφαιου καθημενον επι το τελωνιον και λεγει αυτω ακολουθει μοι και αναστας ηκολουθησεν αυτω
そして通りがかりに、アルファイの子レビが収税所に座っているのを見かけて、「わたしに従いなさい」と言われた。彼は立ち上がってイエスに従った。
Orowa shinuma koro chisei ta ibe gusu a wa an, aige, inne yaku-etaye utara newa chikokatpak utara Yesu newa koro koikara utara tura rok wa okai; nei utara inne wa Shinuma osh paye nisa ruwe ne gusu ne na.
Orowa sinuma kor cise ta ipe kusu a wa an, ayke, inne yaku-etaye utar newa ci=kokatpak utar Yesu newa kor koykar utar tura rok wa okay; ne utar inne wa Sinuma os paye nisa ruwe ne kusu ne na.
και γινεται κατακεισθαι αυτον εν τη οικια αυτου και πολλοι τελωναι και αμαρτωλοι συνανεκειντο τω ιησου και τοις μαθηταις αυτου ησαν γαρ πολλοι και ηκολουθουν αυτω
イエスがレビの家で食事の席に着いておられたときのことである。多くの徴税人や罪人もイエスや弟子たちと同席していた。実に大勢の人がいて、イエスに従っていたのである。
Parisee un utara koro kambi-nuye utara anak ne Shinuma chikokatpak utara newa yaku-etaye utara tura ibe katu nukara chiki koro koikara utara otta ene itak-hi :— Shinuma yaku-etaye utara newa chikokatpak utara tura ibe hemhem ki iku hemhem ki ruwe ne, ari itak.
Parisee un utar kor kampi-nuye utar anakne Sinuma ci=kokatpak utar newa yaku-etaye utar tura ipe katu nukar ciki kor koykar utar or ta ene itak hi :— Sinuma yaku-etaye utar newa ci=kokatpak utar tura ipe hemhem ki iku hemhem ki ruwe ne, ari itak.
και οι γραμματεις των φαρισαιων ιδοντες οτι εσθιει μετα των αμαρτωλων και τελωνων ελεγον τοις μαθηταις αυτου οτι μετα των τελωνων και αμαρτωλων εσθιει
ファリサイ派の律法学者は、イエスが罪人や徴税人と一緒に食事をされるのを見て、弟子たちに、「どうして彼は徴税人や罪人と一緒に食事をするのか」と言った。
Yesu tap ambe nu yakun nei utara otta ene itak-hi :— Iwange no okai utara anak ne potara guru irannakka, ouse tashum an guru patek kon rusui ruwe ne: Kuani anak ne oupeka utara hotuyekara gusu Ku ek ka shomoki, katpak koro utara Ku hotuyekara gusu Ku ek nisa ruwe ne na.
Yesu tapanpe nu yakun ne utar or ta ene itak hi :— Iwanke no okay utar anakne potara kur irannakka, owse tasum an kur patek kor rusuy ruwe ne: Kuani anakne owpeka utar hotuyekar kusu Ku=ek ka somo ki, katpak kor utar Ku=hotuyekar kusu Ku=ek nisa ruwe ne na.
και ακουσας ο ιησους λεγει αυτοις [οτι] ου χρειαν εχουσιν οι ισχυοντες ιατρου αλλ οι κακως εχοντες ουκ ηλθον καλεσαι δικαιους αλλα αμαρτωλους
イエスはこれを聞いて言われた。「医者を必要とするのは、丈夫な人ではなく病人である。わたしが来たのは、正しい人を招くためではなく、罪人を招くためである。」
Orowa, Yoannes koro koikara utara newa Parisee un utara koro koikara utara anak ne shomo ramnu ki korʼan, awa, Shinuma orun utara araki wa orota ene itak-hi :— Hemanda gusu Yoannes koro koikara utara newa Parisee un utara koro koikara utara shomo ramnu ki a koroka E koro koikara utara shomo ramnu ki ka shomoki ruwe he an?
Orowa, Yoannes kor koykar utar newa Parisee un utar kor koykar utar anakne somo ramnu ki kor an, awa, Sinuma orun utar arki wa oro ta ene itak hi :— Hemanta kusu Yoannes kor koykar utar newa Parisee un utar kor koykar utar somo ramnu ki a korka E=kor koykar utar somo ramnu ki ka somo ki ruwe he an?
και ησαν οι μαθηται ιωαννου και οι φαρισαιοι νηστευοντες και ερχονται και λεγουσιν αυτω δια τι οι μαθηται ιωαννου και οι μαθηται των φαρισαιων νηστευουσιν οι δε σοι [μαθηται] μαθηται ου νηστευουσιν
ヨハネの弟子たちとファリサイ派の人々は、断食していた。そこで、人々はイエスのところに来て言った。「ヨハネの弟子たちとファリサイ派の弟子たちは断食しているのに、なぜ、あなたの弟子たちは断食しないのですか。」
Orota Yesu ene itak-hi :— Tane mat-ahupkara guru koro tumbu ta ahup utara anak ne nei mat-ahupkara guru an ita shomo ramnu ki eashkai ruwe he an? Tane mat-ahupkara guru anak ne utara tura no an rapoketa shomo ramnu ki eaikap ruwe ne na.
Oro ta Yesu ene itak hi :— Tane mat-ahupkar kur kor tumpu ta ahup utar anakne ne mat-ahupkar kur an hi ta somo ramnu ki easkay ruwe he an? Tane mat-ahupkar kur anakne utar turano an rapoketa somo ramnu ki eaykap ruwe ne na.
και ειπεν αυτοις ο ιησους μη δυνανται οι υιοι του νυμφωνος εν ω ο νυμφιος μετ αυτων εστιν νηστευειν οσον χρονον εχουσιν τον νυμφιον μετ αυτων ου δυνανται νηστευειν
イエスは言われた。「花婿が一緒にいるのに、婚礼の客は断食できるだろうか。花婿が一緒にいるかぎり、断食はできない。
Koroka, nei mat-ahupkara guru auk toho ek kusu ne, nei toho ta utara shomo ramnu ki kusu ne na.
Korka, ne mat-ahupkar kur auk toho ek kusu ne, ne toho ta utar somo ramnu ki kusu ne na.
ελευσονται δε ημεραι οταν απαρθη απ αυτων ο νυμφιος και τοτε νηστευσουσιν εν εκεινη τη ημερα
しかし、花婿が奪い取られる時が来る。その日には、彼らは断食することになる。
Chiworo-at ani fushko amip utapke guru isam; nei no ki yakun autapke ashiribe anak ne fushko ambe orowa no yara, orowa, nei yara ushike naa aporore ruwe ne.
Ciworo-at ani husko amip utapke kur isam; néno ki yakun a=wtapke a=siripe anakne husko anpe oro wano yara, orowa, ne yara usike naa a=porore ruwe ne.
ουδεις επιβλημα ρακους αγναφου επιραπτει επι ιματιον παλαιον ει δε μη αιρει το πληρωμα απ αυτου το καινον του παλαιου και χειρον σχισμα γινεται
だれも、織りたての布から布切れを取って、古い服に継ぎを当てたりはしない。そんなことをすれば、新しい布切れが古い服を引き裂き、破れはいっそうひどくなる。
Shui, ashiri tonoto fushko kapu pukuru ta omare guru isam: nei no ki yakun tonoto anak ne pukuru patkere, orowa, tonoto newa pukuru aisamka ruwe ne: koroka, ashiri tonoto ashiri kapu pukuru orota aomare ruwe ne.
Suy, a=siri tonoto husko kapu pukuru ta omare kur isam: néno ki yakun tonoto anakne pukuru patkere, orowa, tonoto newa pukuru a=ysamka ruwe ne: korka, a=siri tonoto a=siri kapu pukuru oro ta a=omare ruwe ne.
και ουδεις βαλλει οινον νεον εις ασκους παλαιους ει δε μη ρηξει ο οινος τους ασκους και ο οινος απολλυται και οι ασκοι [αλλα αλλα οινον νεον εις ασκους καινους] καινους
また、だれも、新しいぶどう酒を古い革袋に入れたりはしない。そんなことをすれば、ぶどう酒は革袋を破り、ぶどう酒も革袋もだめになる。新しいぶどう酒は、新しい革袋に入れるものだ。」
Orowa, Shini toho ta Shinuma mungi toi kush wa oman korʼan; awa, koro koikara utara paye rapoketa mungi push tuiba heashi nisa ruwe ne.
Orowa, Sini toho ta Sinuma munki toy kus wa oman kor an; awa, kor koykar utar paye rapoketa munki pus tuypa heasi nisa ruwe ne.
και εγενετο αυτον εν τοις σαββασιν διαπορευεσθαι παραπορευεσθαι δια των σποριμων και οι μαθηται αυτου ηρξαντο οδον ποιειν τιλλοντες τους σταχυας
ある安息日に、イエスが麦畑を通って行かれると、弟子たちは歩きながら麦の穂を摘み始めた。
Aige, Parisee un utara Shinuma otta ene itak-hi :— Ingarʼan, hemanda gusu nei utara Shini toho ta aki yak ne tuitak otereke nep ki koro okai ruwe he an?
Ayke, Parisee un utar Sinuma or ta ene itak hi :— Inkar=an, hemanta kusu ne utar Sini toho ta aki yakne tuytak oterke nepki kor okay ruwe he an?
και οι φαρισαιοι ελεγον αυτω ιδε τι ποιουσιν τοις σαββασιν ο ουκ εξεστιν
ファリサイ派の人々がイエスに、「御覧なさい。なぜ、彼らは安息日にしてはならないことをするのか」と言った。
Orota Shinuma ene itak-hi :— Dabid newa tura no okai utara ibe rusui wa aeishiramnep an ita iki orushpe naa shomo echi orooitak ya?
Oro ta Sinuma ene itak hi :— Dabid newa turano okay utar ipe rusuy wa aeysiramnep an hi ta iki oruspe naa somo eci=oroytak ya?
και λεγει αυτοις ουδεποτε ανεγνωτε τι εποιησεν δαυιδ οτε χρειαν εσχεν και επεινασεν αυτος και οι μετ αυτου
イエスは言われた。「ダビデが、自分も供の者たちも、食べ物がなくて空腹だったときに何をしたか、一度も読んだことがないのか。
Kamui kora kenru iyotta pase esapane guru Abiatar an ita, shinuma Kamui kora kenru orun ahun wa Kamui kora kenru esapane utara moshima okai utara e ambe tuitak oterekep ne Kamui otta ayange pan uk wa yaikota e, samata, tura no okai utara ne yakka ere ambe echi oro-oitak shomoki ruwe he an?
Kamuy kor kenru iyotta pase esapane kur Abiatar an hi ta, sinuma Kamuy kor kenru orun ahun wa Kamuy kor kenru esapane utar mosma okay utar e anpe tuytak oterekep ne Kamuy or ta a=yanke pan uk wa yaykota e, sama ta, turano okay utar ne yakka ere anpe eci oro-oytak somo ki ruwe he an?
[πως] πως εισηλθεν εις τον οικον του θεου επι αβιαθαρ αρχιερεως και τους αρτους της προθεσεως εφαγεν ους ουκ εξεστιν φαγειν ει μη τους ιερεις και εδωκεν και τοις συν αυτω ουσιν
アビアタルが大祭司であったとき、ダビデは神の家に入り、祭司のほかにはだれも食べてはならない供えのパンを食べ、一緒にいた者たちにも与えたではないか。」
Orota shui Shinuma ene itak hi :— Shini toho anak ne ainu gusu akarape ne, ainu anak ne Shini toho gusu akarape shomo ne ruwe ne; tambe gusu,
Oro ta suy Sinuma ene itak hi :— Sini toho anakne aynu kusu a=karpe ne, aynu anakne Sini toho kusu a=karpe somo ne ruwe ne; tanpe kusu,
και ελεγεν αυτοις το σαββατον δια τον ανθρωπον εγενετο και ουχ ο ανθρωπος δια το σαββατον
そして更に言われた。「安息日は、人のために定められた。人が安息日のためにあるのではない。
Ainu Poho anak ne Shini toho poka enishpane ruwe ne na.
Aynu Poho anakne Sini toho poka enispane ruwe ne na.
ωστε κυριος εστιν ο υιος του ανθρωπου και του σαββατου
だから、人の子は安息日の主でもある。」