共観表

70 Nei utara otta Yesu ene ese-hi :— Echi tun ikashima wa niu Ku numge shomoki ya? orowa, echi shinen anak ne nitne kamui shomo ne ruwe he an? ani itak.

Ne utar or ta Yesu ene ese hi :— Eci=tun ikasma wa niw Ku=numke somo ki ya? orowa, eci=sinen anakne nitne kamuy somo ne ruwe he an? ani itak.

71 Kariot kotan un Simon koro poho Youdas epeka no Shinuma ye nisa ruwe ne; nei guru anak ne nei tun ikashima wa niu un shinen ne, awa, shinuma anak Yesu ekoshi kusu ne guru ne ruwe ne gusu ne na.

Kariot kotan un Simon kor poho Yowdas epeka no Sinuma ye nisa ruwe ne; ne kur anakne ne tun ikasma wa niw un sinen ne, awa, sinuma anak Yesu ekosi kusu ne kur ne ruwe ne kusu ne na.

7:1 Tap okaibe okaketa Yesu anak ne Gariraya kotan ta apkash: Yudea un utara Shinuma raige kuni ramu gusu Yudea kotan ta apkash shomoki nisa ruwe ne gusu ne na.

Tap okaype okake ta Yesu anakne Gariraya kotan ta apkas: Yudea un utar Sinuma rayke kuni ramu kusu Yudea kotan ta apkas somo ki nisa ruwe ne kusu ne na.

2 Orowa, Yudea un utara koro marapto, kash kara marapto, ehange no an ruwe ne.

Orowa, Yudea un utar kor marapto, kas kar marapto, ehanke no an ruwe ne.

3 Tambe gusu, koro ainu iriwak anak ne Shinuma otta ene itak-hi :— Te wano E oman wa E ki okaibe E koro koikara utara poka nukara kuni gusu Yudea kotan orun arapa yan.

Tanpe kusu, kor aynu irwak anakne Sinuma or ta ene itak hi :— Te wano E oman wa E ki okaype E=kor koykar utar poka nukar kuni kusu Yudea kotan orun arpa yan.

4 Inambe gusu ne yakun, yaikota aeamkirire rusui wa nuina no ikip ki guru isama. Tap okaibe E ki chiki moshiri uirup otta yainukare yan, ari itak.

Inanpe kusu ne yakun, yaykota aeamkirire rusuy wa nuyna no iki p ki kur isam. Tap okaype E ki ciki mosir uyrup or ta yaynukare yan, ari itak.

5 Koro ainu iriwak utara ne yakka Shinuma eishokoro shomoki shiri an ruwe ne gusu ne na.

Kor aynu irwak utar ne yakka Sinuma eysokor somo ki siri an ruwe ne kusu ne na.

6 Tambe gusu, nei utara otta Yesu ene itak-hi :— Ku pakihi anak ne naa shomo ek ruwe ne; koroka,

Tanpe kusu, ne utar or ta Yesu ene itak hi :— Ku=pakihi anakne naa somo ek ruwe ne; korka,

7 echi koro pakihi anak ramma an ruwe ne Moshiri anak ne echi etunne eaikap; koroka, nei ambe koro ikip anak ne wen ruwe ne ani an ambe paweteshu Ku ki gusu En etunne ruwe ne.

eci=kor pakihi anak ramma an ruwe ne Mosir anakne eci=etunne eaykap; korka, ne anpe kor iki p anakne wen ruwe ne ani an anpe pawetesu Ku=ki kusu En=etunne ruwe ne.

8 Nei marapto orun echi paye wa hemespa: Kuani anak ne marapto otta naa shomo Ku hemesu; Ku pakihi anak ne naa shomo auweomare ruwe ne gusu ne na, ari itak.

Ne marapto orun eci=paye wa hemespa: Kuani anakne marapto or ta naa somo Ku=hemesu; Ku=pakihi anakne naa somo a=ueomare ruwe ne kusu ne na, ari itak.

9 Orowa, nei utara otta tap okaibe ye okere chiki, Gariraya kotan ta reushi nisa ruwe ne na.

Orowa, ne utar or ta tap okaype ye okere ciki, Gariraya kotan ta rewsi nisa ruwe ne na.

10 Koroka, koro ainu uiriwak nei marapto otta hemespa wa isam okaketa, Shinuma ne yakka hemesu, yainukare wa shomo ne, arorokishne no an korachi hemesu nisa ruwe ne na.

Korka, kor aynu uyriwak ne marapto or ta hemespa wa isam okake ta, Sinuma ne yakka hemesu, yaynukare wa somo ne, arorkisneno an koraci hemesu nisa ruwe ne na.

11 Tambe gusu, Yudea un utara anak ne marapto an rapoketa Shinuma hunara wa :— Nei guru nei ita an ruwe he an? ari itak.

Tanpe kusu, Yudea un utar anakne marapto an rapoketa Sinuma hunara wa :— Ne kur ne hi ta an ruwe he an? ari itak.

12 Awa, inne utara tumugeta Shinuma gusu poron no oromam an ruwe ne: Shinuma pirika guru ne, ani ye utara okai, shomo, inne utara shiren ruwe ne, ani ye utara okai.

Awa, inne utar tumke ta Sinuma kusu poronno oromam an ruwe ne: Sinuma pirka kur ne, ani ye utar okay, somo, inne utar siren ruwe ne, ani ye utar okay.

13 Yakka, Yudea un utara ko-ishitoma gusu anu no Yesu orushpe ye guru isam ruwe ne.

Yakka, Yudea un utar ko-isitoma kusu anu no Yesu oruspe ye kur isam ruwe ne.

14 Koroka, tane marapto uturu an koro anak ne Yesu Kamui kora kenru orun hemesu, orowa, epakashnu nisa ruwe ne.

Korka, tane marapto uturu an kor anakne Yesu Kamuy kor kenru orun hemesu, orowa, epakasnu nisa ruwe ne.

15 Tambe gusu, Yudea un utara enushkari hine ene itak-hi :— Nekon a iki wa tan guru anak ne eyaihannokkara shomoki no nuye ikiri eraman ya? ari itak.

Tanpe kusu, Yudea un utar enuskari hine ene itak hi :— Nekona iki wa tan kur anakne eyayhannokkara somo ki no nuye ikiri eraman ya? ari itak.

16 Tambe gusu, Yesu nei utara ko-ese wa ene itak-hi :— Ku epakashnu epakashi anak ne Ku korobe shomo ne, En omandep korobe ne ruwe ne.

Tanpe kusu, Yesu ne utar ko-ese wa ene itak hi :— Ku=epakasnu epakasi anakne Ku=kor pe somo ne, En omantep kor pe ne ruwe ne.

17 Nen ne yakka Shinuma irenga ki kuni oshitchiu guru anak ne nei epakashi Kamui orowa no ekbe ne ya hene, Kuani yaikota orowa no sangep ne ya hene eraman kusu ne na.

Nen ne yakka Sinuma irenka ki kuni ositciw kur anakne ne epakasi Kamuy oro wano ek pe ne ya hene, Kuani yaykota oro wano sankep ne ya hene eraman kusu ne na.

18 Yaikota orowa no itak sange guru anak ne yaikota airamyere kuni gusu hunara ruwe ne: koroka, yaikota omande guru ramu-a-yere kuni gusu hunara guru anak ne, nei guru anak son no ambe ne, Shinuma oshiketa oupeka sak-i isam ruwe ne.

Yaykota oro wano itak sanke kur anakne yaykota ayramyere kuni kusu hunara ruwe ne: korka, yaykota omante kur ramu-a-yere kuni kusu hunara kur anakne, ne kur anak sonno anpe ne, Sinuma oske ta owpeka sak hi isam ruwe ne.

19 Mose anak ne tuitak echi kore shomoki ya, orowa, nei tuitak nei no ki guru echi tumugeta isama? Nep gusu En raige kuni echi hunara ya?

Mose anakne tuytak eci=kore somo ki ya, orowa, ne tuytak néno ki kur eci=tumke ta isam? Nep kusu En=rayke kuni eci=hunara ya?

20 Inne utara ene ese-hi :— Eani anak ne nitne kamui ashikatkare an E raige kuni hunara guru nen ne ruwe he an?

Inne utar ene ese hi :— Eani anakne nitne kamuy asikatkare an E rayke kuni hunara kur nen ne ruwe he an?

21 Yesu ese wa nei utara otta ene itak-hi :— Kuani shine ikip Ku ki, awa, tan ikkewehe gusu echi utara obitta e-nushkari nisa ruwe ne.

Yesu ese wa ne utar or ta ene itak hi :— Kuani sine iki p Ku=ki, awa, tan ikkewehe kusu eci utar opitta e-nuskari nisa ruwe ne.

22 Mose anak ne okarituye buri echi kore (nei ambe anak ne Mose orowa no hetuku buri shomo ne, ekashi orowa no asangep ne); orowa, Shini toho ta ainu otta okarituye buri echi ki ruwe ne.

Mose anakne okarituye puri eci=kore (ne anpe anakne Mose oro wano hetuku puri somo ne, ekasi oro wano asankep ne); orowa, Sini toho ta aynu or ta okarituye puri eci=ki ruwe ne.

23 Mose tuitak shomo ehaita kuni gusu Shini toho ta ainu anak ne okarituye buri akire chiki; Kuani anak ne Shini toho ta ainu irammakaka tumashnure nisa ruwe ne gusu, echi En ko-irushka ya?

Mose tuytak somo ehayta kuni kusu Sini toho ta aynu anakne okarituye puri a=kir ciki; Kuani anakne Sini toho ta aynu irammakaka tumasnure nisa ruwe ne kusu, eci En=ko-iruska ya?

24 Anukara noine an ambe gusu iteki koipishi yan, oupeka koipishi ambe ani koipishi yan, ari itak.

A=nukar noyne an anpe kusu iteki koypisi yan, owpeka koypisi anpe ani koypisi yan, ari itak.

25 Tambe gusu Yerusarem kotan un utara sereke ene itak-hi :— Tan guru anak ne utara raige kuni gusu hunara guru shomo ne ya?

Tanpe kusu Yerusarem kotan un utar serke ene itak hi :— Tan kur anakne utar rayke kuni kusu hunara kur somo ne ya?

26 Yakka, Shinuma nuina shomoki no itak ki korʼan, awa, otta nep ne yakka ki shomoki ruwe ne. Tambe anak ne son no newa Kiristo ne sekoro sapane utara eraman eashkaibe ne ruwe?

Yakka, Sinuma nuyna somo ki no itak ki kor an, awa, or ta nep ne yakka ki somo ki ruwe ne. Tanpe anakne sonno newa Kiristo ne sekor sapane utar eraman easkay pe ne ruwe?

27 Koroka, chi utara anak ne tan guru nei wa ek guru ne ya chi eraman: koroka, Kiristo ek chiki, Shinuma nei wa ekbe ne ya, nen ne yakka erampeutek ruwe ne na, ari itak.

Korka, ci utar anakne tan kur ne wa ek kur ne ya ci eraman: korka, Kiristo ek ciki, Sinuma ne wa ek pe ne ya, nen ne yakka eranpewtek ruwe ne na, ari itak.

28 Tambe gusu, Yesu anak ne Kamui kora kenru ta hawe sange wa epakashnu hine ene itak-hi :— Echi utara anak ne En eamkiri hemhem ki, nei wano Ku ekbe ne ya echi eramu hemhem ki; orowa, Kuani yaikota yai Ku omande shomoki, koroka, En omandep anak ne son no ambe ne, echi utara anak ne Shinuma eamkiri shomoki ruwe ne na.

Tanpe kusu, Yesu anakne Kamuy kor kenru ta hawe sanke wa epakasnu hine ene itak hi :— Eci utar anakne En=e=amkir hemhem ki, ne wano Ku=ek pe ne ya eci=eramu hemhem ki; orowa, Kuani yaykota yay Ku=omante somo ki, korka, En omantep anakne sonno anpe ne, eci utar anakne Sinuma e=amkir somo ki ruwe ne na.

29 Kuani Shinuma eamkiri; Kuani anak ne Shinuma orowa no Ku ek, orowa, Shinuma En omande nisa ruwe ne gusu ne na.

Kuani Sinuma e=amkir; Kuani anakne Sinuma oro wano Ku=ek, orowa, Sinuma En=omante nisa ruwe ne kusu ne na.

30 Tambe gusu, nei utara anak ne Shinuma kishima kuni hunara: awa, Shinuma koro pakihi naa shomo an gusu kashiketa teke ande guru isam ruwe ne.

Tanpe kusu, ne utar anakne Sinuma kisma kuni hunara: awa, Sinuma kor pakihi naa somo an kusu kasike ta teke ante kur isam ruwe ne.

31 Koroka, topaha utara un inne utara anak ne Shinuma eishokoro; aine, ene itak-hi :— Kiristo ek chiki tan guru ki shirosh kasu no naa innep ki kusu ne ruwe he an? ari itak.

Korka, topaha utar un inne utar anakne Sinuma eysokor; ayne, ene itak hi :— Kiristo ek ciki tan kur ki siros kasuno naa inne p ki kusu ne ruwe he an? ari itak.

32 Inne utara tap okaibe ani Yesu gusu oromam wa ye shiri Parisee un utara nu ruwe ne; awa, Kamui kora kenru esapane utara newa Parisee un utara anak ne Shinuma kishima kuni ne uitek utara payere nisa ruwe ne.

Inne utar tap okaype ani Yesu kusu oromam wa ye siri Parisee un utar nu ruwe ne; awa, Kamuy kor kenru esapane utar newa Parisee un utar anakne Sinuma kisma kuni ne uytek utar payere nisa ruwe ne.

32 Inne utara tap okaibe ani Yesu gusu oromam wa ye shiri Parisee un utara nu ruwe ne; awa, Kamui kora kenru esapane utara newa Parisee un utara anak ne Shinuma kishima kuni ne uitek utara payere nisa ruwe ne.

Inne utar tap okaype ani Yesu kusu oromam wa ye siri Parisee un utar nu ruwe ne; awa, Kamuy kor kenru esapane utar newa Parisee un utar anakne Sinuma kisma kuni ne uytek utar payere nisa ruwe ne.

33 Tambe gusu, Yesu ene itak-hi :— Naa pon no uturuta echi tura no Ku an, orowa no En omandep otta Ku arapa kusu ne.

Tanpe kusu, Yesu ene itak hi :— Naa ponno utur ta eci turano Ku=an, orowano En omantep or ta Ku=arpa kusu ne.

34 Echi utara En hunara wa shomo En nukara kusu ne na: orowa, Ku an

Eci utar En=hunara wa somo En=nukar kusu ne na: orowa, Ku=an

35 ushike un echi araki eaikap ruwe ne, ari itak. Tambe gusu, Yudea un utara anak ne utashpa ene itak-hi :— Shomo chi nukara kuni inan ushike orun tan guru oman ya? Herenes un utara tumugeta chichari wa okai utara otta oman wa nei Herenes un utara epakashnu kusu ne ruwe he an?

usike un eci=arki eaykap ruwe ne, ari itak. Tanpe kusu, Yudea un utar anakne utaspa ene itak hi :— Somo ci nukar kuni inan usike orun tan kur oman ya? Herenes un utar tumke ta cicari wa okay utar or ta oman wa ne Herenes un utar epakasnu kusu ne ruwe he an?

36 Echi utara En hunara wa shomo En nukara: orowa, Ku an ushike un echi araki eaikap, sekorʼan Shinuma ye tan itak anak ne nekon a an itak ne ya? ari itak.

Eci utar En=hunara wa somo En=nukar: orowa, Ku=an usike un eci=arki eaykap, sekor an Sinuma ye tan itak anakne nekona an itak ne ya? ari itak.

37 Orowa, nei okese an toho ta, marapto gusu an pase toho ta anak ne, Yesu ash wa hawe sange hine ene itak-hi :— Iku rusui guru an yakun, En otta ek wa iku yan.

Orowa, ne okes an toho ta, marapto kusu an pase toho ta anakne, Yesu as wa hawe sanke hine ene itak hi :— Iku rusuy kur an yakun, En or ta ek wa iku yan.

38 En eishokoro gurʼanak ne, Kamui nuyere kambi ye korachi, shinuma koro honi orowa no ishu wakka an pet san kusu ne na, ari itak.

En=eysokor kur anakne, Kamuy nuyere kampi ye koraci, sinuma kor honi oro wano i=su wakka an pet san kusu ne na, ari itak.

39 Koroka, Shinuma tan itak ye katu anak ne Shinuma eishokoro kusu ne utara uk kuni Ramat epeka no an itak ne: inambe gusu ne yakun, Yesu naa shomo anupektere gusu, Ramat anak ne naa shomo an ruwe ne.

Korka, Sinuma tan itak ye katu anakne Sinuma eysokor kusu ne utar uk kuni Ramat epeka no an itak ne: inanpe kusu ne yakun, Yesu naa somo anupektere kusu, Ramat anakne naa somo an ruwe ne.

40 Tambe gusu, inne utara un serekehe anak ne tan itak nu chiki ene itak-hi :— Son no poka tambe anak nei uweingara guru ne, ari itak.

Tanpe kusu, inne utar un serkehe anakne tan itak nu ciki ene itak hi :— Sonno poka tanpe anakne ueinkar kur ne, ari itak.

41 Shui, Tambe anak ne Kiristo ne, ani ye utara okai. Koroka, Hemanda, Kiristo anak ne Gariraya wano ek ruwe he an?

Suy, Tanpe anakne Kiristo ne, ani ye utar okay. Korka, Hemanta, Kiristo anakne Gariraya wano ek ruwe he an?

41 Shui, Tambe anak ne Kiristo ne, ani ye utara okai. Koroka, Hemanda, Kiristo anak ne Gariraya wano ek ruwe he an?

Suy, Tanpe anakne Kiristo ne, ani ye utar okay. Korka, Hemanta, Kiristo anakne Gariraya wano ek ruwe he an?

42 Kiristo anak ne Dabid sanikiri ne, orowa, Dabid koro kotan, Betrehem kotan orowa no hetuku kuni ne sekoro Kamui nuyere kambi ye shomoki ya? ari an itak ani ye utara okai.

Kiristo anakne Dabid sanikiri ne, orowa, Dabid kor kotan, Betrehem kotan oro wano hetuku kuni ne sekor Kamuy nuyere kampi ye somo ki ya? ari an itak ani ye utar okay.

43 Orowa no, Shinuma gusu inne utara tumugeta eukopi an ruwe ne.

Orowano, Sinuma kusu inne utar tumke ta ewkopi an ruwe ne.

44 Orowa, Shinuma kishima rusui utara okai, koroka, kashiketa koro teke ande guru isam ruwe ne.

Orowa, Sinuma kisma rusuy utar okay, korka, kasike ta kor teke ante kur isam ruwe ne.

45 Tambe gusu, nei auitek utara anak ne Kamui kora kenru esapane utara newa Parisee un utara orota araki: awa, nei utara anak ne auitek utara otta, Hemanda gusu Shinuma ani wa araki shomoki ya? ari itak.

Tanpe kusu, ne awitek utar anakne Kamuy kor kenru esapane utar newa Parisee un utar oro ta arki: awa, ne utar anakne awitek utar or ta, Hemanta kusu Sinuma ani wa arki somo ki ya? ari itak.

46 Auitek utara, Tan guru ye korachi ramma pakno nen ne yakka ye shomoki ruwe ne, ani ese itak ki.

awitek utar, Tan kur ye koraci ramma pakno nen ne yakka ye somo ki ruwe ne, ani ese itak ki.

47 Tambe gusu, Parisee un utara anak ne otta ene ese-hi :— Echi utara ne yakka shiren wa okai ruwe?

Tanpe kusu, Parisee un utar anakne or ta ene ese hi :— Eci utar ne yakka siren wa okay ruwe?

48 Esapane utara hene Parisee un utara hene Shinuma eishokoro ruwe?

Esapane utar hene Parisee un utar hene Sinuma eysokor ruwe?

49 Koroka, tuitak eramushkare tan inne utara anak ne akoatcha utara ne ruwe ne, ari itak.

Korka, tuytak eramuskare tan inne utar anakne a=koatca utar ne ruwe ne, ari itak.

50 Nikodemos nei utara otta ene itak-hi (Shinuma anak hoshiki no Yesu otta ek guru ne, orowa, nei utara un shinen ne) :—

Nikodemos ne utar or ta ene itak hi (Sinuma anak hoskino Yesu or ta ek kur ne, orowa, ne utar un sinen ne) :—

51 Chikoro tuitak anak ne hoshiki no ainu yaikota otta nu wa shinuma nekon a ambe ki ya sekorʼan orushpe eraman shomoki chiki katpak an sekoro esanniyo ya? ari itak.

Ci=kor tuytak anakne hoskino aynu yaykota or ta nu wa sinuma nekona anpe ki ya sekor an oruspe eraman somo ki ciki katpak an sekor esanniyo ya? ari itak.

52 Orota nei utara ese wa ene itak-hi :— Eani ne yakka Gariraya un guru e ne ya? Hunara wa ingara yan, Gariraya wano uweingara guru hopuni shomoki ruwe ne na, ari itak.

Oro ta ne utar ese wa ene itak hi :— Eani ne yakka Gariraya un kur e ne ya? Hunara wa inkar yan, Gariraya wano ueinkar kur hopuni somo ki ruwe ne na, ari itak.

53 [Orowa, nei utara anak ne obitta koro chisei orun

[Orowa, ne utar anakne opitta kor cise orun

8:1 paye nisa ruwe ne: koroka, Yesu anak Kanran ush nupuri otta oman nisa ruwe ne.

paye nisa ruwe ne: korka, Yesu anak Kan ran us nupuri or ta oman nisa ruwe ne.

2 Orowa, aro-kunnei-wano Shinuma shui Kamui kora kenru orun ahun, awa, obitta no okai utara Shinuma otta araki nisa ruwe ne; aige, Shinuma a wa utara epakashnu nisa ruwe ne.

Orowa, a=ro-kunne-wano Sinuma suy Kamuy kor kenru orun ahun, awa, opittano okay utar Sinuma or ta arki nisa ruwe ne; ayke, Sinuma a wa utar epakasnu nisa ruwe ne.

3 Orowa, kambi-nuye utara newa Parisee un utara anak ne omoinu ki shiri anukara shiwentep tura wa araki; awa, nei shiwentep noshiketa ashte koro Shinuma otta ene itak-hi :—

Orowa, kampi-nuye utar newa Parisee un utar anakne omoynu ki siri a=nukar siwentep tura wa arki; awa, ne siwentep noske ta aste kor Sinuma or ta ene itak hi :—

4 Epakashnu guru, tan shiwentep omoinu koro wa akishima, omoinu ki

Epakasnu kur, tan siwentep omoynu kor wa a=kisma, omoynu ki

5 shiri an ita anukan nisa ruwe ne. Mose anak ne koro tuitak otta nei no okai guru shuma akopiyekara kuni un ikashpaotte nisa ruwe ne: tan shiwentep gusu nekon a E ye ya? ari itak.

siri an hi ta a=nukar nisa ruwe ne. Mose anakne kor tuytak or ta néno okay kur suma a=kopiyekar kuni un ikaspaotte nisa ruwe ne: tan siwentep kusu nekona E ye ya? ari itak.

6 Tan itak ye katu anak ne Shinuma koramnukara wa otta eiyonnuppa ikkewehe koro kuni gusu an katu ne ruwe ne. Koroka, Yesu hotku wa ashikipet ani shiri kata nuye nisa ruwe ne.

Tan itak ye katu anakne Sinuma koramnukar wa or ta eiyonnuppa ikkewehe kor kuni kusu an katu ne ruwe ne. Korka, Yesu hotku wa asikipet ani siri kata nuye nisa ruwe ne.

7 Koroka, nei utara ramma Shinuma otta nu chiki Shinuma yai ikkewe turi wa orota ene itak-hi :— Echi utara tumugeta an chikokatpak isam gurʼanak ne hoshiki no nei shiwentep otta shuma kopiyekara yan, ari itak.

Korka, ne utar ramma Sinuma or ta nu ciki Sinuma yay ikkewe turi wa oro ta ene itak hi :— Eci utar tumke ta an ci=kokatpak isam kur anakne hoskino ne siwentep or ta suma kopiyekar yan, ari itak.

8 Orowa, shui, Shinuma hotku wa koro ashikipet ani shiri kata nuye nisa ruwe ne.

Orowa, suy, Sinuma hotku wa kor asikipet ani siri kata nuye nisa ruwe ne.

9 Orowa, okai utara anak ne nei itak nu chiki, ekashi wano heashi wa iyotta upen guru pakno shinen range soine nisa ruwe ne: orowa, noshike un ushiketa an shiwentep hemhem Yesu hemhem yai-tura no aande nisa ruwe ne.

Orowa, okay utar anakne ne itak nu ciki, ekasi wano heasi wa iyotta upen kur pakno sinen ranke soyne nisa ruwe ne: orowa, noske un uske ta an siwentep hemhem Yesu hemhem yay-turano a=ante nisa ruwe ne.

10 Orowa, Yesu yaikota ikkewehe turi hine shinuma otta ene itak-hi :— Shiwentep, nei utara neita okai ruwe ta okai? Nen ne yakka katpak e kore shomoki ya?

Orowa, Yesu yaykota ikkewehe turi hine sinuma or ta ene itak hi :— Siwentep, ne utar ney ta okay ruwe ta okay? Nen ne yakka katpak e kore somo ki ya?

11 Nei shiwentep ene itak-hi :— Utarapa, chikokatpak en kore guru isam ruwe ne, ani itak. Orowa, Yesu ene itak-hi :— Kuani ne yakka katpak e kore shomoki: e oman wa, te wano poka naa iteki katpak krro yan, sekoro itak.]

Ne siwentep ene itak hi :— Utarpa, ci=kokatpak en=kore kur isam ruwe ne, ani itak. Orowa, Yesu ene itak hi :— Kuani ne yakka katpak e kore somo ki: e oman wa, te wano poka naa iteki katpak krro yan, sekor itak.]

12 Tambe gusu, shui Yesu nei utara otta itak wa ene ye-hi :— Kuani anak ne moshiri pekere Ku ne: En osh ek guru anak ne kunne-i otta apkash shomoki no, ishu un pekere koro kusu ne na.

Tanpe kusu, suy Yesu ne utar or ta itak wa ene ye hi :— Kuani anakne mosir peker Ku ne: En=os ek kur anakne kunne hi or ta apkas somo ki no, i=su un peker kor kusu ne na.

13 Tambe gusu, Shinuma otta Parisee un utara ene itak-hi :— Eani anak ne yaikota gusu paweteshu ki; E ki paweteshu ambe anak son no ambe shomo ne, ari itak.

Tanpe kusu, Sinuma or ta Parisee un utar ene itak hi :— Eani anakne yaykota kusu pawetesu ki; E ki pawetesu anpe anak sonno anpe somo ne, ari itak.

14 Yesu ese wa nei utara otta ene itak-hi :— Kuani yaikota gusu paweteshu Ku ki yakka Ku ki paweteshu-i anak ne sonep ne; inambe gusu ne yakun, nei wano Ku ek ya, ine un Ku oman a Ku eraman; koroka, nei wano Ku ek a, ine un Ku oman a echi utara erampeutek ruwe ne na.

Yesu ese wa ne utar or ta ene itak hi :— Kuani yaykota kusu pawetesu Ku=ki yakka Ku=ki pawetesu hi anakne sonep ne; inanpe kusu ne yakun, ne wano Ku=ek ya, ine un Ku=oman a Ku=eraman; korka, ne wano Ku=ek a, ine un Ku=oman a eci utar eranpewtek ruwe ne na.

15 Echi utara anak ne kam nei no koipishi, Kuani anak ainu koipishi shomoki ruwe ne.

Eci utar anakne kam néno koypisi, Kuani anak aynu koypisi somo ki ruwe ne.

16 Koroka, Kuani koipishi yakka, Ku ki koipishi ambe anak son no ambe ne ruwe ne: Kuani anak yaitura shomo ne, kuroka, Kuani hemhem En omande. Michi hemhem okai ruwe ne gusu ne na.

Korka, Kuani koypisi yakka, Ku=ki koypisi anpe anak sonno anpe ne ruwe ne: Kuani anak yaytura somo ne, ku=rok, Kuani hemhem En=omante. Mici hemhem okay ruwe ne kusu ne na.

17 Ruwe un, echi koro tuitak otta anak ne tu utara ki paweteshu ambe anak son no ambe ne, sekorʼambe chieshinnuye wa an ruwe ne.

Ruwe un, eci=kor tuytak or ta anakne tu utar ki pawetesu anpe anak sonno anpe ne, sekor anpe ciesinnuye wa an ruwe ne.

18 Kuani anak ne yaikota gusu paweteshu ki guru Ku ne, samata, En omande Michi En gusu paweteshu ki ruwe ne.

Kuani anakne yaykota kusu pawetesu ki kur Ku ne, sama ta, En=omante Mici En kusu pawetesu ki ruwe ne.

19 Tambe gusu, Shinuma otta nei utara ene itak-hi :— E koro Michi neita an ruwe? Yesu ene ese-hi :— Echi utara anak ne seenne En eamkiri hene ki, seenne Ku Michi eamkiri hene ki ruwe ne: echi En eamkiri chiki, Ku Michi ne yakka echi eamkiri kusu ne ap, ari itak.

Tanpe kusu, Sinuma or ta ne utar ene itak hi :— E=kor Mici ney ta an ruwe? Yesu ene ese hi :— Eci utar anakne seenne En=e=amkir hene ki, seenne Ku Mici e=amkir hene ki ruwe ne: eci En=e=amkir ciki, Ku Mici ne yakka eci=e=amkir kusu ne ap, ari itak.