共観表
Roukos 13.1-5 §163X
1 Nei pakita Pirato anak ne Kamui yangep newa Gariraya un utara koro kem ukopoyere orushpe Shinuma nure utara araki ruwe ne.
Ne pakita Pirato anakne Kamuy yankep newa Gariraya un utar kor kem ukopoyere oruspe Sinuma nure utar arki ruwe ne.
2 Awa, Shinuma ese wa ene itak-hi :— Nei okaibe ani aramushitnere gusu nei Gariraya un utara anak moshima okai Gariraya un utara kasu no katpak koro utara ne ani echi yainu ya?
Awa, Sinuma ese wa ene itak hi :— Ne okaype ani a=ramusitnere kusu ne Gariraya un utar anak mosma okay Gariraya un utar kasuno katpak kor utar ne ani eci=yaynu ya?
3 Shomo, echi otta Ku ye: koroka, echi utara yaikokatpak shomoki yak anak ne, obitta nei no korachi aisamka kusu ne na.
Somo, eci or ta Ku=ye: korka, eci utar yaykokatpak somo ki yakanak ne, opitta néno koraci a=ysamka kusu ne na.
4 Samata, kashiketa Siroam un shiruwe chisei hokush wa aronnu tupesan niu ikashima wa niu anak ne Yerusarem kotan ta obitta no okai utara kasu no wen utara ne ani echi yainu ya?
Sama ta, kasike ta Siroam un siruwe cise hokus wa a=ronnu tupesan niw ikasma wa niw anakne Yerusarem kotan ta opittano okay utar kasuno wen utar ne ani eci=yaynu ya?
5 Shomo, echi otta Ku ye: koroka, echi utara yaikokatpak shomoki yak anak ne, obitta nei no korachi aisamka kusu ne na.
Somo, eci or ta Ku=ye: korka, eci utar yaykokatpak somo ki yakanak ne, opitta néno koraci a=ysamka kusu ne na.
Roukos 13.6-13 §164X
6 Orowa, Shinuma tan itak-maukushte-itak ye-hi :— Shine ainu anak ne koro hat toi ta aetoita wa an shine ichijiku chikuni koro; awa, kashiketa ibe ao kuni ramu wa ibehe hunara gusu ek, aige, ibehe sak ruwe ne.
Orowa, Sinuma tan itak-mawkuste-itak ye hi :— Sine aynu anakne kor hat toyta aetoyta wa an sine icijiku cikuni kor; awa, kasike ta ipe ao kuni ramu wa ipehe hunara kusu ek, ayke, ipehe sak ruwe ne.
7 Orowa, toita guru otta Shinuma ene itak-hi :— Ingarʼan, Kuani re pa tan ichijiku chikuni ibe o kuni ku ramu wa ibehe hunara gusu ku ek, awa, ibehe isam ruwe ne: nei ambe otuye yan; nep gusu nei ambe ne yakka raka isam no toi gusu aerannakka an ruwe he an?
Orowa, toyta kur or ta Sinuma ene itak hi :— Inkar=an, Kuani re pa tan icijiku cikuni ipe o kuni ku=ramu wa ipehe hunara kusu ku=ek, awa, ipehe isam ruwe ne: ne anpe otuye yan; nep kusu ne anpe ne yakka raka isam no toy kusu aerannakka an ruwe he an?
8 Orowa, orota shinuma ese wa ene itak-hi :— Nishpa, tan pa ne yakka iteki ekottanu wa en kore, nei okari ku ouri wa temmun ku omare kusu ne gusu ne na:
Orowa, oro ta sinuma ese wa ene itak hi :— Nispa, tan pa ne yakka iteki ekottanu wa en=kore, ne okari ku=owri wa temmun ku=omare kusu ne kusu ne na:
9 orowa no, ibe o yak anak ne, pirika; tam pa gusu shomo ibe o yak anak ne aotuye kusu ne na, ari itak.
orowano, ipe o yakanak ne, pirka; tampa kusu somo ipe o yakanak ne a=otuye kusu ne na, ari itak.
10 Orowa, Shini toho ta Shinuma anak ne shine Uwekarapa chisei ta an wa epakashnu koro an.
Orowa, Sini toho ta Sinuma anakne sine Uekarpa cise ta an wa epakasnu kor an.
11 Awa, tupesan pa ikashima wan pa uturuta katchak ramat koro shine shiwentep an; aige, nei shiwentep shiri ikkewe-komo gusu oara yaikota ikkeu turi eaikap ruwe ne.
Awa, tupesan pa ikasma wan pa utur ta katcak ramat kor sine siwentep an; ayke, ne siwentep siri ikkewe-komo kusu oar yaykota ikkew turi eaykap ruwe ne.
12 Yesu anak ne nei shiwentep nukara chiki hotuyekara wa otta ene itak-hi :— Shiwentep, e koro katchakbe apita ruwe ne, ari itak.
Yesu anakne ne siwentep nukar ciki hotuyekar wa or ta ene itak hi :— Siwentep, e=kor katcakpe a=pita ruwe ne, ari itak.
13 Orowa, kashiketa Shinuma anak ne tekehe ande: awa, nani, nei shiwentep ikkewe aturi wa Kamui ko-oripak nisa ruwe ne.
Orowa, kasike ta Sinuma anakne tekehe ante: awa, nani, ne siwentep ikkewe a=turi wa Kamuy ko-oripak nisa ruwe ne.
Mattaios 12.9-13 §116II
9 Orowa Shinuma nei oro ekohopi wa oman, aige, nei utara koro uwekari chisei ta ahun nisa ruwe ne:
Orowa Sinuma ne oro ekohopi wa oman, ayke, ne utar kor uekari cise ta ahun nisa ruwe ne:
10 awa, ingarʼan, oatteke shipeshte shine ainu an. Orowa, eiyonnuppa ika hunara rusui gusu utara uwepekennu wa otta ene itak-hi :— Shini toho ta iwangere ambe anak ikashpaotte an i korachi ne ruwe he an? ari itak ruwe ne.
awa, inkar=an, oattek sipeste sine aynu an. Orowa, eiyonnuppa ika hunara rusuy kusu utar uwepekennu wa or ta ene itak hi :— Sini toho ta iwankere anpe anak ikaspaotte an i koraci ne ruwe he an? ari itak ruwe ne.
11 Nei utara otta Shinuma ene itak-hi :— Echi utara tumugeta inan guru shine hitsuji chikoikip koro wa an wa nei ambe shini toho ta shui oro-oshma chiki kishima wa yange shomoki ya?
Ne utar or ta Sinuma ene itak hi :— Eci utar tumke ta inan kur sine hitsuji cikoykip kor wa an wa ne anpe sini toho ta suy oro-osma ciki kisma wa yanke somo ki ya?
12 Hitsuji kasu no ainu anak ne nep oro an-i aesanniyop humi! Tambe gusu shini toho ta pirikap ki ambe anak ne pirikap an i ne ruwe ne na, ari itak.
hitsuji kasuno aynu anakne nep oro an hi aesanniyop humi! Tanpe kusu sini toho ta pirka p ki anpe anakne pirka p an i ne ruwe ne na, ari itak.
13 Orowa, nei ainu otta :— E teke turi yan, ani Shinuma ye. Orowa, aturi, aige, moshima an ambe korachi atumashnure nisa ruwe ne.
Orowa, ne aynu or ta :— E teke turi yan, ani Sinuma ye. Orowa, a=turi, ayke, mosma an anpe koraci atumasnure nisa ruwe ne.
Markos 2.27-3.5 §25II
27 Orota shui Shinuma ene itak hi :— Shini toho anak ne ainu gusu akarape ne, ainu anak ne Shini toho gusu akarape shomo ne ruwe ne; tambe gusu,
Oro ta suy Sinuma ene itak hi :— Sini toho anakne aynu kusu a=karpe ne, aynu anakne Sini toho kusu a=karpe somo ne ruwe ne; tanpe kusu,
28 Ainu Poho anak ne Shini toho poka enishpane ruwe ne na.
Aynu Poho anakne Sini toho poka enispane ruwe ne na.
3:1 Orowa, shui Shinuma Uwekarapa chisei orun ahun; awa nei ita teke shipeshte guru shinen an wa an.
Orowa, suy Sinuma Uekarpa cise orun ahun; awa ne hi ta teke sipeste kur sinen an wa an.
2 Aige, utara anak ne Shinuma eiyonnupba kuni ikkewe kon rusui gusu Shini toho ta shinuma iwangere kusu ne ya nukara gusu orun oshitkurukote nisa ruwe ne.
Ayke, utar anakne Sinuma eiyonnuppa kuni ikkewe kor rusuy kusu Sini toho ta sinuma iwankere kusu ne ya nukar kusu orun ositkurukote nisa ruwe ne.
3 Orowa, Shinuma teke shipeshte guru otta, — Utara tumugeta ash yan, ari itak.
Orowa, Sinuma teke sipeste kur or ta, — Utar tumke ta as yan, ari itak.
4 Aige, utara otta Shinuma ene itak-hi :— Shini toho ta pirikap ki hene wenbe ki hene, ramat shiknure hene raige hene iki katu inambe ikashpaotte uweomarepe ne ruwe he an?
Ayke, utar or ta Sinuma ene itak hi :— Sini toho ta pirka p ki hene wenpe ki hene, ramat siknure hene rayke hene iki katu inanpe ikaspaotte uweomarepe ne ruwe he an?
5 Koroka, nei utara mo no okai ruwe ne. Orowa, Shinuma nei utara sambe nishte wa gusu yairamkoiki hine irushka wa orun ekeshne ingara koro, nei ainu otta, — E teke turi yan, ari itak. Orowa koro teke turi, aige, atumashnure nisa ruwe ne.
Korka, ne utar mo no okay ruwe ne. Orowa, Sinuma ne utar sanpe niste wa kusu yayramkoyki hine iruska wa orun ekesne inkar kor, ne aynu or ta, — E teke turi yan, ari itak. Orowa kor teke turi, ayke, atumasnure nisa ruwe ne.
Roukos 13.14-16 §165II
14 Orowa, Yesu anak ne Shini toho ta iwangere ki gusu Uwekarapa chisei esapane guru irushka wa inne utara otta ene itak-hi :— Otta utara monraige kuni to-ho iwan toho okai: tambe gusu, nei toho ta echi araki wa aiwangere yan, iteki Shini toho ta araki yan, ari itak.
Orowa, Yesu anakne Sini toho ta iwankere ki kusu Uekarpa cise esapane kur iruska wa inne utar or ta ene itak hi :— Or ta utar monrayke kuni to-ho iwan toho okay: tanpe kusu, ne toho ta eci=arki wa aywankere yan, iteki Sini toho ta arki yan, ari itak.
15 Koroka, Utarapa anak ne nei guru otta ese wa ene itak-hi :— Kankapkapeka utara, Shini toho ta obitta no okai echi utara anak ne kitchi orota ashirikote wa okai koro beko hene, koro roba hene pita wa wakka an ushike un ani shomoki ya?
Korka, Utarpa anakne ne kur or ta ese wa ene itak hi :— Kankapkapeka utar, Sini toho ta opittano okay eci utar anakne kitci oro ta a=sirkote wa okay kor peko hene, kor ropa hene pita wa wakka an usike un ani somo ki ya?
16 Orowa, tupesan pa ikashima wan pa uturuta Satan ani atupetupe wa an Abraham matne-po ne tan Shiwentep anak ne Shini toho ta tan katchakbe gusu apita kusu ne ap shomo ne ya?
Orowa, tupesan pa ikasma wan pa utur ta Satan ani a=tupetupe wa an Abraham matne-po ne tan Siwentep anakne Sini toho ta tan katcakpe kusu a=pita kusu ne ap somo ne ya?
Roukos 13.17 §166X
17 Orowa, Shinuma tan itak ye chiki Shinuma epokba utara obitta ayainikoroshmare nisa ruwe ne: orowa, inne utara obitta Shinuma ki arakuru an okaibe eyaikopuntek nisa ruwe ne na.
Orowa, Sinuma tan itak ye ciki Sinuma epokpa utar opitta ayaynikorosmare nisa ruwe ne: orowa, inne utar opitta Sinuma ki a=rakur an okaype eyaykopuntek nisa ruwe ne na.
Mattaios 13.31-32 §137II
31 Naa shine itak-maukushte-itak Shinuma nei utara otta sange wa ene ye-hi :— Kando moshiri anak ne shine karashi piyehe koheraye ruwe ne; an ainu nei ambe uk wa kot toi otta etoita:
Naa sine itak-mawkuste-itak Sinuma ne utar or ta sanke wa ene ye hi :— Kanto mosir anakne sine karasi piyehe koheraye ruwe ne; an aynu ne anpe uk wa kot toy or ta etoyta:
32 awa, nei piyehe anak son no poka moshima okaibe kasu no pokashnu nokanbe ne; a koroka, hetuku koro anak ne moshima okai haru kasu no poro, aige, rik peka kush chikap araki wa nei tekehe kata reushi ruwe ne.
awa, ne piyehe anak sonno poka mosma okaype kasuno pokasnu nokanpe ne; a korka, hetuku kor anakne mosma okay haru kasuno poro, ayke, rik peka kus cikap arki wa ne tekehe kata rewsi ruwe ne.
Markos 4.30-32 §44II
30 Orowa, Shinuma ene itak-hi :— Nekon a Kamui moshiri chi koherayere kusu ne ya? Nekon a itak-maukushte-itak ani nei ambe pita kusu ne ya?
Orowa, Sinuma ene itak hi :— Nekona Kamuy mosir ci koherayere kusu ne ya? Nekona itak-mawkuste-itak ani ne anpe pita kusu ne ya?
31 Shine karashi piyehe koheraye ruwe ne, nei ambe shiri kata aetoita chiki, toi kata an obitta no okai piyehe kasu no pokashnu nokanbe ne a yakka aetoita chiki hetuku,
Sine karasi piyehe koheraye ruwe ne, ne anpe siri kata aetoyta ciki, toy kata an opittano okay piyehe kasuno pokasnu nokanpe ne a yakka aetoyta ciki hetuku,
32 orowa, moshima okai ham kasu no poro ne, samata, poro teke piraspa; rik un chikap nei sempiriketa shini eashkai pakno ne ruwe ne na, sekoro itak.
orowa, mosma okay ham kasuno poro ne, sama ta, poro teke piraspa; rikun cikap ne senpirke ta sini easkay pakno ne ruwe ne na, sekor itak.
Roukos 13.18-19 §167II
18 Tambe gusu, Shinuma ene itak-hi :— Kamui moshiri anak ne nepi koheraye ya! Nepi otta Ku koherayere kusu ne ya?
Tanpe kusu, Sinuma ene itak hi :— Kamuy mosir anakne nep koheraye ya! Nep or ta Ku koherayere kusu ne ya?
19 Ainu uk wa kot toi otta omare shine karashi piyehe koheraye ruwe ne; nei ambe hetuku wa chikuni ne, orowa no, rik un chikap nei tekehe kata reushi nisa ruwe ne.
Aynu uk wa kot toy or ta omare sine karasi piyehe koheraye ruwe ne; ne anpe hetuku wa cikuni ne, orowano, rikun cikap ne tekehe kata rewsi nisa ruwe ne.
Mattaios 13.33 §138V
33 Naa shine itak-maukushte-itak ani nei utara otta Shinuma ye nisa ruwe ne; Kando moshiri anak ne shiwentep orowa auk wa koho re chomba oshiketa anuina, nei okaibe obitta shipushkere pan-dane koheraye ruwe ne, ani itak.
Naa sine itak-mawkuste-itak ani ne utar or ta Sinuma ye nisa ruwe ne; Kanto mosir anakne siwentep orowa auk wa koho re conpa oske ta a=nuyna, ne okaype opitta sipuskere pan-tane koheraye ruwe ne, ani itak.
Roukos 13.20-21 §168V
20 Orowa, Shui itak-hi :— Nepi otta Kamui moshiri Ku koherayere ya?
Orowa, Suy itak hi :— Nep or ta Kamuy mosir Ku koherayere ya?
21 Shiwentep uk wa amam koho re chomba oshiketa nuina, aige, nei koho obitta shipushkere pandane koheraye ruwe ne, ari itak.
Siwentep uk wa amam koho re conpa oske ta nuyna, ayke, ne koho opitta sipuskere pantane koheraye ruwe ne, ari itak.
Mattaios 9.35 §76II
35 Orowa, Yesu shiri ebitta machiya hene kotan hene okari oman wa uwekarapa chisei ta epakashnu, aige, moshiri gusu an pirika orushpe eupaskuma, samata, usa okai tashum ne yakka usa okai shiyeye ne yakka iwangere nisa ruwe ne.
Orowa, Yesu siri epitta maciya hene kotan hene okari oman wa uekarpa cise ta epakasnu, ayke, mosir kusu an pirka oruspe ewpaskuma, sama ta, usa okay tasum ne yakka usa okay siyeye ne yakka iwankere nisa ruwe ne.
Roukos 13.22 §169II
22 Orowa, Shinuma anak ne Machiya hemhem, kotan hemhem kush wa epakashnu hine Yerusarem kotan orun payekai nisa ruwe ne.
Orowa, Sinuma anakne Maciya hemhem, kotan hemhem kus wa epakasnu hine Yerusarem kotan orun payekay nisa ruwe ne.
Mattaios 7.13-14 §55V
13 Hutne apa kari ahup yan: aisamka an i orun arapa ru anak ne sep, orowa apa poro, te oro ahup utara inne ruwe ne gusu ne na.
Hutne apa kari ahup yan: a=ysamka an i orun arpa ru anakne sep, orowa apa poro, te oro ahup utar inne ruwe ne kusu ne na.
14 Inotu an i otta oman ru anak ne hutne, apa ushta pon, tan ru kari ahup utara anak ne moyo ruwe ne gusu ne na.
Inotu an i or ta oman ru anakne hutne, apa us ta pon, tan ru kari ahup utar anakne moyo ruwe ne kusu ne na.
Roukos 13.23-24 §170V
23 Awa, shinen anak ne Shinuma otta ene itak-hi :— Utarapa, kashi-a-obiuki utara moyo ruwe he an?
Awa, sinen anakne Sinuma or ta ene itak hi :— Utarpa, kasi-a-opiwki utar moyo ruwe he an?
24 Orowa, utara otta Shinuma ene itak-hi :— Hutne apa otta ahup kuni etushmak yan: inambe gusu ne yakun, echi otta Ku ye, inne utara ahup kuni hunara kusu ne, koroka, ahup eaikap.
Orowa, utar or ta Sinuma ene itak hi :— Hutne apa or ta ahup kuni etusmak yan: inanpe kusu ne yakun, eci or ta Ku=ye, inne utar ahup kuni hunara kusu ne, korka, ahup eaykap.
Mattaios 7.22-23 §60V
22 Nei tobo ta inne utara En otta ene ye-hi :— Utarapa, Utarapa, E reihei rengap gusu uweingara shomo chi ki ya? E reihei rengap gusu nitne kamui oashinge shomo chi ki ya? E reihei rengap gusu usa kiroro an ikip shomo chi ki ruwe he an? — sekoro itak kusu ne.
Ne topo ta inne utar En or ta ene ye hi :— Utarpa, Utarpa, E rehe renkap kusu ueinkar somo ci ki ya? E rehe renkap kusu nitne kamuy oasinke somo ci ki ya? E rehe renkap kusu usa kiroro an iki p somo ci ki ruwe he an? — sekor itak kusu ne.
23 Nei ita Kuani ene ese itak-hi :— Kuani echi eramushkare, wen buri ki utara, oyakta paye yan, ari Ku ye kusu ne.
Ne hi ta Kuani ene ese itak hi :— Kuani eci=eramuskare, wen puri ki utar, oyak ta paye yan, ari Ku=ye kusu ne.
Roukos 13.25-28A §171V
25 Orowa no, chisei kon nishpa hopuni wa apa-ushta ashi okere chiki, aine, echi utara anak ne soita roshki heashi wa apa-ushta shirikik wa ene itak-hi :— Utarapa, un otta apa sarare wa un kore, ani echi ye ita; nei ita Shinuma echi otta ese wa ene itak kusu ne-hi :— Echi utara anak nen ne ruwe? Nei wano echi araki ya Ku erampeutek, ari ye;
Orowano, cise kor nispa hopuni wa apa-us ta asi okere ciki, ayne, eci utar anakne soy ta roski heasi wa apa-us ta sirkik wa ene itak hi :— Utarpa, un or ta apa sarare wa un kore, ani eci=ye hi ta; ne hi ta Sinuma eci or ta ese wa ene itak kusu ne hi :— Eci utar anak nen ne ruwe? Ne wano eci=arki ya Ku=eranpewtek, ari ye;
26 nei ita anak ne echi ye heashi-i anak ene ani ne kusu ne-hi :— E teksamata chi utara ibe hemhem ki, iku hemhem ki, orowa no, Aokai anak ne chi koro machiya otta epakashnu nisa ruwe ne na;
ne hi ta anakne eci=ye heasi hi anak ene ani ne kusu ne hi :— E teksam ta ci utar ipe hemhem ki, iku hemhem ki, orowano, Aokay anakne ci kor maciya or ta epakasnu nisa ruwe ne na;
27 orowa, Shinuma ene itak kusu ne-hi :— Echi utara nei wano araki ya ku erampeutek ani ku itak; wen-buri ki utara, En oyake un paye yan.
orowa, Sinuma ene itak kusu ne hi :— Eci utar ne wano arki ya ku=eranpewtek ani ku=itak; wen-puri ki utar, En=oyake un paye yan.
28 Abraham, Isaak, Yakob newa obitta no okai uweingara utara anak ne Kamui moshiri ta okai wa, echi utara yaikota soita asoyumbare shiri echi nukara chiki, nei ita chish ambe hemhem an, nimaki niyorokara hemhem an kusu ne na.
Abraham, Isaak, Yakob newa opittano okay ueinkar utar anakne Kamuy mosir ta okay wa, eci utar yaykota soy ta asoyunpare siri eci=nukar ciki, ne hi ta cis anpe hemhem an, nimaki niyorkar hemhem an kusu ne na.
Mattaios 8.11-12 §65V
11 Orowa echi otta Ku ye, chupka wano hene chuppok wano hene inne utara araki wa Abraham hemhem Isaak hemhem Yakob hemhem tura shine ikinne Kando moshirʼotta rok ruwe ne;
Orowa eci or ta Ku=ye, cupka wano hene cuppok wano hene inne utar arki wa Abraham hemhem Isaak hemhem Yakob hemhem tura sine ikinne Kanto mosir or ta rok ruwe ne;
12 koroka, moshiri poho utara anak ne iyotta kunne ushike orun aokeuba kusu ne, nei ushiketa chish ambe newa niyorokara ambe an ruwe ne kusu ne na.
korka, mosir poho utar anakne iyotta kunne usike orun a=okewpa kusu ne, ne uske ta cis anpe newa niyorkar anpe an ruwe ne kusu ne na.
Roukos 13.28B-29 §172V
28 Abraham, Isaak, Yakob newa obitta no okai uweingara utara anak ne Kamui moshiri ta okai wa, echi utara yaikota soita asoyumbare shiri echi nukara chiki, nei ita chish ambe hemhem an, nimaki niyorokara hemhem an kusu ne na.
Abraham, Isaak, Yakob newa opittano okay ueinkar utar anakne Kamuy mosir ta okay wa, eci utar yaykota soy ta asoyunpare siri eci=nukar ciki, ne hi ta cis anpe hemhem an, nimaki niyorkar hemhem an kusu ne na.
29 Orowa no, utara anak ne chupka wano hemhem, chuppok wano hemhem, arutoro wano hemhem, pikata wano hemhem araki wa Kamui moshirʼotta rok kusu ne na.
Orowano, utar anakne cupka wano hemhem, cuppok wano hemhem, arutor wano hemhem, pikata wano hemhem arki wa Kamuy mosir or ta rok kusu ne na.
Roukos 13.30 §173II
30 Orowa, ingarʼan, iyoshi no okaibe anak ne hoshiki no ne kusu ne, hoshiki no okai wa iyoshi no ne kusu ne utara ka okai ruwe ne.
Orowa, inkar=an, i=yos no okaype anakne hoskino ne kusu ne, hoskino okay wa i=yos no ne kusu ne utar ka okay ruwe ne.
Roukos 13.31-33 §174X
31 Nei pakiheta anak ne Parisee un utara araki wa Shinuma otta ene itak-hi :— Oyakta paye yan, tewa no oman, Herod anak ne E raige kuni yainu wa okai ruwe ne gusu ne na, ari itak.
Ne pakiheta anakne Parisee un utar arki wa Sinuma or ta ene itak hi :— Oyak ta paye yan, tewano oman, Herod anakne E rayke kuni yaynu wa okay ruwe ne kusu ne na, ari itak.
32 Nei utara orota Shinuma ene itak-hi :— Echi paye wa nei chironnup otta ene ye-hi :— Ingarʼan, Kuani tanto bene nishatta hene nitne kamui Ku oashinge hemhem ki, tashum utara iwangere hemhem ki ruwe ne, orowa, oyashim ne chiki aokere ruwe ne.
Ne utar oro ta Sinuma ene itak hi :— Eci=paye wa ne cironnup or ta ene ye hi :— Inkar=an, Kuani tanto pene nisatta hene nitne kamuy Ku=oasinke hemhem ki, tasum utar iwankere hemhem ki ruwe ne, orowa, oyasim ne ciki a=okere ruwe ne.
33 Yakka, tanto hemhem nishatta hemhem, oyashim hemhem, Kuani payekai kuni kusu ne ap: inambe gusu ne yakun, Uweingara guru anak ne Yerusarem kotan soigeta aisamka eaikap ruwe ne.
Yakka, tanto hemhem nisatta hemhem, oyasim hemhem, Kuani payekay kuni kusu ne ap: inanpe kusu ne yakun, Ueinkar kur anakne Yerusarem kotan soyke ta a=ysamka eaykap ruwe ne.
Mattaios 23.37-39 §241V
37 Aa uweingara utara ronnu, orota apayere utara shuma ani kopiyekara Yerusarem kotan, Yerusarem kotan! niwatori chikap koro tekkup choropoketa pon chikap uwekarire korachi, hembak-shui Kuani neyakka echi poho Ku uwekarire rusui?
Aa ueinkar utar ronnu, oro ta a=payere utar suma ani kopiyekar Yerusarem kotan, Yerusarem kotan! niwatori cikap kor tekkup corpoke ta pon cikap uekarire koraci, henpak-suy Kuani ne yakka eci=poho Ku=uekarire rusuy?
38 Awa, echi kopan! Ingarʼan, echi kot chisei anak ne po sak chisei korachi echi gusu an ruwe ne.
Awa, eci=kopan! Inkar=an, eci=kot cise anakne po sak cise koraci eci kusu an ruwe ne.
39 Echi otta Ku ye, Utarapa reihei ani ek gurʼanak ne anunuke ne ari an itak ani echi ye pakno echi En nukara shomoki kusu ne gusu ne na.
Eci or ta Ku=ye, Utarpa rehe ani ek kur anakne a=nunuke ne ari an itak ani eci=ye pakno eci En=nukar somo ki kusu ne kusu ne na.
Roukos 13.34-35 §175V
34 Aa Uweingara utara ronnu hemhem ki, orota apayere utara otta shuma kopiyekara hemhem ki Yerusarem kotan, Yerusarem kotan! Niwatori-chikap poka koro tekkup choropoketa yaikota koro chikappo uwekarire korachi, hempak shui Kuani ne yakka echi koro poho uwekarire rusui, yakka echi kopan ruwe!
Aa Ueinkar utar ronnu hemhem ki, oro ta a=payere utar or ta suma kopiyekar hemhem ki Yerusarem kotan, Yerusarem kotan! Niwatori-cikap poka kor tekkup corpoke ta yaykota kor cikappo uekarire koraci, henpak suy Kuani ne yakka eci=kor poho uekarire rusuy, yakka eci=kopan ruwe!
35 Ingarʼan, echi kot chisei anak ne echi otta aande: koroka, echi otta Ku ye, Utarapa reihei ani ek guru anak ne anunuke ne, ari an itak ani echi ye pakno tewa no shomo echi En nukara kusu ne na.
Inkar=an, eci=kot cise anakne eci or ta a=ante: korka, eci or ta Ku=ye, Utarpa rehe ani ek kur anakne a=nunuke ne, ari an itak ani eci=ye pakno tewano somo eci En=nukar kusu ne na.