共観表
Yoannes 1.43-2.11 §18X
43 Nei shimge toho ta Gariraya moshiri ta oman kuni esanniyo ruwe ne,
Ne simke toho ta Gariraya mosir ta oman kuni esanniyo ruwe ne,
44 awa, Piripos koekari, orowa, orota, — En osh ek, sekoro ye nisa ruwe ne. Piripos anak ne Andreas newa Petros koro kotan, Betsaida kotan un gunʼne.
awa, Piripos koekari, orowa, oro ta, — En=os ek, sekor ye nisa ruwe ne. Piripos anakne Andreas newa Petros kor kotan, Betsayda kotan un kunne.
45 Piripos Natanaeru koekari wa orota ene itak-hi :— Gusu Mose tuitak kambi kata nuye, orowa, gusu Uweingara utara nuye Nazaret kotan un Yosep poho Yesu chi koekari nisa ruwe ne, ari itak.
Piripos Natanaeru koekari wa oro ta ene itak hi :— Kusu Mose tuytak kampi kata nuye, orowa, kusu Ueinkar utar nuye Nazaret kotan un Yosep poho Yesu ci koekari nisa ruwe ne, ari itak.
46 Piripos orota Natanaeru ene itak-hi :— Nep pirikap Nazaret kotan orowa no hetuku eashkai ya? Ek wa ingara, ani Piripos ye ruwe ne.
Piripos oro ta Natanaeru ene itak hi :— Nep pirka p Nazaret kotan oro wano hetuku easkay ya? Ek wa inkar, ani Piripos ye ruwe ne.
47 Orota Natanaeru ek shiri Yesu nukara chiki, shinuma epeka no ene itak-hi :— Ingarʼan, keutumuta irara sak son no Israeru un guru an!
Oro ta Natanaeru ek siri Yesu nukar ciki, sinuma epeka no ene itak hi :— Inkar=an, kewtum ta irara sak sonno Israeru un kur an!
48 Natanaeru Shinuma otta ene itak-hi :— Nep gusu Aokai en eamkiri ya? Orota Yesu ese wa ene itak-hi :— Piripos e hotuyekara etokota, ichijiku chikuni choropoketa e an ita, Kuani e nukan nisa ruwe ne, ari itak.
Natanaeru Sinuma or ta ene itak hi :— Nep kusu Aokay en=e=amkir ya? Oro ta Yesu ese wa ene itak hi :— Piripos e hotuyekar etoko ta, icijiku cikuni corpoke ta e an hi ta, Kuani e nukar nisa ruwe ne, ari itak.
49 Orota Natanaeru ene ese-hi :— Rabbi, Aokai anak ne Kamui Poho E ne ruwe ne, Israeru un utara Shikkashima guru E ne ruwe ne, sekoro itak.
Oro ta Natanaeru ene ese hi :— Rabbi, Aokay anakne Kamuy Poho E ne ruwe ne, Israeru un utar Sikkasima kur E ne ruwe ne, sekor itak.
50 Orota Yesu ese wa ene itak-hi :— Eani ichijiku chikuni choropoketa e an shiri Ku nukara, sekoro Ku ye gusu, eani eishokoro ya? Tap okaibe kasu no porope e nukara kusu ne na, ani itak.
Oro ta Yesu ese wa ene itak hi :— Eani icijiku cikuni corpoke ta e an siri Ku=nukar, sekor Ku=ye kusu, eani eysokor ya? Tap okaype kasuno poro p e nukar kusu ne na, ani itak.
51 Orowa, shui, orota Shinuma ene itak-hi :— Son no, son no e otta Ku ye, kando sara wa Kamui hauturumbe Ainu Poho kashi ran hemhem ki rikin hemhem ki-hi e nukara kusu ne, ari itak.
Orowa, suy, oro ta Sinuma ene itak hi :— Sonno, sonno e or ta Ku=ye, kanto sara wa Kamuy hawturunpe Aynu Poho kasi ran hemhem ki rikin hemhem ki hi e nukar kusu ne, ari itak.
2:1 Orowa, Gariraya moshirʼun Kana kotan ta rereko ikinne no an toho ta aukore-i an; awa, Yesu koro habo ne yakka nei ita an ruwe ne; samata,
Orowa, Gariraya mosir un Kana kotan ta rerko ikinne no an toho ta a=ukore hi an; awa, Yesu kor hapo ne yakka ne hi ta an ruwe ne; sama ta,
2 Yesu ne yakka koro koikara utara tura nei ita aeahunge nisa ruwe ne. Aige, tonoto isam chiki koro habo Yesu otta :—
Yesu ne yakka kor koykar utar tura ne hi ta aeahunke nisa ruwe ne. Ayke, tonoto isam ciki kor hapo Yesu or ta :—
3 Tonoto isam, sekoro ye ruwe ne.
Tonoto isam, sekor ye ruwe ne.
4 Orota Yesu ene itak-hi :— Shiwentep, eani newa Kuani uturuta nep an hawe? Ku pakihi anak naa shomo an ruwe ne, sekoro itak.
Oro ta Yesu ene itak hi :— Siwentep, eani newa Kuani utur ta nep an hawe? Ku=pakihi anak naa somo an ruwe ne, sekor itak.
5 Koro habo anak ne :— Nep ne yakka Shinuma echi otta ye chiki, nei no ki yan, ani okai uitek utara otta ye nisa ruwe ne.
Kor hapo anakne :— Nep ne yakka Sinuma eci or ta ye ciki, néno ki yan, ani okay uytek utar or ta ye nisa ruwe ne.
6 Nei ushiketa Yudea un utara ashkannere buri gusu an ine to hene ashikne to hene omare eashkai shuma shu iwan shu okai ruwe ne.
Ne uske ta Yudea un utar askannere puri kusu an ine to hene asikne to hene omare easkay suma su iwan su okay ruwe ne.
7 Wakka ani nei shu eshikte yan, sekoro Yesu nei utara otta ye, awa, paruruge pakno shikte nisa ruwe ne.
Wakka ani ne su esikte yan, sekor Yesu ne utar or ta ye, awa, parurke pakno sikte nisa ruwe ne.
8 Orowa :— Tane etaye wa marapto eainukoro guru otta koro wa paye yan, sekoro nei utara otta itak.
Orowa :— Tane etaye wa marapto e=aynukor kur or ta kor wa paye yan, sekor ne utar or ta itak.
9 Orowa, orota koro wa paye ruwe ne. Marapto eainukoro guru anak ne, tane tonoto ne wakka sapke wa, nei wa ekbe ne ya sekorʼambe eramushkare gusu (koroka, wakka ta uitek utara eramʼan), mat-ahupkara guru hotuyekara wa orota ene itak-ki :—
Orowa, oro ta kor wa paye ruwe ne. Marapto e=aynukor kur anakne, tane tonoto ne wakka sapke wa, ne wa ek pe ne ya sekor anpe eramuskare kusu (korka, wakkata uytek utar eraman), mat-ahupkar kur hotuyekar wa oro ta ene itak-ki :—
10 Nen ne yakka hoshiki no shisak tonoto sange; orowa, utara poronno iku orowa no katchakbe sange ruwe ne, koroka, eani anak ne shisak tonoto tane pakno eumashnu wa ande nisa ruwe ne, sekoro itak.
Nen ne yakka hoskino sisak tonoto sanke; orowa, utar poronno iku oro wano katcakpe sanke ruwe ne, korka, eani anakne sisak tonoto tane pakno ewmasnu wa ante nisa ruwe ne, sekor itak.
11 Tap atpake an shirosh Gariraya moshiri un Kan a kotan ta Yesu ki wa, koro nupeki nukare nisa ruwe ne; orowa no, koikara utara Shinuma eishokon nisa ruwe ne na.
Tap atpake an siros Gariraya mosir un Kan a kotan ta Yesu ki wa, kor nupeki nukare nisa ruwe ne; orowano, koykar utar Sinuma eysokor nisa ruwe ne na.
Mattaios 4.13-16 §19VII
13 Nazaret kotan ekohopi wa Zeburon kotan newa Naptari kotan okari an atui samta okai Kapernaum kotan orota oman wa an nisa ruwe ne;
Nazaret kotan ekohopi wa Zeburon kotan newa Naptari kotan okari an atuy sam ta okay Kapernaum kotan oro ta oman wa an nisa ruwe ne;
14 tambe anak ne Yorodan pet kushta, atui samta okai, Zeburon kotan hene, Naptari kotan hene, Oya moshirʼun guru koro Gariraya moshiri,
tanpe anakne Yorodan pet kus ta, atuy sam ta okay, Zeburon kotan hene, Naptari kotan hene, Oya mosir un kur kor Gariraya mosir,
15 Kunne-i oshiketa rok utara Poro nupeki nukan nisa, Shui, rai kurihi an ushiketa rok utara otta,
Kunne hi oske ta rok utar Poro nupeki nukar nisa, Suy, ray kurihi an uske ta rok utar or ta,
16 Nei utara otta pekere hetuku nisa ruwe ne na, sekoro uweingara guru ne Isaya ye itak auweomare kuni gusu an ambe ne ruwe ne na.
Ne utar or ta peker hetuku nisa ruwe ne na, sekor ueinkar kur ne Isaya ye itak a=ueomare kuni kusu an anpe ne ruwe ne na.
Yoannes 2.12 §19VII
12 Tande orowa no Shinuma hemhem, koro habo hemhem, uiriwak utara hemhem, koro koikara utara tura Kapernaum kotan otta sap: aige, nei kotan ta ohon no reushi shomoki ruwe ne.
Tan te oro wano Sinuma hemhem, kor hapo hemhem, uyriwak utar hemhem, kor koykar utar tura Kapernaum kotan or ta sap: ayke, ne kotan ta ohor no rewsi somo ki ruwe ne.
Markos 14.1A §156I
1 Tut ko okaketa Kamakush marapto, Pandane sak pan marapto an; orowa, Kamui kora kenru esapane utara newa, Kambi-nuye utara anak ne nuina no Shinuma kishima wa raige kuni hunara ruwe ne:
tutko okake ta Kamakus marapto, Pandane sak pan marapto an; orowa, Kamuy kor kenru esapane utar newa, Kampi-nuye utar anakne nuyna no Sinuma kisma wa rayke kuni hunara ruwe ne:
Yoannes 2.13 §20I
13 Yudea un utara koro Kamakush marapto ehange no an, awa, Yesu Yerusarem kotan orun hemesu nisa ruwe ne.
Yudea un utar kor Kamakus marapto ehanke no an, awa, Yesu Yerusarem kotan orun hemesu nisa ruwe ne.
Mattaios 21.12-13 §211I
12 Orowa, Yesu Kamui kora kenru orun ahun wa nei oshiketa okai eihok utara newa hok utara obitta esoyun okeuba, orowa, kani itasari utara koro set hene, kusuwep eihok utara koro set hene hokushte nisa ruwe ne;
Orowa, Yesu Kamuy kor kenru orun ahun wa ne oske ta okay e=hok utar newa hok utar opitta esoyun okewpa, orowa, kani itasari utar kor set hene, kusuwep e=hok utar kor set hene hokuste nisa ruwe ne;
13 aige, utara otta ene itak-hi :— Ku kora kenru anak ne inonno-itak kuni chisei ani aye kusu ne, sekorʼan itak anuye wa an, koroka, echi utara anak ne nei kenru ani ikka guru chisei ne kan nisa ruwe ne, sekoro itak.
ayke, utar or ta ene itak hi :— Ku=kor kenru anakne inonno-itak kuni cise ani a=ye kusu ne, sekor an itak a=nuye wa an, korka, eci utar anakne ne kenru ani ikka kur cise ne kan nisa ruwe ne, sekor itak.
Markos 11.15B-17 §121I
15 Orowa, Yerusarem kotan ta araki; awa, Kamui kora kenru orun ahun wa nei oshiketa eihok utara newa hok utara esoyumbare heashi, samata, ichen itasari utara koro set hene, kusuwep eihok utara koro set hene hokushte nisa ruwe ne;
Orowa, Yerusarem kotan ta arki; awa, Kamuy kor kenru orun ahun wa ne oske ta e=hok utar newa hok utar esoyunpare heasi, sama ta, icen itasari utar kor set hene, kusuwep e=hok utar kor set hene hokuste nisa ruwe ne;
16 orowa, nen ne yakka oro-omap ani wa Kamui kora kenru kush wa oman ambe ramuoshma shomoki ruwe ne.
orowa, nen ne yakka oro-omap ani wa Kamuy kor kenru kus wa oman anpe ramuosma somo ki ruwe ne.
17 Orowa, Shinuma epakashnu wa utara otta ene itak-hi :— Ku kot chisei anak ne ingi-moshirʼun utara gusu an inonno-itak chisei ne aporose kusu ne, sekorʼambe chieshinnuye wa an shomoki ruwe he an? Koroka, echi utara anak ne ikka utara chisei ne kan nisa ruwe ne na, ari itak.
Orowa, Sinuma epakasnu wa utar or ta ene itak hi :— Ku=kot cise anakne inki-mosir un utar kusu an inonno-itak cise ne a=porse kusu ne, sekor anpe ciesinnuye wa an somo ki ruwe he an? Korka, eci utar anakne ikka utar cise ne kan nisa ruwe ne na, ari itak.
Roukos 19.45-46 §238I
45 Orowa, Shinuma Kamui kora kenru orun ahun hine eiyok utara soyumbare heashi, aige, nei utara
Orowa, Sinuma Kamuy kor kenru orun ahun hine eiyok utar soyunpare heasi, ayke, ne utar
46 otta ene itak-hi :— Ku kora kenru anak ne inonno-itak ki gusu an chisei ne kusu ne, sekorʼambe chieshinnuye wa an: koroka, echi utara ikka utara kot chisei ne echi kan nisa ruwe ne na, sekoro itak.
or ta ene itak hi :— Ku=kor kenru anakne inonno-itak ki kusu an cise ne kusu ne, sekor anpe ciesinnuye wa an: korka, eci utar ikka utar kot cise ne eci=kan nisa ruwe ne na, sekor itak.
Yoannes 2.14-16 §21I
14 Orowa, Kamui kora kenru ta beko hemhem, hitsuji hemhem, kusuwep hemhem ehok utara nukara, naa samata, ichen itasare utara rok wa okai shiri nukan nisa ruwe ne:
Orowa, Kamuy kor kenru ta peko hemhem, hitsuji hemhem, kusuwep hemhem e=hok utar nukar, naa sama ta, icen itasare utar rok wa okay siri nukar nisa ruwe ne:
15 awa, Shinuma ka ani tush kara wa hitsuji newa beko obitta Kamui kora kenru orowa no okeuba; orowa, ichen itasare utara koro ichen ohetu wa koro set horakte;
awa, Sinuma ka ani tus kar wa hitsuji newa peko opitta Kamuy kor kenru oro wano okewpa; orowa, icen itasare utar kor icen ohetu wa kor set horakte;
16 kusuwep ehok utara otta :— Tan okaibe oyakta koro wa paye, Ku Michi kot chisei ani ehok chisei ne iteki kara yan, ari itak.
kusuwep e=hok utar or ta :— Tan okaype oyak ta kor wa paye, Ku Mici kot cise ani e=hok cise ne iteki kar yan, ari itak.
Yoannes 2.17 §22X
17 Aine, E kora kenru gusu an keutum opopmau ambe anak ne en ibe kusu ne, sekorʼan itak anuye wa an ambe koikara utara eshkarun nisa ruwe ne.
Ayne, E=kor kenru kusu an kewtum opopmaw anpe anakne en=ipe kusu ne, sekor an itak a=nuye wa an anpe koykar utar eskarun nisa ruwe ne.
Yoannes 2.18 §23IV
18 Orowa, tambe gusu, Yudea un utara Shinuma otta ese wa ene itak-hi :— Tap okaibe E ki gusu, nep shirosh un nukare ya? ani itak.
Orowa, tanpe kusu, Yudea un utar Sinuma or ta ese wa ene itak hi :— Tap okaype E ki kusu, nep siros un nukare ya? ani itak.
Yoannes 2.19-3.22 §24X
19 Orota Yesu ese wa ene itak-hi: Tan ashkanne ushike horakte, yak anak ne rere ko ta Ku ashi kusu ne, ari itak.
Oro ta Yesu ese wa ene itak hi: Tan askanne usike horakte, yakanak ne rere ko ta Ku=asi kusu ne, ari itak.
20 Tambe gusu, Yudea un utara ene itak-hi :— Tan ashkanne ushike akara-i anak ne iwan pa ikashima tu hotne pa uturu akara, awa, Eani anak rere-ko ututta ashi kusu ne ya?
Tanpe kusu, Yudea un utar ene itak hi :— Tan askanne usike a=kar hi anakne iwan pa ikasma tu hotne pa uturu a=kar, awa, Eani anak rere-ko ututta asi kusu ne ya?
21 Koroka, Yesu anak ne yaikota koro netobake ani an ashkanne ushike epeka no ye nisa ruwe ne.
Korka, Yesu anakne yaykota kor netopake ani an askanne usike epeka no ye nisa ruwe ne.
22 Tambe gusu, Shinuma rai-i orowa no hetopo-ashiknure chiki, tap itak ani Shinuma itak nisa sekoro koro koikara utara eshkarun; orowa, Kamui kambi-sosh newa orota Yesu ye itak shinuma utara eishokon nisa ruwe ne.
Tanpe kusu, Sinuma ray hi oro wano hetopo-a=siknure ciki, tap itak ani Sinuma itak nisa sekor kor koykar utar eskarun; orowa, Kamuy kampi-sos newa oro ta Yesu ye itak sinuma utar eysokor nisa ruwe ne.
23 Kamakush marapto gusu Shinuma Yerusarem kotan ta an, awa, marapto uturuta, Shinuma ki shirosh nukara gusu, inne utara Shinuma kon reihei gusu eishokon nisa ruwe ne na.
Kamakus marapto kusu Sinuma Yerusarem kotan ta an, awa, marapto utur ta, Sinuma ki siros nukar kusu, inne utar Sinuma kor rehe kusu eysokor nisa ruwe ne na.
24 Koroka, Yesu anak ne utara otta yaikota yaikopashte shiri shomoki. Ainu obitta eramʼan wa ainu gusu moshima guru paweteshu-i kon rusui shomoki ruwe ne,
Korka, Yesu anakne utar or ta yaykota yaykopaste siri somo ki. Aynu opitta eraman wa aynu kusu mosma kur pawetesu hi kor rusuy somo ki ruwe ne,
25 ainu keutum uta an okaibe Shinuma yaikota eramʼan ruwe ne gusu ne na.
aynu kewtum uta an okaype Sinuma yaykota eraman ruwe ne kusu ne na.
3:1 Nikodemos ani aye Parisee un guru an, Yudea un utara esapane guru ne ruwe ne:
Nikodemos ani a=ye Parisee un kur an, Yudea un utar esapane kur ne ruwe ne:
2 shinuma anchikara ta Yesu orota ek wa ene itak-hi :— Rabbi, Kamui orowa no ek epakashnu guru E ne ruwe ne sekoro chi eraman: inambe gusu ne yakun, Kamui ainu tura no an shomoki chiki, E ki tan okai shirosh kara eaikap ruwe ne gusu ne na.
sinuma ancikar ta Yesu oro ta ek wa ene itak hi :— Rabbi, Kamuy oro wano ek epakasnu kur E ne ruwe ne sekor ci eraman: inanpe kusu ne yakun, Kamuy aynu turano an somo ki ciki, E ki tan okay siros kar eaykap ruwe ne kusu ne na.
3 Orota Yesu ese wa ene itak-hi :— Son no, son no e otta Ku ye, ainu anak ne ashin no hekatu shomoki chiki Kamui moshiri nukara eaikap ruwe ne, ari itak.
Oro ta Yesu ese wa ene itak hi :— Sonno, sonno e or ta Ku=ye, aynu anakne asinno hekatu somo ki ciki Kamuy mosir nukar eaykap ruwe ne, ari itak.
4 Nikodemos Shinuma orota ene itak-hi :— Ainu onne ko nekon a iki wa hekatu eashkai ya? Tu shui koro habo honihi oshike un ahun wa hekatu eashkai ya? sekoro itak.
Nikodemos Sinuma oro ta ene itak hi :— Aynu onne ko nekona iki wa hekatu easkay ya? Tu suy kor hapo honihi osike un ahun wa hekatu easkay ya? sekor itak.
5 Yesu ene ese-hi :— Son no, son no e otta Ku ye, Ainu anak ne wakka newa Ramat ani hekatu shomoki chiki Kamui moshiri orun ahun eaikap ruwe ne.
Yesu ene ese hi :— Sonno, sonno e or ta Ku=ye, Aynu anakne wakka newa Ramat ani hekatu somo ki ciki Kamuy mosir orun ahun eaykap ruwe ne.
6 Kam gusu hekatup anak ne kam ne, Ramat gusu hekatup anak ne ramat ne ruwe ne.
Kam kusu hekatup anakne kam ne, Ramat kusu hekatup anakne ramat ne ruwe ne.
7 Echi ashin no hekatu kusu ne ap e otta Ku ye gusu iteki enushkari.
Eci=asin no hekatu kusu ne ap e or ta Ku=ye kusu iteki enuskari.
8 Rera anak ne rengaine rui wa nei hum e nu, koroka, nei wa ek a, ine un oman a eani erampeutek: nen ne yakka Ramat gusu hekatu gurʼanak ne nei no korachi an ruwe ne, sekoro itak.
Rera anakne renkayne ruy wa ne hum e nu, korka, ne wa ek a, ine un oman a eani eranpewtek: nen ne yakka Ramat kusu hekatu kur anakne néno koraci an ruwe ne, sekor itak.
9 Orota Nikodemos ese wa ene itak-hi :— Tapne ambe nekon a hetukup eashkaibe ne ya? sekoro itak.
Oro ta Nikodemos ese wa ene itak hi :— Tapne anpe nekona hetuku p easkay pe ne ya? sekor itak.
10 Orota Yesu ese wa ene itak-hi :— Aokai Israeru utara koro nei epakashnu guru e ne wa tapne ambe e erampeutek a?
Oro ta Yesu ese wa ene itak hi :— Aokay Israeru utar kor ne epakasnu kur e ne wa tapne anpe e eranpewtek a?
11 Son no, son no e otta Ku ye, chi utara anak ne aeramu ambe ye, orowa, yaikota nukarape gusu paweteshu ki ruwe ne, yakka, chi ye paweteshu-i echi nu shomoki ruwe ne.
Sonno, sonno e or ta Ku=ye, ci utar anakne a=ermu anpe ye, orowa, yaykota nukar pe kusu pawetesu ki ruwe ne, yakka, ci ye pawetesu hi eci=nu somo ki ruwe ne.
12 Kuani tam moshiri gusu an orushpe echi nure ash wa echi eishokoro shomoki yak anak ne, Kamui moshiri gusu an orushpe echi nure ash chiki nekon a echi ki wa nei ambe eishokoro ya?
Kuani tam mosir kusu an oruspe eci=nure as wa eci=eysokor somo ki yakanak ne, Kamuy mosir kusu an oruspe eci=nure as ciki nekona eci=ki wa ne anpe eysokor ya?
13 Kando orowa no ran wa kando otta an Ainu Poho moshima, kando orun rikin guru isam.
Kanto oro wano ran wa kanto or ta an Aynu Poho mosma, kanto orun rikin kur isam.
14 Orowa, Mose anak ne nup otta okokko ashi korachi, tap korachi Ainu Poho ne yakka aashi kusu ne;
Orowa, Mose anakne nup or ta okokko asi koraci, tap koraci Aynu Poho ne yakka a=asi kusu ne;
15 nen ne yakka Shinuma eishokoro gurʼanak ne ramma okere shomoki ishu ramat koro kuni gusu ne na.
nen ne yakka Sinuma eysokor kur anakne ramma okere somo ki i=su ramat kor kuni kusu ne na.
16 Inambe gusu ne yakun, Kamui anak ne koro shinen ne Poho koropare pakno moshiri omap ruwe ne, nen ne yakka nei Poho eishokoro guru obitta aisamka shomoki no nei pakno ne yakka ishu ramat koro kuni ne kore nisa ruwe ne.
Inanpe kusu ne yakun, Kamuy anakne kor sinen ne Poho korpare pakno mosir omap ruwe ne, nen ne yakka ne Poho eysokor kur opitta a=ysamka somo ki no ne pakno ne yakka i=su ramat kor kuni ne kore nisa ruwe ne.
17 Moshiri koipishi gusu Kamui anak ne koro Poho moshirʼotta omande shomoki, koroka, Shinuma orowa no moshiri kashi-a-obiuki kuni ne aomande nisa ruwe ne gusu ne na.
Mosir koypisi kusu Kamuy anakne kor Poho mosir or ta omante somo ki, korka, Sinuma oro wano mosir kasi-a-opiwki kuni ne a=omante nisa ruwe ne kusu ne na.
18 Shinuma eishokoro guru anak ne shomo akoipishi ruwe ne, shomo Shinuma eishokoro guru anak akoipishi okere nisa ruwe ne, Kamui shinen ne Poho reihei eishokoro shomoki nisa ruwe ne gusu ne na.
Sinuma eysokor kur anakne somo akoypisi ruwe ne, somo Sinuma eysokor kur anak akoypisi okere nisa ruwe ne, Kamuy sinen ne Poho rehe eysokor somo ki nisa ruwe ne kusu ne na.
19 Ipishi aesanniyo-i anak ne tapne an ruwe ne; pekere moshirʼotta ek, orowa, utara ki ikip anak ne wen wa gusu pekere kasu no kunne-i omap nisa ruwe ne gusu ne na.
Ipisi a=esanniyo hi anakne tapne an ruwe ne; peker mosir or ta ek, orowa, utar ki iki p anakne wen wa kusu peker kasuno kunne hi omap nisa ruwe ne kusu ne na.
20 Inambe gusu ne yakun, nen ne yakka wenbe iki guru anak ne pekere etunne ruwe ne, orowa, iteki koro ki ikip aekopao kuni ne pekere otta ek shomoki ruwe ne.
Inanpe kusu ne yakun, nen ne yakka wenpe iki kur anakne peker etunne ruwe ne, orowa, iteki kor ki iki p aekopao kuni ne peker or ta ek somo ki ruwe ne.
21 Koroka, sonep ki guru anak ne koro ki ikip anukara kuni ne pekere otta ek, nei ambe anak ne Kamui otta aki nisa ruwe ne gusu ne na.
Korka, sonep ki kur anakne kor ki iki p a=nukar kuni ne peker or ta ek, ne anpe anakne Kamuy or ta aki nisa ruwe ne kusu ne na.
22 Tap orowa no Yesu koro koikara utara tura Yudea moshirʼotta ek wa, shinuma utara tura no okai, orowa, baptisma kore nisa ruwe ne.
Tap oro wano Yesu kor koykar utar tura Yudea mosir or ta ek wa, sinuma utar turano okay, orowa, paptisma kore nisa ruwe ne.