共観表
Roukos 19.1-9 §225X
1 Orowa, Shinuma Yeriko kotan otta ahun, aige,
Orowa, Sinuma Yeriko kotan or ta ahun, ayke,
2 nei kotan kush korʼan nisa ruwe me. Awa, Zakkeos ani an reihei koro, yaku-etaye utara esapane guru an; shinuma oteknu guru ne ruwe ne.
ne kotan kus kor an nisa ruwe me. Awa, Zakkeos ani an rehe kor, yaku-etaye utar esapane kur an; sinuma oteknu kur ne ruwe ne.
3 Nei guru Yesu nekon a an guru ne ya eraman kuni hunara gusu Shinuma nukan rusui ruwe ne; koroka, inne utara okai gusu nukara eaikap, ikkewe ram guru ne ruwe ne gusu ne na.
Ne kur Yesu nekona an kur ne ya eraman kuni hunara kusu Sinuma nukar rusuy ruwe ne; korka, inne utar okay kusu nukar eaykap, ikkewe ram kur ne ruwe ne kusu ne na.
4 Orowa, nei guru hoshiki no hoyupu hine Shinuma nukara kuni ne kuwa-no-ki chikuni nimu nisa ruwe ne; Shinuma nei rukari kush kusu ne gusu ne na.
Orowa, ne kur hoskino hoyupu hine Sinuma nukar kuni ne kuwa-no-ki cikuni nimu nisa ruwe ne; Sinuma ne rukari kus kusu ne kusu ne na.
5 Orowa, Yesu nei ushike un ek chiki hepuni ingara hine shinuma otta ene itak-hi :— Zakkeos, tunashi no ran; tanto e kot chisei ta Ku reushi kusu ne na, ari itak.
Orowa, Yesu ne usike un ek ciki hepuni inkar hine sinuma or ta ene itak hi :— Zakkeos, tunasno ran; tanto e kot cise ta Ku=rewsi kusu ne na, ari itak.
6 Tata otta shinuma tunashi no ran hine yaikopuntek wa Yesu tura nisa ruwe ne.
Tata or ta sinuma tunasno ran hine yaykopuntek wa Yesu tura nisa ruwe ne.
7 Orowa, utara anak ne nei ambe nukara chiki obitta oromam wa ene itak-hi :— Shinuma chikokatpak guru kot chisei ta reushi gusu oman ruwe ne.
Orowa, utar anakne ne anpe nukar ciki opitta oromam wa ene itak hi :— Sinuma ci=kokatpak kur kot cise ta rewsi kusu oman ruwe ne.
8 Orowa, Zakkeos ash wa Utarapa otta ene itak-hi :— Utarapa, ingarʼan, ku korobe nimara pak no otek-sak utara otta ku eungerai; samata, oheuge sak no inan guru orowa no ku sangere yak anak ne ine shui pakno ku hoshipire ruwe ne, ari itak.
Orowa, Zakkeos as wa Utarpa or ta ene itak hi :— Utarpa, inkar=an, ku=kor pe nimara pakno otek-sak utar or ta ku=eunkeray; sama ta, ohewke sak no inan kur oro wano ku sankere yakanak ne ine suy pakno ku=hosipire ruwe ne, ari itak.
9 Orowa, orota Yesu ene itak-hi :— Tanto kashiobiuki ambe anak ne tan chisei orun ek an, nei guru Abraham koro poho ne ruwe ne gusu ne na.
Orowa, oro ta Yesu ene itak hi :— Tanto kasiopiwki anpe anakne tan cise orun ek an, ne kur Abraham kor poho ne ruwe ne kusu ne na.
Roukos 19.10 §226V
10 Inambe gusu ne yakun, Ainu Poho anak ne aturainu wa okai utara hunara wa kashiobiuki kuni gusu ek nisa ruwe ne gusu ne na.
Inanpe kusu ne yakun, Aynu Poho anakne a=turaynu wa okay utar hunara wa kasiopiwki kuni kusu ek nisa ruwe ne kusu ne na.
Roukos 19.11 §227X
11 Orowa, utara anak ne tap okaibe nu korʼan ita Shinuma naa itak omare wa itak-maukushte-itak ani ye, inambe gusu ne yakun, Yerusarem kotan ta ebange, orowa, okai utara Kamui moshiri nani ek kusu ne kunak ramu nisa ruwe ne gusu ne na.
Orowa, utar anakne tap okaype nu kor an hi ta Sinuma naa itak omare wa itak-mawkuste-itak ani ye, inanpe kusu ne yakun, Yerusarem kotan ta e=panke, orowa, okay utar Kamuy mosir nani ek kusu ne kunak ramu nisa ruwe ne kusu ne na.
Markos 13.34 §154II
34 Nei ambe anak, Koro usshiune utara otta mondum koropare, iki kuni moni pishno gusu esanniyo, samata, apa pungi ne yakka shiruwande kuni kashpaotte, oya moshiri ta reushi gusu koro chisei ande ainu korachi ne ruwe ne.
Ne anpe anak, Kor ussiw ne utar or ta montum korpare, iki kuni moni pisno kusu esanniyo, sama ta, apa punkine yakka siruwante kuni kaspaotte, oya mosir ta rewsi kusu kor cise ante aynu koraci ne ruwe ne.
Roukos 19.12 §228II
12 Tambe gusu, nei utara otta Shinuma ene itak-hi :— Shine ottena ne guru an, shinuma yaikota gusu moshiri uk wa orowa no hoshipi kuni ehangeko no an moshiri orun arapa nisa ruwe ne.
Tanpe kusu, ne utar or ta Sinuma ene itak hi :— Sine ottena ne kur an, sinuma yaykota kusu mosir uk wa oro wano hosipi kuni e=hankeko no an mosir orun arpa nisa ruwe ne.
Mattaios 25.15-28 §270V
15 Awa, shinen otta ashikne taranton kore, shinen otta tup kore, shinen otta shinep kore; nei utara pishno okai ki no an mondum ramepakari wa koropare nisa ruwe ne, orowa, payekai wa oman ruwe ne.
Awa, sinen or ta asikne taranton kore, sinen or ta tup kore, sinen or ta sinep kore; ne utar pisno okay ki no an montum ramepakari wa korpare nisa ruwe ne, orowa, payekay wa oman ruwe ne.
16 Ashikne taranton akore gurʼanak ne nani nei ambe koro wa ani iraugetupa hine naa ashiknep epirika nisa ruwe ne.
Asikne taranton a=kore kur anakne nani ne anpe kor wa ani irawketupa hine naa asiknep e=pirka nisa ruwe ne.
17 Tup akore guru ne yakka oman wa naa tup epirika nisa ruwe ne.
Tup a=kore kur ne yakka oman wa naa tup e=pirka nisa ruwe ne.
18 Koroka, shine taranton akore gurʼanak ne oman wa toitoi ohori hine kon nishpa koro ichen nuina nisa ruwe ne na.
Korka, sine taranton a=kore kur anakne oman wa toytoy ohor hine kor nispa kor icen nuyna nisa ruwe ne na.
19 Ohon no shirʼan ko anak ne nei ausshiunere utara kon nishpa ek wa tura no ukosanniyo nisa ruwe ne.
Ohor no siran ko anakne ne aussiwnere utar kor nispa ek wa turano ukosanniyo nisa ruwe ne.
20 Awa, ashikne taranton akore gurʼanak ne naa moshima ashiknep koro wa ek wa ene itak-hi :— Nishpa, ashikne taranton e en kore, awa, naa moshima okai ashiknep ku epirika nisa ruwe ne na, sekoro itak.
Awa, asikne taranton a=kore kur anakne naa mosma asiknep kor wa ek wa ene itak hi :— Nispa, asikne taranton e en=kore, awa, naa mosma okay asiknep ku=e=pirka nisa ruwe ne na, sekor itak.
21 Otta kon nishpa ene itak-hi :— Pirika, ikipniukesh wa pirika usshiune guru: pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.
Or ta kor nispa ene itak hi :— Pirka, ikipniwkes wa pirka ussiw ne kur: ponno anpe kusu e ikipniwkes, awa, poronno anpe esapane kuni e kar as kusu ne: e=kor nispa kor nupetne hi or ta ahun, ari itak.
22 Orowa, tup akore guru ne yakka ek wa ene itak-hi :— Utarapa, tu taranton e en kore, awa, naa tup ku epirika nisa ruwe ne.
Orowa, tup a=kore kur ne yakka ek wa ene itak hi :— Utarpa, tu taranton e en=kore, awa, naa tup ku=e=pirka nisa ruwe ne.
23 Otta kon nishpa ene itak-hi :— Pirika, ikipniukesh wa pirika usshiune guru; pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.
Or ta kor nispa ene itak hi :— Pirka, ikipniwkes wa pirka ussiw ne kur; ponno anpe kusu e ikipniwkes, awa, poronno anpe esapane kuni e kar as kusu ne: e=kor nispa kor nupetne hi or ta ahun, ari itak.
24 Orowa, shine taranton akore guru ne yakka ek wa ene itak-hi :— Utarapa, aokai anak ne keutum yupke guru a ne wa etoita shomoki ushike wa nange ruwe ne,
Orowa, sine taranton a=kore kur ne yakka ek wa ene itak hi :— Utarpa, aokay anakne kewtum yupke kur a ne wa etoyta somo ki usike wa nanke ruwe ne,
25 e chari shomoki ushike wa umomare ruwe ne, sekoro ku eramu an, awa, ku ishitoma wa oman hine e koro taranton toi tumta ku nuina nisa ruwe ne; ingarʼan, e korope a koro an na, ari itak.
e cari somo ki usike wa umomare ruwe ne, sekor ku=eramu an, awa, ku=isitoma wa oman hine e=kor taranton toy tum ta ku=nuyna nisa ruwe ne; inkar=an, e=kor pe a kor an na, ari itak.
26 Koroka, otta kon nishpa ese wa ene itak-hi :— Wen newa toranne usshiune guru, ku etoita shomoki ushike wa ku nange, orowa, ku chari shomoki ushike wa ku umomare sekoro e eramu an,
Korka, or ta kor nispa ese wa ene itak hi :— Wen newa toranne ussiw ne kur, ku=etoyta somo ki usike wa ku=nanke, orowa, ku=cari somo ki usike wa ku=umomare sekor e eramuan,
27 awa, tambe gusu, ku goro ichen ginko otta e omare kunip ne, aige, ku ek ita ku korope risoku tura auk eashkai ruwe ne.
awa, tanpe kusu, ku=kor icen kinko or ta e omare kunip ne, ayke, ku=ek hi ta ku=kor pe risoku tura auk easkay ruwe ne.
28 Tambe gusu, nei guru koro shine taranton uk wa, wanbe koro guru otta kore yan.
Tanpe kusu, ne kur kor sine taranton uk wa, wanpe kor kur or ta kore yan.
Roukos 19.13-25 §229V
13 Orowa, koro wa niu ne usshiune utara hotuyepukara wa orota ichen wanbe koropare hine, ku hoshipi pakno iraugetupa yan, ari itak.
Orowa, kor wa niw ne ussiw ne utar hotuyepukara wa oro ta icen wanpe korpare hine, ku=hosipi pakno irawketupa yan, ari itak.
14 Koroka, koro kotan un utara nei nishpa etunne gusu nei oshi utara teshkara hine :— Tan guru anak ne iteki un esapane kuni chi emaka ruwe ne, ani an itak ani itakte nisa ruwe ne.
Korka, kor kotan un utar ne nispa etunne kusu ne osi utar teskar hine :— Tan kur anakne iteki un esapane kuni ci emaka ruwe ne, ani an itak ani itakte nisa ruwe ne.
15 Orowa, nei nishpa uk kuni moshiri uina wa hoshipi chiki, ichen akore usshiune utara iraugetupa wa nei pakno eyaiepirikare orushpe nu kuni gusu orota araki kuni ikashpaotte nisa ruwe ne.
Orowa, ne nispa uk kuni mosir uyna wa hosipi ciki, icen a=kore ussiw ne utar irawketupa wa ne pakno eyayepirikare oruspe nu kuni kusu oro ta arki kuni ikaspaotte nisa ruwe ne.
16 Orowa, hoshiki no an guru shinuma kotchake un ek wa :— Utarapa, E koro shine ichen anak ne naa wan ichen epirikare nisa ruwe ne, ari itak.
Orowa, hoskino an kur sinuma kotcake un ek wa :— Utarpa, E=kor sine icen anakne naa wan icen e=pirkare nisa ruwe ne, ari itak.
17 Orota, shinuma ene itak-hi :— Pirika, iki pirika usshiune guru e ne ruwe ne! shiri ponbe gusu eani ikipniutesh ari anukara gusu, wan machiya esapane yan.
Oro ta, sinuma ene itak hi :— Pirka, iki pirka ussiw ne kur e ne ruwe ne! siri ponpe kusu eani ikipniwtes ari a=nukar kusu, wan maciya esapane yan.
18 Orowa, tutanu an guru ek, aige, Utarapa, e koro shine ichen anak ne ashikne ichen epirikare nisa ruwe ne, ari itak.
Orowa, tutanu an kur ek, ayke, Utarpa, e=kor sine icen anakne asikne icen e=pirkare nisa ruwe ne, ari itak.
19 Orota shinuma ene itak-hi :— Eani ne yakka ashikne machiya esapane yan, ani itak.
Oro ta sinuma ene itak hi :— Eani ne yakka asikne maciya esapane yan, ani itak.
20 Orowa, moshima an guru ek wa :— Utarapa, ingaraʼn, senkaki otta kokarakari wa an ku shikkashima e koro ichen teda an:
Orowa, mosma an kur ek wa :— Utarpa, inkar n, senkaki or ta kokarkari wa an ku=sikkasima e=kor icen teta an:
21 kuani anak ne e ko-ishitoma ash, aokai anak keutum niwen guru e ne ruwe ne gusu ne na: shomo ande ambe e uk, shomo e etoitap aokai nange ruwe ne na.
kuani anakne e ko-isitoma as, aokay anak kewtum niwen kur e ne ruwe ne kusu ne na: somo ante anpe e uk, somo e etoytap aokay nanke ruwe ne na.
22 Orota shinuma ene itak-hi :— Wen usshiune guru, e koro paro wano san itak ani ku e koipishi ash kusu ne. Kuani anak ne keutum niwen guru ku ne wa, ku ande shomoki okaibe ku uk, shomo ku etoitap ku nange shiri eani eramʼan;
Oro ta sinuma ene itak hi :— Wen ussiw ne kur, e=kor paro wano san itak ani ku=e koypisi as kusu ne. Kuani anakne kewtum niwen kur ku ne wa, ku=ante somo ki okaype ku=uk, somo ku etoytap ku=nanke siri eani eraman;
23 tambe gusu, ku ek ita nei ambe risoko tura no ku uk easkkai kuni ne nep gusu ginko otta ku goro ichen e ande shomoki ya?
tanpe kusu, ku=ek hi ta ne anpe risoko turano ku=uk easkkay kuni ne nep kusu kinko or ta ku=kor icen e ante somo ki ya?
24 Orowa, samaketa roshki wa okai utara otta ene itak-hi :— Nei guru orowa no koro shine ichen uk wa, wan ichen koro guru otta kore yan, ari itak.
Orowa, samake ta roski wa okay utar or ta ene itak hi :— Ne kur oro wano kor sine icen uk wa, wan icen kor kur or ta kore yan, ari itak.
25 Utarapa, shinuma wan ichen kon ruwe ne otta nei utara ye nisa ruwe ne.
Utarpa, sinuma wan icen kor ruwe ne or ta ne utar ye nisa ruwe ne.
Mattaios 25.29 §271II
29 Inambe gusu ne yakun, nen ne yakka koro guru otta akore kusu ne, aige, shinuma nuye an no koro: koroka, koro shomoki guru orowa no korobe poka auk kusu ne na.
Inanpe kusu ne yakun, nen ne yakka kor kur or ta a=kore kusu ne, ayke, sinuma nuye an no kor: korka, kor somo ki kur oro wano kor pe poka auk kusu ne na.
Roukos 19.26 §230II
26 Echi otta Ku ye :— Nen ne yakka koro guru otta akore kusu ne; koroka, koro shomoki guru orowa no koro wa an okaibe ne yakka auk kusu ne na.
Eci or ta Ku=ye :— Nen ne yakka kor kur or ta a=kore kusu ne; korka, kor somo ki kur oro wano kor wa an okaype ne yakka auk kusu ne na.
Roukos 19.27 §231V
27 Samata, en epokba wa ku esapane kuni kopan utara eteun tura wa en kotchaketa ronnu yan, ari itak.
Sama ta, en epokpa wa ku=esapane kuni kopan utar eteun tura wa en=kotcake ta ronnu yan, ari itak.
Mattaios 21.1-3 §206II
1 Orowa, nei utara anak ne Yerusarem kotan ehange no araki wa Betpage kotan un Kanran-ush nupuri orota shirepa chiki, Yesu tu koikara utara teshkara wa orota ene itak-hi :—
Orowa, ne utar anakne Yerusarem kotan ehanke no arki wa Betpage kotan un Kanran-us nupuri oro ta sirepa ciki, Yesu tu koykar utar teskar wa oro ta ene itak hi :—
2 Ikushketa an kotan orun paye, yakun, nani ashirikote wa an roba po tura anukara kusu ne: pita wa En orun tura wa araki yan.
Ikuske ta an kotan orun paye, yakun, nani a=sirkote wa an ropa po tura a=nukar kusu ne: pita wa En=orun tura wa arki yan.
3 Nen ka echi otta nep ka ye chiki, Utarapa tambe kon rusui, ani ye yan; yatun, nani omande kusu ne na, sekoro itat.
Nen ka eci or ta nep ka ye ciki, Utarpa tanpe kor rusuy, ani ye yan; yatun, nani omante kusu ne na, sekor i=tat.
Markos 11.1-3 §117II
1 Orowa, nei utara Yerusarem newa Betpage newa Betania kotan un Kanran ush nupuri orota karange no araki chiki, Shinuma tu koikara utara omande wa ene itak-hi :—
Orowa, ne utar Yerusarem newa Betpage newa Betania kotan un Kan ran us nupuri oro ta karankeno arki ciki, Sinuma tu koykar utar omante wa ene itak hi :—
2 Ikushta an kotan orun paye yan: aine, echi ahup korʼan ita nani ainu naa shomo o ashirikote wa an pon roba chikoikip echi nukara kusu ne, nei ambe pita hine nimba wa araki yan.
Ikusta an kotan orun paye yan: ayne, eci=ahup kor an hi ta nani aynu naa somo o a=sirkote wa an pon ropa cikoykip eci=nukar kusu ne, ne anpe pita hine ninpa wa arki yan.
3 Orowa no, nen ka :— Hemanda gusu nei no echi ki ya? ari an itak ani ye guru an yak anak ne, “Utarapa kon rusui, orowa nani teda shui omande kusu ne na,” ari itak yan.
Orowano, nen ka :— Hemanta kusunéno eci=ki ya? ari an itak ani ye kur an yakanak ne, “Utarpa kor rusuy, orowa nani teta suy omante kusu ne na,” ari itak yan.
Roukos 19.28-31 §232II
28 Orowa, Shinuma tap okai itak ye okere chiki, nei utara kotchaketa oman wa Yerusarem kotan orun hemesu nisa ruwe ne na.
Orowa, Sinuma tap okay itak ye okere ciki, ne utar kotcake ta oman wa Yerusarem kotan orun hemesu nisa ruwe ne na.
29 Orowa, Shinuma Betpage newa Betania kotan un Kanran-ush ani aye nupuri otta karange no ek chiki, koro koikara utara tu niu payere wa ene itak-hi :—
Orowa, Sinuma Betpage newa Betania kotan un Kanran-us ani a=ye nupuri or ta karankeno ek ciki, kor koykar utar tu niw payere wa ene itak hi :—
30 Ikushta an kotan orun paye: nei kotan orun echi ahup korʼan ita ainu naa shomo o ashirikote wa an pon roba echi nukara kusu ne: nei ambe pita hine nimba wa araki yan.
Ikusta an kotan orun paye: ne kotan orun eci=ahup kor an hi ta aynu naa somo o a=sirkote wa an pon ropa eci=nukar kusu ne: ne anpe pita hine ninpa wa arki yan.
31 Orowa no, nen ka nep gusu nei ambe echi pita ya? ari an itak ani ye guru an yak anak ne, Utarapa kon rusui, ani ye yan.
Orowano, nen ka nep kusu ne anpe eci=pita ya? ari an itak ani ye kur an yakanak ne, Utarpa kor rusuy, ani ye yan.
Mattaios 21.6-8 §208II
6 Orowa, koikara utara paye wa Yesu orowa akashpaotte nei no poka ki hine,
Orowa, koykar utar paye wa Yesu orowa a=kaspaotte néno poka ki hine,
7 roba newa pon roba tura wa araki, aine, kata koro mipi ande, awa, Shinuma nei kashiketa o nisa ruwe ne.
ropa newa pon ropa tura wa arki, ayne, kata kor mipi ante, awa, Sinuma ne kasike ta o nisa ruwe ne.
8 Orowa, inne utara poro sereke anak ne koro raipi ru otta pirasa; moshima okai utara chikuni ni-tek otuiba wa ru otta piraspa nisa ruwe ne.
Orowa, inne utar poro serke anakne kor raypi ru or ta pirasa; mosma okay utar cikuni ni-tek otuypa wa ru or ta piraspa nisa ruwe ne.
Markos 11.4-8 §118II
4 Orowa, nei utara paye, aine, soita chisei okari un ru otta apa samaketa ashirikote wa an pon roba nukara, awa, pita nisa ruwe ne.
Orowa, ne utar paye, ayne, soy ta cise okari un ru or ta apa samake ta a=sirkote wa an pon ropa nukar, awa, pita nisa ruwe ne.
5 Orowa, nei ushiketa roshki guru tumugeta okai utara anak ne :— Pon roba pita guru, nep echi ki ya? ari itak.
Orowa, ne uske ta roski kur tumke ta okay utar anakne :— Pon ropa pita kur, nep eci=ki ya? ari itak.
6 Orowa, nei utara Yesu ye korachi itak nisa ruwe ne: awa, aomande ruwe ne. Orowa, nei utara anak ne nei pon roba Yesu otta nimba wa araki,
Orowa, ne utar Yesu ye koraci itak nisa ruwe ne: awa, a=omante ruwe ne. Orowa, ne utar anakne ne pon ropa Yesu or ta ninpa wa arki,
7 aige, kashiketa koro mipi ande; orowa, Shinuma ore nisa ruwe ne.
ayke, kasike ta kor mipi ante; orowa, Sinuma ore nisa ruwe ne.
8 Orowa, inne utara anak ne koro mipi ru kata pirasa, samata, moshima utara okim wano uitek otuiba wa piraspa nisa ruwe ne na.
Orowa, inne utar anakne kor mipi ru kata pirasa, sama ta, mosma utar okim wano uytek otuypa wa piraspa nisa ruwe ne na.
Roukos 19.32-36 §233II
32 Orowa, aomande utara paye wa orota Shinuma ye korachi nukara.
Orowa, a=omante utar paye wa oro ta Sinuma ye koraci nukar.
33 Awa, pon roba pita korʼan ita koro utara nei utara otta :—
Awa, pon ropa pita kor an hi ta kor utar ne utar or ta :—
34 Nep gusu pon roba echi pita ya? ani itak. Orota nei utara anak ne :— Utarapa nei ambe kon rusui, ani ese-hi.
Nep kusu pon ropa eci=pita ya? ani itak. Oro ta ne utar anakne :— Utarpa ne anpe kor rusuy, ani ese hi.
35 Orowa no, Yesu otta nimba wa araki: aige, pon roba kashiketa koro chi mip ande wa Yesu ore nisa ruwe ne.
Orowano, Yesu or ta ninpa wa arki: ayke, pon ropa kasike ta kor ci mip ante wa Yesu ore nisa ruwe ne.
36 Samata, oman aine utara ru otta koro amip piraspa nisa ruwe ne.
Sama ta, oman ayne utar ru or ta kor amip piraspa nisa ruwe ne.
Mattaios 21.9 §209I
9 Orowa, Shinuma kotchaot paye inne utara hemhem, oshi araki utara hemhem hawe ashte wa ene itak-hi :— Dabid koro poho otta Hosanna an na; Utarapa reihei ani ek guru anak ne anunuke ne; iyotta rikun ushiketa Hosanna an na; ari itak.
Orowa, Sinuma kotcaot paye inne utar hemhem, osi arki utar hemhem hawe aste wa ene itak hi :— Dabid kor poho or ta Hosanna an na; Utarpa rehe ani ek kur anakne a=nunuke ne; iyotta rikun uske ta Hosanna an na; ari itak.
Markos 11.9-10 §119I
9 Orowa, Yesu kotchaot paye utara hemhem, nei osh araki utara hemhem, ene hawe ashte-hi :— Hosanna; Utarapa reihei ani ek gurʼanak ne anunuke ne:
Orowa, Yesu kotcaot paye utar hemhem, ne os arki utar hemhem, ene hawe aste hi :— Hosanna; Utarpa rehe ani ek kur anakne a=nunuke ne:
10 ek kushki moshiri, ek kushki akoro Michi Dabid korobe anunuke ne: iyotta rikun kando otta Hosanna an na, ari an hawe ani hawe ashte nisa ruwe ne.
ek kuski mosir, ek kuski a=kor Mici Dabid kor pe a=nunuke ne: iyotta rikun kanto or ta Hosanna an na, ari an hawe ani hawe aste nisa ruwe ne.
Roukos 19.37-38 §234I
37 Orowa, karange no ek wa Kanran-ush nupuri ran orogeta an ita, obitta no okai inne topaha un koikara utara anak ne nukara okere obitta no okai kiroro an ikip gusu yaikopuntek hine rui hau ani Kamui iramye heashi wa ene itak-hi :— Utarapa reihei ankushkerai ek Moshiri shikkashima gurʼanak ne anunuke ne:
Orowa, karankeno ek wa Kanran-us nupuri ran orke ta an hi ta, opittano okay inne topaha un koykar utar anakne nukar okere opittano okay kiroro an iki p kusu yaykopuntek hine ruy haw ani Kamuy iramye heasi wa ene itak hi :— Utarpa rehe an kuskeray ek Mosir sikkasima kur anakne a=nunuke ne:
38 Kando oshiketa itomo an, iyotta rik un ushiketa aeoripak ambe an na, ari itak.
Kanto oske ta i=tom an, iyotta rikun uske ta a=eoripak anpe an na, ari itak.
Yoannes 12.12-13 §100I
12 Nei shimge toho ta marapto gusu araki poro inne utara anak ne Yesu Yerusarem kotan ta ek kusu ne shiri nu chiki,
Ne simke toho ta marapto kusu arki poro inne utar anakne Yesu Yerusarem kotan ta ek kusu ne siri nu ciki,
13 shuro chikuni ni-tek koro wa ekanok gusu paye, orowa, itak sange hawe ene okai-hi :— Hosanna: Utarapa reihei ankushkerai ek Israeru un utara Shikkashima guru airamye an na, ari itak.
suro cikuni ni-tek kor wa ekanok kusu paye, orowa, itak sanke hawe ene okay hi :— Hosanna: Utarpa rehe an kuskeray ek Israeru un utar Sikkasima kur a=yramye an na, ari itak.
Mattaios 21.15-16 §213V
15 Korota, Kamui kora kenru esapane utara newa kambi-nuye utara anak ne Shinuma iki iyokunnure ikip hene, Kamui kora kenru ta okai wa, — Dabid poho otta Hosanna an na, — ari an itak ani, poho utara hawe ashte-hi hene nukara chiki, irushka hine Shinuma otta ene itak-hi :—
Koro ta, Kamuy kor kenru esapane utar newa kampi-nuye utar anakne Sinuma iki iyokunnure iki p hene, Kamuy kor kenru ta okay wa, — Dabid poho or ta Hosanna an na, — ari an itak ani, poho utar hawe aste hi hene nukar ciki, iruska hine Sinuma or ta ene itak hi :—
16 Tan utara ye itak E nu ya? ari itak. Orota Yesu ene itak-hi :— O un: Aiai utara newa tonun utara paroho orowa no Aokai anak ne ramuyere kuni ambe eramushinnere nisa ruwe ne, ari an itak echi oro-oitak shomoki ruwe he an?
Tan utar ye itak E nu ya? ari itak. Oro ta Yesu ene itak hi :— O un: Ayay utar newa ton un utar paroho oro wano Aokay anakne ramuyere kuni anpe eramusinnere nisa ruwe ne, ari an itak eci oro-oytak somo ki ruwe he an?
Roukos 19.39-40 §235V
39 Orowa, topaha utara tumugeta okai Parisee un utara anak ne Shinuma otta ene itak-hi :— Epakashnu guru, E koro koikara utara kopao wa un kore, ari itak.
Orowa, topaha utar tumke ta okay Parisee un utar anakne Sinuma or ta ene itak hi :— Epakasnu kur, E=kor koykar utar kopao wa un kore, ari itak.
40 Orowa, Shinuma ese wa ene itak-hi :— Tan okai utara mo no okai chiki, shuma anak hawe ashte kusu ne na.
Orowa, Sinuma ese wa ene itak hi :— Tan okay utar mo no okay ciki, suma anak hawe aste kusu ne na.
Roukos 19.41-44A §236X
41 Orowa, shinuma ehange no ek wa nei machiya nukara chiki, gusu chish hine ene itak-hi :—
Orowa, sinuma ehanke no ek wa ne maciya nukar ciki, kusu cis hine ene itak hi :—
42 Eani ka, eani, tan toho ta e gusu an itomo irenga e eramʼan yakun humi! Koroka, tane e shiki otta anuina ruwe ne.
Eani ka, eani, tan toho ta e kusu an i=tom irenka e eraman yakun humi! Korka, tane e siki or ta a=nuyna ruwe ne.
43 E epokba utara anak ne e okari no sakma roshki hine neita ne yakka iteki e soine kuni ne e nikkotama kusu ne,
E epokpa utar anakne e okari no sakma roski hine ney ta ne yakka iteki e soyne kuni ne e nikkotama kusu ne,
44 samata, eani newa otta okai poho utara newa shiri pakno hokushte kusu ne toho eani gusu ek kusu ne; nei utara shine shuma ne yakta shuma ukata moshima no ande shomoki kusu ne; eani anak ne ahotanukara paki i erampeutek nisa ruwe ne gusu ne na, sekoro itak.
sama ta, eani newa or ta okay poho utar newa siri pakno hokuste kusu ne toho eani kusu ek kusu ne; ne utar sine suma ne yak ta suma ukata mosmano ante somo ki kusu ne; eani anakne a=hotanukar paki i eranpewtek nisa ruwe ne kusu ne na, sekor itak.
Mattaios 24.1-2 §242II
1 Orowa, Yesu anak ne Kamui kora kenru orowa no soine wa oman shiriki, aine, koikara utara araki wa nei Kamui kora kenru akara ambe orota nukare nisa ruwe ne na.
Orowa, Yesu anakne Kamuy kor kenru oro wano soyne wa oman siriki, ayne, koykar utar arki wa ne Kamuy kor kenru a=kar anpe oro ta nukare nisa ruwe ne na.
2 Koroka, nei utara otta Shinuma ese wa ene itak-hi :— Tan okaibe echi nukara shomoki ya? Son no echi otta Ku ye, — Tan ukata okai shomo ahachire kusu ne a shuma anak ne shine shuma poka shomo aande kusu ne na.
Korka, ne utar or ta Sinuma ese wa ene itak hi :— Tan okaype eci=nukar somo ki ya? Sonno eci or ta Ku=ye, — Tan ukata okay somo a=hacir kusu ne a suma anakne sine suma poka somo a=ante kusu ne na.
Markos 13.1-2 §137II
1 Orowa, Shinuma Kamui kora kenru orowa no soine wa oman, aige, koikara guru shinen Shinuma otta ene itak-hi :— Epakashnu guru, tap nep okai shuma nep okai chisei ingara!
Orowa, Sinuma Kamuy kor kenru oro wano soyne wa oman, ayke, koykar kur sinen Sinuma or ta ene itak hi :— Epakasnu kur, tap nep okay suma nep okay cise inkar!
2 Orota Yesu ene itak-hi :— Tan okai poro chisei e nukara ya? Teda an ukata ukata okai shuma obitta ahachire wa shinep ka ukata ande shomoki kusu ne na, sekoro itak.
Oro ta Yesu ene itak hi :— Tan okay poro cise e nukar ya? Teta an ukata ukata okay suma opitta a=hacir wa sinep ka ukata ante somo ki kusu ne na, sekor itak.
Roukos 19.44BC §237II
44 samata, eani newa otta okai poho utara newa shiri pakno hokushte kusu ne toho eani gusu ek kusu ne; nei utara shine shuma ne yakta shuma ukata moshima no ande shomoki kusu ne; eani anak ne ahotanukara paki i erampeutek nisa ruwe ne gusu ne na, sekoro itak.
sama ta, eani newa or ta okay poho utar newa siri pakno hokuste kusu ne toho eani kusu ek kusu ne; ne utar sine suma ne yak ta suma ukata mosmano ante somo ki kusu ne; eani anakne a=hotanukar paki i eranpewtek nisa ruwe ne kusu ne na, sekor itak.
Mattaios 21.12-13 §211I
12 Orowa, Yesu Kamui kora kenru orun ahun wa nei oshiketa okai eihok utara newa hok utara obitta esoyun okeuba, orowa, kani itasari utara koro set hene, kusuwep eihok utara koro set hene hokushte nisa ruwe ne;
Orowa, Yesu Kamuy kor kenru orun ahun wa ne oske ta okay e=hok utar newa hok utar opitta esoyun okewpa, orowa, kani itasari utar kor set hene, kusuwep e=hok utar kor set hene hokuste nisa ruwe ne;
13 aige, utara otta ene itak-hi :— Ku kora kenru anak ne inonno-itak kuni chisei ani aye kusu ne, sekorʼan itak anuye wa an, koroka, echi utara anak ne nei kenru ani ikka guru chisei ne kan nisa ruwe ne, sekoro itak.
ayke, utar or ta ene itak hi :— Ku=kor kenru anakne inonno-itak kuni cise ani a=ye kusu ne, sekor an itak a=nuye wa an, korka, eci utar anakne ne kenru ani ikka kur cise ne kan nisa ruwe ne, sekor itak.
Markos 11.15B-17 §121I
15 Orowa, Yerusarem kotan ta araki; awa, Kamui kora kenru orun ahun wa nei oshiketa eihok utara newa hok utara esoyumbare heashi, samata, ichen itasari utara koro set hene, kusuwep eihok utara koro set hene hokushte nisa ruwe ne;
Orowa, Yerusarem kotan ta arki; awa, Kamuy kor kenru orun ahun wa ne oske ta e=hok utar newa hok utar esoyunpare heasi, sama ta, icen itasari utar kor set hene, kusuwep e=hok utar kor set hene hokuste nisa ruwe ne;
16 orowa, nen ne yakka oro-omap ani wa Kamui kora kenru kush wa oman ambe ramuoshma shomoki ruwe ne.
orowa, nen ne yakka oro-omap ani wa Kamuy kor kenru kus wa oman anpe ramuosma somo ki ruwe ne.
17 Orowa, Shinuma epakashnu wa utara otta ene itak-hi :— Ku kot chisei anak ne ingi-moshirʼun utara gusu an inonno-itak chisei ne aporose kusu ne, sekorʼambe chieshinnuye wa an shomoki ruwe he an? Koroka, echi utara anak ne ikka utara chisei ne kan nisa ruwe ne na, ari itak.
Orowa, Sinuma epakasnu wa utar or ta ene itak hi :— Ku=kot cise anakne inki-mosir un utar kusu an inonno-itak cise ne a=porse kusu ne, sekor anpe ciesinnuye wa an somo ki ruwe he an? Korka, eci utar anakne ikka utar cise ne kan nisa ruwe ne na, ari itak.
Roukos 19.45-46 §238I
45 Orowa, Shinuma Kamui kora kenru orun ahun hine eiyok utara soyumbare heashi, aige, nei utara
Orowa, Sinuma Kamuy kor kenru orun ahun hine eiyok utar soyunpare heasi, ayke, ne utar
46 otta ene itak-hi :— Ku kora kenru anak ne inonno-itak ki gusu an chisei ne kusu ne, sekorʼambe chieshinnuye wa an: koroka, echi utara ikka utara kot chisei ne echi kan nisa ruwe ne na, sekoro itak.
or ta ene itak hi :— Ku=kor kenru anakne inonno-itak ki kusu an cise ne kusu ne, sekor anpe ciesinnuye wa an: korka, eci utar ikka utar kot cise ne eci=kan nisa ruwe ne na, sekor itak.
Yoannes 2.14-16 §21I
14 Orowa, Kamui kora kenru ta beko hemhem, hitsuji hemhem, kusuwep hemhem ehok utara nukara, naa samata, ichen itasare utara rok wa okai shiri nukan nisa ruwe ne:
Orowa, Kamuy kor kenru ta peko hemhem, hitsuji hemhem, kusuwep hemhem e=hok utar nukar, naa sama ta, icen itasare utar rok wa okay siri nukar nisa ruwe ne:
15 awa, Shinuma ka ani tush kara wa hitsuji newa beko obitta Kamui kora kenru orowa no okeuba; orowa, ichen itasare utara koro ichen ohetu wa koro set horakte;
awa, Sinuma ka ani tus kar wa hitsuji newa peko opitta Kamuy kor kenru oro wano okewpa; orowa, icen itasare utar kor icen ohetu wa kor set horakte;
16 kusuwep ehok utara otta :— Tan okaibe oyakta koro wa paye, Ku Michi kot chisei ani ehok chisei ne iteki kara yan, ari itak.
kusuwep e=hok utar or ta :— Tan okaype oyak ta kor wa paye, Ku Mici kot cise ani e=hok cise ne iteki kar yan, ari itak.
Mattaios 21.45-46 §220I
45 Orowa, Kamui kora kenru esapane utara newa Parisee un utara koro itak-maukushte itak nu chiki, shinuma utara epeka no aye itak ne-i sekoro eraman nisa ruwe ne.
Orowa, Kamuy kor kenru esapane utar newa Parisee un utar kor itak-mawkuste itak nu ciki, sinuma utar epeka no a=ye itak ne hi sekor eraman nisa ruwe ne.
46 Orowa, Shinuma kishima kuni hunara chiki, inne utara koishitoma ruwe ne, inambe gusu ne yakun, Shinuma anak ne uweingara guru ne sekoro esanniyo nisa ruwe ne na.
Orowa, Sinuma kisma kuni hunara ciki, inne utar koysitoma ruwe ne, inanpe kusu ne yakun, Sinuma anakne ueinkar kur ne sekor esanniyo nisa ruwe ne na.
Markos 11.18 §122I
18 Orowa, Kamui kora kenru esapane utara hemhem, kambi-nuye utara hemhem, nei orushpe nu, awa, Shinuma isamka kuni ika hunara ruwe ne: nei utara Shinuma ko-ishitoma gusu, samata, inne utara obitta nei epakashi eiyokunnure korʼan nisa ruwe ne gusu ne na.
Orowa, Kamuy kor kenru esapane utar hemhem, kampi-nuye utar hemhem, ne oruspe nu, awa, Sinuma isamka kuni ika hunara ruwe ne: ne utar Sinuma ko-isitoma kusu, sama ta, inne utar opitta ne epakasi e=iyokunnure kor an nisa ruwe ne kusu ne na.
Roukos 19.47-48 §239I
47 Orowa, Shinuma kesto Kamui kora kenru ta epakashnu korʼan nisa ruwe ne. Koroka, Kamui kora kenru esapane utara hemhem, kambi-nuye utara hemhem, utara koro pase utara hemhem,
Orowa, Sinuma kesto Kamuy kor kenru ta epakasnu kor an nisa ruwe ne. Korka, Kamuy kor kenru esapane utar hemhem, kampi-nuye utar hemhem, utar kor pase utar hemhem,
48 Shinuma raige kuni hunara ruwe ne: awa, hemanda ki kuni i, nei utara esanniyo eaikap: inambe gusu ne yakun, obitta no okai utara Shinuma nu gusu ko-okai shiriki an nisa ruwe ne gusu ne na.
Sinuma rayke kuni hunara ruwe ne: awa, hemanta ki kuni i, ne utar esanniyo eaykap: inanpe kusu ne yakun, opittano okay utar Sinuma nu kusu ko-okay siriki an nisa ruwe ne kusu ne na.