共観表
Markos 1.12-13B §6II
12 Orowa, Ramat nani nup orun Shinuma omande.
Orowa, Ramat nani nup orun Sinuma omante.
13 Tu hotne rere-ko uturuta Shinuma nup otta Satan orowa no akoramnukara; samata, puri yupke chikoikip tura no an; orowa, Kamui hauturunbe Shinuma otta yaishieiwangere nisa ruwe ne.
Tu hotne rere-ko utur ta Sinuma nup or ta Satan oro wano a=koramnukar; sama ta, puri yupke cikoykip turano an; orowa, Kamuy hawturunpe Sinuma or ta yaysieywankere nisa ruwe ne.
Roukos 4.1-2A §15II
1 Orowa, Yesu Ashkanne Ramat ani aeshik wa Yorodan pet wano hoshipi, aige, Ramat ani nupuri otta tu hotne rere ko atura hine, nitne kamui orowa no akoramnukana nisa ruwe ne.
Orowa, Yesu Askanne Ramat ani a=esik wa Yorodan pet wano hosipi, ayke, Ramat ani nupuri or ta tu hotne rere ko a=tura hine, nitne kamuy oro wano akoramnukana nisa ruwe ne.
2 Shinuma nei toho rapoketa nep ne yakka ibe shomoki: awa, nei toho epa okere chiki sambe-tasaske nisa ruwe ne.
Sinuma ne toho rapoketa nep ne yakka ipe somo ki: awa, ne toho epa okere ciki sanpe-tasaske nisa ruwe ne.
Mattaios 4.2-10 §16V
2 Awa, kunne rereko tu hotne rereko, tokap rereko tu hotne rereko uturuta shomo ramnu ki, okaketa Shinuma sambe-tasaske nisa ruwe ne.
Awa, kunne rerko tu hotne rerko, tokap rerko tu hotne rerko utur ta somo ramnu ki, okake ta Sinuma sanpe-tasaske nisa ruwe ne.
3 Aige ikoranmukarape Shinuma orota ek wa ene itakhi :— Aokai anak ne Kamui Poho E ne chiki, tan shuma aep ne akara kuni gusu kashpaotte yan, sekoro itak.
Ayke ikoranmukarape Sinuma oro ta ek wa ene itak hi :— Aokay anakne Kamuy Poho E ne ciki, tan suma aep ne a=kar kuni kusu kaspaotte yan, sekor itak.
4 Koroka, Shinuma ese wa :— Ainu anak ne ouse aep an gusu ashiknure shomoki, koroka, Kamui paroho wano san pishno okai itak an gusu shiknu kusu ne, sekorʼan itak anuye wa an ani an itak ari itak nisa ruwe ne.
Korka, Sinuma ese wa :— Aynu anakne owse aep an kusu a=siknure somo ki, korka, Kamuy paroho wano san pisno okay itak an kusu siknu kusu ne, sekor an itak a=nuye wa an ani an itak ari itak nisa ruwe ne.
5 Orowa no, nitne kamui anak ne Shinuma tura wa ashkanne machiya orun paye, aige, Kamui kora kenru kitaigeta ashte wa ene itak-hi :—
Orowano, nitne kamuy anakne Sinuma tura wa askanne maciya orun paye, ayke, Kamuy kor kenru kitayke ta aste wa ene itak hi :—
6 Aokai anak ne Kamui Poho E ne yakun, E kon netobake herashi osura: inambe gusu ne yakun, ene chieshinnuye wa an na :— Aokai gusu shinuma anak ne koro hauturunbe kashpaotte: E koro kemaha iteki shuma eokte kuni ne, Koro teke kata e punire kuni kusu ne na; sekoro itak.
Aokay anakne Kamuy Poho E ne yakun, E=kor netopake herasi osura: inanpe kusu ne yakun, ene ciesinnuye wa an na :— Aokay kusu sinuma anakne kor hawturunpe kaspaotte: E=kor kemaha iteki suma eokte kuni ne, Kor teke kata e punire kuni kusu ne na; sekor itak.
7 Orota Yesu :— E koro Utarapa ne Kamui iteki koramnukara yan sekorʼan itak ne yakka anuye wa an ruwe ne, ani ye nisa ruwe ne.
Oro ta Yesu :— E=kor Utarpa ne Kamuy iteki koramnukar yan sekor an itak ne yakka a=nuye wa an ruwe ne, ani ye nisa ruwe ne.
8 Shui, nitne kamui anak ne Yesu tura wa shi no ri nupuri orota paye wa ingi moshirʼotta okai chitomtep obitta nukare wa ene itak-hi :—
Suy, nitne kamuy anakne Yesu tura wa sino ri nupuri oro ta paye wa inki mosir or ta okay citomtep opitta nukare wa ene itak hi :—
9 Aokai en orun kokkae-shirotke wa en ongami yak anak ne tan okaibe obitta e kore ash kusu ne, sekoro itak.
Aokay en=orun kokkae-sirotke wa en=onkami yakanak ne tan okaype opitta e kore as kusu ne, sekor itak.
10 Orowa shinuma orun Yesu ene itak-hi :— Satan, oyakta oman, E koro Utarapa ne Kanrui otta ongami, ouse Shinuma otta patek yaishieiwangere e ki kusu ne na, sekorʼan itak anuye wa an ruwe ne gusu ne na, sekoro ye nisa ruwe ne.
Orowa sinuma orun Yesu ene itak hi :— Satan, oyak ta oman, E=kor Utarpa ne Kanruy or ta onkami, owse Sinuma or ta patek yaysieywankere e ki kusu ne na, sekor an itak a=nuye wa an ruwe ne kusu ne na, sekor ye nisa ruwe ne.
Roukos 4.2B-13 §16V
2 Shinuma nei toho rapoketa nep ne yakka ibe shomoki: awa, nei toho epa okere chiki sambe-tasaske nisa ruwe ne.
Sinuma ne toho rapoketa nep ne yakka ipe somo ki: awa, ne toho epa okere ciki sanpe-tasaske nisa ruwe ne.
3 Orowa, nitne kamui Shinuma otta ene itak-hi :— Aokai anak ne Kamui Poho A ne yakun, tan shuma anak ne pantak ne akora kuni ne kashpaotte yan, ari itak.
Orowa, nitne kamuy Sinuma or ta ene itak hi :— Aokay anakne Kamuy Poho A ne yakun, tan suma anakne pantak ne a=kor kuni ne kaspaotte yan, ari itak.
4 Orota Yesu ene ese okai-hi :— Ainu anak ne ouse aep an gusu shiknu shomoki kusu ne, sekorʼan itak anuye wa an na.
Oro ta Yesu ene ese okay hi :— Aynu anakne owse aep an kusu siknu somo ki kusu ne, sekor an itak a=nuye wa an na.
5 Orowa Shinuma tura wa hemesu hine arʼekushkonna-heta ingi-moshirʼun ebitta no okai
Orowa Sinuma tura wa hemesu hine ar ekuskonna-heta inki-mosir un epittano okay
6 kotan nukare. Aige, orota nitne kamui ene itak-hi :— Tan okai mondum newa otta okai arakuru obitta E kore ash kusu ne: en otta a en korep ne gusu, kuani ku rengaine nen ne yakka otta ku kore kushki.
kotan nukare. Ayke, oro ta nitne kamuy ene itak hi :— Tan okay montum newa or ta okay a=rakur opitta E kore as kusu ne: en or ta a en=kore p ne kusu, kuani ku=renkayne nen ne yakka or ta ku=kore kuski.
7 Tambe gusu, Aokai anak ne en kotchaketa ko-ongami chiki tap okaibe obitta E korope ne kusu ne na, ari itak.
Tanpe kusu, Aokay anakne en=kotcake ta ko-onkami ciki tap okaype opitta E=kor pe ne kusu ne na, ari itak.
8 Orota Yesu ese wa ene itak-hi :— Utarapa ne e koro Kamui ko-ongami, Shinuma otta patek e yaishieiwangere kusu ne, sekorʼan itak chieshinnuye wa an
Oro ta Yesu ese wa ene itak hi :— Utarpa ne e=kor Kamuy ko-onkami, Sinuma or ta patek e yaysieywankere kusu ne, sekor an itak ciesinnuye wa an
9 ruwe ne, ani itak. Tata otta shinuma Yerusarem kotan otta I tura hine Kamui kora kenru un ri ushike kata ashte wa orota ene itak-hi :— Aokai Kamui Poho A ne yakun, te wano yaikota herashi orun yaiosura yan :—
ruwe ne, ani itak. Tata or ta sinuma Yerusarem kotan or ta I tura hine Kamuy kor kenru un ri usike kata aste wa oro ta ene itak hi :— Aokay Kamuy Poho A ne yakun, te wano yaykota herasi orun yayosura yan :—
10 Aokai epungine kuni gusu Shinuma anak ne Aokai gusu koro hauturumbe kashpaotte kusu ne:
Aokay epunkine kuni kusu Sinuma anakne Aokay kusu kor hawturunpe kaspaotte kusu ne:
11 Orowa, Ikineipeka E chikiri shuma eokte kuni ne, Nei utara anak ne koro tekehe ani E punire kusu ne ruwe ne, sekorʼan itak anuye wa an ruwe ne gusu ne na.
Orowa, Ikineypeka E cikiri suma eokte kuni ne, Ne utar anakne kor tekehe ani E punire kusu ne ruwe ne, sekor an itak a=nuye wa an ruwe ne kusu ne na.
12 Orota Yesu ese wa ene itak-hi :— Utarapa ne e koro Kamui iteki koramnukara yan, ari an ambe aye an ruwe ne.
Oro ta Yesu ese wa ene itak hi :— Utarpa ne e=kor Kamuy iteki koramnukar yan, ari an anpe a=ye an ruwe ne.
13 Orowa, koramnukara katu obitta aokere chiki ne nitne kamui pakihi an pakno Shinuma orowa no oman nisa ruwe ne na.
Orowa, koramnukar katu opitta a=okere ciki ne nitne kamuy pakihi an pakno Sinuma oro wano oman nisa ruwe ne na.
Mattaios 4.23-25 §23I
23 Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.
Orowa, Yesu anakne Gariraya mosir epitta apkas wa Kamuy kor kenru ta epakasnu hemhem ki, mosir kusu an pirka sonko ye wa upaskuma hemhem ki: naa sama ta, aynu tumke ta okay usa tasum newa usa siyeye iwankere nisa ruwe ne na.
24 Orowa, Siria moshirʼebitta Shinuma shiassuru ashte wa an, awa, usa okai tashum koro utara hemhem, usa okai iunin newa shiyeyepa utara hemhem, nitnep shikatkari utara hemhem nochi-iush utara hemhem, tushushke tashum ki utara hemhem, obitta atura wa Shinuma orota araki, aige, aiwangere nisa ruwe ne.
Orowa, Siria mosir epitta Sinuma siassuru aste wa an, awa, usa okay tasum kor utar hemhem, usa okay iwnin newa siyeyepa utar hemhem, nitnep sikatkari utar hemhem noci-ius utar hemhem, tususke tasum ki utar hemhem, opitta a=tura wa Sinuma oro ta arki, ayke, aywankere nisa ruwe ne.
25 Orowa no, Gariraya moshiri hemhem, Dekaporis moshiri hemhem, Yudea moshiri hemhem, orowa, Yorodan pet kushta okai utara hemhem, shi no inne no Shinuma osh paye nisa ruwe ne na.
Orowano, Gariraya mosir hemhem, Dekaporis mosir hemhem, Yudea mosir hemhem, orowa, Yorodan pet kus ta okay utar hemhem, sino inne no Sinuma os paye nisa ruwe ne na.
Markos 3.7B-11A §27I
7 Orowa, Yesu anak ne koro koikara utara tura atui orun ekohopi: awa, Gariraya wano an poro inne utara nei osh paye nisa ruwe ne:
Orowa, Yesu anakne kor koykar utar tura atuy orun ekohopi: awa, Gariraya wano an poro inne utar ne os paye nisa ruwe ne:
8 samata, Yudea wano hene, Yerusarem wano hene, Idumea wano hene, Yorodan pet ikushta wano hene, Tiros newa Sidon kotan okari wano hene, poro inne utara hemanda porobe Shinuma kara katu nu wa okai gusu orota araki nisa ruwe ne.
sama ta, Yudea wano hene, Yerusarem wano hene, Idumea wano hene, Yorodan pet ikusta wano hene, Tiros newa Sidon kotan okari wano hene, poro inne utar hemanta poro p Sinuma kar katu nu wa okay kusu oro ta arki nisa ruwe ne.
9 Orowa, ikineipeka inne utara orowa no iki ararapa kuni ne koro koikara utara pon chip etokooiki kuni gusu ye nisa ruwe ne:
Orowa, ikineypeka inne utar oro wano iki a=rarpa kuni ne kor koykar utar pon cip etokooyki kuni kusu ye nisa ruwe ne:
10 inambe gusu ne yakun, Shinuma inne utara iwangere okere; tambe gusu, nen ne yakka shiyeyepa utara tomooshma kuni ne Shinuma ukonumba shiriki okai ruwe ne.
inanpe kusu ne yakun, Sinuma inne utar iwankere okere; tanpe kusu, nen ne yakka siyeyepa utar tomoosma kuni ne Sinuma ukonunpa siriki okay ruwe ne.
11 Orowa, Ichakkeri ramat anak ne hembara ne yakka Shinuma nukara chiki, kotpoketa hachiripa, orowa, hawe ashte hine ene itak-hi :— Aokai anak ne Kamui Poho E ne ruwe ne, ari itak.
Orowa, Icakkeri ramat anakne henpara ne yakka Sinuma nukar ciki, kotpokta haciripa, orowa, hawe aste hine ene itak hi :— Aokay anakne Kamuy Poho E ne ruwe ne, ari itak.
Roukos 4.14-15 §17I
14 Orowa, Yesu anak ne Ramat kiroro ani Gariraya moshirʼotta hoshipi; awa, Shinuma gusu an assuru nei kotan shikapneka no ashte wa a an ruwe ne.
Orowa, Yesu anakne Ramat kiroro ani Gariraya mosir or ta hosipi; awa, Sinuma kusu an assuru ne kotan sikapneka no aste wa a an ruwe ne.
15 Orowa, Shinuma nei utara koro Uwekarapa chisei ta epakashnu, aige, utara obitta Shinuma ko-oripak nisa ruwe ne.
Orowa, Sinuma ne utar kor Uekarpa cise ta epakasnu, ayke, utar opitta Sinuma ko-oripak nisa ruwe ne.
Yoannes 6.1-2 §46I
1 Tap okaketa Yesu anak ne Tiberias atui, Gariraya un atui kushketa oman.
Tap okake ta Yesu anakne Tiberias atuy, Gariraya un atuy kuske ta oman.
2 Awa, tashum ki utara kata Shinuma ki shirosh nukan nisa ruwe ne gusu, poro inne utara Shinuma osh paye nisa ruwe ne.
Awa, tasum ki utar kata Sinuma ki siros nukar nisa ruwe ne kusu, poro inne utar Sinuma os paye nisa ruwe ne.
Roukos 4.16-21 §18X
16 Orowa, Shinuma anak ne otta aresu kotan Nazaret orota arapa, aige, ramma ki korachi Shini tobo ta Uwekarapa chisei otta ahun wa kambi orooitak gusu ash nisa ruwe ne.
Orowa, Sinuma anakne or ta a=resu kotan Nazaret oro ta arpa, ayke, ramma ki koraci Sini topo ta Uekarpa cise or ta ahun wa kampi oroytak kusu as nisa ruwe ne.
17 Awa, orota Uweingara guru Isaya nuye kambi-sosh akore. Aige, nei kambi-sosh maka hine tap korachi anuye wa an ushike nukara :—
Awa, oro ta Ueinkar kur Isaya nuye kampi-sos a=kore. Ayke, ne kampi-sos maka hine tap koraci a=nuye wa an usike nukar :—
18 Utarapa kon Ramat en kashiketa an, Tambe gusu, otek-sak utara otta pirika shongo eupaskuma kuni ne en kashiota nisa ruwe ne gusu ne na: Ashikkashima wa okai utara otta apita katu hemhem, Shiknak utara otta pekere nukare katu hemhem ku nure, Piri-ao utara ku honnere,
Utarpa kor Ramat en=kasike ta an, Tanpe kusu, otek-sak utar or ta pirka sonko ewpaskuma kuni ne en=kasi ota nisa ruwe ne kusu ne na: A=sikkasma wa okay utar or ta a=pita katu hemhem, Siknak utar or ta peker nukare katu hemhem ku=nure, Piri-ao utar ku=honnere,
19 Utarapa uk kuni paha eupaskuma kuni gusu en omande nisa ruwe ne.
Utarpa uk kuni paha ewpaskuma kuni kusu en=omante nisa ruwe ne.
20 Orowa, Shinuma nei kambi-sosh ukochupu wa uitek guru otta kore, aige, a nisa ruwe ne: Uwekarapa chisei ta okai utara koro shikihi obitta Shinuma orun tokoko wa okai ruwe ne.
Orowa, Sinuma ne kampi-sos ukocupu wa uytek kur or ta kore, ayke, a nisa ruwe ne: Uekarpa cise ta okay utar kor sikihi opitta Sinuma orun tokoko wa okay ruwe ne.
21 Orowa, Shinuma anak ne utara otta itak heashire hawe ene okai-hi :— Tanto tan anuye wa an itak echi kisara ta auweomare nisa ruwe ne, ari itak.
Orowa, Sinuma anakne utar or ta itak heasire hawe ene okay hi :— Tanto tan a=nuye wa an itak eci=kisara ta a=ueomare nisa ruwe ne, ari itak.
Mattaios 13.54-56 §141I
54 Orowa, koro kotan ta ek wa uwekarapa chisei orun ahun hine utara epakashnu nisa ruwe ne; aige, nu utara iyokunnure wa ene itak-hi :— Tan ainu anak ne nei no okai wayashnu ambe hene kiroro an mondum hene hunak wa kon ruwe he an?
Orowa, kor kotan ta ek wa uekarpa cise orun ahun hine utar epakasnu nisa ruwe ne; ayke, nu utar iyokunnure wa ene itak hi :— Tan aynu anakne néno okay wayasnu anpe hene kiroro an montum hene hunak wa kor ruwe he an?
55 Tambe anak ne pancho ainu koro poho shomo ne ruwe he an? Koro habo anak ne Maria ani an reihei koro shiwentep shomo ne ya? samata koro okkai ainu iriwak utara anak ne Yakob newa Yosep newa Simon newa Yudas newa ani aye utara shomo ne ya?
Tanpe anakne panco aynu kor poho somo ne ruwe he an? Kor hapo anakne Maria ani an rehe kor siwentep somo ne ya? sama ta kor okkay aynu irwak utar anakne Yakob newa Yosep newa Simon newa Yudas newa ani a=ye utar somo ne ya?
56 Orowa, koro mat ainu iriwak utara ne yakka un tura no okai shomo ne ruwe he an? Ta an guru anak ne nei no okaibe hunak wa koro ya? ari itak.
Orowa, kor mataynu irwak utar ne yakka un turano okay somo ne ruwe he an? Ta an kur anakne néno okaype hunak wa kor ya? ari itak.
Markos 6.1-3 §50I
1 Orowa no, nei ushike wano Shinuma soine, awa, koro kotan orun ek; aine, koikara utara nei osh paye nisa ruwe ne.
Orowano, ne usike wano Sinuma soyne, awa, kor kotan orun ek; ayne, koykar utar ne os paye nisa ruwe ne.
2 Shini toho an koro Uwekarapa chisei ta epakashnu heashi: orowa, inne utara nu wa iyokunnure, awa, ene itak-hi :— Tan guru anak ne tap okaibe hunak wa koro ya? Tap okai kiroro an ikip ambe koro teke ani ki kuni mondum tan guru otta akore wayashnu-i nekon a ambe ne ruwe he an?
Sini toho an kor Uekarpa cise ta epakasnu heasi: orowa, inne utar nu wa iyokunnure, awa, ene itak hi :— Tan kur anakne tap okaype hunak wa kor ya? Tap okay kiroro an iki p anpe kor teke ani ki kuni montum tan kur or ta a=kore wayasnu hi nekona anpe ne ruwe he an?
3 Tambe anak ne bancho ne guru, Maria koro poho shomo ne ya? Yakob hene, Yoses hene, Youdas hene, Simon hene, koro okkai ainu uiriwak shomo ne he an? Samata, koro matne ainu uiriwak teda un tura no okai shomo ne ruwe he an? ari itak. Orowa, nei utara Shinuma gusu epetchiu nisa ruwe ne.
Tanpe anakne panco ne kur, Maria kor poho somo ne ya? Yakob hene, Yoses hene, Yowdas hene, Simon hene, kor okkay aynu uyriwak somo ne he an? Sama ta, kor matne aynu uyriwak teta un turano okay somo ne ruwe he an? ari itak. Orowa, ne utar Sinuma kusu epetciw nisa ruwe ne.
Roukos 4.22 §19I
22 Orowa obitta no okai utara Shinuma gusu paweteshu ki, aine, Shinuma koro paroho wano oashin irenga no an itak enushkari: samata, Tan guru anak ne Yosep koro poho shomo ne ya? ari itak.
Orowa opittano okay utar Sinuma kusu pawetesu ki, ayne, Sinuma kor paroho wano oasin irenka no an itak enuskari: sama ta, Tan kur anakne Yosep kor poho somo ne ya? ari itak.
Yoannes 6.41-42 §59I
41 Tambe gusu, Yudea un utara anak ne Yesu gusu oromam ruwe ne, Kuani anak ne kando orowa no ran aep Ku ne ruwe ne, ari an itak ani Shinuma ye nisa ruwe ne gusu ne na.
Tanpe kusu, Yudea un utar anakne Yesu kusu oromam ruwe ne, Kuani anakne kanto oro wano ran aep Ku ne ruwe ne, ari an itak ani Sinuma ye nisa ruwe ne kusu ne na.
42 Awa, ene itak-hi :— Tan guru anak ne koro ona koro unu chi eamkiri Yosep koro poho Yesu shomo ne ya? Hemanda gusu, Kuani anak ne kando orowa no Ku ran ruwe ne ani tane Shinuma itak ya? sekoro nei utara itak nisa ruwe ne.
Awa, ene itak hi :— Tan kur anakne kor ona kor unu ci e=amkir Yosep kor poho Yesu somo ne ya? Hemanta kusu, Kuani anakne kanto oro wano Ku=ran ruwe ne ani tane Sinuma itak ya? sekor ne utar itak nisa ruwe ne.
Roukos 4.23 §20X
23 Orosama, nei utara otta Shinuma ene itak-hi :— Oara echi utara anak ne tan itak-maukushte-itak ani En otta ye nangoro :— Potara guru, eani yai-iwangere yan: nep ne yakka Kapernaum kotan ta chi nu an e ki ikip tan e koro kotan ta ne yakka ki yan, sekorʼan itak ani echi ye nangoro.
Orosama, ne utar or ta Sinuma ene itak hi :— Oar eci utar anakne tan itak-mawkuste-itak ani En or ta ye nankor :— Potara kur, eani yay-iwankere yan: nep ne yakka Kapernaum kotan ta ci nu an e ki iki p tan e=kor kotan ta ne yakka ki yan, sekor an itak ani eci=ye nankor.
Mattaios 13.57-58 §142I
57 Orowa, Shinuma gusu nei utara aureepetchiure nisa ruwe ne na. Koroka, Yesu nei utara otta ene itak-hi :— Uweingara guru anak ne yaikota koro moshiri ta hene koro unihi ta hene moshima an ushiketa ne yakun aeoripakbe ne, sekoro itak.
Orowa, Sinuma kusu ne utar awreepetciwre nisa ruwe ne na. Korka, Yesu ne utar or ta ene itak hi :— Ueinkar kur anakne yaykota kor mosir ta hene kor unihi ta hene mosma an uske ta ne yakun aeoripakpe ne, sekor itak.
58 Orowa, nei utara eumbipka keutum gusu, Shinuma nei kotan ta kiroro an iki ikip poron no shomo iki nisa ruwe ne na.
Orowa, ne utar eunpipka kewtum kusu, Sinuma ne kotan ta kiroro an iki iki p poronno somo iki nisa ruwe ne na.
Markos 6.4-6A §51I
4 Orowa nei utara orota Yesu ene itak-hi :— Uweingara guru anak ne yaikota koro kotan ta hene, koro uiriwak utara tumta hene, koro uni ta hene shomo ne chiki aeoripak sak no an ambe shomo ne ruwe ne, ari itak.
Orowa ne utar oro ta Yesu ene itak hi :— Ueinkar kur anakne yaykota kor kotan ta hene, kor uyriwak utar tum ta hene, kor uni ta hene somo ne ciki a=eoripak sak no an anpe somo ne ruwe ne, ari itak.
5 Orowa, nei ita kiroro an ikip iki eaikap ruwe ne, ouse moyo no okai tashum ki utara kata koro teke ande wa iwangere nisa ruwe ne.
Orowa, ne hi ta kiroro an iki p iki eaykap ruwe ne, owse moyono okay tasum ki utar kata kor teke ante wa iwankere nisa ruwe ne.
6 Nei utara eumbipkap Shinuma enushkari nisa ruwe ne na. Orowa, Shinuma okari okai kotan orun oman wa epakashnu nisa ruwe ne.
Ne utar eunpipkap Sinuma enuskari nisa ruwe ne na. Orowa, Sinuma okari okay kotan orun oman wa epakasnu nisa ruwe ne.
Roukos 4.24 §21I
24 Orowa, Shinuma ene ye-hi :— Son no echi otta Ku ye, nep uweingara guru ne yakka koro kotan ta auk shomo ne.
Orowa, Sinuma ene ye hi :— Sonno eci or ta Ku=ye, nep ueinkar kur ne yakka kor kotan ta auk somo ne.
Roukos 4.25-30 §22X
25 Koroka, sonep echi otta Ku ye, Ericha an ita anak ne re pa iwan chup uturuta kando aseshke wa moshirʼebitta poro kemush iki ita, Israeru moshiri ta shiyompiyara shiwentep poron no okai wa an;
Korka, sonep eci or ta Ku=ye, Erica an hi ta anakne re pa iwan cup utur ta kanto a=seske wa mosir epitta poro kemus iki hi ta, Israeru mosir ta siyonpiyar siwentep poronno okay wa an;
26 awa, nei utara otta Ericha aomande shomo ne, ouse Sidon moshirʼun Zarepat kotan ta an shine shiyompiyara shiwentep otta patek aomande nisa ruwe ne na.
awa, ne utar or ta Erica a=omante somo ne, owse Sidon mosir un Zarepat kotan ta an sine siyonpiyar siwentep or ta patek a=omante nisa ruwe ne na.
27 Orowa, uweingara guru Erisha an ita anak ne, Israeru moshiri ta munin tashum ki utara poron no okai wa an; awa, nei utara shinen ka aashkannere shomoki ouse Syria moshirʼun guru Naaman patek aashkannere nisa ruwe ne, ari itak.
Orowa, ueinkar kur Erisa an hi ta anakne, Israeru mosir ta munin tasum ki utar poronno okay wa an; awa, ne utar sinen ka aaskannere somo ki owse Syria mosir un kur Naaman patek aaskannere nisa ruwe ne, ari itak.
28 Orowa no, Uwekarapa chisei ta okai utara anak ne obitta nei orushpe nu chiki shiri irushka ruwe ne;
Orowano, Uekarpa cise ta okay utar anakne opitta ne oruspe nu ciki siri iruska ruwe ne;
29 aige, hopumba wa machiya orowa no Shinuma emaka, awa, huru kitai wano ehoroka no osura kuni ne, kashiketa koro machiya kara wa an huru otta tura wa paye nisa ruwe ne.
ayke, hopunpa wa maciya oro wano Sinuma emaka, awa, hur kitay wano e=horka no osura kuni ne, kasike ta kor maciya kar wa an hur or ta tura wa paye nisa ruwe ne.
30 Koroka, Shinuma nei utara tumuge kush wa oman nisa ruwe ne.
Korka, Sinuma ne utar tumuke kus wa oman nisa ruwe ne.
Roukos 4.31 §23VIII
31 Orowa, Shinuma Gariraya moshiri ta an Kapernaum kotan ta ran. Awa, Shini toho ta epakashnu wa an;
Orowa, Sinuma Gariraya mosir ta an Kapernaum kotan ta ran. Awa, Sini toho ta epakasnu wa an;
Mattaios 7.28-29 §62II
28 Yesu tan okai itak ye okere chiki, nei inne utara anak ne nei epakashi gusu iyokunnure ruwe ne:
Yesu tan okay itak ye okere ciki, ne inne utar anakne ne epakasi kusu iyokunnure ruwe ne:
29 inambe gusu ne yakun, kambi-nuye utara nei no epakashnu shomoki, mondum nei no an korachi epakashnu nisa ruwe ne gusu ne na.
inanpe kusu ne yakun, kampi-nuye utar néno epakasnu somo ki, montum néno an koraci epakasnu nisa ruwe ne kusu ne na.
Markos 1.22 §13II
22 wa epakashnu Utara anak ne Shinuma koro epakashi eiyokonnure: inambe gusu ne yakun, kambi-nuye utara nei no epakashnu shomoki, mondum koro korachi utara ko-epakashnu nisa ruwe ne gusu ne na.
wa epakasnu Utar anakne Sinuma kor epakasi eiyokonnure: inanpe kusu ne yakun, kampi-nuye utar néno epakasnu somo ki, montum kor koraci utar ko-epakasnu nisa ruwe ne kusu ne na.
Roukos 4.32 §24II
32 aige, utara nei epakashi eiyokunnure; itak anak ne mondum koro korachi an itak ne ruwe ne gusu ne na.
ayke, utar ne epakasi e=iyokunnure; itak anakne montum kor koraci an itak ne ruwe ne kusu ne na.
Markos 1.23-28 §14VIII
23 Orowa, nani nei Uwekarapa chisei ta ichakkere ramat shikatkari guru shiueu an: awa, shinuma hawe ashte wa ene itak-hi :—
Orowa, nani ne Uekarpa cise ta icakkere ramat sikatkari kur siwew an: awa, sinuma hawe aste wa ene itak hi :—
24 Nazaret un Yesu un otta nep irenga an a? Un isamka gusu E ek a? Aokai nen ne ruwe sekorʼambe ku eramʼan, Kamui Ashkannep E ne ruwe ne, ari itak.
Nazaret un Yesu un or ta nep irenka an a? Un isamka kusu E ek a? Aokay nen ne ruwe sekor anpe ku=eraman, Kamuy Askannep E ne ruwe ne, ari itak.
25 Orowa, Yesu nei ambe ko sakayokara wa ene itak-hi :— Iteki nep ye no shinuma orowa no oashin yan, ari itak.
Orowa, Yesu ne anpe ko sakayokar wa ene itak hi :— Iteki nep ye no sinuma oro wano oasin yan, ari itak.
26 Aige, ichakkere ramat shinuma yasa hine poro hau ani hawe ashte wa oashin nisa ruwe ne.
Ayke, icakkere ramat sinuma yasa hine poro haw ani hawe aste wa oasin nisa ruwe ne.
27 Utara obitta eoyamokte; awa, utashpa uwepekennu hine, — Tap ambe nep ta an? Ashiri epakashi! Shinuma mondum koro wa ichakkere ramat kashpaotte wa itaknu ruwe ne.
Utar opitta e=oyamokte; awa, utaspa uwepekennu hine, — Tapanpe nep ta an? A=siri epakasi! Sinuma montum kor wa icakkere ramat kaspaotte wa itak nu ruwe ne.
28 Orowa Shinuma gusu an assuruhu anak ne nani Gariraya moshir'ebitta shikapneka no aashte nisa ruwe ne.
Orowa Sinuma kusu an assuruhu anakne nani Gariraya mosir epitta sikapneka no a=aste nisa ruwe ne.
Roukos 4.33-37 §25VIII
33 Orowa, nitne kamui ichakkere ramat koro shine ainu Uwekarapa chisei ta an, awa, rui hawe ashte wa —
Orowa, nitne kamuy icakkere ramat kor sine aynu Uekarpa cise ta an, awa, ruy hawe aste wa —
34 Aa Nazaret kotan un Yesu, un otta nep irenga an a? Un isamka kuni gusu E ek ya? Aokai anak ne nen ne ya ku eramʼan; Kamui koro Ashkannep E ne ruwe ne — ari itak.
Aa Nazaret kotan un Yesu, un or ta nep irenka an a? Un isamka kuni kusu E ek ya? Aokay anakne nen ne ya ku=eraman; Kamuy kor Askannep E ne ruwe ne — ari itak.
35 Orowa, Yesu shinuma ko-sakayokara wa ene itak-hi :— Iteki nep ye no nei guru orowa no oashin yan. Aige, nitne kamui anak ne utara tumugeta shinuma hokushte chiki iwende shomoki no orowa no oashin nisa ruwe ne.
Orowa, Yesu sinuma ko-sakayokar wa ene itak hi :— Iteki nep ye no ne kur oro wano oasin yan. Ayke, nitne kamuy anakne utar tumke ta sinuma hokuste ciki iwente somo ki no oro wano oasin nisa ruwe ne.
36 Utara obitta eoyamokte wa utashpa ene itak-hi :— Tambe nep itak ne ruwe ta a? Mondum newa kiroro ani ichakkere ramat kashpaotte, orowa, oashin ruwe ne gusu ne na.
Utar opitta e=oyamokte wa utaspa ene itak hi :— Tanpe nep itak ne ruwe ta a? Montum newa kiroro ani icakkere ramat kaspaotte, orowa, oasin ruwe ne kusu ne na.
37 Orowa no, nei kotan shikapneka no an ushike ta Yesu gusu an assuru shipirasa nisa ruwe ne na.
Orowano, ne kotan sikapneka no an usike ta Yesu kusu an assuru sipirasa nisa ruwe ne na.
Mattaios 8.14-18 §67II
14 Orowa, Yesu anak ne Petros koro chisei ta ahun chiki, koro shuito-habo seisekmau tashum ki wa hotke wa an shiri nukara.
Orowa, Yesu anakne Petros kor cise ta ahun ciki, kor suyto-hapo seysekmaw tasum ki wa hotke wa an siri nukar.
15 Orowa, Shinuma nei shiwentep koro tekehe tomooshma, aige, seisekmau tashum kohoppa; orowa, shinuma hopuni wa otta yaishieiwangere nisa ruwe ne.
Orowa, Sinuma ne siwentep kor tekehe tomoosma, ayke, seysekmaw tasum kohoppa; orowa, sinuma hopuni wa or ta yaysieywankere nisa ruwe ne.
16 Orowa shiri-onuman an koro, utara anak ne nitne kamui shikatkari utara poron no tura wa araki: aine, itak ani Shinuma nitne kamui soyumbare, orowa, tashum ki utara obitta iwangere nisa ruwe ne na:
Orowa siri-onuman an kor, utar anakne nitne kamuy sikatkari utar poronno tura wa arki: ayne, itak ani Sinuma nitne kamuy soyunpare, orowa, tasum ki utar opitta iwankere nisa ruwe ne na:
17 tambe anak ne, — Nei guru yaikota chikoro katchakbe uina hemhem ki; chikoro tashum sei hemhem ki ruwe ne — sekorʼan uweingara guru Isaya ye itak ambe auweomare kuni gusu an ambe ne ruwe ne na.
tanpe anakne, — Ne kur yaykota ci=kor katcakpe uyna hemhem ki; ci=kor tasum sey hemhem ki ruwe ne — sekor an ueinkar kur Isaya ye itak anpe a=ueomare kuni kusu an anpe ne ruwe ne na.
18 Yesu yai shirokari ta inne utara okai ruwe nukara chiki ikush un paye kuni kashpaotte nisa ruwe ne na.
Yesu yay sirkar ta inne utar okay ruwe nukar ciki ikus un paye kuni kaspaotte nisa ruwe ne na.
Markos 1.29-34A §15II
29 Orowa nani Uwekarapa chisei orowa no soyumba chiki Yakob newa Yoannes tura Simon newa Andreas koro uni un ahup nisa ruwe ne.
Orowa nani Uekarpa cise oro wano soyunpa ciki Yakob newa Yoannes tura Simon newa Andreas kor uni un ahup nisa ruwe ne.
30 Awa, Simon koro shiuto-habo seisek mau tashum ki hine hotke wa an; aige,
Awa, Simon kor siwto-hapo sesek maw tasum ki hine hotke wa an; ayke,
31 nani nei shiwentep orushpe Shinuma anure: orowa, Shinuma ek wa nei shiwentep koro teke kishima hine punire ruwe ne; aige, seisek mau tashum aisamka, orowa, shinuma anak ne okai utara otta yaishieiwangere nisa ruwe ne na.
nani ne siwentep oruspe Sinuma a=nure: orowa, Sinuma ek wa ne siwentep kor teke kisma hine punire ruwe ne; ayke, sesek maw tasum a=ysamka, orowa, sinuma anakne okay utar or ta yaysieywankere nisa ruwe ne na.
32 Orowa, shiri-onuman chup ahun ita, utara anak ne obitta no okai tashum ki utara hemhem, nitne kamui shikatkari utara hemhem Shinuma orota koro wa araki.
Orowa, siri-onuman cup ahun hi ta, utar anakne opittano okay tasum ki utar hemhem, nitne kamuy sikatkari utar hemhem Sinuma oro ta kor wa arki.
33 Orowa, machiya un utara obitta apa samaketa uwekarapa.
Orowa, maciya un utar opitta apa samake ta uekarpa.
34 Awa, Shinuma usa-usa an tashum ki inne utara iwangere hemhem ki, inne nitne kamui oashinge hemhem ki; awa, nitne kamui Shinuma eamkiri gusu, itak kuni hattoki nisa ruwe ne na.
Awa, Sinuma usa-usa an tasum ki inne utar iwankere hemhem ki, inne nitne kamuy oasinke hemhem ki; awa, nitne kamuy Sinuma e=amkir kusu, itak kuni hattoki nisa ruwe ne na.
Roukos 4.38-40 §26II
38 Orowa Shinuma Uwekarapa chisei orowa no oman wa Simon kotʼchisei orun ahun nisa ruwe ne. Orowa, Simon koro shiuto-habo yupke seisek mau tashum ki wa an, awa, nei shiwentep gusu utara anak ne Shinuma koramkon ruwe ne.
Orowa Sinuma Uekarpa cise oro wano oman wa Simon kot cise orun ahun nisa ruwe ne. Orowa, Simon kor siwto-hapo yupke sesek maw tasum ki wa an, awa, ne siwentep kusu utar anakne Sinuma koramkor ruwe ne.
39 Awa Shinuma nei shiwentep samaketa ash wa seisek mau tashum ko-sakayokara, aige, tashum shinuma hoppa: orowa, nei guru nani hopuni wa utara orota yaishieiwangere nisa ruwe ne na.
Awa Sinuma ne siwentep samake ta as wa sesek maw tasum ko-sakayokar, ayke, tasum sinuma hoppa: orowa, ne kur nani hopuni wa utar oro ta yaysieywankere nisa ruwe ne na.
40 Orowa, chup ahun koro ita usa okai tashum ki utara koro guru anak ne Shinuma orota aani wa araki, aige, pishno okai utara kashiketa koro tekehe ande wa iwangere nisa ruwe ne.
Orowa, cup ahun kor hi ta usa okay tasum ki utar kor kur anakne Sinuma oro ta a=ani wa arki, ayke, pisno okay utar kasike ta kor tekehe ante wa iwankere nisa ruwe ne.
Markos 1.34BC §16VIII
34 Awa, Shinuma usa-usa an tashum ki inne utara iwangere hemhem ki, inne nitne kamui oashinge hemhem ki; awa, nitne kamui Shinuma eamkiri gusu, itak kuni hattoki nisa ruwe ne na.
Awa, Sinuma usa-usa an tasum ki inne utar iwankere hemhem ki, inne nitne kamuy oasinke hemhem ki; awa, nitne kamuy Sinuma e=amkir kusu, itak kuni hattoki nisa ruwe ne na.
Markos 3.11B-12 §28VIII
11 Orowa, Ichakkeri ramat anak ne hembara ne yakka Shinuma nukara chiki, kotpoketa hachiripa, orowa, hawe ashte hine ene itak-hi :— Aokai anak ne Kamui Poho E ne ruwe ne, ari itak.
Orowa, Icakkeri ramat anakne henpara ne yakka Sinuma nukar ciki, kotpokta haciripa, orowa, hawe aste hine ene itak hi :— Aokay anakne Kamuy Poho E ne ruwe ne, ari itak.
12 Orowa, iteki moshima guru otta Shinuma amkirire kuni ne shiri yupke no kashpaotte nisa ruwe ne na.
Orowa, iteki mosma kur or ta Sinuma amkirire kuni ne siri yupke no kaspaotte nisa ruwe ne na.
Roukos 4.41 §27VIII
41 Samata, nitne kamui ne yakka rui hawe ashte :— Aokai anak ne Kamui Poho E ne ruwe ne, sekorʼan itak koro inne utara orowa no oaship nisa ruwe ne. Orowa, Shinuma nei ap ko-sakayokara wa iteki nep ye kuni iki, Shinuma anak ne Kiristo ne sekorʼambe eramʼan, ruwe ne gusu ne na.
Sama ta, nitne kamuy ne yakka ruy hawe aste :— Aokay anakne Kamuy Poho E ne ruwe ne, sekor an itak kor inne utar oro wano oasi p nisa ruwe ne. Orowa, Sinuma ne ap ko-sakayokar wa iteki nep ye kuni iki, Sinuma anakne Kiristo ne sekor anpe eraman, ruwe ne kusu ne na.
Markos 1.35-39 §17VIII
35 Orowa, shiri aro kunneiwano, naa shomo tokap an ita, Shinuma hopuni wa soine hine kim un ushike orun oman, aige, nei ita inonno-itak ki nisa ruwe ne.
Orowa, siri a=ro kunneywano, naa somo tokap an hi ta, Sinuma hopuni wa soyne hine kimun usike orun oman, ayke, ne hi ta inonno-itak ki nisa ruwe ne.
36 Orowa, Simon newa tura no okai utara Shinuma osh paye:
Orowa, Simon newa turano okay utar Sinuma os paye:
37 orowa, pa chiki orota ene itak-hi :— Utara obitta
orowa, pa ciki oro ta ene itak hi :— Utar opitta
38 E hunara shiriki, ari itak. Orota Shinuma ene hawe okai-hi :— Oyake un okari an kotan ta paye yanro, nei ita ne yakka upaskuma Ku ki kusu ne, tambe gusu Ku soine nisa ruwe ne na.
E hunara siriki, ari itak. Oro ta Sinuma ene hawe okay hi :— Oyake un okari an kotan ta paye yanro, ne hi ta ne yakka upaskuma Ku=ki kusu ne, tanpe kusu Ku=soyne nisa ruwe ne na.
39 Orowa, Gariraya moshirʼebitta kush wa koro Uwekarapa chisei orun ahun, aige, upaskuma hemhem ki, nitne kamui oashinge hemhem ki nisa ruwe ne na.
Orowa, Gariraya mosir epitta kus wa kor Uekarpa cise orun ahun, ayke, upaskuma hemhem ki, nitne kamuy oasinke hemhem ki nisa ruwe ne na.
Roukos 4.42-44 §28VIII
42 Orowa, tokap ne chiki Shinuma nup an ushike orun oman: aige, inne topaha utara Shinuma hunara gusu orota araki, awa, nei ushike wano moshima kotan orun iteki oman kuni ne eham rusui ruwe ne.
Orowa, tokap ne ciki Sinuma nup an usike orun oman: ayke, inne topaha utar Sinuma hunara kusu oro ta arki, awa, ne usike wano mosma kotan orun iteki oman kuni ne eham rusuy ruwe ne.
43 Koroka, orota Shinuma ene itak-hi :— Moshima okai machiya otta ne yakka Kamui moshiri gusu an Pirika shongo ku eupaskuma kunip ne, nei no ki gusu a En omande nisa ruwe ne gusu ne na, ari itak.
Korka, oro ta Sinuma ene itak hi :— Mosma okay maciya or ta ne yakka Kamuy mosir kusu an Pirka sonko ku=ewpaskuma kunip ne, néno ki kusu a En=omante nisa ruwe ne kusu ne na, ari itak.
44 Orowa, Shinuma Gariraya moshiri un Uwekarapa chisei ta upaskuma ki korʼan nisa ruwe ne na.
Orowa, Sinuma Gariraya mosir un Uekarpa cise ta upaskuma ki kor an nisa ruwe ne na.