Synopsis
Mattaios 12.1-4 §114II
1 Nei ita Yesu anak ne shini toho ta mungi toi kush wa oman; aige, koro koikara utara ibe rusui gusu
Ne hi ta Yesu anakne sini toho ta munki toy kus wa oman; ayke, kor koykar utar ipe rusuy kusu
2 mungi upush tuiba wa ibe heashi koroka Parisee un utara tap ambe nukara chiki Shinuma otta ene itak-hi :— Ingarʼan, E koro koikara utara anak ne shini toho ta aki yak ne chikokatpak nep ki koro okai ruwe ne, ani itak.
munki upus tuypa wa ipe heasi korka Parisee un utar tapanpe nukar ciki Sinuma or ta ene itak hi :— Inkar=an, E=kor koykar utar anakne sini toho ta aki yakne ci=kokatpak nepki kor okay ruwe ne, ani itak.
3 Koroka, nei utara otta Shinuma ene ye-hi :— Dabid newa tura no okai utara ibe-rusui ita hemanda ki orushpe;
Korka, ne utar or ta Sinuma ene ye hi :— Dabid newa turano okay utar ipe-rusuy hi ta hemanta ki oruspe;
4 nei guru Kamui kora kenru orun ahun wa Kamui otta yaishieiwangere utara moshima okai utara e ko chikokatpak ne sekoro Kamui otta ayangep uk wa yaikota newa tura no okai utara ibe ambe echi oro-oitak shomoki ya?
ne kur Kamuy kor kenru orun ahun wa Kamuy or ta yaysieywankere utar mosma okay utar e ko ci=kokatpak ne sekor Kamuy or ta ayankep uk wa yaykota newa turano okay utar ipe anpe eci oro-oytak somo ki ya?
Markos 2.23-26 §24II
23 Orowa, Shini toho ta Shinuma mungi toi kush wa oman korʼan; awa, koro koikara utara paye rapoketa mungi push tuiba heashi nisa ruwe ne.
Orowa, Sini toho ta Sinuma munki toy kus wa oman kor an; awa, kor koykar utar paye rapoketa munki pus tuypa heasi nisa ruwe ne.
24 Aige, Parisee un utara Shinuma otta ene itak-hi :— Ingarʼan, hemanda gusu nei utara Shini toho ta aki yak ne tuitak otereke nep ki koro okai ruwe he an?
Ayke, Parisee un utar Sinuma or ta ene itak hi :— Inkar=an, hemanta kusu ne utar Sini toho ta aki yakne tuytak oterke nepki kor okay ruwe he an?
25 Orota Shinuma ene itak-hi :— Dabid newa tura no okai utara ibe rusui wa aeishiramnep an ita iki orushpe naa shomo echi orooitak ya?
Oro ta Sinuma ene itak hi :— Dabid newa turano okay utar ipe rusuy wa aeysiramnep an hi ta iki oruspe naa somo eci=oroytak ya?
26 Kamui kora kenru iyotta pase esapane guru Abiatar an ita, shinuma Kamui kora kenru orun ahun wa Kamui kora kenru esapane utara moshima okai utara e ambe tuitak oterekep ne Kamui otta ayange pan uk wa yaikota e, samata, tura no okai utara ne yakka ere ambe echi oro-oitak shomoki ruwe he an?
Kamuy kor kenru iyotta pase esapane kur Abiatar an hi ta, sinuma Kamuy kor kenru orun ahun wa Kamuy kor kenru esapane utar mosma okay utar e anpe tuytak oterekep ne Kamuy or ta a=yanke pan uk wa yaykota e, sama ta, turano okay utar ne yakka ere anpe eci oro-oytak somo ki ruwe he an?
Roukos 6.1-5 §41II
1 Orowa, Shini toho ta Shinuma mungi toi kush wa oman, aige, koro koikara utara mungi push tuiba wa tekehe otta noyanoya hine ibe korʼan ruwe ne.
Orowa, Sini toho ta Sinuma munki toy kus wa oman, ayke, kor koykar utar munki pus tuypa wa tekehe or ta noyanoya hine ipe kor an ruwe ne.
2 Koroka, Parisee un utara tumugeta okai utara ene itak-hi :— Shini toho ta aki yak anak ne Kamui ikashpaotte otereke buri nep gusu echi ki ruwe he an? ani itak.
Korka, Parisee un utar tumke ta okay utar ene itak hi :— Sini toho ta aki yakanak ne Kamuy ikaspaotte oterke puri nep kusu eci=ki ruwe he an? ani itak.
3 Orowa, orota Yesu ese wa ene itak-hi :— Dabid anak ne ibe-rusui ita tura no okai utara utura nekon a iki ya sekorʼan orushpe ka echi oro-oitak shomoki ruwe?
Orowa, oro ta Yesu ese wa ene itak hi :— Dabid anakne ipe-rusuy hi ta turano okay utar utura nekona iki ya sekor an oruspe ka eci oro-oytak somo ki ruwe?
4 Shinuma anak ne Kamui kora kenru orota ahun wa, ouse Kamui kora kenru esapane utara patek ibe kuni Kamui otta ayange aep uk wa e, orowa no, tura no okai utara otta koropare wa ere-i echi oro-oitak shomoki ya?
Sinuma anakne Kamuy kor kenru oro ta ahun wa, owse Kamuy kor kenru esapane utar patek ipe kuni Kamuy or ta a=yanke aep uk wa e, orowano, turano okay utar or ta korpare wa ere hi eci oro-oytak somo ki ya?
5 Ainu Poho anak ne Shini toho koro Utarapa ne ruwe ne, sekorʼan itak ani nei utara otta ye nisa ruwe ne na.
Aynu Poho anakne Sini toho kor Utarpa ne ruwe ne, sekor an itak ani ne utar or ta ye nisa ruwe ne na.
Mattaios 12.9-13 §116II
9 Orowa Shinuma nei oro ekohopi wa oman, aige, nei utara koro uwekari chisei ta ahun nisa ruwe ne:
Orowa Sinuma ne oro ekohopi wa oman, ayke, ne utar kor uekari cise ta ahun nisa ruwe ne:
10 awa, ingarʼan, oatteke shipeshte shine ainu an. Orowa, eiyonnuppa ika hunara rusui gusu utara uwepekennu wa otta ene itak-hi :— Shini toho ta iwangere ambe anak ikashpaotte an i korachi ne ruwe he an? ari itak ruwe ne.
awa, inkar=an, oattek sipeste sine aynu an. Orowa, eiyonnuppa ika hunara rusuy kusu utar uwepekennu wa or ta ene itak hi :— Sini toho ta iwankere anpe anak ikaspaotte an i koraci ne ruwe he an? ari itak ruwe ne.
11 Nei utara otta Shinuma ene itak-hi :— Echi utara tumugeta inan guru shine hitsuji chikoikip koro wa an wa nei ambe shini toho ta shui oro-oshma chiki kishima wa yange shomoki ya?
Ne utar or ta Sinuma ene itak hi :— Eci utar tumke ta inan kur sine hitsuji cikoykip kor wa an wa ne anpe sini toho ta suy oro-osma ciki kisma wa yanke somo ki ya?
12 Hitsuji kasu no ainu anak ne nep oro an-i aesanniyop humi! Tambe gusu shini toho ta pirikap ki ambe anak ne pirikap an i ne ruwe ne na, ari itak.
hitsuji kasuno aynu anakne nep oro an hi aesanniyop humi! Tanpe kusu sini toho ta pirka p ki anpe anakne pirka p an i ne ruwe ne na, ari itak.
13 Orowa, nei ainu otta :— E teke turi yan, ani Shinuma ye. Orowa, aturi, aige, moshima an ambe korachi atumashnure nisa ruwe ne.
Orowa, ne aynu or ta :— E teke turi yan, ani Sinuma ye. Orowa, a=turi, ayke, mosma an anpe koraci atumasnure nisa ruwe ne.
Markos 2.27-3.5 §25II
27 Orota shui Shinuma ene itak hi :— Shini toho anak ne ainu gusu akarape ne, ainu anak ne Shini toho gusu akarape shomo ne ruwe ne; tambe gusu,
Oro ta suy Sinuma ene itak hi :— Sini toho anakne aynu kusu a=karpe ne, aynu anakne Sini toho kusu a=karpe somo ne ruwe ne; tanpe kusu,
28 Ainu Poho anak ne Shini toho poka enishpane ruwe ne na.
Aynu Poho anakne Sini toho poka enispane ruwe ne na.
3:1 Orowa, shui Shinuma Uwekarapa chisei orun ahun; awa nei ita teke shipeshte guru shinen an wa an.
Orowa, suy Sinuma Uekarpa cise orun ahun; awa ne hi ta teke sipeste kur sinen an wa an.
2 Aige, utara anak ne Shinuma eiyonnupba kuni ikkewe kon rusui gusu Shini toho ta shinuma iwangere kusu ne ya nukara gusu orun oshitkurukote nisa ruwe ne.
Ayke, utar anakne Sinuma eiyonnuppa kuni ikkewe kor rusuy kusu Sini toho ta sinuma iwankere kusu ne ya nukar kusu orun ositkurukote nisa ruwe ne.
3 Orowa, Shinuma teke shipeshte guru otta, — Utara tumugeta ash yan, ari itak.
Orowa, Sinuma teke sipeste kur or ta, — Utar tumke ta as yan, ari itak.
4 Aige, utara otta Shinuma ene itak-hi :— Shini toho ta pirikap ki hene wenbe ki hene, ramat shiknure hene raige hene iki katu inambe ikashpaotte uweomarepe ne ruwe he an?
Ayke, utar or ta Sinuma ene itak hi :— Sini toho ta pirka p ki hene wenpe ki hene, ramat siknure hene rayke hene iki katu inanpe ikaspaotte uweomarepe ne ruwe he an?
5 Koroka, nei utara mo no okai ruwe ne. Orowa, Shinuma nei utara sambe nishte wa gusu yairamkoiki hine irushka wa orun ekeshne ingara koro, nei ainu otta, — E teke turi yan, ari itak. Orowa koro teke turi, aige, atumashnure nisa ruwe ne.
Korka, ne utar mo no okay ruwe ne. Orowa, Sinuma ne utar sanpe niste wa kusu yayramkoyki hine iruska wa orun ekesne inkar kor, ne aynu or ta, — E teke turi yan, ari itak. Orowa kor teke turi, ayke, atumasnure nisa ruwe ne.
Roukos 6.6-11 §42II
6 Orowa no, moshima an Shini toho ta Shinuma Uwekarapa chisei ta ahun wa epakashnu wa an wa an ruwe ne: awa, shimon tek shipeshte shine ainu nei ushiketa an ruwe ne.
Orowano, mosma an Sini toho ta Sinuma Uekarpa cise ta ahun wa epakasnu wa an wa an ruwe ne: awa, simon tek sipeste sine aynu ne uske ta an ruwe ne.
7 Awa, eiyonnuppa kuni ikkewe kon rusui gusu, Shini toho ta Shinuma ainu iwangere ya shomo ya nukara gusu, kambi-nuye utara newa Parisee un utara Shinuma orun oshikkurukote nisa ruwe ne.
Awa, eiyonnuppa kuni ikkewe kor rusuy kusu, Sini toho ta Sinuma aynu iwankere ya somo ya nukar kusu, kampi-nuye utar newa Parisee un utar Sinuma orun osikkurkote nisa ruwe ne.
8 Koroka, Shinuma nei utara yainu i eramʼan: aige, teke shipeshte guru otta — Hopuni wa utara tumugeta ash yan — ani itak.
Korka, Sinuma ne utar yaynu i eraman: ayke, teke sipeste kur or ta — Hopuni wa utar tumke ta as yan — ani itak.
9 Orowa no, shinuma hopuni wa ash ruwe ne. Utara orota Yesu ene itak-hi :— Orushpe Ku nu; — Shini toho ta pirikap ki hene, wenbe ki hene, ramat shiknure hene, ramat raige hene, inambe kara katu ikashpaotte uweomarepe ne ya?
Orowano, sinuma hopuni wa as ruwe ne. Utar oro ta Yesu ene itak hi :— Oruspe Ku=nu; — Sini toho ta pirka p ki hene, wenpe ki hene, ramat siknure hene, ramat rayke hene, inanpe kar katu ikaspaotte uweomarepe ne ya?
10 Orowa, Shinuma utara orun ingara wa — E tekehe turi yan — nei guru otta ye nisa ruwe ne. Orowa nei no ki chiki tekehe aiwangere nisa.
Orowa, Sinuma utar orun inkar wa — E tekehe turi yan — ne kur or ta ye nisa ruwe ne. Orowa néno ki ciki tekehe aywankere nisa.
11 Koroka, nei utara wayasap kashpa, awa, Yesu otta nekon a iki kusu ne ya ani utashpa ukoramkon ruwe ne.
Korka, ne utar wayasap kaspa, awa, Yesu or ta nekona iki kusu ne ya ani utaspa ukoramkor ruwe ne.
Roukos 6.12 §43II
12 Nei toho ta anak ne inonno-itak ki gusu Shinuma nupuri hemesu, aige, anchikara ebitta Kamui otta inonno-itak ki korʼan nisa ruwe ne.
Ne toho ta anakne inonno-itak ki kusu Sinuma nupuri hemesu, ayke, ancikar epitta Kamuy or ta inonno-itak ki kor an nisa ruwe ne.
Mattaios 10.2-4 §80II
2 Orowa nei tun ikashima wan koikara utara reihei anak ne tambe ne ruwe ne: Hoshiki, Petros ari an reihei koro Simon newa koro iriwak Andreas an; Zebedaios poho Yakob newa koro iriwak ne Yoannes an;
Orowa ne tun ikasma wan koykar utar rehe anakne tanpe ne ruwe ne: Hoski, Petros ari an rehe kor Simon newa kor irwak Andreas an; Zebedayos poho Yakob newa kor irwak ne Yoannes an;
3 Pirippos newa Bartoromaios an; Tomas newa yaku etaye guru ne Mattaios an; Arpaios koro poho Yakob an; Taddaios an; Kanaan moshirʼun guru ne
Pirippos newa Bartoromayos an; Tomas newa yaku etaye kur ne Mattayos an; Arpayos kor poho Yakob an; Taddayos an; Kanaan mosir un kur ne
4 Simon newa Yesu ekoshi Kariot kotan un Youdas an ruwe ne.
Simon newa Yesu ekosi Kariot kotan un Yowdas an ruwe ne.
Markos 3.16B-19 §30II
16 orowa, Simon anak ne Petros ani reikore:
orowa, Simon anakne Petros ani rékore:
17 shui, Zebedaios koro poho Yakob newa shinuma koro iriwak Yoannes, tan utara Boanerges ani reikore, tambe anak Kamui-hum poho ikkewe ani an itak ne:
suy, Zebedayos kor poho Yakob newa sinuma kor irwak Yoannes, tan utar Boanerges ani rékore, tanpe anak Kamuy-hum poho ikkewe ani an itak ne:
18 orowa, Andreas hene, Piripos hene, Bartoromaios hene, Mattaios hene, Tomas hene,
orowa, Andreas hene, Piripos hene, Bartoromayos hene, Mattayos hene, Tomas hene,
19 Arupaios poho ne Yakob hene, Taddaios hene, Kanaan un Simon hene, orowa, Shinuma ekoshi Kariot kotan un guru ne Yudas hene ne ruwe ne.
Arupayos poho ne Yakob hene, Taddayos hene, Kanaan un Simon hene, orowa, Sinuma ekosi Kariot kotan un kur ne Yudas hene ne ruwe ne.
Roukos 6.13-16 §44II
13 Orowa, tokap ne chiki koikara utara shihekote hotuyekara: awa, nei tumuge wano tu niu ikashima wa niu numge wa Apostoro reihei ani reikore ruwe ne.
Orowa, tokap ne ciki koykar utar sihekote hotuyekar: awa, ne tumuke wano tu niw ikasma wa niw numke wa Apostoro rehe ani rékore ruwe ne.
14 Petros ani areikore Simon newa koro ainu iriwak Andreas an;
Petros ani a=rékore Simon newa kor aynu irwak Andreas an;
15 Yakob newa Yoannes an; Piripos newa Bartoromaios an; Mattaios newa Tomas an; Arupaios poho Yakob newa Zerotes ani aye Simon an;
Yakob newa Yoannes an; Piripos newa Bartoromayos an; Mattayos newa Tomas an; Arupayos poho Yakob newa Zerotes ani a=ye Simon an;
16 Yakob poho Youdas newa Yesu ekoshi guru ne nisa Kariot kotan un guru Youdas an;
Yakob poho Yowdas newa Yesu ekosi kur ne nisa Kariot kotan un kur Yowdas an;
Mattaios 4.23-25 §23I
23 Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.
Orowa, Yesu anakne Gariraya mosir epitta apkas wa Kamuy kor kenru ta epakasnu hemhem ki, mosir kusu an pirka sonko ye wa upaskuma hemhem ki: naa sama ta, aynu tumke ta okay usa tasum newa usa siyeye iwankere nisa ruwe ne na.
24 Orowa, Siria moshirʼebitta Shinuma shiassuru ashte wa an, awa, usa okai tashum koro utara hemhem, usa okai iunin newa shiyeyepa utara hemhem, nitnep shikatkari utara hemhem nochi-iush utara hemhem, tushushke tashum ki utara hemhem, obitta atura wa Shinuma orota araki, aige, aiwangere nisa ruwe ne.
Orowa, Siria mosir epitta Sinuma siassuru aste wa an, awa, usa okay tasum kor utar hemhem, usa okay iwnin newa siyeyepa utar hemhem, nitnep sikatkari utar hemhem noci-ius utar hemhem, tususke tasum ki utar hemhem, opitta a=tura wa Sinuma oro ta arki, ayke, aywankere nisa ruwe ne.
25 Orowa no, Gariraya moshiri hemhem, Dekaporis moshiri hemhem, Yudea moshiri hemhem, orowa, Yorodan pet kushta okai utara hemhem, shi no inne no Shinuma osh paye nisa ruwe ne na.
Orowano, Gariraya mosir hemhem, Dekaporis mosir hemhem, Yudea mosir hemhem, orowa, Yorodan pet kus ta okay utar hemhem, sino inne no Sinuma os paye nisa ruwe ne na.
Markos 3.7B-11A §27I
7 Orowa, Yesu anak ne koro koikara utara tura atui orun ekohopi: awa, Gariraya wano an poro inne utara nei osh paye nisa ruwe ne:
Orowa, Yesu anakne kor koykar utar tura atuy orun ekohopi: awa, Gariraya wano an poro inne utar ne os paye nisa ruwe ne:
8 samata, Yudea wano hene, Yerusarem wano hene, Idumea wano hene, Yorodan pet ikushta wano hene, Tiros newa Sidon kotan okari wano hene, poro inne utara hemanda porobe Shinuma kara katu nu wa okai gusu orota araki nisa ruwe ne.
sama ta, Yudea wano hene, Yerusarem wano hene, Idumea wano hene, Yorodan pet ikusta wano hene, Tiros newa Sidon kotan okari wano hene, poro inne utar hemanta poro p Sinuma kar katu nu wa okay kusu oro ta arki nisa ruwe ne.
9 Orowa, ikineipeka inne utara orowa no iki ararapa kuni ne koro koikara utara pon chip etokooiki kuni gusu ye nisa ruwe ne:
Orowa, ikineypeka inne utar oro wano iki a=rarpa kuni ne kor koykar utar pon cip etokooyki kuni kusu ye nisa ruwe ne:
10 inambe gusu ne yakun, Shinuma inne utara iwangere okere; tambe gusu, nen ne yakka shiyeyepa utara tomooshma kuni ne Shinuma ukonumba shiriki okai ruwe ne.
inanpe kusu ne yakun, Sinuma inne utar iwankere okere; tanpe kusu, nen ne yakka siyeyepa utar tomoosma kuni ne Sinuma ukonunpa siriki okay ruwe ne.
11 Orowa, Ichakkeri ramat anak ne hembara ne yakka Shinuma nukara chiki, kotpoketa hachiripa, orowa, hawe ashte hine ene itak-hi :— Aokai anak ne Kamui Poho E ne ruwe ne, ari itak.
Orowa, Icakkeri ramat anakne henpara ne yakka Sinuma nukar ciki, kotpokta haciripa, orowa, hawe aste hine ene itak hi :— Aokay anakne Kamuy Poho E ne ruwe ne, ari itak.
Roukos 6.17-19 §45I
17 Shinuma nei utara tura san wa kapara ushketa inne topaha utara, Shinuma nu gusu hemhem, koro tashum aiwangere gusu hemhem akire gusu Yudea moshiri ebitta wano hene, Yerusarem machiya wano hene, Tiros newa Sidon kotan un atui sam wano hene araki inne utara tura no ash wa an ruwe ne;
Sinuma ne utar tura san wa kapar uske ta inne topaha utar, Sinuma nu kusu hemhem, kor tasum aywankere kusu hemhem a=kir kusu Yudea mosir epitta wano hene, Yerusarem maciya wano hene, Tiros newa Sidon kotan un atuy sam wano hene arki inne utar turano as wa an ruwe ne;
18 orowa, ichakkere ramat orowa no aranrusarakka utara aiwangere nisa ruwe ne.
orowa, icakkere ramat oro wano aranrusarakka utar aywankere nisa ruwe ne.
19 Awa; topaha utara obitta Shinuma tomooshma rusui; orowa no kiroro san wa an wa utara obitta iwangere nisa ruwe ne gusu ne na.
Awa; topaha utar opitta Sinuma tomoosma rusuy; orowano kiroro san wa an wa utar opitta iwankere nisa ruwe ne kusu ne na.
Yoannes 6.1-2 §46I
1 Tap okaketa Yesu anak ne Tiberias atui, Gariraya un atui kushketa oman.
Tap okake ta Yesu anakne Tiberias atuy, Gariraya un atuy kuske ta oman.
2 Awa, tashum ki utara kata Shinuma ki shirosh nukan nisa ruwe ne gusu, poro inne utara Shinuma osh paye nisa ruwe ne.
Awa, tasum ki utar kata Sinuma ki siros nukar nisa ruwe ne kusu, poro inne utar Sinuma os paye nisa ruwe ne.
Mattaios 5.2-3 §25V
2 orowa Shinuma paro maka hine utara epakashnu, aige, ene itak-hi:
orowa Sinuma paro maka hine utar epakasnu, ayke, ene itak hi:
3 Ramat gusu otek-sak utara anak ne anunuke ne; kando moshiri nei utara korope ne gusu ne na.
Ramat kusu otek-sak utar anakne a=nunuke ne; kanto mosir ne utar kor pe ne kusu ne na.
Roukos 6.20 §46V
20 Orowa, Shinuma anak ne koro koikara utara orun ingara wa orota ene itak-hi :— Otek sak utara, echi utara, anunuke echi ne, Kamui moshiri echi korobe ne ruwe ne gusu ne na.
Orowa, Sinuma anakne kor koykar utar orun inkar wa oro ta ene itak hi :— Otek sak utar, eci utar, a=nunuke eci ne, Kamuy mosir eci=kor pe ne ruwe ne kusu ne na.
Roukos 6.21A §47V
21 Tane ibe-rusui utara, echi utara, anunuke ne, echi akironnure kusu ne gusu ne na. Tane chish utara, echi utara, anunuke ne, echi mina kusu ne gusu ne na.
Tane ipe-rusuy utar, eci utar, a=nunuke ne, eci akironnure kusu ne kusu ne na. Tane cis utar, eci utar, a=nunuke ne, eci=mina kusu ne kusu ne na.
Roukos 6.21B §48V
21 Tane ibe-rusui utara, echi utara, anunuke ne, echi akironnure kusu ne gusu ne na. Tane chish utara, echi utara, anunuke ne, echi mina kusu ne gusu ne na.
Tane ipe-rusuy utar, eci utar, a=nunuke ne, eci akironnure kusu ne kusu ne na. Tane cis utar, eci utar, a=nunuke ne, eci=mina kusu ne kusu ne na.
Mattaios 5.11-12 §30V
11 Ku ankushkerai gusu moshima guru orowa no echi ohaigeakara an, orowa, aekeshke an, samata, usa shunge itak sange wa echi wen no aye chiki, echi anunuke ne.
Ku=an kuskeray kusu mosma kur oro wano eci ohaykeakara an, orowa, a=ekeske an, sama ta, usa sunke itak sanke wa eci=wen no a=ye ciki, eci=a=nunuke ne.
12 Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.
Nupetne yan, sino yaykopuntek yan; kanto oske ta eci kusu an pummaha anakne poro p ne ruwe ne kusu ne na; orowa, eci=etoko ta okay ueinkar utar ne yakka tanpe néno aepokpa nisa ruwe ne kusu ne na.
Roukos 6.22-23 §49V
22 Ainu Poho rengap gusu, utara echi etunne hemhem ki, echi shinnai no ande hemhem ki, echi sakayokara wa echi reihei anak ne wenbe korachi osura hemhem ki ita anak ne, anunuke an.
Aynu Poho renkap kusu, utar eci=etunne hemhem ki, eci=sinnay no ante hemhem ki, eci=sakayokar wa eci=rehe anakne wenpe koraci osura hemhem ki hi ta anakne, a=nunuke an.
23 Nei toho ta yaikopuntek wa tereke yan, kando otta an echi koro kuni pummaha porobe ne ruwe ne gusu ne na; utara koro ekashi ne yakka uweingara utara otta shem korachi ki nisa ruwe ne gusu ne na.
Ne toho ta yaykopuntek wa terke yan, kanto or ta an eci=kor kuni pummaha poro p ne ruwe ne kusu ne na; utar kor ekasi ne yakka ueinkar utar or ta semkoraci ki nisa ruwe ne kusu ne na.
Roukos 6.24-25 §50X
24 Koroka, oteknu utara echi utara, yaisambepokash humi! aomaoma ambe echi koro okere ruwe ne gusu ne na.
Korka, oteknu utar eci utar, yaysanpepokas humi! a=omaoma anpe eci=kor okere ruwe ne kusu ne na.
25 Tane akironnure wa an utara, echi utara, yaisambepokash humi! echi ibe-rusui ruwe ne kusu ne gusu ne na. Tane mina, echi utara, yaisambepokash humi! echi yaituwashkarap wa chish ruwe ne kusu ne gusu ne na.
Tane akironnure wa an utar, eci utar, yaysanpepokas humi! eci=ipe-rusuy ruwe ne kusu ne kusu ne na. Tane mina, eci utar, yaysanpepokas humi! eci yaytuwaskarap wa cis ruwe ne kusu ne kusu ne na.
Roukos 6.26 §51X
26 Utara obitta echi gusu pirikap ye ita anak ne echi yaisambepokash humi! nei utara koro ekashi anak ne shunge uweingara utara otta nei no ki nisa ruwe ne gusu ne na.
Utar opitta eci kusu pirka p ye hi ta anakne eci yaysanpepokas humi! ne utar kor ekasi anakne sunke ueinkar utar or ta néno ki nisa ruwe ne kusu ne na.
Mattaios 5.44-45 §40V
44 koroka, echi otta Ku ye, echi epokba utara omap yan, echi keshke utara rengap gusu inonno itak ki yan;
korka, eci or ta Ku=ye, eci epokpa utar omap yan, eci=keske utar renkap kusu inonno itak ki yan;
45 kando otta an echi koro Michi poho echi ne kuni gusu tambe nei no ki yan; inambe gusu ne yakun, Shinuma anak ne wen guru gusu ne yakka pirika guru gusu ne yakka koro tokap chup hetukure, orowa, keutum oupeka guru otta ne yakka keutum oheuge guru otta ne yakka apto ashte ruwe ne gusu ne na.
kanto or ta an eci=kor Mici poho eci ne kuni kusu tanpe néno ki yan; inanpe kusu ne yakun, Sinuma anakne wenkur kusu ne yakka pirka kur kusu ne yakka kor tokap cup hetukure, orowa, kewtum owpeka kur or ta ne yakka kewtum ohewke kur or ta ne yakka apto aste ruwe ne kusu ne na.
Roukos 6.27-28 §52V
27 Koroka, nu wa okai echi otta Ku ye :— Echi epokba utara omap yan, echi etunne utara epirikare yan, echi oitakushi utara nunuke yan,
Korka, nu wa okay eci or ta Ku=ye :— Eci epokpa utar omap yan, eci=etunne utar e=pirkare yan, eci=oytakusi utar nunuke yan,
28 echi keshke utara gusu inonno-itak ki yan.
eci=keske utar kusu inonno-itak ki yan.
Mattaios 5.39B-40 §38V
39 koroka, echi otta Ku ye, iteki wenbe eumontashpa yan, koroka, nen ne yakka echi shimon notakam kokik guru an chiki moshima an notakam ne yakka akik kuni ne kohosari yan.
korka, eci or ta Ku=ye, iteki wenpe ewmontaspa yan, korka, nen ne yakka eci=simon notakam kokik kur an ciki mosma an notakam ne yakka a=kik kuni ne kohosari yan.
40 Orowa, charange wa echi horowashi amip uk rusui guru an chiki, hokannashi mipihi ne yakka kore yan.
Orowa, caranke wa eci horowasi amip uk rusuy kur an ciki, hokannasi mipihi ne yakka kore yan.
Roukos 6.29-30 §53V
29 Echi ara notakam kik guru otta moshima an notakam ne yakka shikiru yan; echi horawashi mip uk guru otta hokannashi mipi ne yakka uk kuni iteki hattoki yan.
Eci=ar notakam kik kur or ta mosma an notakam ne yakka sikiru yan; eci=horawasi mip uk kur or ta hokannasi mipi ne yakka uk kuni iteki hattoki yan.
30 Nen ne yakka ekoramkoro guru an yakun, otta kore; orowa, e korobe koro wa oman guru an yak anak ne iteki nei ambe hoshipire yan.
Nen ne yakka e=koramkor kur an yakun, or ta kore; orowa, e=kor pe kor wa oman kur an yakanak ne iteki ne anpe hosipire yan.
Mattaios 7.12 §54V
12 Tambe gusu, moshima guru orowa no nep ki ambe echi kon rusui nei no, shinuma otta ne yakka ki yan: tambe anak ne Kamui ikashpaotte newa uweingarape ne ruwe ne na.
Tanpe kusu, mosma kur oro wano nepki anpe eci=kor rusuy néno, sinuma or ta ne yakka ki yan: tanpe anakne Kamuy ikaspaotte newa uweinkarape ne ruwe ne na.
Roukos 6.31 §54V
31 Orowa, echi otta moshima an guru orowa no aki kuni echi kon rusuibe, echi utara ne yakka nei utara otta iki yan.
Orowa, eci or ta mosma an kur oro wano aki kuni eci=kor rusuy pe, eci utar ne yakka ne utar or ta iki yan.
Mattaios 5.46-48 §41V
46 Echi omap utara echi koomap yakun, nep eyaiepirikarep echi koro ya?
Eci=omap utar eci=koomap yakun, nep eyayepirikarep eci=kor ya?
47 Yaku etaye utara ka nei no ki shomoki ya? Echi koro iriwak utara otta patek echi rangarap yakun, nep moshima guru kasu no aki ya? Oya utara ne yakka nei no ki shomoki ya?
Yaku etaye utar ka néno ki somo ki ya? Eci=kor irwak utar or ta patek eci=rankarap yakun, nep mosma kur kasuno aki ya? Oya utar ne yakka néno ki somo ki ya?
48 Tambe gusu, kando otta an echi koro Michi aeramushinne wa an korachi, echi utara ne yakka aeramushinne no okai yan.
Tanpe kusu, kanto or ta an eci=kor Mici a=eramusinne wa an koraci, eci utar ne yakka a=eramusinne no okay yan.
Roukos 6.32-35 §55V
32 Echi omap guru echi iyomap yakun, nekon a irenga an ya? chikokatpak utara ne yakka iyomap utara omap ruwe ne gusu ne na.
Eci=omap kur eci=iyomap yakun, nekona irenka an ya? ci=kokatpak utar ne yakka iyomap utar omap ruwe ne kusu ne na.
33 Orowa no echi pirikare utara otta echi epirikare yakun, nekon a irenga an ya? Chikokatpak utara ne yakka nei no iki ruwe ne gusu ne na.
Orowano eci=pirkare utar or ta eci=e=pirkare yakun, nekona irenka an ya? Ci=kokatpak utar ne yakka néno iki ruwe ne kusu ne na.
34 Orowa, shui uk kuni chipachipa wa utara otta echi erusa yak anak ne nekon a irenga an ya? Chikokatpak utara ne yakka chikokatpak utara otta erusa wa shui nei ambe pakno uk ruwe ne.
Orowa, suy uk kuni cipacipa wa utar or ta eci=erusa yakanak ne nekona irenka an ya? Ci=kokatpak utar ne yakka ci=kokatpak utar or ta erusa wa suy ne anpe pakno uk ruwe ne.
35 Koroka, echi pokba utara omap wa epirikare yan; echi korobe erusa wa iteki nei ambe gusu nishomap yan; yak anak ne echi pummaha porobe ne kusu ne; Iyotta Rikumbe poho echi ne kusu ne na; Shinuma anak ne wen utara otta ne yakka yaiiraige eramushkare utara otta ne yakka e ramu-hauge ruwe ne.
Korka, eci pokpa utar omap wa e=pirkare yan; eci=kor pe erusa wa iteki ne anpe kusu nisomap yan; yakanak ne eci pummaha poro p ne kusu ne; Iyotta Rikumbe poho eci ne kusu ne na; Sinuma anakne wen utar or ta ne yakka yayirayke eramuskare utar or ta ne yakka e ramu-hawke ruwe ne.
Mattaios 7.1-2 §50II
1 Echi utara shomo akoipishi kuni ne, iteki koipishi yan.
Eci utar somo akoypisi kuni ne, iteki koypisi yan.
2 Inambe gusu ne yakun, koipishi wa esanniyo nei no, echi akoipishi wa aesanniyo kusu ne: orowa, pakari wa echi kore korachi, echi gusu ne yakka apakari wa akore kusu ne.
Inanpe kusu ne yakun, koypisi wa esanniyo néno, eci akoypisi wa a=esanniyo kusu ne: orowa, pakari wa eci=kore koraci, eci kusu ne yakka apa kari wa a=kore kusu ne.
Markos 4.24 §41II
24 Orowa, orota ene itak-hi :— Hemanda echi nu ya yaitubare yan; echi pakari wa kore nei no, echi gusu apakari kusu ne, orowa, naa echi otta akore kusu ne na.
Orowa, oro ta ene itak hi :— Hemanta eci=nu ya yaytupare yan; eci=pakari wa kore néno, eci kusu apa kari kusu ne, orowa, naa eci or ta a=kore kusu ne na.
Roukos 6.36-38 §56II
36 Echi koro Michi rampokiwen wa kore korachi, echi utara ne yakka rampokiwen wa kore yan.
Eci=kor Mici ranpokiwen wa kore koraci, eci utar ne yakka ranpokiwen wa kore yan.
37 Iteki koipishi yan, yakun, echi akoipishi shomoki kusu ne; iteki katpak an sekoro esanniyo yan, yakun echi katpak an sekoro aesanniyo shomoki kusu ne:
Iteki koypisi yan, yakun, eci akoypisi somo ki kusu ne; iteki katpak an sekor esanniyo yan, yakun eci katpak an sekor a=esanniyo somo ki kusu ne:
38 honnere yan, yakun, echi ahonnere kusu ne: kore yan, yakun, echi otta a kore kusu ne: pirika no apakari; ararapa, eshiriotkeotke, ika pakno echi upshoro ta aomare kusu ne. Moshima an guru otta echi pakari wa kore korachi, echi otta ne yakka apakari wa a kore kusu ne na, sekoro itak.
honnere yan, yakun, eci=a=honnere kusu ne: kore yan, yakun, eci or ta a kore kusu ne: pirkano apa kari; a=rarpa, esiriotkeotke, ika pakno eci=upsoro ta a=omare kusu ne. Mosma an kur or ta eci=pakari wa kore koraci, eci or ta ne yakka apa kari wa a kore kusu ne na, sekor itak.
Mattaios 15.14 §156V
14 Nei utara moshima okai yan; shiknak ru-epakashnu utara ne ruwe ne. Orowa, shiknak guru anak ne shiknak guru ru epakashnu chiki, tun kane shui oro-oshima kusu ne.
Ne utar mosma okay yan; siknak ru-epakasnu utar ne ruwe ne. Orowa, siknak kur anakne siknak kur ru epakasnu ciki, tun kane suy oro-osma kusu ne.
Roukos 6.39 §57V
39 Orowa, nei utara otta Shinuma itak-maukushte-itak ne yakka ye :— Shiknak guru anak ne shiknak guru ani eashkai ya? Tun kane shui oro oshma shomoki kusu ne ya?
Orowa, ne utar or ta Sinuma itak-mawkuste-itak ne yakka ye :— Siknak kur anakne siknak kur ani easkay ya? Tun kane suy oro osma somo ki kusu ne ya?
Mattaios 10.24-25A §90III
24 Koikara guru anak ne epakashnu guru kasu no an ambe shomo ne, ausshiunere guru anak ne kon nishpa kasu no an ambe shomo ne ruwe ne.
Koykar kur anakne epakasnu kur kasuno an anpe somo ne, aussiwnere kur anakne kor nispa kasuno an anpe somo ne ruwe ne.
25 Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?
Koykar kur anakne kor epakasnu kur néno an, aussiwnere kur kor nispa néno an anpe anakne pakno ne ruwe ne: cise kor nispa Beeruzeboru ani rékore yakun, kasuno ne cise un utar ne yakka somo ki kusu ne ya?
Roukos 6.40 §58III
40 Koikara guru anak ne koro epakashnu guru kasu no pase shomo ne: koroka, inan guru ne yakka ramuashinnere chiki anak ne koro epakashnu guru korachi an kusu ne.
Koykar kur anakne kor epakasnu kur kasuno pase somo ne: korka, inan kur ne yakka ramuasinnere ciki anakne kor epakasnu kur koraci an kusu ne.
Yoannes 13.16-17 §118III
16 Son no, son no, echi otta Ku ye, koro nishpa kasu no anak usshiune guru anak ne pase shomo ne; samata, apostoro anak ne shinuma omande guru kasu no pase shomo ne ruwe ne.
Sonno, sonno, eci or ta Ku=ye, kor nispa kasuno anak ussiw ne kur anakne pase somo ne; sama ta, apostoro anakne sinuma omante kur kasuno pase somo ne ruwe ne.
17 Tap okai orushpe echi eraman wa nei no ki yakun echi anunuke an ruwe ne.
Tap okay oruspe eci=eraman wa néno ki yakun eci=a=nunuke an ruwe ne.
Yoannes 15.20A §139III
20 Ausshiune guru anak ne kon nishpa kasu no shomo ne ruwe ne. Utara anak ne En epokba yak anak ne, echi utara ne yakka aepokba kusu ne na; nei utara anak ne Ku ki itak shikkashima yak anak ne, echi ki itak ne yakka shikkashima kusu ne na.
aussiwne kur anakne kor nispa kasuno somo ne ruwe ne. Utar anakne En epokpa yakanak ne, eci utar ne yakka aepokpa kusu ne na; ne utar anakne Ku=ki itak sikkasima yakanak ne, eci=ki itak ne yakka sikkasima kusu ne na.
Mattaios 7.3-5 §51V
3 Orowa, nep gusu yaikota koro shikihi oshiketa an umanki-ni shomo nukara wa, iriwak shikihi otta an pana numi esanniyo ya?
Orowa, nep kusu yaykota kor sikihi oske ta an umanki-ni somo nukar wa, irwak sikihi or ta an pana numi esanniyo ya?
4 Samata, yaikota koro shikihi oshiketa umanki-ni an, aige, nekon ne wa koro iriwak otta, e koro shikihi oshiketa an pana numi en ukte yan, ani itak ya?
Sama ta, yaykota kor sikihi oske ta umanki-ni an, ayke, nekon ne wa kor irwak or ta, e=kor sikihi oske ta an pana numi en=ukte yan, ani itak ya?
5 Kankapkapeka guru, yaikota koro shikihi otta an umanki-ni hoshiki no oashinge, yakun, iriwak shikihi oshiketa an pana numi oashinge kuni gusu nukara eashkai nangon na.
kankapkapeka kur, yaykota kor sikihi or ta an umanki-ni hoskino oasinke, yakun, irwak sikihi oske ta an pana numi oasinke kuni kusu nukar easkay nankor na.
Roukos 6.41-42 §59V
41 Orowa, nep gusu yaikota koro shikihi otta an umanki-ni nukara shomoki no e iriwak shikihi oshiketa an pana e esanniyo ya?
Orowa, nep kusu yaykota kor sikihi or ta an umanki-ni nukar somo ki no e irwak sikihi oske ta an pana e esanniyo ya?
42 Naa samata, yaikota shikihi oshiketa an umanki-ni e nukara shomoki, aige, nekon a koro iriwak otta — Ku iriwak, e koro shikihi otta an pana en oashingere yan — ani itak ya? Kankapkapeka guru, yaikota shiki otta an umanki-ni hoshiki no oashinge, orowa no, iriwak shikihi otta an pana oashinge kuni ne irammakaka nukara eashkai nangon na.
Naa sama ta, yaykota sikihi oske ta an umanki-ni e nukar somo ki, ayke, nekona kor irwak or ta — Ku=irwak, e=kor sikihi or ta an pana en oasinkere yan — ani itak ya? Kankapkapeka kur, yaykota siki or ta an umanki-ni hoskino oasinke, orowano, irwak sikihi or ta an pana oasinke kuni ne irammakaka nukar easkay nankor na.
Mattaios 7.17-20 §58V
17 Anzami orowa no ichijiku uk ruwe he an? Tap ne korachi, nep pirika chikuni ne yakka pirika ibehe koro, koroka, wen chikuni anak ne wen ibehe hetukbare ruwe ne.
Ancami oro wano icijiku uk ruwe he an? Tapne koraci, nep pirka cikuni ne yakka pirka ipehe kor, korka, wen cikuni anakne wen ipehe hetukpare ruwe ne.
18 Pirika chikuni wen ibehe koro eaikap, wen chikuni pirika ibehe koro eaikap ruwe ne.
Pirka cikuni wen ipehe kor eaykap, wen cikuni pirka ipehe kor eaykap ruwe ne.
19 Nep chikuni ne yakka pirika ibehe hetukure shomoki chiki, aotuye wa abe orota aomare ruwe ne.
Nep cikuni ne yakka pirka ipehe hetukure somo ki ciki, a=otuye wa ape oro ta a=omare ruwe ne.
20 Tambe gusu, nei utara ene ikihi ani aeramu an ruwe tap an na.
Tanpe kusu, ne utar ene iki hi ani a=ermu an ruwe tapan na.
Roukos 6.43-44A §60V
43 Inambe gusu ne yakun, wen nikaop hetukure pirika chikuni isam; samata, pirika nikaop hetukure wen chikuni ka isam ruwe ne.
Inanpe kusu ne yakun, wen nikaop hetukure pirka cikuni isam; sama ta, pirka nikaop hetukure wen cikuni ka isam ruwe ne.
44 Nep chikuni ne yakka yaikota kashi o nikaop gusu aeramʼan. Aiush ni orowa no ichijiku nikaop auina shomoki; emauri ni orowa no utara anak ne hat uina shomoki ruwe ne.
Nep cikuni ne yakka yaykota kasi o nikaop kusu aeraman. Aiush ni oro wano icijiku nikaop awina somo ki; emawri ni oro wano utar anakne hat uyna somo ki ruwe ne.
Roukos 6.44B §61V
44 Nep chikuni ne yakka yaikota kashi o nikaop gusu aeramʼan. Aiush ni orowa no ichijiku nikaop auina shomoki; emauri ni orowa no utara anak ne hat uina shomoki ruwe ne.
Nep cikuni ne yakka yaykota kasi o nikaop kusu aeraman. Aiush ni oro wano icijiku nikaop awina somo ki; emawri ni oro wano utar anakne hat uyna somo ki ruwe ne.
Roukos 6.45 §62V
45 Pirika ainu anak ne keutum ta okai pirika ikoro orowa no pirikap sange ruwe ne; wen ainu anak ne wen ikoro orowa no wenbe sange ruwe ne; inambe gusu ne yakun, keutura ta nuye an no an-i wano paroho anak ne itak ruwe ne.
Pirka aynu anakne kewtum ta okay pirka i=kor oro wano pirka p sanke ruwe ne; wen aynu anakne wen i=kor oro wano wenpe sanke ruwe ne; inanpe kusu ne yakun, kewtura ta nuye an no an hi wano paroho anakne itak ruwe ne.
Mattaios 7.21 §59III
21 En otta Utarapa, Utarapa, ani ye guru anak ne pishno kando moshirʼotta ahup shomoki; ouse kando otta an Ku goro Michi irenga nei no ki guru patek ahun kusu ne na.
En or ta Utarpa, Utarpa, ani ye kur anakne pisno kanto mosir or ta ahup somo ki; owse kanto or ta an Ku=kor Mici irenka néno ki kur patek ahun kusu ne na.
Roukos 6.46 §63III
46 Orowa, echi utara anak ne Ku yep nei no shomo iki yakun, nep gusu Utarapa, Utarapa, ani En ye ya?
Orowa, eci utar anakne Ku yep néno somo iki yakun, nep kusu Utarpa, Utarpa, ani En=ye ya?
Yoannes 13.13 §116III
13 Echi utara anak ne Epakashnu guru ari an itak ani hene Utarapa ari an itak ani hene En ye: nei no ye katu anak ne pirikap ne; nei ambe Ku ne ruwe ne gusu ne na.
Eci utar anakne Epakasnu kur ari an itak ani hene Utarpa ari an itak ani hene En=ye: néno ye katu anakne pirka p ne; ne anpe Ku ne ruwe ne kusu ne na.
Mattaios 7.24-27 §61V
24 Tambe gusu, tap Ku ye itak nu wa nei no ki utara anak ne, watara kata koro chisei kara wayashnu guru ukoheraye ruwe ne:
Tanpe kusu, tap Ku=ye itak nu wa néno ki utar anakne, watara kata kor cise kar wayasnu kur ukoheraye ruwe ne:
25 apto ran, okimumbe san, rera rui wa nei chisei epeka yakka, horak shomoki ruwe ne: watara kata asama aande
apto ran, okimunpe san, rera ruy wa ne cise epeka yakka, horak somo ki ruwe ne: watara kata asama a=ante
26 wa an ruwe ne gusu ne na. Orowa, tap Ku ye itak nu wa nei no ki shomoki utara anak ne ota kata chisei kara ramu isam guru ukoheraye ruwe ne.
wa an ruwe ne kusu ne na. Orowa, tap Ku=ye itak nu wa néno ki somo ki utar anakne ota kata cise kar ramu isam kur ukoheraye ruwe ne.
27 Apto ran, okimumbe san, rera rui wa nei chisei epeka gusu horak; nei horak ambe anak ne poro ruwe tapan na.
Apto ran, okimunpe san, rera ruy wa ne cise epeka kusu horak; ne horak anpe anakne poro ruwe tapan na.
Roukos 6.47-49 §64V
47 Nen ne yakka En orun ek hine Ku ye itak nu wa nei no ki guru anak ne, nekon a ambe ukoheraye ya ani an ambe echi epakashnu ash na:
Nen ne yakka En=orun ek hine Ku=ye itak nu wa néno ki kur anakne, nekona anpe ukoheraye ya ani an anpe eci=epakasnu as na:
48 Nei ainu anak ne chisei kara guru koheraye ruwe ne, ooho pakno ouri wa watara kata asama ande ruwe ne: orowa, pe san wa wakka chiu hine nei chisei epeka yakka moimoigere eaikap: pirika no akara chisei ne ruwe ne gusu ne na.
Ne aynu anakne cise kar kur koheraye ruwe ne, ooho pakno owri wa watara kata asama ante ruwe ne: orowa, pe san wa wakka ciw hine ne cise epeka yakka moymoykere eaykap: pirkano a=kar cise ne ruwe ne kusu ne na.
49 Koroka, nu wa nei no ki shomoki gurʼanak ne asamaha sak no toi kata chisei kara guru koheraye ruwe ne; nei chisei epeka wakka chiu wa nani teike; aige, nei chisei awende-i anak poro nisa ruwe ne na.
Korka, nu wa néno ki somo ki kur anakne asamaha sak no toy kata cise kar kur koheraye ruwe ne; ne cise epeka wakka ciw wa nani teyke; ayke, ne cise awente hi anak poro nisa ruwe ne na.