Synopsis
Roukos 14.1-4 §176X
1 Orowa, Shinuma anak ne Shini toho ta aep ibe gusu Parisee un utara koro shine esapane guru kot chisei ta an, awa, utara anak Shinuma orun oshit-kurukote nisa ruwe ne.
Orowa, Sinuma anakne Sini toho ta aep ipe kusu Parisee un utar kor sine esapane kur kot cise ta an, awa, utar anak Sinuma orun osit-kurkot nisa ruwe ne.
2 Aige, ingarʼan, Shinuma kotchaketa suiki tashum ki shine ainu an.
Ayke, inkar=an, Sinuma kotcake ta suy ki tasum ki sine aynu an.
3 Orowa, Yesu ese wa kashpaotte pita utara newa Parisee un utara otta ene itak-hi :— Shini toho ta iwangere ki-i anak ne kashpaotte nei no an ambe ne ya? shomo ne ya? sekoro itak.
Orowa, Yesu ese wa kaspaotte pita utar newa Parisee un utar or ta ene itak hi :— Sini toho ta iwankere ki hi anakne kaspaotte néno an anpe ne ya? somo ne ya? sekor itak.
4 Koroka, nei utara mo no okai nisa ruwe ne. Orowa, Shinuma nei guru uk, aige, iwangere wa omande ruwe ne.
Korka, ne utar mo no okay nisa ruwe ne. Orowa, Sinuma ne kur uk, ayke, iwankere wa omante ruwe ne.
Mattaios 12.9-13 §116II
9 Orowa Shinuma nei oro ekohopi wa oman, aige, nei utara koro uwekari chisei ta ahun nisa ruwe ne:
Orowa Sinuma ne oro ekohopi wa oman, ayke, ne utar kor uekari cise ta ahun nisa ruwe ne:
10 awa, ingarʼan, oatteke shipeshte shine ainu an. Orowa, eiyonnuppa ika hunara rusui gusu utara uwepekennu wa otta ene itak-hi :— Shini toho ta iwangere ambe anak ikashpaotte an i korachi ne ruwe he an? ari itak ruwe ne.
awa, inkar=an, oattek sipeste sine aynu an. Orowa, eiyonnuppa ika hunara rusuy kusu utar uwepekennu wa or ta ene itak hi :— Sini toho ta iwankere anpe anak ikaspaotte an i koraci ne ruwe he an? ari itak ruwe ne.
11 Nei utara otta Shinuma ene itak-hi :— Echi utara tumugeta inan guru shine hitsuji chikoikip koro wa an wa nei ambe shini toho ta shui oro-oshma chiki kishima wa yange shomoki ya?
Ne utar or ta Sinuma ene itak hi :— Eci utar tumke ta inan kur sine hitsuji cikoykip kor wa an wa ne anpe sini toho ta suy oro-osma ciki kisma wa yanke somo ki ya?
12 Hitsuji kasu no ainu anak ne nep oro an-i aesanniyop humi! Tambe gusu shini toho ta pirikap ki ambe anak ne pirikap an i ne ruwe ne na, ari itak.
hitsuji kasuno aynu anakne nep oro an hi aesanniyop humi! Tanpe kusu sini toho ta pirka p ki anpe anakne pirka p an i ne ruwe ne na, ari itak.
13 Orowa, nei ainu otta :— E teke turi yan, ani Shinuma ye. Orowa, aturi, aige, moshima an ambe korachi atumashnure nisa ruwe ne.
Orowa, ne aynu or ta :— E teke turi yan, ani Sinuma ye. Orowa, a=turi, ayke, mosma an anpe koraci atumasnure nisa ruwe ne.
Markos 2.27-3.5 §25II
27 Orota shui Shinuma ene itak hi :— Shini toho anak ne ainu gusu akarape ne, ainu anak ne Shini toho gusu akarape shomo ne ruwe ne; tambe gusu,
Oro ta suy Sinuma ene itak hi :— Sini toho anakne aynu kusu a=karpe ne, aynu anakne Sini toho kusu a=karpe somo ne ruwe ne; tanpe kusu,
28 Ainu Poho anak ne Shini toho poka enishpane ruwe ne na.
Aynu Poho anakne Sini toho poka enispane ruwe ne na.
3:1 Orowa, shui Shinuma Uwekarapa chisei orun ahun; awa nei ita teke shipeshte guru shinen an wa an.
Orowa, suy Sinuma Uekarpa cise orun ahun; awa ne hi ta teke sipeste kur sinen an wa an.
2 Aige, utara anak ne Shinuma eiyonnupba kuni ikkewe kon rusui gusu Shini toho ta shinuma iwangere kusu ne ya nukara gusu orun oshitkurukote nisa ruwe ne.
Ayke, utar anakne Sinuma eiyonnuppa kuni ikkewe kor rusuy kusu Sini toho ta sinuma iwankere kusu ne ya nukar kusu orun ositkurukote nisa ruwe ne.
3 Orowa, Shinuma teke shipeshte guru otta, — Utara tumugeta ash yan, ari itak.
Orowa, Sinuma teke sipeste kur or ta, — Utar tumke ta as yan, ari itak.
4 Aige, utara otta Shinuma ene itak-hi :— Shini toho ta pirikap ki hene wenbe ki hene, ramat shiknure hene raige hene iki katu inambe ikashpaotte uweomarepe ne ruwe he an?
Ayke, utar or ta Sinuma ene itak hi :— Sini toho ta pirka p ki hene wenpe ki hene, ramat siknure hene rayke hene iki katu inanpe ikaspaotte uweomarepe ne ruwe he an?
5 Koroka, nei utara mo no okai ruwe ne. Orowa, Shinuma nei utara sambe nishte wa gusu yairamkoiki hine irushka wa orun ekeshne ingara koro, nei ainu otta, — E teke turi yan, ari itak. Orowa koro teke turi, aige, atumashnure nisa ruwe ne.
Korka, ne utar mo no okay ruwe ne. Orowa, Sinuma ne utar sanpe niste wa kusu yayramkoyki hine iruska wa orun ekesne inkar kor, ne aynu or ta, — E teke turi yan, ari itak. Orowa kor teke turi, ayke, atumasnure nisa ruwe ne.
Roukos 14.5-6 §177II
5 Orowa, nei okai utara otta Shinuma ene itak-hi :— Echi utara tumugeta inan guru ka koro roba hene beko hene shimpui otta hachiri yakun Shini toho ta nani nei ambe yange shomoki ya? ani itak.
Orowa, ne okay utar or ta Sinuma ene itak hi :— Eci utar tumke ta inan kur ka kor ropa hene peko hene sinpuy or ta hacir yakun Sini toho ta nani ne anpe yanke somo ki ya? ani itak.
6 Orowa, shui nei utara tap okai itakbe gusu ese ki eaikap nisa ruwe ne.
Orowa, suy ne utar tap okay itak pe kusu ese ki eaykap nisa ruwe ne.
Roukos 14.7-10 §178X
7 Orowa, nei ita ahotuyepakara utara anak ne iyotta sapane okai set numge shiri Yesu esanniyo chiki, otta shine itak-maukushte-itak ye wa ene itak-hi :—
Orowa, ne hi ta ahotuyepakara utar anakne iyotta sapane okay set numke siri Yesu esanniyo ciki, or ta sine itak-mawkuste-itak ye wa ene itak hi :—
8 Nen ka shuke iwai otta eani hotuyekara chiki iyotta sapane set otta iteki rok yan; inambe gusu ne yakun, eani kasu no aeoripak an guru ahotuyekara,
Nen ka suke iway or ta eani hotuyekar ciki iyotta sapane set or ta iteki rok yan; inanpe kusu ne yakun, eani kasuno a=eoripak an kur a=hotuyekar,
9 aige, nei guru hemhem eani hemhem hotuyekara guru e otta ek wa ene itak-hi :— Oyakta oman, tan guru rokte yan, sekoro itak: orowa no, eani anak ne yainikoroshma wa iyotta rata an ushiketa a kusu ne.
ayke, ne kur hemhem eani hemhem hotuyekar kur e or ta ek wa ene itak hi :— Oyak ta oman, tan kur rokte yan, sekor itak: orowano, eani anakne yaynikorosma wa iyotta rata an uske ta a kusu ne.
10 Koroka, eani ahotuyekara chiki e oman wa iyotta rata an ushiketa a yan; orowa no, e hotuyekara guru ek wa e otta ene itak-hi :— Ikatairotke guru, naa sapane ushike un ek wa en kore, ani itak; yak ne ibe gusu rok utara kotchaketa aeoripak an kusu ne na.
Korka, eani a=hotuyekar ciki e oman wa iyotta rata an uske ta a yan; orowano, e hotuyekar kur ek wa e or ta ene itak hi :— Ikatairotke kur, naa sapane usike un ek wa en=kore, ani itak; yakne ipe kusu rok utar kotcake ta a=eoripak an kusu ne na.
Roukos 14.11 §179V
11 Inambe gusu ne yakun, nen ne yakka yaikota yairikande gurʼanak ne aramde kusu ne; orowa, yaikota yairamde gurʼanak ne arikta ande kusu ne na.
Inanpe kusu ne yakun, nen ne yakka yaykota yayrikante kur anakne a=ramte kusu ne; orowa, yaykota yayramte kur anakne a=rikta ante kusu ne na.
Roukos 14.12-15 §180X
12 Samata, ibe gusu Shinuma hotuyekara guru otta ne yakka ene itak-hi :— Tokap ibe hene, tunne ibe hene, e kara chiki, e ikatairotke utara hemhem, iriwak hemhem, apaha utara hemhem, aota un oteknu utara hemhem, iteki hotuyepakara yan: nei utara hotuyepakara chiki, shui aokai ahotuyekara wa ayaiyattasa an kusu ne na.
Sama ta, ipe kusu Sinuma hotuyekar kur or ta ne yakka ene itak hi :— Tokap ipe hene, tunne ipe hene, e kar ciki, e ikatayrotke utar hemhem, irwak hemhem, apaha utar hemhem, a=o ta un oteknu utar hemhem, iteki hotuyepakara yan: ne utar hotuyepakara ciki, suy aokay a=hotuyekar wa ayaiyattasa an kusu ne na.
13 Koroka, marapto e kara chiki, otek-sak utara hemhem, hera utara hemhem, yaiewen utara hemhem, shiknak utara hemhem hotuyepakara yan;
Korka, marapto e kar ciki, otek-sak utar hemhem, her utar hemhem, yayewen utar hemhem, siknak utar hemhem hotuyepakara yan;
14 yak anak ne aokai anunuke an kusu ne; inambe gusu ne yakun, nei utara anak ne eani gusu yaiyattasa eaikap: orowa, oupeka utara hetopo-shiknu ita, eani aeyaiyattasa an kusu ne gusu ne na.
yakanak ne aokay a=nunuke an kusu ne; inanpe kusu ne yakun, ne utar anakne eani kusu yaiyattasa eaykap: orowa, owpeka utar hetopo-siknu hi ta, eani aeyaiyattasa an kusu ne kusu ne na.
15 Orowa no, ibe gusu tura no rok utara un shine ainu anak ne tap okaibe nu chiki, Shinuma orota ene itak-hi :— Kamui moshiri ta aep ibe kusu ne guru anak anunuke ne ruwe ne.
Orowano, ipe kusu turano rok utar un sine aynu anakne tap okaype nu ciki, Sinuma oro ta ene itak hi :— Kamuy mosir ta aep ipe kusu ne kur anak a=nunuke ne ruwe ne.
Mattaios 22.1-10 §221V
1 Orowa, Yesu ese wa shui itak-maukushte itak ani nei utara otta ene ye-hi :—
Orowa, Yesu ese wa suy itak-mawkuste itak ani ne utar or ta ene ye hi :—
2 Kando moshiri anak ne
Kanto mosir anakne
3 koro poho gusu shuke iwai kara moshiri esapane guru koheraye ruwe ne, nei marapto otta araki kuni ahotuyepakara utara tak gusu ausshiunere utara payere ruwe ne: koroka, araki nukuri nisa ruwe ne.
kor poho kusu suke iway kar mosir esapane kur koheraye ruwe ne, ne marapto or ta arki kuni ahotuyepakara utar tak kusu aussiwnere utar payere ruwe ne: korka, arki nukuri nisa ruwe ne.
4 Shui, Shinuma moshima okai ausshiunere utara payere wa ene itak-hi :— Ingarʼan, kuani ku marapto etokooiki okere: ku beko hemhem mimush chikoikip hemhem aronnu, nep ne yakka etoko-a-oiki an okere: shuke iwai orota araki yan, ari ahotuyepakara utara otta itak yan, ani ye.
Suy, Sinuma mosma okay aussiwnere utar payere wa ene itak hi :— Inkar=an, kuani ku=marapto etokooyki okere: ku=peko hemhem mimus cikoykip hemhem a=ronnu, nep ne yakka etoko-a-oyki an okere: suke iway oro ta arki yan, ari ahotuyepakara utar or ta itak yan, ani ye.
5 Koroka, nei utara anak ne nei ambe isaika no esanniyo wa paye, kot toi otta oman guru an, iraugetupa gusu oman guru ka an,
Korka, ne utar anakne ne anpe isayka no esanniyo wa paye, kot toy or ta oman kur an, irawketupa kusu oman kur ka an,
6 orowa, moshima okai utara nei ausshiunere utara kishima wa wen no epeka hine ronnu nisa ruwe ne.
orowa, mosma okay utar ne aussiwnere utar kisma wa wenno epeka hine ronnu nisa ruwe ne.
7 Koroka, moshiri esapane guru irushka wa tumi-koro topaha payere wa nei teuk utara isamka yara, orowa, koro machiya uhuyekare nisa ruwe ne.
Korka, mosir esapane kur iruska wa tumi-kor topaha payere wa ne teuk utar isamka yara, orowa, kor maciya uhuyekare nisa ruwe ne.
8 Orowa, koro usshiunere utara otta ene ye-hi :— Shuke iwai anak ne etoko-a-oiki an okere, koroka, orota ahotuyepakara utara araki kuni upak utara shomo ne ruwe ne.
Orowa, kor ussiwnere utar or ta ene ye hi :— Suke iway anakne etoko-a-oyki an okere, korka, oro ta ahotuyepakara utar arki kuni upak utar somo ne ruwe ne.
9 Tambe gusu, ru eukopi ushita paye wa nen ne yakka echi nukara guru obitta shuke iwai otta tak yan.
Tanpe kusu, ru ewkopi usi ta paye wa nen ne yakka eci=nukar kur opitta suke iway or ta tak yan.
10 Orowa, nei ausshiunere utara ru orun paye wa nen ne yakka nukara guru, pirika guru hene wen guru hene uwekarapare: aige, marapto urokte utara inne nisa
Orowa, ne aussiwnere utar ru orun paye wa nen ne yakka nukar kur, pirka kur hene wenkur hene uwekarpare: ayke, marapto urokte utar inne nisa
Roukos 14.16-24 §181V
16 Koroka, orota Yesu ene itak-hi :— Poro marapto kara wa inne utara ahupte kuni shine ainu an;
Korka, oro ta Yesu ene itak hi :— Poro marapto kar wa inne utar ahupte kuni sine aynu an;
17 awa, nei marapto shipini aokere chiki otta araki kuni aeahupte utara otta koro uitek guru omande wa ene itakte-hi :— Araki yan; tane marapto etokoaoiki wa an na, ani itakte.
awa, ne marapto sipini a=okere ciki or ta arki kuni aeahupte utar or ta kor uytek kur omante wa ene itakte hi :— Arki yan; tane marapto etokoaoyki wa an na, ani itakte.
18 Orowa, utara obitta shine ikinne yaiunashke heashi ruwe ne. Orota hoshiiki no an guru anak ne :— Kuani anak toi ku hok, awa, ku oman wa nei ambe ku nukara kusu ne ap, nekon ka newa shomo ku ek kuni yaiunashke ku ki na, ani itak.
Orowa, utar opitta sine ikinne yayunaske heasi ruwe ne. Oro ta hoskino an kur anakne :— Kuani anak toy ku=hok, awa, ku=oman wa ne anpe ku=nukar kusu ne ap, nekon ka newa somo ku=ek kuni yayunaske ku=ki na, ani itak.
19 Orowa, moshima an guru ene itak-hi :— Kuani anak ne ashikne tup range beko ku hok, awa, nei ambe uwande kuni gusu ku oman kusu ne na: nekon ka newa shomo ku ek kuni yaiunashke ku ki na, ari itak.
Orowa, mosma an kur ene itak hi :— Kuani anakne asikne tup ranke peko ku=hok, awa, ne anpe uwante kuni kusu ku=oman kusu ne na: nekon ka newa somo ku=ek kuni yayunaske ku=ki na, ari itak.
20 Orowa, moshima an guru ene itak-hi :— Kuani anak ne machi ku ahupkara nisa, tambe gusu ek eaikap ruwe ne, sekoro itak.
Orowa, mosma an kur ene itak hi :— Kuani anakne maci ku=ahupkar nisa, tanpe kusu ek eaykap ruwe ne, sekor itak.
21 Orowa no, nei uitek guru ek wa tap orushpe kon nishpa nure nisa ruwe ne na. Tata otta chisei kon nishpa irushka wa koro uitek guru otta ene itak-hi :— Tunashi no machiya un para ru otta newa hutne ru otta e oman wa irapokkari utara hemhem, yaiewen utara hemhem, shiknak utara hemhem, hera utara hemhem eteun tura yan, ari itak.
Orowano, ne uytek kur ek wa tap oruspe kor nispa nure nisa ruwe ne na. Tata or ta cise kor nispa iruska wa kor uytek kur or ta ene itak hi :— Tunasno maciya un para ru or ta newa hutne ru or ta e oman wa irapokkari utar hemhem, yayewen utar hemhem, siknak utar hemhem, her utar hemhem eteun tura yan, ari itak.
22 Orowa no, uitek guru ene itak-hi :— E ikashpaotte korachi aki na, yakka ushike an ruwe ne, ani itak.
Orowano, uytek kur ene itak hi :— E ikaspaotte koraci aki na, yakka usike an ruwe ne, ani itak.
23 Orota kon nishpa ene itak-hi :— Ku kot chisei aeshikte kuni gusu para ru otta hene, ankura an ushike otta hene, e oman wa utara ahup kuni ne ki yan,
Oro ta kor nispa ene itak hi :— Ku=kot cise a=esikte kuni kusu para ru or ta hene, ankura an usike or ta hene, e oman wa utar ahup kuni ne ki yan,
24 inambe gusu ne yakun, e otta Ku ye, marapto otta aeahupte kuni aye utara shinen ka nei marapto sapke shomoki kusu ne na, sekoro itak.
inanpe kusu ne yakun, e or ta Ku=ye, marapto or ta aeahupte kuni a=ye utar sinen ka ne marapto sapke somo ki kusu ne na, sekor itak.
Mattaios 10.37-38 §96V
37 En akkari koro michi hene koro habo hene kasu no ko-omap gurʼanak ne, En ko-oripak shomoki ruwe ne; orowa, En akkari koro okkai poho hene matne po hene kasu no koomap gurʼanak ne, En ko-oripak shomoki gunʼne.
En=akkari kor mici hene kor hapo hene kasuno ko-omap kur anakne, En=ko-oripak somo ki ruwe ne; orowa, En=akkari kor okkay poho hene matnepo hene kasuno koomap kur anakne, En=ko-oripak somo ki kunne.
38 Orowa, koro utasap uk wa En osh shomo ek gurʼanak ne En ko-oripak shomoki guru ne ruwe ne.
Orowa, kor utasa p uk wa En=os somo ek kur anakne En=ko-oripak somo ki kur ne ruwe ne.
Roukos 14.25-27 §182V
25 Orowa, inne topaha utara Shinuma tura no paye:
Orowa, inne topaha utar Sinuma turano paye:
26 aige, Shinuma hosari wa otta ene itak-hi :— En orun ek guru anak ne yaikota koro ona hemhem, unu hemhem, po utara hemhem, okkai ainu iriwak hemhem, matne ainu iriwak hemhem, samata, yaikota kon ramat etunne shomoki chiki, En koikara guru ne eaikap ruwe ne.
ayke, Sinuma hosari wa or ta ene itak hi :— En=orun ek kur anakne yaykota kor ona hemhem, unu hemhem, po utar hemhem, okkay aynu irwak hemhem, matne aynu irwak hemhem, sama ta, yaykota kor ramat etunne somo ki ciki, En=koykar kur ne eaykap ruwe ne.
27 Nen ne yakka yaikota toro utasap ani wa En osh ek shomoki gurʼanak ne En koikara guru ne eaikap ruwe ne.
Nen ne yakka yaykota tor utasa p ani wa En=os ek somo ki kur anakne En=koykar kur ne eaykap ruwe ne.
Roukos 14.28-32 §183X
28 Echi utara tumuge an inan guru ka shiruwe chisei kara kusu ne kuni ramu yak anak ne, hoshiki no a wa kara gusu okaibe upak an ya shomo ya nukara kuni ne nei atayehe esanniyo shomoki ya? shomo ne chiki,
Eci utar tumuke an inan kur ka siruwe cise kar kusu ne kuni ramu yakanak ne, hoskino a wa kar kusu okaype upak an ya somo ya nukar kuni ne ne atayehe esanniyo somo ki ya? somo ne ciki,
29 asama aande wa nei chisei kara okere eaikap shiri nukara utara obitta shinuma orun eoya-itak heashi wa ene ye-hi :—
asama a=ante wa ne cise kar okere eaykap siri nukar utar opitta sinuma orun e=oya-itak heasi wa ene ye hi :—
30 Tan guru anak ne chisei kara heashi, koroka, okere eaikapbe, ani ye.
Tan kur anakne cise kar heasi, korka, okere eaykap pe, ani ye.
31 Samata, inan Moshiri shikkashima guru anak ne paye wa moshima okai Moshiri shikkashima guru tura kotumi koro chiki, hoshiki no rok wa shine ichi man nin ne ainu ani kotumi koro gusu ek tu ichi man nin ne ainu ukotumi koro eashkai ya shomo ya ukoramkoro shomoki ya?
Sama ta, inan Mosir sikkasima kur anakne paye wa mosma okay Mosir sikkasima kur tura kotumi kor ciki, hoskino rok wa sine ici man nin ne aynu ani kotumi kor kusu ek tu ici man nin ne aynu ukotumi kor easkay ya somo ya ukoramkor somo ki ya?
32 Shomo ne yakun, Shinuma naa ehangeko no an rapoketa itomo koramkoro kuni ne utara payere ruwe ne.
Somo ne yakun, Sinuma naa e=hankeko no an rapoketa i=tom koramkor kuni ne utar payere ruwe ne.
Mattaios 10.37-38 §96V
37 En akkari koro michi hene koro habo hene kasu no ko-omap gurʼanak ne, En ko-oripak shomoki ruwe ne; orowa, En akkari koro okkai poho hene matne po hene kasu no koomap gurʼanak ne, En ko-oripak shomoki gunʼne.
En=akkari kor mici hene kor hapo hene kasuno ko-omap kur anakne, En=ko-oripak somo ki ruwe ne; orowa, En=akkari kor okkay poho hene matnepo hene kasuno koomap kur anakne, En=ko-oripak somo ki kunne.
38 Orowa, koro utasap uk wa En osh shomo ek gurʼanak ne En ko-oripak shomoki guru ne ruwe ne.
Orowa, kor utasa p uk wa En=os somo ek kur anakne En=ko-oripak somo ki kur ne ruwe ne.
Roukos 14.33 §184V
33 Tambe gusu, tap korachi echi utara tumuge an nen ne yakka obitta no okai yaikota korobe emaka shomoki yakun, En koikara guru ne eaikapbe ne ruwe ne.
Tanpe kusu, tap koraci eci utar tumuke an nen ne yakka opittano okay yaykota kor pe emaka somo ki yakun, En=koykar kur ne eaykap pe ne ruwe ne.
Mattaios 5.13 §31II
13 Echi okai utara anak ne toitoi shippo ne ruwe ne: koroka, shippo anak ne koro mawehe turainu chiki hemanda ani tu shui nei mawehe aomare ruwe he an? nei no an shippo aeiwange ushike ka isam, soita aosura wa ainu orowa no aotereke kuni patek an raka an ruwe ne.
Eci=okay utar anakne toytoy sippo ne ruwe ne: korka, sippo anakne kor mawehe turaynu ciki hemanta ani tu suy ne mawehe a=omare ruwe he an? néno an sippo aeywanke usike ka isam, soy ta a=osura wa aynu oro wano a=oterke kuni patek an raka an ruwe ne.
Markos 9.50 §102II
Roukos 14.34-35 §185II
34 Tambe gusu, shippo anak ne pirika ruwe ne: koroka, shippo ne yakka pan ne chiki nepi ani
Tanpe kusu, sippo anakne pirka ruwe ne: korka, sippo ne yakka pan ne ciki nep ani
35 mawehe aomare ya? Toi gusu ne yakka tuimamindara gusu ne yakka raka isambe ne ruwe ne: nei ambe soita osura ruwe ne. Nu kuni kisara koro guru nu yan.
mawehe a=omare ya? Toy kusu ne yakka tuymamintara kusu ne yakka raka i=sanpe ne ruwe ne: ne anpe soy ta osura ruwe ne. Nu kuni kisara kor kur nu yan.