Synopsis
Mattaios 18.6-7 §179II
6 koroka, En eishokoro wa an shine pon guru epetchiure guru an chiki, nei guru poro shuma-nishu rekuchi aunu wa ooho atui otta arende-i anak, nei guru gusu pirika ruwe ne.
korka, En=eysokor wa an sine pon kur epetciwre kur an ciki, ne kur poro suma-nisu rekuci a=wn wa ooho atuy or ta arente hi anak, ne kur kusu pirka ruwe ne.
7 Epetchiure-i an gusu moshiri yaisambepokash humi; inambe gusu ne yakun, epetchiure-i anak ne ek gusu ne ap ruwe ne; koroka, gusu epetchiure ambe hetuku guru yaisambepokash ruwe ne.
epetciwre hi an kusu mosir yaysanpepokas humi; inanpe kusu ne yakun, epetciwre hi anakne ek kusu ne ap ruwe ne; korka, kusu epetciwre anpe hetuku kur yaysanpepokas ruwe ne.
Markos 9.42 §99II
42 Orowa, nen ne yakka tap okai En eishokoro pon guru shinen ure-epetchiure gurʼanak ne, nei guru koro rekuchi otta poro shumanishu aunu wa atui otta aeyapkiri katu nei guru gusu kasu no pirika ruwe ne.
Orowa, nen ne yakka tap okay En=eysokor pon kur sinen ure-epetciwre kur anakne, ne kur kor rekuci or ta poro sumanisu a=wn wa atuy or ta a=eyapkir katu ne kur kusu kasuno pirka ruwe ne.
Roukos 17.1-2 §197II
1 Orowa, Shinuma anak ne koro koikara utara otta ene itak-hi :— Epetchiurep shomo ek katu anak ne aeaikapbe ne ruwe ne: koroka, nei ambe ekte guru anak ne aeyaisambepokash humi!
Orowa, Sinuma anakne kor koykar utar or ta ene itak hi :— Epetchiurep somo ek katu anakne aeaykappe ne ruwe ne: korka, ne anpe ekte kur anakne aeyaysanpepokas humi!
2 Nei guru anak teda okai nokan utara un shinen epetchiure kasu no, shinuma rekuchi otta shuma-nishu aunu hine atui otta aeyapkiri-i anak nei guru gusu naa pirika ruwe ne.
Ne kur anak teta okay nokan utar un sinen epetciwre kasuno, sinuma rekuci or ta suma-nisu a=wn hine atuy or ta a=eyapkir hi anakne kur kusu naa pirka ruwe ne.
Mattaios 18.15 §183V
15 Orowa, e koro iriwak anak ne e epeka no chikokatpak an chiki, e oman wa tun patek echi an ita otta nure; e ye itak nu chiki, eani anak ne koro iriwak epirika ruwe ne.
Orowa, e=kor irwak anakne e epeka no ci=kokatpak an ciki, e oman wa tun patek eci=an hi ta or ta nure; e ye itak nu ciki, eani anakne kor irwak e=pirka ruwe ne.
Roukos 17.3AB §198V
3 Echi yaitubare yan: e koro ainu iriwak katpak ki chiki kopao yan; orowa, shinuma yaikokatpak yakun tusare yan.
Eci=yaytupare yan: e=kor aynu irwak katpak ki ciki kopao yan; orowa, sinuma yaykokatpak yakun tusare yan.
Mattaios 18.21-22 §187V
21 Orowa, Petros ek wa shinuma otta ene itak-hi :— Utarapa, En epeka no ku iriwak anak ne katpak ki chiki, hembak shui ku tusare kusu ne ya? arawan shui pakno kusu ne ya? sekoro itak.
Orowa, Petros ek wa sinuma or ta ene itak hi :— Utarpa, En=epeka no ku=irwak anakne katpak ki ciki, henpak suy ku=tusare kusu ne ya? arwan suy pakno kusu ne ya? sekor itak.
22 Orota Yesu ene itak-hi :— Arawan shui pakno tusare yan sekoro Ku ye shomoki, koroka, arawan shui ikashima wan e ine hotne shui pakno ki yan, sekoro Ku ye ruwe ne.
Oro ta Yesu ene itak hi :— Arwan suy pakno tusare yan sekor Ku=ye somo ki, korka, arwan suy ikasma wan e ine hotne suy pakno ki yan, sekor Ku=ye ruwe ne.
Roukos 17.3C-4 §199V
3 Echi yaitubare yan: e koro ainu iriwak katpak ki chiki kopao yan; orowa, shinuma yaikokatpak yakun tusare yan.
Eci=yaytupare yan: e=kor aynu irwak katpak ki ciki kopao yan; orowa, sinuma yaykokatpak yakun tusare yan.
4 Shine to ta arawan shuine e epeka katpak ki wa arawan shuine e otta hoshipi hine :— Ku yaikokatpak ruwe ne, ani itak yakun, shinuma tusare yan.
Sine to ta arwan suyne e epeka katpak ki wa arwan suyne e or ta hosipi hine :— Ku=yaykokatpak ruwe ne, ani itak yakun, sinuma tusare yan.
Mattaios 17.19-21 §175V
19 Orowa, koikara utara arorokishne no Yesu otta araki wa, Hemanda gusu chi utara nei ambe oashinge eaikap ruwe he an, ari itak.
Orowa, koykar utar arorkisneno Yesu or ta arki wa, Hemanta kusu ci utar ne anpe oasinke eaykap ruwe he an, ari itak.
20 Orota Shinuma ene itak-hi :— Echi eishokor-i pon ruwe ne gusu ruwe ne: son no echi otta Ku ye, karashi piyehe pakno eishokor-i echi koro chiki, tan nupuri otta ne yakka, toani un oman yan ani itak yakun oman kusu ne;
Oro ta Sinuma ene itak hi :— Eci=eysokor hi pon ruwe ne kusu ruwe ne: sonno eci or ta Ku=ye, karasi piyehe pakno eysokor hi eci=kor ciki, tan nupuri or ta ne yakka, toan un oman yan ani itak yakun oman kusu ne;
21 orowa, echi ki eaikapbe oara isam kusu ne na.
orowa, eci=ki eaykap pe oar isam kusu ne na.
Roukos 17.5-6 §200V
5 Orowa, Apostoro utara anak ne Utarapa otta ene itak-hi :— Chikoro eishokor-i naa porore wa
Orowa, Apostoro utar anakne Utarpa or ta ene itak hi :— Ci=kor eysokor hi naa porore wa
6 un kore, ari itak. Orowa, Utarapa ene itak-hi :— Karashi piyehe pakno an eishokor-i echi koro yakun, tan sikaminos chikuni otta :— Eani arishpa wa atui oshiketa aetoita yan, ani an itak ani ye yakun, nei ambe echi ye itak nu kusu ruwe ne.
un kore, ari itak. Orowa, Utarpa ene itak hi :— Karashi piyehe pakno an eysokor hi eci=kor yakun, tan sikaminos cikuni or ta :— Eani a=rispa wa atuy oske ta aetoyta yan, ani an itak ani ye yakun, ne anpe eci=ye itak nu kusu ruwe ne.
Roukos 17.7-19 §201X
7 Koroka, echi tumugeta inan guru toipushup koro hene ki, hitsuji chikoikip reshpa hene ki usshiune guru koro hine, nei guru okim un san wa ek chiki, shinuma orota :— Nani ek wa ibe gusu a yan ani ye guru anak nen ne ruwe?
Korka, eci=tumke ta inan kur toypusup kor hene ki, hitsuji cikoykip respa hene ki ussiw ne kur kor hine, ne kur okimun san wa ek ciki, sinuma oro ta :— Nani ek wa ipe kusu a yan ani ye kur anak nen ne ruwe?
8 koroka, shomo nei no ki wa shinuma otta ene itak-hi :— Ku ibe kuni aep etokooiki yan, orowa no kut koro wa ku ibe hemhem ki, iku hemhem ki eramushinne pakno en otta yaishieiwangere yan: orowa, okaketa eani ne yakka ibe hemhem ki, iku hemhem ki kusu ne, ani an itak ani shinuma otta ye shomoki ya?
korka, somo néno ki wa sinuma or ta ene itak hi :— Ku=ipe kuni aep etokooyki yan, orowano kut kor wa ku=ipe hemhem ki, iku hemhem ki eramusinne pakno en or ta yaysieywankere yan: orowa, okake ta eani ne yakka ipe hemhem ki, iku hemhem ki kusu ne, ani an itak ani sinuma or ta ye somo ki ya?
9 Koro usshiune guru anak ne akashpaotte nei no ki gusu otta shinuma koyaiiraige ya?
Kor ussiw ne kur anakne a=kaspaotte néno ki kusu or ta sinuma koyayirayke ya?
10 Tambe korachi echi utara ne yakka echi ki kuni gusu aeikashpaotte wa an okaibe obitta echi ki okere chiki :— Chi utara anak ne raka isam usshiune utara chi ne; chi ki kusu ne kuni an okaibe chi ki nisa ruwe ne ani an itak ani ye yan.
Tanpe koraci eci utar ne yakka eci=ki kuni kusu a=ekaspaotte wa an okaype opitta eci=ki okere ciki :— Ci utar anakne raka isam ussiw ne utar ci ne; ci ki kusu ne kuni an okaype ci ki nisa ruwe ne ani an itak ani ye yan.
11 Orowa, nei utara Yerusarem kotan orun payekai korʼan ita anak ne, Shinuma Samaria moshiri newa Gariraya moshiri tumuge kush wa an nisa ruwe ne na.
Orowa, ne utar Yerusarem kotan orun payekay kor an hi ta anakne, Sinuma Samaria mosir newa Gariraya mosir tumuke kus wa an nisa ruwe ne na.
12 Awa, shine kotan ahun ita tuima no an ushiketa roshki wa okai munin tashum ki utara wa niu Shinuma etunangara:
Awa, sine kotan ahun hi ta tuymano an uske ta roski wa okay munin tasum ki utar wa niw Sinuma etunankar:
13 aige, nei utara hawe ashte wa ene itak-hi :— Yesu, Nishpa, un erampokiwen wa un kore, ari itak.
ayke, ne utar hawe aste wa ene itak hi :— Yesu, Nispa, un eranpokiwen wa un kore, ari itak.
14 Shinuma nei utara nukara chiki, orota ene itak-hi :— Echi paye wa Kamui kora kenru esapane utara otta yainukare yan, ani itak. Orowa, nei utara paye rapoketa, aashkannere nisa ruwe ne.
Sinuma ne utar nukar ciki, oro ta ene itak hi :— Eci=paye wa Kamuy kor kenru esapane utar or ta yaynukare yan, ani itak. Orowa, ne utar paye rapoketa, aaskannere nisa ruwe ne.
15 Orowa, nei utara tumugeta an shinen anak ne yaikota iwange no an shiri nukara chiki, rui hau ani Kamui iramye wa hoshipi nisa ruwe ne;
Orowa, ne utar tumke ta an sinen anakne yaykota iwanke no an siri nukar ciki, ruy haw ani Kamuy iramye wa hosipi nisa ruwe ne;
16 aige, Shinuma chikiri samaketa nanu shiri kata kamure wa otta koyaiiraige ki: nei guru anak ne Samaria moshiri un gunʼne ruwe ne. Orowa,
ayke, Sinuma cikiri samake ta nanu siri kata kamure wa or ta koyayirayke ki: ne kur anakne Samaria mosir un kunne ruwe ne. Orowa,
17 Yesu ese wa ene itak-hi :— Aashkannere utara anak ne wa niu shomo ne ya? Koroka, nei okai shinepesan niu neita okai ruwe he an?
Yesu ese wa ene itak hi :— Aashkannere utar anakne wa niw somo ne ya? Korka, ne okay sinepesan niw ney ta okay ruwe he an?
18 Tan oya un guru moshima hoshipi wa Kamui iramye guru isam ruwe?
Tan oya un kur mosma hosipi wa Kamuy iramye kur isam ruwe?
19 Orowa, nei guru otta Shinuma ene itak-hi :— Hopuni wa oman: e koro eishokor-i anak e iwangere nisa ruwe ne na, sekoro itak.
Orowa, ne kur or ta Sinuma ene itak hi :— Hopuni wa oman: e=kor eysokor hi anak e iwankere nisa ruwe ne na, sekor itak.
Mattaios 24.25-26 §255V
25 Ingarʼan, etoko wano tap echi nure ash na. Tambe gusu, shinuma anak ne nupuri kata an sekoro nei utara echi otta ye chiki:
Inkar=an, etoko wano tap eci=nure as na. Tanpe kusu, sinuma anakne nupuri kata an sekor ne utar eci or ta ye ciki:
26 iteki paye: orowa, ingarʼan, chisei onnaigeta an tumbu ta an, sekoro echi otta ye chiki, iteki eishokoro yan.
iteki paye: orowa, inkar=an, cise onnayke ta an tumpu ta an, sekor eci or ta ye ciki, iteki eysokor yan.
Roukos 17.20-21 §202V
20 Orowa, Kamui moshiri hembara ek kuni orushpe Parisee un utara Shinuma otta nu ita anak ne otta ene itak-hi :— Kamui moshiri anak ne aoshitkurukote no ek shomoki:
Orowa, Kamuy mosir henpara ek kuni oruspe Parisee un utar Sinuma or ta nu hi ta anakne or ta ene itak hi :— Kamuy mosir anakne aositkurukote no ek somo ki:
21 shui, teda an, toada an, ani an itak ani aye shomoki! Ingara, Kamui moshiri anak ne echi tumugeta an ruwe ne.
suy, teta an, toata an, ani an itak ani a=ye somo ki! Inkar, Kamuy mosir anakne eci=tumke ta an ruwe ne.
Roukos 17.22 §203X
22 Orowa, koro koikara utara otta Shinuma ene itakhi :— Echi utara anak ne Ainu Poho toho shinep echi nukan rusui toho ek kusu ne, koroka, echi nukara shomoki kusu ne na.
Orowa, kor koykar utar or ta Sinuma ene itak hi :— Eci utar anakne Aynu Poho toho sinep eci=nukar rusuy toho ek kusu ne, korka, eci=nukar somo ki kusu ne na.
Roukos 17.23 §204II
23 Orowa, utara anak ne echi otta ene itak kusu ne-hi :— Ingara, taada un! Toada un! ani itak kusu ne ita; iteki paye yan,
Orowa, utar anakne eci or ta ene itak kusu ne hi :— Inkar, taa ta un! Toada un! ani itak kusu ne hi ta; iteki paye yan,
Roukos 17.24 §205V
24 iteki nei utara osh paye yan: kando choropok wano shine an ushiketa imeru hetuku chiki, kando choropok un moshima an ushike pakno pekere atte ruwe ne; Ainu Poho ne yakka koro toho ta nei no korachi an kusu ne na.
iteki ne utar os paye yan: kanto corpok wano sine an uske ta imeru hetuku ciki, kanto corpok un mosma an usike pakno peker atte ruwe ne; Aynu Poho ne yakka kor toho ta néno koraci an kusu ne na.
Mattaios 16.20-21 §168II
20 Orowa Shinuma anak ne Kiristo ne sekoro iteki moshima guru otta nure kuni koikara utara eikashpaotte nisa ruwe ne na.
Orowa Sinuma anakne Kiristo ne sekor iteki mosma kur or ta nure kuni koykar utar e=kaspaotte nisa ruwe ne na.
21 Nei i orowa no Yesu anak ne Yerusarem kotan orota oman wa ekashi orowa no hemhem Kamui kora kenru esapane utara orowa no hemhem, kambi-nuye utara orowa no hemhem inne okaibe gusu ramuashitnere, aige, araige hine rere-ko an ita hetopo-a-shiknure kusu ne ari an ambe koro koikara utara otta epakashnu heashi nisa ruwe ne.
Ne i oro wano Yesu anakne Yerusarem kotan oro ta oman wa ekasi oro wano hemhem Kamuy kor kenru esapane utar oro wano hemhem, kampi-nuye utar oro wano hemhem inne okaype kusu ramuasitnere, ayke, arayke hine rere-ko an hi ta hetopo-a-siknure kusu ne ari an anpe kor koykar utar or ta epakasnu heasi nisa ruwe ne.
Markos 8.29B-32A §83II
29 Tata otta Shinuma ene nu-hi :— Echi utara anak Kuani nen ne kuni echi ye ruwe he an? Petros ese wa orota ene itak-hi :—
Tata or ta Sinuma ene nu hi :— Eci utar anak Kuani nen ne kuni eci=ye ruwe he an? Petros ese wa oro ta ene itak hi :—
30 Aokai anak ne Kiristo ne ruwe ne. Orowa, tan orushpe iteki moshima guru otta nure kuni Shinuma kashpaotte nisa ruwe ne.
Aokay anakne Kiristo ne ruwe ne. Orowa, tan oruspe iteki mosma kur or ta nure kuni Sinuma kaspaotte nisa ruwe ne.
31 Orowa, Ainu Poho poron no aramushitnere wa ekashi utara orowa no hemhem, Kamui kora kenru esapane utara orowa no hemhem, kambi-nuye utara orowa no hemhem aemaka hine araige, samata, rereko an ita hetopo-shiknu kuni orushpe nei utara otta epakashnu heashi nisa ruwe ne.
Orowa, Aynu Poho poronno a=ramusitnere wa ekasi utar oro wano hemhem, Kamuy kor kenru esapane utar oro wano hemhem, kampi-nuye utar oro wano hemhem a=emaka hine arayke, sama ta, rerko an hi ta hetopo-siknu kuni oruspe ne utar or ta epakasnu heasi nisa ruwe ne.
32 Shinuma tan itak anu no ye nisa ruwe ne. Orowa, Petros Shinuma uk wa ko-sakayokara heashi ruwe ne.
Sinuma tan itak anu no ye nisa ruwe ne. Orowa, Petros Sinuma uk wa ko-sakayokar heasi ruwe ne.
Roukos 17.25 §206II
25 Koroka, hoshiki no Shinuma inne no okaibe gusu aeramshitnere wa tane okai ainu ikiri orowa no aemaka kusu ne.
Korka, hoskino Sinuma inne no okaype kusu aeramsitnere wa tane okay aynu ikiri oro wano a=emaka kusu ne.
Mattaios 24.37-39 §261V
37 Orowa, Noa toho an korachi Ainu Poho ek pakihi ne yakka ene ani ne.
Orowa, Noa toho an koraci Aynu Poho ek pakihi ne yakka ene ani ne.
38 Inambe gusu ne yakun, pe-san etokota Noa chip otta ahun pakno utara anak ne ibe wa okai iku wa okai,
Inanpe kusu ne yakun, pe-san etoko ta Noa cip or ta ahun pakno utar anakne ipe wa okay iku wa okay,
39 mat akore hoku akore wa okai wa pe-san hetuku wa nei utara obitta isamka pakno nei utara erampeutek korachi,
mat a=kore hoku a=kore wa okay wa pe-san hetuku wa ne utar opitta isamka pakno ne utar eranpewtek koraci,
Roukos 17.26-27 §207V
26 Orowa no, Noe okai rapoketa an korachi, nei ambe nei no Ainu Poho pakita ne yakka an kusu ne.
Orowano, Noe okay rapoketa an koraci, ne anpe néno Aynu Poho pakita ne yakka an kusu ne.
27 Noe anak ne chip otta ahun wa pe san hine obitta no okai utara isamka pakno, nei ita okai utara anak ne ibe hemhem ki, iku hemhem ki, matkoro, hokukoro, matkore, hokukore hemhem ki nisa ruwe ne na.
Noe anakne cip or ta ahun wa pe san hine opittano okay utar isamka pakno, ne hi ta okay utar anakne ipe hemhem ki, iku hemhem ki, matkor, hoku kor, matkore, hokukore hemhem ki nisa ruwe ne na.
Roukos 17.28-30 §208X
28 Shui, Rot okai pakita ne yakka an; Utara anak ne ibe hemhem ki, iku hemhem ki, hok hemhem ki, eihok hemhem ki, toita hemhem ki, chisei kara hemhem ki nisa ruwe ne;
Suy, Rot okay pakita ne yakka an; Utar anakne ipe hemhem ki, iku hemhem ki, hok hemhem ki, e=hok hemhem ki, toyta hemhem ki, cise kar hemhem ki nisa ruwe ne;
29 koroka, Rot anak ne Sodom kotan orowa no oman toho ta kando wano abe newa iwau ran wa obitta no okai utara isamka nisa ruwe ne:
korka, Rot anakne Sodom kotan oro wano oman toho ta kanto wano ape newa iwaw ran wa opittano okay utar isamka nisa ruwe ne:
30 Ainu Poho anukare toho ta ne yakka nei no korachi an kusu ne na.
Aynu Poho a=nukare toho ta ne yakka néno koraci an kusu ne na.
Markos 13.14B-16 §143II
14 Koroka, shomo ash kuni ushiketa aetunne wendep ash shiri echi nukara ita (orooitak guru iramu yan),
Korka, somo as kuni uske ta a=etunne wente p as siri eci=nukar hi ta (oroytak kur iramu yan),
15 nei ita Yudea un utara nupuri otta ko-kira: orowa, chisei kata an guru chisei otta an okaibe uk kuni gusu iteki ran wa ahun yan:
ne hi ta Yudea un utar nupuri or ta ko-kira: orowa, cise kata an kur cise or ta an okaype uk kuni kusu iteki ran wa ahun yan:
16 orowa, toi otta an guru hokannashi mip uk gusu iteki hoshipi yan.
orowa, toy or ta an kur hokannasi mip uk kusu iteki hosipi yan.
Roukos 17.31 §209II
31 Nei toho ta chisei kitaigeta an wa korobe anak chisei oshiketa an guru anak ne iteki nei ambe uk kuni ran yan: orowa, kimta an guru ne yakka nei no korachi iteki hoshipi yan.
Ne toho ta cise kitayke ta an wa kor pe anak cise oske ta an kur anakne iteki ne anpe uk kuni ran yan: orowa, kim ta an kur ne yakka néno koraci iteki hosipi yan.
Roukos 17.32 §210X
32 Rot koro machi eshkarun yan.
Rot kor maci eskarun yan.
Roukos 17.33 §211III
33 Nen ne yakka kon ramat eyaiepirikare kuni hunara guru anak ne nei ambe eyaiewende ruwe ne: koroka, nen ne yakka kon ramat eyaiewende gurʼanak ne nei ambe shiknure kusu ne na.
Nen ne yakka kor ramat eyayepirikare kuni hunara kur anakne ne anpe eyayewente ruwe ne: korka, nen ne yakka kor ramat eyayewente kur anakne ne anpe siknure kusu ne na.
Yoannes 12.25 §105III
25 Kon ramat omap gurʼanak ne nei ambe turainu ruwe ne; orowa, tap moshiri kata an wa kon ramat etunne gurʼanak ne ramma okere shomoki ishu-i otta nei ambe shikkashima kusu ne.
Kor ramat omap kur anakne ne anpe turaynu ruwe ne; orowa, tap mosir kata an wa kor ramat etunne kur anakne ramma okere somo ki i=su hi or ta ne anpe sikkasima kusu ne.
Mattaios 24.40-41 §262V
40 Ainu Poho ek pakihi ene ani ne. Nei ita anak ne tu ainu toi otta okai wa shinen auk shinen aande kusu ne:
Aynu Poho ek pakihi ene ani ne. Ne hi ta anakne tu aynu toy or ta okay wa sinen auk sinen a=ante kusu ne:
41 tu shiwentep nishu otta uta, shinen auk shinen aande kusu ne.
tu siwentep nisu or ta uta, sinen auk sinen a=ante kusu ne.
Roukos 17.34-35 (+36, in note) §212V
34 Echi otta Ku ye, nei anchikara ta tu ainu anak ne shine shotki kata okai, aine, shinen auk, shinen aande kusu ne na.
Eci or ta Ku=ye, ne ancikar ta tu aynu anakne sine sotki kata okay, ayne, sinen auk, sinen a=ante kusu ne na.
35 Tu shiwentep utara tu-unashi yuta koro, shinen anak ne auk, shinen anak aande kusu ne na.
Tu siwentep utar tu-unasi yuta kor, sinen anakne auk, sinen anak a=ante kusu ne na.
36 Orowa, nei utara ese wa Shinuma otta, Neita, Utarapa? Orota, Shinuma ene itak-hi :— Netobake an ushiketa nei ita anak ne kapachiri uweshineatki kusu ne ruwe ne, ari itak.
Orowa, ne utar ese wa Sinuma or ta, Ney ta, Utarpa? Oro ta, Sinuma ene itak hi :— Netopake an uske ta ne hi ta anakne kapacir uwesineatki kusu ne ruwe ne, ari itak.