4 Ik. leaf 103

Orowa shui Shinuma atui samta epakashnu heashi nisa ruwe ne. Awa, orota shiri poro inne utara uwekarapa, Shinuma chip otta ahun wa atui kata a pakno ne ruwe ne; inne utara obitta atui sam un ya ta okai.

Orowa suy Sinuma atuy sam ta epakasnu heasi nisa ruwe ne. Awa, oro ta siri poro inne utar uekarpa, Sinuma cip or ta ahun wa atuy kata a pakno ne ruwe ne; inne utar opitta atuy sam un ya ta okay.

και παλιν ηρξατο διδασκειν παρα την θαλασσαν και συναγεται προς αυτον οχλος πλειστος ωστε αυτον εις πλοιον εμβαντα καθησθαι εν τη θαλασση και πας ο οχλος προς την θαλασσαν επι της γης ησαν

And again he began to teach by the sea side. And there is gathered unto him a very great multitude, so that he entered into a boat, and sat in the sea; and all the multitude were by the sea on the land.

Orowa, itak-maukushte itak ani inne orushpe epakashnu nisa ruwe ne; epakashnu rapoketa ene itak-hi :—

Orowa, itak-mawkuste itak ani inne oruspe epakasnu nisa ruwe ne; epakasnu rapoketa ene itak hi :—

και εδιδασκεν αυτους εν παραβολαις πολλα και ελεγεν αυτοις εν τη διδαχη αυτου

And he taught them many things in parables, and said unto them in his teaching,

Nu yan: ingarʼan, Piyehe etoita gusu shine toita guru oman nisa ruwe ne;

Nu yan: inkar=an, Piyehe etoyta kusu sine toyta kur oman nisa ruwe ne;

ακουετε ιδου εξηλθεν ο σπειρων σπειραι

Hearken: Behold, the sower went forth to sow:

etoita rapoketa ru paruruta hachiri piye an, awa, chikap reu wa nei ambe e ruwe ne.

etoyta rapoketa ru parur ta hacir piye an, awa, cikap rew wa ne anpe e ruwe ne.

και εγενετο εν τω σπειρειν ο μεν επεσεν παρα την οδον και ηλθεν τα πετεινα και κατεφαγεν αυτο

and it came to pass, as he sowed, some [seed ]fell by the way side, and the birds came and devoured it.

Orowa, moshimap anak ne watara-ush kapan no toi an ushiketa hachiri; nani nei ambe hetukba, toitoi kapara ushike ne ruwe ne gusu ne na:

Orowa, mosma p anakne watara-us kapar no toy an uske ta hacir; nani ne anpe hetukpa, toytoy kapar usike ne ruwe ne kusu ne na:

και αλλο επεσεν επι το πετρωδες [και] οπου ουκ ειχεν γην πολλην και ευθυς εξανετειλεν δια το μη εχειν βαθος γης

And other fell on the rocky [ground], where it had not much earth; and straightway it sprang up, because it had no deepness of earth:

orowa, shinrit isambe ne gusu chup ri koro shukuschire,

orowa, sinrit i=sanpe ne kusu cup ri kor sukuscire,

και οτε ανετειλεν ο ηλιος εκαυματισθη και δια το μη εχειν ριζαν εξηρανθη

and when the sun was risen, it was scorched; and because it had no root, it withered away.

aige, shumumge nisa ruwe ne. Orowa, ai-ush ni tumugeta hachiripe an, awa, ai ush ni hetukba wa nei piyehe eteyeba, aige, ibe-o shomoki ruwe ne.

ayke, sumumke nisa ruwe ne. Orowa, ay-us ni tumke ta haciripe an, awa, ay us ni hetukpa wa ne piyehe eteyepa, ayke, ipe-o somo ki ruwe ne.

και αλλο επεσεν εις τας ακανθας και ανεβησαν αι ακανθαι και συνεπνιξαν αυτο και καρπον ουκ εδωκεν

And other fell among the thorns, and the thorns grew up, and choked it, and it yielded no fruit.

Orowa, moshima an piyehe anak ne toitoi pirika ushike kata hachiri, orowa, ibe-o, hetukba wa poro ne; orowa, wan e tu hotne pakno hene, re hotne pakno hene, ashikne hotne pakno hene, shipiraspa nisa ruwe ne.

Orowa, mosma an piyehe anakne toytoy pirka usike kata hacir, orowa, ipe-o, hetukpa wa poro ne; orowa, wan e tu hotne pakno hene, re hotne pakno hene, asikne hotne pakno hene, sipiraspa nisa ruwe ne.

και αλλα επεσεν εις την γην την καλην και εδιδου καρπον αναβαινοντα και αυξανομενα και εφερεν εις εν τριακοντα καιεν εν εξηκοντα καιεν εν εκατον

And others fell into the good ground, and yielded fruit, growing up and increasing; and brought forth, thirtyfold, and sixtyfold, and a hundredfold.

Shui ene itak-hi :— Nu kuni kisara koro guru nu yan.

Suy ene itak hi :— Nu kuni kisara kor kur nu yan.

και ελεγεν ος εχει ωτα ακουειν ακουετω

And he said, Who hath ears to hear, let him hear.

Orowa, Shinuma pui no an ita tun ikashima wa niu tura no okai, okari un utara Shinuma otta nei itak-maukushte-itak gusu uwepekennu nisa ruwe ne.

Orowa, Sinuma puy no an hi ta tun ikasma wa niw turano okay, okari un utar Sinuma or ta ne itak-mawkuste-itak kusu uwepekennu nisa ruwe ne.

και οτε εγενετο κατα μονας ηρωτων αυτον οι περι αυτον συν τοις δωδεκα τας παραβολας

And when he was alone, they that were about him with the twelve asked of him the parables.

Orowa, orota Shinuma ene itak-hi :— Kamui moshiri gusu an anuina ambe anak ne echi otta akore; koroka, soita okai utara otta obitta no okaibe itak-maukushte-itak ani akan ruwe ne;

Orowa, oro ta Sinuma ene itak hi :— Kamuy mosir kusu an a=nuyna anpe anakne eci or ta a=kore; korka, soy ta okay utar or ta opittano okaype itak-mawkuste-itak ani a=kar ruwe ne;

και ελεγεν αυτοις υμιν το μυστηριον δεδοται της βασιλειας του θεου εκεινοις δε τοις εξω εν παραβολαις τα παντα γινεται

And he said unto them, Unto you is given the mystery of the kingdom of God: but unto them that are without, all things are done in parables:

ikineipeka nei utara iteki hosari wa atusare kuni ne, ingara wa nukara, yakka, ramepakare shomoki; inu wa nu, yakka, eramʼan shomoki ruwe ne gusu ne na. Orowa, orota Shinuma ene itak-hi :—

ikineypeka ne utar iteki hosari wa atusare kuni ne, inkar wa nukar, yakka, ramepakar somo ki; inu wa nu, yakka, eraman somo ki ruwe ne kusu ne na. Orowa, oro ta Sinuma ene itak hi :—

ινα βλεποντες βλεπωσιν και μη ιδωσιν και ακουοντες ακουωσιν και μη συνιωσιν μηποτε επιστρεψωσιν και αφεθη αυτοις

that seeing they may see, and not perceive; and hearing they may hear, and not understand; lest haply they should turn again, and it should be forgiven them.

Tan itak-maukushte-itak echi eramʼan shomoki ruwe? Yakun, hemanda ani obitta no okai itak-maukushte-itak eramʼan kusu ne ya?

Tan itak-mawkuste-itak eci=eraman somo ki ruwe? Yakun, hemanta ani opittano okay itak-mawkuste-itak eraman kusu ne ya?

και λεγει αυτοις ουκ οιδατε την παραβολην ταυτην και πως πασας τας παραβολας γνωσεσθε

And he saith unto them, Know ye not this parable? and how shall ye know all the parables?

Toita guru anak ne itak etoita ruwe ne.

Toyta kur anakne itak etoyta ruwe ne.

ο σπειρων τον λογον σπειρει

The sower soweth the word.

Itak aetoita wa ru parurugeta okai utara anak ne tambe ne ruwe ne; nei utara nu okere koro nani Satan ek wa nei oshiketa aetoita itak uina ruwe ne. Orowa, watara-ush kapan no toi an ushiketa aetoitap shem korachi,

Itak aetoyta wa ru parurke ta okay utar anakne tanpe ne ruwe ne; ne utar nu okere kor nani Satan ek wa ne oske ta aetoyta itak uyna ruwe ne. Orowa, watara-us kapar no toy an uske ta aetoytap semkoraci,

ουτοι δε εισιν οι παρα την οδον οπου σπειρεται ο λογος και οταν ακουσωσιν ευθυς ερχεται ο σατανας και αιρει τον λογον τον εσπαρμενον εις αυτους

And these are they by the way side, where the word is sown; and when they have heard, straightway cometh Satan, and taketh away the word which hath been sown in them.

nei utara itak nu chiki nani yaikopuntek wa koro; orowa, nei utara yai-oshiketa shinrit isam,

ne utar itak nu ciki nani yaykopuntek wa kor; orowa, ne utar yay-oske ta sinrit isam,

και ουτοι εισιν ομοιως οι επι τα πετρωδη σπειρομενοι οι οταν ακουσωσιν τον λογον ευθυς μετα χαρας λαμβανουσιν αυτον

And these in like manner are they that are sown upon the rocky [places], who, when they have heard the word, straightway receive it with joy;

koroka irukai okai; orowa, itak gusu aeramchuptek hene aepokbap hene hetuku chiki nani ureechiu ruwe ne.

korka irukay okay; orowa, itak kusu aeramcuptek hene aepokpap hene hetuku ciki nani ureeciw ruwe ne.

και ουκ εχουσιν ριζαν εν εαυτοις αλλα προσκαιροι εισιν ειτα γενομενης θλιψεως η διωγμου δια τον λογον ευθυς σκανδαλιζονται

and they have no root in themselves, but endure for a while; then, when tribulation or persecution ariseth because of the word, straightway they stumble.

Orowa, moshima okaibe ai-ush ni tumugeta aetoitap ne; tan utara anak itak nu,

Orowa, mosma okaype ay-us ni tumke ta aetoytap ne; tan utar anak itak nu,

και αλλοι εισιν οι εις τας ακανθας σπειρομενοι ουτοι εισιν οι τον λογον ακουσαντες

And others are they that are sown among the thorns; these are they that have heard the word,

orowa, moshiri gusu an nishomap hene, ikorobe kokandama ambe hene, orowa, moshima okai ambe ibeshikashure-hi ahup wa itak eteye hine ibe-o shomoki ruwe ne na.

orowa, mosir kusu an nisomap hene, i=korpe kokantama anpe hene, orowa, mosma okay anpe ipesikasure hi ahup wa itak e=teye hine ipe-o somo ki ruwe ne na.

και αι μεριμναι του αιωνος και η απατη του πλουτου και αι περι τα λοιπα επιθυμιαι εισπορευομεναι συμπνιγουσιν τον λογον και ακαρπος γινεται

and the cares of the world, and the deceitfulness of riches, and the lusts of other things entering in, choke the word, and it becometh unfruitful.

Orowa, pirika toi kata aetoitap anak ne tambe ne, nei utara itak nu wa koro, orowa, wan e tu hotne pakno hene, re hotne pakno hene, ashikne hotne pakno hene ibe-o ruwe ne.

Orowa, pirka toy kata aetoytap anakne tanpe ne, ne utar itak nu wa kor, orowa, wan e tu hotne pakno hene, re hotne pakno hene, asikne hotne pakno hene ipe-o ruwe ne.

και εκεινοι εισιν οι επι την γην την καλην σπαρεντες οιτινες ακουουσιν τον λογον και παραδεχονται και καρποφορουσινεν εν τριακοντα και [εν] εν εξηκοντα και [εν] εν εκατον

And those are they that were sown upon the good ground; such as hear the word, and accept it, and bear fruit, thirtyfold, and sixtyfold, and a hundredfold.

Orowa, orota Shinuma ene itak-hi :— Ratchako koro wa ek chiki set kata aande gusu shomoki no chomba choropoketa hene shotki choropoketa hene aande gusu ne ruwe he an?

Orowa, oro ta Sinuma ene itak hi :— Ratcako kor wa ek ciki set kata a=ante kusu somo ki no conpa corpoke ta hene sotki corpoke ta hene a=ante kusu ne ruwe he an?

και ελεγεν αυτοις οτι μητι ερχεται ο λυχνος ινα υπο τον μοδιον τεθη η υπο την κλινην ουχ ινα επι την λυχνιαν τεθη

And he said unto them, Is the lamp brought to be put under the bushel, or under the bed, [and ]not to be put on the stand?

Nep ne yakka anuinap anak ne asarare gusu anuina ruwe ne; orowa, nep ne yakka akamurep anak ne anukare gusu akamure ruwe ne na.

Nep ne yakka anuynap anakne a=sarare kusu a=nuyna ruwe ne; orowa, nep ne yakka akamurep anakne a=nukare kusu a=kamure ruwe ne na.

ου γαρ εστιν κρυπτον εαν μη ινα φανερωθη ουδε εγενετο αποκρυφον αλλ ινα ελθη εις φανερον

For there is nothing hid, save that it should be manifested; neither was [anything ]made secret, but that it should come to light.

Nu kuni kisara koro guru an chiki, nu yan.

Nu kuni kisara kor kur an ciki, nu yan.

ει τις εχει ωτα ακουειν ακουετω

If any man hath ears to hear, let him hear.

Orowa, orota ene itak-hi :— Hemanda echi nu ya yaitubare yan; echi pakari wa kore nei no, echi gusu apakari kusu ne, orowa, naa echi otta akore kusu ne na.

Orowa, oro ta ene itak hi :— Hemanta eci=nu ya yaytupare yan; eci=pakari wa kore néno, eci kusu apa kari kusu ne, orowa, naa eci or ta a=kore kusu ne na.

και ελεγεν αυτοις βλεπετε τι ακουετε εν ω μετρω μετρειτε μετρηθησεται υμιν και προστεθησεται υμιν

And he said unto them, Take heed what ye hear: with what measure ye mete it shall be measured unto you: and more shall be given unto you.

Inambe gusu ne yakun, koro guru otta akore kusu ne; koro shomoki guru orowa no koro wa an ambe ne yakka aetaye kusu ne gusu ne na.

Inanpe kusu ne yakun, kor kur or ta a=kore kusu ne; kor somo ki kur oro wano kor wa an anpe ne yakka a=etaye kusu ne kusu ne na.

ος γαρ εχει δοθησεται αυτω και ος ουκ εχει και ο εχει αρθησεται απ αυτου

For he that hath, to him shall be given: and he that hath not, from him shall be taken away even that which he hath.

Orowa, Shinuma ene itak-hi :— Kamui moshiri anak ne ainu toi kata piyehe chari korachi ne; nei guru

Orowa, Sinuma ene itak hi :— Kamuy mosir anakne aynu toy kata piyehe cari koraci ne; ne kur

και ελεγεν ουτως εστιν η βασιλεια του θεου ως ανθρωπος βαλη τον σπορον επι της γης

And he said, So is the kingdom of God, as if a man should cast seed upon the earth;

kunne-to ta hene tokap-to ta hene hotke hemhem ki hopuni hemhem ki, orowa, nekon a aetoita piyehe hetuku wa shukup ya eramushkare.

kunne-to ta hene tokap-to ta hene hotke hemhem ki hopuni hemhem ki, orowa, nekona aetoyta piyehe hetuku wa sukup ya eramuskare.

και καθευδη και εγειρηται νυκτα και ημεραν και ο σπορος βλαστα και μηκυνηται ως ουκ οιδεν αυτος

and should sleep and rise night and day, and the seed should spring up and grow, he knoweth not how.

Toitoi rengaine ibe-o; hoshiki no ra an, orowa no push an, orowa no push otta okai epa ibehe an ruwe ne.

Toytoy renkayne ipe-o; hoskino ra an, orowano pus an, orowano pus or ta okay epa ipehe an ruwe ne.

αυτοματη η γη καρποφορει πρωτον χορτον ειτεν σταχυν ειτεν πληρη ειτα σταχυν ειτα πληρης σιτον εν τω σταχυι

The earth beareth fruit of herself; first the blade, then the ear, then the full corn in the ear.

Koroka, nei ibehe chi yakun, nani iyokbe aomare, nange kuni pa epa ruwe ne gusu ne na.

Korka, ne ipehe ci yakun, nani iyokpe a=omare, nanke kuni pa epa ruwe ne kusu ne na.

οταν δε παραδοι ο καρπος ευθυς αποστελλει το δρεπανον οτι παρεστηκεν ο θερισμος

But when the fruit is ripe, straightway he putteth forth the sickle, because the harvest is come.

Orowa, Shinuma ene itak-hi :— Nekon a Kamui moshiri chi koherayere kusu ne ya? Nekon a itak-maukushte-itak ani nei ambe pita kusu ne ya?

Orowa, Sinuma ene itak hi :— Nekona Kamuy mosir ci koherayere kusu ne ya? Nekona itak-mawkuste-itak ani ne anpe pita kusu ne ya?

και ελεγεν πως ομοιωσωμεν την βασιλειαν του θεου η εν τινι αυτην παραβολη θωμεν

And he said, How shall we liken the kingdom of God? or in what parable shall we set it forth?

Shine karashi piyehe koheraye ruwe ne, nei ambe shiri kata aetoita chiki, toi kata an obitta no okai piyehe kasu no pokashnu nokanbe ne a yakka aetoita chiki hetuku,

Sine karasi piyehe koheraye ruwe ne, ne anpe siri kata aetoyta ciki, toy kata an opittano okay piyehe kasuno pokasnu nokanpe ne a yakka aetoyta ciki hetuku,

ως κοκκω σιναπεως ος οταν σπαρη επι της γης μικροτερον ον παντων των σπερματων των επι της γης

It is like a grain of mustard seed, which, when it is sown upon the earth, though it be less than all the seeds that are upon the earth,

orowa, moshima okai ham kasu no poro ne, samata, poro teke piraspa; rik un chikap nei sempiriketa shini eashkai pakno ne ruwe ne na, sekoro itak.

orowa, mosma okay ham kasuno poro ne, sama ta, poro teke piraspa; rikun cikap ne senpirke ta sini easkay pakno ne ruwe ne na, sekor itak.

και οταν σπαρη αναβαινει και γινεται μειζον παντων των λαχανων και ποιει κλαδους μεγαλους ωστε δυνασθαι υπο την σκιαν αυτου τα πετεινα του ουρανου κατασκηνοιν κατασκηνουν

yet when it is sown, groweth up, and becometh greater than all the herbs, and putteth out great branches; so that the birds of the heaven can lodge under the shadow thereof.

Okai utara anak ne nu eashkai pakno Shinuma itak-maukushte-itak ani orota itak nure nisa ruwe ne;

Okay utar anakne nu easkay pakno Sinuma itak-mawkuste-itak ani oro ta itak nure nisa ruwe ne;

και τοιαυταις παραβολαις πολλαις ελαλει αυτοις τον λογον καθως ηδυναντο ακουειν

And with many such parables spake he the word unto them, as they were able to hear it:

itak-maukushte-itak isam no otta Shinuma ye shomoki: koroka, yaiikiri no okai ita koro koikara utara otta obitta pita nisa ruwe ne na.

itak-mawkuste-itak isam no or ta Sinuma ye somo ki: korka, yayikiri no okay hi ta kor koykar utar or ta opitta pita nisa ruwe ne na.

χωρις δε παραβολης ουκ ελαλει αυτοις κατ ιδιαν δε τοις ιδιοις μαθηταις επελυεν παντα

and without a parable spake he not unto them: but privately to his own disciples he expounded all things.

Nei toho ta shiri-onuman an ita, ikushta paye yanro, ari utara otta ye.

Ne toho ta siri-onuman an hi ta, ikusta paye yanro, ari utar or ta ye.

και λεγει αυτοις εν εκεινη τη ημερα οψιας γενομενης διελθωμεν εις το περαν

And on that day, when even was come, he saith unto them, Let us go over unto the other side.

Orowa, inne utara ande wa chip otta Shinuma an korachi tura wa atui-tomotuye nisa ruwe ne. Orowa, moshima an chip ne yakka tura no okai ruwe ne.

Orowa, inne utar ante wa cip or ta Sinuma an koraci tura wa atuy-tomotuye nisa ruwe ne. Orowa, mosma an cip ne yakka turano okay ruwe ne.

και αφεντες τον οχλον παραλαμβανουσιν αυτον ως ην εν τω πλοιω και αλλα πλοια ην μετ αυτου

And leaving the multitude, they take him with them, even as he was, in the boat. And other boats were with him.

Awa shiri rui rera mau hetuku, riri anak ne chip ahun, chip shikte koro pakno ahun nisa

Awa siri ruy rera maw hetuku, rir anakne cip ahun, cip sikte kor pakno ahun nisa

και γινεται λαιλαψ μεγαλη ανεμου και τα κυματα επεβαλλεν εις το πλοιον ωστε ηδη γεμιζεσθαι το πλοιον

And there ariseth a great storm of wind, and the waves beat into the boat, insomuch that the boat was now filling.

ruwe ne. Shinuma yaikota anak ne chip umta chieninuibe koro wa mokon ruwe ne: aige, utara Shinuma mososo wa orota ene itak-hi :— Epakashnu guru, chi utara aisamka ange shiriki-i Aokai ramu-eunin ruwe?

ruwe ne. Sinuma yaykota anakne cip umta ci=eninuype kor wa mokor ruwe ne: ayke, utar Sinuma mososo wa oro ta ene itak hi :— Epakasnu kur, ci utar a=ysamka anke siriki hi Aokay ramu-ewnin ruwe?

και αυτος ην εν τη πρυμνη επι το προσκεφαλαιον καθευδων και εγειρουσιν αυτον και λεγουσιν αυτω διδασκαλε ου μελει σοι οτι απολλυμεθα

And he himself was in the stern, asleep on the cushion: and they awake him, and say unto him, Master, carest thou not that we perish?

Aine, Shinuma mosh wa rera kopao, samata, Ratchi, mo no an, ari an itak ani atui otta ye. Orowa, rera isam wa poro neto an ruwe ne.

Ayne, Sinuma mos wa rera kopao, sama ta, Ratci, mo no an, ari an itak ani atuy or ta ye. Orowa, rera isam wa poro neto an ruwe ne.

και διεγερθεις επετιμησεν τω ανεμω και ειπεν τη θαλασση σιωπα πεφιμωσο και εκοπασεν ο ανεμος και εγενετο γαληνη μεγαλη

And he awoke, and rebuked the wind, and said unto the sea, Peace, be still. And the wind ceased, and there was a great calm.

Orowa, nei utara otta — Hemanda gusu echi ishitoma ya? Naa shomo echi eishokon ruwe he an; ari itak.

Orowa, ne utar or ta — Hemanta kusu eci=isitoma ya? Naa somo eci=eysokor ruwe he an; ari itak.

και ειπεν αυτοις τι δειλοι εστε ουπω εχετε πιστιν

And he said unto them, Why are ye fearful? have ye not yet faith?

Orowa, utara poron no ishitoma wa utashpa ene itakhi :— Yakun, tan guru nen ne ruwe he an? Rera ne yakka atui ne yakka koro itak nu ruwe ne.

Orowa, utar poronno isitoma wa utaspa ene itak hi :— Yakun, tan kur nen ne ruwe he an? Rera ne yakka atuy ne yakka kor itak nu ruwe ne.

και εφοβηθησαν φοβον μεγαν και ελεγον προς αλληλους τις αρα ουτος εστιν οτι και ο ανεμος και η θαλασσα υπακουει αυτω

And they feared exceedingly, and said one to another, Who then is this, that even the wind and the sea obey him?