Synopsis

11 Orowa, Shinuma ene itak-hi :— Tu po koro shine ainu an: poniune guru anak ne michi orun ene itakhi :—

Orowa, Sinuma ene itak hi :— Tu po kor sine aynu an: poniwne kur anakne mici orun ene itak hi :—

12 Michi, ku uk kuni ruokakep usaraye wa en kore, ani itak.

Mici, ku=uk kuni ruokakep usaraye wa en=kore, ani itak.

13 Orowa, korope usaraye wa po utara otta koropare nisa ruwe ne. Pon no shiran koro poniune guru anak ne korobe obitta uwekarire hine tuima moshiri orun oman, aige, nei ita hoiyo wa korope obitta ehochari nisa rawe ne.

Orowa, kor pe usaraye wa po utar or ta korpare nisa ruwe ne. Ponno siran kor poniwne kur anakne kor pe opitta uekarire hine tuyma mosir orun oman, ayke, ne hi ta hoiyo wa kor pe opitta e=hocari nisa rawe ne.

14 Orowa, obitta eiwange okere chiki nei moshiri ta poro keman hetuku ruwe ne, awa, nei guru gusu eishiramnep an ruwe ne.

Orowa, opitta eywanke okere ciki ne mosir ta poro keman hetuku ruwe ne, awa, ne kur kusu eysiramnep an ruwe ne.

15 Orowa, shinuma oman wa nei moshiri un shine ainu otta aeyai yatoinere, aige, buta reshpa kuni gusu ekira un aomande nisa ruwe ne.

Orowa, sinuma oman wa ne mosir un sine aynu or ta a=eyay yatoynere, ayke, puta respa kuni kusu ekira un a=omante nisa ruwe ne.

16 Awa, buta e push e wa yaikironnure rusui wa an, orowa, nep ka koropare guru isam ruwe ne.

Awa, puta e pus e wa yaykironnure rusuy wa an, orowa, nep ka korpare kur isam ruwe ne.

17 Koroka, shinuma yainukara wa ene itak-hi :— Ku goro michi hempak niu ne uitek utara koro wa nei utara kironnu pakno aep koro wa ikashima wa an, awa, kuani teda ku an wa rai etokooiki na!

Korka, sinuma yaynukara wa ene itak hi :— Ku=kor mici henpak niw ne uytek utar kor wa ne utar kironnu pakno aep kor wa ikasma wa an, awa, kuani teta ku=an wa ray etokooyki na!

18 Kuani ku hopuni wa ku michi orun ku arapa, aine, ene itak ku ki-hi :— Ku michi, kuani anak ne Kamui epeka no hemhem, e tek samata hemhem,

Kuani ku=hopuni wa ku=mici orun ku=arpa, ayne, ene itak ku=ki hi :— Ku=mici, kuani anakne Kamuy epeka no hemhem, e teksama ta hemhem,

19 katpak ku ki, awa, e poho ari aye kuni ku upak shomo ne: e uitek guru nei no en kara wa en kore, ani ku itak kusu ne na.

katpak ku=ki, awa, e poho ari a=ye kuni ku=upak somo ne: e uytek kur néno en=kar wa en=kore, ani ku=itak kusu ne na.

20 Orowa, shinuma hopuni wa koro michi orun ek nisa ruwe ne. Korota, naa ehangeko no an ita, koro michi anak ne shinuma nukara, aige, erampoken kashpa hine hoyupu wa rekuchi ruiruye wa chopchopse-kara ruwe ne.

Orowa, sinuma hopuni wa kor mici orun ek nisa ruwe ne. Koro ta, naa e=hankeko no an hi ta, kor mici anakne sinuma nukar, ayke, eranpoken kaspa hine hoyupu wa rekuci ruyruye wa copcopse-kar ruwe ne.

21 Orowa, poho anak ne shinuma orun ene itak-hi :— Michi, kuani Kamui epeka no hemhem, e tek samata hemhem katpak ku ki: tane e poho ari aye kuni ku upak shomo ne ruwe ne.

Orowa, poho anakne sinuma orun ene itak hi :— Mici, kuani Kamuy epeka no hemhem, e teksama ta hemhem katpak ku=ki: tane e poho ari a=ye kuni ku=upak somo ne ruwe ne.

22 Koroka, michi anak ne usshiune utara orun ene itak-hi :— Tunashi no iyotta pirika amip koro wa ek wa shinuma mire; tek-un-gani teke otta unu, orowa, kema otta keire ushte yan:

Korka, mici anakne ussiw ne utar orun ene itak hi :— Tunasno iyotta pirka amip kor wa ek wa sinuma mire; tek-un-kani teke or ta unu, orowa, kema or ta ker uste yan:

23 samata, mimush pon beko nimba wa ek wa raige,

sama ta, mimus pon peko ninpa wa ek wa rayke,

24 orowa, chi ibe ash wa nuchattek anro: inambe gusu ne yakun, tan ku po anak ne rai wa isam, awa, kanna shiknu wa an: aturainu wa an, awa, kanna apa nisa ruwe ne gusu ne na. Orowa, nei utara yainuchattek heashi ruwe ne.

orowa, ci ipe as wa nucattek an ro: inanpe kusu ne yakun, tan ku=po anakne ray wa isam, awa, kanna siknu wa an: a=turaynu wa an, awa, kanna apa nisa ruwe ne kusu ne na. Orowa, ne utar yaynucattek heasi ruwe ne.

25 Aige, kiyanne guru anak ne toi otta an: awa, shinuma unihi ehange no ek chiki, tunun hawe newa tapkara hura nu nisa ruwe ne.

Ayke, kiyanne kur anakne toy or ta an: awa, sinuma unihi ehanke no ek ciki, tun un hawe newa tapkar hura nu nisa ruwe ne.

26 Aine, shine usshiune guru hotuyekara wa tap okaibe anak nekon a ambe ne ya? sekoro uwepekennu nisa ruwe ne.

Ayne, sine ussiw ne kur hotuyekar wa tap okaype anak nekona anpe ne ya? sekor uwepekennu nisa ruwe ne.

27 Orota nei guru ene itak-hi :— E akihi ek an ruwe ne: tashum shomoki no tumashnu wa ek gusu e koro michi mimush ponbeko raigere nisa ruwe ne na, ari itak.

Oro ta ne kur ene itak hi :— E akihi ek an ruwe ne: tasum somo ki no tumasnu wa ek kusu e=kor mici mimus ponpeko raykere nisa ruwe ne na, ari itak.

28 Koroka, shinuma irushka wa chisei orun ahun shomoki: orowa, koro michi soine wa shinuma ahun kuni onishnishi.

Korka, sinuma iruska wa cise orun ahun somo ki: orowa, kor mici soyne wa sinuma ahun kuni onisnisi.

29 Koroka, shinuma ese wa koro michi orun ene itak-hi :— Ingarʼan, kuani tan inne pa uturu e otta ku yaishieiwangere nisa, awa, tane pakno e ye ikashpaotte ku otereke ka shomoki; yakka, kuani ku ikatairotke utara tura nuchattek kuni gusu pon yange ne yakka e en kore ka shomoki,

Korka, sinuma ese wa kor mici orun ene itak hi :— Inkar=an, kuani tan inne pa uturu e or ta ku yaysieywankere nisa, awa, tane pakno e ye ikaspaotte ku=oterke ka somo ki; yakka, kuani ku ikatayrotke utar tura nucattek kuni kusu pon yanke ne yakka e en=kore ka somo ki,

30 awa, ochakot utara gusu e korobe etaraka isamka tan e koro poho ek chiki, shinuma gusu mimush pon beko e raige nisa ruwe ne.

awa, ocakot utar kusu e=kor pe etarka isamka tan e=kor poho ek ciki, sinuma kusu mimus pon peko e rayke nisa ruwe ne.

31 Orota shinuma ene itak-hi :— Ku poho, eani anak ne ramma en tura no an, orowa, nep ku korobe ne yakka obitta e korobe ne ruwe ne.

Oro ta sinuma ene itak hi :— Ku=poho, eani anakne ramma en turano an, orowa, nep ku=kor pe ne yakka opitta e=kor pe ne ruwe ne.

32 E akihi anak rai wa kanna shiknu, aturainu wa kanna-shui apa nisa ruwe ne, tambe gusu, nuchattek hemhem ki, yaikopuntek hemhem ki ambe anak ne, aki kunip ne ruwe tapan na.

E akihi anak ray wa kanna siknu, a=turaynu wa kanna-suy apa nisa ruwe ne, tanpe kusu, nucattek hemhem ki, yaykopuntek hemhem ki anpe anakne, aki kunip ne ruwe tapan na.

16:1 Orowa, koro koikara utara otta Shinuma ene itak-hi :— Shine oteknu guru an, aige, otta chisei epunginere gusu an uitek guru an; awa, nei uitek guru anak ne kon nishpa korobe koatcha korʼan ani an ambe ani nishpa otta aeiyonnupba nisa ruwe ne na.

Orowa, kor koykar utar or ta Sinuma ene itak hi :— Sine oteknu kur an, ayke, or ta cise epunkinere kusu an uytek kur an; awa, ne uytek kur anakne kor nispa kor pe koatca kor an ani an anpe ani nispa or ta a=eiyonnuppa nisa ruwe ne na.

2 Tata otta shinuma nei guru hotuyekara wa otta ene itak-hi :— Eani gusu an ku nu orushpe nekon a ambe ne ya? Chisei epungine gusu okai e esanniyop en nure yan, tewa no eani ku kot chisei aepunginere eaikap ruwe ne gusu ne na, ani itak.

Tata or ta sinuma ne kur hotuyekar wa or ta ene itak hi :— Eani kusu an ku=nu oruspe nekona anpe ne ya? Cise epunkine kusu okay e esanniyop en=nure yan, tewano eani ku=kot cise a=epunkinere eaykap ruwe ne kusu ne na, ani itak.

3 Orowa, nei guru anak ne koro keutum ta ene itak-hi :— Nekon a ku ki kusu ne ya? Ku kon nishpa en emaka ruwe ne gusu ne na. Toi ku ta kuni ku turasak ruwe ne; orowa, ku iyahup gusu ku yainikoroshma ruwe ne.

Orowa, ne kur anakne kor kewtum ta ene itak hi :— Nekona ku=ki kusu ne ya? Ku=kor nispa en=emaka ruwe ne kusu ne na. Toy ku ta kuni ku=tursak ruwe ne; orowa, ku=iyahup kusu ku=yaynikorosma ruwe ne.

4 Kuani a en emaka orowa no moshima okai utara kot chisei otta en ahungere kuni nekon a ku kara ya ku oshitchiu na, sekoro keutura ta itak.

Kuani a en=emaka oro wano mosma okay utar kot cise or ta en ahunkere kuni nekona ku=kar ya ku=ositciw na, sekor kewtura ta itak.

5 Orowa, shinuma anak ne kon nishpa orowa no ashosere utara shinen range hotuyekara, aige, hoshiki no an guru otta ene itak-hi :— Ku kon nishpa gusu e

Orowa, sinuma anakne kor nispa oro wano asosere utar sinen ranke hotuyekar, ayke, hoskino an kur or ta ene itak hi :— Ku=kor nispa kusu e

6 shoserep anak nei pakno an a? Orota, Shum ashikne hotne chomba pakno ne, ani itak. Nei guru otta shinuma ene itak-hi :— E koro sanniyo-kambi uk wa chashnu no a hine wan e re hotne chomba ani nuye yan, sekoro itak.

soserep anakne pakno an a? Oro ta, Sum asikne hotne conpa pakno ne, ani itak. Ne kur or ta sinuma ene itak hi :— E=kor sanniyo-kampi uk wa casnu no a hine wan e re hotne conpa ani nuye yan, sekor itak.

7 Orowa, moshima guru otta, nei pakno aeshosere ya? ani itak. Orota, komungi ashikne hotne chomba ne ruwe ne, sekoro itat. Orowa, nei guru otta shinuma ene itak-hi :— E koro sanniyo-kambi uk wa ine hotne chomba ani nuye yan, ani itak.

Orowa, mosma kur or ta, ne pakno aesosere ya? ani itak. Oro ta, komunki asikne hotne conpa ne ruwe ne, sekor i=tat. Orowa, ne kur or ta sinuma ene itak hi :— E=kor sanniyo-kampi uk wa ine hotne conpa ani nuye yan, ani itak.

8 Orowa, kon nishpa anak ne, nei oupeka sak chisei epungine uitek guru wayashnu no ki nisa ruwe ne gusu, iramye nisa ruwe ne na; inambe gusu ne yakun, pekere un poho kasu no anak ne moshiri un poho koro ikiri ta naa wayashnu wa okai ruwe ne gusu ne na.

Orowa, kor nispa anakne, ne owpeka sak cise epunkine uytek kur wayasnu no ki nisa ruwe ne kusu, iramye nisa ruwe ne na; inanpe kusu ne yakun, peker un poho kasuno anakne mosir un poho kor ikiri ta naa wayasnu wa okay ruwe ne kusu ne na.

9 Shui, echi otta Ku ye, nei ambe isam kusu ne chiki, shiokere shomoki oshiroma-i orun echi ahuptere kuni gusu oupeka sak ikoro ani yaikota gusu ikatairotke utara kara yan.

Suy, eci or ta Ku=ye, ne anpe isam kusu ne ciki, siokere somo ki osiroma hi orun eci=ahuptere kuni kusu owpeka sak i=kor ani yaykota kusu ikatayrotke utar kar yan.

10 Iyotta ponbe gusu ikipniukesh guru anak ne porobe gusu ne yakka ikipniukesh ruwe ne; orowa iyotta ponbe gusu oupeka sak guru anak porobe gusu ne yakka oupeka sakbe ne ruwe ne na.

Iyotta ponpe kusu ikipniwkes kur anakne poro p kusu ne yakka ikipniwkes ruwe ne; orowa iyotta ponpe kusu owpeka sak kur anak poro p kusu ne yakka owpeka sak pe ne ruwe ne na.

11 Tambe gusu, echi utara anak ne oupeka sak no an ikoro gusu ikipniukesh shomoki yakun, son no ambe echi shitkashimare guru nen ne ruwe he an?

Tanpe kusu, eci utar anakne owpeka sak no an i=kor kusu ikipniwkes somo ki yakun, sonno anpe eci sitkasimare kur nen ne ruwe he an?

12 Samata, moshima guru korope gusu ikipniukesh shomoki yakun, yaikota echi korope echi koropare an guru nen ne ruwe he an?

Sama ta, mosma kur kor pe kusu ikipniwkes somo ki yakun, yaykota eci=kor pe eci=korpare an kur nen ne ruwe he an?

13 Tu sapane guru orota yaishieiwangere eashkai uitek guru isam, yak anak ne, shinen kowen, shinen to-omap; shinen ko-oshkoro, shinen etunne kusu ne na. Echi utara okai, Kamui hemhem, aeoteknup hemhem tup ne kane otta yaishieiwangere eaikap ruwe ne.

Tu sapanekur oro ta yaysieywankere easkay uytek kur isam, yakanak ne, sinen kowen, sinen to-omap; sinen ko-oskoro, sinen etunne kusu ne na. Eci utar okay, Kamuy hemhem, aeoteknup hemhem tup ne kane or ta yaysieywankere eaykap ruwe ne.

14 Orowa, ichen omap Parisee un utara anak ne obitta no okai tap orushpe nu, awa, Shinuma emina esapse nisa ruwe ne.

Orowa, icen omap Parisee un utar anakne opittano okay tap oruspe nu, awa, Sinuma emina esapse nisa ruwe ne.

15 Aige, Shinuma nei utara otta ene itak-hi :— Echi utara anak ne utara tek samata yaikatpak sakte ruwe ne, koroka, Kamui anak echi koro keutum eraman: inambe gusu ne yakun, utara tumugeta ariknarep anak ne Kamui tek samata aetunnep ne ruwe ne gusu ne na.

Ayke, Sinuma ne utar or ta ene itak hi :— Eci utar anakne utar teksama ta yaykatpak sakte ruwe ne, korka, Kamuy anak eci=kor kewtum eraman: inanpe kusu ne yakun, utar tumke ta ariknarep anakne Kamuy teksama ta aetunnep ne ruwe ne kusu ne na.

16 Tuitak newa uweingarape anak ne Yoannes pakno an; nei ita wano Kamui moshiri gusu an Pirika shongo eupaskuma a an, orowa, obitta no ahup utara anak ne yaikoniwen wa ahup ruwe ne.

Tuytak newa uweinkarape anakne Yoannes pakno an; ne hi ta wano Kamuy mosir kusu an Pirka sonko ewpaskuma a an, orowa, opittano ahup utar anakne yaykoniwen wa ahup ruwe ne.

17 Koroka, tuitak un shine iyotta ponbe hachiri kasu no kando newa toitoi isam ambe isaika ruwe ne.

Korka, tuytak un sine iyotta ponpe hacir kasuno kanto newa toytoy isam anpe isayka ruwe ne.

18 Inan guru ne yakka koro machi uosurupa wa moshima okai shiwentep ani machi ne kara guru anak ne omoinu kon ruwe ne: samata, koro hoku orowa no aosurupa shiwentep ahupkara guru ne yakka omoinu kon ruwe ne na.

Inan kur ne yakka kor maci uosurpa wa mosma okay siwentep ani maci ne kar kur anakne omoynu kor ruwe ne: sama ta, kor hoku oro wano a=osurpa siwentep ahupkar kur ne yakka omoynu kor ruwe ne na.

19 Orowa, kesto irammakaka okai fure amip newa sarambe amip mi shine oteknu ainu an:

Orowa, kesto irammakaka okay hure amip newa saranpe amip mi sine oteknu aynu an:

20 orowa, nei oteknu guru koro ibe set wano rapapsep ani

orowa, ne oteknu kur kor ipe set wano rapapsep ani

21 yai-ibere rusui hup eshik no oma Razaros ani an reihei koro shine iyahupkara guru shinuma chashi apa samaketa aande nisa ruwe ne: ruwe un, seta poka araki wa shinuma koro piri kemkem nisa ruwe ne.

yay-ipere rusuy hup esik no oma Razaros ani an rehe kor sine iyahupkar kur sinuma casi apa samake ta a=ante nisa ruwe ne: ruwe un, seta poka arki wa sinuma kor piri kemkem nisa ruwe ne.

22 Okaketa, nei iyahupkara guru anak ne rai, orowa, Kamui uitekbe shinuma koro wa paye hine Abraham upshoro ta ande nisa ruwe ne: orowa, nei oteknu guru ne yakka rai wa tushiri oro aomare nisa ruwe ne.

Okake ta, ne iyahupkar kur anakne ray, orowa, Kamuy uytekpe sinuma kor wa paye hine Abraham upsoro ta ante nisa ruwe ne: orowa, ne oteknu kur ne yakka ray wa tusiri oro a=omare nisa ruwe ne.

23 Orowa, shinuma Hedes oshiketa panakte wa an, awa, shiki hepuni hine koro upshoro ta Razaros koro Abraham kattuima no okai shiri nukan nisa ruwe ne.

Orowa, sinuma Hedes oske ta panakte wa an, awa, siki hepuni hine kor upsoro ta Razaros kor Abraham kattuymano okay siri nukar nisa ruwe ne.

24 Orowa, shinuma hawe ashte wa ene itak-hi :— Michi Abraham, en erampokiwen wa en kore, Razaros anak ne koro ashikepet etu wakka oro omare hine ku goro parumbe memamka kuni gusu omande wa en kore; tan abe nui oshiketa ku aiuninka ruwe ne gusu ne na.

Orowa, sinuma hawe aste wa ene itak hi :— Mici Abraham, en=eranpokiwen wa en=kore, Razaros anakne kor askepet etu wakka oro omare hine ku=kor parunpe memamka kuni kusu omante wa en=kore; tan ape nuy oske ta ku ayuninka ruwe ne kusu ne na.

25 Koroka, Abraham ene itak-hi :— Poho, eani kanna moshiri ta e an rapoketa e koro pirika okaibe e kon nisa ruwe ne, orowa, Razaros anak ne nei no korachi wen okaibe kon nisa ruwe ne-hi eshkarun yan: koroka, tane anak shinuma teda an wa aomaoma wa an, eani anak ne aiuninka wa an na.

Korka, Abraham ene itak hi :— Poho, eani kanna mosir ta e an rapoketa e=kor pirka okaype e=kor nisa ruwe ne, orowa, Razaros anakne néno koraci wen okaype kor nisa ruwe ne hi eskarun yan: korka, tane anak sinuma teta an wa a=omaoma wa an, eani anakne ayuninka wa an na.

26 Samata, tan okaibe moshima, chi utara newa echi utara uturuta poro shui aatte wa an, te wano echi orun paye rusui utara paye eaikap kuni gusu, samata, toani wano un orun kush rusui utara araki eaikap kuni gusu ne na, sekoro itak.

Sama ta, tan okaype mosma, ci utar newa eci utar utur ta poro suy aatte wa an, te wano eci=orun paye rusuy utar paye eaykap kuni kusu, sama ta, toan wano un orun kus rusuy utar arki eaykap kuni kusu ne na, sekor itak.

27 Orowa, shinuma ene itak-hi :— Tambe gusu, michi; ku goro michi chisei orun shinuma omande kuni ku koramkon na;

Orowa, sinuma ene itak hi :— Tanpe kusu, mici; ku=kor mici cise orun sinuma omante kuni ku=koramkor na;

28 inambe gusu ne yakun, ainu iriwak ashikne niu ku goro: nei utara iteki tan panakte an ushike un ahup kuni ne orota paweteshu kire wa en kore, sekoro itak.

inanpe kusu ne yakun, aynu irwak asikne niw ku=kor: ne utar iteki tan panakte an usike un ahup kuni ne oro ta pawetesu kire wa en=kore, sekor itak.

29 Koroka, orota Abraham ene itak-hi :— Nei utara otta Mose newa Uweingara utara okai; nei utara anak ne shinuma utara nu yak pirika, ani itak. Orowa,

Korka, oro ta Abraham ene itak hi :— Ne utar or ta Mose newa Ueinkar utar okay; ne utar anakne sinuma utar nu yak pirka, ani itak. Orowa,

30 nei guru ene itak-hi :— Shomo, michi Abraham: koroka, rai guru orowa no shinen oman chiki, nei utara yaikokatpak kusu ne, sekoro itak.

ne kur ene itak hi :— Somo, mici Abraham: korka, raykur oro wano sinen oman ciki, ne utar yaykokatpak kusu ne, sekor itak.

31 Orota shinuma ene itak-hi :— Nei utara anak ne Mose newa Uweingara utara nu shomoki yakun, rai orowa no shinen hetopo-shiknu yakka inu shomoki kusu ne na, sekoro itak.

Oro ta sinuma ene itak hi :— Ne utar anakne Mose newa Ueinkar utar nu somo ki yakun, ray oro wano sinen hetopo-siknu yakka inu somo ki kusu ne na, sekor itak.