Synopsis
Mattaios 21.23-27 §217II
23 Orowa, Shinuma Kamui kora kenru orun ahun chiki nei kenru esapane utara hemhem utara koro ekashi utara hemhem Shinuma epakashnu wa an rapoketa orota araki wa ene itak-hi :— Nep mondum e koro gusu tap okaibe e iki ya? Tan mondum e kore guru nen ne ruwe he an? ari itak.
Orowa, Sinuma Kamuy kor kenru orun ahun ciki ne kenru esapane utar hemhem utar kor ekasi utar hemhem Sinuma epakasnu wa an rapoketa oro ta arki wa ene itak hi :— Nep montum e=kor kusu tap okaype e iki ya? Tan montum e kore kur nen ne ruwe he an? ari itak.
24 Orota Yesu ese wa ene itak-hi :— Kuani ne yakka echi otta shine itak Ku uwepekennu kusu ne, echi En nure chiki anak ne Kuani ne yakka nep mondum Ku goro wa gusu tap okaibe Ku iki ya echi nure ash kusu ne.
Oro ta Yesu ese wa ene itak hi :— Kuani ne yakka eci or ta sine itak Ku=uwepekennu kusu ne, eci En=nure ciki anakne Kuani ne yakka nep montum Ku=kor wa kusu tap okaype Ku=iki ya eci=nure as kusu ne.
25 Yoannes kore Baptisma nei wano ekbe ne ruwe? Kando orowa no ekbe ne ruwe? Ainu orowa no ekbe ne ruwe he an? Orowa, nei utara utashpa upaure wa ene itak-hi :— Kando orowa no ekbe ne ani chi ye chiki, Nep, gusu echi utara Yoannes eishokoro shomoki ya?
Yoannes kore Baptisma ne wano ek pe ne ruwe? Kanto oro wano ek pe ne ruwe? Aynu oro wano ek pe ne ruwe he an? Orowa, ne utar utaspa upawre wa ene itak hi :— Kanto oro wano ek pe ne ani ci ye ciki, Nep, kusu eci utar Yoannes eysokor somo ki ya?
26 Ari Shinuma itak nangoro. Koroka, ainu orowa no ekbe ne ani an itak chi ye yak anak ne inne utara koishitoma ash ruwe ne, inambe gusu ne yakun, obitta no okai utara anak ne Yoannes uweingara guru ne sekoro yainu wa okai ruwe ne.
Ari Sinuma itak nankor. Korka, aynu oro wano ek pe ne ani an itak ci ye yakanak ne inne utar koysitoma as ruwe ne, inanpe kusu ne yakun, opittano okay utar anakne Yoannes ueinkar kur ne sekor yaynu wa okay ruwe ne.
27 Orowa, nei utara Yesu otta ese wa ene itak-hi :— Chi eramushkari, ari itak. Orota Shinuma ne yakka ene itakhi :— Nep mondum Ku goro wa gusu tap okaibe Ku iki ya ne yakka echi nure ash shomoki ruwe ne.
Orowa, ne utar Yesu or ta ese wa ene itak hi :— Ci eramuskari, ari itak. Oro ta Sinuma ne yakka ene itak hi :— Nep montum Ku=kor wa kusu tap okaype Ku=iki ya ne yakka eci=nure as somo ki ruwe ne.
Markos 11.27-33 §127II
27 aige, orota ene itak-hi :— Nep mondum E koro wa gusu tap okaibe E ki ya? Tap okaibe E ki kuni mondum E kore guru nen ne ruwe he an, ari itak.
ayke, oro ta ene itak hi :— Nep montum E=kor wa kusu tap okaype E ki ya? Tap okaype E ki kuni montum E kore kur nen ne ruwe he an, ari itak.
28 Orowa, nei utara otta Yesu ene itak-hi :— Kuani shine itak echi otta Ku nu kusu ne, echi utara En orun ese itak ki yakun, Kuani nep mondum Ku goro wa gusu tap okaibe ki ya echi nure ash kusu ne.
Orowa, ne utar or ta Yesu ene itak hi :— Kuani sine itak eci or ta Ku=nu kusu ne, eci utar En=orun ese itak ki yakun, Kuani nep montum Ku=kor wa kusu tap okaype ki ya eci=nure as kusu ne.
29 Yoannes kore baptisma anak ne kando orowa no ekbe ne ruwe, ainu orowa no ekbe ne ruwe? En orun ese yan.
Yoannes kore paptisma anakne kanto oro wano ek pe ne ruwe, aynu oro wano ek pe ne ruwe? En=orun ese yan.
30 Orowa, nei utara utashpa upaore wa ene itakhi :— Kando orowa no ekbe ne ani chi ye ko anak ne, yakun, nep gusu echi utara shinuma eishokoro shomoki ya? ari an itak ani Shinuma ye nangoro.
Orowa, ne utar utaspa upaore wa ene itak hi :— Kanto oro wano ek pe ne ani ci ye ko anakne, yakun, nep kusu eci utar sinuma eysokor somo ki ya? ari an itak ani Sinuma ye nankor.
31 Koroka, ainu orowa no ekbe ne ani chi ye chiki :— Utara ko-ishitoina: Yoannes anak ne uweingara guru ne ani utara obitta eishokon nisa ruwe ne gusu ne na.
Korka, aynu oro wano ek pe ne ani ci ye ciki :— Utar ko-isitoyna: Yoannes anakne ueinkar kur ne ani utar opitta eysokor nisa ruwe ne kusu ne na.
32 Orowa, Yesu otta, Chi eramushkare ani ese itak ki nisa ruwe ne. Orota Yesu ene itak-hi :— Nep mondum Ku goro wa gusu tap okaibe Ku ki ya hene shomo echi nure ash na, ari itak.
Orowa, Yesu or ta, Ci eramuskare ani ese itak ki nisa ruwe ne. Oro ta Yesu ene itak hi :— Nep montum Ku=kor wa kusu tap okaype Ku=ki ya hene somo eci=nure as na, ari itak.
Roukos 20.1-8 §240II
1 Nei rapoke un shine toho ta Shinuma Kamui kora kenru ta an wa utara epakashnu hemhem ki, Pirika shongo eupaskuma hemhem ki ita, ekashi utara tura no Kamui kora kenru esapane utara hemhem,
Ne rapok un sine toho ta Sinuma Kamuy kor kenru ta an wa utar epakasnu hemhem ki, Pirka sonko ewpaskuma hemhem ki hi ta, ekasi utar turano Kamuy kor kenru esapane utar hemhem,
2 kambi-nuye utara hemhem araki; awa, itak ki hine Shinuma orota ene ye-hi :— Un nure wa un kore: Inan okai mondum e koro wa gusu tap okaibe e ki ya? Samata, nei mondum e kore guru nen ne ruwe he an? ari ye.
kampi-nuye utar hemhem arki; awa, itak ki hine Sinuma oro ta ene ye hi :— Un nure wa un kore: Inan okay montum e=kor wa kusu tap okaype e ki ya? Sama ta, ne montum e kore kur nen ne ruwe he an? ari ye.
3 Shinuma ese wa nei utara otta ene itak-hi :— Kuani nei yakka shine itak echi otta Ku nu kusu ne; orowa En nure yan:
Sinuma ese wa ne utar or ta ene itak hi :— Kuani ne yakka sine itak eci or ta Ku=nu kusu ne; orowa En=nure yan:
4 Yoannes kore baptisma anak ne kando orowa no ekbe ne ruwe, ainu orowa no ekbe ne ruwe ne ya?
Yoannes kore paptisma anakne kanto oro wano ek pe ne ruwe, aynu oro wano ek pe ne ruwe ne ya?
5 Orowa, nei utara utashpa uwe-esanniyo wa ene itak-hi :— Kando orowa no ekbe ne ani chi ye ko anak ne, yakun, nep gusu echi utara shinuma eishokoro shomoki ya? ani Shinuma itak mangoro.
Orowa, ne utar utaspa ue-esanniyo wa ene itak hi :— Kanto oro wano ek pe ne ani ci ye ko anakne, yakun, nep kusu eci utar sinuma eysokor somo ki ya? ani Sinuma itak mankoro.
6 Koroka, ainu orowa no ekbe ne ani chi ye ko anak ne, obitta no okai utara shuma un kopiye-kara kusu ne: Yoannes anak ne uweingara guru ne ani utara eishokoro ruwe ne gusu ne na.
Korka, aynu oro wano ek pe ne ani ci ye ko anakne, opittano okay utar suma un kopiye-kar kusu ne: Yoannes anakne ueinkar kur ne ani utar eysokor ruwe ne kusu ne na.
7 Orowa, nei utara ese wa :— Nei wano ekbe ne ya? chi eramushkari ash na, ari itak.
Orowa, ne utar ese wa :— Ne wano ek pe ne ya? ci eramuskari as na, ari itak.
8 Orowa, nei utara orota Yesu ene itak-hi :— Nep mondum Ku goro wa gusu tap okaibe Ku ki ya bene shomo echi nure ash ruwe ne.
Orowa, ne utar oro ta Yesu ene itak hi :— Nep montum Ku=kor wa kusu tap okaype Ku=ki ya pene somo eci=nure as ruwe ne.
Mattaios 21.33-44 §219II
33 Naa shine itak-maukushte itak nu yan. Chisei koro ainu shinen an, awa, shinuma hat toi kara wa okari ankura roshki, orowa, toi oshiketa ani tonoto orun akara nishu ande, naa samata, shiniwe kuni chisei kara, aige, toi kara utara otta eirusa wa oya moshirʼotta oman nisa ruwe ne.
Naa sine itak-mawkuste itak nu yan. Cise kor aynu sinen an, awa, sinuma hat toy kar wa okari ankura roski, orowa, toy oske ta ani tonoto orun a=kar nisu ante, naa sama ta, siniwe kuni cise kar, ayke, toy kar utar or ta eyrusa wa oya mosir or ta oman nisa ruwe ne.
34 Orowa, nikaop okai ushi epa ehange ko anak ne nei ambe uina kuni gusu toi kara utara orota koro usshiune utara payere nisa ruwe ne,
Orowa, nikaop okay usi epa ehanke ko anakne ne anpe uyna kuni kusu toy kar utar oro ta kor ussiw ne utar payere nisa ruwe ne,
35 awa, toi kara utara anak ne koro usshiune guru shinen shirikik, shinen raige, shuma ani shinen kopiyekara nisa ruwe ne.
awa, toy kar utar anakne kor ussiw ne kur sinen sirkik, sinen rayke, suma ani sinen kopiyekar nisa ruwe ne.
36 Shui, hoshiki no apayere ausshiunere utara kasu no pase utara payere,
Suy, hoskino a=payere aussiwnere utar kasuno pase utar payere,
37 awa, kanna-shui orota nei no iki nisa ruwe ne. Koroka, okaketa, nei utara anak ne ku poho ko-oripak kusu ne ari ye wa orota koro poho omande nisa ruwe ne.
awa, kanna-suy oro ta néno iki nisa ruwe ne. Korka, okake ta, ne utar anakne ku=poho ko-oripak kusu ne ari ye wa oro ta kor poho omante nisa ruwe ne.
38 Koroka, toi kara utara nei poho nukara chiki utashpa ene itak-hi :— Tan guru anak ne eikeshkoro guru ne: hetak, raige wa nei eikeshkoro ambe aukro, ari itak.
Korka, toy kar utar ne poho nukar ciki utaspa ene itak hi :— Tan kur anakne eykeskoro kur ne: hetak, rayke wa ne eykeskoro anpe aukro, ari itak.
39 Aige, nei utara Shinuma kishima wa hat toi orowa no eyomak wa raige nisa ruwe ne.
Ayke, ne utar Sinuma kisma wa hat toy oro wano eyomak wa rayke nisa ruwe ne.
40 Tambe gusu, hat toi kon nishpa ek chiki, nei a toi kara utara otta nekon a iki nangoro ya?
Tanpe kusu, hat toy kor nispa ek ciki, ne a toy kar utar or ta nekona iki nankor ya?
41 Orota nei utara ene itak-hi :— Shinuma nei wen utara wen no isamka, orowa nikaop epa ita iotta koropare kuni moshima okai toi kara utara orun hat toi eirusa kusu ne, ari itak.
Oro ta ne utar ene itak hi :— Sinuma ne wen utar wenno isamka, orowa nikaop epa hi ta iotta korpare kuni mosma okay toy kar utar orun hat toy eyrusa kusu ne, ari itak.
42 Nei utara otta Yesu ene itak-hi :— Chisei kara utara emaka shuma anak ne Chisei shikkeu sapanep ne akan nisa ruwe ne: Tambe anak Utarapa orowa no an ap ne: Chi shik samata aehomatup ne ruwe ne, sekorʼan itak Kamui kambi-sosh kashiketa echi oro-oitak shomoki ya?
Ne utar or ta Yesu ene itak hi :— Cise kar utar emaka suma anakne Cise sikkew sapanep ne a=kar nisa ruwe ne: Tanpe anak Utarpa oro wano an ap ne: Ci sik sama ta aehomatup ne ruwe ne, sekor an itak Kamuy kampi-sos kasike ta eci oro-oytak somo ki ya?
43 Tambe gusu, echi otta Ku ye, Kamui moshiri anak ne echi orowa no auk wa gusu hetukure kuni nikaop hetukure uirup otta akore kusu ne.
Tanpe kusu, eci or ta Ku=ye, Kamuy mosir anakne eci=oro wano auk wa kusu hetukure kuni nikaop hetukure uyrup or ta a=kore kusu ne.
44 Orowa, nei shuma kashiketa hachiri gurʼanak ne hurane apereke kusu ne: koroka, nen ne yakka kashiketa tan shuma hachiri guru anak ne, toitoi koponchi apatu korachi apatu kusu ne, ari itak.
Orowa, ne suma kasike ta hacir kur anakne hurane a=perke kusu ne: korka, nen ne yakka kasike ta tan suma hacir kur anakne, toytoy koponci apatu koraci apatu kusu ne, ari itak.
Markos 12.1-11 §128II
1 Orowa, itak-maukushte-itak ani utara otta ye heashi nisa ruwe ne. Shine ainu anak ne hat toi etoita, nei okari ankura ashte, orowa, orun tonoto kara kuni nishu oma gusu shui ouri, samata, shiniwe chisei kara, aige, toi-kara utara otta eirusa wa oya moshiri orun oman nisa ruwe ne.
Orowa, itak-mawkuste-itak ani utar or ta ye heasi nisa ruwe ne. Sine aynu anakne hat toy etoyta, ne okari ankura aste, orowa, orun tonoto kar kuni nisu oma kusu suy owri, sama ta, siniwe cise kar, ayke, toy-kar utar or ta eyrusa wa oya mosir orun oman nisa ruwe ne.
2 Awa, ibe o ush-i epa ita hat toi un nikaop toi-kara utara orowa no uina kuni ne orota shine uitek guru omande nisa ruwe ne.
Awa, ipe o us hi epa hi ta hat toy un nikaop toy-kar utar oro wano uyna kuni ne oro ta sine uytek kur omante nisa ruwe ne.
3 Aige, toi-kara utara anak ne shinuma kishima wa shirikik hine nep ka sak no arapare.
Ayke, toy-kar utar anakne sinuma kisma wa sirkik hine nep ka sak no arpare.
4 Orowa, shui, naa shine uitek guru nei utara otta aomande, awa, utara anak ne nei guru sapa piri omare hine otta shomo yaikatanu ki ruwe ne.
Orowa, suy, naa sine uytek kur ne utar or ta a=omante, awa, utar anakne ne kur sapa piri omare hine or ta somo yaykatanu ki ruwe ne.
5 Orowa, naa shinen omande, awa, nei utara shinuma raige nisa ruwe ne: orowa, moshima okai inne utara payere; aige, sereke shirikik, sereke ronnu nisa ruwe ne na.
Orowa, naa sinen omante, awa, ne utar sinuma rayke nisa ruwe ne: orowa, mosma okay inne utar payere; ayke, serke sirkik, serke ronnu nisa ruwe ne na.
6 Toi kon nishpa naa shinen poka koro, omap an poho ne: awa, iyotta okaketa nei utara otta shinuma omande wa :—
Toy kor nispa naa sinen poka kor, omap an poho ne: awa, iyotta okake ta ne utar or ta sinuma omante wa :—
7 Ku poho ko-oripak nangoro, ari itak. Koroka, toi-kara utara utashpa ene uwe itak-hi :— Tan guru anak ne eikeshkoro gunʼne; hetak, shinuma raige, yak anak ne nei eikeshkoro kunip chi korobe ne kusu ne na, ari itak.
Ku=poho ko-oripak nankor, ari itak. Korka, toy-kar utar utaspa ene ue itak hi :— Tan kur anakne eykeskoro kunne; hetak, sinuma rayke, yakanak ne ne eykeskoro kunip ci kor pe ne kusu ne na, ari itak.
8 Tata otta nei utara shinuma kishima wa raige, orowa no, hat toi wano emaka nisa ruwe ne.
Tata or ta ne utar sinuma kisma wa rayke, orowano, hat toy wano emaka nisa ruwe ne.
9 Tambe gusu, hat toi kon nishpa nekon a ki nangora? Shinuma ek wa nei okai toi-kara utara isamka, aige, moshima utara otta nei hat toi koropare kusu ne na.
Tanpe kusu, hat toy kor nispa nekona ki nankora? Sinuma ek wa ne okay toy-kar utar isamka, ayke, mosma utar or ta ne hat toy korpare kusu ne na.
10 Tan chieshinnuye wa an itak ka naa shomo echi orooitak ya? — Chisei kara utara osura shuma anak, Nei ambe shikkeu sapaha shuma ne akan nisa ruwe ne:
Tan ciesinnuye wa an itak ka naa somo eci=oroytak ya? — Cise kar utar osura suma anak, Ne anpe sikkew sapaha suma ne a=kar nisa ruwe ne:
11 Tambe anak ne Utarapa orowa no an ambe ne, Chi shik samata aenushkarip ne ruwe ne: sekoro Yesu itak.
Tanpe anakne Utarpa oro wano an anpe ne, Ci sik sama ta aenuskarip ne ruwe ne: sekor Yesu itak.
Roukos 20.9-18 §241II
9 Orowa, Shinuma tan itak-maukushte-itak utara otta ye heashi nisa ruwe ne :— Shine ainu anak ne hat toi etoita wa toi kara utara otta erusa nisa ruwe ne, orowa, ohon no okai gusu oya moshirʼotta oman nisa ruwe ne na.
Orowa, Sinuma tan itak-mawkuste-itak utar or ta ye heasi nisa ruwe ne :— Sine aynu anakne hat toy etoyta wa toy kar utar or ta erusa nisa ruwe ne, orowa, ohor no okay kusu oya mosir or ta oman nisa ruwe ne na.
10 Awa, ibe o ush-i epa ita anak ne hat toi un nikaop akore kuni ne shine usshiune guru nei toi kara utara otta omande nisa ruwe ne; koroka, toi kara utara anak ne nei guru shirikik wa nep ka sak no arapare nisa ruwe ne.
Awa, ipe o us hi epa hi ta anakne hat toy un nikaop a=kore kuni ne sine ussiw ne kur ne toy kar utar or ta omante nisa ruwe ne; korka, toy kar utar anakne ne kur sirkik wa nep ka sak no arpare nisa ruwe ne.
11 Orowa, naa shine usshiune guru omande ruwe ne: awa, nei utara shinuma ne yakka shirikik wa otta shomo ko-oripak no ki hine nep ka sak no arapare ruwe ne.
Orowa, naa sine ussiw ne kur omante ruwe ne: awa, ne utar sinuma ne yakka sirkik wa or ta somo ko-oripak no ki hine nep ka sak no arpare ruwe ne.
12 Orowa no, naa re otutanu an guru omande: nei utara anak ne shinuma ne yakka piri ore wa emaka nisa ruwe ne.
Orowano, naa re otutanu an kur omante: ne utar anakne sinuma ne yakka piri ore wa emaka nisa ruwe ne.
13 Orowa, nei hat toi kon nishpa ene itak-hi :— Nekon a ku ki ya? Ku omap an poho ku omande kusu ne; nei utara shinuma ko-oripak kusu ne nangoro, ari itak.
Orowa, ne hat toy kor nispa ene itak hi :— Nekona ku=ki ya? Ku=omap an poho ku=omante kusu ne; ne utar sinuma ko-oripak kusu ne nankor, ari itak.
14 Koroka, nei toi kara utara shinuma nukara chiki, utashpa upaore wa ene itak-hi :— Tan guru anak ne eikeshkoro gunʼne; nei eikeshkoro kunip chi korobe ne kuni ne raige anro, ari itak.
Korka, ne toy kar utar sinuma nukar ciki, utaspa upaore wa ene itak hi :— Tan kur anakne eykeskoro kunne; ne eykeskoro kunip ci kor pe ne kuni ne rayke an ro, ari itak.
15 Orowa, hat toi wano shinuma eyomak hine raige nisa ruwe ne. Tambe gusu, hat toi kon nishpa nei utara otta nekon a iki nangora?
Orowa, hat toy wano sinuma eyomak hine rayke nisa ruwe ne. Tanpe kusu, hat toy kor nispa ne utar or ta nekona iki nankora?
16 Shinuma ek wa nei toi kara utara isamka wa moshima okai utara otta koropare kusu ne, ari itak. Orowa, okai utara nei ambe nu chiki :—
Sinuma ek wa ne toy kar utar isamka wa mosma okay utar or ta korpare kusu ne, ari itak. Orowa, okay utar ne anpe nu ciki :—
17 Iteki nei no an kuni anro, sekoro itak. Koroka, Shinuma nei utara orun ingara wa ene itak-hi :— Yakun, tap chieshinnuye wa an itak nekon a ambe ne ya? Chisei kara utara emaka shuma anak ne Shikkeu sapane shuma ne akan nisa ruwe ne?
Iteki néno an kuni an ro, sekor itak. Korka, Sinuma ne utar orun inkar wa ene itak hi :— Yakun, tap ciesinnuye wa an itak nekona anpe ne ya? Cise kar utar emaka suma anakne Sikkew sapane suma ne a=kar nisa ruwe ne?
18 Nei shuma kashiketa hachiri gurʼanak ne hurane apereke kusu ne; koroka, nen ne yakka kashiketa tan shuma hachiri guru an chiki toitoi mana acharichari korachi shinuma gusu aki kusu ne na.
Ne suma kasike ta hacir kur anakne hurane a=perke kusu ne; korka, nen ne yakka kasike ta tan suma hacir kur an ciki toytoy mana a=caricari koraci sinuma kusu aki kusu ne na.
Mattaios 21.45-46 §220I
45 Orowa, Kamui kora kenru esapane utara newa Parisee un utara koro itak-maukushte itak nu chiki, shinuma utara epeka no aye itak ne-i sekoro eraman nisa ruwe ne.
Orowa, Kamuy kor kenru esapane utar newa Parisee un utar kor itak-mawkuste itak nu ciki, sinuma utar epeka no a=ye itak ne hi sekor eraman nisa ruwe ne.
46 Orowa, Shinuma kishima kuni hunara chiki, inne utara koishitoma ruwe ne, inambe gusu ne yakun, Shinuma anak ne uweingara guru ne sekoro esanniyo nisa ruwe ne na.
Orowa, Sinuma kisma kuni hunara ciki, inne utar koysitoma ruwe ne, inanpe kusu ne yakun, Sinuma anakne ueinkar kur ne sekor esanniyo nisa ruwe ne na.
Markos 12.12 §129I
12 Orowa, utara anak ne Shinuma kishima rusui a koroka, inne utara ko-ishitoma, nisa ruwe ne; Shinuma nei utara epeka no nei itak-maukushte-itak ye shiri ramepakari wa okai ruwe ne gusu ne na; orowa no, nei utara Shinuma moshima no ande wa paye nisa ruwe ne na.
Orowa, utar anakne Sinuma kisma rusuy a korka, inne utar ko-isitoma, nisa ruwe ne; Sinuma ne utar epeka no ne itak-mawkuste-itak ye siri ramepakari wa okay ruwe ne kusu ne na; orowano, ne utar Sinuma mosmano ante wa paye nisa ruwe ne na.
Roukos 20.19 §242I
19 Orowa, nei i epakigeta anak ne kambi-nuye utara newa Kamui kora kenru esapane utara Shinuma kishima kuni hunara ruwe ne: awa; okai utara ko-ishitoma; orowa, yaikota epeka no Shinuma nei itak-maukushte-itak ye nisa ruwe ne, sekoro, nei utara ramepakari nisa ruwe ne gusu ne na.
Orowa, ne i epakiketa anakne kampi-nuye utar newa Kamuy kor kenru esapane utar Sinuma kisma kuni hunara ruwe ne: awa; okay utar ko-isitoma; orowa, yaykota epeka no Sinuma ne itak-mawkuste-itak ye nisa ruwe ne, sekor, ne utar ramepakari nisa ruwe ne kusu ne na.
Mattaios 22.15-33 §223II
15 Orowa no Parisee un utara paye wa Shinuma ye itak ani oitaksakte kuni eukoramkon nisa ruwe ne.
Orowano Parisee un utar paye wa Sinuma ye itak ani oytaksakte kuni e=wkoramkor nisa ruwe ne.
16 Awa, shinuma utara koro koikara utara Herodian un utara tura Shinuma otta payere wa ene itakte-hi :— Epakashnu guru, Aokai an at ne sone an guru ne ruwe ne, orowa, son no Kamui ruhu epakashnu wa nen ne yakka koishitoma shomoki ruwe ne; ainu E esanniyo shomoki ruwe ne gusu ne na.
Awa, sinuma utar kor koykar utar Herodian un utar tura Sinuma or ta payere wa ene itakte hi :— Epakasnu kur, Aokay an at ne sone an kur ne ruwe ne, orowa, sonno Kamuy ruhu epakasnu wa nen ne yakka koysitoma somo ki ruwe ne; aynu E esanniyo somo ki ruwe ne kusu ne na.
17 Tambe gusu, nekon a E yainu ya? Un nure wa un kore, — Kaisaros otta yatu koropare-i anak ne oupeka ambe ne ya? Shomo ne ya?
Tanpe kusu, nekona E yaynu ya? Un nure wa un kore, — Kaysaros or ta yatu korpare hi anakne owpeka anpe ne ya? Somo ne ya?
18 Un nure wa un kore, ari itak. Koroka, Shinuma nei utara wen koro ambe eraman wa otta ene itak-hi :— Echi kankapkapeka utara, hemanda gusu echi En koramnukara ya?
Un nure wa un kore, ari itak. Korka, Sinuma ne utar wen kor anpe eraman wa or ta ene itak hi :— Eci kankapkapeka utar, hemanta kusu eci En=koramnukar ya?
19 Yaku koropare kuni ichen En nukare yan. Nei utara shine denarion koro wa araki nisa.
Yaku korpare kuni icen En=nukare yan. Ne utar sine tenarion kor wa arki nisa.
20 Orota Shinuma ene itak-hi :— Tan nokaha newa kashiketa anuye wa an ikiri nen korope ne ruwe he an? Kaisaros korope ne shinuma utara ye nisa ruwe ne.
Oro ta Sinuma ene itak hi :— Tan nokaha newa kasike ta a=nuye wa an ikiri nen kor pe ne ruwe he an? Kaysaros kor pe ne sinuma utar ye nisa ruwe ne.
21 Orowa, nei utara otta Shinuma ene itak-hi :— Tambe gusu Kaisaros otta Kaisaros korope koropare yan; Kamui korope anak ne Kamui otta yange yan, ari itak.
Orowa, ne utar or ta Sinuma ene itak hi :— Tanpe kusu Kaysaros or ta Kaysaros kor pe korpare yan; Kamuy kor pe anakne Kamuy or ta yanke yan, ari itak.
22 Nei utara tan itak nu chiki iyokunnure wa Shinuma moshima no okai hine paye nisa ruwe ne.
Ne utar tan itak nu ciki iyokunnure wa Sinuma mosmano okay hine paye nisa ruwe ne.
23 Nei toho ta hetopo-shiknu-ambe isam ari ye Saddokai un utara Shinuma orota araki wa uwepekennu hine ene itak-hi :—
Ne toho ta hetopo-siknu-anpe isam ari ye Saddokay un utar Sinuma oro ta arki wa uwepekennu hine ene itak hi :—
24 Epakashnu guru, po sak no ainu rai chiki koro iriwak nei machihi ahupkara wa iriwak otta kese kore kuni po hetukure yan, ari Mose itak nisa ruwe ne.
Epakasnu kur, po sak no aynu ray ciki kor irwak ne macihi ahupkar wa irwak or ta kese kore kuni po hetukure yan, ari Mose itak nisa ruwe ne.
25 Tap, ainu uiriwak ara wa niu okai; awa, kiyanne guru mat ahupkara, orowa no rai ruwe ne; po sak gusu koro akihi otta machihi hoppa nisa ruwe ne;
Tap, aynu uyriwak ar wa niw okay; awa, kiyanne kurmat ahupkar, orowano ray ruwe ne; po sak kusu kor akihi or ta macihi hoppa nisa ruwe ne;
26 tutanu an ainu ne yakka nei no iki, naa otutanu an ainu hemhem arawan uotutanu an ainu pakno hemhem nei no iki nisa ruwe ne.
tutanu an aynu ne yakka néno iki, naa otutanu an aynu hemhem arwan uotutanu an aynu pakno hemhem néno iki nisa ruwe ne.
27 Ainu uiriwak obitta rai wa isam okaketa nei a shiwentep ne yakka rai okere.
Aynu uyriwak opitta ray wa isam okake ta ne a siwentep ne yakka ray okere.
28 Tambe gusu, hetopo-shiknu ita anak ne nei shiwentep arawa niu otta inan guru machihi ne ruwe? Obitta kon nisa ruwe ne gusu ne na, ari itak.
Tanpe kusu, hetopo-siknu hi ta anakne ne siwentep a=raw niw or ta inan kur macihi ne ruwe? Opitta kor nisa ruwe ne kusu ne na, ari itak.
29 Koroka, nei utara otta Yesu ese wa ene itak-hi :— Echi utara anak ne, Kamui kambi-sosh newa Kamui mondum erampeutek wa gusu ohaita ruwe ne.
Korka, ne utar or ta Yesu ese wa ene itak hi :— Eci utar anakne, Kamuy kampi-sos newa Kamuy montum eranpewtek wa kusu ohay ta ruwe ne.
30 Inambe gusu ne yakun, hetopo-shiknu ita anak ne mat ahuptara ambe hoku ahupkara ambe, mat akore ambe hoku akore ambe isam ruwe ne, koroka, kando otta an Kamui hauturumbe ukorachi ne ruwe ne.
Inanpe kusu ne yakun, hetopo-siknu hi ta anakne mat ahuptara anpe hoku ahupkar anpe, mat a=kore anpe hoku a=kore anpe isam ruwe ne, korka, kanto or ta an Kamuy hawturunpe ukoraci ne ruwe ne.
31 Koroka, rai guru hetopo-shiknu ambe gusu anak, —
Korka, raykur hetopo-siknu anpe kusu anak, —
32 Kuani anak ne Abraham koro Kamui ne, Isaak koro Kamui ne, Yakob koro Kamui Ku ne ruwe ne, ari Kamui ye itak echi oro-oitak shomoki ruwe he an? Kamui anak ne rai guru koro Kamui shomo ne, koroka, ishu guru koro Kamui ne ruwe tapan na.
Kuani anakne Abraham kor Kamuy ne, Isaak kor Kamuy ne, Yakob kor Kamuy Ku ne ruwe ne, ari Kamuy ye itak eci oro-oytak somo ki ruwe he an? Kamuy anakne raykur kor Kamuy somo ne, korka, i=su kur kor Kamuy ne ruwe tapan na.
33 Inne utara tan itak nu chiki, Shinuma koro epakashi koenushkari nisa ruwe ne na.
Inne utar tan itak nu ciki, Sinuma kor epakasi koenuskari nisa ruwe ne na.
Markos 12.13-27 §130II
13 Orowa no, Shinuma oitaksakte kuni ne utara anak ne Parisee un utara newa Herodian un utara Shinuma orota payere nisa ruwe ne.
Orowano, Sinuma oytaksakte kuni ne utar anakne Parisee un utar newa Herodian un utar Sinuma oro ta payere nisa ruwe ne.
14 Awa, orota araki chiki Shinuma otta ene itak-hi :— Epakashnu guru, Aokai anak ne sone an gunʼne, nen ne yakka E ko-ishitoma shomoki ruwe ne shiri chi eramʼan: ainu katuhu Aokai esanniyo shomoki no son no newa Kamui ru epakashnu ruwe ne gusu ne na: Kaisaros otta yakuichen koropare-ambe anak ne kashpaotte nei no an ambe ne ya, shomo ya?
Awa, oro ta arki ciki Sinuma or ta ene itak hi :— Epakasnu kur, Aokay anakne sone an kunne, nen ne yakka E ko-isitoma somo ki ruwe ne siri ci eraman: aynu katuhu Aokay esanniyo somo ki no sonno newa Kamuy ru epakasnu ruwe ne kusu ne na: Kaysaros or ta yakuycen korpare-anpe anakne kaspaotte néno an anpe ne ya, somo ya?
15 Chi utara anak ne nei ambe sange kunip ne ya, shomo sange yak pirika ya? ari itak. Koroka, Shinuma nei utara kankapkapeka ambe eramʼan wa orota ene itak-hi :— Nep gusu echi En koramnukara ya? Denaria shinep koro wa araki wa En nukare.
Ci utar anakne ne anpe sanke kunip ne ya, somo sanke yak pirka ya? ari itak. Korka, Sinuma ne utar kankapkapeka anpe eraman wa oro ta ene itak hi :— Nep kusu eci En=koramnukar ya? Denaria sinep kor wa arki wa En=nukare.
16 Orowa no, koro wa araki. Tata otta Shinuma nei utara otta ene itak-hi :— Tan nokaha newa kashiketa anuye wa an ikiri inan guru korope ne ruwe he an? sekoro itak. Orota, Kaisaros korope ne ani nei utara ye ruwe ne.
Orowano, kor wa arki. Tata or ta Sinuma ne utar or ta ene itak hi :— Tan nokaha newa kasike ta a=nuye wa an ikiri inan kur kor pe ne ruwe he an? sekor itak. Oro ta, Kaysaros kor pe ne ani ne utar ye ruwe ne.
17 Tata otta Yesu nei utara otta ene itak-hi :— Kaisaros otta Kaisaros korobe koropare yan, Kamui otta Kamui korobe koropare yan, ari itak. Orowa no, nei utara shi no enushkari nisa ruwe ne na.
Tata or ta Yesu ne utar or ta ene itak hi :— Kaysaros or ta Kaysaros kor pe korpare yan, Kamuy or ta Kamuy kor pe korpare yan, ari itak. Orowano, ne utar sino enuskari nisa ruwe ne na.
18 Orowa, hetopo-shiknu ambe isam sekoro ye Saddokai un utara anak ne Yesu otta araki hine uwepekennu wa ene itak-hi :—
Orowa, hetopo-siknu anpe isam sekor ye Saddokay un utar anakne Yesu or ta arki hine uwepekennu wa ene itak hi :—
19 Epakashnu guru, Mose anak ne un gusu kambi-nuye katu ene okai-hi :— Ainu koro ainu iriwak rai wa koro machi hoppa, aige, po sak chiki, rai guru koro ainu iriwak anak ne nei machi koro wa iriwak otta kese kore kuni po hetukure yan, ani ne ruwe ne.
Epakasnu kur, Mose anakne un kusu kampi-nuye katu ene okay hi :— Aynu kor aynu irwak ray wa kor maci hoppa, ayke, po sak ciki, raykur kor aynu irwak anakne ne maci kor wa irwak or ta kese kore kuni po hetukure yan, ani ne ruwe ne.
20 Arawan ainu uiriwak okai: kiyanne guru machi koro, orowa no po sak no rai:
Arwan aynu uyriwak okay: kiyanne kur maci kor, orowano po sak no ray:
21 tutanu an ainu nei shiwentep koro, aine, po hoppa shomoki no rai:
tutanu an aynu ne siwentep kor, ayne, po hoppa somo ki no ray:
22 nei otutanu an ainu shem korachi; arawan utara po ande shomoki nisa ruwe ne. Okaketa nei shiwentep ne yakka rai nisa ruwe ne na.
ne otutanu an aynu semkoraci; arwan utar po ante somo ki nisa ruwe ne. Okake ta ne siwentep ne yakka ray nisa ruwe ne na.
23 Hetopo-shiknu-i ita anak ne nei shiwentep anak nei utara otta inan guru koro machihi ne kusu ne ya? arawa niu machi ne kon nisa ruwe ne gusu ne na.
Hetopo-siknu hi hi ta anakne ne siwentep anakne utar or ta inan kur kor macihi ne kusu ne ya? a=raw niw maci ne kor nisa ruwe ne kusu ne na.
24 Orota Yesu ene itak-hi :— Echi utara anak ne Kamui nuyere kambi-sosh newa Kamui kiroro echi erampeutek wa gusu, tambe gusu, echi ohaita shomoki ruwe he an?
Oro ta Yesu ene itak hi :— Eci utar anakne Kamuy nuyere kampi-sos newa Kamuy kiroro eci=eranpewtek wa kusu, tanpe kusu, eci=ohay ta somo ki ruwe he an?
25 Rai orowa no hetopo-shiknu ita anak ne mat ahupkara ambe, ainu ahupkara ambe, mat kore, ainu kore i isama; koroka, kando otta an Kamui hauturunbe ukorachi ne ruwe ne.
Ray oro wano hetopo-siknu hi ta anakne mat ahupkar anpe, aynu ahupkar anpe, mat kore, aynu kore i isam; korka, kanto or ta an Kamuy hawturunpe ukoraci ne ruwe ne.
26 Koroka, rai guru hetopo-a-shiknure gusu an ap anak: Mose nuye kambi-sosh kata nei chaha orushpe chieshinnuye wa an ushiketa, nekon a itak ani shinuma orota Kamui ye ya? Naa shomo echi orooitak ya? — Kuani anak ne Abraham koro Kamui ne, Isaak koro Kamui ne, Yakob koro Kamui ne ruwe ne, ari an itak ani Kamui itak nisa.
Korka, raykur hetopo-a-siknure kusu an ap anak: Mose nuye kampi-sos kata ne caha oruspe ciesinnuye wa an uske ta, nekona itak ani sinuma oro ta Kamuy ye ya? Naa somo eci=oroytak ya? — Kuani anakne Abraham kor Kamuy ne, Isaak kor Kamuy ne, Yakob kor Kamuy ne ruwe ne, ari an itak ani Kamuy itak nisa.
27 Shinuma anak ne rai guru koro Kamui shomo ne, shiknu guru koro Kamui ne ruwe ne: echi utara poron no ohaita ruwe ne na.
Sinuma anakne raykur kor Kamuy somo ne, siknu kur kor Kamuy ne ruwe ne: eci utar poronno ohay ta ruwe ne na.
Roukos 20.20-39 §243II
20 Orowa, nei utara Shinuma uwande, samata ye itak oitak-sakte wa esapane umbe otta hemhem mondum koro epungine guru otta hemhem ekoshi kuni ne, orota yaitota shioupekanere etokoush kuni utara payere nisa ruwe ne.
Orowa, ne utar Sinuma uwante, sama ta ye itak oytak-sakte wa esapane un pe or ta hemhem montum kor epunkine kur or ta hemhem ekosi kuni ne, oro ta yaytota siowpekanere etokous kuni utar payere nisa ruwe ne.
21 Orowa, nei utara Shinuma otta nu wa ene itak-hi :— Epakashnu guru, Aokai anak ne oupeka no ye hemhem ki, epakashnu hemhem ki, orowa, ainu esanniyo shomoki, koroka, oheuge sak no Kamui ruhu epakashnu ruwe ne,
Orowa, ne utar Sinuma or ta nu wa ene itak hi :— Epakasnu kur, Aokay anakne owpekano ye hemhem ki, epakasnu hemhem ki, orowa, aynu esanniyo somo ki, korka, ohewke sak no Kamuy ruhu epakasnu ruwe ne,
22 ari an ambe chi eramʼan: Chi utara anak ne Kaisaros otta yaku koropare ambe anak ne ikashpaotte nei no an ambe ne ya, shomo ne ya?
ari an anpe ci eraman: Ci utar anakne Kaysaros or ta yaku korpare anpe anakne ikaspaotte néno an anpe ne ya, somo ne ya?
23 Koroka, Shinuma anak ne nei utara koro irarabe eramʼan wa otta ene itak-hi :—
Korka, Sinuma anakne ne utar kor irara p eraman wa or ta ene itak hi :—
24 Denaria shinep En nukare yan. Kashiketa shinuye wa an nokaha newa ikiri anak ne inan guru korobe ne ya? Otta, Kaisaros korobe ne, ani nei utara itak.
tenaria sinep En=nukare yan. Kasike ta sinuye wa an nokaha newa ikiri anakne inan kur kor pe ne ya? Or ta, Kaysaros kor pe ne, ani ne utar itak.
25 Orowa Shinuma nei utara otta ene itak-hi :— Yak anak ne Kaisaros otta Kaisaros korobe koropare yan, Kamui otta Kamui korobe koropare yan, ari itak.
Orowa Sinuma ne utar or ta ene itak hi :— Yakanak ne Kaysaros or ta Kaysaros kor pe korpare yan, Kamuy or ta Kamuy kor pe korpare yan, ari itak.
26 Orowa, nei utara anak ne utara kotchaketa okai wa nei itak oitaksakte eaikap ruwe ne: orowa, nei ese itak gusu enushkari wa shomo itak ki no okai nisa ruwe ne na.
Orowa, ne utar anakne utar kotcake ta okay wa ne itak oytaksakte eaykap ruwe ne: orowa, ne ese itak kusu enuskari wa somo itak ki no okay nisa ruwe ne na.
27 Orowa no, hetopo-shiknu ambe isam sekoro ye Saddokai un utara araki wa Shinuma otta nu wa ene itak-hi :—
Orowano, hetopo-siknu anpe isam sekor ye Saddokay un utar arki wa Sinuma or ta nu wa ene itak hi :—
28 Epakashnu guru, Mose un gusu kambi-nuye katu ene okai-hi :— Ainu koro ainu iriwak anak ne machi koro, orowa, po sak no rai chiki, nei ainu anak koro iriwak hoppa machi koro wa otta kese kore kuni po hetukure tusu ne, ani nuye.
Epakasnu kur, Mose un kusu kampi-nuye katu ene okay hi :— Aynu kor aynu irwak anakne maci kor, orowa, po sak no ray ciki, ne aynu anak kor irwak hoppa maci kor wa or ta kese kore kuni po hetukure tusu ne, ani nuye.
29 Arawan ainu uiriwak okai; kiyanne guru machi koro wa po sak no rai;
Arwan aynu uyriwak okay; kiyanne kur maci kor wa po sak no ray;
30 tu otutanu hemhem, re otutanu hemhem,
tu otutanu hemhem, re otutanu hemhem,
31 nei no ne ruwe ne; arawa niu ka nei shiwentep koro, awa, po ande shomoki no rai nisa ruwe ne.
néno ne ruwe ne; a=raw niw ka ne siwentep kor, awa, po ante somo ki no ray nisa ruwe ne.
32 Okaketa, nei shiwentep ne yakka rai nisa ruwe ne.
Okake ta, ne siwentep ne yakka ray nisa ruwe ne.
33 Hetopo-shiknu-i ita anak ne nei shiwentep anak nei utara otta inan guru koro machi ne kusu ne ya? arawa niu machi ne kon nisa ruwe ne gusu ne na.
Hetopo-siknu hi hi ta anakne ne siwentep anakne utar or ta inan kur kor maci ne kusu ne ya? a=raw niw maci ne kor nisa ruwe ne kusu ne na.
34 Orota Yesu ene itak-hi :— Tane okai poho utara anak ne matakore hoku akore ruwe ne:
Oro ta Yesu ene itak hi :— Tane okay poho utar anakne matkore hoku a=kore ruwe ne:
35 koroka, nei moshiri hemhem akore, rai orowa no hetopo-ashiknure kuni hemhem aesanniyo utara anak ne matakore shomoki hoku akore shomoki ruwe ne:
korka, ne mosir hemhem a=kore, ray oro wano hetopo-a=siknure kuni hemhem a=esanniyo utar anakne matkore somo ki hoku a=kore somo ki ruwe ne:
36 orowa, shui nei utara anak ne naa rai eaikap: Kamui hauturumbe nei no okaibe ne; orowa, hetopo-shiknu poho ne gusu Kamui poho ne ruwe ne.
orowa, suy ne utar anakne naa ray eaykap: Kamuy hawturunpe néno okaype ne; orowa, hetopo-siknu poho ne kusu Kamuy poho ne ruwe ne.
37 Koroka, rai guru hetopo-ashiknure gusu an ambe anak, Mose poka nei chaha orushpe an ushiketa, Utarapa ani Abraham Kamui, Isaat Kamui, Yakob Kamui sekoro ye ita epakashnu ruwe ne.
Korka, raykur hetopo-a=siknure kusu an anpe anak, Mose poka ne caha oruspe an uske ta, Utarpa ani Abraham Kamuy, Isaat Kamuy, Yakob Kamuy sekor ye hi ta epakasnu ruwe ne.
38 Shinuma anak ne rai guru koro Kamui shomo ne, shiknu guru koro Kamui ne ruwe ne: Shinuma gusu obitta no okai utara anak ne shiknu ruwe ne.
Sinuma anakne raykur kor Kamuy somo ne, siknu kur kor Kamuy ne ruwe ne: Sinuma kusu opittano okay utar anakne siknu ruwe ne.
39 Orowa, kambi-nuye utara ese wa ene itak-hi :— Epakashnu guru, Aokai pirika no ye ruwe ne, ari itak.
Orowa, kampi-nuye utar ese wa ene itak hi :— Epakasnu kur, Aokay pirkano ye ruwe ne, ari itak.
Mattaios 22.46 §226II
46 a iki wa gusu koro poho ne ya? Orowa shine itak ani poka ese eashkai guru shinen ka isam, aige, nei toho wano Shinuma otta uwepekennu eashkai guru shinen ka isam nisa ruwe ne na.
a iki wa kusu kor poho ne ya? Orowa sine itak ani poka ese easkay kur sinen ka isam, ayke, ne toho wano Sinuma or ta uwepekennu easkay kur sinen ka isam nisa ruwe ne na.
Markos 12.34B §133II
34 Orowa, nei guru oramush no ese ruwe ne sekoro Yesu nukara koro, orota ene itak-hi :— Aokai anak ne Kamui moshiri orowa no ehangeko no an shomo ne, ani itak. Orowa no, nei i wano nen ne yakka Yesu otta nepka uwepekennu kuni guru isam ruwe ne na.
Orowa, ne kur oramus no ese ruwe ne sekor Yesu nukar kor, oro ta ene itak hi :— Aokay anakne Kamuy mosir oro wano e=hankeko no an somo ne, ani itak. Orowano, ne i wano nen ne yakka Yesu or ta nep ka uwepekennu kuni kur isam ruwe ne na.
Roukos 20.40 §244II
40 Orowa, okai utara anak ne Shinuma otta naa itak uwepekennu kuni ishitoma nisa ruwe ne na.
Orowa, okay utar anakne Sinuma or ta naa itak uwepekennu kuni isitoma nisa ruwe ne na.
Mattaios 22.41-45 §225II
41 Orowa, Parisee un utara uwekarapa wa okai rapoketa Yesu shine uwepekennu-i nu wa ene itak-hi :—
Orowa, Parisee un utar uekarpa wa okay rapoketa Yesu sine uwepekennu hi nu wa ene itak hi :—
42 Kiristo gusu echi nekon a yainu? Shinuma inan guru koro poho ne ya? Aige, Dabid poho ne sekoro nei utara ye nisa ruwe ne.
Kiristo kusu eci=nekon a yaynu? Sinuma inan kur kor poho ne ya? Ayke, Dabid poho ne sekor ne utar ye nisa ruwe ne.
43 Orota Shinuma ene itak-hi :— Yakun, E epokba utara e chikiri choropoketa ku ande pakno, Ku shimon tek samata a, Ani Utarapa anak ne ku Utarapa otta ye,
Oro ta Sinuma ene itak hi :— Yakun, E epokpa utar e cikiri corpoke ta ku=ante pakno, Ku=simon teksama ta a, Ani Utarpa anakne ku Utarpa or ta ye,
44 sekorʼan itak ani nep gusu Dabid anak ne ramat oshiketa koro poho epeka no Utarapa ani reikore ya?
sekor an itak ani nep kusu Dabid anakne ramat oske ta kor poho epeka no Utarpa ani rékore ya?
45 Dabid anak ne Shinuma Utarapa ani ye chiki, nekon
Dabid anakne Sinuma Utarpa ani ye ciki, nekon
Markos 12.35-37 §134II
35 Orowa, Yesu Kamui kora kenru ta epakashnu wa an ita ese wa ene itak-hi :— Hemanda gusu kambi-nuye utara anak ne Kiristo anak Dabid koro poho ne ani itak ya?
Orowa, Yesu Kamuy kor kenru ta epakasnu wa an hi ta ese wa ene itak hi :— Hemanta kusu kampi-nuye utar anakne Kiristo anak Dabid kor poho ne ani itak ya?
36 Dabid anak ne yaikota Ashkanne Ramat ani, Utarapa anak ne ku Utarapa otta, ene itak-hi :— E epokba utara kata e chikiri aande kunip ne ku kara pakno, Ku shimon tek samata a, sekoro itak.
Dabid anakne yaykota Askanne Ramat ani, Utarpa anakne ku Utarpa or ta, ene itak hi :— E epokpa utar kata e cikiri a=ante kunip ne ku=kar pakno, Ku=simon teksama ta a, sekor itak.
37 Dabid yaikota Shinuma Utarapa ani ye; Hemanda gusu koro poho ne ruwe ne ya? Orowa, nei uwatte no an utara anak ne yaikopuntek no Shinuma nunisa ruwe ne.
Dabid yaykota Sinuma Utarpa ani ye; Hemanta kusu kor poho ne ruwe ne ya? Orowa, ne uwatte no an utar anakne yaykopuntek no Sinuma nunisa ruwe ne.
Roukos 20.41-44 §245II
41 Orowa, Shinuma nei utara otta ene itak-hi :— Hemanda gusu Kiristo anak ne Dabid koro poho ne ani utara ye ya?
Orowa, Sinuma ne utar or ta ene itak hi :— Hemanta kusu Kiristo anakne Dabid kor poho ne ani utar ye ya?
42 Inambe gusu ne yakun, Dabid yaikota Iyohaiochish oma kambi-sosh kata ene itak-hi :—
Inanpe kusu ne yakun, Dabid yaykota Iyohaiochish oma kampi-sos kata ene itak hi :—
43 Utarapa anak ne ku goro Utarapa otta ene itak-hi :— E epokba utara ani e chikiri aande kunip ne ku kara pakno, Ku shimon tek samata a, ari itak.
Utarpa anakne ku=kor Utarpa or ta ene itak hi :— E epokpa utar ani e cikiri a=ante kunip ne ku=kar pakno, Ku=simon teksama ta a, ari itak.
44 Tambe gusu, Dabid anak ne Shinuma Utarapa ani ye, hemanda ani koro poho ne ruwe ne ya?
Tanpe kusu, Dabid anakne Sinuma Utarpa ani ye, hemanta ani kor poho ne ruwe ne ya?
Mattaios 23.5-7 §229II
5 Nei utara anak ne aeshikkoingara kuni ne ikip ki ruwe ne: inambe gusu ne yakun, shinuma utara sep pirakteria ushi, orowa, amip chingi porore ruwe ne,
Ne utar anakne aesikkoinkara kuni ne iki p ki ruwe ne: inanpe kusu ne yakun, sinuma utar sep pirakteria usi, orowa, amip cinki porore ruwe ne,
6 orowa, marapto an-i ta sapane ushiketa rok katu hemhem,
orowa, marapto an hi ta sapane uske ta rok katu hemhem,
7 Kamui kora kenru sapane set hemhem, iraugetupa ushita ako-ongami-i hemhem, utara orowa no Rabbi ani aye-i hemhem konoburu ruwe ne gusu ne na.
Kamuy kor kenru sapane set hemhem, irawketupa usi ta ako-onkami hi hemhem, utar oro wano Rabbi ani a=ye hi hemhem konopuru ruwe ne kusu ne na.
Markos 12.38-39 §135II
38 Orowa, epakashnu rapoketa ene itak-hi :— Tanne mipihi mi wa apkash rusui, iraugetupa ushiketa ako-rangarap konoburu,
Orowa, epakasnu rapoketa ene itak hi :— Tanne mipihi mi wa apkas rusuy, irawketupa uske ta ako-rankarap konopuru,
39 Uwekarapa chisei ta iyotta sapane set kata, samata marapto an ita iyotta sapane ushiketa rok rusui kambi-nuye utara yaitubare yan;
Uekarpa cise ta iyotta sapane set kata, sama ta marapto an hi ta iyotta sapane uske ta rok rusuy kampi-nuye utar yaytupare yan;
Roukos 20.45-46 §246II
45 Orowa, obitta no okai utara nu wa okai rapoketa koro koikara utara otta ene itak-hi :—
Orowa, opittano okay utar nu wa okay rapoketa kor koykar utar or ta ene itak hi :—
46 Tanne amip mi wa apkash rusui hemhem ki, iraugetupa ushiketa akorangarap hemhem, Uwekarapa chisei ta iyotta sapane set hemhem, marapto an ita iyotta nishpane ushike hemhem konoburu kambi-nuye utara yaitubare yan;
Tanne amip mi wa apkas rusuy hemhem ki, irawketupa uske ta akorankarap hemhem, Uekarpa cise ta iyotta sapane set hemhem, marapto an hi ta iyotta nispane usike hemhem konopuru kampi-nuye utar yaytupare yan;
Markos 12.40-44 §136VIII
40 nei utara shiyompiyara shiwentep koro chisei isamka, orowa, akoingara kuni gusu tanne inonno-itak ki ruwe ne: nei utara anak ne naa poron no apanakte kusu ne na.
ne utar siyonpiyar siwentep kor cise isamka, orowa, a=koinkar kuni kusu tanne inonno-itak ki ruwe ne: ne utar anakne naa poronno a=panakte kusu ne na.
41 Orowa, Shinuma anak ne Kamui yange ichen karauto an ushiketa a wa inne utara nei karauto oshiketa ichen omare katu nukara: orowa, inne oteknu utara anak ne poron no omare nisa ruwe ne.
Orowa, Sinuma anakne Kamuy yanke icen karawto an uske ta a wa inne utar ne karawto oske ta icen omare katu nukar: orowa, inne oteknu utar anakne poronno omare nisa ruwe ne.
42 Awa, shine otek-sak shiyompiyara shiwentep ek wa tu reptos omare nisa ruwe ne, nei ambe anak go rin pakno an ap ne.
Awa, sine otek-sak siyonpiyar siwentep ek wa tu reptos omare nisa ruwe ne, ne anpe anak ko rin pakno an ap ne.
43 Orowa, Shinuma anak ne koro koikara utara hotuyekara wa orota ene itak-hi :— Son no echi otta Ku ye, nei karauto otta ichen omare guru kasu no tan otek-sak shiyompiyara shiwentep naa poron no omare nisa ruwe ne:
Orowa, Sinuma anakne kor koykar utar hotuyekar wa oro ta ene itak hi :— Sonno eci or ta Ku=ye, ne karawto or ta icen omare kur kasuno tan otek-sak siyonpiyar siwentep naa poronno omare nisa ruwe ne:
44 inambe gusu ne yakun, nei utara anak ne ikashima an ambe orowa no uk wa omare ruwe ne: koroka, tan shiwentep anak otek-sak yakka korobe obitta omare nisa ruwe ne gusu ne na, sekoro itak.
inanpe kusu ne yakun, ne utar anakne ikasma an anpe oro wano uk wa omare ruwe ne: korka, tan siwentep anak otek-sak yakka kor pe opitta omare nisa ruwe ne kusu ne na, sekor itak.
Roukos 20.47-21.4 §247VIII
47 nei utara anak ne shiyompiyara shiwentep koro chisei isamka, orowa, akoingara kuni gusu tanne inonno-itak ki: tan utara anak ne naa poron no apanakte kusu ne na.
ne utar anakne siyonpiyar siwentep kor cise isamka, orowa, a=koinkar kuni kusu tanne inonno-itak ki: tan utar anakne naa poronno a=panakte kusu ne na.
21:1 Orowa, Shinuma hepuni ingara wa oteknu utara kamui yange ichen shuop otta korarape omare shiri nukan nisa ruwe ne.
Orowa, Sinuma hepuni inkar wa oteknu utar kamuy yanke icen suop or ta korarape omare siri nukar nisa ruwe ne.
2 Awa, nei shuop oshiketa tu reptos omare shine otek-sak shiyompiyara shiwentep nukara.
Awa, ne suop oske ta tu reptos omare sine otek-sak siyonpiyar siwentep nukar.
3 Aige, Shinuma ene itak-hi :— Son no newa echi otta Ku ye, obitta no okai nei utara kasu no tan otek-sak shiyompiyara shiwentep anak ne naa poron no omare nisa ruwe ne;
Ayke, Sinuma ene itak hi :— Sonno newa eci or ta Ku=ye, opittano okay ne utar kasuno tan otek-sak siyonpiyar siwentep anakne naa poronno omare nisa ruwe ne;
4 inambe gusu ne yakun, obitta no tan okai utara anak ne ikashima an ambe orowa no korarabe otta omare: koroka, nei shiwentep anak ne korobe obitta omare nisa ruwe ne gusu ne na, ari itak.
inanpe kusu ne yakun, opittano tan okay utar anakne ikasma an anpe oro wano korarape or ta omare: korka, ne siwentep anakne kor pe opitta omare nisa ruwe ne kusu ne na, ari itak.