Synopsis
Mattaios 6.7-13 §43V
7 Orowa inonno-itak ki chiki oya utara korachi raka isam no an ramma shine itak iteki ki yan: nei utara poron no itak ki gusu anu kusu ne ani yainu ruwe ne.
Orowa inonno-itak ki ciki oya utar koraci raka isam no an ramma sine itak iteki ki yan: ne utar poronno itak ki kusu anu kusu ne ani yaynu ruwe ne.
8 Tambe gusu iteki nei no okai yan: echi inonno-itak ki etokota echi kon rusuibe echi koro Michi eramu an wa an ruwe ne gusu ne na.
Tanpe kusu iteki néno okay yan: eci=inonno-itak ki etoko ta eci=kor rusuy pe eci=kor Mici eramuan wa an ruwe ne kusu ne na.
9 Tambe gusu, tap korachi inonno-itak ki yan: Kando otta an chikoro Michi, E kon reihei orota aeoripak kuni ne ki wa un kore.
Tanpe kusu, tap koraci inonno-itak ki yan: Kanto or ta an ci=kor Mici, E=kor rehe oro ta a=eoripak kuni ne ki wa un kore.
10 E koro moshiri ekte wa un kore. E korʼirenga kando otta an korachi, moshirʼotta ne yakka une no aki kuni ne ki wa un kore.
E=kor mosir ekte wa un kore. E=kor irenka kanto or ta an koraci, mosir or ta ne yakka un no aki kuni ne ki wa un kore.
11 Kesto kesto chi e kunip tanto ne yakka un kore.
Kesto kesto ci e kunip tanto ne yakka un kore.
12 Chi utara; anak ne chikoro ashosere utara tusare okere korachi, chikoro shosep ne yakka tusare wa un kore.
Ci utar; anakne ci=kor asosere utar tusare okere koraci, ci=kor sosep ne yakka tusare wa un kore.
13 Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.
Ci utar anakne iteki a=koramnukar kuni ne ki wa un kore; korka wenpe oro wano un ohaytare wa un kore.
Roukos 11.1-4 §123V
1 Orowa, Shinuma an ushiketa an wa inonno-itak ki ita, aokere chiki, koikara guru shinen Shinuma otta ene itak-hi :— Yoannes anak ne koro koikara utara inonno-itak ki katu epakashnu korachi un otta ne yakka epakashnu wa un kore, ari itak.
Orowa, Sinuma an uske ta an wa inonno-itak ki hi ta, a=okere ciki, koykar kur sinen Sinuma or ta ene itak hi :— Yoannes anakne kor koykar utar inonno-itak ki katu epakasnu koraci un or ta ne yakka epakasnu wa un kore, ari itak.
2 Nei utara orota Shinuma ene itak-hi :— Echi utara inonno-itak ki ita ene korachi ye :— Michi, E reihei orota aeoripak kuni ne ki wa un kore.
Ne utar oro ta Sinuma ene itak hi :— Eci utar inonno-itak ki hi ta ene koraci ye :— Mici, E rehe oro ta a=eoripak kuni ne ki wa un kore.
3 E koro moshiri ekte wa un kore. Kesto kesto chi e kuni aep tanto ne yakka un kore.
E=kor mosir ekte wa un kore. Kesto kesto ci e kuni aep tanto ne yakka un kore.
4 Chikoro chikokatpak tusare wa un kore; Chi utara yaikota ne yakka un orowa ashohosere utara pishno tusare ruwe ne gusu ne na. Orowa, chi utara anak ne iteki akoramnukara kuni ne ki wa un kore.
Ci=kor ci=kokatpak tusare wa un kore; Ci utar yaykota ne yakka un orowa asohosere utar pisno tusare ruwe ne kusu ne na. Orowa, ci utar anakne iteki a=koramnukar kuni ne ki wa un kore.
Roukos 11.5-8 §124X
5 Orowa, Shinuma nei utara otta ene itak-hi :— Echi utara tumugeta inan guru ka shine ikatairotke guru an wa, an noshiketa shinuma otta oman hine orota ene itak-hi :— Ikatairotke guru, pantak reppish en erusa wa en kore;
Orowa, Sinuma ne utar or ta ene itak hi :— Eci utar tumke ta inan kur ka sine ikatayrotke kur an wa, an noske ta sinuma or ta oman hine oro ta ene itak hi :— Ikatairotke kur, pantak reppis en=erusa wa en=kore;
6 ku nimaraha shinen payekai wa en orun ek, awa, ere kuni aep ku sak ruwe ne gusu ne na;
ku=nimaraha sinen payekay wa en=orun ek, awa, ere kuni aep ku=sak ruwe ne kusu ne na;
7 orowa, nei chisei ta okai guru ese wa ene ye-hi :— Iteki en ramu-sarakka; apa-ushta tane ashi wa an, ku po utara en tura no hotke wa okai; ku hopuni wa e kore ash eaikap ruwe ne, ari itak; echi tumugeta inan guru ka nei no ki ya!
orowa, ne cise ta okay kur ese wa ene ye hi :— Iteki en=ramu-sarakka; apa-us ta tane asi wa an, ku=po utar en turano hotke wa okay; ku=hopuni wa e kore as eaykap ruwe ne, ari itak; eci=tumke ta inan kur ka néno ki ya!
8 Echi otta Ku ye, ikatairotke guru ne wa gusu, tambe gusu, hopuni wa koropare shomoki yakka, nei guru toiko koramkoro gusu hopuni wa kon rusui pakno koropare kusu ne.
Eci or ta Ku=ye, ikatayrotke kur ne wa kusu, tanpe kusu, hopuni wa korpare somo ki yakka, ne kur toyko koramkor kusu hopuni wa kor rusuy pakno korpare kusu ne.
Mattaios 7.7-11 §53V
7 Koramkoro yan, yakun echi akore kusu ne; humara yan, yakun, echi pa; apa ushta shirikik yan,
Koramkor yan, yakun eci=a=kore kusu ne; humara yan, yakun, eci=pa; apa us ta sirkik yan,
8 yakun, echi gusu amaka kusu ne na; inambe gusu ne yakun, nen ne yakka koramkoro chiki akore; hunara guru pa; apa ushta shirikik guru otta amaka kusu ne na.
yakun, eci kusu a=mak kusu ne na; inanpe kusu ne yakun, nen ne yakka koramkor ciki a=kore; hunara kur pa; apa us ta sirkik kur or ta a=mak kusu ne na.
9 Koro poho shi to koramkoro yak anak ne, otta shuma kore guru echi tumuta okai ya?
Kor poho si to koramkor yakanak ne, or ta suma kore kur eci=tum ta okay ya?
10 Chep koramkoro chiki okokko kore guru an ruwe he an?
Cep koramkor ciki okokko kore kur an ruwe he an?
11 Wen buri koro echi utara ne yakka pirika eikrap koro poho otta koropare katu aramu yakun, kasu no kando otta an echi koro michihi anak ne koramkoro guru otta pirikap shomo koropare ruwe he an?
Wen puri kor eci utar ne yakka pirka eikrap kor poho or ta korpare katu a=ramu yakun, kasuno kanto or ta an eci=kor micihi anakne koramkor kur or ta pirka p somo korpare ruwe he an?
Roukos 11.9-13 §125V
9 Orowa, echi otta Ku ye, Koramkoro yan, yakun, echi otta akore kusu ne; hunara yan, yakun, echi pa; shirikik yan, yakun, echi gusu amaka kusu ne na.
Orowa, eci or ta Ku=ye, Koramkor yan, yakun, eci or ta a=kore kusu ne; hunara yan, yakun, eci=pa; sirkik yan, yakun, eci kusu a=mak kusu ne na.
10 Inambe gusu ne yakun, nen ikoramkoro guru ne yakka uk, hunara guru pa; shirikik guru otta amaka kusu ne.
Inanpe kusu ne yakun, nen i=koramkor kur ne yakka uk, hunara kur pa; sirkik kur or ta a=mak kusu ne.
11 Orowa inan guru ka echi tumugeta michi ne yak anak ne otta koro poho pantak koramkoro chiki shuma kore ya? samata, chep koramkoro chiki okokko kore ya?
Orowa inan kur ka eci=tumke ta mici ne yakanak ne or ta kor poho pantak koramkor ciki suma kore ya? sama ta, cep koramkor ciki okokko kore ya?
12 Chikap-nok koramkoro chiki sasori kore ya?
Cikap-nok koramkor ciki sasori kore ya?
13 Tambe gusu echi utara, wen utara echi ne wa pirika ambe echi po utara otta koropare katu eramʼan yakun, kasu no, otta koramkoro utara orota kando un Michi anak koro Ashkanne Ramat koropare shomoki ya?
Tanpe kusu eci utar, wen utar eci ne wa pirka anpe eci=po utar or ta korpare katu eraman yakun, kasuno, or ta koramkor utar oro ta kanto un Mici anak kor Askanne Ramat korpare somo ki ya?
Mattaios 12.22 §119V
22 Tande imakake nitne kamui shikatkari gusu shiknak shomo-itak guru shinen Shinuma otta atura, awa, Shinuma nei guru ingara hemhem ki, itak hemhem ki
Tan te imakake nitne kamuy sikatkari kusu siknak somo-itak kur sinen Sinuma or ta a=tura, awa, Sinuma ne kur inkar hemhem ki, itak hemhem ki
Roukos 11.14 §126V
14 Orowa, Shinuma shomo itak nitne kamui oashinge korʼan. Awa, nei nitne kamui oashin chiki shomo itak guru itak nisa ruwe ne: aige, inne utara anak ne enushkari nisa ruwe ne.
Orowa, Sinuma somo itak nitne kamuy oasinke kor an. Awa, ne nitne kamuy oasin ciki somo itak kur itak nisa ruwe ne: ayke, inne utar anakne enuskari nisa ruwe ne.
Mattaios 12.24 §121II
24 Koroka, Parisee un utara nei ambe nu, aige, ene itak-hi :— Tan guru anak ne ouse Beeruzeboru ani aporose nitne kamui esapanep ani nitnep soyumbare ruwe ne, ari itak.
Korka, Parisee un utar ne anpe nu, ayke, ene itak hi :— Tan kur anakne owse Beeruzeboru ani a=porse nitne kamuy e=sapanep ani nitnep soyunpare ruwe ne, ari itak.
Markos 3.22 §32II
22 Orowa, Yerusarem kotan wano sap kambi-nuye utara anak ne, Shinuma Berusebub koro, orowa, nitne kamui esapanep ani nitne kamui oashinge ruwe ne sekoro itak.
Orowa, Yerusarem kotan wano sap kampi-nuye utar anakne, Sinuma Berusebub kor, orowa, nitne kamuy e=sapanep ani nitne kamuy oasinke ruwe ne sekor itak.
Roukos 11.15 §127II
15 Koroka, Shinuma anak ne, nitne kamui esapane Beeruzebub ani nitne kamui oashinge ruwe ne ari ye utara okai.
Korka, Sinuma anakne, nitne kamuy esapane Beeruzebub ani nitne kamuy oasinke ruwe ne ari ye utar okay.
Mattaios 12.38 §127V
38 Orowa, kambi-nuye utara tumugeta okai utara newa Parisee un utara tumugeta okai utara anak ne Shinuma orun ese wa ene itak-hi :— Epakashnu guru, chi okai utara anak ne E ki shirosh shinep anukan rusui ruwe ne, ari itak.
Orowa, kampi-nuye utar tumke ta okay utar newa Parisee un utar tumke ta okay utar anakne Sinuma orun ese wa ene itak hi :— Epakasnu kur, ci okay utar anakne E ki siros sinep a=nukar rusuy ruwe ne, ari itak.
Roukos 11.16 §128V
16 Orowa, moshima okai utara anak ne Shinuma koramnukara wa kando wano an shirosh nukan rusui ruwe ne.
Orowa, mosma okay utar anakne Sinuma koramnukar wa kanto wano an siros nukar rusuy ruwe ne.
Mattaios 12.25-30 §122II
25 Shinuma nei utara yainu-hi eramu an wa otta ene itak-hi :— Inan moshiri uirup ne yakka yaikota gusu utashpa uwekopi yak anak ne, nei moshiri ahokushte kusu ne; shui, inan machiya hene inan chisei hene ne yakka, yaikota gusu uwekopi yakun okai eaikap kusu ne na: orowa, Satan anak ne Satan soyumbare yakun,
Sinuma ne utar yaynu hi eramuan wa or ta ene itak hi :— Inan mosir uyrup ne yakka yaykota kusu utaspa uwekopi yakanak ne, ne mosir a=hokuste kusu ne; suy, inan maciya hene inan cise hene ne yakka, yaykota kusu uwekopi yakun okay eaykap kusu ne na: orowa, Satan anakne Satan soyunpare yakun,
26 Satan yaikota gusu yaiekopi ruwe ne; yak anak ne nekon a shinuma koro moshiri ash eashkai ya?
Satan yaykota kusu yayekopi ruwe ne; yakanak ne nekona sinuma kor mosir as easkay ya?
27 Shui, Kuani anak ne Beeruzeboru ani nitnep soyumbare yakun, echi poho utara inan guru ani nei ambe soyumbare ruwe he an? Tambe gusu nei utara anak ne echi koipishi kusu ne ruwe ne na.
Suy, Kuani anakne Beeruzeboru ani nitnep soyunpare yakun, eci=poho utar inan kur ani ne anpe soyunpare ruwe he an? Tanpe kusu ne utar anakne eci koypisi kusu ne ruwe ne na.
28 Koroka, Kuani anak ne Kamui Ramat ani nitnep soyumbare yakun, Kamui moshiri echi orota ek wa an ruwe ne.
Korka, Kuani anakne Kamuy Ramat ani nitnep soyunpare yakun, Kamuy mosir eci oro ta ek wa an ruwe ne.
29 Shui, Ainu anak ne hoshiki no okirashnu guru tupetupe shomoki yakun, nekon a iki wa shinuma kot chisei ta ahun wa nei okirashnu guru korope akoisamka kusu ne ya? Atupetupe okere chiki kot chisei koisamka kusu ne na.
Suy, Aynu anakne hoskino okirasnu kur tupetupe somo ki yakun, nekona iki wa sinuma kot cise ta ahun wa ne okirasnu kur kor pe akoysamka kusu ne ya? A=tupetupe okere ciki kot cise koysamka kusu ne na.
30 En tura no iki shomoki gurʼanak ne En epokba gunʼne; orowa, En tura no uwekarapare shomoki gurʼanak ne chieshitchari ruwe ne.
En turano iki somo ki kur anakne En epokpa kunne; orowa, En turano uwekarpare somo ki kur anakne ci=esitcari ruwe ne.
Markos 3.23-27 §33II
23 Orota Shinuma nei utara shikekote hotuyepakara wa itak-maukushte-itak ani ene itak-hi :— Satan anak ne nekon a ki wa Satan oashinge eashkai ya?
Oro ta Sinuma ne utar sikekote hotuyepakara wa itak-mawkuste-itak ani ene itak hi :— Satan anakne nekona ki wa Satan oasinke easkay ya?
24 Moshiri uirup anak ne yaikota gusu utashpa uwekopi wa okai chiki, nei moshiri ash eaikap ruwe ne.
Mosir uyrup anakne yaykota kusu utaspa uwekopi wa okay ciki, ne mosir as eaykap ruwe ne.
25 Samata, chisei un utara anak ne yaikota gusu utashpa uwekopi chiki, nei chisei an eaikap kusu ne ruwe ne.
Sama ta, cise un utar anakne yaykota kusu utaspa uwekopi ciki, ne cise an eaykap kusu ne ruwe ne.
26 Orowa, Satan anak ne hopuni wa yaikoiki chiki, yaiuwekopi an;
Orowa, Satan anakne hopuni wa yaykoyki ciki, yayuwekopi an;
27 aige, okai eaikap wa aokere ruwe ne. Koroka, hoshiki no kiroroashnu guru tupetupe shomoki yakun, nei kiroroashnu guru koro chisei orun ahun wa korobe eikka eaikap; atupetupe yakne koro chisei kowende ruwe ne.
ayke, okay eaykap wa a=okere ruwe ne. Korka, hoskino kiroroasnu kur tupetupe somo ki yakun, ne kiroroasnu kur kor cise orun ahun wa kor pe eikka eaykap; a=tupetupe yakne kor cise kowente ruwe ne.
Roukos 11.17-23 §129II
17 Koroka, Shinuma anak nei utara koro yainu-i eraman wa orota ene itak-hi :— Nep moshiri ne yakka utashpa uweyaiukoupipi chiki awende kusu ne; samata, nep chisei ne yakka utashpa uweyaiukoupipi chiki hokush ruwe ne.
Korka, Sinuma anakne utar kor yaynu hi eraman wa oro ta ene itak hi :— Nep mosir ne yakka utaspa uweyayukowpipi ciki awente kusu ne; sama ta, nep cise ne yakka utaspa uweyayukowpipi ciki hokus ruwe ne.
18 Orowa, Satan ne yakka utashpa uweyaiukoupipi chiki, nekon a koro moshiri okai eashkai ya? Kuani anak ne Beeruzebub ani nitne kamui Ku oashinge ruwe ne ani echi ye ruwe ne gusu ne na.
Orowa, Satan ne yakka utaspa uweyayukowpipi ciki, nekona kor mosir okay easkay ya? Kuani anakne Beeruzebub ani nitne kamuy Ku=oasinke ruwe ne ani eci=ye ruwe ne kusu ne na.
19 Orowa, Kuani anak ne Beeruzebub ani nitne kamui oashinge yakun, echi poho utara hunna ani nei ambe oashinge ya? Tambe gusu, nei utara anak ne echi pishi utara ne kusu ne.
Orowa, Kuani anakne Beeruzebub ani nitne kamuy oasinke yakun, eci=poho utar hunna ani ne anpe oasinke ya? Tanpe kusu, ne utar anakne eci=pisi utar ne kusu ne.
20 Koroka, Kuani anak ne Kamui ashikepet ani nitne kamui oashinge chiki, Kamui moshiri echi otta ek nisa ruwe ne.
Korka, Kuani anakne Kamuy askepet ani nitne kamuy oasinke ciki, Kamuy mosir eci or ta ek nisa ruwe ne.
21 Okirashnu guru eshipopkep koro wa koro chashi shiruwe an ita anak ne,
Okirasnu kur esipopkep kor wa kor casi siruwe an hi ta anakne,
22 korobe irammakaka okai: koroka, nei guru kasu no naa okirashnu guru ka ek ita anak ne shinuma annokara kusu ne, orowa no, gusu eyaikopashte hayokbe auk wa orowa no aukbe eimek ruwe ne.
kor pe irammakaka okay: korka, ne kur kasuno naa okirasnu kur ka ek hi ta anakne sinuma annokar kusu ne, orowano, kusu e=yaykopaste hayokpe auk wa oro wano aukpe eymek ruwe ne.
23 En tura no iki shomoki gurʼanak ne En epokba ruwe ne; En tura no uwekarapare shomoki gurʼanak ne shitchari ruwe ne.
En turano iki somo ki kur anakne En epokpa ruwe ne; En turano uwekarpare somo ki kur anakne sitcari ruwe ne.
Mattaios 12.43-45 §129V
43 awa, ingarʼan, Soromon kasu no pase guru teda an ruwe ne. Koroka, ichakkere ramat anak ne ainu orowa no soine chiki shini ushike hunara gusu wakka-sak ikush wa oman, aige, pa shomoki ruwe ne.
awa, inkar=an, Soromon kasuno pase kur teta an ruwe ne. Korka, icakkere ramat anakne aynu oro wano soyne ciki sini usike hunara kusu wakka-sak ikus wa oman, ayke, pa somo ki ruwe ne.
44 Orowa no ene ye-hi :— Kuani anak ne orowa Ku soine chisei shui orun Ku hoshipi kusu ne, ari itak; orowa, ek, aige, nei chisei oha, achashnure wa an, atomtere ruwe ne — ari nukan ruwe ne.
Orowano ene ye hi :— Kuani anakne orowa Ku=soyne cise suy orun Ku=hosipi kusu ne, ari itak; orowa, ek, ayke, ne cise oha, a=casnure wa an, atomtere ruwe ne — ari nukar ruwe ne.
45 Orowa no shinuma oman wa moshima an yaikasu no wen arawan ramat uina wa tura no ahup wa okai ruwe ne; orowa, nei ainu hoshiki no an katu kasu no iyoshi no an katuhu anak ne naa wen ruwe ne. Tane okai wen ainu ikiri otta ne yakka tambe nei no an kusu ne na.
Orowano sinuma oman wa mosma an yaykasu no wen arwan ramat uyna wa turano ahup wa okay ruwe ne; orowa, ne aynu hoskino an katu kasuno i=yos no an katuhu anakne naa wen ruwe ne. Tane okay wen aynu ikiri or ta ne yakka tanpe néno an kusu ne na.
Roukos 11.24-26 §130V
24 Ichakkere ramat anak ne ainu orowa no oashin chiki, shini ushike hunara gusu wakka sak i kush wa oman; aige, pa shomoki wa, kuani orowa no oashin chisei orun Ku hoshipi na, sekoro itak.
Icakkere ramat anakne aynu oro wano oasin ciki, sini usike hunara kusu wakka sak i kus wa oman; ayke, pa somo ki wa, kuani oro wano oasin cise orun Ku=hosipi na, sekor itak.
25 Orowa no ek koro, nei chisei achashnure hine atomtere wa an anukara.
Orowano ek kor, ne cise a=casnure hine atomtere wa an a=nukar.
26 Orowa, shinuma oman wa yaikasu no wen arawan ramat uina koro nei utara ahup wa okai ruwe ne; orowa, nei ainu hoshiki no an i kasu no iyoshi no an i anak ne naa wen ne ruwe ne, sekoro itak.
Orowa, sinuma oman wa yaykasu no wen arwan ramat uyna kor ne utar ahup wa okay ruwe ne; orowa, ne aynu hoskino an i kasuno i=yos no an i anakne naa wen ne ruwe ne, sekor itak.
Roukos 11.27-28 §131X
27 Orowa, Shinuma tan orushpe ye korʼan ita, inne utara tumuge an shine shiwentep anak ne koro hawe ashte wa orota ene itak-hi :— Aokai sange honi-hi hemhem, Aokai non toho hemhem anunuke ne ruwe ne, sekoro itak.
Orowa, Sinuma tan oruspe ye kor an hi ta, inne utar tumuke an sine siwentep anakne kor hawe aste wa oro ta ene itak hi :— Aokay sanke honihi hemhem, Aokay non toho hemhem a=nunuke ne ruwe ne, sekor itak.
28 Koroka, Shinuma ene itak-hi :— Ruwe un, Kamui itak nu wa shikkashima utara anak ne, nei utara anak makangane anunuke ne ruwe ne.
Korka, Sinuma ene itak hi :— Ruwe un, Kamuy itak nu wa sikkasima utar anakne, ne utar anak makankane a=nunuke ne ruwe ne.
Mattaios 12.39-42 §128V
39 Koroka, Shinuma nei utara otta ese wa ene itak-hi :— Wen newa omoinu koro ainu ikiri anak ne shirosh hunara ruwe ne; aige uweingara guru Yona koro shirosh moshima anak shirosh akore shomoki:
Korka, Sinuma ne utar or ta ese wa ene itak hi :— Wen newa omoynu kor aynu ikiri anakne siros hunara ruwe ne; ayke ueinkar kur Yona kor siros mosma anak siros a=kore somo ki:
40 Yona anak ne tokap-to rereko kunne-to re anchikara uturuta poro rep un chikoikip honi oshiketa an korachi, tambe nei no Ainu Poho ne yakka tokap-to rereko kunne-to re anchikara uturuta toitoi sambe oshiketa an kusu ne.
Yona anakne tokap-to rerko kunne-to re ancikar utur ta poro repun cikoykip honi oske ta an koraci, tanpe néno Aynu Poho ne yakka tokap-to rerko kunne-to re ancikar utur ta toytoy sanpe oske ta an kusu ne.
41 Ninepe kotan un utara anak ne tane okai ainu ikiri gusu hopumba hine koipishi wa kokatpakte kusu ne; inambe gusu ne yakun, nei utara anak ne Yona ki upaskuma gusu yaikokatpak nisa ruwe ne, awa, ingarʼan, Yona kasu no pase guru teda an ruwe ne.
Ninepe kotan un utar anakne tane okay aynu ikiri kusu hopunpa hine koypisi wa kokatpakte kusu ne; inanpe kusu ne yakun, ne utar anakne Yona ki upaskuma kusu yaykokatpak nisa ruwe ne, awa, inkar=an, Yona kasuno pase kur teta an ruwe ne.
42 Pikata un moshiri esapane shiwentep anak ne hopuni wa tane okai ainu ikiri gusu koipishi wa kokatpakte kusu ne: inambe gusu ne yakun, shinuma anak ne Soromon koro wayashnu ambe nu kuni gusu moshirigesh wano ek nisa ruwe ne;
Pikata un mosir esapane siwentep anakne hopuni wa tane okay aynu ikiri kusu koypisi wa kokatpakte kusu ne: inanpe kusu ne yakun, sinuma anakne Soromon kor wayasnu anpe nu kuni kusu mosirkes wano ek nisa ruwe ne;
Roukos 11.29-32 §132V
29 Orowa, Shinuma orota inne utara uwekarapa korʼan ita anak ne, orota Shinuma itak heashi wa ene ye-hi :— Tane an ainu ikiri anak ne wen ikiri ne: shirosh nukan rusui, koroka, Yona gusu an shirosh moshima anak shirosh akore shomoki kusu ne na.
Orowa, Sinuma oro ta inne utar uekarpa kor an hi ta anakne, oro ta Sinuma itak heasi wa ene ye hi :— Tane an aynu ikiri anakne wen ikiri ne: siros nukar rusuy, korka, Yona kusu an siros mosma anak siros a=kore somo ki kusu ne na.
30 Yona anak ne Ninepe kotan un utara gusu shirosh ne akara korachi, Ainu Toho ne yakka tane okai ainu ikiri gusu shirosh ne akan kusu ne.
Yona anakne Ninepe kotan un utar kusu siros ne a=kar koraci, Aynu Toho ne yakka tane okay aynu ikiri kusu siros ne akan kusu ne.
31 Pikata un Moshiri esapane shiwentep anak ne koipishi ita tane okai ainu ikiri tura hopuni wa, katpak an sekoro esanniyo kusu ne: inambe gusu ne yakun, shinuma anak ne Soromon koro wayashnu ambe nu gusu moshirigesh wano ek nisa ruwe ne; aige, ingarʼan, nei ambe kasu
Pikata un Mosir esapane siwentep anakne koypisi hi ta tane okay aynu ikiri tura hopuni wa, katpak an sekor esanniyo kusu ne: inanpe kusu ne yakun, sinuma anakne Soromon kor wayasnu anpe nu kusu mosirkes wano ek nisa ruwe ne; ayke, inkar=an, ne anpe kasu
32 no an ap teda an ruwe ne. Ninepe un utara koipishi ita tane okai ainu ikiri tura no hopumba wa katpak an sekoro esanniyo kusu ne; inambe gusu ne yakun, Yona ki upaskuma nu wa eyaikokatpak nisa ruwe ne, aige, ingarʼan Yona kasu no an guru teda an ruwe ne gusu ne na.
no an ap teta an ruwe ne. Ninepe un utar koypisi hi ta tane okay aynu ikiri turano hopunpa wa katpak an sekor esanniyo kusu ne; inanpe kusu ne yakun, Yona ki upaskuma nu wa e=yaykokatpak nisa ruwe ne, ayke, inkar=an Yona kasuno an kur teta an ruwe ne kusu ne na.
Mattaios 5.14-16 §32II
14 Echi utara anak ne moshiri pekere echi ne, nupuri kashiketa an machiya anak ne anuina eaikap ruwe ne.
Eci utar anakne mosir peker eci ne, nupuri kasike ta an maciya anakne a=nuyna eaykap ruwe ne.
15 Naa samata, ratchako uhuika wa chomba choropoketa ande guru ka isam, set kashiketa nei ambe ande, yakun, chisei ta obitta no okai utara otta nupeki at ruwe ne.
Naa sama ta, ratcako uhuyka wa conpa corpoke ta ante kur ka isam, set kasike ta ne anpe ante, yakun, cise ta opittano okay utar or ta nupeki at ruwe ne.
16 Tambe korachi, echi ki pirika ikip moshima guru nukara wa kando otta an echi koro Michi koiramye kuni gusu, echi koro pekere moshima utara kotchaketa atte yan.
Tanpe koraci, eci=ki pirka iki p mosma kur nukar wa kanto or ta an eci=kor Mici koyramye kuni kusu, eci=kor peker mosma utar kotcake ta atte yan.
Markos 4.21 §39II
21 Orowa, orota Shinuma ene itak-hi :— Ratchako koro wa ek chiki set kata aande gusu shomoki no chomba choropoketa hene shotki choropoketa hene aande gusu ne ruwe he an?
Orowa, oro ta Sinuma ene itak hi :— Ratcako kor wa ek ciki set kata a=ante kusu somo ki no conpa corpoke ta hene sotki corpoke ta hene a=ante kusu ne ruwe he an?
Roukos 11.33 §133II
33 Ratchako uhuika wa pokna un pu oro omare hemhem ki chomba choropoketa ande hemhem ki guru isam, koroka chisei orun ahup utara pekere nukara kuni gusu set kata ande ruwe ne.
Ratcako uhuyka wa pokna un pu oro omare hemhem ki conpa corpoke ta ante hemhem ki kur isam, korka cise orun ahup utar peker nukar kuni kusu set kata ante ruwe ne.
Mattaios 6.22-23 §47V
22 Netobake gusu an ratchako anak ne shikihi ne ruwe ne: tambe gusu, echi shikihi pekashnu yakun netobake ebitta apekereka kusu ne.
Netopake kusu an ratcako anakne sikihi ne ruwe ne: tanpe kusu, eci=sikihi pekasnu yakun netopake epitta apekereka kusu ne.
23 Koroka, echi shikihi anak ne wen yakun, kon netobake ebitta ekureok eshik kusu ne ruwe ne. Tambe gusu echi oshiketa an pekere ekureok ne chiki, nep poro ekureokbe humi!
Korka, eci=sikihi anakne wen yakun, kor netopake epitta ekureok esik kusu ne ruwe ne. Tanpe kusu eci=oske ta an peker ekureok ne ciki, nep poro ekureokpe humi!
Roukos 11.34-36 §134V
34 E kon netobake koro ratchako anak ne e shikihi ne ruwe ne; e shikihi anak ne pekashnu ne chiki, e kon netobake obitta pekere eshik ruwe ne; koroka, nei ap wen ne chiki, e netobake ne yakka ekureok ani eshik ruwe ne.
E=kor netopake kor ratcako anakne e sikihi ne ruwe ne; e sikihi anakne pekasnu ne ciki, e=kor netopake opitta peker esik ruwe ne; korka, ne ap wen ne ciki, e netopake ne yakka ekureok ani esik ruwe ne.
35 Tambe gusu, e oshiketa okai pekere anak ne ekureok shomo ne kuni esanniyo yan.
Tanpe kusu, e oske ta okay peker anakne ekureok somo ne kuni esanniyo yan.
36 Tambe gusu, e kon netobake ekureok ushike sak no obitta pekere ani eshik wa an chiki, ratchako anak ne koro atte nupeki ani e kotomka pekere nukare korachi, e kon netobake ebitta pekere eshik kusu ne ruwe ne.
Tanpe kusu, e=kor netopake ekureok usike sak no opitta peker ani esik wa an ciki, ratcako anakne kor atte nupeki ani e kotomka peker nukare koraci, e=kor netopake epitta peker esik kusu ne ruwe ne.
Mattaios 23.25-26 §236V
25 Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, itangi newa orowa aibe sei soige echi ashkannere ruwe ne, koroka, onnaige anak ne ibeshikashure ambe newa eikaunu ambe ani eshik ruwe ne.
Aa kankapkapeka kampi-nuye utar newa Parisee un utar, eci yaysanpepokas humi! Inanpe kusu ne yakun, itanki newa orowa aype sey soyke eci askannere ruwe ne, korka, onnayke anakne ipesikasure anpe newa e=kawnu anpe ani esik ruwe ne.
26 Shiknak Parisee un guru, itangi newa orowa aibe sei soige ne yakka aashkannere kuni ne hoshiki no nei onnaige ashkannere yan.
Siknak Parisee un kur, itanki newa orowa aype sey soyke ne yakka aaskannere kuni ne hoskino ne onnayke askannere yan.
Roukos 11.37-41 §135V
37 Orowa, Shinuma itak rapoketa, shine Parisee un guru anak ne tura no ibe gusu hotuyekan nisa ruwe ne: awa, Shinuma ahun wa ibe gusu a ruwe ne.
Orowa, Sinuma itak rapoketa, sine Parisee un kur anakne turano ipe kusu hotuyekar nisa ruwe ne: awa, Sinuma ahun wa ipe kusu a ruwe ne.
38 Orowa, Parisee un guru nei ambe nukara chiki, ibe etokota Shinuma shomo yashke gusu, enushkari.
Orowa, Parisee un kur ne anpe nukar ciki, ipe etoko ta Sinuma somo yaske kusu, enuskari.
39 Orota Utarapa ene itak-hi :— Tane echi Parisee un utara anak ne itangi newa sei-nima soige furaye; koroka echi onnaige anak ne niwenbe newa wenburi ani eshik ruwe ne.
Oro ta Utarpa ene itak hi :— Tane eci Parisee un utar anakne itanki newa sey-nima soyke huraye; korka eci=onnayke anakne niwen pe newa wenpuri ani esik ruwe ne.
40 Echi haita utara, soige kara guru anak ne onnaige ne yakka kara shomoki ya?
Eci=hayta utar, soyke kar kur anakne onnayke ne yakka kar somo ki ya?
41 Koroka, eungeraitep gusu onnaigeta okaibe kore yan; yak anak ne nep ne yakka echi otta ashkanne ne ruwe ne.
Korka, eunkeraytep kusu onnayke ta okaype kore yan; yakanak ne nep ne yakka eci or ta askanne ne ruwe ne.
Mattaios 23.23 §234V
23 Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, echi utara anak ne hakka mun gusu hemhem, uikiyo mun gusu hemhem, makin mun gusu hemhem, yaku echi sange ruwe ne, koroka, tuitak gusu an aesanniyop newa rampoken newa eishokor-i nei no an pase ambe shomo echi kan ruwe ne: koroka, tap okaibe echi ki kunip ne, orowa nei ambe ne yakka echi shomo ki no an katu anak ne wen ruwe ne.
Aa kankapkapeka kampi-nuye utar newa Parisee un utar, eci yaysanpepokas humi! Inanpe kusu ne yakun, eci utar anakne hakka mun kusu hemhem, uykiyo mun kusu hemhem, makin mun kusu hemhem, yaku eci=sanke ruwe ne, korka, tuytak kusu an aesanniyop newa ranpoken newa eysokor hi néno an pase anpe somo eci=kan ruwe ne: korka, tap okaype eci=ki kunip ne, orowa ne anpe ne yakka eci somo ki no an katu anakne wen ruwe ne.
Roukos 11.42 §136V
42 Koroka, Parisee un echi utara yaisambepokash humi! inambe gusu ne yakun, echi utara anak ne hakka mun hene uikyo mun hene obitta moshima okai kinratashkep hene ani wanbe un shinep echi sange, aige, ipishi newa Kamui omap-i echi eshishi ruwe ne; koroka, tap okaibe echi ki kusu ne kunip ne, orowa, nei ambe ne yakka moshima no ande kunip shomo ne ruwe ne.
Korka, Parisee un eci utar yaysanpepokas humi! inanpe kusu ne yakun, eci utar anakne hakka mun hene uikyo mun hene opitta mosma okay kinrataskep hene ani wanpe un sinep eci=sanke, ayke, ipisi newa Kamuy omap hi eci=esisi ruwe ne; korka, tap okaype eci=ki kusu ne kunip ne, orowa, ne anpe ne yakka mosmano ante kunip somo ne ruwe ne.
Mattaios 23.5-7 §229II
5 Nei utara anak ne aeshikkoingara kuni ne ikip ki ruwe ne: inambe gusu ne yakun, shinuma utara sep pirakteria ushi, orowa, amip chingi porore ruwe ne,
Ne utar anakne aesikkoinkara kuni ne iki p ki ruwe ne: inanpe kusu ne yakun, sinuma utar sep pirakteria usi, orowa, amip cinki porore ruwe ne,
6 orowa, marapto an-i ta sapane ushiketa rok katu hemhem,
orowa, marapto an hi ta sapane uske ta rok katu hemhem,
7 Kamui kora kenru sapane set hemhem, iraugetupa ushita ako-ongami-i hemhem, utara orowa no Rabbi ani aye-i hemhem konoburu ruwe ne gusu ne na.
Kamuy kor kenru sapane set hemhem, irawketupa usi ta ako-onkami hi hemhem, utar oro wano Rabbi ani a=ye hi hemhem konopuru ruwe ne kusu ne na.
Markos 12.38-39 §135II
38 Orowa, epakashnu rapoketa ene itak-hi :— Tanne mipihi mi wa apkash rusui, iraugetupa ushiketa ako-rangarap konoburu,
Orowa, epakasnu rapoketa ene itak hi :— Tanne mipihi mi wa apkas rusuy, irawketupa uske ta ako-rankarap konopuru,
39 Uwekarapa chisei ta iyotta sapane set kata, samata marapto an ita iyotta sapane ushiketa rok rusui kambi-nuye utara yaitubare yan;
Uekarpa cise ta iyotta sapane set kata, sama ta marapto an hi ta iyotta sapane uske ta rok rusuy kampi-nuye utar yaytupare yan;
Roukos 11.43 §137II
43 Parisee un echi utara, yaisambepokash humi! inambe gusu ne yakun, Uwekarapa chisei otta iyotta sapane set hemhem, iraugetupa ushiketa akorangarap hemhem echi konoburu ruwe ne.
Parisee un eci utar, yaysanpepokas humi! inanpe kusu ne yakun, Uekarpa cise or ta iyotta sapane set hemhem, irawketupa uske ta akorankarap hemhem eci konopuru ruwe ne.
Mattaios 23.27-28 §237V
27 Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, echi utara anak ne aretaraka tushiri korachi ne ruwe ne, nei soige anak ne atomte ne, koroka, onnaige anak ne rai guru koro pone newa obitta no okai ichakkere ambe ani eshik ruwe ne.
Aa kankapkapeka kampi-nuye utar newa Parisee un utar, eci yaysanpepokas humi! Inanpe kusu ne yakun, eci utar anakne a=retarka tusiri koraci ne ruwe ne, ne soyke anakne atomte ne, korka, onnayke anakne raykur kor pone newa opittano okay icakkere anpe ani esik ruwe ne.
28 Tap korachi echi utara ne yakka ainu shik orogeta oupeka utara ukorachi anutara, koroka, echi onnaige anak ne kankapkapeka ambe newa wen-buri ani eshik ruwe ne gusu ne na.
Tap koraci eci utar ne yakka aynu sik orke ta owpeka utar ukoraci an utar, korka, eci=onnayke anakne kankapkapeka anpe newa wen-puri ani esik ruwe ne kusu ne na.
Roukos 11.44 §138V
44 Echi yaisambepokash humi! echi utara nuina wa an tushiri korachi echi ne, orowa, kashiketa apkash utara anak ne nei ambe tushiri ne sekorʼambe eramu an shomoki ruwe ne na.
Eci yaysanpepokas humi! eci utar nuyna wa an tusiri koraci eci ne, orowa, kasike ta apkas utar anakne ne anpe tusiri ne sekor anpe eramuan somo ki ruwe ne na.
Mattaios 23.4 §228V
4 Ruwe un, nei utara anak ne pase wa sei hokamba shikehe kara wa ainu utara tapsutu kata ande, koroka, koro shine ashikepet ani nei ambe koshnere shomoki ruwe ne.
Ruwe un, ne utar anakne pase wa sey hokanpa sikehe kar wa aynu utar tapsutu kata ante, korka, kor sine askepet ani ne anpe kosnere somo ki ruwe ne.
Roukos 11.45-46 §139V
45 Ikashpaotte pita guru shinen anak ne ese wa Shinuma otta ene itak-hi :— Epakashnu guru, tap ambe E ye koro wen no un epeka ruwe ne, ari itak.
Ikaspaotte pita kur sinen anakne ese wa Sinuma or ta ene itak hi :— Epakasnu kur, tapanpe E ye kor wenno un epeka ruwe ne, ari itak.
46 Orota Shinuma ene itak-hi :— Ikashpaotte pita echi utara yaisambepokash humi! Echi utara anak ne sei hokambakashpa shikehe ani utara seire wa echi utara koro shine ashikepet ani nei shikehe tomooshma ka shomoki ruwe ne gusu ne na.
Oro ta Sinuma ene itak hi :— Ikaspaotte pita eci utar yaysanpepokas humi! Eci utar anakne sey hokanpakaspa sikehe ani utar sere wa eci utar kor sine askepet ani ne sikehe tomoosma ka somo ki ruwe ne kusu ne na.
Mattaios 23.29-32 §238V
29 Aa kankapkapeka kambi-nuye utara newa Parisee un utara echi yaisambepokash humi! Echi utara anak ne uweingara utara koro tushiri kara, orowa, oupeka utara koro iyurui tomtere ruwe ne, aige, ene
Aa kankapkapeka kampi-nuye utar newa Parisee un utar eci yaysanpepokas humi! Eci utar anakne ueinkar utar kor tusiri kar, orowa, owpeka utar kor iyuruy tomtere ruwe ne, ayke, ene
30 itak-hi :— Ekashi okai ita chi utara ne yakka shiknu a chiki, nei utara tura no chi utara anak ne uweingara utara shomo ronnu, ari echi itak.
itak hi :— Ekasi okay hi ta ci utar ne yakka siknu a ciki, ne utar turano ci utar anakne ueinkar utar somo ronnu, ari eci=itak.
31 Tambe gusu echi utara anak ne uweingara utara ronnu guru koro poho utara echi ne sekoro yaiyepaweteshu echi ki ruwe ne.
Tanpe kusu eci utar anakne ueinkar utar ronnu kur kor poho utar eci ne sekor yaiyepawetesu eci=ki ruwe ne.
32 Tambe gusu echi koro ekashi koro chomba eshikte yan.
Tanpe kusu eci=kor ekasi kor conpa esikte yan.
Roukos 11.47-48 §140V
47 Echi utara yaisambepokash humi! Echi utara anak ne uweingara utara koro tushiri kara, koroka, echi koro ekashi utara nei uweingara utara ronnu nisa ruwe ne.
Eci utar yaysanpepokas humi! Eci utar anakne ueinkar utar kor tusiri kar, korka, eci=kor ekasi utar ne ueinkar utar ronnu nisa ruwe ne.
48 Tambe gusu, echi ekashi utara ikip gusu echi utara anak paweteshu hemhem ki, otta ramuoshma hemhem ki utara echi ne; nei utara anak ne uweingara utara ronnu wa echi utara nei tushiri kan ruwe ne gusu ne na.
Tanpe kusu, eci=ekasi utar iki p kusu eci utar anak pawetesu hemhem ki, or ta ramuosma hemhem ki utar eci ne; ne utar anakne ueinkar utar ronnu wa eci utar ne tusiri kan ruwe ne kusu ne na.
Mattaios 23.34-36 §240V
34 Tambe gusu, ingarʼan, uweingara utara hemhem wayashnu utara hemhem kambi-nuye utara hemhem echi orun Ku payere: orowa, echi utara anak ne nei tumugeta sereke okai utara ronnu wa utasa chikuni otta kungi kokikkik kusu ne, sereke utara Kamui kora kenru otta shirikik, orowa, machiya orowa no oya machiya otta keshke kusu ne;
Tanpe kusu, inkar=an, ueinkar utar hemhem wayasnu utar hemhem kampi-nuye utar hemhem eci=orun Ku=payere: orowa, eci utar anakne ne tumke ta serke okay utar ronnu wa utasa cikuni or ta kunki kokikkik kusu ne, serke utar Kamuy kor kenru or ta sirkik, orowa, maciya oro wano oya maciya or ta keske kusu ne;
35 tambe anak ne moshiri kata aohetu oupeka kem, oupeka Aberu kem orowa no yange set newa Kamui kora kenru ukouturugeta echi raige Barakia poho Zakaria kem pakno obitta echi kata aande kuni ne echi ki kusu ne.
tanpe anakne mosir kata a=ohetu owpeka kem, owpeka Aberu kem oro wano yanke set newa Kamuy kor kenru ukowturuketa eci=rayke Barakia poho Zakaria kem pakno opitta eci=kata a=ante kuni ne eci=ki kusu ne.
36 Son no echi otta Ku ye, tane okai ainu ikiri otta tap okaibe ek kusu ne.
Sonno eci or ta Ku=ye, tane okay aynu ikiri or ta tap okaype ek kusu ne.
Roukos 11.49-51 §141V
49 Tambe gusu Kamui wayashnu ambe ene itak-hi :— Nei utara orota uweingara utara hemhem Apostoro utara hemhem ku omande kusu ne, aige, nei utara anak ne nei tumuge un sereke utara ronnu hera hera ki, keshke hemhem ki kusu ne; tambe anak ne,
Tanpe kusu Kamuy wayasnu anpe ene itak hi :— Ne utar oro ta ueinkar utar hemhem Apostoro utar hemhem ku=omante kusu ne, ayke, ne utar anakne ne tumuke un serke utar ronnu her her ki, keske hemhem ki kusu ne; tanpe anakne,
50 moshiri heashi wano echikiki obitta no uweingara utara koro kem,
mosir heasi wano ecikiki opittano ueinkar utar kor kem,
51 Aberu koro kem wano Kamui kora kenru newa yange set uturuta aisamka Zakarias koro kem pakno tane okai ainu ikiri otta ahunara kuni gusu ne na: ruwe ne wa, echi otta Ku ye, tane okai ainu ikiri otta ahunara kusu ne na.
Aberu kor kem wano Kamuy kor kenru newa yanke set utur ta a=ysamka Zakarias kor kem pakno tane okay aynu ikiri or ta a=hunara kuni kusu ne na: ruwe ne wa, eci or ta Ku=ye, tane okay aynu ikiri or ta a=hunara kusu ne na.
Mattaios 23.13 (-14, in note) §232V
13 Aa kankapkapeka kambi-nuye utara newa Parisee un utara, echi yaisambepokash humi! Inambe gusu ne yakun, utara gusu Kando moshiri echi koapashi: echi utara yaikota ahup shomoki,
Aa kankapkapeka kampi-nuye utar newa Parisee un utar, eci yaysanpepokas humi! Inanpe kusu ne yakun, utar kusu Kanto mosir eci koapasi: eci utar yaykota ahup somo ki,
14 orowa, ahup korʼan utara etokotuye ruwe ne gusu ne na.
orowa, ahup kor an utar etoko tuye ruwe ne kusu ne na.
Roukos 11.52 §142V
52 Ikashpaotte pita echi utara yaisambepokash humi! Eramu an kuni kangi echi uk wa isamka; orowa, echi utara yaikota ahup shomoki, samata, ahup korʼan utara echi hattoki nisa ruwe ne.
Ikaspaotte pita eci utar yaysanpepokas humi! Eramuan kuni kank eci=uk wa isamka; orowa, eci utar yaykota ahup somo ki, sama ta, ahup kor an utar eci hattoki nisa ruwe ne.
Roukos 11.53-12.1B §143X
53 Orowa, Shinuma nei chisei soine chiki kambi-nuye utara newa Parisee un utara toiko Shinuma keshke heashi hine inne okai orushpe gusu Shinuma itakte;
Orowa, Sinuma ne cise soyne ciki kampi-nuye utar newa Parisee un utar toyko Sinuma keske heasi hine inne okay oruspe kusu Sinuma itakte;
54 Shinuma paroho ani aoitaksakte kuni itak etokotuye wa okai nisa ruwe ne na.
Sinuma paroho ani aoytaksakte kuni itak etoko tuye wa okay nisa ruwe ne na.
12:1 Nei ita, ukata uweotereke pakno shiri inne topaha utara uwekarapa ita anak ne Shinuma hoshiki no koro koikara utara otta ene itak heashi :— Parisee un utara koro pandane yaitubare yan, nei ambe anak kankapkapeka ambe ne ruwe ne.
Ne hi ta, ukata uweotereke pakno siri inne topaha utar uekarpa hi ta anakne Sinuma hoskino kor koykar utar or ta ene itak heasi :— Parisee un utar kor pantane yaytupare yan, ne anpe anak kankapkapeka anpe ne ruwe ne.