Synopsis
Roukos 5.1-3 §29X
1 Orowa no, inne utara Shinuma eurarapa wa Kamui itak nu koran ita, Shinuma Gennesaret to samta ash wa an;
Orowano, inne utar Sinuma ewrarapa wa Kamuy itak nu koran hi ta, Sinuma Gennesaret to sam ta as wa an;
2 awa, nei to samta tu chip an wa an shiri Shinuma nukara: chep koiki utara anak chip orowa no yap wa ya huraye koro okai nisa ruwe ne.
awa, ne to sam ta tu cip an wa an siri Sinuma nukar: cep koyki utar anak cip oro wano yap wa ya huraye kor okay nisa ruwe ne.
3 Orowa, Shinuma Simon koro shine chip otta ahun, aige, ya orowa no pon no oputuye kuni koramkon nisa ruwe ne. Aige, Shinuma a hine chip otta an kane inne utara epakashnu nisa ruwe ne.
Orowa, Sinuma Simon kor sine cip or ta ahun, ayke, ya oro wano ponno oputuye kuni koramkor nisa ruwe ne. Ayke, Sinuma a hine cip or ta an kane inne utar epakasnu nisa ruwe ne.
Roukos 5.4-7 §30IX
4 Orowa, Shinuma itak okere chiki — Ooho ushike orun chip oputuye wa chep rup koiki gusu ya are yan — ani Simon otta ye nisa ruwe ne.
Orowa, Sinuma itak okere ciki — Ooho usike orun cip oputuye wa cep rup koyki kusu ya are yan — ani Simon or ta ye nisa ruwe ne.
5 Orota Simon ese wa ene itak-hi :— Nishpa, anchikara ebitta chi monraige ash, awa, eomken ruwe ne, koroka, E ye itak an gusu ya ku are kusu ne, ari itak.
Oro ta Simon ese wa ene itak hi :— Nispa, ancikar epitta ci monrayke as, awa, eomken ruwe ne, korka, E ye itak an kusu ya ku=are kusu ne, ari itak.
6 Orowa, nei no ki chiki poro chep rupihi ya ekarire nisa ruwe ne: aige, koro ya pereke korʼan ruwe ne:
Orowa, néno ki ciki poro cep rupihi ya e=karire nisa ruwe ne: ayke, kor ya perke kor an ruwe ne:
7 tambe gusu, moshima an chip otta okai tura no ikichi utara araki wa ikashiu kuni ne otta inishuk. Orowa no, shinuma utara araki chiki nei tu chip ren heashi pakno shikte nisa ruwe ne.
tanpe kusu, mosma an cip or ta okay turano ikici utar arki wa ikasiw kuni ne or ta inisuk. Orowano, sinuma utar arki ciki ne tu cip ren heasi pakno sikte nisa ruwe ne.
Yoannes 21.1-6 §219IX
1 Tap okaketa Yesu anak ne Tiberias ani aye atui samta shui koikara utara otta yainukare nisa ruwe ne; awa, tap korachi yainukare.
Tap okake ta Yesu anakne Tiberias ani a=ye atuy sam ta suy koykar utar or ta yaynukare nisa ruwe ne; awa, tap koraci yaynukare.
2 Simon Petros hemhem, Didimos ani aye Tomas hemhem, Gariraya moshiri ta Kana kotan un Natanaeru hemhem, Zebedee koro poho utara hemhem, naa moshima okai tu koikara utara hemhem shineanda okai nisa ruwe ne.
Simon Petros hemhem, Didimos ani a=ye Tomas hemhem, Gariraya mosir ta Kana kotan un Natanaeru hemhem, Zebedee kor poho utar hemhem, naa mosma okay tu koykar utar hemhem sineanta okay nisa ruwe ne.
3 Nei utara otta, — Kuani anak ne chep koiki gusu Ku arapa, ari Simon Petros ye ruwe ne. Chi utara ne yakka e tura no ariki ash na, ani shinuma orota nei utara ye. Orowa, nei utara paye wa chip orun ahup; awa, nei anchikarata eomken nisa ruwe ne.
Ne utar or ta, — Kuani anakne cep koyki kusu Ku=arpa, ari Simon Petros ye ruwe ne. Ci utar ne yakka e turano arki as na, ani sinuma oro ta ne utar ye. Orowa, ne utar paye wa cip orun ahup; awa, ne ancikar ta eomken nisa ruwe ne.
4 Koroka, tane peken-nisat koro, Yesu atuisam kata ash ruwe ne: aige, Yesu ne sekoro koikara utara erampeutek ruwe ne.
Korka, tane peken-nisat kor, Yesu atuysam kata as ruwe ne: ayke, Yesu ne sekor koykar utar eranpewtek ruwe ne.
5 Tambe gusu, nei utara otta Yesu ene itak-hi :— Poho utara, nep ka aep echi koro ya? Shomo, ani an itak ani nei utara ese nisa ruwe ne.
Tanpe kusu, ne utar or ta Yesu ene itak hi :— Poho utar, nep ka aep eci=kor ya? Somo, ani an itak ani ne utar ese nisa ruwe ne.
6 Orota Shinuma ene itak-hi :— Chip oshimon samta ya eyapkiri yan, yak anak ne chep auk kusu ne, ari itak. Tambe gusu, ya eyapkiri, aige, tane chep inne ne gusu ya etaye eaikap ruwe ne.
Oro ta Sinuma ene itak hi :— Cip osimon sam ta ya eyapkir yan, yakanak ne cep auk kusu ne, ari itak. Tanpe kusu, ya eyapkir, ayke, tane cep inne ne kusu ya etaye eaykap ruwe ne.
Yoannes 21.11 §222IX
11 Tambe gusu, Simon Petros anak ne chip ahun wa ya ta nei ya etaye, poro chep ani ya eshik ruwe ne; rep pish ikashima wan e tupesan hotnep okai ruwe ne: nei pakno inne chep okai yakka ya pereke shomoki nisa ruwe ne na.
Tanpe kusu, Simon Petros anakne cip ahun wa ya ta ne ya etaye, poro cep ani ya esik ruwe ne; rep pis ikasma wan e tupesan hotnep okay ruwe ne: ne pakno inne cep okay yakka ya perke somo ki nisa ruwe ne na.
Roukos 5.8-10A §31X
8 Tata otta, Simon Petros tap ambe nukara chiki Yesu koro kokka samaketa hepokiki wa ene itak-hi — Aa Utarapa, chikokatpak guru ku ne ruwe ne gusu, en orowa no oyakta oman wa en kore, sekoro itak.
Tata or ta, Simon Petros tapanpe nukar ciki Yesu kor kokka samake ta hepokiki wa ene itak hi — Aa Utarpa, ci=kokatpak kur ku ne ruwe ne kusu, en=oro wano oyak ta oman wa en=kore, sekor itak.
9 Inambe gusu ne yakun, Simon newa tura no okai utara nei akoiki chep rup eoyamokte ruwe ne gusu ne na;
Inanpe kusu ne yakun, Simon newa turano okay utar ne a=koyki cep rup e=oyamokte ruwe ne kusu ne na;
10 naa samata, Simon tura un utara Zebedee poho Yoannes newa Yakob ne yakka enushkari nisa ruwe ne. Orowa, Simon otta Yesu ene itak-hi :— Iteki ishitoma yan; te wano eani ainu utara koiki kusu ne, sekoro itak.
naa sama ta, Simon tura un utar Zebedee poho Yoannes newa Yakob ne yakka enuskari nisa ruwe ne. Orowa, Simon or ta Yesu ene itak hi :— Iteki isitoma yan; te wano eani aynu utar koyki kusu ne, sekor itak.
Mattaios 4.19-20 §21II
19 En osh araki yan, ainu perai-kara utara echi ne kuni gusu echi kara ash na, ari itak.
En=os arki yan, aynu peray-kar utar eci ne kuni kusu eci=kar as na, ari itak.
20 Orowa nani koro ya osurupa wa nei utara Yesu osh paye nisa ruwe ne.
Orowa nani kor ya osurpa wa ne utar Yesu os paye nisa ruwe ne.
Markos 1.17-18 §10II
17 Orota Yesu ene itak-hi :— En osh araki yan, ainu peraikara utara echi ne kuni gusu echi kara ash na, ari itak.
Oro ta Yesu ene itak hi :— En=os arki yan, aynu peraykar utar eci ne kuni kusu eci=kar as na, ari itak.
18 Orowa, nani nei utara anak ne koro ya ande wa Shinuma osh paye nisa ruwe ne.
Orowa, nani ne utar anakne kor ya ante wa Sinuma os paye nisa ruwe ne.
Roukos 5.10B-11 §32II
10 naa samata, Simon tura un utara Zebedee poho Yoannes newa Yakob ne yakka enushkari nisa ruwe ne. Orowa, Simon otta Yesu ene itak-hi :— Iteki ishitoma yan; te wano eani ainu utara koiki kusu ne, sekoro itak.
naa sama ta, Simon tura un utar Zebedee poho Yoannes newa Yakob ne yakka enuskari nisa ruwe ne. Orowa, Simon or ta Yesu ene itak hi :— Iteki isitoma yan; te wano eani aynu utar koyki kusu ne, sekor itak.
11 Orowa no, nei utara ya oro pakno koro chip yange chiki, obitta no okaibe hoppa wa Yesu osh paye nisa ruwe ne.
Orowano, ne utar ya oro pakno kor cip yanke ciki, opittano okaype hoppa wa Yesu os paye nisa ruwe ne.
Mattaios 8.1-4 §63II
1 Shinuma nupuri orowa no ran chiki inne utara nei osh paye nisa ruwe ne na.
Sinuma nupuri oro wano ran ciki inne utar ne os paye nisa ruwe ne na.
2 Orowa, munin tashum ki guru shinen Yesu orota ek wa ongami hine ene itak-hi :— Utarapa, Aokai eramuoshma yakun, ku kon netobake ashkannere eashkai ruwe ne sekoro itak.
Orowa, munin tasum ki kur sinen Yesu oro ta ek wa onkami hine ene itak hi :— Utarpa, Aokay e=ramuosma yakun, ku=kor netopake askannere easkay ruwe ne sekor itak.
3 Orowa Yesu tekehe tun wa nei guru tomoshma hine ene itak-hi :— Ku ramuoshma na, e ashkannere ash na — sekoro itak: orowa, munin tashum anak ne nani isam nisa ruwe ne na.
Orowa Yesu tekehe tun wa ne kur tomosma hine ene itak hi :— Ku=ramuosma na, e askannere as na — sekor itak: orowa, munin tasum anakne nani isam nisa ruwe ne na.
4 Orowa, nei guru otta Yesu ene ye-hi :— Nen ne yakka otta iteki tan orushpe nure; Kamui kora kenru esapane guru otta oman wa yainukare, samata, paweteshu ne gusu Mose kashpaotte ayangep yange yan, sekoro Yesu itak nisa ruwe ne na.
Orowa, ne kur or ta Yesu ene ye hi :— Nen ne yakka or ta iteki tan oruspe nure; Kamuy kor kenru esapane kur or ta oman wa yaynukare, sama ta, pawetesu ne kusu Mose kaspaotte ayankep yanke yan, sekor Yesu itak nisa ruwe ne na.
Markos 1.40-44 §18II
40 Orowa, munin tashum ki shine ainu Shinuma orota ek wa koramkoro, aige, kotpokita kokkaea hine ene itak-hi :— Aokai ramuoshma yakun en ashkannere eashkai ruwe ne.
Orowa, munin tasum ki sine aynu Sinuma oro ta ek wa koramkor, ayke, kotpokta kokkaea hine ene itak hi :— Aokay ramuosma yakun en askannere easkay ruwe ne.
41 Orowa, Shinuma rampoken keutum sange gusu, koro teke turi wa tomooshma, aige, orota ene itak-hi :— Ku ramuoshma na, e ashkannere ash na, ari itak.
Orowa, Sinuma ranpoken kewtum sanke kusu, kor teke turi wa tomoosma, ayke, oro ta ene itak hi :— Ku=ramuosma na, e askannere as na, ari itak.
42 Orowa, nani munin tashum anak ne shinuma hoppa, awa, aashkannere nisa ruwe ne.
Orowa, nani munin tasum anakne sinuma hoppa, awa, aaskannere nisa ruwe ne.
43 Orowa, Shinuma nei guru yupke no kashpaotte wa nani soinere hine otta ene itak-hi :—
Orowa, Sinuma ne kur yupke no kaspaotte wa nani soynere hine or ta ene itak hi :—
44 Nep ne yakka moshima guru otta iteki ye: koroka, e oman wa Kamui kora kenru esapane guru otta yainukara, orowa, nei utara otta paweteshu ne gusu Mose eikashpaotte ayangep e aashkannere wa an gusu yange yan, sekoro itak.
Nep ne yakka mosma kur or ta iteki ye: korka, e oman wa Kamuy kor kenru esapane kur or ta yaynukara, orowa, ne utar or ta pawetesu ne kusu Mose e=kaspaotte ayankep e aaskannere wa an kusu yanke yan, sekor itak.
Roukos 5.12-14 §33II
12 Orowa, shinuma nei utara koro shine machiya otta an ita, munin tashum eshik no an guru shinen an; awa, shinuma Yesu nukara chiki nanu koshiri kata hachire wa Shinuma koramkoro wa ene itak-hi :— Utarapa, Aokai ramuoshma yakun en ashkannere eashkai ruwe ne, ani itak.
Orowa, sinuma ne utar kor sine maciya or ta an hi ta, munin tasum esik no an kur sinen an; awa, sinuma Yesu nukar ciki nanu kosiri kata hacire wa Sinuma koramkor wa ene itak hi :— Utarpa, Aokay ramuosma yakun en askannere easkay ruwe ne, ani itak.
13 Orowa, Shinuma tekehe turi wa nei guru tomooshma wa, Ku ramuoshma, e ashkannere ash na, ari itak. Orowa no, nani nei munin tashum anak ne shinuma ande nisa ruwe ne.
Orowa, Sinuma tekehe turi wa ne kur tomoosma wa, Ku=ramuosma, e askannere as na, ari itak. Orowano, nani ne munin tasum anakne sinuma ante nisa ruwe ne.
14 Aige, nen ne yakka iteki nure kuni ne Shinuma kashpaotte: koroka, e oman wa Kamui kora kenru esapane guru otta yainukare, samata, nei utara otta paweteshu ne gusu Mose eikashpaotte nei no e aash-kannere gusu an ayangep yange yan, ari itak.
Ayke, nen ne yakka iteki nure kuni ne Sinuma kaspaotte: korka, e oman wa Kamuy kor kenru esapane kur or ta yaynukare, sama ta, ne utar or ta pawetesu ne kusu Mose e=kaspaotte néno e a=as-kannere kusu an ayankep yanke yan, ari itak.
Mattaios 4.23-25 §23I
23 Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.
Orowa, Yesu anakne Gariraya mosir epitta apkas wa Kamuy kor kenru ta epakasnu hemhem ki, mosir kusu an pirka sonko ye wa upaskuma hemhem ki: naa sama ta, aynu tumke ta okay usa tasum newa usa siyeye iwankere nisa ruwe ne na.
24 Orowa, Siria moshirʼebitta Shinuma shiassuru ashte wa an, awa, usa okai tashum koro utara hemhem, usa okai iunin newa shiyeyepa utara hemhem, nitnep shikatkari utara hemhem nochi-iush utara hemhem, tushushke tashum ki utara hemhem, obitta atura wa Shinuma orota araki, aige, aiwangere nisa ruwe ne.
Orowa, Siria mosir epitta Sinuma siassuru aste wa an, awa, usa okay tasum kor utar hemhem, usa okay iwnin newa siyeyepa utar hemhem, nitnep sikatkari utar hemhem noci-ius utar hemhem, tususke tasum ki utar hemhem, opitta a=tura wa Sinuma oro ta arki, ayke, aywankere nisa ruwe ne.
25 Orowa no, Gariraya moshiri hemhem, Dekaporis moshiri hemhem, Yudea moshiri hemhem, orowa, Yorodan pet kushta okai utara hemhem, shi no inne no Shinuma osh paye nisa ruwe ne na.
Orowano, Gariraya mosir hemhem, Dekaporis mosir hemhem, Yudea mosir hemhem, orowa, Yorodan pet kus ta okay utar hemhem, sino inne no Sinuma os paye nisa ruwe ne na.
Markos 3.7B-11A §27I
7 Orowa, Yesu anak ne koro koikara utara tura atui orun ekohopi: awa, Gariraya wano an poro inne utara nei osh paye nisa ruwe ne:
Orowa, Yesu anakne kor koykar utar tura atuy orun ekohopi: awa, Gariraya wano an poro inne utar ne os paye nisa ruwe ne:
8 samata, Yudea wano hene, Yerusarem wano hene, Idumea wano hene, Yorodan pet ikushta wano hene, Tiros newa Sidon kotan okari wano hene, poro inne utara hemanda porobe Shinuma kara katu nu wa okai gusu orota araki nisa ruwe ne.
sama ta, Yudea wano hene, Yerusarem wano hene, Idumea wano hene, Yorodan pet ikusta wano hene, Tiros newa Sidon kotan okari wano hene, poro inne utar hemanta poro p Sinuma kar katu nu wa okay kusu oro ta arki nisa ruwe ne.
9 Orowa, ikineipeka inne utara orowa no iki ararapa kuni ne koro koikara utara pon chip etokooiki kuni gusu ye nisa ruwe ne:
Orowa, ikineypeka inne utar oro wano iki a=rarpa kuni ne kor koykar utar pon cip etokooyki kuni kusu ye nisa ruwe ne:
10 inambe gusu ne yakun, Shinuma inne utara iwangere okere; tambe gusu, nen ne yakka shiyeyepa utara tomooshma kuni ne Shinuma ukonumba shiriki okai ruwe ne.
inanpe kusu ne yakun, Sinuma inne utar iwankere okere; tanpe kusu, nen ne yakka siyeyepa utar tomoosma kuni ne Sinuma ukonunpa siriki okay ruwe ne.
11 Orowa, Ichakkeri ramat anak ne hembara ne yakka Shinuma nukara chiki, kotpoketa hachiripa, orowa, hawe ashte hine ene itak-hi :— Aokai anak ne Kamui Poho E ne ruwe ne, ari itak.
Orowa, Icakkeri ramat anakne henpara ne yakka Sinuma nukar ciki, kotpokta haciripa, orowa, hawe aste hine ene itak hi :— Aokay anakne Kamuy Poho E ne ruwe ne, ari itak.
Roukos 5.15 §34I
15 Koroka, Yesu assuru anak ne naa ashte, awa, nu gusu hene, katchakbe aiwangere gusu hene, inne topaha utara Shinuma otta araki nisa ruwe ne.
Korka, Yesu assuru anakne naa aste, awa, nu kusu hene, katcakpe aywankere kusu hene, inne topaha utar Sinuma or ta arki nisa ruwe ne.
Yoannes 6.1-2 §46I
1 Tap okaketa Yesu anak ne Tiberias atui, Gariraya un atui kushketa oman.
Tap okake ta Yesu anakne Tiberias atuy, Gariraya un atuy kuske ta oman.
2 Awa, tashum ki utara kata Shinuma ki shirosh nukan nisa ruwe ne gusu, poro inne utara Shinuma osh paye nisa ruwe ne.
Awa, tasum ki utar kata Sinuma ki siros nukar nisa ruwe ne kusu, poro inne utar Sinuma os paye nisa ruwe ne.
Roukos 5.16 §35II
16 Koroka, Shinuma utatʼtumuge wa yai-shietaye wa kimta oman wa inonno-itak ki nisa ruwe ne.
Korka, Sinuma utat tumuke wa yay-sietaye wa kim ta oman wa inonno-itak ki nisa ruwe ne.
Mattaios 14.35-36 §153II
35 Aige, nei kotan un utara Shinuma eamkiri koro anak ne nei kotan okari teshkara wa tashum guru obitta Shinuma orun koro wa araki nisa ruwe ne;
Ayke, ne kotan un utar Sinuma e=amkir kor anakne ne kotan okari teskar wa tasum kur opitta Sinuma orun kor wa arki nisa ruwe ne;
36 awa, Shinuma mipihi paruruge tomooshma kuni koramkoro: aige, nen ne yakka nei ambe tomooshma gurʼanak ne aiwangere nisa ruwe ne na.
awa, Sinuma mipihi parurke tomoosma kuni koramkor: ayke, nen ne yakka ne anpe tomoosma kur anakne aywankere nisa ruwe ne na.
Markos 6.54-56 §69II
54 Orowa, chip yap, aine, nani utara Shinuma eamkiri gusu,
Orowa, cip yap, ayne, nani utar Sinuma e=amkir kusu,
55 obitta nei kotan shikapneka no paye wa atarape kata hotke wa okai tashum ki utara Shinuma an ushike nu wa orota ani wa araki heashi.
opitta ne kotan sikapneka no paye wa a=tarap kata hotke wa okay tasum ki utar Sinuma an usike nu wa oro ta ani wa arki heasi.
56 Orowa, neita ne yakka nep kotan orun hene, machiya orun hene, ushike orun hene, oman yakun, utara anak ne ihok ushiketa tashum ki utara are, orowa, ouse Shinuma koro mipihi chingi patek tomooshma kuni koramkoro: orowa, nen ne yakka nei ambe tomooshma guru anak obitta iwangere nisa ruwe ne na.
Orowa, ney ta ne yakka nep kotan orun hene, maciya orun hene, usike orun hene, oman yakun, utar anakne ihok uske ta tasum ki utar are, orowa, owse Sinuma kor mipihi cinki patek tomoosma kuni koramkor: orowa, nen ne yakka ne anpe tomoosma kur anak opitta iwankere nisa ruwe ne na.
Roukos 5.17 §36II
17 Nei i shine an toho ta Shinuma epakashnu wa an; awa, Gariraya moshirʼun kotan ebitta orowa no hemhem, Yudea moshiri orowa no hemhem, Yerusarem machiya orowa no hemhem araki Parisee un utara newa kashpaotte epakashnu utara Shinuma samaketa rok wa okai: orowa, Shinuma anak ne tashum isamka kuni gusu an Utarapa kiroro Shinuma tura an nisa ruwe ne na.
Ne i sine an toho ta Sinuma epakasnu wa an; awa, Gariraya mosir un kotan epitta oro wano hemhem, Yudea mosir oro wano hemhem, Yerusarem maciya oro wano hemhem arki Parisee un utar newa kaspaotte epakasnu utar Sinuma samake ta rok wa okay: orowa, Sinuma anakne tasum isamka kuni kusu an Utarpa kiroro Sinuma tura an nisa ruwe ne na.
Mattaios 9.1-8 §70I
1 Orowa, Shinuma chip otta ahun; aige, atui tomotuye wa koro kotan orota ek nisa ruwe ne.
Orowa, Sinuma cip or ta ahun; ayke, atuy tomotuye wa kor kotan oro ta ek nisa ruwe ne.
2 Awa, utara anak ne hotke wa an tusushke tashum ki shine ainu Shinuma otta sei wa araki ruwe ne: orowa, Yesu nei utara koro eishokor-i nukara koro tusushke tashum ki guru otta ene itak-hi :— Poho, keutum ritetkere yan, e koro chikokatpak atusare ruwe ne gusu ne na.
Awa, utar anakne hotke wa an tususke tasum ki sine aynu Sinuma or ta sey wa arki ruwe ne: orowa, Yesu ne utar kor eysokor hi nukar kor tususke tasum ki kur or ta ene itak hi :— Poho, kewtum ritetkere yan, e=kor ci=kokatpak atusare ruwe ne kusu ne na.
3 Orowa, kambi-nuye utara tumugeta okai utara anak ne koro keutum ta, tan guru Kamui koatcha ruwe ne, ari itak.
Orowa, kampi-nuye utar tumke ta okay utar anakne kor kewtum ta, tan kur Kamuy koatca ruwe ne, ari itak.
4 Yesu nei utara yainu-hi eramu an wa ene itak-hi :— Hemanda gusu echi utara keutumu ta wen no echi yaikoshiramse ya?
Yesu ne utar yaynu hi eramuan wa ene itak hi :— Hemanta kusu eci utar kewtumu ta wenno eci yaykosiramse ya?
5 E koro chikokatpak atusare wa an sekoro itak ye, newa, e hopuni wa apkash, sekoro itak ye-hi anak ne, inambe ye katu isaika itak ne ruwe he an?
E=kor ci=kokatpak atusare wa an sekor itak ye, newa, e hopuni wa apkas, sekor itak ye hi anakne, inanpe ye katu isayka itak ne ruwe he an?
6 Koroka, Ainu Poho shiri kata an wa chikokatpak tusare mondum koro wa an ani ambe echi eramu an kuni gusu (tusushke tashum ki guru otta ene itak-hi:—) e hopuni hine e koro shotki chupu wa e uni un hoshipi, sekoro itak.
Korka, Aynu Poho siri kata an wa ci=kokatpak tusare montum kor wa an ani anpe eci=eramu an kuni kusu (tususke tasum ki kur or ta ene itak hi:—) e hopuni hine e=kor sotki cupu wa e uni un hosipi, sekor itak.
7 Orowa, nei guru hopuni wa koro chisei orun arapa nisa ruwe ne.
Orowa, ne kur hopuni wa kor cise orun arpa nisa ruwe ne.
8 Koroka, inne utara tap ambe nukara chiki ishitoma shiriki, orowa, tap korachi an mondum ainu otta koropare Kamui ko-oripak nisa ruwe ne na.
Korka, inne utar tapanpe nukar ciki isitoma siriki, orowa, tap koraci an montum aynu or ta korpare Kamuy ko-oripak nisa ruwe ne na.
Markos 2.1-12 §20I
1 Nei toho okaketa shui Shinuma Kapernaum machiya otta ahun chiki, Shinuma anak ne chisei ta an sekoro orushpe assuru aashte nisa ruwe ne.
Ne toho okake ta suy Sinuma Kapernaum maciya or ta ahun ciki, Sinuma anakne cise ta an sekor oruspe assuru a=aste nisa ruwe ne.
2 Awa, inne utara uwekarapa, naa chisei ahup eaikap pakno, apa samake katap okai eaikap pakno shiri-eshik ruwe ne: orowa, Shinuma nei utara otta itak ye nisa ruwe ne.
Awa, inne utar uekarpa, naa cise ahup eaykap pakno, apa samake katap okay eaykap pakno siri-esik ruwe ne: orowa, Sinuma ne utar or ta itak ye nisa ruwe ne.
3 Orowa, ine ainu shine tusushke tashum ki guru ani wa araki utara okai, awa, atura wa araki.
Orowa, ine aynu sine tususke tasum ki kur ani wa arki utar okay, awa, a=tura wa arki.
4 Aige, inne utara okai gusu ko-ehange no araki eaikap chiki, Shinuma an chisei kitai maka nisa ruwe re: nei ambe yaspa aokere yakun tusushke tashum ki guru kata hotke wa an atarabe range nisa ruwe ne.
Ayke, inne utar okay kusu ko-ehanke no arki eaykap ciki, Sinuma an cise kitay maka nisa ruwe re: ne anpe yaspa a=okere yakun tususke tasum ki kur kata hotke wa an a=tarap ranke nisa ruwe ne.
5 Orowa, Yesu nei utara koro eishokor i nukara wa tusushke tashum ki guru otta — Poho, e koro katpak atusare wa an ruwe ne; ari itak.
Orowa, Yesu ne utar kor eysokor i nukar wa tususke tasum ki kur or ta — Poho, e=kor katpak atusare wa an ruwe ne; ari itak.
6 Koroka, nei ushiketa rok wa okai kambi-nuye u ara tumugeta keutum ta upaore, aige, —
Korka, ne uske ta rok wa okay kampi-nuye u ar tumke ta kewtum ta upaore, ayke, —
7 Tan guru hemanda gusu nei no itak ya? Kamui koatcha ruwe ne: Shinen moshima, Kamui moshima katpak tusare eashkaibe nen ne ruwe? ari iki ruwe ne.
Tan kur hemanta kusunéno itak ya? Kamuy koatca ruwe ne: Sinen mosma, Kamuy mosma katpak tusare easkay pe nen ne ruwe? ari iki ruwe ne.
8 Koro ramat ani nani Yesu anak ne shinuma utara keutum oshiketa nei no okaibe upaore katu eramʼan koro, orota ene itak-hi: Hemanda gusu echi keutum ta tap okaibe echi upaore ya?
Kor ramat ani nani Yesu anakne sinuma utar kewtum oske ta néno okaype upaore katu eraman kor, oro ta ene itak hi: Hemanta kusu eci=kewtum ta tap okaype eci=upaore ya?
9 Tusushke tashum ki guru otta e koro katpak atusare wa an sekoro itak ye newa hopuni wa atarape ani wa apkash yan, sekoro itak ye anak ne, inambe ye itak katu isaika itak ne ruwe he an?
Tususke tasum ki kur or ta e=kor katpak atusare wa an sekor itak ye newa hopuni wa a=tarap ani wa apkas yan, sekor itak ye anakne, inanpe ye itak katu isayka itak ne ruwe he an?
10 Koroka, Ainu Poho shiri kata an wa katpak tusare mondum koro wa an ari ambe echi eramu an kuni gusu
Korka, Aynu Poho siri kata an wa katpak tusare montum kor wa an ari anpe eci=eramu an kuni kusu
11 (tusushke tashum ki guru otta ene itak-hi) e otta Ku ye, hopuni wa koro atarape ani wa e uni un oman yan, ari itak.
(tususke tasum ki kur or ta ene itak hi) e or ta Ku=ye, hopuni wa kor a=tarap ani wa e uni un oman yan, ari itak.
12 Orowa, nei guru hopuni hine nani atarape koro wa obitta no okai utara kotchaketa soine nisa ruwe ne; okai utara obitta oyamokte, orowa, Kamui ko oripak wa ene itak-hi :— Tambe nei no tane pakno naa shomo chi nukara ash nisa ruwe ne na, ari itak.
Orowa, ne kur hopuni hine nani a=tarap kor wa opittano okay utar kotcake ta soyne nisa ruwe ne; okay utar opitta oyamokte, orowa, Kamuy ko oripak wa ene itak hi :— Tanpe néno tane pakno naa somo ci nukar as nisa ruwe ne na, ari itak.
Roukos 5.18-26 §37I
18 Orowa no, utara anak ne shotki kata hotke wa an tusushke tashum ki guru shinen ani wa araki hine kotchaketa ande kuni gusu chisei otta ahunge rusui ruwe ne.
Orowano, utar anakne sotki kata hotke wa an tususke tasum ki kur sinen ani wa arki hine kotcake ta ante kuni kusu cise or ta ahunke rusuy ruwe ne.
19 Koroka, utara inne wa otta ahunge kuni ushike nukara shomoki gusu chisei kitaigeta hemesu wa atarape kata hotke wa an gusu rik orowa no Yesu kotchaketa range nisa ruwe ne.
Korka, utar inne wa or ta ahunke kuni usike nukar somo ki kusu cise kitayke ta hemesu wa a=tarap kata hotke wa an kusu rik oro wano Yesu kotcake ta ranke nisa ruwe ne.
20 Orowa koro eishokor-i Shinuma nukara chiki — Ainu, e koro chikokatpak atusare wa an na — ari itak.
Orowa kor eysokor hi Sinuma nukar ciki — Aynu, e=kor ci=kokatpak atusare wa an na — ari itak.
21 Tata otta, Parisee un utara newa kambi-nuye utara upaore heashi wa ene itak-hi :— Tan Kamui koatchap ye guru nen ne ya? Kamui moshima anak chikokatpak tusare eashkaibe inan guru ne ruwe he an? ani itak.
Tata or ta, Parisee un utar newa kampi-nuye utar upaore heasi wa ene itak hi :— Tan Kamuy koatcap ye kur nen ne ya? Kamuy mosma anak ci=kokatpak tusare easkay pe inan kur ne ruwe he an? ani itak.
22 Koroka, Yesu nei upaore ambe eramʼan wa orota ese wa ene itak-hi :— Nep gusu echi utara keutum ta upaore ki ya?
Korka, Yesu ne upaore anpe eraman wa oro ta ese wa ene itak hi :— Nep kusu eci utar kewtum ta upaore ki ya?
23 E koro chikokatpak atusare wa an sekorʼan itak ye newa e hopuni wa apkash yan sekorʼan itak ani ye ambe anak ne inambe ye katu isaika ruwe he an?
E=kor ci=kokatpak atusare wa an sekor an itak ye newa e hopuni wa apkas yan sekor an itak ani ye anpe anakne inanpe ye katu isayka ruwe he an?
24 Koroka, Ainu Poho shiri kata an wa chikokatpak tusare mondum koro wa an ani an ambe echi eramʼan kuni gusu (tusushke tashum ki guru otta ene itak-hi) — E otta Ku ye, hopuni wa koro atarape ani hine e uni un oman yan, ari itak.
Korka, Aynu Poho siri kata an wa ci=kokatpak tusare montum kor wa an ani an anpe eci=eraman kuni kusu (tususke tasum ki kur or ta ene itak hi) — E or ta Ku=ye, hopuni wa kor a=tarap ani hine e uni un oman yan, ari itak.
25 Tata otta nei guru anak ne nani utara kotchaketa hopuni wa kata hotke an ap ani wa Kamui ko-oripak hine koro uni ta oman nisa ruwe ne.
Tata or ta ne kur anakne nani utar kotcake ta hopuni wa kata hotke an ap ani wa Kamuy ko-oripak hine kor uni ta oman nisa ruwe ne.
26 Orowa no, nei utara obitta shi no enushkari wa Kamui ko-oripak ruwe ne; samata, earikinne ishitoma hine :— Tanto aehomatup chi nukan nisa ruwe ne na, ari itak.
Orowano, ne utar opitta sino enuskari wa Kamuy ko-oripak ruwe ne; sama ta, earikinne isitoma hine :— Tanto aehomatup ci nukar nisa ruwe ne na, ari itak.
Yoannes 5.1-10 §38I
1 Tap okaketa Yudea un guru koro marapto an; awa, Yesu anak ne Yerusarem kotan ta hemesu nisa ruwe ne.
Tap okake ta Yudea un kur kor marapto an; awa, Yesu anakne Yerusarem kotan ta hemesu nisa ruwe ne.
2 Yerusarem kotan ta hitsuji chikoikip apa samta ashikne ikushpe koro shine to an, nei ambe anak ne Hebrai an itak ani aye chiki Betesda ani aporosep ne ruwe ne.
Yerusarem kotan ta hitsuji cikoykip apa sam ta asikne ikuspe kor sine to an, ne anpe anakne Hebray an itak ani a=ye ciki Betesda ani aporosep ne ruwe ne.
3 Inne tashum ki utara, shiknak utara, hera utara, shipeshte utara tan ushiketa hotke wa okai nisa ruwe ne na.
Inne tasum ki utar, siknak utar, her utar, sipeste utar tan uske ta hotke wa okay nisa ruwe ne na.
4 Nei ita tupesan pa ikashima wan e tu hotne pa uturu tum-sak wa an guru an.
Ne hi ta tupesan pa ikasma wan e tu hotne pa uturu tum-sak wa an kur an.
5 Awa, Yesu anak ne shinuma hotke wa an shiri nukara chiki, samata, tane ohon no an shiri eraman koro, otta ene itak-hi :— Eani atumashnure rusui ruwe? ari itak.
Awa, Yesu anakne sinuma hotke wa an siri nukar ciki, sama ta, tane ohor no an siri eraman kor, or ta ene itak hi :— Eani atumasnure rusuy ruwe? ari itak.
6 Otta tashum ki guru ese wa ene itak-hi :— Nishpa, wakka amoimoyegere ita anak ne to oshiketa en omare kuni guru ku sak ruwe ne: koroka, kuani ku ek rapoketa en hoshiki no moshima an guru san ruwe ne.
Or ta tasum ki kur ese wa ene itak hi :— Nispa, wakka amoymoyekere hi ta anakne to oske ta en=omare kuni kur ku=sak ruwe ne: korka, kuani ku=ek rapoketa en=hoski no mosma an kur san ruwe ne.
7 Orota Yesu ene itak-hi :— Hopuni wa e koro atarape ani hine apkash yan, ari itak.
Oro ta Yesu ene itak hi :— Hopuni wa e=kor a=tarap ani hine apkas yan, ari itak.
8 Orowa, nani nei guru atumashnure wa koro atarape ani wa apkash nisa ruwe ne na.
Orowa, nani ne kur atumasnure wa kor a=tarap ani wa apkas nisa ruwe ne na.
9 Nei toho anak Shini toho ne ruwe ne. Tambe gusu, Yudea un utara anak ne aiwangere guru otta :— Shini toho ne ruwe ne, e koro atarape ani katu anak ne ikashpaotte oterekep ne ruwe ne.
Ne toho anak Sini toho ne ruwe ne. Tanpe kusu, Yudea un utar anakne aywankere kur or ta :— Sini toho ne ruwe ne, e=kor a=tarap ani katu anakne ikaspaotte oterekep ne ruwe ne.
10 Koroka, nei utara orota Shinuma ene ese-hi :— En tumashnure guru anak ne, nei guru anak, e koro atarape ani wa apkash yan, ani an itak ani en orun ye nisa ruwe ne, ari itak ruwe ne.
Korka, ne utar oro ta Sinuma ene ese hi :— En tumasnure kur anakne, ne kur anak, e=kor a=tarap ani wa apkas yan, ani an itak ani en=orun ye nisa ruwe ne, ari itak ruwe ne.
Mattaios 9.9 §71II
9 Yesu tewa no oman wa shirikush, aine, yaku etaye chisei otta a wa an Mattaios ani aye ainu nukara hine orota ene itak-hi :— En osh ek yan, Orowa, nei guru hopuni wa Shinuma osh oman nisa ruwe ne na.
Yesu tewano oman wa sirikus, ayne, yaku etaye cise or ta a wa an Mattayos ani a=ye aynu nukar hine oro ta ene itak hi :— En=os ek yan, Orowa, ne kur hopuni wa Sinuma os oman nisa ruwe ne na.
Markos 2.13-14 §21II
13 Shui, Shinuma atui sam un oman, aige, obitta no okai inne utara Shinuma orota araki, awa, Shinuma nei utara epakashnu nisa ruwe ne.
Suy, Sinuma atuy sam un oman, ayke, opittano okay inne utar Sinuma oro ta arki, awa, Sinuma ne utar epakasnu nisa ruwe ne.
14 Orowa, Shinuma shirikush an ita, Arupeus koro poho Rebi yaku-etaye ushiketa a wa an i nukara, awa, otta En osh ek yan, ani itak. Orowa, shinuma hopuni wa I osh oman nisa ruwe ne.
Orowa, Sinuma sirikus an hi ta, Arupeus kor poho Rebi yaku-etaye uske ta a wa an i nukar, awa, or ta En=os ek yan, ani itak. Orowa, sinuma hopuni wa I os oman nisa ruwe ne.
Roukos 5.27-28 §38II
27 Tap okaibe okere chiki Shinuma nei i orowa no oman ruwe ne; awa, Yaku ichen uk kuni chisei ta a wa an Yaku-etaye Rebi ani aye guru nukara; aige, orota :— En osh ek yan — ani itak.
Tap okaype okere ciki Sinuma ne i oro wano oman ruwe ne; awa, Yaku icen uk kuni cise ta a wa an Yaku-etaye Rebi ani a=ye kur nukar; ayke, oro ta :— En=os ek yan — ani itak.
28 Orowa, shinuma obitta no okaibe are wa hopuni hine Shinuma osh oman nisa ruwe ne.
Orowa, sinuma opittano okaype are wa hopuni hine Sinuma os oman nisa ruwe ne.
Mattaios 9.10-11 §72II
10 Orowa, Shinuma ibe gusu chisei ta a rapoketa, yaku etaye utara hene chikokatpak utara hene inne no Yesu newa koro koikara utara tura rok wa okai nisa ruwe ne.
Orowa, Sinuma ipe kusu cise ta a rapoketa, yaku etaye utar hene ci=kokatpak utar hene inne no Yesu newa kor koykar utar tura rok wa okay nisa ruwe ne.
11 Aige, Parisee un utara anak ne tap ambe nukara chiki nei koikara utara orun ene itak-hi :— Echi epakashnu guru nep gusu yaku etaye utara hemhem chikokatpak utara hemhem tura aep e ya? ari itak.
Ayke, Parisee un utar anakne tapanpe nukar ciki ne koykar utar orun ene itak hi :— Eci=epakasnu kur nep kusu yaku etaye utar hemhem ci=kokatpak utar hemhem tura aep e ya? ari itak.
Markos 2.15-16 §22II
15 Orowa shinuma koro chisei ta ibe gusu a wa an, aige, inne yaku-etaye utara newa chikokatpak utara Yesu newa koro koikara utara tura rok wa okai; nei utara inne wa Shinuma osh paye nisa ruwe ne gusu ne na.
Orowa sinuma kor cise ta ipe kusu a wa an, ayke, inne yaku-etaye utar newa ci=kokatpak utar Yesu newa kor koykar utar tura rok wa okay; ne utar inne wa Sinuma os paye nisa ruwe ne kusu ne na.
16 Parisee un utara koro kambi-nuye utara anak ne Shinuma chikokatpak utara newa yaku-etaye utara tura ibe katu nukara chiki koro koikara utara otta ene itak-hi :— Shinuma yaku-etaye utara newa chikokatpak utara tura ibe hemhem ki iku hemhem ki ruwe ne, ari itak.
Parisee un utar kor kampi-nuye utar anakne Sinuma ci=kokatpak utar newa yaku-etaye utar tura ipe katu nukar ciki kor koykar utar or ta ene itak hi :— Sinuma yaku-etaye utar newa ci=kokatpak utar tura ipe hemhem ki iku hemhem ki ruwe ne, ari itak.
Roukos 5.29-30 §39II
29 Orowa, Rebi anak ne koro chisei ta Shinuma gusu poro marapto kan ruwe ne: awa, inne topaha ne Yaku-etaye utara hemhem, moshima okai utara hemhem, tura no rok wa marapto ibe korʼan nisa ruwe ne.
Orowa, Rebi anakne kor cise ta Sinuma kusu poro marapto kan ruwe ne: awa, inne topaha ne Yaku-etaye utar hemhem, mosma okay utar hemhem, turano rok wa marapto ipe kor an nisa ruwe ne.
30 Aige, Parisee un utara newa koro kambi-nuye utara anak ne Shinuma koikara utara otta oromam wa ene itak-hi :— Hemanda gusu echi utara anak ne Yaku-etaye utara newa katpak koro utara tura ibe hemhem ki iku hemhem ki ya?
Ayke, Parisee un utar newa kor kampi-nuye utar anakne Sinuma koykar utar or ta oromam wa ene itak hi :— Hemanta kusu eci utar anakne Yaku-etaye utar newa katpak kor utar tura ipe hemhem ki iku hemhem ki ya?
Mattaios 9.12-17 §73II
12 Koroka, Shinuma tap ambe nu chiki nei utara otta ene itak-hi :— Iwange no okai utara anak ne potara guru irannakka ruwe ne, ouse tashum koro utara patek kon rusui ruwe ne.
Korka, Sinuma tapanpe nu ciki ne utar or ta ene itak hi :— Iwanke no okay utar anakne potara kur irannakka ruwe ne, owse tasum kor utar patek kor rusuy ruwe ne.
13 Koroka, Kuani rampoken Ku kon rusui wa ayange kunip kon rusui shomoki na, sekorʼan itak ambe nekon a ikkewehe an itak ne ya? ani echi paye wa ramepakari yan: Kuani oupeka utara hotuyekara kuni gusu ek ka shomoki, katpak koro utara hotuyekara gusu Ku ek nisa ruwe ne gusu ne na.
Korka, Kuani ranpoken Ku=kor rusuy wa a=yanke kunip kor rusuy somo ki na, sekor an itak anpe nekona ikkewehe an itak ne ya? ani eci=paye wa ramepakari yan: Kuani owpeka utar hotuyekar kuni kusu ek ka somo ki, katpak kor utar hotuyekar kusu Ku=ek nisa ruwe ne kusu ne na.
14 Nei ita Yoannes koro koikara utara Shinuma orun araki wa ene itak-hi :— Chi utara hemhem Parisee un utara hemhem kanna-kanna shomo ramnu ki, koroka, e koro koikara utara shomo ramnu ki ka shomoki ambe anak ne inambe gusu ne ya? ari itak.
Ne hi ta Yoannes kor koykar utar Sinuma orun arki wa ene itak hi :— Ci utar hemhem Parisee un utar hemhem kanna-kanna somo ramnu ki, korka, e=kor koykar utar somo ramnu ki ka somo ki anpe anakne inanpe kusu ne ya? ari itak.
15 Orowa, Yesu nei utara otta ene itak-hi :— Tane matakore guru an rapoketa, nei marapto gusu an utara anak ne yaituwashkarap eashkai ruwe he an? Okaketa tane matakore guru auk toho ek kusu ne, nei ita shomo ramnu ki kusu ne na.
Orowa, Yesu ne utar or ta ene itak hi :— Tane matkore kur an rapoketa, ne marapto kusu an utar anakne yaytuwaskarap easkay ruwe he an? Okake ta tane matkore kur auk toho ek kusu ne, ne hi ta somo ramnu ki kusu ne na.
16 Chiworo-at ani fushko amip utapke guru isam: nei no ki yakun, autapke ambe anak ne fushko ambe orowa no yara,
Ciworo-at ani husko amip utapke kur isam: néno ki yakun, a=wtapke anpe anakne husko anpe oro wano yara,
17 orowa, nei yara ushike naa poro ne ruwe ne Shui, ashiri tonoto fushko kapu-pukuru ta omare guru isam: nei no ki yakun, pukuru patke wa tonoto echikiki, orowa, kapu-pukuru aisamka ruwe ne: koroka, ashiri tonoto anak ne ashiri kapu-pukuru ta aomare, yakun, tup ne kane akoro wa okai.
orowa, ne yara usike naa poro ne ruwe ne Suy, a=siri tonoto husko kapu-pukuru ta omare kur isam: néno ki yakun, pukuru patke wa tonoto ecikiki, orowa, kapu-pukuru a=ysamka ruwe ne: korka, a=siri tonoto anakne a=siri kapu-pukuru ta a=omare, yakun, tup ne kane a=kor wa okay.
Markos 2.17-22 §23II
17 Yesu tap ambe nu yakun nei utara otta ene itak-hi :— Iwange no okai utara anak ne potara guru irannakka, ouse tashum an guru patek kon rusui ruwe ne: Kuani anak ne oupeka utara hotuyekara gusu Ku ek ka shomoki, katpak koro utara Ku hotuyekara gusu Ku ek nisa ruwe ne na.
Yesu tapanpe nu yakun ne utar or ta ene itak hi :— Iwanke no okay utar anakne potara kur irannakka, owse tasum an kur patek kor rusuy ruwe ne: Kuani anakne owpeka utar hotuyekar kusu Ku=ek ka somo ki, katpak kor utar Ku=hotuyekar kusu Ku=ek nisa ruwe ne na.
18 Orowa, Yoannes koro koikara utara newa Parisee un utara koro koikara utara anak ne shomo ramnu ki korʼan, awa, Shinuma orun utara araki wa orota ene itak-hi :— Hemanda gusu Yoannes koro koikara utara newa Parisee un utara koro koikara utara shomo ramnu ki a koroka E koro koikara utara shomo ramnu ki ka shomoki ruwe he an?
Orowa, Yoannes kor koykar utar newa Parisee un utar kor koykar utar anakne somo ramnu ki kor an, awa, Sinuma orun utar arki wa oro ta ene itak hi :— Hemanta kusu Yoannes kor koykar utar newa Parisee un utar kor koykar utar somo ramnu ki a korka E=kor koykar utar somo ramnu ki ka somo ki ruwe he an?
19 Orota Yesu ene itak-hi :— Tane mat-ahupkara guru koro tumbu ta ahup utara anak ne nei mat-ahupkara guru an ita shomo ramnu ki eashkai ruwe he an? Tane mat-ahupkara guru anak ne utara tura no an rapoketa shomo ramnu ki eaikap ruwe ne na.
Oro ta Yesu ene itak hi :— Tane mat-ahupkar kur kor tumpu ta ahup utar anakne ne mat-ahupkar kur an hi ta somo ramnu ki easkay ruwe he an? Tane mat-ahupkar kur anakne utar turano an rapoketa somo ramnu ki eaykap ruwe ne na.
20 Koroka, nei mat-ahupkara guru auk toho ek kusu ne, nei toho ta utara shomo ramnu ki kusu ne na.
Korka, ne mat-ahupkar kur auk toho ek kusu ne, ne toho ta utar somo ramnu ki kusu ne na.
21 Chiworo-at ani fushko amip utapke guru isam; nei no ki yakun autapke ashiribe anak ne fushko ambe orowa no yara, orowa, nei yara ushike naa aporore ruwe ne.
Ciworo-at ani husko amip utapke kur isam; néno ki yakun a=wtapke a=siripe anakne husko anpe oro wano yara, orowa, ne yara usike naa a=porore ruwe ne.
22 Shui, ashiri tonoto fushko kapu pukuru ta omare guru isam: nei no ki yakun tonoto anak ne pukuru patkere, orowa, tonoto newa pukuru aisamka ruwe ne: koroka, ashiri tonoto ashiri kapu pukuru orota aomare ruwe ne.
Suy, a=siri tonoto husko kapu pukuru ta omare kur isam: néno ki yakun tonoto anakne pukuru patkere, orowa, tonoto newa pukuru a=ysamka ruwe ne: korka, a=siri tonoto a=siri kapu pukuru oro ta a=omare ruwe ne.
Roukos 5.31-39 §40II
31 Orota Yesu ese wa ene itak-hi :— Iwange no okai utara anak ne potara guru irannakka ne, ouse tashum an guru patek potara guru kon rusui ruwe ne.
Oro ta Yesu ese wa ene itak hi :— Iwanke no okay utar anakne potara kur irannakka ne, owse tasum an kur patek potara kur kor rusuy ruwe ne.
32 Kuani anak ne oupeka utara yaikokatpakte gusu Ku ek ka shomoki, katpak koro utara yaikokatpakte kuni gusu Ku ek nisa ruwe ne na, ari itak.
Kuani anakne owpeka utar yaykokatpakte kusu Ku=ek ka somo ki, katpak kor utar yaykokatpakte kuni kusu Ku=ek nisa ruwe ne na, ari itak.
33 Orota nei utara ene itak-hi :— Yoannes koro koikara utara anak ne kanna-kanna shomo ramnu hene ki, inonno itak hene ki ruwe ne; Parisee un utara koro koikara utara ne yakka nei no ki ruwe ne; koroka, E koro koikara utara anak ibe hemhem ki iku hemhem ki wa okai ruwe ne.
Oro ta ne utar ene itak hi :— Yoannes kor koykar utar anakne kanna-kanna somo ramnu hene ki, inonno itak hene ki ruwe ne; Parisee un utar kor koykar utar ne yakka néno ki ruwe ne; korka, E=kor koykar utar anak ipe hemhem ki iku hemhem ki wa okay ruwe ne.
34 Orota Yesu ene itak-hi :— Mat-ahupkara guru an rapoketa tura no okai ikatairotke utara shomo ibe shomo iku kuni kire eashkai ruwe he an?
Oro ta Yesu ene itak hi :— Mat-ahupkar kur an rapoketa turano okay ikatayrotke utar somo ipe somo iku kuni kire easkay ruwe he an?
35 Koroka, nei mat-ahupkara guru auk toho ek, nei toho ta shinuma utara shomo ibe shomo iku hemhem ki kusu ne na.
Korka, ne mat-ahupkar kur auk toho ek, ne toho ta sinuma utar somo ipe somo iku hemhem ki kusu ne na.
36 Orowa, Shinuma nei utara otta shine itak-maukushte-itak ne yakka ye nisa ruwe ne. Ashiri amip orowa no humihi mesu wa ani fushko anrip otta utapke guru isam ruwe ne, nei no ki yak anak ne ashiri anrip mesu, naa samata, ashiripe anak ne fushkop gusu oupak shomo ne ruwe ne.
Orowa, Sinuma ne utar or ta sine itak-mawkuste-itak ne yakka ye nisa ruwe ne. A=siri amip oro wano humihi mesu wa ani husko anrip or ta utapke kur isam ruwe ne, néno ki yakanak ne a=siri anrip mesu, naa sama ta, a=siripe anakne husko p kusu owpak somo ne ruwe ne.
37 Orowa, fushko kapubukuru orota ashiri tonoto omare guru isam, nei no ki yak anak ne ashiri tonoto pukuru patke, orowa, tonoto aohetu, pukuru ne yakka awende kusu ne.
Orowa, husko kapupukuru oro ta a=siri tonoto omare kur isam, néno ki yakanak ne a=siri tonoto pukuru patke, orowa, tonoto a=ohetu, pukuru ne yakka awente kusu ne.
38 Koroka, ashiri tonoto ashiri kapu-pukuru otta aomare kusu ne ap ruwe ne.
Korka, a=siri tonoto a=siri kapu-pukuru or ta a=omare kusu ne ap ruwe ne.
39 Orowa, hekai tonoto iku guru anak ne ashiripe kon rusui shomoki: hekaibe pirika ruwe ne, ari nei guru ye ruwe ne gusu ne na.
Orowa, hekay tonoto iku kur anakne a=siripe kor rusuy somo ki: hekaype pirka ruwe ne, ari ne kur ye ruwe ne kusu ne na.