Synopsis
Mattaios 28.1-4 §352I
1 Orowa, shini toho moire no an-kesh paketa nei mawari atpake an toho ehange ita, Makdarene un Maria hemhem, moshima an Maria hemhem utura hine tushiri nukara gusu araki nisa ruwe ne.
Orowa, sini toho moyre no an-kes pak ta ne mawari atpake an toho ehanke hi ta, Makdarene un Maria hemhem, mosma an Maria hemhem utura hine tusiri nukar kusu arki nisa ruwe ne.
2 Aige, ingarʼan, poro shirishimoye an; kando orowa no Kamui uitekbe ran hine ek wa nei poro shuma oyakta karakarasere wa kata a nisa ruwe ne gusu ne na.
Ayke, inkar=an, poro sirsimoye an; kanto oro wano Kamuy uytekpe ran hine ek wa ne poro suma oyak ta karkarsere wa kata a nisa ruwe ne kusu ne na.
3 Koro katuhu anak ne imeru korachi ne, mipihi anak ne upas pakno retan ruwe ne:
Kor katuhu anakne imeru koraci ne, mipihi anakne upas pakno retar ruwe ne:
4 orowa, pungi utara shinuma koishitoma gusu tusushke, aine, rai guru iporo korachi ipukitara ruwe ne Orowa,
orowa, punki utar sinuma koysitoma kusu tususke, ayne, raykur iporo koraci ipukitara ruwe ne Orowa,
Markos 16.2-5 §231I
2 Awa, Shini toho eshimge no an toho ta aro-kunneiwano an ita, chup hetuku chiki tushiri orota araki nisa ruwe ne.
Awa, Sini toho esimke no an toho ta a=ro-kunneywano an hi ta, cup hetuku ciki tusiri oro ta arki nisa ruwe ne.
3 Aige, un gusu tushiri apa wano shuma oyakta kokarakarasere guru hunna ruwe? ari itak;
Ayke, un kusu tusiri apa wano suma oyak ta kokarakarasere kur hunna ruwe? ari itak;
4 aige, hepuni ingara chiki, nei shuma oyake un kokarakarase wa an, ani nukara; nei ambe shiri porobe ne gusu ne na.
ayke, hepuni inkar ciki, ne suma oyake un kokarakarase wa an, ani nukar; ne anpe siri poro p ne kusu ne na.
5 Orowa no, tushiri otta ahup koro shimon samata a retara mipihi amire wa an shine upen ainu anukara; aige, nei utara kimatek nisa ruwe ne.
Orowano, tusiri or ta ahup kor simon sama ta a retar mipihi a=mire wa an sine upen aynu a=nukar; ayke, ne utar kimatek nisa ruwe ne.
Roukos 24.1-4 §336I
1 Orowa, nei utara anak ne tuitak an korachi Shini toho ta shini ruwe ne. Awa, Shini toho eshimge no an toho ta aroankes pakita nei utara shipini okere pirika hura ushbe koro wa tushiri orota araki nisa ruwe ne.
Orowa, ne utar anakne tuytak an koraci Sini toho ta sini ruwe ne. Awa, Sini toho esimke no an toho ta aroankes pakita ne utar sipini okere pirka hura uspe kor wa tusiri oro ta arki nisa ruwe ne.
2 Aige, nei tushiri wano shuma kokarakarase wa an shiri anukara.
Ayke, ne tusiri wano suma kokarakarase wa an siri a=nukar.
3 Awa, orota ahup hine Utarapa ne Yesu kon netobake nukara shomoki.
Awa, oro ta ahup hine Utarpa ne Yesu kor netopake nukar somo ki.
4 Orowa, nei utara tambe gusu keutura utumashi wa okai, aige, pekere at amip rai wa okai tu ainu nei samaketa roshki nisa ruwe ne:
Orowa, ne utar tanpe kusu kewtura utumasi wa okay, ayke, peker at amip ray wa okay tu aynu ne samake ta roski nisa ruwe ne:
Yoannes 20.1 §209I
1 Orowa, Mawari atpake an toho ta, naa shirikunne an ita, Makdarene un Maria anak ne tushiri otta ek, awa, nei tushiri wano shuma auk wa an shiri nukara.
Orowa, Mawari atpake an toho ta, naa sirkunne an hi ta, Makdarene un Maria anakne tusiri or ta ek, awa, ne tusiri wano suma auk wa an siri nukar.
Yoannes 20.11-12 §211I
11 Koroka, Maria anak ne chish koro soita tushiri samaketa ash wa an ruwe ne: awa, chish shiri an koro hotku wa tushiri orun ingan nisa ruwe ne;
Korka, Maria anakne cis kor soy ta tusiri samake ta as wa an ruwe ne: awa, cis siri an kor hotku wa tusiri orun inkar nisa ruwe ne;
12 aige, retara amip mi wa okai tu Kamui hauturumbe nukara, Yesu kon netobake aande ushiketa, shinep nei sapaha an ushike shinep nei chikiri an ushiketa a wa an ruwe ne.
ayke, retar amip mi wa okay tu Kamuy hawturunpe nukar, Yesu kor netopake a=ante uske ta, sinep ne sapaha an usike sinep ne cikiri an uske ta a wa an ruwe ne.
Mattaios 28.5-7 §353II
5 Kamui uitekbe ese wa nei shiwentep utara otta ene itak-hi :— Iteki ishitoma yan: echi utara utasa chikuni otta araige Yesu hunara wa echi okai wa ku eraman ruwe ne gusu ne na.
Kamuy uytekpe ese wa ne siwentep utar or ta ene itak hi :— Iteki isitoma yan: eci utar utasa cikuni or ta arayke Yesu hunara wa eci=okay wa ku=eraman ruwe ne kusu ne na.
6 Shinuma teda isam, hoshiki itak korachi hetopo-shiknu nisa ruwe ne gusu ne na. Araki wa Utarapa hoshiki otta hotke-i ingara yan.
Sinuma teta isam, hoski itak koraci hetopo-siknu nisa ruwe ne kusu ne na. Arki wa Utarpa hoski or ta hotke hi inkar yan.
7 Orowa no tunashi no paye wa koro koikara utara otta :— Shinuma rai orowa no hetopo-shiknu wa an sekoro nure yan, orowa, echi kotchaot Gariraya moshiri orun oman nisa ruwe ne; nei ita echi nukara kusu ne; ingarʼan, kuani echi nure okere na.
Orowano tunasno paye wa kor koykar utar or ta :— Sinuma ray oro wano hetopo-siknu wa an sekor nure yan, orowa, eci=kotcaot Gariraya mosir orun oman nisa ruwe ne; ne hi ta eci=nukar kusu ne; inkar=an, kuani eci=nure okere na.
Markos 16.6-7 §232II
6 Orowa, nei shiwentep otta shinuma ene itak-hi :— Iteki kimatek yan, echi utara anak ne utasa chikuni otta a kungi kokikkik Nazaret kotan un Yesu echi hunara shiri okai: Shinuma hetopo-a-shiknure wa teda isama, utara Shinuma ande ushike ingara yan!
Orowa, ne siwentep or ta sinuma ene itak hi :— Iteki kimatek yan, eci utar anakne utasa cikuni or ta a kunki kokikkik Nazaret kotan un Yesu eci=hunara siri okay: Sinuma hetopo-a-siknure wa teta isam, utar Sinuma ante usike inkar yan!
7 Koroka, echi paye wa :— Shinuma anak ne echi kotchaot Gariraya moshiri un oman ruwe ne, echi otta ye korachi nei moshiri ta echi nukara kusu ne, ari an itak ani koro koikara utara newa Petros otta ye yan, ari itak.
Korka, eci=paye wa :— Sinuma anakne eci=kotcaot Gariraya mosir un oman ruwe ne, eci or ta ye koraci ne mosir ta eci=nukar kusu ne, ari an itak ani kor koykar utar newa Petros or ta ye yan, ari itak.
Roukos 24.5-8 §337II
5 awa, nei utara kimatek wa shiri kata koro nanuhu hepokiki, aine orota nei ainu utara ene itak-hi :— Nep gusu rai guru tumugeta shiknu guru echi hunara ya?
awa, ne utar kimatek wa siri kata kor nanuhu hepokiki, ayne oro ta ne aynu utar ene itak hi :— Nep kusu raykur tumke ta siknu kur eci=hunara ya?
6 Shinuma teda isam, koroka, hetopo-a-shiknure nisa ruwe ne: Shinuma naa Gariraya kotan ta an rapoketa echi otta :—
Sinuma teta isam, korka, hetopo-a-siknure nisa ruwe ne: Sinuma naa Gariraya kotan ta an rapoketa eci or ta :—
7 Ainu Poho anak ne katpak koro utara tekehe otta aekoshi wa utasa chikuni otta akungi kokikkik, orowa, rereko an ita hotopo-shiknu kusu ne ap, ani an itak ani ye katu echi eshkarun yan, ari itak.
Aynu Poho anakne katpak kor utar tekehe or ta a=ekosi wa utasa cikuni or ta a=kunki kokikkik, orowa, rerko an hi ta hotopo-siknu kusu ne ap, ani an itak ani ye katu eci=eskarun yan, ari itak.
8 Orowa, nei utara anak ne Shinuma ye itak eshkarun,
Orowa, ne utar anakne Sinuma ye itak eskarun,
Mattaios 28.8 §354II
8 Orowa no nei utara yaitunashka hine kimatek koro shi no yaikopuntek wa tushiri ekohopi wa koikara utara otta nure kuni ne paye nisa ruwe ne na.
Orowano ne utar yaytunaska hine kimatek korsi no yaykopuntek wa tusiri ekohopi wa koykar utar or ta nure kuni ne paye nisa ruwe ne na.
Markos 16.8 §233II
8 Orowa no, nei utara soyumba wa tushiri wano kira nisa ruwe ne: inambe gusu ne yakun, nei utara tusushke hemhem ki, homatu hemhem ki ruwe ne gusu ne na; orowa, nen ye yakka otta nep ka ye shomoki: ishitoma nisa ruwe ne gusu ne na.
Orowano, ne utar soyunpa wa tusiri wano kira nisa ruwe ne: inanpe kusu ne yakun, ne utar tususke hemhem ki, homatu hemhem ki ruwe ne kusu ne na; orowa, nen ye yakka or ta nep ka ye somo ki: isitoma nisa ruwe ne kusu ne na.
Roukos 24.9 §338II
9 awa, tushiri wano hoshippa hine nei shinen ikashima wa niu otta hemhem, obitta no okai moshima utara otta hemhem obitta tap orushpe nure nisa ruwe ne.
awa, tusiri wano hosippa hine ne sinen ikasma wa niw or ta hemhem, opittano okay mosma utar or ta hemhem opitta tap oruspe nure nisa ruwe ne.
Roukos 24.10-35 §339X
10 Orowa, Apostoro otta tap okai orushpe nure utara anak ne Magdarene un Maria newa Yoanna newa Yakob koro habo Maria newa nei utara tura no okai shiwentep ne ruwe ne.
Orowa, Apostoro or ta tap okay oruspe nure utar anakne Magdarene un Maria newa Yoanna newa Yakob kor hapo Maria newa ne utar turano okay siwentep ne ruwe ne.
11 Awa, tap okai itak ambe anak ne haita itak nei no nei utara orowa no aeyainu wa aeumbipka nisa ruwe ne.
Awa, tap okay itak anpe anakne hayta itak néno ne utar oro wano aeyaynu wa a=eunpipka nisa ruwe ne.
12 Koroka, Petros anak hopuni hine tushiri orota hoyupu: orowa, hotku wa nei onnaige orun ingara, aige, yaishineanda an wa an senkaki amip nukara; orowa, shinuma nei hetuku orushpe enushkari wa koro uni un oman nisa ruwe ne na.
Korka, Petros anak hopuni hine tusiri oro ta hoyupu: orowa, hotku wa ne onnayke orun inkar, ayke, yaysineanta an wa an senkaki amip nukar; orowa, sinuma ne hetuku oruspe enuskari wa kor uni un oman nisa ruwe ne na.
13 Orowa, nei utara tumuge un tun anak ne nei etohogeta, Yerusarem kotan orowa no re ichi ri pakno an, Emmaus ani aye kotan orun paye korʼan.
Orowa, ne utar tumuke un tun anakne ne etohoketa, Yerusarem kotan oro wano re ici ri pakno an, Emmaus ani a=ye kotan orun paye kor an.
14 Awa, hetuku wa okai orushpe gusu utashpa uweneusara ki nisa ruwe ne.
Awa, hetuku wa okay oruspe kusu utaspa uenewsar ki nisa ruwe ne.
15 Orowa, nei utara uweneusara hemhem ki, uwepekennu hemhem ki korʼan ita, Yesu yaikota anak ne ehange no ek wa nei utara tura no oman nisa ruwe ne.
Orowa, ne utar uenewsar hemhem ki, uwepekennu hemhem ki kor an hi ta, Yesu yaykota anakne ehanke no ek wa ne utar turano oman nisa ruwe ne.
16 Koroka, nei utara iteki Shinuma eamkiri kuni ne koro shikihi akan nisa ruwe ne.
Korka, ne utar iteki Sinuma e=amkir kuni ne kor sikihi a=kar nisa ruwe ne.
17 Orowa, nei utara otta Shinuma ene itak-hi :— Echi payekai rapoketa hemanda orushpe gusu echi utashpa uwe-itak ya? ani itak. Orowa, nei utara okna iporo yaikosange wa roshki nisa ruwe ne.
Orowa, ne utar or ta Sinuma ene itak hi :— Eci=payekay rapoketa hemanta oruspe kusu eci=utaspa ue-itak ya? ani itak. Orowa, ne utar okna iporo yaykosanke wa roski nisa ruwe ne.
18 Orowa, Kireopas ani an reihei koro nei shinen anak ne ese wa orota ene itak-hi :— Aokai shinen ne Yerusarem kotan ta okai wa tan toho ta hetuku orushpe erampeutek ya? sekoro itak.
Orowa, Kireopas ani an rehe kor ne sinen anakne ese wa oro ta ene itak hi :— Aokay sinen ne Yerusarem kotan ta okay wa tan toho ta hetuku oruspe eranpewtek ya? sekor itak.
19 Orota, Shinuma anak ne, nep orushpe ne ya, ani itak. Orota nei utara ene itak-hi :— Kamui tek samata hemhem, obitta no okai utara tek samata hera hera, itak otta hene, ki okaibe otta hene eashkai uweingara guru ne, Nazaret un Yesu gusu an orushpe ne ruwe ne:
Oro ta, Sinuma anakne, nep oruspe ne ya, ani itak. Oro ta ne utar ene itak hi :— Kamuy teksama ta hemhem, opittano okay utar teksama ta her her, itak or ta hene, ki okaype or ta hene easkay ueinkar kur ne, Nazaret un Yesu kusu an oruspe ne ruwe ne:
20 Kamui kora kenru esapane utara newa chikoro un esapane utara anak ne Shinuma araige kuni guru ne aesanniyo gusu ekoshi wa, utasa chikuni otta kungi kokikkik nisa ruwe ne.
Kamuy kor kenru esapane utar newa ci=kor un esapane utar anakne Sinuma arayke kuni kur ne a=esanniyo kusu ekosi wa, utasa cikuni or ta kunki kokikkik nisa ruwe ne.
21 Koroka, Shinuma anak ne Israeru un utara kikiraye kuni guru ne kuni chi utara chipachipa nisa ruwe ne. Awa, naa nei moshima anak, tap okaibe hetuku orowa no tanto rereko ne ruwe ne.
Korka, Sinuma anakne Israeru un utar kikiraye kuni kur ne kuni ci utar cipacipa nisa ruwe ne. Awa, naa ne mosma anak, tap okaype hetuku oro wano tanto rerko ne ruwe ne.
22 Samata, un tura no okai shiwentep utara anak ne aro-kunneiwano tushiri otta paye wa un oyaraoktere nisa ruwe ne:
Sama ta, un turano okay siwentep utar anakne a=ro-kunneywano tusiri or ta paye wa un oyaraoktere nisa ruwe ne:
23 nei utara Shinuma kon netobake nukara shomoki chiki araki hine Shinuma shiknu wa an ani ye yainukare Kamui uitekbe ka nukan nisa ruwe ne, sekoro itak.
ne utar Sinuma kor netopake nukar somo ki ciki arki hine Sinuma siknu wa an ani ye yaynukare Kamuy uytekpe ka nukar nisa ruwe ne, sekor itak.
24 Shui, un tura no okai utara nei tushiri orota paye wa shiwentep ye korachi ka nukan nisa ruwe ne: koroka, Shinuma nukara shomoki nisa ruwe ne, sekoro itak.
Suy, un turano okay utar ne tusiri oro ta paye wa siwentep ye koraci ka nukar nisa ruwe ne: korka, Sinuma nukar somo ki nisa ruwe ne, sekor itak.
25 Tata otta Shinuma anak ne nei utara otta ene itak-hi :— Uweingara utara obitta no ayep an, aine, eishokoro kuni moire keutum koro haita utara!
Tata or ta Sinuma anakne ne utar or ta ene itak hi :— Ueinkar utar opittano a=ye p an, ayne, eysokor kuni moyre kewtum kor hayta utar!
26 Kiristo anak ne tap okaibe gusu aeramushitnere wa nupeki otta ahun kuni gusu ne ap shomo ne ya? sekoro itak.
Kiristo anakne tap okaype kusu aeramusitnere wa nupeki or ta ahun kuni kusu ne ap somo ne ya? sekor itak.
27 Orowa, Shinuma Mose newa obitta no okai Uweingarape orowa heashi wa obitta no okai Kamui kambi kata yaikota gusu an orushpe nei utara otta pita nisa ruwe ne na.
Orowa, Sinuma Mose newa opittano okay Uweingarape orowa heasi wa opittano okay Kamuy kampi kata yaykota kusu an oruspe ne utar or ta pita nisa ruwe ne na.
28 Awa, otta paye kotan orun karange no araki; aige, Shinuma naa payekai kusu ne kotom an.
Awa, or ta paye kotan orun karankeno arki; ayke, Sinuma naa payekay kusu ne kotom an.
29 Aine, nei utara anak ne Shinuma onishnishi wa ene itak-hi :— Un tura no reushi wa un kore: tane tokap kese ne, toho tane aokere kusu ne gusu ne na, sekoro itak. Orowa, nei utara tura no reushi kuni ne Shinuma ahun nisa ruwe ne.
Ayne, ne utar anakne Sinuma onisnisi wa ene itak hi :— Un turano rewsi wa un kore: tane tokap kese ne, toho tane a=okere kusu ne kusu ne na, sekor itak. Orowa, ne utar turano rewsi kuni ne Sinuma ahun nisa ruwe ne.
30 Awa, ibe gusu nei utara tura no Shinuma a chiki, pantak uk wa nunuke hine meshpa, orowa, orota kore nisa ruwe ne.
Awa, ipe kusu ne utar turano Sinuma a ciki, pantak uk wa nunuke hine mespa, orowa, oro ta kore nisa ruwe ne.
31 Tata otta nei utara koro shikihi amaka korʼan, awa, Shinuma eamkiri nisa ruwe ne; aige, nei utara shomo nukan no Shinuma paye wa isam ruwe ne na.
Tata or ta ne utar kor sikihi a=mak kor an, awa, Sinuma e=amkir nisa ruwe ne; ayke, ne utar somo nukar no Sinuma paye wa isam ruwe ne na.
32 Orowa, nei utara utashpa ene itak-hi :— Ru kari ta Shinuma un otta itak hemhem ki. Kamui kambi un otta pita hemhem ki ita anak ne un oshiketa okai chikoro keutum paraparase shomoki ya? sekoro itak.
Orowa, ne utar utaspa ene itak hi :— Ru kari ta Sinuma un or ta itak hemhem ki. Kamuy kampi un or ta pita hemhem ki hi ta anakne un oske ta okay ci=kor kewtum parparse somo ki ya? sekor itak.
33 Orowa, nei utara anak ne nei etokihigeta hopuni wa Yerusarem kotan orun hoshippa, aige, son no newa Utarapa hetopo-ashiknure wa an, orowa, Simon otta yainukare nisa ruwe ne, ani an itak ani itak koro okai uwekarapa wa an nei shinen ikashima wa niu hene, tura no okai utara hene nukan nisa ruwe ne.
Orowa, ne utar anakne ne etokihiketa hopuni wa Yerusarem kotan orun hosippa, ayke, sonno newa Utarpa hetopo-a=siknure wa an, orowa, Simon or ta yaynukare nisa ruwe ne, ani an itak ani itak kor okay uekarpa wa an ne sinen ikasma wa niw hene, turano okay utar hene nukar nisa ruwe ne.
34 Orowa, nei utara anak ne ru kari hetuku orushpe hemhem, pantak meshpa ambe gusu Shinuma aeamkiri orushpe hemhem nure nisa ruwe ne na.
Orowa, ne utar anakne ru kari hetuku oruspe hemhem, pantak mespa anpe kusu Sinuma aeamkiri oruspe hemhem nure nisa ruwe ne na.
35 Orowa, nei utara tap okaibe ye rapoketa, Shinuma yaikota nei tumugeta ash wa, Echi otta itomo irenga an na, ani itak nisa ruwe ne.
Orowa, ne utar tap okaype ye rapoketa, Sinuma yaykota ne tumke ta as wa, Eci or ta i=tom irenka an na, ani itak nisa ruwe ne.
Roukos 24.36-40 §340IX
36 Koroka, nei utara ishitoma wa kimatek ruwe ne, awa, ramat nukan nisa sekoro yainu ruwe ne na.
Korka, ne utar isitoma wa kimatek ruwe ne, awa, ramat nukar nisa sekor yaynu ruwe ne na.
37 Orota Shinuma ene itak-hi :— Nep gusu echi yaikowepekere ruwe? orowa, hemanda gusu echi keutura oshiketa upaorep hetuku ya?
Oro ta Sinuma ene itak hi :— Nep kusu eci yaykowepekere ruwe? orowa, hemanta kusu eci kewtura oske ta upaorep hetuku ya?
38 Kuani yaikota ne sekoro echi eraman kuni ne Ku teke hemhem, Ku chikiri hemhem ingara yan! teke ani En tomooshma wa ingara: Ku an korachi ramat anak ne kam newa pone koro shomoki ruwe ne gusu ne na, sekoro itak.
Kuani yaykota ne sekor eci=eraman kuni ne Ku=teke hemhem, Ku=cikiri hemhem inkar yan! teke ani En=tomoosma wa inkar: Ku=an koraci ramat anakne kam newa pone kor somo ki ruwe ne kusu ne na, sekor itak.
39 Orowa, tambe ye okere chiki, koro teke hemhem, chikiri hemhem nukare nisa ruwe ne.
Orowa, tanpe ye okere ciki, kor teke hemhem, cikiri hemhem nukare nisa ruwe ne.
40 Orowa, nei utara yaikopuntek gusu eumbipka hemhem ki, enushkari hemhem ki koro okai rapoketa, orota Shinuma ene itak-hi :— Nepka teda aep an a? sekoro itak.
Orowa, ne utar yaykopuntek kusu eunpipka hemhem ki, enuskari hemhem ki kor okay rapoketa, oro ta Sinuma ene itak hi :— Nep ka teta aep an a? sekor itak.
Yoannes 20.19-20A §213IX
19 Orowa, nei toho ta, Mawari atpake an toho ta anak, shiri-onuman an koro, Yudea un utara koishitoma wa okai gusu, koikara utara okai ushiketa an apa-ushta ashi wa an, awa, nei ita Yesu ek hine utara tumugeta ash wa, — Echi utara otta itomo anro, ani ye.
Orowa, ne toho ta, Mawari atpake an toho ta anak, siri-onuman an kor, Yudea un utar koysitoma wa okay kusu, koykar utar okay uske ta an apa-us ta asi wa an, awa, ne hi ta Yesu ek hine utar tumke ta as wa, — Eci utar or ta i=tom an ro, ani ye.
20 Orowa, tap ye okere chiki koro teke hemhem, ut hemhem nei utara otta nukare nisa ruwe ne na. Awa, koikara utara Utarapa nukara chiki, yaikopuntek nisa ruwe ne.
Orowa, tap ye okere ciki kor teke hemhem, ut hemhem ne utar or ta nukare nisa ruwe ne na. Awa, koykar utar Utarpa nukar ciki, yaykopuntek nisa ruwe ne.
Yoannes 20.26-27 §217IX
26 Orowa, tupesan rereko okaketa shui koikara utara anak ne chisei ta okai, awa, Tomas nei utara tura no an nisa ruwe ne. Aige, apa-ushte ashi wa an, awa, Yesu ek wa utara tumugeta ash, aige, ene itak-hi :—
Orowa, tupesan rerko okake ta suy koykar utar anakne cise ta okay, awa, Tomas ne utar turano an nisa ruwe ne. Ayke, apa-uste asi wa an, awa, Yesu ek wa utar tumke ta as, ayke, ene itak hi :—
27 Echi otta itomo anro, ani itak. Orowa, Tomas otta Shinuma ene itak-hi :— Eteun e koro ashikipet turi wa Ku teke ingara; e koro teke turi wa Ku ut otta omare yan; orowa, iteki eishokor-i sak no an, eishokoro yan, ani itak.
Eci or ta i=tom an ro, ani itak. Orowa, Tomas or ta Sinuma ene itak hi :— Eteun e=kor asikipet turi wa Ku=teke inkar; e=kor teke turi wa Ku=ut or ta omare yan; orowa, iteki eysokor hi sak no an, eysokor yan, ani itak.
Roukos 24.41-43 §341IX
41 Orowa, ma-chep uibe kore nisa ruwe ne.
Orowa, ma-cep uype kore nisa ruwe ne.
42 Awa, Shinuma nei ambe uk wa nei utara kotchaketa ibe nisa ruwe ne.
Awa, Sinuma ne anpe uk wa ne utar kotcake ta ipe nisa ruwe ne.
43 Orowa, nei utara orota Shinuma ene itak-hi :— Kuani naa echi tura no an rapoketa echi otta Ku ye itak ambe tambe ne ruwe ne, — Mose tuitak otta hene, Uweingarape otta hene, Iyohaiochish otta hene En gusu otai obitta no anuye wa an okaibe auweomare tusu ne ap ruwe ne na, sekoro itak.
Orowa, ne utar oro ta Sinuma ene itak hi :— Kuani naa eci turano an rapoketa eci or ta Ku=ye itak anpe tanpe ne ruwe ne, — Mose tuytak or ta hene, Uweingarape or ta hene, Iyohaiochish or ta hene En kusu otay opittano a=nuye wa an okaype a=ueomare tusu ne ap ruwe ne na, sekor itak.
Yoannes 21.9-10 §221IX
9 Aine, yap wa ya ta sap chiki paspas abe anukara, orowa, nei kaskiketa chep an, samata, pantak an ruwe ne.
Ayne, yap wa ya ta sap ciki paspas ape a=nukar, orowa, ne kaskiketa cep an, sama ta, pantak an ruwe ne.
10 Nei utara orota Yesu ene itak-hi :— Tane echi koiki chep koro wa ek yan, ari itak.
Ne utar oro ta Yesu ene itak hi :— Tane eci=koyki cep kor wa ek yan, ari itak.
Yoannes 21.12A §223IX
12 Nei utara otta Yesu ene itak-hi :— Echi araki wa ibe yan, ari itak. Orowa, Shinuma anak ne Utarapa ne sekoro koikara utara eraman gusu, — Aokai nen ne ruwe he an? ani nu eashkai guru isam ruwe ne.
Ne utar or ta Yesu ene itak hi :— Eci=arki wa ipe yan, ari itak. Orowa, Sinuma anakne Utarpa ne sekor koykar utar eraman kusu, — Aokay nen ne ruwe he an? ani nu easkay kur isam ruwe ne.
Roukos 24.44-53 §342X
44 Orowa no, nei utara Kamui kambi eraman kuni ne Shinuma nei utara koro keutura maka nisa ruwe ne; orowa otta ene itak-hi :—
Orowano, ne utar Kamuy kampi eraman kuni ne Sinuma ne utar kor kewtura maka nisa ruwe ne; orowa or ta ene itak hi :—
45 Tap korachi anuye wa an, Kiristo anak ne ayairamshitnere wa rereko an ita rai orowa no hetopo-shiknu;
Tap koraci a=nuye wa an, Kiristo anakne ayayramsitnere wa rerko an hi ta ray oro wano hetopo-siknu;
46 samata, yaikokatpakbe hene, katpak tusare-i hene Shinuma ton reihei gusu Yerusarem kotan ta heashire wa obitta no okai moshiri uirup otta aeupaskuma kusu ne na.
sama ta, yaykokatpakpe hene, katpak tusare hi hene Sinuma ton rehe kusu Yerusarem kotan ta heasire wa opittano okay mosir uyrup or ta a=ewpaskuma kusu ne na.
47 Echi utara anak ne tap okaibe gusu an paweteshu ki utara echi ne.
Eci utar anakne tap okaype kusu an pawetesu ki utar eci ne.
48 Orowa, ingarʼan, Ku Michi eitakamkire ambe echi kashiketa Ku sange: koroka, ri i orowa no kiroro ani echi mire an pakno machiya otta untere yan, sekoro itak.
Orowa, inkar=an, Ku Mici eytakamkire anpe eci=kasike ta Ku=sanke: korka, ri i oro wano kiroro ani eci=mire an pakno maciya or ta untere yan, sekor itak.
49 Orowa, Betania kotan pakno Shinuma nei utara tura wa oman: aige, koro tekehe epuni wa nunuke
Orowa, Betania kotan pakno Sinuma ne utar tura wa oman: ayke, kor tekehe epuni wa nunuke
50 nisa ruwe ne na. Aige, Shinuma nunuke korʼan rapoketa nei utara orowa no auk hine kando orun aani nisa ruwe ne.
nisa ruwe ne na. Ayke, Sinuma nunuke kor an rapoketa ne utar oro wano auk hine kanto orun a=ani nisa ruwe ne.
51 Awa, nei utara Shinuma ko-ongami, orowa, shiri yaikopuntek hine Yerusarem kotan orun hoshippa:
Awa, ne utar Sinuma ko-onkami, orowa, siri yaykopuntek hine Yerusarem kotan orun hosippa:
52 aige, ramma-kane Kamui kora kenru ta okai wa Kamui nunuke korʼan nisa ruwe ne na.
ayke, ramma-kane Kamuy kor kenru ta okay wa Kamuy nunuke kor an nisa ruwe ne na.