Synopsis
Mattaios 3.1-2 §7III
1 Nei toho ta Baptisma kore Yoannes anak ne Yudea moshirʼun nup otta ek wa upaskuma ki hine ene itak-hi :—
Ne toho ta Baptisma kore Yoannes anakne Yudea mosir un nup or ta ek wa upaskuma ki hine ene itak hi :—
2 Echi yaikokatpak yan: kando moshiri ehange no an ruwe ne gusu ne na ani itak.
Eci=yaykokatpak yan: kanto mosir ehanke no an ruwe ne kusu ne na ani itak.
Roukos 3.1-2 §6III
1 Tibirias Kaisaros anak ne moshiri shikkashima ashikne ikinne ikashima wan ikinne an paha ta Pontio Pirato anak Yudea moshiri epungine wa an; Herod anak ne Gariraya moshiri esapane wa an; koro iriwak Piripos anak ne Itouraya kotan newa Trakonitis kotan esapane wa an; Rusanios anak ne Abirene kotan esapane wa an;
tipirias Kaysaros anakne mosir sikkasima asikne ikinne ikasma wan ikinne an paha ta Pontio Pirato anak Yudea mosir epunkine wa an; Herod anakne Gariraya mosir esapane wa an; kor irwak Piripos anakne Itowraya kotan newa Trakonitis kotan esapane wa an; Rusanios anakne Abirene kotan esapane wa an;
2 orowa, Anna newa Kaiapa anak ne Kamui kora kenru esapane guru ne ruwe ne, awa, nei ita Kamui itak kimta otta an Zakarias poho Yoannes otta ek nisa ruwe ne.
orowa, Anna newa Kayapa anakne Kamuy kor kenru esapane kur ne ruwe ne, awa, ne hi ta Kamuy itak kim ta or ta an Zakarias poho Yoannes or ta ek nisa ruwe ne.
Yoannes 1.6-8 §2III
6 Kamui orowa no ateshkara ainu an, reihei anak Yoannes ne ruwe ne.
Kamuy oro wano a=teskar aynu an, rehe anak Yoannes ne ruwe ne.
7 Nei guru paweteshu-i gusu ek, utara obitta shinuma gusu aeishokoro kuni ne nei pekere gusu paweteshu ki nisa ruwe ne na.
Ne kur pawetesu hi kusu ek, utar opitta sinuma kusu a=eysokor kuni ne ne peker kusu pawetesu ki nisa ruwe ne na.
8 Shinuma anak ne nei a pekere shomo ne, nei pekere gusu paweteshu ki kuni gusu
Sinuma anakne ne a peker somo ne, ne peker kusu pawetesu ki kuni kusu
Yoannes 3.23 §25III
23 Orowa, Enon kotan samaketa an Sarim kotan ta wakka poron no an gusu, Yoannes ne yakka nei kotan ta baptisma kore korʼan ruwe ne: awa, utara araki wa baptisma akore nisa ruwe ne.
Orowa, Enon kotan samake ta an Sarim kotan ta wakka poronno an kusu, Yoannes ne yakka ne kotan ta paptisma kore kor an ruwe ne: awa, utar arki wa paptisma a=kore nisa ruwe ne.
Mattaios 3.3 §8I
3 Tambe anak :— Nup otta ainu hawe anu, Utarapa ruhu etokooiki, Koro apkash ru kuwanno kara yan, sekoro uweingara guru Isaya itak hawe epeka gunʼne.
Tanpe anak :— Nup or ta aynu hawe anu, Utarpa ruhu etokooyki, Kor apkas ru kuwanno kar yan, sekor ueinkar kur Isaya itak hawe epeka kunne.
Roukos 3.3-6 §7I
3 Aige, shinuma Yorodan pet pishkanike ebitta ek wa katpak tusare kuni yaikokatpak baptisma eupaskuma;
Ayke, sinuma Yorodan pet piskanike epitta ek wa katpak tusare kuni yaykokatpak paptisma ewpaskuma;
4 uweingara guru Isaya itak chieshin-nuye wa an kambi kashiketa an ap korachi ne :— Nup otta ainu hawe anu wa ye, Utarapa ruhu etokooiki, Koro apkash ru kuwanno kara yan.
ueinkar kur Isaya itak ci=esin-nuye wa an kampi kasike ta an ap koraci ne :— Nup or ta aynu hawe anu wa ye, Utarpa ruhu etokooyki, Kor apkas ru kuwanno kar yan.
5 Obitta no okai pinnai anak ne pishno ashikte kusu ne; Nupuri newa hum anak ne pishno aramde kusu ne; Oheugep anak ne kuwanno ne akara, Tokitokik ru anak teshnatara ne kusu ne,
Opittano okay pinnay anakne pisno a=sikte kusu ne; Nupuri newa hum anakne pisno a=ramte kusu ne; Oheugep anakne kuwanno ne a=kar, Tokitokik ru anak tesnatara ne kusu ne,
6 Orowa, utara obitta Kamui kashiobiuki-i nukara kusu ne na.
Orowa, utar opitta Kamuy kasiopiwki hi nukar kusu ne na.
Yoannes 1.23 §10I
23 Orota shinuma ene itak-hi :— Uweingara guru Isaya ye-hi korachi, Utarapa ruhu kuwanno kara yan, sekoro kimta hawe ashte hau ku ne ruwe ne, sekoro itak.
Oro ta sinuma ene itak hi :— Ueinkar kur Isaya ye hi koraci, Utarpa ruhu kuwanno kar yan, sekor kim ta hawe aste haw ku ne ruwe ne, sekor itak.
Mattaios 3.7-10 §10V
7 Koroka, Baptisma akore kuni ne Parisee un utara newa Saddokai un utara inne no araki shiri nukara chiki, orota ene hawe okai-hi :— Raskuru tokkoni koro sanike ne echi utara, iyoshi no ek irushka ambe orowa no echi kira kuni, inan guru echi epakashnu ruwe he an?
Korka, Baptisma a=kore kuni ne Parisee un utar newa Saddokay un utar inne no arki siri nukar ciki, oro ta ene hawe okay hi :— Raskuru tokkoni kor sanike ne eci utar, i=yos no ek iruska anpe oro wano eci=kira kuni, inan kur eci=epakasnu ruwe he an?
8 Tambe gusu, yaikotatpak kopakeat buri echi ki yan:
Tanpe kusu, yaykotatpak kopakeat puri eci=ki yan:
9 orowa, chikoro michi anak ne Abraham ne sekoro, iteki echi keutum ta ye kuni ambe esanniyo yan; inambe gusu ne yakun, echi otta ku ye, Kamui anak ne tan shuma ani Abraham poho ne gusu hetukure eashkai ruwe ne gusu ne na.
orowa, ci=kor mici anakne Abraham ne sekor, iteki eci=kewtum ta ye kuni anpe esanniyo yan; inanpe kusu ne yakun, eci or ta ku=ye, Kamuy anakne tan suma ani Abraham poho ne kusu hetukure easkay ruwe ne kusu ne na.
10 Tane poka mukara anak ne ni shinrit otta aande ruwe ne: tambe gusu, pirika ibehe shomo hetukure obitta no okai chikuni anak ne aotuiba wa abe oshiketa aosuruba kusu ne.
Tane poka mukar anakne ni sinrit or ta a=ante ruwe ne: tanpe kusu, pirka ipehe somo hetukure opittano okay cikuni anakne a=otuypa wa ape oske ta a=osurpa kusu ne.
Roukos 3.7-9 §8V
7 Aine, baptisma akore gusu otta paye inne utara orota shinuma ene itak-hi :— Paskuru okokko sanike un utara, ek kushki irushka-i orowa no kira kuni-i, nen echi epakashnu ruwe he an?
Ayne, paptisma a=kore kusu or ta paye inne utar oro ta sinuma ene itak hi :— Paskur okokko sanike un utar, ek kuski iruska hi oro wano kira kuni hi, nen eci=epakasnu ruwe he an?
8 Tambe gusu, yaikokatpak uweepeka ibehe hetukure yan, orowa, chikoro michi gusu Abraham an sekorʼan yainu-hi ani echi keutura ta iteki ye heashire yan; inambe gusu ne yakun, echi otta ku ye, Kamui anak ne teda okai shuma ani Abraham gusu poho hetukure eashkai ruwe ne.
Tanpe kusu, yaykokatpak uweepeka ipehe hetukure yan, orowa, ci=kor mici kusu Abraham an sekor an yaynu hi ani eci kewtura ta iteki ye heasire yan; inanpe kusu ne yakun, eci or ta ku=ye, Kamuy anakne teta okay suma ani Abraham kusu poho hetukure easkay ruwe ne.
9 Tane ne yakka mukara anak ni shinrit ta aande wa an: tambe gusu, pirika nikaop shomo hetukure chikuni anak ne obitta otuiba wa abe oshiketa aeyapkiri ruwe ne.
Tane ne yakka mukar anak ni sinrit ta a=ante wa an: tanpe kusu, pirka nikaop somo hetukure cikuni anakne opitta otuypa wa ape oske ta a=eyapkir ruwe ne.
Roukos 3.10-16A §9X
10 Orowa, inne topaha utara shinuma otta uwepekennu wa ene itak-hi :— Yakun, chi utara nekon a iki chiki pirika ya?
Orowa, inne topaha utar sinuma or ta uwepekennu wa ene itak hi :— Yakun, ci utar nekona iki ciki pirka ya?
11 Orota shinuma ene ese-hi :— Tu anrip koro guru anak ne amip sak guru otta kore; aep koro guru ne yakka shem korachi ki yan, ari itak.
Oro ta sinuma ene ese hi :— Tu anrip kor kur anakne amip sak kur or ta kore; aep kor kur ne yakka semkoraci ki yan, ari itak.
12 Orowa, yaku-etaye utara ne yakka baptisma akore kuni gusu araki wa shinuma otta ene itak-hi :— Epakashnu guru, chi utara nekon a iki chiki pirika ya?
Orowa, yaku-etaye utar ne yakka paptisma a=kore kuni kusu arki wa sinuma or ta ene itak hi :— Epakasnu kur, ci utar nekona iki ciki pirka ya?
13 Orota shinuma ene ye-hi :— Aesanniyo wa an yaku ichen kasu no iteki sangere yan, ari itak.
Oro ta sinuma ene ye hi :— A=esanniyo wa an yaku icen kasuno iteki sankere yan, ari itak.
14 Orowa no, tumikoro utara shinuma otta nu wa ene itak-hi :— Chi utara anak, nekon a chi ki yak pirika ya? ani itak. Orota shinuma ene itak-hi :— Iteki moshima guru eramu-nishte yan, samata iteki shunge paweteshu ki yan; orowa no, echi pumma gusu yai-yainuwere yan, ari itak.
Orowano, tumikor utar sinuma or ta nu wa ene itak hi :— Ci utar anak, nekona ci ki yak pirka ya? ani itak. Oro ta sinuma ene itak hi :— Iteki mosma kur eramu-niste yan, sama ta iteki sunke pawetesu ki yan; orowano, eci pumma kusu yay-yaynuwere yan, ari itak.
15 Orowa no, utara chipachipa wa okai wa okai rapoketa, aige, utara obitta Yoannes gusu koro keutum ta yaikoshiramse wa, shinuma Kiristo ne ya oyap ne ya? sekoro yainu korʼan ita anak ne obitta no okai utara orota Yoannes ese wa ene itak-hi :—
Orowano, utar cipacipa wa okay wa okay rapoketa, ayke, utar opitta Yoannes kusu kor kewtum ta yaykosiramse wa, sinuma Kiristo ne ya oyap ne ya? sekor yaynu kor an hi ta anakne opittano okay utar oro ta Yoannes ese wa ene itak hi :—
16 Son no newa kuani wakka ani baptisma echi kore ash; koroka, en kasu no kiroroashnu guru ek, koro keirʼat ku pita katap tukarike ku ure echiu ruwe ne :— shinuma Ashkanne Ramat newa abe ani baptisma echi kore na:
Sonno newa kuani wakka ani paptisma eci=kore as; korka, en=kasu no kiroroasnu kur ek, kor keir at ku=pita katap tukarike ku=ure eciw ruwe ne :— sinuma Askanne Ramat newa ape ani paptisma eci=kore na:
Mattaios 3.11 §11I
11 Echi yaikokatpakte kuni gusu son no newa kuani wakka ani baptisma echi kore ash na: koroka, en osh ek guru anak ne en akkari kiroroashnu guru ne, Shinuma koro keirehe ku ani poka pakno an guru shomo ku ne ruwe ne: Shinuma anak Ashkanne Ramat newa abe ani baptisma echi kore kusu ne na:
Eci yaykokatpakte kuni kusu sonno newa kuani wakka ani paptisma eci=kore as na: korka, en=os ek kur anakne en=akkari kiroroasnu kur ne, Sinuma kor keyrehe ku ani poka pakno an kur somo ku ne ruwe ne: Sinuma anak Askanne Ramat newa ape ani paptisma eci=kore kusu ne na:
Markos 1.7B-8 §4I
7 Shinuma upaskuma ki wa ene itak-hi :— En oshi anak ne en akkari kiroro koro guru ek, Shinuma koro keirat ku pita katap ku hotku tukareke-po ureechiu ruwe ne.
Sinuma upaskuma ki wa ene itak hi :— En=osi anakne en=akkari kiroro kor kur ek, Sinuma kor kerat ku=pita katap ku=hotku tukareke-po ureeciw ruwe ne.
8 Kuani anak ne wakka ani baptisma echi kore ash na; koroka, Shinuma anak Ashkanne Ramat ani baptisma echi kore kusu ne na.
Kuani anakne wakka ani paptisma eci=kore as na; korka, Sinuma anak Askanne Ramat ani paptisma eci=kore kusu ne na.
Roukos 3.16B-E §10I
16 Son no newa kuani wakka ani baptisma echi kore ash; koroka, en kasu no kiroroashnu guru ek, koro keirʼat ku pita katap tukarike ku ure echiu ruwe ne :— shinuma Ashkanne Ramat newa abe ani baptisma echi kore na:
Sonno newa kuani wakka ani paptisma eci=kore as; korka, en=kasu no kiroroasnu kur ek, kor keir at ku=pita katap tukarike ku=ure eciw ruwe ne :— sinuma Askanne Ramat newa ape ani paptisma eci=kore na:
Yoannes 1.15 §6I
15 Yoannes anak ne Shinuma gusu paweteshu ki wa hawe ashte hine ene itak-hi :— En osh ek guru anak ne en kasu no ne ruwe ne; Shinuma en etokota an ruwe ne gusu ne na, sekoro ku ye itak anak ne tan guru epeka no an itak ne ruwe ne.
Yoannes anakne Sinuma kusu pawetesu ki wa hawe aste hine ene itak hi :— En=os ek kur anakne en=kasu no ne ruwe ne; Sinuma en=etoko ta an ruwe ne kusu ne na, sekor ku=ye itak anakne tan kur epeka no an itak ne ruwe ne.
Yoannes 1.26-27 §12I
26 Orota Yoannes ese wa ene itak-hi :— Wakka ani baptisma ku kore; echi tumugeta echi eramushkare guru shinen ash ruwe ne,
Oro ta Yoannes ese wa ene itak hi :— Wakka ani paptisma ku=kore; eci=tumke ta eci=eramuskare kur sinen as ruwe ne,
27 Shinuma en osh ek gun ne, koro keirʼat ku pita katap tukarike ku ureechiu ruwe ne, sekoro itak.
Sinuma en=os ek kunne, kor keir at ku=pita katap tukarike ku ureeciw ruwe ne, sekor itak.
Yoannes 1.30-31 §14I
30 En osh ek guru en kasu no ne ruwe ne; Shinuma en etokota an ruwe ne gusu ne na sekoro ku ye itak anak ne tan guru epeka no aye itak ne.
En=os ek kur en=kasu no ne ruwe ne; Sinuma en=etoko ta an ruwe ne kusu ne na sekor ku=ye itak anakne tan kur epeka no a=ye itak ne.
31 Orowa, Shinuma ku eamkiri shomoki; koroka, Shinuma Israeru un utara orota anukare kuni ne, tambe gusu, ku ek wa wakka ani baptisma ku kore nisa ruwe ne, ari itak.
Orowa, Sinuma ku=e=amkir somo ki; korka, Sinuma Israeru un utar oro ta a=nukare kuni ne, tanpe kusu, ku=ek wa wakka ani paptisma ku=kore nisa ruwe ne, ari itak.
Mattaios 3.12 §12V
12 koro tekehe otta mui koro wa tomte no koro atuituye ushike ashkannere kusu ne: orowa, mungi uwekarapare wa puhu otta omare, muruhu anak ne aushka eaikap abe ani uhuika kusu ne na.
kor tekehe or ta muy kor wa tomteno kor a=tuytuye usike askannere kusu ne: orowa, munki uwekarpare wa puhu or ta omare, muruhu anakne a=uska eaykap ape ani uhuyka kusu ne na.
Roukos 3.17-18 §11V
17 koro teke otta mui koro wa irammakaka atuituye ushike ashkannere hine mungi uwekarapare wa koro pu otta omare; koroka, aushka eaikap abe ani muruhu uhuika kusu ne na.
kor teke or ta muy kor wa irammakaka a=tuytuye usike askannere hine munki uwekarpare wa kor pu or ta omare; korka, a=uska eaykap ape ani muruhu uhuyka kusu ne na.
18 Orosama, shinuma anak ne poron no moshima an onishnishi an itak ani Pirika shongo utara otta eupaskuma nisa ruwe ne;
Orosama, sinuma anakne poronno mosma an onisnisi an itak ani Pirka sonko utar or ta ewpaskuma nisa ruwe ne;
Mattaios 14.3-5 §144II
3 Inambe gusu ne yakun, Herod anak ne koro iriwak Piripos koro machi Herodias gusu Yoannes kishima wa tupetupe hine upakashnu chisei orota omare yara nisa ruwe ne.
Inanpe kusu ne yakun, Herod anakne kor irwak Piripos kor maci Herodias kusu Yoannes kisma wa tupetupe hine upakasnu cise oro ta omare yara nisa ruwe ne.
4 Nei shiwentep koro ambe anak ne ipawetenge ehaitap ne ruwe ne, ari orota Yoannes ye nisa ruwe ne gusu ne na Orowa,
Ne siwentep kor anpe anakne ipawetenke e=haytap ne ruwe ne, ari oro ta Yoannes ye nisa ruwe ne kusu ne na Orowa,
5 shinuma Yoannes raige kuni ramu, awa, inne utara koishitoma ruwe ne, nei guru anak ne uweingara guru ne ani utara esanniyo nisa ruwe ne gusu ne na.
sinuma Yoannes rayke kuni ramu, awa, inne utar koysitoma ruwe ne, ne kur anakne ueinkar kur ne ani utar esanniyo nisa ruwe ne kusu ne na.
Markos 6.17 §59II
17 Inambe gusu ne yakun, Herod yaikota anak ne koro iriwak Piripos koro machi Herodias gusu teshkara wa Yoannes kishimare hine tupetupe wa upakashnu chisei orota omare yara nisa ruwe ne; shinuma nei shiwentep ahupkan nisa ruwe ne gusu ne na.
Inanpe kusu ne yakun, Herod yaykota anakne kor irwak Piripos kor maci Herodias kusu teskar wa Yoannes kisimare hine tupetupe wa upakasnu cise oro ta omare yara nisa ruwe ne; sinuma ne siwentep ahupkar nisa ruwe ne kusu ne na.
Roukos 3.19-20 §12II
19 koroka tetrarkes Herod anak ne koro ainu iriwak koro machi Herodias gusu hemhem, samata moshima okai Herod ki wen buri gusu hemhem, Yoannes orowa no akopakashnu nisa ruwe
korka tetrarkes Herod anakne kor aynu irwak kor maci Herodias kusu hemhem, sama ta mosma okay Herod ki wen puri kusu hemhem, Yoannes oro wano a=kopakasnu nisa ruwe
20 ne gusu upakashnu chisei ta shinuma ahunge pakno naa wen buri kashi-iyo nisa ruwe ne na.
ne kusu upakasnu cise ta sinuma ahunke pakno naa wen puri kasi-iyo nisa ruwe ne na.
Mattaios 3.16-17 §14I
16 Orowa Yesu anak baptisma akore chiki, nani wakka orowa no yan: aige, ingarʼan, Shinuma gusu kando kotoro makke, awa, Kamui kon Ramat kusuwep katuhu nepkoro an wa ran hine Shinuma kashiketa reu shiri anukan ruwe ne;
Orowa Yesu anak paptisma a=kore ciki, nani wakka oro wano yan: ayke, inkar=an, Sinuma kusu kanto kotor makke, awa, Kamuy kor Ramat kusuwep katuhu nepkor an wa ran hine Sinuma kasike ta rew siri a=nukar ruwe ne;
17 orowa, ingarʼan, kando orowa no hawe anu wa ene itak-hi :— Tambe anak, Ku omap, Shi no ku enupetne Poho ne ruwe ne, ari itak nisa ruwe ne na.
orowa, inkar=an, kanto oro wano hawe anu wa ene itak hi :— Tanpe anak, Ku=omap, Sino ku=enupetne Poho ne ruwe ne, ari itak nisa ruwe ne na.
Markos 1.9-11 §5I
9 Nei toho ta Yesu anak ne Gariraya moshirʼun Nazaret kotan wano Yorodan pet otta ek wa Yoannes orowa no baptisma akore nisa ruwe ne.
Ne toho ta Yesu anakne Gariraya mosir un Nazaret kotan wano Yorodan pet or ta ek wa Yoannes oro wano paptisma a=kore nisa ruwe ne.
10 Aige, wakka orowa no nani yan chiki kando kotoro ayaske-eukopi, awa, Ramat anak ne kusuwep nei no an wa Shinuma kata ran ap anukara: orowa, kando wano hawe anu :—
Ayke, wakka oro wano nani yan ciki kanto kotor a=yaske-ewkopi, awa, Ramat anakne kusuwep néno an wa Sinuma kata ran ap a=nukar: orowa, kanto wano hawe anu :—
11 Aokai anak ne Ku omap an Poho E ne, Kuani shi no Aokai enupetne ruwe ne, ari itak.
Aokay anakne Ku=omap an Poho E ne, Kuani sino Aokay enupetne ruwe ne, ari itak.
Roukos 3.21-22 §13I
21 Orowa, utara obitta baptisma akore imakake Yesu ne yakka baptisma akore, awa, inonno-itak ki rapoketa kando makke,
Orowa, utar opitta paptisma a=kore imakake Yesu ne yakka paptisma a=kore, awa, inonno-itak ki rapoketa kanto makke,
22 aige, Ashkanne Ramat kusuwep netobake katuhu nei no an katuhu koro wa ran hine kashiketa ek, samata, kando orowa hawe anu, — Aokai anak ne Ku omap an Roho ne; Kuani Aokai shiri enupetne ruwe ne, ari itak.
ayke, Askanne Ramat kusuwep netopake katuhu néno an katuhu kor wa ran hine kasike ta ek, sama ta, kanto orowa hawe anu, — Aokay anakne Ku=omap an Roho ne; Kuani Aokay siri enupetne ruwe ne, ari itak.
Yoannes 1.32-34 §15I
32 Orowa, Yoannes paweteshu ki wa ene itak-hi :— Ramat anak ne kusuwep nei no an katuhu nei no ran wa Shinuma kata reu shiri ku nukan nisa ruwe ne,
Orowa, Yoannes pawetesu ki wa ene itak hi :— Ramat anakne kusuwep néno an katuhu néno ran wa Sinuma kata rew siri ku=nukar nisa ruwe ne,
33 Orowa, kuani Shinuma eamkiri shomoki, koroka, wakka ani baptisma kore gusu en ettep anak ne, Shinuma en orota ene ye-hi :— Ramat ran wa kashiketa reu guru e nukara chiki, Shinuma anak Ashkanne Ramat ani Baptisma kore guru ne ruwe ne, sekorʼan itak ani en otta ye nisa ruwe ne.
Orowa, kuani Sinuma e=amkir somo ki, korka, wakka ani paptisma kore kusu en ettep anakne, Sinuma en oro ta ene ye hi :— Ramat ran wa kasike ta rew kur e nukar ciki, Sinuma anak Askanne Ramat ani Baptisma kore kur ne ruwe ne, sekor an itak ani en or ta ye nisa ruwe ne.
34 Orowa, ku nukan nisa, naa samata, tambe anak ne Kamui Poho ne ani paweteshu ku ki nisa ruwe ne.
Orowa, ku=nukar nisa, naa sama ta, tanpe anakne Kamuy Poho ne ani pawetesu ku=ki nisa ruwe ne.
Mattaios 1.1-16 §1III
1 Abraham poho ne Dabid koro poho Yesu Kiristo ekashi shinrit ikiri anuye kambi.
Abraham poho ne Dabid kor poho Yesu Kiristo ekasi sinrit ikiri a=nuye kampi.
2 Abraham anak ne Isaak sangere; Isaak anak ne Yakob sangere; Yakob anak ne Yuda newa Yuda koro akutari sangere;
Abraham anakne Isaak sankere; Isaak anakne Yakob sankere; Yakob anakne Yuda newa Yuda kor akutari sankere;
3 Yuda anak ne Tamara tura Perez newa Zera sangere; Perez anak ne Ezrom sangere;
Yuda anakne Tamara tura Perez newa Zera sankere; Perez anakne Ezrom sankere;
4 Ezrom anak ne Aram sangere; Aram anak ne Aminadab sangere; Aminadab anak ne Naasson sangere; Naasson anak ne Saramon sangere; Saramon anak ne Rakab tura Booz sangere;
Ezrom anakne Aram sankere; Aram anakne Aminadab sankere; Aminadab anakne Naasson sankere; Naasson anakne Saramon sankere; Saramon anakne Rakab tura Booz sankere;
5 Booz anak ne Rut tura Obeed sangere; Obeed anak ne Yessai sangere;
Booz anakne Rut tura Obeed sankere; Obeed anakne Yessay sankere;
6 Yessai anak ne moshiri esapane guru Dabid sangere nisa ruwe ne. Dabid anak ne hoshiki no an Uria koro machi tura Soromon sangere;
Yessay anakne mosir esapane kur Dabid sankere nisa ruwe ne. Dabid anakne hoskino an Uria kor maci tura Soromon sankere;
7 Soromon anak ne Roboam sangere; Roboam anak ne Abia sangere; Abia anak ne Asa sangere;
Soromon anakne Roboam sankere; Roboam anakne Abia sankere; Abia anakne Asa sankere;
8 Asa anak ne Yosapat sangere; Yosapat anak ne Yoram sangere; Yoram anak ne Ozia sangere;
Asa anakne Yosapat sankere; Yosapat anakne Yoram sankere; Yoram anakne Ozia sankere;
9 Ozia anak ne Yoatam sangere; Yoatam anak ne Akaz sangere; Akaz anak ne Ezekia sangere;
Ozia anakne Yoatam sankere; Yoatam anakne Akaz sankere; Akaz anakne Ezekia sankere;
10 Ezekia anak ne Manasse sangere; Manasse anak ne Amon sangere; Amon anak ne Yosia sangere;
Ezekia anakne Manasse sankere; Manasse anakne Amon sankere; Amon anakne Yosia sankere;
11 Babironia moshiri orota teke apashte wa atura ita, Yosia anak ne Yekonia newa Yekonia koro akutari sangere nisa ruwe ne.
Babironia mosir oro ta teke a=paste wa a=tura hi ta, Yosia anakne Yekonia newa Yekonia kor akutari sankere nisa ruwe ne.
12 Babironia moshirʼotta teke apashte wa atura okaketa, Yekonia anak ne Saratiru sangere; Saratiru anak ne Zorobaberu sangere;
Babironia mosir or ta teke a=paste wa a=tura okake ta, Yekonia anakne Saratiru sankere; Saratiru anakne Zorobaberu sankere;
13 Zorobaberu anak ne Abiod sangere; Abiod anak ne Eriakeim sangere;
Zorobaberu anakne Abiod sankere; Abiod anakne Eriakeim sankere;
14 Eriakeim anak ne Azoro sangere; Azoro anak ne Sadok sangere; Sadok anak ne Akeim sangere;
Eriakeim anakne Azoro sankere; Azoro anakne Sadok sankere; Sadok anakne Akeim sankere;
15 Akeim anak ne Eriod sangere; Eriod anak ne Ereazar sangere; Ereazar anak ne Mattan sangere;
Akeim anakne Eriod sankere; Eriod anakne Ereazar sankere; Ereazar anakne Mattan sankere;
16 Mattan anak ne Yakob sangere; Yakob anak ne Maria koro hoku Yosep sangere: tan Maria orowa Yesu ani aye Kiristo hekatu nisa ruwe ne na.
Mattan anakne Yakob sankere; Yakob anakne Maria kor hoku Yosep sankere: tan Maria oro wa Yesu ani a=ye Kiristo hekatu nisa ruwe ne na.
Roukos 3.23-38 §14III
23 Orowa, Yesu yaikota heashi ita anak ne wan pa e tu hotne pa pakno ehange ruwe ne, awa, (ainu yaikoshiramse-i ne yakun) Yosep poho ne,
Orowa, Yesu yaykota heasi hi ta anakne wan pa e tu hotne pa pakno ehanke ruwe ne, awa, (aynu yaykosiramse hi ne yakun) Yosep poho ne,
24 nei guru Heri poho ne, nei guru Mattat poho ne, nei guru Rebi poho ne,
ne kur Heri poho ne, ne kur Mattat poho ne, ne kur Rebi poho ne,
25 nei guru Meruki poho ne, nei guru Yannai poho ne, nei guru Yosep poho ne, nei guru Mattatios poho ne, nei guru Amos poho ne, nei guru Nahum poho ne, nei guru Esri poho ne, nei guru Naggai poho ne,
ne kur Meruki poho ne, ne kur Yannay poho ne, ne kur Yosep poho ne, ne kur Mattatios poho ne, ne kur Amos poho ne, ne kur Nahum poho ne, ne kur Esri poho ne, ne kur Naggay poho ne,
26 nei guru Maat poho ne, nei guru Mattatios poho ne, nei guru Semeein poho ne, nei guru Yosek poho ne,
ne kur Maat poho ne, ne kur Mattatios poho ne, ne kur Semeein poho ne, ne kur Yosek poho ne,
27 nei guru Yoda poho ne, nei guru Yoanan poho ne, nei guru Resa poho ne, nei guru Zorobaberu poho ne, nei guru Saratieru poho ne, nei guru Neri poho ne,
ne kur Yoda poho ne, ne kur Yoanan poho ne, ne kur Resa poho ne, ne kur Zorobaberu poho ne, ne kur Saratieru poho ne, ne kur Neri poho ne,
28 nei guru Meruki poho ne, nei guru Addi poho ne, nei guru Kosam poho ne, nei guru Ermadam poho ne,
ne kur Meruki poho ne, ne kur Addi poho ne, ne kur Kosam poho ne, ne kur Ermadam poho ne,
29 nei guru Er poho ne, nei guru Yesu poho ne, nei guru Eriezar poho ne, nei guru Yoreim poho ne, nei guru Mattat poho ne,
ne kur Er poho ne, ne kur Yesu poho ne, ne kur Eriezar poho ne, ne kur Yoreim poho ne, ne kur Mattat poho ne,
30 nei guru Rebi poho ne, nei giru Simeon poho ne, nei guru Yudas poho ne, nei guru Yosep poho ne, nei guru Yonam poho ne, nei guru Eriakeim poho ne,
ne kur Rebi poho ne, ne kiru Simeon poho ne, ne kur Yudas poho ne, ne kur Yosep poho ne, ne kur Yonam poho ne, ne kur Eriakeim poho ne,
31 nei guru Merea poho ne, nei guru Menna poho ne, nei guru Mattata poho ne, nei guru Natan poho ne,
ne kur Merea poho ne, ne kur Menna poho ne, ne kur Mattata poho ne, ne kur Natan poho ne,
32 nei guru Dabid poho ne, nei guru Yessai poho ne, nei guru Obed poho ne, nei guru Booz poho ne, nei guru Saramon poho ne, nei guru Naasson poho ne,
ne kur Dabid poho ne, ne kur Yessay poho ne, ne kur Obed poho ne, ne kur Booz poho ne, ne kur Saramon poho ne, ne kur Naasson poho ne,
33 nei guru Aminadab poho ne, nei guru Arnei poho ne, nei guru Esron poho ne, nei guru Pares
ne kur Aminadab poho ne, ne kur Arney poho ne, ne kur Esron poho ne, ne kur Pares
34 poho ne, nei guru Yuda poho ne, nei guru Yakob poho ne, nei guru Isaak poho ne, nei guru Abraham poho ne, nei guru Tara poho ne, nei guru Nakor poho ne,
poho ne, ne kur Yuda poho ne, ne kur Yakob poho ne, ne kur Isaak poho ne, ne kur Abraham poho ne, ne kur Tara poho ne, ne kur Nakor poho ne,
35 nei guru Sarouk poho ne, nei guru Regau poho ne, nei guru Parek poho ne, nei guru Eber poho ne,
ne kur Sarouk poho ne, ne kur Regaw poho ne, ne kur Parek poho ne, ne kur Eper poho ne,
36 nei guru Sara poho ne, nei guru Kainan poho ne, nei guru Arpaksad poho ne, nei guru Sem poho ne, nei guru Noe poho ne, nei guru Ramek poho ne,
ne kur Sara poho ne, ne kur Kaynan poho ne, ne kur Arpaksad poho ne, ne kur Sem poho ne, ne kur Noe poho ne, ne kur Ramek poho ne,
37 nei guru Matausara poho ne, nei guru Enok poho ne, nei guru Yared poho ne, nei guru Marereeru poho ne,
ne kur Matawsara poho ne, ne kur Enok poho ne, ne kur Yared poho ne, ne kur Marereeru poho ne,
38 nei guru Kainan poho ne, nei guru Enos poho ne, nei guru Set poho ne, nei guru Adam poho ne, nei guru Kamui poho ne ruwe ne na.
ne kur Kaynan poho ne, ne kur Enos poho ne, ne kur Set poho ne, ne kur Adam poho ne, ne kur Kamuy poho ne ruwe ne na.
Yoannes 1.1-5 §1III
1 Atpaketa anak ne Itak an, Itak anak Kamui tura an, Itak anak ne Kamui ne ruwe ne.
Atpake ta anakne Itak an, Itak anak Kamuy tura an, Itak anakne Kamuy ne ruwe ne.
2 Nei Itak anak ne atpaketa Kamui tura no an nisa ruwe ne.
Ne Itak anakne atpake ta Kamuy turano an nisa ruwe ne.
3 Obitta no an okaibe anak ne nei Itak orowa no akara, orowa, akarape shinep ne yakka Shinuma isama no
Opittano an okaype anakne ne Itak oro wano a=kar, orowa, a=karpe sinep ne yakka Sinuma isam no
4 akara shomoki nisa ruwe ne Shinuma otta inotu an, inotu anak ne utara pekere ne ruwe ne.
a=kar somo ki nisa ruwe ne Sinuma or ta inotu an, inotu anakne utar peker ne ruwe ne.
5 Nei pekere kunne-i ta at, kunne-i anak ne nei ambe eramushkare nisa ruwe ne.
Ne peker kunne hi ta at, kunne hi anakne ne anpe eramuskare nisa ruwe ne.
Yoannes 1.9-10 §3III
9 an gunʼne. Moshirʼotta ek nen ne yakka otta pekere atte son no pekere an ruwe ne.
an kunne. Mosir or ta ek nen ne yakka or ta peker atte sonno peker an ruwe ne.
10 Shinuma moshiri kata an, awa, moshiri anak ne Shinuma ani akara, orowa, moshiri anak Shinuma shomo eamkiri nisa ruwe ne.
Sinuma mosir kata an, awa, mosir anakne Sinuma ani a=kar, orowa, mosir anak Sinuma somo e=amkir nisa ruwe ne.
Yoannes 1.14 §5III
14 Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.
Orowa, Itak anakne kam ne, un turano osiroma nisa ruwe ne (orowa, ci utar anakne ne nupeki nukar, Mici oro wano an sinen ne Poho nupeki koraci ne), irenka newa son hi ani a=esik wa an ruwe ne.