Synopsis
Mattaios 8.5-10 §64III
5 Orowa, Shinuma Kapernaum kotan ta shirepa chiki, ashikne hotne tumi-koro utara esapane guru koramkoro wa Shinuma otta ek hine ene itak-hi :—
Orowa, Sinuma Kapernaum kotan ta sirepa ciki, asikne hotne tumi-kor utar esapane kur koramkor wa Sinuma or ta ek hine ene itak hi :—
6 Utarapa, Ku uni ta shine heikachi tusushke tashum shi no yupke hike ki wa hotke wa an, ani itak.
Utarpa, Ku=uni ta sine hekaci tususke tasum sino yupke hike ki wa hotke wa an, ani itak.
7 Orota Shinuma ene ye-hi :—
Oro ta Sinuma ene ye hi :—
8 Ku ek wa iwangere kusu ne — sekoro itak. Utarapa, ku kotʼchisei kitai choropoketa ahun-i shi no ku oripak an, ouse itak ye wa en kore, yakun, ku goro heikachi aiwangere kusu ne.
Ku=ek wa iwankere kusu ne — sekor itak. Utarpa, ku=kot cise kitay corpoke ta ahun hi sino ku=oripak an, owse itak ye wa en=kore, yakun, ku=kor hekaci aywankere kusu ne.
9 Kuani ne yakka mondum korope ku ne ruwe ne, en tutanu tumi-koro utara okai: shinen otta, oman ani ku itak chiki, oman; shui ek ani moshima guru otta ku ye koro, ek: orowa, ku usshiune guru otta tambe kara yan sekoro ku ye yakun, kan ruwe ne gusu ne na — sekoro nei tumi-koro utara esapane guru ye ruwe ne.
Kuani ne yakka montum kor pe ku ne ruwe ne, en=tutanu tumi-kor utar okay: sinen or ta, oman ani ku=itak ciki, oman; suy ek ani mosma kur or ta ku=ye kor, ek: orowa, ku=ussiw ne kur or ta tanpe kar yan sekor ku=ye yakun, kan ruwe ne kusu ne na — sekor ne tumi-kor utar esapane kur ye ruwe ne.
10 Orowa, Yesu tan itak nu chiki iyokunnure, aige, osh araki utara otta ene itak-hi :— Son no echi otta Ku ye, Israeru un utara tumugeta ne yakka naa shomo tap korachi an poro eishokor-i Ku nukara eramushkare.
Orowa, Yesu tan itak nu ciki iyokunnure, ayke, os arki utar or ta ene itak hi :— Sonno eci or ta Ku=ye, Israeru un utar tumke ta ne yakka naa somo tap koraci an poro eysokor hi Ku=nukar eramuskare.
Roukos 7.1-9 §65III
1 Orowa, Shinuma ye orushpe obitta no okai utara anure okere chiki; Kapernaum kotan orun oman nisa ruwe ne.
Orowa, Sinuma ye oruspe opittano okay utar a=nure okere ciki; Kapernaum kotan orun oman nisa ruwe ne.
2 Orowa, shine kenturion koro aoshkoro usshiune guru tashum ki wa tane rai etokooiki ruwe ne.
Orowa, sine kenturion kor aoskoro ussiw ne kur tasum ki wa tane ray etokooyki ruwe ne.
3 Awa, nei guru Yesu gusu an orushpe nu chiki, orota Yudea un utara koro ekashi payere wa, Shinuma ek wa koro usshiune guru kashiobiuki kuni koramkore nisa ruwe ne.
Awa, ne kur Yesu kusu an oruspe nu ciki, oro ta Yudea un utar kor ekasi payere wa, Sinuma ek wa kor ussiw ne kur kasiopiwki kuni koramkore nisa ruwe ne.
4 Orowa shinuma utara Yesu orota araki, aige, ramuosshi wano koramkoro wa ene itak-hi :— Shinuma gusu nei no ki kuni nei guru oripak an ainu ne;
Orowa sinuma utar Yesu oro ta arki, ayke, ramuossi wano koramkor wa ene itak hi :— Sinuma kusunéno ki kuni ne kur oripak an aynu ne;
5 chi koro moshirʼun utara ko katairotke, orowa, chi utara gusu shine Uwekarapa chisei kan nisa ruwe ne gusu ne na, ari itak.
ci kor mosir un utar ko katayrotke, orowa, ci utar kusu sine Uekarpa cise kan nisa ruwe ne kusu ne na, ari itak.
6 Orowa, Yesu nei utara tura no oman nisa ruwe ne. Tane koro chisei ehange no ek ita anak ne nei kenturion anak ne nimaraha teshkara wa Yesu otta ene itakte-hi :— Utarapa, iteki yaikota yai-shingere; Aokai ku kot chisei kitai choropoketa ahun shiri ku eoripak an na:
Orowa, Yesu ne utar turano oman nisa ruwe ne. Tane kor cise ehanke no ek hi ta anakne ne kenturion anakne nimaraha teskar wa Yesu or ta ene itakte hi :— Utarpa, iteki yaykota yay-sinkere; Aokay ku=kot cise kitay corpoke ta ahun siri ku=eoripak an na:
7 kuani ne yakka yaikota E otta ku oman kuni ko-oripak ruwe ne gusu ne na: koroka, itak ye wa en kore, yak anak ne ku goro heikachi aiwangere kusu ne.
kuani ne yakka yaykota E or ta ku=oman kuni ko-oripak ruwe ne kusu ne na: korka, itak ye wa en=kore, yakanak ne ku=kor hekaci aywankere kusu ne.
8 Kuani ne yakka mondum koro guru ku ne, en pokta tumi koro utara okai: orowa, oman, ari nei guru otta ku ye chiki, shinuma oman; moshima guru otta, ek, ani ku ye yakun, shinuma ek ruwe ne; orowa, tambe kara yan, ani ku usshiune guru otta ku ye ko anak ne, shinuma kan ruwe ne gusu ne na.
Kuani ne yakka montum kor kur ku ne, en=pok ta tumikor utar okay: orowa, oman, ari ne kur or ta ku=ye ciki, sinuma oman; mosma kur or ta, ek, ani ku=ye yakun, sinuma ek ruwe ne; orowa, tanpe kar yan, ani ku=ussiw ne kur or ta ku=ye ko anakne, sinuma kan ruwe ne kusu ne na.
9 Yesu tan itak nu chiki enushkari, aine, osh araki topaha utara orun hosari wa orota ene itak-hi: Echi otta Ku ye, Israeru un utara tumugeta tap korachi an yupke eishokor-i tane pakno Ku nukara shomoki ruwe ne.
Yesu tan itak nu ciki enuskari, ayne, os arki topaha utar orun hosari wa oro ta ene itak hi: Eci or ta Ku=ye, Israeru un utar tumke ta tap koraci an yupke eysokor hi tane pakno Ku=nukar somo ki ruwe ne.
Yoannes 4.46B-54 §37III
46 Tambe gusu, shui Shinuma nei wakka tonoto ne kara Gariraya moshirʼun Kana kotan ta ek Orowa, Kapernaum kotan ta koro okkai poho tashum ki shine tono an.
Tanpe kusu, suy Sinuma ne wakka tonoto ne kar Gariraya mosir un Kana kotan ta ek Orowa, Kapernaum kotan ta kor okkay poho tasum ki sine tono an.
47 Shinuma Yesu anak ne Yudea moshiri wano ek wa Gariraya moshiri ta an shiri nu chiki, orota oman wa koro poho iwangere gusu Shinuma san kuni ne koramkon nisa ruwe ne; shinuma rai ehange ruwe ne gusu ne na.
Sinuma Yesu anakne Yudea mosir wano ek wa Gariraya mosir ta an siri nu ciki, oro ta oman wa kor poho iwankere kusu Sinuma san kuni ne koramkor nisa ruwe ne; sinuma ray ehanke ruwe ne kusu ne na.
48 Tambe gusu, nei guru otta Yesu ene itak-hi:— Echi utara anak ne shirosh hemhem, iyokunnurep hemhem, nukara shomoki yak anak ne oara echi eishokoro shomoki ruwe ne.
Tanpe kusu, ne kur or ta Yesu ene itak hi:— Eci utar anakne siros hemhem, iyokunnurep hemhem, nukar somo ki yakanak ne oar eci=eysokor somo ki ruwe ne.
49 Orota nei tono ene itakhi :— Nishpa, ku poho rai etokota san wa en kore.
Oro ta ne tono ene itak hi :— Nispa, ku=poho ray etoko ta san wa en=kore.
50 Orota Yesu ene itak-hi :— E oman, e poho ishu korʼan ruwe ne, ari itak. Orowa, orota Yesu ye itak nei guru eishokoro hine oman nisa ruwe ne na.
Oro ta Yesu ene itak hi :— E oman, e poho i=su kor an ruwe ne, ari itak. Orowa, oro ta Yesu ye itak ne kur eysokor hine oman nisa ruwe ne na.
51 Awa, shinuma san shiri an rapoketa koro usshiune utara etunangara wa, koro poho ishu shiriki an ruwe ne, ani itak.
Awa, sinuma san siri an rapoketa kor ussiw ne utar etunankar wa, kor poho i=su siriki an ruwe ne, ani itak.
52 Tambe gusu, poho anak ne inan pakihi ta tumu nu heashi ruwe he an? sekoro nei utara otta nu nisa ruwe ne. Tambe gusu, numan ichi ji pakihi ta seisekmau tashum shinuma ande ruwe ne, sekoro itak.
Tanpe kusu, poho anakne inan pakihi ta tumu nu heasi ruwe he an? sekor ne utar or ta nu nisa ruwe ne. Tanpe kusu, numan ici ji pakihi ta seysekmaw tasum sinuma ante ruwe ne, sekor itak.
53 Orowa, orota, E poho ishu korʼan, ani an itak ani Yesu ye pakihi ne sekoro nei michi eraman: orowa, shinuma yaikota hemhem, uni un utara obitta hemhem, eishokon nisa ruwe ne.
Orowa, oro ta, E poho i=su kor an, ani an itak ani Yesu ye pakihi ne sekor ne mici eraman: orowa, sinuma yaykota hemhem, uni un utar opitta hemhem, eysokor nisa ruwe ne.
54 Tambe anak shui Yudea moshiri wano Gariraya moshiri ta ek okake Yesu tu ikinne no an kara shirosh ne ruwe ne na.
Tanpe anak suy Yudea mosir wano Gariraya mosir ta ek okake Yesu tu ikinne no an kar siros ne ruwe ne na.
Mattaios 8.13 §66V
13 Orowa, nei sapane guru otta Yesu ene itak-hi :— Oman, eani eishokor-i an nei no eani gusu aki ruwe ne, ani itak. Orowa, nei pakihi wano nei a tashum ki heikachi iwange no an ruwe ne na.
Orowa, ne sapanekur or ta Yesu ene itak hi :— Oman, eani eysokor hi an néno eani kusu aki ruwe ne, ani itak. Orowa, ne pakihi wano ne a tasum ki hekaci iwanke no an ruwe ne na.
Roukos 7.10 §66V
10 Orowa, aeteshkara utara anak ne chisei orun hoshippa wa nei usshiune guru tumashnu wa an i nukan nisa ruwe ne.
Orowa, a=eteskar utar anakne cise orun hosippa wa ne ussiw ne kur tumasnu wa an i nukar nisa ruwe ne.
Roukos 7.11-16 §67X
11 Orowa, naa pon no okaketa Shinuma Nain ani aye machiya orota oman; koikara utara newa poro inne utara ne yakka tura no paye nisa ruwe ne.
Orowa, naa ponno okake ta Sinuma Nain ani a=ye maciya oro ta oman; koykar utar newa poro inne utar ne yakka turano paye nisa ruwe ne.
12 Awa, Shinuma nei machiya apa ko-ehange no ek ita anak ne, ingarʼan, rai guru machiya orowa no aani shiri an ruwe ne; koro habo anak shiyompiyara ne, rai guru anak ne shinuma shinen ne poho ne ruwe ne; orowa, nei machiya un inne utara nei shiwentep tura no okai ruwe ne na.
Awa, Sinuma ne maciya apa ko-ehanke no ek hi ta anakne, inkar=an, raykur maciya oro wano a=ani siri an ruwe ne; kor hapo anak siyonpiyar ne, raykur anakne sinuma sinen ne poho ne ruwe ne; orowa, ne maciya un inne utar ne siwentep turano okay ruwe ne na.
13 Utarapa nei shiwentep nukara chiki otta erampokiwen wa kore, aine, orota iteki chish, ani itak.
Utarpa ne siwentep nukar ciki or ta eranpokiwen wa kore, ayne, oro ta iteki cis, ani itak.
14 Orowa, Shinuma ehange no ek wa ot ani set tomooshma; tata otta sei utara roshki nisa ruwe ne.
Orowa, Sinuma ehanke no ek wa ot ani set tomoosma; tata or ta sey utar roski nisa ruwe ne.
15 Orowa, Shinuma ene itak-hi :— Upen guru, e otta, hopuni, Ku ye, sekoro itak. Aige, rai guru hopuni hine a, orowa, itak heashire nisa ruwe ne. Orowa, koro habo otta shinuma akoropare nisa,
Orowa, Sinuma ene itak hi :— Upen kur, e or ta, hopuni, Ku=ye, sekor itak. Ayke, raykur hopuni hine a, orowa, itak heasire nisa ruwe ne. Orowa, kor hapo or ta sinuma a=korpare nisa,
16 awa, utara obitta ishitoma, aine, Kamui ko-oripak hine ene itak-hi :— Un otta poro uweingara guru hopuni wa an: Kamui anak ne koro utara ko-ingara ruwe ne, sekoro itak.
awa, utar opitta isitoma, ayne, Kamuy ko-oripak hine ene itak hi :— Un or ta poro ueinkar kur hopuni wa an: Kamuy anakne kor utar ko-inkar ruwe ne, sekor itak.
Roukos 7.17 §68X
17 Orowa, shinuma gusu tap an orushpe assuru anak ne Yudea moshiri hene nei kotan shikapneka no ashipiraspa nisa ruwe ne na.
Orowa, sinuma kusu tapan oruspe assuru anakne Yudea mosir hene ne kotan sikapneka no a=sipiraspa nisa ruwe ne na.
Mattaios 11.2-9 §102V
2 Ipakashnu chisei ta an Yoannes anak ne Kiristo iki ambe nu chiki, koro koikara utara payere wa Shinuma otta ene yere ki :—
Ipakasnu cise ta an Yoannes anakne Kiristo iki anpe nu ciki, kor koykar utar payere wa Sinuma or ta ene yere ki :—
3 Ek kuni ainu anak ne Aokai ne ruwe? shui, moshima ainu chi ehuye ruwe he an? sekoro itakte.
Ek kuni aynu anakne Aokay ne ruwe? suy, mosma aynu ci ehuy ruwe he an? sekor itakte.
4 Orowa Yesu ese wa nei utara otta ene ye-hi :— Echi paye wa, echi nup hemhem echi nukarape hemhem Yoannes otta nure yan:
Orowa Yesu ese wa ne utar or ta ene ye hi :— Eci=paye wa, eci=nup hemhem eci=nukar pe hemhem Yoannes or ta nure yan:
5 shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.
siknak utar a=inkar, her utar a=apkaste, munin tasum ki utar aaskannere, aspa utar aynure, ray utar hetopo-a=siknure, orowa, pirka sonko anakne irapokkari utar or ta a=nure ruwe ne.
6 Orowa, nen ne yakka En gusu epetchiu kuni ika nukara shomoki guru anak ne anunuke ne ruwe ne — sekoro itak.
Orowa, nen ne yakka En kusu epetciw kuni ika nukar somo ki kur anakne a=nunuke ne ruwe ne — sekor itak.
7 Nei utara paye shiri rapoketa Yesu Yoannes orushpe gusu inne utatʼtopaha otta ene ye-hi :— Echi okai utara nep nukara gusu kimta echi paye ya? Rera ani ashuyeshuye rapembe nukara kuni gusu echi paye nisa ruwe he an? Koroka, nep nukara gusu echi paye ya?
Ne utar paye siri rapoketa Yesu Yoannes oruspe kusu inne utat topaha or ta ene ye hi :— Eci=okay utar nep nukar kusu kim ta eci=paye ya? Rera ani a=suyesuye rapenpe nukar kuni kusu eci=paye nisa ruwe he an? Korka, nep nukar kusu eci=paye ya?
8 Sarambe amip rai guru nukara kuni gusu echi paye nisa ruwe he an? Sarambe anrip ani rai utara anak ne Moshiri esapane guru kotʼchisei ta okai ruwe ne.
Saranpe amip raykur nukar kuni kusu eci=paye nisa ruwe he an? Saranpe anrip ani ray utar anakne Mosir esapane kur kot cise ta okay ruwe ne.
9 Koroka, nep gusu echi paye ya? Uweingara guru nukara kuni gusu ne ruwe he an? Son no un; Kuani echi otta Ku ye; uweingara guru kasu no pase guru nukara gusu echi paye nisa ruwe ne na.
Korka, nep kusu eci=paye ya? Ueinkar kur nukar kuni kusu ne ruwe he an? Sonno un; Kuani eci or ta Ku=ye; ueinkar kur kasuno pase kur nukar kusu eci=paye nisa ruwe ne na.
Roukos 7.18-26 §69V
18 Orowa, Yoannes koro koikara utara anak ne tap orushpe obitta shinuma otta nure nisa ruwe ne.
Orowa, Yoannes kor koykar utar anakne tap oruspe opitta sinuma or ta nure nisa ruwe ne.
19 Awa, Yoannes anak ne koro koikara utara tu niu shihekote hotuyekara wa Utarapa otta payere wa ene itakte-hi :— Ek kuni ainu anak ne Aokai ne ruwe? Shui moshima ek kuniʼguru chi ehuyepa kusu ne ya?
Awa, Yoannes anakne kor koykar utar tu niw sihekote hotuyekar wa Utarpa or ta payere wa ene itakte hi :— Ek kuni aynu anakne Aokay ne ruwe? Suy mosma ek kuni kur ci ehuyepa kusu ne ya?
20 Orowa, nei utara Shinuma orota araki wa ene itak-hi :— Baptisma kore Yoannes anak ne, ek kuni ainu anak Aokai ne ruwe? Shui moshima ek kuni guru chi ehuyepa kusu ne ya? sekorʼambe nu gusu E otta un ette nisa ruwe ne, ani itak.
Orowa, ne utar Sinuma oro ta arki wa ene itak hi :— Baptisma kore Yoannes anakne, ek kuni aynu anak Aokay ne ruwe? Suy mosma ek kuni kur ci ehuyepa kusu ne ya? sekor anpe nu kusu E or ta un e=tte nisa ruwe ne, ani itak.
21 Nei pakibita Shinuma tashum ki inne utara newa shiyeye an inne utara newa nitne kamui shikatkari inne utara newa iwangere, naa samata, shiknak utara ingare nisa ruwe ne.
Ne pakipita Sinuma tasum ki inne utar newa siyeye an inne utar newa nitne kamuy sikatkari inne utar newa iwankere, naa sama ta, siknak utar inkar nisa ruwe ne.
22 Nei utara orota Shinuma ese wa ene itak-hi :— Echi paye wa echi nukarabe newa echi nu okaibe Yoannes orota nure yan; shiknak utara ingara, yaiewen utara apkash, munin tashum ki utara aashkannere, ashpa utara inu, rai utara hetopo-a-shiknure, otek-sak utara otta Pirika shongo aeupaskuma an ruwe ne.
Ne utar oro ta Sinuma ese wa ene itak hi :— Eci=paye wa eci=nukar pe newa eci=nu okaype Yoannes oro ta nure yan; siknak utar inkar, yayewen utar apkas, munin tasum ki utar aaskannere, aspa utar inu, ray utar hetopo-a-siknure, otek-sak utar or ta Pirka sonko a=ewpaskuma an ruwe ne.
23 Orowa, En gusu aureepetchiure shomoki gurʼanak ne anunuke ne ruwe ne, ari itak.
Orowa, En kusu awreepetciwre somo ki kur anakne a=nunuke ne ruwe ne, ari itak.
24 Yoannes, orowa no ateshkara utara paye okaketa, Yoannes gusu inne utara orota Shinuma itak heashi wa ene ye-hi :— Nep echi nukara gusu nup otta echi paye ya? rera aeshuyeshuye rapembe nukara gusu ne ya?
Yoannes, orowano a=teskar utar paye okake ta, Yoannes kusu inne utar oro ta Sinuma itak heasi wa ene ye hi :— Nep eci=nukar kusu nup or ta eci=paye ya? rera aesuyesuye rapenpe nukar kusu ne ya?
25 Koroka, nep nukara gusu echi paye ya? Chi tomte sarambe amip mi guru nukara gusu ne ya? chitomte no ami utara anak ne Moshiri shikkashima utara kot chisei ta okai.
Korka, nep nukar kusu eci=paye ya? Ci tomte saranpe amip mi kur nukar kusu ne ya? citomte no ami utar anakne Mosir sikkasima utar kot cise ta okay.
26 Koroka, nep nukara gusu echi paye ya? Uweingara guru ne ya? Son no echi otta Ku ye, uweingara guru kasu no shiri pase guru ne ruwe ne na.
Korka, nep nukar kusu eci=paye ya? Ueinkar kur ne ya? Sonno eci or ta Ku=ye, ueinkar kur kasuno siri pase kur ne ruwe ne na.
Mattaios 11.10 §103II
10 E kotchaot e kon ruhu etoko-oiki gusu, Ku shongo kore guru e nanuhu kotchaketa Ku omande kusu ne — sekoro anuye wa an itak anak ne tan guru epeka no aye itak ne ruwe ne na.
E kotcaot e=kor ruhu etoko-oyki kusu, Ku=sonko kore kur e nanuhu kotcake ta Ku=omante kusu ne — sekor a=nuye wa an itak anakne tan kur epeka no a=ye itak ne ruwe ne na.
Markos 1.1-2 §1II
1 Kamui Poho ne Yesu Kiristo koro pirika shongo heashi ambe.
Kamuy Poho ne Yesu Kiristo kor pirka sonko heasi anpe.
2 Uweingara guru Isaya kambi kata chieshinnuye wa an korachi. Ingarʼan, e nanuhu kotchaketa, E kon ruhu etoko-oiki gusu Ku shongo kore guru ku omande;
Ueinkar kur Isaya kampi kata ciesinnuye wa an koraci. Inkar=an, e nanuhu kotcake ta, E=kor ruhu etoko-oyki kusu Ku=sonko kore kur ku=omante;
Roukos 7.27 §70II
27 E kotchaketa E kon ruhu etokooiki gusu Ku shongo kore guru E ratchaot Ku omande kusu ne, sekoro anuye wa an itak anak ne tan guru epeka no aye itak ne ruwe ne.
E kotcake ta E=kor ruhu etokooyki kusu Ku=sonko kore kur E ratcaot Ku=omante kusu ne, sekor a=nuye wa an itak anakne tan kur epeka no a=ye itak ne ruwe ne.
Mattaios 11.11 §104V
11 Son no echi otta Ku ye, shiwentep utara hekatparep tumugeta Baptisma kore Yoannes kasu no pase guru naa shomo hopuni nisa ruwe ne: yakka, kando moshirʼotta an iyotta pon guru ne yakka nei guru kasu no pase guru ne ruwe ne na.
Sonno eci or ta Ku=ye, siwentep utar hekatparep tumke ta Baptisma kore Yoannes kasuno pase kur naa somo hopuni nisa ruwe ne: yakka, kanto mosir or ta an iyotta pon kur ne yakka ne kur kasuno pase kur ne ruwe ne na.
Roukos 7.28 §71V
28 Echi otta Ku ye, shiwentep utara hekatparep tumugeta Yoannes kasu no pase guru isam ruwe ne; yakka, Kamui moshirʼotta an pon guru poka Yoannes kasu no pase ruwe ne, ari itak.
Eci or ta Ku=ye, siwentep utar hekatparep tumke ta Yoannes kasuno pase kur isam ruwe ne; yakka, Kamuy mosir or ta an pon kur poka Yoannes kasuno pase ruwe ne, ari itak.
Roukos 7.29-30 §72X
29 Orowa, utara obitta hemhem yaku-etaye utara hemhem Yoannes kore baptisma otta baptisma akore wa okai gusu Kamui oupekare nisa ruwe ne.
Orowa, utar opitta hemhem yaku-etaye utar hemhem Yoannes kore paptisma or ta paptisma a=kore wa okay kusu Kamuy owpekare nisa ruwe ne.
30 Koroka, Parisee un utara hemhem Mose ikashpaotte pita utara hemhem Shinuma orowa no baptisma akore shomoki gusu; yaikota gusu Kamui esanniyop emaka nisa ruwe ne.
Korka, Parisee un utar hemhem Mose ikaspaotte pita utar hemhem Sinuma oro wano paptisma a=kore somo ki kusu; yaykota kusu Kamuy esanniyop emaka nisa ruwe ne.
Mattaios 11.16-19 §107V
16 Koroka, tane okai utara ikiri nep otta Ku koherayere kusu ne ya? Ihok ushiketa rok wa, koro katairotke utara otta hotuyepakara wa ene ye poho ukoheraye :—
Korka, tane okay utar ikiri nep or ta Ku koherayere kusu ne ya? Ihok uske ta rok wa, kor katayrotke utar or ta hotuyepakara wa ene ye poho ukoheraye :—
17 Chi utara anak ne echi gusu top rekte ash ruwe ne, awa, echi rimse shomoki, chi chish ash nisa, koroka, echi sarachish shomoki ruwe ne.
Ci utar anakne eci kusu top rekte as ruwe ne, awa, eci=rimse somo ki, ci cis as nisa, korka, eci saracis somo ki ruwe ne.
18 Inambe gusu ne yakun, Yoannes anak ne ibe shomoki iku shomoki no ek, aige, nei guru nitne kamui shikatkari ruwe ne, — ani utara ye ruwe ne.
Inanpe kusu ne yakun, Yoannes anakne ipe somo ki iku somo ki no ek, ayke, ne kur nitne kamuy sikatkari ruwe ne, — ani utar ye ruwe ne.
19 Ainu Poho anak ne ibe hemhem ki iku hemhem ki koro ek, awa, ingara, ibe rui tonoto iku rui ainu, chikokatpak utara newa yaku etaye koro katairotke guru ne — ari utara ye ruwe ne. Wayashnu ambe anak ne yaikota ki ambe gusu oupeka no aattere ruwe ne.
Aynu Poho anakne ipe hemhem ki iku hemhem ki kor ek, awa, inkar, ipe ruy tonoto iku ruy aynu, ci=kokatpak utar newa yaku etaye kor katayrotke kur ne — ari utar ye ruwe ne. Wayasnu anpe anakne yaykota ki anpe kusu owpekano aattere ruwe ne.
Roukos 7.31-35 §73V
31 Tambe gusu, tane okai ainu ikiri nep otta Ku ukoherayere ya? tan ikiri nep koheraye ruwe he an?
Tanpe kusu, tane okay aynu ikiri nep or ta Ku ukoherayere ya? tan ikiri nep koheraye ruwe he an?
32 Ihok ushiketa rok wa utasa ukohotuyepa wa ene ye-hi nokan utara koheraye :— Chi utara anak ne echi gusu top rekte ash nisa ruwe ne, awa, echi tapkara shomoki; chi yaituwashkarap,
Ihok uske ta rok wa utasa ukohotuyepa wa ene ye hi nokan utar koheraye :— Ci utar anakne eci kusu top rekte as nisa ruwe ne, awa, eci=tapkar somo ki; ci yaytuwaskarap,
33 awa, echi chish shomoki nisa ruwe ne. Inambe gusu ne yakun, Baptisma kore Yoannes anak ne aep ibe shomoki, tonoto iku shomoki no ek, awa, shinuma nitne kamui shikatkari guru ne, ari echi ye.
awa, eci=cis somo ki nisa ruwe ne. Inanpe kusu ne yakun, Baptisma kore Yoannes anakne aep ipe somo ki, tonoto iku somo ki no ek, awa, sinuma nitne kamuy sikatkari kur ne, ari eci=ye.
34 Ainu Poho anak ne ibe hemhem ki, iku hemhem ki wa ek, awa, nei ibe-ashnu guru tonoto iku-ashnu guru chikokatpak koro utara newa yaku-etaye utara ikatairotke nimaraha ingara yan, ari echi ye.
Aynu Poho anakne ipe hemhem ki, iku hemhem ki wa ek, awa, ne ipe-asnu kur tonoto iku-asnu kur ci=kokatpak kor utar newa yaku-etaye utar ikatayrotke nimaraha inkar yan, ari eci=ye.
35 Wayashnu-i anak ne koro poho ani oupeka no a attere ruwe ne.
Wayasnu hi anakne kor poho ani owpekano a attere ruwe ne.
Mattaios 26.6-11 §276I
6 Orosama, Yesu anak ne Betania kotan un munin tashum ki Simon ani aye guru koto chisei ta an ita,
Orosama, Yesu anakne Betania kotan un munin tasum ki Simon ani a=ye kur koto cise ta an hi ta,
7 shine shiwentep shi no oro an no an shum o sei shintoko shinep koro wa ek hine, Shinuma a wa ibe rapoketa, koro sapa kashiketa ota nisa ruwe ne na.
sine siwentep sino oro an no an sum o sey sintoko sinep kor wa ek hine, Sinuma a wa ipe rapoketa, kor sapa kasike ta ota nisa ruwe ne na.
8 Koroka, koikara utara nei ambe nukara chiki irushka hine ene itak-hi :— Nep gusu tap akoisamka ambe an a?
Korka, koykar utar ne anpe nukar ciki iruska hine ene itak hi :— Nep kusu tap akoysamka anpe an a?
9 Tan shum ataye rui no aeihok wa irapokkari utara otta aeungeraite aeashkaibe ne ruwe ne gusu ne na, ari itak.
Tan sum ataye ruyno aeyhok wa irapokkari utar or ta aeunkerayte aeaskaype ne ruwe ne kusu ne na, ari itak.
10 Koroka, Yesu tambe eraman wa otta ene itak-hi :— Nep gusu, shiwentep echi ramusarakka ya? Shinuma En orun pirikap iki nisa ruwe ne gusu ne na.
Korka, Yesu tanpe eraman wa or ta ene itak hi :— Nep kusu, siwentep eci ramusarakka ya? Sinuma En=orun pirka p iki nisa ruwe ne kusu ne na.
11 Irapokkari utara anak ne ramma-kane echi tura no okai, koroka, Kuani anak ramina pakno shomo echi tura no an ruwe ne.
Irapokkari utar anakne ramma-kane eci turano okay, korka, Kuani anak ramina pakno somo eci turano an ruwe ne.
Markos 14.3-7 §158I
3 Orosama, Shinuma Betania kotan un munin tashum ki Simon koro chisei otta an wa aep ibe rapoketa, shine shiwentep shi no ataye rui turu sak nardos shum o sei shintoko shinep koro wa ek, aige, nei ap pereke hine Shinuma sapa kata shum ota nisa ruwe ne.
Orosama, Sinuma Betania kotan un munin tasum ki Simon kor cise or ta an wa aep ipe rapoketa, sine siwentep sino ataye ruy tur sak nartos sum o sey sintoko sinep kor wa ek, ayke, ne ap perke hine Sinuma sapa kata sum ota nisa ruwe ne.
4 Koroka, utara tumugeta irushka utara okai wa ene itak-hi :—
Korka, utar tumke ta iruska utar okay wa ene itak hi :—
5 Nep gusu tan shum akoatcha an a? Tan shum anak ne ashikne hotne denaria ikashima shine wan hot denaria gusu aehok wa otek-sak guru otta aeungeraite eashkaibe ne, ani itak. Orowa, nei shiwentep kosakayo itak ki nisa ruwe ne.
Nep kusu tan sum a=koatca an a? Tan sum anakne asikne hotne tenaria ikasma sine wan hot tenaria kusu aehok wa otek-sak kur or ta aeunkerayte easkay pe ne, ani itak. Orowa, ne siwentep kosakayo itak ki nisa ruwe ne.
6 Koroka, Yesu ene itak-hi :— Nei shiwentep moshima no okai yan; nep gusu shinuma ramusarakka ya? Shinuma anak ne En otta pirika ikip ki nisa ruwe ne.
Korka, Yesu ene itak hi :— Ne siwentep mosmano okay yan; nep kusu sinuma ramusarakka ya? Sinuma anakne En or ta pirka iki p ki nisa ruwe ne.
7 Otek-sak utara ramma echi tura no okai gusu hembara ne yakka echi rengaine nei utara pirikare eashkai: koroka, Kuani anak ne ramma echi tura no an shomo ne ruwe ne.
otek-sak utar ramma eci turano okay kusu henpara ne yakka eci=renkayne ne utar pirkare easkay: korka, Kuani anakne ramma eci turano an somo ne ruwe ne.
Roukos 7.36-50 §74I
36 Orowa, shine Parisee un guru anak ne tura no ibe gusu kon rusui. Awa, Shinuma nei Parisee un guru kot chisei ta ahun wa ibe gusu a nisa ruwe ne.
Orowa, sine Parisee un kur anakne turano ipe kusu kor rusuy. Awa, Sinuma ne Parisee un kur kot cise ta ahun wa ipe kusu a nisa ruwe ne.
37 Orowa, ingarʼan nei machiya otta chikokatpak an shine shiwentep an; aige, Shinuma anak ne Parisee un guru kot chisei ta a wa ibe koro an sekorʼorushpe nu chiki, shum o sei shintoko koro wa ek, awa,
Orowa, inkar=an ne maciya or ta ci=kokatpak an sine siwentep an; ayke, Sinuma anakne Parisee un kur kot cise ta a wa ipe kor an sekor oruspe nu ciki, sum o sey sintoko kor wa ek, awa,
38 Shinuma chikiri oshmaketa ash, orowa, chish hine koro nupe ani koro kemaha teineika wa koro sapa otop ani piruba heashi, aine, koro kemaha poron no chopchopsekara wa kashiketa shum ota nisa ruwe ne.
Sinuma cikiri osmake ta as, orowa, cis hine kor nupe ani kor kemaha teyneyka wa kor sapa otop ani pirpa heasi, ayne, kor kemaha poronno copcopsekara wa kasike ta sum ota nisa ruwe ne.
39 Orowa, ibe guru Shinuma tak Parisee un guru nei ambe nukara chiki keutum oshiketa ye wa ene itak-hi :— Tan guru anak uweingara guru ne yakun, tane tomooshma shiwentep nekon a shiwentep ne ya? chikokatpak an gunʼ ne ruwe ne, sekorʼambe eramʼan nangora.
Orowa, ipe kur Sinuma tak Parisee un kur ne anpe nukar ciki kewtum oske ta ye wa ene itak hi :— Tan kur anak ueinkar kur ne yakun, tane tomoosma siwentep nekona siwentep ne ya? ci=kokatpak an kun' ne ruwe ne, sekor anpe eraman nankora.
40 Orota Yesu ese wa ene itak-hi :— Simon, e otta nepka Ku yep an. Epakashnu guru, ye wa en kore, ani shinuma itak ruwe ne.
Oro ta Yesu ese wa ene itak hi :— Simon, e or ta nep ka Ku yep an. Epakasnu kur, ye wa en=kore, ani sinuma itak ruwe ne.
41 Shine shohosere guru otta ashosere utara tun an: shinen anak ne ashikne hot ikashima tu shine wan hot denaria shosei, shinen anak wan e re hot denaria shosei wa an ruwe ne.
Sine sohosere kur or ta asosere utar tun an: sinen anakne asikne hot ikasma tu sine wan hot tenaria sos, sinen anak wan e re hot tenaria sos wa an ruwe ne.
42 Orowa, nei sho ataye kara kuni ichen sak ruwe an ita, shohosere guru anak ne nei tun honnere nisa ruwe ne. Tambe gusu, tan tun otta inan guru iyotta nei guru omap kusu ne ya?
Orowa, ne so ataye kar kuni icen sak ruwe an hi ta, sohosere kur anakne ne tun honnere nisa ruwe ne. Tanpe kusu, tan tun or ta inan kur iyotta ne kur omap kusu ne ya?
43 Simon ese wa ene itak-hi :— Poro shosei atusare guru nangoro kuni ku ramu. Orota Yesu ene itak-hi :— Aokai oupeka no esanniyo hawe ne, ani itak.
Simon ese wa ene itak hi :— Poro sos atusare kur nankor kuni ku=ramu. Oro ta Yesu ene itak hi :— Aokay owpekano esanniyo hawe ne, ani itak.
44 Orowa, shiwentep orun hosari hine Simon otta ene itak-hi :— Aokai tan shiwentep nukara ruwe he an? Kuani e kot chisei orun ahun, awa, Ku chikiri furaye kuni wakka e En kore shomoki: koroka, tan shiwentep anak koro nupe ani Ku chikiri teineika wa koro otop ani piruba nisa ruwe ne.
Orowa, siwentep orun hosari hine Simon or ta ene itak hi :— Aokay tan siwentep nukar ruwe he an? Kuani e kot cise orun ahun, awa, Ku=cikiri huraye kuni wakka e En=kore somo ki: korka, tan siwentep anak kor nupe ani Ku=cikiri teyneyka wa kor otop ani pirpa nisa ruwe ne.
45 Eani En chopchopsekara shomoki, koroka, Kuani tan chisei orun ahun orowa no tane pakno tan shiwentep Ku kemaha chopchopsekara koro an ruwe ne.
Eani En copcopsekara somo ki, korka, Kuani tan cise orun ahun oro wano tane pakno tan siwentep Ku=kemaha copcopsekara kor an ruwe ne.
46 Ku sapa kashike eani shum ota shomoki, koroka, tan shiwentep anak Ku chikiri kata shum ota nisa ruwe ne.
Ku=sapa kasike eani sum ota somo ki, korka, tan siwentep anak Ku=cikiri kata sum ota nisa ruwe ne.
47 Tambe gusu, e otta Ku ye, tan shiwentep koro chikokatpak inne ne a koroka atusare ruwe ne: shinuma poron no omap ki nisa ruwe ne gusu ne na; koroka, otta pon no patek atusare guru anak ne pon no patek omap ruwe ne.
Tanpe kusu, e or ta Ku=ye, tan siwentep kor ci=kokatpak inne ne a korka atusare ruwe ne: sinuma poronno omap ki nisa ruwe ne kusu ne na; korka, or ta ponno patek atusare kur anakne ponno patek omap ruwe ne.
48 Orowa, Shinuma nei shiwentep otta e koro katpak anak ne atusare wa an na, ari itak.
Orowa, Sinuma ne siwentep or ta e=kor katpak anakne atusare wa an na, ari itak.
49 Aige, ibe gusu tura no rok utara anak ne koro keutum ta, katpak poka tusare tan guru nen ne ruwe he an? ani itak heashi nisa ruwe ne.
Ayke, ipe kusu turano rok utar anakne kor kewtum ta, katpak poka tusare tan kur nen ne ruwe he an? ani itak heasi nisa ruwe ne.
50 Orowa, Shinuma nei shiwentep otta ene itak-hi :— E koro eishokor-i anak ne e kashiobiuki nisa ruwe ne, itomo kon no paye yan, ari itak nisa ruwe ne.
Orowa, Sinuma ne siwentep or ta ene itak hi :— E=kor eysokor hi anakne e kasiopiwki nisa ruwe ne, i=tom kor no paye yan, ari itak nisa ruwe ne.
Yoannes 12.2-8 §98I,IV
2 Nei kotan ta Shinuma gusu kunne-ibe akara; awa, Maruta anak ne yaishieiwangere nisa ruwe ne; koroka, Razaros anak ibe gusu Shinuma tura no a korʼan ruwe ne.
Ne kotan ta Sinuma kusu kunne-ipe a=kar; awa, Maruta anakne yaysieywankere nisa ruwe ne; korka, Razaros anak ipe kusu Sinuma turano a kor an ruwe ne.
3 Aine, Maria anak shi no oro an no an turu-sak nardos shum shine ikkin koro hine Yesu koro chikiri kashi-ota wa yaikota koro otop ani nei chikiri piruba nisa ruwe ne: orowa, nei hura chisei upshoro obitta etushnatki nisa ruwe ne.
Ayne, Maria anak sino oro an no an tur-sak nartos sum sine ikkin kor hine Yesu kor cikiri kasi-ota wa yaykota kor otop ani ne cikiri pirpa nisa ruwe ne: orowa, ne hura cise upsoro opitta etusnatki nisa ruwe ne.
4 Koroka, koro koikara utara tumugeta an Shinuma ekoshi kusu ne Kariot kotan un Youdas anak ne ene itak-hi :—
Korka, kor koykar utar tumke ta an Sinuma ekosi kusu ne Kariot kotan un Yowdas anakne ene itak hi :—
5 Hemanda gusu tan shum ashikne hotne denaria ikashima shine wan hotne denaria gusu aehok wa irapokkari utara otta akoropare shomoki ya? sekoro itak.
Hemanta kusu tan sum asikne hotne tenaria ikasma sine wan hotne tenaria kusu aehok wa irapokkari utar or ta a=korpare somo ki ya? sekor itak.
6 Nei guru anak ne irapokkari utara ramu-ehahge gusu tambe ye shomoki, koroka, shinuma ikka guru ne, orowa, shuop koro wa nei oshiketa aomare okaibe ani wa oman nisa ruwe ne.
Ne kur anakne irapokkari utar ramu-ehahke kusu tanpe ye somo ki, korka, sinuma ikka kur ne, orowa, suop kor wa ne oske ta a=omare okaype ani wa oman nisa ruwe ne.
7 Tambe gusu, Yesu ene itak-hi :— Moshima no okai yan, tushiri oro Ku aomare kuni toho gusu tan shiwentep nei no ki nisa ruwe ne.
Tanpe kusu, Yesu ene itak hi :— Mosmano okay yan, tusiri oro Ku=a=omare kuni toho kusu tan siwentep néno ki nisa ruwe ne.
8 Irapokkari utara ramma echi tura no okai, koroka, Kuani anak ramma echi tura no an shomo ne ruwe ne gusu ne na, ari itak.
Irapokkari utar ramma eci turano okay, korka, Kuani anak ramma eci turano an somo ne ruwe ne kusu ne na, ari itak.