Synopsis
Mattaios 14.1-2 §143II
1 Nei ita Tetrakes Herod anak ne Yesu gusu an
Ne hi ta Tetrakes Herod anakne Yesu kusu an
2 orushpe nu wa — Tan guru anak Baptisma kore Yoannes ne, rai orowa no hetopo-shiknu nisa ruwe ne, tambe gusu otta tan okai kiroro unbe aki ruwe ne, ari koro uitek utara otta ye.
oruspe nu wa — Tan kur anak Baptisma kore Yoannes ne, ray oro wano hetopo-siknu nisa ruwe ne, tanpe kusu or ta tan okay kiroro un pe aki ruwe ne, ari kor uytek utar or ta ye.
Markos 6.14 §57II
14 Orowa, Moshiri shikkashima guru Herod anak ne nei orushpe nu; Shinuma kon reihei assuru aashte wa an ruwe ne gusu ne na: aige, ene itak-hi :— Baptisma kore Yoannes rai-i orowa no hetopo-a-shiknure, tambe gusu tap kiroro an ambe Shinuma oshiketa iki ruwe ne, ari itak.
Orowa, Mosir sikkasima kur Herod anakne ne oruspe nu; Sinuma kor rehe assuru a=aste wa an ruwe ne kusu ne na: ayke, ene itak hi :— Baptisma kore Yoannes ray hi oro wano hetopo-a-siknure, tanpe kusu tap kiroro an anpe Sinuma oske ta iki ruwe ne, ari itak.
Roukos 9.7-9 §90II
7 Orowa, Tetrakes Herod anak ne aki orushpe obitta nu: awa, keutum chiutumashbare wa an ruwe ne, inambe gusu ne yakun, Yoannes rai orowa no hetopo-a-shiknure ani itak guru okai;
Orowa, Tetrakes Herod anakne aki oruspe opitta nu: awa, kewtum ciwtumaspare wa an ruwe ne, inanpe kusu ne yakun, Yoannes ray oro wano hetopo-a-siknure ani itak kur okay;
8 Ericha ek an na ani ye guru ka okai; orowa, fushkotoita an shine uweingara guru shui hopuni an ani ye guru ka okai ruwe ne gusu ne na.
Erica ek an na ani ye kur ka okay; orowa, huskotoyta an sine ueinkar kur suy hopuni an ani ye kur ka okay ruwe ne kusu ne na.
9 Koroka, Herod anak ne ene itak-hi :— Kuani Yoannes koro sapa ku otuye okere, koroka, tap okai anu orushpe gusu an guru nen ne ruwe he an? ari itak. Orowa, nei guru Shinuma nukan rusui ruwe ne.
Korka, Herod anakne ene itak hi :— Kuani Yoannes kor sapa ku=otuye okere, korka, tap okay anu oruspe kusu an kur nen ne ruwe he an? ari itak. Orowa, ne kur Sinuma nukar rusuy ruwe ne.
Mattaios 14.3-5 §144II
3 Inambe gusu ne yakun, Herod anak ne koro iriwak Piripos koro machi Herodias gusu Yoannes kishima wa tupetupe hine upakashnu chisei orota omare yara nisa ruwe ne.
Inanpe kusu ne yakun, Herod anakne kor irwak Piripos kor maci Herodias kusu Yoannes kisma wa tupetupe hine upakasnu cise oro ta omare yara nisa ruwe ne.
4 Nei shiwentep koro ambe anak ne ipawetenge ehaitap ne ruwe ne, ari orota Yoannes ye nisa ruwe ne gusu ne na Orowa,
Ne siwentep kor anpe anakne ipawetenke e=haytap ne ruwe ne, ari oro ta Yoannes ye nisa ruwe ne kusu ne na Orowa,
5 shinuma Yoannes raige kuni ramu, awa, inne utara koishitoma ruwe ne, nei guru anak ne uweingara guru ne ani utara esanniyo nisa ruwe ne gusu ne na.
sinuma Yoannes rayke kuni ramu, awa, inne utar koysitoma ruwe ne, ne kur anakne ueinkar kur ne ani utar esanniyo nisa ruwe ne kusu ne na.
Markos 6.17 §59II
17 Inambe gusu ne yakun, Herod yaikota anak ne koro iriwak Piripos koro machi Herodias gusu teshkara wa Yoannes kishimare hine tupetupe wa upakashnu chisei orota omare yara nisa ruwe ne; shinuma nei shiwentep ahupkan nisa ruwe ne gusu ne na.
Inanpe kusu ne yakun, Herod yaykota anakne kor irwak Piripos kor maci Herodias kusu teskar wa Yoannes kisimare hine tupetupe wa upakasnu cise oro ta omare yara nisa ruwe ne; sinuma ne siwentep ahupkar nisa ruwe ne kusu ne na.
Roukos 3.19-20 §12II
19 koroka tetrarkes Herod anak ne koro ainu iriwak koro machi Herodias gusu hemhem, samata moshima okai Herod ki wen buri gusu hemhem, Yoannes orowa no akopakashnu nisa ruwe
korka tetrarkes Herod anakne kor aynu irwak kor maci Herodias kusu hemhem, sama ta mosma okay Herod ki wen puri kusu hemhem, Yoannes oro wano a=kopakasnu nisa ruwe
20 ne gusu upakashnu chisei ta shinuma ahunge pakno naa wen buri kashi-iyo nisa ruwe ne na.
ne kusu upakasnu cise ta sinuma ahunke pakno naa wen puri kasi-iyo nisa ruwe ne na.
Mattaios 14.6-12 §145VI
6 Koroka, Herod hekatu toho ek ita anak ne Herodias koro matne-po ainu tumta rimsei wa Herod nupetnere.
Korka, Herod hekatu toho ek hi ta anakne Herodias kor matne-po aynu tum ta rimse wa Herod nupetnere.
7 Aige, nep ne yakka eikoramkorobe e kore ash kusu ne, ari shinuma nei matkatchi otta shiyuppa no eitakamkire nisa ruwe ne.
Ayke, nep ne yakka eykoramkorope e kore as kusu ne, ari sinuma ne matkatci or ta siyuppa no eytakamkire nisa ruwe ne.
8 Orowa, koro habo orowa no aonishnishi wa, — Nima kashiketa Baptisma kore Yoannes sapaha aande wa teda en kore ari itak.
Orowa, kor hapo oro wano aonisnisi wa, — Nima kasike ta Baptisma kore Yoannes sapaha a=ante wa teta en=kore ari itak.
9 Orowa, sapane guru oknatara; koroka, ibe gusu tura no rok utara gusu hemhem, koro eitakamkire ambe gusu hemhem, nei ambe akore kuni kashpaotte nisa,
Orowa, sapanekur oknatara; korka, ipe kusu turano rok utar kusu hemhem, kor eytakamkire anpe kusu hemhem, ne anpe a=kore kuni kaspaotte nisa,
10 aige, ainu omande wa upakashnu chisei ta an Yoannes sapaha otuyere yara nisa ruwe ne.
ayke, aynu omante wa upakasnu cise ta an Yoannes sapaha otuyere yara nisa ruwe ne.
11 Orowa, shinuma sapaha nima kashiketa akoro wa ek wa nei matkachi otta akore; aine, matkachi anak ne koro habo otta koro wa oman nisa ruwe ne.
Orowa, sinuma sapaha nima kasike ta a=kor wa ek wa ne matkaci or ta a=kore; ayne, matkaci anakne kor hapo or ta kor wa oman nisa ruwe ne.
12 Orowa, koro koikara utara araki hine nei kaise uk wa iyurui orota omare; orowa, paye wa Yesu nure nisa ruwe ne na.
Orowa, kor koykar utar arki hine ne kayse uk wa iyuruy oro ta omare; orowa, paye wa Yesu nure nisa ruwe ne na.
Markos 6.18-29 §60VI
18 Orowa, e koro iriwak koro machi e ahupkara ambe anak ne tuitak oterekep ne, sekoro Yoannes Herod otta ye nisa ruwe ne gusu ne na.
Orowa, e=kor irwak kor maci e ahupkar anpe anakne tuytak oterekep ne, sekor Yoannes Herod or ta ye nisa ruwe ne kusu ne na.
19 Orowa, Herodias anak ne shinuma keshke hine raigere rusui a koroka eaikap ruwe ne;
Orowa, Herodias anakne sinuma keske hine raykere rusuy a korka eaykap ruwe ne;
20 inambe gusu ne yakun, Herod anak Yoannes koishitoma, shinuma oupeka newa ashkanne guru ne sekoro eramʼan wa irammakaka shikkashima nisa ruwe ne gusu ne na. Orowa, shinuma nu chiki usa keutum utumashi ki: samata, yaikopuntek wa shinuma ye itak nu nisa ruwe ne na.
inanpe kusu ne yakun, Herod anak Yoannes koysitoma, sinuma owpeka newa askanne kur ne sekor eraman wa irammakaka sikkasima nisa ruwe ne kusu ne na. Orowa, sinuma nu ciki usa kewtum utumasi ki: sama ta, yaykopuntek wa sinuma ye itak nu nisa ruwe ne na.
21 Orowa, ki kuni pirika toho an koro, Herod anak ne koro hekatu toho ta koro nishpane utara hene, tumikoro utara esapane utara hene,
Orowa, ki kuni pirka toho an kor, Herod anakne kor hekatu toho ta kor nispane utar hene, tumikor utar esapane utar hene,
22 Gariraya moshirʼun pase utara hene gusu marapto koro; orowa, Herodias koro matne po ahun wa rimse hine Herod newa ibe gusu tura no rok utara nupetnere; awa, Moshiri shikkashima guru anak ne nei matkachi otta, nep ne yakka e kon rusuibe e en koramkoro chiki e kore ash kusu ne, ari itak.
Gariraya mosir un pase utar hene kusu marapto kor; orowa, Herodias kor matnepo ahun wa rimse hine Herod newa ipe kusu turano rok utar nupetnere; awa, Mosir sikkasima kur anakne ne matkaci or ta, nep ne yakka e=kor rusuy pe e en=koramkor ciki e kore as kusu ne, ari itak.
23 Samata, otta shinuma shiyuppa no ekambakte ki wa nep ne yakka aokai en koramkorobe, ku moshiri nimara pakno, e kore ash na, ari itak.
Sama ta, or ta sinuma siyuppa no ekanpakte ki wa nep ne yakka aokay en koramkorope, ku=mosir nimara pakno, e kore as na, ari itak.
24 Orowa, shinuma soine wa nep ku koramkoro kusu ne ya kunak orushpe koro habo otta nu. Orota koro habo ene itak-hi :— Baptisma kore Yoannes sapaha ekoramkoro yan, ari itak.
Orowa, sinuma soyne wa nep ku=koramkor kusu ne ya kunak oruspe kor hapo or ta nu. Oro ta kor hapo ene itak hi :— Baptisma kore Yoannes sapaha e=koramkor yan, ari itak.
25 Orowa, nani shinuma chashnu no Moshiri shikkashima guru otta ahun wa koramkoro hine ene itak-hi :— Nima kashiketa Baptisma kore Yoannes sapaha ande wa tane en kore kuni ku koramkon na.
Orowa, nani sinuma casnu no Mosir sikkasima kur or ta ahun wa koramkor hine ene itak hi :— Nima kasike ta Baptisma kore Yoannes sapaha ante wa tane en=kore kuni ku=koramkor na.
26 Orowa, Moshiri shikkashima guru shiri yairamkoiki ruwe ne; koroka, shiyuppa no ekambak itak an gusu newa ibe gusu tura no rok utara gusu nei matkachi ekatupase shomoki.
Orowa, Mosir sikkasima kur siri yayramkoyki ruwe ne; korka, siyuppa no ekanpak itak an kusu newa ipe kusu turano rok utar kusu ne matkaci ekatupase somo ki.
27 Awa, nani Moshiri shikkashima guru yaikota epungine gusu okai shine tumi-koro guru omande wa Yoannes sapaha koro wa ek kuni kashpaotte nisa ruwe ne; awa,
Awa, nani Mosir sikkasima kur yaykota epunkine kusu okay sine tumi-kor kur omante wa Yoannes sapaha kor wa ek kuni kaspaotte nisa ruwe ne; awa,
28 shinuma oman wa upakashnu chisei ta an Yoannes koro sapa otuye, aige, nima kata ande wa koro wa ek hine matkachi otta koropare; matkachi anak ne koro habo orota kore nisa ruwe ne.
sinuma oman wa upakasnu cise ta an Yoannes kor sapa otuye, ayke, nima kata ante wa kor wa ek hine matkaci or ta korpare; matkaci anakne kor hapo oro ta kore nisa ruwe ne.
29 Orowa, Yoannes koro koikara utara anak ne nei orushpe nu chiki araki hine nei kaise uk wa iyurui orota omare nisa ruwe ne na.
Orowa, Yoannes kor koykar utar anakne ne oruspe nu ciki arki hine ne kayse uk wa iyuruy oro ta omare nisa ruwe ne na.
Mattaios 14.13-14 §146III
13 Yesu tan orushpe nu chiki ekohopi hine chip o wa shinen ne utara isam no an ushi orun oman nisa ruwe ne: orowa inne utara nu chiki machiya orowa no payekai wa Shinuma oshi araki nisa ruwe ne.
Yesu tan oruspe nu ciki ekohopi hine cip o wa sinen ne utar isam no an usi orun oman nisa ruwe ne: orowa inne utar nu ciki maciya oro wano payekay wa Sinuma osi arki nisa ruwe ne.
14 Aige, Shinuma ek wa poro ainu topaha nukara, awa, erampokiwen wa kore hine koro tashum ki utara iwangere nisa ruwe ne.
Ayke, Sinuma ek wa poro aynu topaha nukar, awa, eranpokiwen wa kore hine kor tasum ki utar iwankere nisa ruwe ne.
Roukos 9.10B-11 §92III
10 Orowa, Apostoro utara hoshippa wa yaikota ki orushpe Shinuma otta nure nisa ruwe ne. Orowa, Shinuma nei utara tura wa Betsaida ani aporose kotan orun shietaye nisa ruwe ne.
Orowa, Apostoro utar hosippa wa yaykota ki oruspe Sinuma or ta nure nisa ruwe ne. Orowa, Sinuma ne utar tura wa Betsayda ani a=porse kotan orun sietaye nisa ruwe ne.
11 Koroka, inne topaha utara nei ambe nukara chiki Shinuma osh paye: orowa, Shinuma nei utara enupetne uk wa orota Kamui moshiri gusu an orushpe nure, samata, tashum aiwangere kuni okai utara iwangere nisa ruwe ne.
Korka, inne topaha utar ne anpe nukar ciki Sinuma os paye: orowa, Sinuma ne utar enupetne uk wa oro ta Kamuy mosir kusu an oruspe nure, sama ta, tasum aywankere kuni okay utar iwankere nisa ruwe ne.
Mattaios 14.15-21 §147I
15 Shiri-onuman an chiki, koro koikara utara Shinuma otta araki wa ene itak-hi :— Tan ushike anak ne nepka isam ushi ne, orowa tane moire okere ruwe ne; inne topaha utara yaikota gusu aep hok kuni ne machiya orun payere wa un kore, ani ye.
Siri-onuman an ciki, kor koykar utar Sinuma or ta arki wa ene itak hi :— Tan usike anakne nep ka isam usi ne, orowa tane moyre okere ruwe ne; inne topaha utar yaykota kusu aep hok kuni ne maciya orun payere wa un kore, ani ye.
16 Koroka, nei utara otta Yesu ene itak-hi :— Oman kuni ika isam; echi utara ibere yan, ari itak.
Korka, ne utar or ta Yesu ene itak hi :— Oman kuni ika isam; eci utar ipere yan, ari itak.
17 Shinuma orota nei utara ene itak-hi :— Teda anak ne ouse pan ashikne tak newa tu chep patak an ruwe ne.
Sinuma oro ta ne utar ene itak hi :— Teta anakne owse pan asikne tak newa tu cep patak an ruwe ne.
18 Orowa Shinuma ene itak-hi :— Ete-un koro wa araki yan.
Orowa Sinuma ene itak hi :— Eteun kor wa arki yan.
19 Orowa, Shinuma nei topaha utara mun kata rokte kuni kashpaotte nisa ruwe ne; awa, nei ashikne pantak hemhem nei tu chep hemhem uina hine kando orun hepuni wa yaiiraige ki, orowa, meshpa wa koikara utara otta pantak kore, aige, koikara utara anak utara topaha otta koropare nisa ruwe ne.
Orowa, Sinuma ne topaha utar mun kata rokte kuni kaspaotte nisa ruwe ne; awa, ne asikne pantak hemhem ne tu cep hemhem uyna hine kanto orun hepuni wa yayirayke ki, orowa, mespa wa koykar utar or ta pantak kore, ayke, koykar utar anak utar topaha or ta korpare nisa ruwe ne.
20 Utara obitta ibe wa akironnure ruwe ne: orowa, nei ameshpa pantak ikashima ike anak ne tu saranip ikashima wan saranip pakno umomare nisa ruwe ne na.
Utar opitta ipe wa akironnure ruwe ne: orowa, ne a=mespa pantak ikasma ike anakne tu saranip ikasma wan saranip pakno umomare nisa ruwe ne na.
21 Awa, shiwentep utara newa pon utara moshima e ainu pish ki-i anak ne go sen nin ne ainu ehange ruwe ne.
Awa, siwentep utar newa pon utar mosma e aynu pis ki hi anakne ko sen nin ne aynu ehanke ruwe ne.
Markos 6.35-44 §64I
35 Orowa, tane tokap okere ehange ita orota koikara utara araki wa ene itak-hi :— Tan ushike kimta ne,
Orowa, tane tokap okere ehanke hi ta oro ta koykar utar arki wa ene itak hi :— Tan usike kim ta ne,
36 tokap anak ne aokere; nei utara yaikota gusu nepka aep hok kuni ne okari okai machiya otta hene kotan otta hene payere yan, ari itak.
tokap anakne a=okere; ne utar yaykota kusu nep ka aep hok kuni ne okari okay maciya or ta hene kotan or ta hene payere yan, ari itak.
37 Koroka, Shinuma ese wa ene itak-hi :— Echi utara ibere yan. Orota nei utara ene itak-hi :— Chi paye ash wa wan hot denaria pakno an aep hok wa ibere ya?
Korka, Sinuma ese wa ene itak hi :— Eci utar ipere yan. Oro ta ne utar ene itak hi :— Ci paye as wa wan hot tenaria pakno an aep hok wa ipere ya?
38 Orota Shinuma ene itak-hi :— Pantak hempakbe echi koro? Oman wa ingara, ani itak. Orowa eramʼan chiki, ashiknep okai, samata, tu chep an ruwe ne ari itak.
Oro ta Sinuma ene itak hi :— Pantak henpakpe eci=kor? Oman wa inkar, ani itak. Orowa eraman ciki, asiknep okay, sama ta, tu cep an ruwe ne ari itak.
39 Orowa, Shinuma anak ne okai utara ikiri range ikiri range fukinani mun kata rok kuni kashpaotte nisa ruwe ne.
Orowa, Sinuma anakne okay utar ikiri ranke ikiri ranke hukinani mun kata rok kuni kaspaotte nisa ruwe ne.
40 Awa, ikiri range, ashikne hotne range no an ikiri hene, wan e re hotne an ikiri range hene rok nisa ruwe ne.
Awa, ikiri ranke, asikne hotne ranke no an ikiri hene, wan e re hotne an ikiri ranke hene rok nisa ruwe ne.
41 Orowa, Shinuma nei ashikne pantak newa tu chep uina hine kando orun hepuni ingara wa nunuke ki, orowa, pantak meshpa; aige, nei tu chep obitta no okai utara otta eimek nisa ruwe ne.
Orowa, Sinuma ne asikne pantak newa tu cep uyna hine kanto orun hepuni inkar wa nunuke ki, orowa, pantak mespa; ayke, ne tu cep opittano okay utar or ta eymek nisa ruwe ne.
42 Awa, utara obitta ibe wa kironnu nisa ruwe ne.
Awa, utar opitta ipe wa kironnu nisa ruwe ne.
43 Orowa, ameshpa uibe tu saranip ikashima wan saranip umomare, chep ne yakka shem korachi ne.
Orowa, a=mespa uype tu saranip ikasma wan saranip umomare, cep ne yakka semkoraci ne.
44 Nei pantak ibe utara anak ne go sen nin ne ainu ne ruwe ne.
Ne pantak ipe utar anakne ko sen nin ne aynu ne ruwe ne.
Roukos 9.12-17 §93I
12 Orowa, tokap-to aokere heashi ita anak ne, nei tun ikashima wan koikara utara Shinuma orota araki wa ene itak-hi :— Inne utara aep koro hemhem ki, orota reushi hemhem ki kuni ne kotan otta hene okari an ushike orun hene payere yan, tan ushike nup ne ruwe ne gusu ne na, ari itak.
Orowa, tokap-to a=okere heasi hi ta anakne, ne tun ikasma wan koykar utar Sinuma oro ta arki wa ene itak hi :— Inne utar aep kor hemhem ki, oro ta rewsi hemhem ki kuni ne kotan or ta hene okari an usike orun hene payere yan, tan usike nup ne ruwe ne kusu ne na, ari itak.
13 Koroka, orota Shinuma ene itak-hi :— Nei utara echi ibere yan, ari itak. Nei utara ene ye-hi :— Tan inne utara gusu chi paye wa aep hok shomoki chiki, ashikne pantak newa tu chep kasu no aep sak ruwe ne, ani itak.
Korka, oro ta Sinuma ene itak hi :— Ne utar eci=ipere yan, ari itak. Ne utar ene ye hi :— Tan inne utar kusu ci paye wa aep hok somo ki ciki, asikne pantak newa tu cep kasuno aep sak ruwe ne, ani itak.
14 Okai utara anak ne go sen nin ne ainu ne ruwe ne. Orowa, wan e re hotne niu range shineat no kara wa roktere kuni koikara utara otta Shinuma ye nisa ruwe ne.
Okay utar anakne ko sen nin ne aynu ne ruwe ne. Orowa, wan e re hotne niw ranke sineat no kar wa roktere kuni koykar utar or ta Sinuma ye nisa ruwe ne.
15 Awa, nei utara obitta arektere nisa ruwe ne.
Awa, ne utar opitta arektere nisa ruwe ne.
16 Orowa, Shinuma nei ashikne pantak newa tu chep uina hine kando orun hepuni wa nunuke, aige, meshpa, orowa, inne utara kotchaketa asange kuni ne koikara utara otta kore nisa ruwe ne.
Orowa, Sinuma ne asikne pantak newa tu cep uyna hine kanto orun hepuni wa nunuke, ayke, mespa, orowa, inne utar kotcake ta a=sanke kuni ne koykar utar or ta kore nisa ruwe ne.
17 Orowa, utara obitta ibe we akironnure: awa, nei ameshpa pan ae ikashimap anak ne tu saranip ikashima wan saranip pakno auina nisa ruwe ne.
Orowa, utar opitta ipe we akironnure: awa, ne a=mespa pan ae ikasma p anakne tu saranip ikasma wan saranip pakno awina nisa ruwe ne.
Yoannes 6.5-13 §49I
5 Tambe gusu, Yesu anak ne koro shikihi hepuni wa orota araki poro inne utara nukara koro Piripos otta ene itak-hi :— Tan okai utara ibe kuni aep nei wano chi hok ya? sekoro itak.
Tanpe kusu, Yesu anakne kor sikihi hepuni wa oro ta arki poro inne utar nukar kor Piripos or ta ene itak hi :— Tan okay utar ipe kuni aep ne wano ci hok ya? sekor itak.
6 Koroka, tap itak ye ika anak ne shinuma uwande kuni gusu an ap ne; Shinuma nekon a kara ya yaikota eraman ruwe ne gusu ne na.
Korka, tap itak ye ika anakne sinuma uwante kuni kusu an ap ne; Sinuma nekona kar ya yaykota eraman ruwe ne kusu ne na.
7 Shinuma otta Piripos ene ese-hi :— Nei utara obitta shinen range pon no poka e kuni shine wan hotne denaria pakno okai aep an yakka upak shomo ne ruwe ne, sekoro itak.
Sinuma or ta Piripos ene ese hi :— Ne utar opitta sinen ranke ponno poka e kuni sine wan hotne tenaria pakno okay aep an yakka upak somo ne ruwe ne, sekor itak.
8 Simon Petros koro ainu iriwak Andreas ani aye shine Yesu koikara guru anak ne Shinuma otta ene itak-hi :—
Simon Petros kor aynu irwak Andreas ani a=ye sine Yesu koykar kur anakne Sinuma or ta ene itak hi :—
9 Omungi pantak ashiknep hemhem, tu chep hemhem koro shine heikachi teda an: koroka, tap okai inne utara otta tambe nep okaibe ne ya? ari itak.
omunki pantak asiknep hemhem, tu cep hemhem kor sine hekaci teta an: korka, tap okay inne utar or ta tanpe nep okaype ne ya? ari itak.
10 Utara rokte yan, ani Yesu ye. Nei ushiketa mun poron no okai. Tambe gusu, nei ainu utara rok nisa ruwe ne, pishkihi anak ne go sen nin ne ainu ehange ruwe ne.
Utar rokte yan, ani Yesu ye. Ne uske ta mun poronno okay. Tanpe kusu, ne aynu utar rok nisa ruwe ne, piskihi anakne ko sen nin ne aynu ehanke ruwe ne.
11 Orowa, Yesu anak ne nei pantak uina; awa, yaiiraige ki chiki rok wa okai utara otta eimek nisa ruwe ne; shui, utara kon rusui pakno chep ani shem korachi ki nisa ruwe ne na.
Orowa, Yesu anakne ne pantak uyna; awa, yayirayke ki ciki rok wa okay utar or ta eymek nisa ruwe ne; suy, utar kor rusuy pakno cep ani semkoraci ki nisa ruwe ne na.
12 Orowa, nei utara kironnu aokere chiki koro koikara utara otta Shinuma ene itak-hi:— Nep ne yakka iteki aturainu kuni ne ikashima wa okai ameshpa uibe eumashnu yan, ani itak.
Orowa, ne utar kironnu a=okere ciki kor koykar utar or ta Sinuma ene itak hi:— Nep ne yakka iteki a=turaynu kuni ne ikasma wa okay a=mespa uype ewmasnu yan, ani itak.
13 Tambe gusu, nei utara anak ne ibe utara otta nei ashikne omungi pantak gusu ikashima wa okai ameshpa uibe eumashnu wa tu saranip ikashima wan saranip shikte nisa ruwe ne na.
Tanpe kusu, ne utar anakne ipe utar or ta ne asikne omunki pantak kusu ikasma wa okay a=mespa uype ewmasnu wa tu saranip ikasma wan saranip sikte nisa ruwe ne na.
Mattaios 14.22 §148VI
22 Orowa Shinuma nani inne utara payere okere pakno koro koikara utara chip ore wa kotchaot ekush un omande nisa ruwe ne Orowa,
Orowa Sinuma nani inne utar payere okere pakno kor koykar utar cip ore wa kotcaot e=kus un omante nisa ruwe ne Orowa,
Markos 6.45 §65VI
45 Orowa, nani Shinuma yaikota inne utara payere rapoketa koro koikara utara chip ore wa kotchaot ekush un Betsaida orun paye kuni kashpaotte ruwe ne.
Orowa, nani Sinuma yaykota inne utar payere rapoketa kor koykar utar cip ore wa kotcaot e=kus un Betsayda orun paye kuni kaspaotte ruwe ne.
Mattaios 14.23A §149II
23 inne utara payere okaketa Shinuma inonno-itak ki gusu oyakta an nupuri hemesu: orowa, onuman an koro shinen ne an ruwe ne.
inne utar payere okake ta Sinuma inonno-itak ki kusu oyak ta an nupuri hemesu: orowa, onuman an kor sinen ne an ruwe ne.
Mattaios 14.23B-27 §150IV
23 inne utara payere okaketa Shinuma inonno-itak ki gusu oyakta an nupuri hemesu: orowa, onuman an koro shinen ne an ruwe ne.
inne utar payere okake ta Sinuma inonno-itak ki kusu oyak ta an nupuri hemesu: orowa, onuman an kor sinen ne an ruwe ne.
24 Koroka, chip anak ne tane atui kata an wa riri gusu ramuchuptek; rera wen wa gusu ne na.
Korka, cip anakne tane atuy kata an wa rir kusu ramucuptek; rera wen wa kusu ne na.
25 Orowa anchikara ine ikinne no an pungi pakita anak ne Shinuma atui kata apkash wa nei utara orota ek nisa ruwe ne.
Orowa ancikar ine ikinne no an punki pakita anakne Sinuma atuy kata apkas wa ne utar oro ta ek nisa ruwe ne.
26 Aige, koikara utara anak ne Shinuma atui kata apkash shiri nukara chiki yaikowepekere hine :— Tukap ne, sekoro itak; awa, ishitoma gusu hawe ashte nisa ruwe ne.
Ayke, koykar utar anakne Sinuma atuy kata apkas siri nukar ciki yaykowepekere hine :— Tukap ne, sekor itak; awa, isitoma kusu hawe aste nisa ruwe ne.
27 Koroka, orota Yesu nani itak sange wa ene itak-hi :— Ramu-ritetke yan;
Korka, oro ta Yesu nani itak sanke wa ene itak hi :— Ramu-ritetke yan;
Markos 6.47-50 §67IV
47 Orowa, onuman an koro chip atui noshike an, awa, Shinuma anak shinen ne ya ta an ruwe ne.
Orowa, onuman an kor cip atuy noske an, awa, Sinuma anak sinen ne ya ta an ruwe ne.
48 Aige, rera wen wa gusu nei utara chip o kuni monraige eshingi shiri Shinuma nukara chiki, an ine pungi pakita atui kata apkash wa orota ek ruwe ne; aine, nei utara koakkari kotom an,
Ayke, rera wen wa kusu ne utar cip o kuni monrayke esinki siri Sinuma nukar ciki, an ine punki pakita atuy kata apkas wa oro ta ek ruwe ne; ayne, ne utar koakkari kotom an,
49 awa, nei utara Shinuma atui kata apkash shiri nukara, aige, ainu tukap ne kunak yainu gusu hawe ashte ruwe ne:
awa, ne utar Sinuma atuy kata apkas siri nukar, ayke, aynu tukap ne kunak yaynu kusu hawe aste ruwe ne:
50 nei utara obitta Shinuma nukara wa keutum chiukopoye ruwe ne. Koroka, Shinuma nani otta itak ki, awa, Ramu ritetke yan;
ne utar opitta Sinuma nukar wa kewtum ci=wkopoye ruwe ne. Korka, Sinuma nani or ta itak ki, awa, Ramu ritetke yan;
Yoannes 6.15B-21 §51IV
15 Okai utara anak ne Shinuma shikkashima hine Moshiri esapanere kuni gusu araki kusu ne shiri sekoro Yesu eraman koro, tambe gusu, shui Shinuma yaikota shinen ne nupuri otta ekohopi wa oman nisa ruwe ne na.
Okay utar anakne Sinuma sikkasima hine Mosir esapanere kuni kusu arki kusu ne siri sekor Yesu eraman kor, tanpe kusu, suy Sinuma yaykota sinen ne nupuri or ta ekohopi wa oman nisa ruwe ne na.
16 Orowa, shiri-onuman an chiki koro koikara utara anak ne rep ta sap nisa ruwe ne;
Orowa, siri-onuman an ciki kor koykar utar anakne rep ta sap nisa ruwe ne;
17 aige, chip otta ahup wa Kapernaum kotan otta atui-tomotuye korʼan nisa ruwe ne. Awa, tane shirikunne an, orowa, orota Yesu naa shomo ek na.
ayke, cip or ta ahup wa Kapernaum kotan or ta atuy-tomotuye kor an nisa ruwe ne. Awa, tane sirkunne an, orowa, oro ta Yesu naa somo ek na.
18 Samata, rui rera ash wa an gusu riri poro shiri an ruwe ne.
Sama ta, ruy rera as wa an kusu rir poro siri an ruwe ne.
19 Tambe gusu, nei utara ashikne stadia ikashima hotne stadia hene tu hotne stadia hene pakno chip o wa okai chiki, Yesu atui kata apkash wa chip ehange no ek shiri anukara ruwe ne: awa, nei utara ishitoma nisa ruwe ne.
Tanpe kusu, ne utar asikne statia ikasma hotne statia hene tu hotne statia hene pakno cip o wa okay ciki, Yesu atuy kata apkas wa cip ehanke no ek siri a=nukar ruwe ne: awa, ne utar isitoma nisa ruwe ne.
20 Koroka, nei utara otta Shinuma ene itak-hi :— Kuani ne; iteki ishitoma yan, ari itak.
Korka, ne utar or ta Sinuma ene itak hi :— Kuani ne; iteki isitoma yan, ari itak.
21 Tambe gusu, nei utara anak ne Shinuma chip orun ahun kuni ramuoshma: aige, nani paye kuni kotan ta chip an nisa ruwe ne na.
Tanpe kusu, ne utar anakne Sinuma cip orun ahun kuni ramuosma: ayke, nani paye kuni kotan ta cip an nisa ruwe ne na.
Mattaios 14.28-31 §151X
28 Kuani ne; iteki ishitoma yan, ari itak. Orowa, Petros Shinuma orota ese wa ene itak-hi; — Utarapa, Aokai ne yakun, wakka kashiketa ku apkash wa E orun ku oman kuni ne en kashpaotte wa en kore, ari itak.
Kuani ne; iteki isitoma yan, ari itak. Orowa, Petros Sinuma oro ta ese wa ene itak hi; — Utarpa, Aokay ne yakun, wakka kasike ta ku=apkas wa E orun ku=oman kuni ne en=kaspaotte wa en=kore, ari itak.
29 Orowa, Ek, ani Shinuma ye nisa ruwe ne. Tata otta Petros chip orowa no yan, aige, Yesu otta ek kuni gusu wakka kata apkash nisa ruwe ne.
Orowa, Ek, ani Sinuma ye nisa ruwe ne. Tata or ta Petros cip oro wano yan, ayke, Yesu or ta ek kuni kusu wakka kata apkas nisa ruwe ne.
30 Koroka, rera yupkep nukara chiki ishitoma, awa, wakka tumuge un ren heashi, aige, hawe ashte wa :—
Korka, rera yupke p nukar ciki isitoma, awa, wakka tumuke un ren heasi, ayke, hawe aste wa :—
31 Utarapa, en kaobiuki wa en kore, ari itak. Orowa, Yesu nani tekehe turi hine shinuma kishima wa orota ene itak-hi :— Aa eishokoro-i pon guru, hemanda gusu keutum utumashi ya?
Utarpa, en kaopiwki wa en=kore, ari itak. Orowa, Yesu nani tekehe turi hine sinuma kisma wa oro ta ene itak hi :— Aa eysokor hi pon kur, hemanta kusu kewtum utumasi ya?
Mattaios 14.32-34 §152VI
32 Orowa, chip otta ahup chiki, rera okake an ruwe ne.
Orowa, cip or ta ahup ciki, rera okake an ruwe ne.
33 Awa, chip otta okai utara Shinuma ko-ongami wa :— Son no poka Aokai anak ne Kamui Poho E ne ruwe ne, ari an itak ani ye nisa ruwe ne na.
Awa, cip or ta okay utar Sinuma ko-onkami wa :— Sonno poka Aokay anakne Kamuy Poho E ne ruwe ne, ari an itak ani ye nisa ruwe ne na.
34 Orowa, atui-tomotuye wa ya ta yap chiki Gennesaret kotan ta araki nisa ruwe ne.
Orowa, atuy-tomotuye wa ya ta yap ciki Gennesaret kotan ta arki nisa ruwe ne.
Markos 6.51-53 §68VI
51 Kuani ne; iteki ishitoma yan, ari itak. Orowa, Shinuma nei utara otta chip orun ahun; aige, rera isam; awa, nei utara koro keutum ta shiri enushkari nisa ruwe ne:
Kuani ne; iteki isitoma yan, ari itak. Orowa, Sinuma ne utar or ta cip orun ahun; ayke, rera isam; awa, ne utar kor kewtum ta siri enuskari nisa ruwe ne:
52 inambe gusu ne yakun, nei pantak orushpe erampeutek, koroka, koro sambe anishtere wa an nisa ruwe ne gusu ne na.
inanpe kusu ne yakun, ne pantak oruspe eranpewtek, korka, kor sanpe a=nistere wa an nisa ruwe ne kusu ne na.
53 Orowa, atui-tomotuye wa ya ta shirepa, aine, Gennesaret kotan orun araki wa atui samta chip kote nisa ruwe ne.
Orowa, atuy-tomotuye wa ya ta sirepa, ayne, Gennesaret kotan orun arki wa atuy sam ta cip kote nisa ruwe ne.
Mattaios 14.35-36 §153II
35 Aige, nei kotan un utara Shinuma eamkiri koro anak ne nei kotan okari teshkara wa tashum guru obitta Shinuma orun koro wa araki nisa ruwe ne;
Ayke, ne kotan un utar Sinuma e=amkir kor anakne ne kotan okari teskar wa tasum kur opitta Sinuma orun kor wa arki nisa ruwe ne;
36 awa, Shinuma mipihi paruruge tomooshma kuni koramkoro: aige, nen ne yakka nei ambe tomooshma gurʼanak ne aiwangere nisa ruwe ne na.
awa, Sinuma mipihi parurke tomoosma kuni koramkor: ayke, nen ne yakka ne anpe tomoosma kur anakne aywankere nisa ruwe ne na.
Markos 6.54-56 §69II
54 Orowa, chip yap, aine, nani utara Shinuma eamkiri gusu,
Orowa, cip yap, ayne, nani utar Sinuma e=amkir kusu,
55 obitta nei kotan shikapneka no paye wa atarape kata hotke wa okai tashum ki utara Shinuma an ushike nu wa orota ani wa araki heashi.
opitta ne kotan sikapneka no paye wa a=tarap kata hotke wa okay tasum ki utar Sinuma an usike nu wa oro ta ani wa arki heasi.
56 Orowa, neita ne yakka nep kotan orun hene, machiya orun hene, ushike orun hene, oman yakun, utara anak ne ihok ushiketa tashum ki utara are, orowa, ouse Shinuma koro mipihi chingi patek tomooshma kuni koramkoro: orowa, nen ne yakka nei ambe tomooshma guru anak obitta iwangere nisa ruwe ne na.
Orowa, ney ta ne yakka nep kotan orun hene, maciya orun hene, usike orun hene, oman yakun, utar anakne ihok uske ta tasum ki utar are, orowa, owse Sinuma kor mipihi cinki patek tomoosma kuni koramkor: orowa, nen ne yakka ne anpe tomoosma kur anak opitta iwankere nisa ruwe ne na.
Roukos 5.17 §36II
17 Nei i shine an toho ta Shinuma epakashnu wa an; awa, Gariraya moshirʼun kotan ebitta orowa no hemhem, Yudea moshiri orowa no hemhem, Yerusarem machiya orowa no hemhem araki Parisee un utara newa kashpaotte epakashnu utara Shinuma samaketa rok wa okai: orowa, Shinuma anak ne tashum isamka kuni gusu an Utarapa kiroro Shinuma tura an nisa ruwe ne na.
Ne i sine an toho ta Sinuma epakasnu wa an; awa, Gariraya mosir un kotan epitta oro wano hemhem, Yudea mosir oro wano hemhem, Yerusarem maciya oro wano hemhem arki Parisee un utar newa kaspaotte epakasnu utar Sinuma samake ta rok wa okay: orowa, Sinuma anakne tasum isamka kuni kusu an Utarpa kiroro Sinuma tura an nisa ruwe ne na.