Tap okaketa Yesu anak ne Tiberias atui, Gariraya un atui kushketa oman.
Tap okake ta Yesu anakne Tiberias atuy, Gariraya un atuy kuske ta oman.
μετα ταυτα απηλθεν ο ιησους περαν της θαλασσης της γαλιλαιας της τιβεριαδος
After these things Jesus went away to the other side of the sea of Galilee, which is [the sea ]of Tiberias.
Awa, tashum ki utara kata Shinuma ki shirosh nukan nisa ruwe ne gusu, poro inne utara Shinuma osh paye nisa ruwe ne.
Awa, tasum ki utar kata Sinuma ki siros nukar nisa ruwe ne kusu, poro inne utar Sinuma os paye nisa ruwe ne.
ηκολουθει δε αυτω οχλος πολυς οτι εθεωρουν τα σημεια α εποιει επι των ασθενουντων
And a great multitude followed him, because they beheld the signs which he did on them that were sick.
Aige, Yesu nupuri hemesu, awa, koro koikara utara tura no nei ita a nisa ruwe ne.
Ayke, Yesu nupuri hemesu, awa, kor koykar utar turano ne hi ta a nisa ruwe ne.
ανηλθεν δε εις το ορος ιησους και εκει εκαθητο μετα των μαθητων αυτου
And Jesus went up into the mountain, and there he sat with his disciples.
Tane, Yudea un utara koro marapto, Kamakush marapto, ehange no an.
Tane, Yudea un utar kor marapto, Kamakus marapto, ehanke no an.
ην δε εγγυς το πασχα η εορτη των ιουδαιων
Now the passover, the feast of the Jews, was at hand.
Tambe gusu, Yesu anak ne koro shikihi hepuni wa orota araki poro inne utara nukara koro Piripos otta ene itak-hi :— Tan okai utara ibe kuni aep nei wano chi hok ya? sekoro itak.
Tanpe kusu, Yesu anakne kor sikihi hepuni wa oro ta arki poro inne utar nukar kor Piripos or ta ene itak hi :— Tan okay utar ipe kuni aep ne wano ci hok ya? sekor itak.
επαρας ουν τους οφθαλμους ο ιησους και θεασαμενος οτι πολυς οχλος ερχεται προς αυτον λεγει προς φιλιππον ποθεν αγορασωμεν αρτους ινα φαγωσιν ουτοι
Jesus therefore lifting up his eyes, and seeing that a great multitude cometh unto him, saith unto Philip, Whence are we to buy bread, that these may eat?
Koroka, tap itak ye ika anak ne shinuma uwande kuni gusu an ap ne; Shinuma nekon a kara ya yaikota eraman ruwe ne gusu ne na.
Korka, tap itak ye ika anakne sinuma uwante kuni kusu an ap ne; Sinuma nekona kar ya yaykota eraman ruwe ne kusu ne na.
τουτο δε ελεγεν πειραζων αυτον αυτος γαρ ηδει τι εμελλεν ποιειν
And this he said to prove him: for he himself knew what he would do.
Shinuma otta Piripos ene ese-hi :— Nei utara obitta shinen range pon no poka e kuni shine wan hotne denaria pakno okai aep an yakka upak shomo ne ruwe ne, sekoro itak.
Sinuma or ta Piripos ene ese hi :— Ne utar opitta sinen ranke ponno poka e kuni sine wan hotne tenaria pakno okay aep an yakka upak somo ne ruwe ne, sekor itak.
απεκριθη αυτω [ο] φιλιππος διακοσιων δηναριων αρτοι ουκ αρκουσιν αυτοις ινα εκαστος βραχυ [τι] λαβη
Philip answered him, Two hundred pennyworth of bread is not sufficient for them, that every one may take a little.
Simon Petros koro ainu iriwak Andreas ani aye shine Yesu koikara guru anak ne Shinuma otta ene itak-hi :—
Simon Petros kor aynu irwak Andreas ani a=ye sine Yesu koykar kur anakne Sinuma or ta ene itak hi :—
λεγει αυτω εις εκ των μαθητων αυτου ανδρεας ο αδελφος σιμωνος πετρου
One of his disciples, Andrew, Simon Peter’s brother, saith unto him,
Omungi pantak ashiknep hemhem, tu chep hemhem koro shine heikachi teda an: koroka, tap okai inne utara otta tambe nep okaibe ne ya? ari itak.
omunki pantak asiknep hemhem, tu cep hemhem kor sine hekaci teta an: korka, tap okay inne utar or ta tanpe nep okaype ne ya? ari itak.
εστιν παιδαριον ωδε ος εχει πεντε αρτους κριθινους και δυο οψαρια αλλα ταυτα τι εστιν εις τοσουτους
There is a lad here, which hath five barley loaves, and two fishes: but what are these among so many?
Utara rokte yan, ani Yesu ye. Nei ushiketa mun poron no okai. Tambe gusu, nei ainu utara rok nisa ruwe ne, pishkihi anak ne go sen nin ne ainu ehange ruwe ne.
Utar rokte yan, ani Yesu ye. Ne uske ta mun poronno okay. Tanpe kusu, ne aynu utar rok nisa ruwe ne, piskihi anakne ko sen nin ne aynu ehanke ruwe ne.
ειπεν ο ιησους ποιησατε τους ανθρωπους αναπεσειν ην δε χορτος πολυς εν τω τοπω ανεπεσαν ουν οι ανδρες τον αριθμον ως πεντακισχιλιοι
Jesus said, Make the people sit down. Now there was much grass in the place. So the men sat down, in number about five thousand.
Orowa, Yesu anak ne nei pantak uina; awa, yaiiraige ki chiki rok wa okai utara otta eimek nisa ruwe ne; shui, utara kon rusui pakno chep ani shem korachi ki nisa ruwe ne na.
Orowa, Yesu anakne ne pantak uyna; awa, yayirayke ki ciki rok wa okay utar or ta eymek nisa ruwe ne; suy, utar kor rusuy pakno cep ani semkoraci ki nisa ruwe ne na.
ελαβεν ουν τους αρτους ο ιησους και ευχαριστησας διεδωκεν τοις ανακειμενοις ομοιως και εκ των οψαριων οσον ηθελον
Jesus therefore took the loaves; and having given thanks, he distributed to them that were set down; likewise also of the fishes as much as they would.
Orowa, nei utara kironnu aokere chiki koro koikara utara otta Shinuma ene itak-hi:— Nep ne yakka iteki aturainu kuni ne ikashima wa okai ameshpa uibe eumashnu yan, ani itak.
Orowa, ne utar kironnu a=okere ciki kor koykar utar or ta Sinuma ene itak hi:— Nep ne yakka iteki a=turaynu kuni ne ikasma wa okay a=mespa uype ewmasnu yan, ani itak.
ως δε ενεπλησθησαν λεγει τοις μαθηταις αυτου συναγαγετε τα περισσευσαντα κλασματα ινα μη τι αποληται
And when they were filled, he saith unto his disciples, Gather up the broken pieces which remain over, that nothing be lost.
Tambe gusu, nei utara anak ne ibe utara otta nei ashikne omungi pantak gusu ikashima wa okai ameshpa uibe eumashnu wa tu saranip ikashima wan saranip shikte nisa ruwe ne na.
Tanpe kusu, ne utar anakne ipe utar or ta ne asikne omunki pantak kusu ikasma wa okay a=mespa uype ewmasnu wa tu saranip ikasma wan saranip sikte nisa ruwe ne na.
συνηγαγον ουν και εγεμισαν δωδεκα κοφινους κλασματων εκ των πεντε αρτων των κριθινων α επερισσευσαν τοις βεβρωκοσιν
So they gathered them up, and filled twelve baskets with broken pieces from the five barley loaves, which remained over unto them that had eaten.
Tambe gusu, Shinuma ki shirosh nei utara nukara chiki ene itak-hi :— Tambe anak ne son no newa moshiri otta ek kusu ne uweingara guru ne ruwe ne, ani itak.
Tanpe kusu, Sinuma ki siros ne utar nukar ciki ene itak hi :— Tanpe anakne sonno newa mosir or ta ek kusu ne ueinkar kur ne ruwe ne, ani itak.
οι ουν ανθρωποι ιδοντες α εποιησεν σημεια ο εποιησεν σημειον ελεγον οτι ουτος εστιν αληθως ο προφητης ο ερχομενος εις τον κοσμον
When therefore the people saw the sign which he did, they said, This is of a truth the prophet that cometh into the world.
Okai utara anak ne Shinuma shikkashima hine Moshiri esapanere kuni gusu araki kusu ne shiri sekoro Yesu eraman koro, tambe gusu, shui Shinuma yaikota shinen ne nupuri otta ekohopi wa oman nisa ruwe ne na.
Okay utar anakne Sinuma sikkasima hine Mosir esapanere kuni kusu arki kusu ne siri sekor Yesu eraman kor, tanpe kusu, suy Sinuma yaykota sinen ne nupuri or ta ekohopi wa oman nisa ruwe ne na.
ιησους ουν γνους οτι μελλουσιν ερχεσθαι και αρπαζειν αυτον ινα ποιησωσιν βασιλεα ανεχωρησεν παλιν εις το ορος αυτος μονος
Jesus therefore perceiving that they were about to come and take him by force, to make him king, withdrew again into the mountain himself alone.
Orowa, shiri-onuman an chiki koro koikara utara anak ne rep ta sap nisa ruwe ne;
Orowa, siri-onuman an ciki kor koykar utar anakne rep ta sap nisa ruwe ne;
ως δε οψια εγενετο κατεβησαν οι μαθηται αυτου επι την θαλασσαν
And when evening came, his disciples went down unto the sea;
aige, chip otta ahup wa Kapernaum kotan otta atui-tomotuye korʼan nisa ruwe ne. Awa, tane shirikunne an, orowa, orota Yesu naa shomo ek na.
ayke, cip or ta ahup wa Kapernaum kotan or ta atuy-tomotuye kor an nisa ruwe ne. Awa, tane sirkunne an, orowa, oro ta Yesu naa somo ek na.
και εμβαντες εις πλοιον ηρχοντο περαν της θαλασσης εις καφαρναουμ και σκοτια ηδη εγεγονει και ουπω εληλυθει προς αυτους ο ιησους
and they entered into a boat, and were going over the sea unto Capernaum. And it was now dark, and Jesus had not yet come to them.
Samata, rui rera ash wa an gusu riri poro shiri an ruwe ne.
Sama ta, ruy rera as wa an kusu rir poro siri an ruwe ne.
η τε θαλασσα ανεμου μεγαλου πνεοντος διεγειρετο
And the sea was rising by reason of a great wind that blew.
Tambe gusu, nei utara ashikne stadia ikashima hotne stadia hene tu hotne stadia hene pakno chip o wa okai chiki, Yesu atui kata apkash wa chip ehange no ek shiri anukara ruwe ne: awa, nei utara ishitoma nisa ruwe ne.
Tanpe kusu, ne utar asikne statia ikasma hotne statia hene tu hotne statia hene pakno cip o wa okay ciki, Yesu atuy kata apkas wa cip ehanke no ek siri a=nukar ruwe ne: awa, ne utar isitoma nisa ruwe ne.
εληλακοτες ουν ως σταδιους εικοσι πεντε η τριακοντα θεωρουσιν τον ιησουν περιπατουντα επι της θαλασσης και εγγυς του πλοιου γινομενον και εφοβηθησαν
When therefore they had rowed about five and twenty or thirty furlongs, they behold Jesus walking on the sea, and drawing nigh unto the boat: and they were afraid.
Koroka, nei utara otta Shinuma ene itak-hi :— Kuani ne; iteki ishitoma yan, ari itak.
Korka, ne utar or ta Sinuma ene itak hi :— Kuani ne; iteki isitoma yan, ari itak.
ο δε λεγει αυτοις εγω ειμι μη φοβεισθε
But he saith unto them, It is I; be not afraid.
Tambe gusu, nei utara anak ne Shinuma chip orun ahun kuni ramuoshma: aige, nani paye kuni kotan ta chip an nisa ruwe ne na.
Tanpe kusu, ne utar anakne Sinuma cip orun ahun kuni ramuosma: ayke, nani paye kuni kotan ta cip an nisa ruwe ne na.
ηθελον ουν λαβειν αυτον εις το πλοιον και ευθεως εγενετο το πλοιον επι της γης εις ην υπηγον
They were willing therefore to receive him into the boat: and straightway the boat was at the land whither they were going.
Nei shimge toho ta ikushketa an atui samata roshki wa okai utara anak ne nei ita shine chip moshima chip isam sekoro nukara, samata, Yesu anak ne koro koikara utara tura chip otta ahun shomoki no, koroka, koikara utara yai-tura paye ruwe ne sekoro nukara chiki (yakka,
Ne simke toho ta ikuske ta an atuy sama ta roski wa okay utar anakne ne hi ta sine cip mosma cip isam sekor nukar, sama ta, Yesu anakne kor koykar utar tura cip or ta ahun somo ki no, korka, koykar utar yay-tura paye ruwe ne sekor nukar ciki (yakka,
τη επαυριον ο οχλος ο εστηκως περαν της θαλασσης ειδον οτι πλοιαριον αλλο ουκ ην εκει ει μη εν και οτι ου συνεισηλθεν τοις μαθηταις αυτου ο ιησους εις το πλοιον αλλα μονοι οι μαθηται αυτου απηλθον
On the morrow the multitude which stood on the other side of the sea saw that there was none other boat there, save one, and that Jesus entered not with his disciples into the boat, but [that ]his disciples went away alone
Utarapa yaiiraige ki okaketa aep ibe ushike ehange no Tiberias wano araki chip an):
Utarpa yayirayke ki okake ta aep ipe usike ehanke no Tiberias wano arki cip an):
αλλα αλλα ηλθεν πλοια πλοιαρια εκ τιβεριαδος εγγυς του τοπου οπου εφαγον τον αρτον ευχαριστησαντος του κυριου
(howbeit there came boats from Tiberias nigh unto the place where they ate the bread after the Lord had given thanks):
tambe gusu, Yesu newa koro koikara utara anak ne nei ushiketa isam sekoro inne utara nukara chiki, yaikota chip otta ahup wa Yesu hunara gusu Kapernaum kotan ta araki nisa ruwe ne na.
tanpe kusu, Yesu newa kor koykar utar anakne ne uske ta isam sekor inne utar nukar ciki, yaykota cip or ta ahup wa Yesu hunara kusu Kapernaum kotan ta arki nisa ruwe ne na.
οτε ουν ειδεν ο οχλος οτι ιησους ουκ εστιν εκει ουδε οι μαθηται αυτου ενεβησαν αυτοι εις τα πλοιαρια και ηλθον εις καφαρναουμ ζητουντες τον ιησουν
when the multitude therefore saw that Jesus was not there, neither his disciples, they themselves got into the boats, and came to Capernaum, seeking Jesus.
Orowa, atui ikushketa Shinuma an shiri nei utara nukara chiki, orota ene itak-hi :— Rabbi hembara ta teda E ek ruwe?
Orowa, atuy ikuske ta Sinuma an siri ne utar nukar ciki, oro ta ene itak hi :— Rabbi henpara ta teta E ek ruwe?
και ευροντες αυτον περαν της θαλασσης ειπον αυτω ραββι ποτε ωδε γεγονας
And when they found him on the other side of the sea, they said unto him, Rabbi, when camest thou hither?
Orota Yesu ese wa ene itak-hi :— Son no son no echi otta Ku ye, shirosh echi nukara gusu shomo En hunara, nei aep echi ibe wa akironnure nisa ruwe ne gusu En hunara ruwe ne.
Oro ta Yesu ese wa ene itak hi :— Sonno sonno eci or ta Ku=ye, siros eci=nukar kusu somo En=hunara, ne aep eci=ipe wa akironnure nisa ruwe ne kusu En=hunara ruwe ne.
απεκριθη αυτοις ο ιησους και ειπεν αμην αμην λεγω υμιν ζητειτε με ουχ οτι ειδετε σημεια αλλ οτι εφαγετε εκ των αρτων και εχορτασθητε
Jesus answered them and said, Verily, verily, I say unto you, Ye seek me, not because ye saw signs, but because ye ate of the loaves, and were filled.
Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.
A=ysamka kusu ne aep kusu iteki monrayke yan, Aynu Poho eci=korpare kusu ne ramma okere somo ki inotu ari an aep eci=kor kusu ki yan: Mici Kamuy anakne Sinuma or ta han kotukka nisa ruwe ne kusu ne na.
εργαζεσθε μη την βρωσιν την απολλυμενην αλλα την βρωσιν την μενουσαν εις ζωην αιωνιον ην ο υιος του ανθρωπου υμιν δωσει τουτον γαρ ο πατηρ εσφραγισεν ο θεος
Work not for the meat which perisheth, but for the meat which abideth unto eternal life, which the Son of man shall give unto you: for him the Father, [even ]God, hath sealed.
Tambe gusu, Shinuma otta nei utara ene itak-hi :— Kamui ikip chi kara ash kuni gusu nekon a iki yak pirika ya?
Tanpe kusu, Sinuma or ta ne utar ene itak hi :— Kamuy iki p ci kar as kuni kusu nekona iki yak pirka ya?
ειπον ουν προς αυτον τι ποιωμεν ινα εργαζωμεθα τα εργα του θεου
They said therefore unto him, What must we do, that we may work the works of God?
Orota Yesu ese wa ene itak-hi :— Kamui aomande guru echi eishokoro kuni ambe anak ne, tambe anak Kamui ikip ne ruwe ne.
Oro ta Yesu ese wa ene itak hi :— Kamuy a=omante kur eci=eysokor kuni anpe anakne, tanpe anak Kamuy iki p ne ruwe ne.
απεκριθη ο [ο] ιησους και ειπεν αυτοις τουτο εστιν το εργον του θεου ινα πιστευητε εις ον απεστειλεν εκεινος
Jesus answered and said unto them, This is the work of God, that ye believe on him whom he hath sent.
Tambe gusu, Shinuma otta nei utara ene itak-hi :— Chi utara nukara wa eishokoro kuni gusu nekon a shirosh E ki ya?
Tanpe kusu, Sinuma or ta ne utar ene itak hi :— Ci utar nukar wa eysokor kuni kusu nekona siros E ki ya?
ειπον ουν αυτω τι ουν ποιεις συ σημειον ινα ιδωμεν και πιστευσωμεν σοι τι εργαζη
They said therefore unto him, What then doest thou for a sign, that we may see, and believe thee? what workest thou?
Nepi E kara ya? Shinuma anak ne kando orowa no nei utara otta aep koropare nisa ruwe ne sekorʼan itak chieshinnuye wa an korachi, chikoro ekashi utara nup otta Manna ibe nisa ruwe ne na, ari itak.
Nep E kar ya? Sinuma anakne kanto oro wano ne utar or ta aep korpare nisa ruwe ne sekor an itak ciesinnuye wa an koraci, ci=kor ekasi utar nup or ta Manna ipe nisa ruwe ne na, ari itak.
οι πατερες ημων το μαννα εφαγον εν τη ερημω καθως εστιν γεγραμμενον αρτον εκ του ουρανου εδωκεν αυτοις φαγειν
Our fathers ate the manna in the wilderness; as it is written, He gave them bread out of heaven to eat.
Tambe gusu, nei utara otta Yesu ene itakhi :— Son no son no echi otta Ku ye, kando orowa no nei aep echi kore guru anak ne Mose shomo ne; koroka, Ku Michi anak ne Kando orowa no son no aep echi kore ruwe ne.
Tanpe kusu, ne utar or ta Yesu ene itak hi :— Sonno sonno eci or ta Ku=ye, kanto oro wano ne aep eci=kore kur anakne Mose somo ne; korka, Ku Mici anakne Kanto oro wano sonno aep eci=kore ruwe ne.
ειπεν ουν αυτοις ο ιησους αμην αμην λεγω υμιν ου μωυσης εδωκεν δεδωκεν υμιν τον αρτον εκ του ουρανου αλλ ο πατηρ μου διδωσιν υμιν τον αρτον εκ του ουρανου τον αληθινον
Jesus therefore said unto them, Verily, verily, I say unto you, It was not Moses that gave you the bread out of heaven; but my Father giveth you the true bread out of heaven.
Inambe gusu ne yakun, Kamui aep anak ne Kando wano ran wa moshiri otta inotu kore ambe ne ruwe ne gusu ne na, sekoro itak.
Inanpe kusu ne yakun, Kamuy aep anakne Kanto wano ran wa mosir or ta inotu kore anpe ne ruwe ne kusu ne na, sekor itak.
ο γαρ αρτος του θεου εστιν ο καταβαινων εκ του ουρανου και ζωην διδους τω κοσμω
For the bread of God is that which cometh down out of heaven, and giveth life unto the world.
Tambe gusu, Shinuma otta nei utara ene itak-hi :— Utarapa, ramma nei aep un kore wa un kore, ari itak.
Tanpe kusu, Sinuma or ta ne utar ene itak hi :— Utarpa, ramma ne aep un kore wa un kore, ari itak.
ειπον ουν προς αυτον κυριε παντοτε δος ημιν τον αρτον τουτον
They said therefore unto him, Lord, evermore give us this bread.
Nei utara otta Yesu ene itak-hi :— Kuani anak ne inotu oma aep Ku ne ruwe ne: En orun ek gurʼanak ne sambe-chinoiba shomoki, En eishokoro guru
Ne utar or ta Yesu ene itak hi :— Kuani anakne inotu oma aep Ku ne ruwe ne: En=orun ek kur anakne sanpe-cinoypa somo ki, En=eysokor kur
ειπεν αυτοις ο ιησους εγω ειμι ο αρτος της ζωης ο ερχομενος προς εμε ου μη πειναση και ο πιστευων εις εμε ου μη διψησει πωποτε
Jesus said unto them, I am the bread of life: he that cometh to me shall not hunger, and he that believeth on me shall never thirst.
anak ne ramma iku rusui shomoki kusu ne. Koroka, echi utara En nukan nisa, yakka eishokoro shomoki, sekoro Ku ye nisa ruwe ne na.
anakne ramma iku rusuy somo ki kusu ne. Korka, eci utar En=nukar nisa, yakka eysokor somo ki, sekor Ku=ye nisa ruwe ne na.
αλλ ειπον υμιν οτι και εωρακατε [με] και ου πιστευετε
But I said unto you, that ye have seen me, and yet believe not.
Nep ne yakka Michi En korep anak ne obitta En otta araki kusu ne ruwe ne; orowa, En orun ek guru anak ne oara Ku emaka shomoki kusu ne.
Nep ne yakka Mici En=kore p anakne opitta En or ta arki kusu ne ruwe ne; orowa, En=orun ek kur anakne oar Ku=emaka somo ki kusu ne.
παν ο διδωσιν μοι ο πατηρ προς εμε ηξει και τον ερχομενον προς με εμε ου μη εκβαλω εξω
All that which the Father giveth me shall come unto me; and him that cometh to me I will in no wise cast out.
Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na.
Kuani anakne yaykota kor irenka Ku=ki kusu kanto wano Ku=ran somo ki, En omantep kor irenka ki kuni kusu Ku=ek nisa ruwe ne kusu ne na.
οτι καταβεβηκα απο του ουρανου ουχ ινα ποιω το θελημα το εμον αλλα το θελημα του πεμψαντος με
For I am come down from heaven, not to do mine own will, but the will of him that sent me.
Orowa, En omandep koro irenga anak ne tapne ne ruwe ne; nep ne yakka Shinuma En koroparep otta shinep ka aturainu shomoki no, okese an toho ta nei ambe Ku hetopo-shiknure kuni ambe ne ruwe ne.
Orowa, En omantep kor irenka anakne tapne ne ruwe ne; nep ne yakka Sinuma En koroparep or ta sinep ka a=turaynu somo ki no, okes an toho ta ne anpe Ku=hetopo-siknure kuni anpe ne ruwe ne.
τουτο δε εστιν το θελημα του πεμψαντος με ινα παν ο δεδωκεν μοι μη απολεσω εξ αυτου αλλα αναστησω αυτο [εν] τη εσχατη ημερα
And this is the will of him that sent me, that of all that which he hath given me I should lose nothing, but should raise it up at the last day.
Inambe gusu ne yakun, Ku Michi irenga anak ne tapne ne; nen ne yakka Poho nukara wa eishokoro guru anak ne ramma okere shomoki inotu koro kunip ne; orowa, okese an toho ta Kuani anak ne shinuma hetopo Ku shiknure kusu ne na.
Inanpe kusu ne yakun, Ku Mici irenka anakne tapne ne; nen ne yakka Poho nukar wa eysokor kur anakne ramma okere somo ki inotu kor kunip ne; orowa, okes an toho ta Kuani anakne sinuma hetopo Ku=siknure kusu ne na.
τουτο γαρ εστιν το θελημα του πατρος μου ινα πας ο θεωρων τον υιον και πιστευων εις αυτον εχη ζωην αιωνιον και αναστησω αυτον εγω [εν] τη εσχατη ημερα
For this is the will of my Father, that every one that beholdeth the Son, and believeth on him, should have eternal life; and I will raise him up at the last day.
Tambe gusu, Yudea un utara anak ne Yesu gusu oromam ruwe ne, Kuani anak ne kando orowa no ran aep Ku ne ruwe ne, ari an itak ani Shinuma ye nisa ruwe ne gusu ne na.
Tanpe kusu, Yudea un utar anakne Yesu kusu oromam ruwe ne, Kuani anakne kanto oro wano ran aep Ku ne ruwe ne, ari an itak ani Sinuma ye nisa ruwe ne kusu ne na.
εγογγυζον ουν οι ιουδαιοι περι αυτου οτι ειπεν εγω ειμι ο αρτος ο καταβας εκ του ουρανου
The Jews therefore murmured concerning him, because he said, I am the bread which came down out of heaven.
Awa, ene itak-hi :— Tan guru anak ne koro ona koro unu chi eamkiri Yosep koro poho Yesu shomo ne ya? Hemanda gusu, Kuani anak ne kando orowa no Ku ran ruwe ne ani tane Shinuma itak ya? sekoro nei utara itak nisa ruwe ne.
Awa, ene itak hi :— Tan kur anakne kor ona kor unu ci e=amkir Yosep kor poho Yesu somo ne ya? Hemanta kusu, Kuani anakne kanto oro wano Ku=ran ruwe ne ani tane Sinuma itak ya? sekor ne utar itak nisa ruwe ne.
και ελεγον ουχι ουχ ουτος εστιν ιησους ο υιος ιωσηφ ου ημεις οιδαμεν τον πατερα και την μητερα πως νυν λεγει οτι εκ του ουρανου καταβεβηκα
And they said, Is not this Jesus, the son of Joseph, whose father and mother we know? how doth he now say, I am come down out of heaven?
Orota Yesu ese wa ene itak-hi :— Iteki uwe-oromam yan.
Oro ta Yesu ese wa ene itak hi :— Iteki ue-oromam yan.
απεκριθη ιησους και ειπεν αυτοις μη γογγυζετε μετ αλληλων
Jesus answered and said unto them, Murmur not among yourselves.
En omande Michi anak ne ainu nimba shomoki chiki nen ye yakka En otta ek eaikap ruwe ne: orowa, okese an toho ta shinuma hetopo Ku shiknure kusu ne.
En=omante Mici anakne aynu ninpa somo ki ciki nen ye yakka En or ta ek eaykap ruwe ne: orowa, okes an toho ta sinuma hetopo Ku=siknure kusu ne.
ουδεις δυναται ελθειν προς με εαν μη ο πατηρ ο πεμψας με ελκυση αυτον καγω αναστησω αυτον εν τη εσχατη ημερα
No man can come to me, except the Father which sent me draw him: and I will raise him up in the last day.
Obitta no okai nei utara anak ne Kamui orowa no aepakashnu an kusu ne, sekorʼan orushpe uweingara kambi kata anuye wa an ruwe ne. Nen ne yakka Michi otta nu wa eyaihannokkara guru anak ne pishno En orun ek ruwe ne.
Opittano okay ne utar anakne Kamuy oro wano a=epakasnu an kusu ne, sekor an oruspe ueinkar kampi kata a=nuye wa an ruwe ne. Nen ne yakka Mici or ta nu wa eyayhannokkara kur anakne pisno En=orun ek ruwe ne.
εστιν γεγραμμενον εν τοις προφηταις και εσονται παντες διδακτοι θεου πας ο ακουσας παρα του πατρος και μαθων ερχεται προς εμε
It is written in the prophets, And they shall all be taught of God. Every one that hath heard from the Father, and hath learned, cometh unto me.
Kamui orowa no ek guru moshima nen ne yakka Michi nukan nisa guru isam, Shinuma anak ne Michi nukan nisa ruwe ne.
Kamuy oro wano ek kur mosma nen ne yakka Mici nukar nisa kur isam, Sinuma anakne Mici nukar nisa ruwe ne.
ουχ οτι τον πατερα εωρακεν τις ει μη ο ων παρα [του] του θεου ουτος εωρακεν τον πατερα
Not that any man hath seen the Father, save he which is from God, he hath seen the Father.
Son no son no echi otta Ku ye :— Eishokoro gurʼanak ne ramma okere shomoki inotu koro shiri an na.
Sonno sonno eci or ta Ku=ye :— Eysokor kur anakne ramma okere somo ki inotu kor siri an na.
αμην αμην λεγω υμιν ο πιστευων εχει ζωην αιωνιον
Verily, verily, I say unto you, He that believeth hath eternal life.
Kuani anak ne inotu oma aep Ku ne ruwe ne.
Kuani anakne inotu oma aep Ku ne ruwe ne.
εγω ειμι ο αρτος της ζωης
I am the bread of life.
Echi koro ekashi utara anak ne nup otta manna ibe orowa no rai wa isam ruwe ne.
Eci=kor ekasi utar anakne nup or ta manna ipe oro wano ray wa isam ruwe ne.
οι πατερες υμων εφαγον εν τη ερημω το μαννα και απεθανον
Your fathers did eat the manna in the wilderness, and they died.
Tan aep anak ne ainu ibe wa shomo rai kuni kando orowa no ran aep ne ruwe ne.
Tan aep anakne aynu ipe wa somo ray kuni kanto oro wano ran aep ne ruwe ne.
ουτος εστιν ο αρτος ο εκ του ουρανου καταβαινων ινα τις εξ αυτου φαγη και μη αποθανη
This is the bread which cometh down out of heaven, that a man may eat thereof, and not die.
Kando orowa no ran ishu aep Ku ne ruwe ne: tan aep ibe guru an chiki ramma pakno ishu kusu ne: ruwe un, moshiri inotu gusu Ku kore aep anak ne Ku kam ne ruwe ne na.
Kanto oro wano ran i=su aep Ku ne ruwe ne: tan aep ipe kur an ciki ramma pakno i=su kusu ne: ruwe un, mosir inotu kusu Ku=kore aep anakne Ku=kam ne ruwe ne na.
εγω ειμι ο αρτος ο ζων ο εκ του ουρανου καταβας εαν τις φαγη εκ τουτου του αρτου ζησει εις τον αιωνα και ο αρτος δε ον εγω δωσω η σαρξ μου εστιν υπερ της του κοσμου ζωης
I am the living bread which came down out of heaven: if any man eat of this bread, he shall live for ever: yea and the bread which I will give is my flesh, for the life of the world.
Tambe gusu, Yudea un utara anak ne utashpa etushmak wa ene itak-hi :— Hemanda iki wa tan guru anak ne koro kam ani un ere eashkai ya?
Tanpe kusu, Yudea un utar anakne utaspa etusmak wa ene itak hi :— Hemanta iki wa tan kur anakne kor kam ani un ere easkay ya?
εμαχοντο ουν προς αλληλους οι ιουδαιοι λεγοντες πως δυναται ουτος ημιν δουναι την σαρκα [αυτου] φαγειν
The Jews therefore strove one with another, saying, How can this man give us his flesh to eat?
Tambe gusu, nei utara otta Yesu ene itak-hi :— Son no son no echi otta Ku ye, Echi utara anak ne Ainu Poho koro kam echi e, samata Shinuma koro kem echi iku shomoki chiki anak ne echi yaikota oshiketa inotu koro shomoki ruwe ne.
Tanpe kusu, ne utar or ta Yesu ene itak hi :— Sonno sonno eci or ta Ku=ye, Eci utar anakne Aynu Poho kor kam eci=e, sama ta Sinuma kor kem eci=iku somo ki ciki anakne eci=yaykota oske ta inotu kor somo ki ruwe ne.
ειπεν ουν αυτοις [ο] ο ιησους αμην αμην λεγω υμιν εαν μη φαγητε την σαρκα του υιου του ανθρωπου και πιητε αυτου το αιμα ουκ εχετε ζωην εν εαυτοις
Jesus therefore said unto them, Verily, verily, I say unto you, Except ye eat the flesh of the Son of man and drink his blood, ye have not life in yourselves.
Ku kam e, Ku kem iku gurʼanak ne ramma okere shomoki inotu koro; orowa, okese an toho ta Kuani shinuma hetopo Ku shiknure kusu ne na.
Ku=kam e, Ku=kem iku kur anakne ramma okere somo ki inotu kor; orowa, okes an toho ta Kuani sinuma hetopo Ku=siknure kusu ne na.
ο τρωγων μου την σαρκα και πινων μου το αιμα εχει ζωην αιωνιον καγω αναστησω αυτον τη εσχατη ημερα
He that eateth my flesh and drinketh my blood hath eternal life; and I will raise him up at the last day.
Inambe gusu ne yakun, Ku kam anak ne son no aep ne, Ku kem anak son no iku ambe ne ruwe ne.
Inanpe kusu ne yakun, Ku=kam anakne sonno aep ne, Ku=kem anak sonno iku anpe ne ruwe ne.
η γαρ σαρξ μου αληθης εστιν βρωσις και το αιμα μου αληθης εστιν ποσις
For my flesh is meat indeed, and my blood is drink indeed.
Ku kam ibe Ku kem iku gurʼanak ne En oshiketa oshiroma, Kuani ka shinuma oshiketa Ku oshiroma ruwe ne.
Ku=kam ipe Ku=kem iku kur anakne En=oske ta osiroma, Kuani ka sinuma oske ta Ku=osiroma ruwe ne.
ο τρωγων μου την σαρκα και πινων μου το αιμα εν εμοι μενει καγω εν αυτω
He that eateth my flesh and drinketh my blood abideth in me, and I in him.
Ishu Michi anak ne En omande, orowa, Michi an gusu Ku ishu wa an korachi; tap korachi En ibe guru anak ne Kuani an gusu ka ishu kusu ne na.
I=su Mici anakne En=omante, orowa, Mici an kusu Ku=i=su wa an koraci; tap koraci En=ipe kur anakne Kuani an kusu ka i=su kusu ne na.
καθως απεστειλεν με ο ζων πατηρ καγω ζω δια τον πατερα και ο τρωγων με κακεινος ζησει δι εμε
As the living Father sent me, and I live because of the Father; so he that eateth me, he also shall live because of me.
Tambe anak ne kando orowa no ran aep ne; ekashi utara ibe wa rai wa isam nei no an ambe shomo ne: tan aep ibe gurʼanak ne ramma pakno ishu kusu ne na.
Tanpe anakne kanto oro wano ran aep ne; ekasi utar ipe wa ray wa isam néno an anpe somo ne: tan aep ipe kur anakne ramma pakno i=su kusu ne na.
ουτος εστιν ο αρτος ο εξ ουρανου καταβας ου καθως εφαγον οι πατερες και απεθανον ο τρωγων τουτον τον αρτον ζησει εις τον αιωνα
This is the bread which came down out of heaven: not as the fathers did eat, and died: he that eateth this bread shall live for ever.
Shinuma anak ne Kapernaum kotan ta epakashnu wa an ita tap orushpe shine uwekarapa chisei otta an wa ye nisa ruwe ne.
Sinuma anakne Kapernaum kotan ta epakasnu wa an hi ta tap oruspe sine uekarpa cise or ta an wa ye nisa ruwe ne.
ταυτα ειπεν εν συναγωγη διδασκων εν καφαρναουμ
These things said he in the synagogue, as he taught in Capernaum.
Tambe gusu, koro koikara utara un inne utara nei orushpe nu chiki ene itak-hi :— Tambe anak ne hokamba itak ne; nu eashkai guru nen ne ruwe he an? ari itak.
Tanpe kusu, kor koykar utar un inne utar ne oruspe nu ciki ene itak hi :— Tanpe anakne hokanpa itak ne; nu easkay kur nen ne ruwe he an? ari itak.
πολλοι ουν ακουσαντες εκ των μαθητων αυτου ειπαν σκληρος εστιν ο λογος ουτος τις δυναται αυτου ακουειν
Many therefore of his disciples, when they heard [this], said, This is a hard saying; who can hear it?
Koroka, tap itak gusu koro koikara utara oroman shiri Yesu yaikota keutum ta eramʼan wa orota ene itak-hi :— Tambe anak echi epetchiure ya?
Korka, tap itak kusu kor koykar utar oroman siri Yesu yaykota kewtum ta eraman wa oro ta ene itak hi :— Tanpe anak eci epetciwre ya?
ειδως δε ο ιησους εν εαυτω οτι γογγυζουσιν περι τουτου οι μαθηται αυτου ειπεν αυτοις τουτο υμας σκανδαλιζει
But Jesus knowing in himself that his disciples murmured at this, said unto them, Doth this cause you to stumble?
yak anak ne etokota oshiroma ushike orun Ainu Poho rikin katu echi nukara chiki nekon a iki ya?
yakanak ne etoko ta osiroma usike orun Aynu Poho rikin katu eci=nukar ciki nekona iki ya?
εαν ουν θεωρητε τον υιον του ανθρωπου αναβαινοντα οπου ην το προτερον
[What ]then if ye should behold the Son of man ascending where he was before?
Shiknurep anak ne ramat ne ruwe ne; kam anak raka sakbe ne: echi otta Ku ye itak anak ne ramat ne, inotu ne ruwe ne.
siknurep anakne ramat ne ruwe ne; kam anak raka sak pe ne: eci or ta Ku=ye itak anakne ramat ne, inotu ne ruwe ne.
το πνευμα εστιν το ζωοποιουν η σαρξ ουκ ωφελει ουδεν τα ρηματα α εγω λελαληκα υμιν πνευμα εστιν και ζωη εστιν
It is the spirit that quickeneth; the flesh profiteth nothing: the words that I have spoken unto you are spirit, and are life.
Koroka, eishokoro shomoki utara echi tumugeta okai, ani itak. Yesu anak ne atpake wano shomo eishokoro utara hemhem, Shinuma ekoshi kusu ne guru hemhem, eraman nisa ruwe ne gusu ne na.
Korka, eysokor somo ki utar eci=tumke ta okay, ani itak. Yesu anakne atpake wano somo eysokor utar hemhem, Sinuma ekosi kusu ne kur hemhem, eraman nisa ruwe ne kusu ne na.
αλλα αλλ εισιν εξ υμων τινες οι ου πιστευουσιν ηδει γαρ εξ αρχης ο ιησους τινες εισιν οι μη πιστευοντες και τις εστιν ο παραδωσων αυτον
But there are some of you that believe not. For Jesus knew from the beginning who they were that believed not, and who it was that should betray him.
Orowa, Shinuma ene itakhi :— Tan ikkewehe an gusu, Michi orowa no akore shomoki yakun nen ne yakka En orun ek eaikap ruwe ne, ari an itak ani echi otta Ku ye nisa ruwe ne.
Orowa, Sinuma ene itak hi :— Tan ikkewehe an kusu, Mici oro wano a=kore somo ki yakun nen ne yakka En=orun ek eaykap ruwe ne, ari an itak ani eci or ta Ku=ye nisa ruwe ne.
και ελεγεν δια τουτο ειρηκα υμιν οτι ουδεις δυναται ελθειν προς με εαν μη η δεδομενον αυτω εκ του πατρος
And he said, For this cause have I said unto you, that no man can come unto me, except it be given unto him of the Father.
Te wano koro koikara utara un inne utara anak ne oyake un paye wa naa Shinuma tura shomoki nisa ruwe ne.
Te wano kor koykar utar un inne utar anakne oyake un paye wa naa Sinuma tura somo ki nisa ruwe ne.
εκ τουτου πολλοι εκ [εκ] των μαθητων αυτου απηλθον εις τα οπισω και ουκετι μετ αυτου περιεπατουν
Upon this many of his disciples went back, and walked no more with him.
Awa, tambe gusu, nei tun ikashima wa niu otta Yesu ene itak-hi :— Echi utara ne yakka paye kuni echi ramu ya? ari itak.
Awa, tanpe kusu, ne tun ikasma wa niw or ta Yesu ene itak hi :— Eci utar ne yakka paye kuni eci=ramu ya? ari itak.
ειπεν ουν ο ιησους τοις δωδεκα μη και υμεις θελετε υπαγειν
Jesus said therefore unto the twelve, Would ye also go away?
Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.
Or ta Simon Petros ene ese hi :— Utarpa, inan kur or ta paye as kusu ne ya? Aokay anakne ramma okere somo ki inotu oma itak E=kor ruwe ne.
απεκριθη αυτω σιμων πετρος κυριε προς τινα απελευσομεθα ρηματα ζωης αιωνιου εχεις
Simon Peter answered him, Lord, to whom shall we go? thou hast the words of eternal life.
Samata, Aokai anak ne Kamui koro Ashkannep E ne ruwe ne, sekoro chi eishokoro wa chi eraman nisa ruwe ne na, ani itak.
Sama ta, Aokay anakne Kamuy kor Askannep E ne ruwe ne, sekor ci eysokor wa ci eraman nisa ruwe ne na, ani itak.
και ημεις πεπιστευκαμεν και εγνωκαμεν οτι συ ει ο αγιος του θεου
And we have believed and know that thou art the Holy One of God.
Nei utara otta Yesu ene ese-hi :— Echi tun ikashima wa niu Ku numge shomoki ya? orowa, echi shinen anak ne nitne kamui shomo ne ruwe he an? ani itak.
Ne utar or ta Yesu ene ese hi :— Eci=tun ikasma wa niw Ku=numke somo ki ya? orowa, eci=sinen anakne nitne kamuy somo ne ruwe he an? ani itak.
απεκριθη αυτοις ο ιησους ουκ εγω υμας τους δωδεκα εξελεξαμην και εξ υμων εις διαβολος εστιν
Jesus answered them, Did not I choose you the twelve, and one of you is a devil?
Kariot kotan un Simon koro poho Youdas epeka no Shinuma ye nisa ruwe ne; nei guru anak ne nei tun ikashima wa niu un shinen ne, awa, shinuma anak Yesu ekoshi kusu ne guru ne ruwe ne gusu ne na.
Kariot kotan un Simon kor poho Yowdas epeka no Sinuma ye nisa ruwe ne; ne kur anakne ne tun ikasma wa niw un sinen ne, awa, sinuma anak Yesu ekosi kusu ne kur ne ruwe ne kusu ne na.
ελεγεν δε τον ιουδαν σιμωνος ισκαριωτου ουτος γαρ εμελλεν παραδιδοναι αυτον εις εκ των δωδεκα
Now he spake of Judas [the son ]of Simon Iscariot, for he it was that should betray him, [being ]one of the twelve.