Orowa, Kamui kora kenru iyotta pase esapane guru ene itak-hi :— Tap okaibe tapne ne ruwe he an?
Orowa, Kamuy kor kenru iyotta pase esapane kur ene itak hi :— Tap okaype tapne ne ruwe he an?
ειπεν δε ο αρχιερευς ει ταυτα ουτως εχει
大祭司が、「訴えのとおりか」と尋ねた。
Aige, orota shinuma ene itak-hi :— Iriwak utara newa ekashi utara inu yan. Haran kotan ta oshiroma etokota, Mesopotamia moshiri ta an ita, arakuru koro Kamui anak ne chikoro ekashi
Ayke, oro ta sinuma ene itak hi :— Irwak utar newa ekasi utar inu yan. Haran kotan ta osiroma etoko ta, Mesopotamia mosir ta an hi ta, a=rakur kor Kamuy anakne ci=kor ekasi
ο δε εφη ανδρες αδελφοι και πατερες ακουσατε ο θεος της δοξης ωφθη τω πατρι ημων αβρααμ οντι εν τη μεσοποταμια πριν η κατοικησαι αυτον εν χαρραν
そこで、ステファノは言った。「兄弟であり父である皆さん、聞いてください。わたしたちの父アブラハムがメソポタミアにいて、まだハランに住んでいなかったとき、栄光の神が現れ、
Abraham orota yainukare hine, orota ene itak-hi :— E koro moshiri wano, e koro utarihi wano oman wa, Kuani e nukare ash kotan orun arapa yan, ari itak.
Abraham oro ta yaynukare hine, oro ta ene itak hi :— E=kor mosir wano, e=kor utarihi wano oman wa, Kuani e nukare as kotan orun arpa yan, ari itak.
και ειπεν προς αυτον εξελθε εκ της γης σου και [εκ] της συγγενειας σου και δευρο εις την γην ην αν σοι δειξω
『あなたの土地と親族を離れ、わたしが示す土地に行け』と言われました。
Nei ita shinuma Karudea un utara koro moshiri wano arapa wa Haran kotan ta oshiroma: orowa, koro michi rai wa isam okake, nei kotan wano otta tane echi oshiroma moshiri ta atupte nisa ruwe ne:
Ne hi ta sinuma Karudea un utar kor mosir wano arpa wa Haran kotan ta osiroma: orowa, kor mici ray wa isam okake, ne kotan wano or ta tane eci=osiroma mosir ta a=tupte nisa ruwe ne:
τοτε εξελθων εκ γης χαλδαιων κατωκησεν εν χαρραν κακειθεν μετα το αποθανειν τον πατερα αυτου μετωκισεν αυτον εις την γην ταυτην εις ην υμεις νυν κατοικειτε
それで、アブラハムはカルデア人の土地を出て、ハランに住みました。神はアブラハムを、彼の父が死んだ後、ハランから今あなたがたの住んでいる土地にお移しになりましたが、
orowa, tan moshiri ta eikeshkorobe shomo akore, ruwe un, kashiketa kema ande kuni i pakno shomo akore nisa ruwe ne: orowa, naa shomo shinuma po an etokota, shinuma newa koro santek tan moshiri aeikeshkore kuni sekoro eitakamkire nisa ruwe ne.
orowa, tan mosir ta eykeskorope somo a=kore, ruwe un, kasike ta kema ante kuni i pakno somo a=kore nisa ruwe ne: orowa, naa somo sinuma po an etoko ta, sinuma newa kor santek tan mosir aeykeskore kuni sekor eytakamkire nisa ruwe ne.
και ουκ εδωκεν αυτω κληρονομιαν εν αυτη ουδε βημα ποδος και επηγγειλατο δουναι αυτω εις κατασχεσιν αυτην και τω σπερματι αυτου μετ αυτον ουκ οντος αυτω τεκνου
そこでは財産を何もお与えになりませんでした、一歩の幅の土地さえも。しかし、そのとき、まだ子供のいなかったアブラハムに対して、『いつかその土地を所有地として与え、死後には子孫たちに相続させる』と約束なさったのです。
Orowa, tap korachi itak nisa, koro sanikiri oya moshiri ta riya, aige, nei moshirʼun utara orowa no ausshinnere, orowa, tu shine wan hotne paha uturuta wen no ikichi wa akore kusu ne, sekoro itak.
Orowa, tap koraci itak nisa, kor sanikiri oya mosir ta riya, ayke, ne mosir un utar oro wano aussinnere, orowa, tu sine wan hotne paha utur ta wenno ikici wa a=kore kusu ne, sekor itak.
ελαλησεν δε ουτως ο θεος οτι εσται το σπερμα αυτου παροικον εν γη αλλοτρια και δουλωσουσιν αυτο και κακωσουσιν ετη τετρακοσια
神はこう言われました。『彼の子孫は、外国に移住し、四百年の間、奴隷にされて虐げられる。』
Orowa, orowa no ausshiunere uirup ku koipishi kusu ne, ari Kamui itak: orowa, okaketa nei utara araki wa tan ushiketa En otta yaishieiwangere kusu ne na.
Orowa, orowano aussiwnere uyrup ku koypisi kusu ne, ari Kamuy itak: orowa, okake ta ne utar arki wa tan uske ta En or ta yaysieywankere kusu ne na.
και το εθνος ω αν εαν δουλευσουσιν κρινω εγω ο θεος ειπεν και μετα ταυτα εξελευσονται και λατρευσουσιν μοι εν τω τοπω τουτω
更に、神は言われました。『彼らを奴隷にする国民は、わたしが裁く。その後、彼らはその国から脱出し、この場所でわたしを礼拝する。』
Orosama, Shinuma anak ne nei utara otta okarituye buri oma aeuitaknup kore: tambe gusu Isaak asangere chiki, tupesan ikinne an toho ta okarituye buri akire nisa; orowa Isaak anak ne Yakob sangere, orowa, Yakob anak ne ne tun ikashima wan mak-un ekashi sangere nisa ruwe ne na.
Orosama, Sinuma anakne ne utar or ta okarituye puri oma aewitaknup kore: tanpe kusu Isaak asankere ciki, tupesan ikinne an toho ta okarituye puri a=kir nisa; orowa Isaak anakne Yakob sankere, orowa, Yakob anakne ne tun ikasma wan mak un ekasi sankere nisa ruwe ne na.
και εδωκεν αυτω διαθηκην περιτομης και ουτως εγεννησεν τον ισαακ και περιετεμεν αυτον τη ημερα τη ογδοη και ισαακ τον ιακωβ και ιακωβ τους δωδεκα πατριαρχας
そして、神はアブラハムと割礼による契約を結ばれました。こうして、アブラハムはイサクをもうけて八日目に割礼を施し、イサクはヤコブを、ヤコブは十二人の族長をもうけて、それぞれ割礼を施したのです。
Orowa, nei mak-un ekashi anak ne eyaitunnap gusu Echipt moshiri orota Yosep ehok:
Orowa, ne mak un ekasi anakne eyaytunnap kusu Ecipt mosir oro ta Yosep e=hok:
και οι πατριαρχαι ζηλωσαντες τον ιωσηφ απεδοντο εις αιγυπτον και ην ο θεος μετ αυτου
この族長たちはヨセフをねたんで、エジプトへ売ってしまいました。しかし、神はヨセフを離れず、
awa, Kamui shinuma tura no an, aige, obitta no okai aeyairamchuptekbe orowa no ohaitare, orowa, Echipt moshiri esapane Parao kotchaketa irenga kore wa wayashnure nisa; samata, Echipt moshiri newa koro chisei epunginere nisa hawe ne na.
awa, Kamuy sinuma turano an, ayke, opittano okay aeyayramcuptekpe oro wano ohaytare, orowa, Ecipt mosir esapane Parao kotcake ta irenka kore wa wayasnure nisa; sama ta, Ecipt mosir newa kor cise epunkinere nisa hawe ne na.
και εξειλατο αυτον εκ πασων των θλιψεων αυτου και εδωκεν αυτω χαριν και σοφιαν εναντιον φαραω βασιλεως αιγυπτου και κατεστησεν αυτον ηγουμενον επ αιγυπτον και [εφ] ολον τον οικον αυτου
あらゆる苦難から助け出して、エジプト王ファラオのもとで恵みと知恵をお授けになりました。そしてファラオは、彼をエジプトと王の家全体とをつかさどる大臣に任命したのです。
Okake an koro Echipt newa Kanaan moshirʼebitta kem-ush iki wa shi no aeyairamchuptekka, aige, chikoro ekashi gusu aep isam ruwe ne.
Okake an kor Ecipt newa Kanaan mosir epitta kem-us iki wa sino aeyayramcuptekka, ayke, ci=kor ekasi kusu aep isam ruwe ne.
ηλθεν δε λιμος εφ ολην την αιγυπτον και χανααν και θλιψις μεγαλη και ουχ ηυρισκον χορτασματα οι πατερες ημων
ところが、エジプトとカナンの全土に飢饉が起こり、大きな苦難が襲い、わたしたちの先祖は食糧を手に入れることができなくなりました。
Koroka, Echipt moshiri ta aep an sekoro Yakob nu chiki, atpaketa chikoro ekashi utara payere nisa.
Korka, Ecipt mosir ta aep an sekor Yakob nu ciki, atpake ta ci=kor ekasi utar payere nisa.
ακουσας δε ιακωβ οντα σιτια εις αιγυπτον εξαπεστειλεν τους πατερας ημων πρωτον
ヤコブはエジプトに穀物があると聞いて、まずわたしたちの先祖をそこへ行かせました。
Orowa, nei okaketa paye chiki, Yosep anak ne koro iriwak otta yaieamkire nisa; aige, Yosep koro uirup Parao orun aeamkiri nisa ruwe ne na.
Orowa, ne okake ta paye ciki, Yosep anakne kor irwak or ta yayeamkire nisa; ayke, Yosep kor uyrup Parao orun aeamkiri nisa ruwe ne na.
και εν τω δευτερω εγνωρισθη ανεγνωρισθη ιωσηφ τοις αδελφοις αυτου και φανερον εγενετο τω φαραω το γενος [του] ιωσηφ
二度目のとき、ヨセフは兄弟たちに自分の身の上を明かし、ファラオもヨセフの一族のことを知りました。
Orowa, Yosep teshkara wa koro michi ne Yakob obitta no okai utarihi tura tak, nei utara pishkihi anak ne ashikne niu ikashima wa niu e ine hotne niu ne ruwe ne.
Orowa, Yosep teskar wa kor mici ne Yakob opittano okay utarihi tura tak, ne utar piskihi anakne asikne niw ikasma wa niw e ine hotne niw ne ruwe ne.
αποστειλας δε ιωσηφ μετεκαλεσατο ιακωβ τον πατερα αυτου και πασαν την συγγενειαν εν ψυχαις εβδομηκοντα πεντε
そこで、ヨセフは人を遣わして、父ヤコブと七十五人の親族一同を呼び寄せました。
Orowa, Yakob anak ne Echipt moshirʼotta san; aine, shinuma ne yakka, chikoro ekashi utara ne yakka rai nisa; awa, nei utara Shekem kotan orota aani wa,
Orowa, Yakob anakne Ecipt mosir or ta san; ayne, sinuma ne yakka, ci=kor ekasi utar ne yakka ray nisa; awa, ne utar Sekem kotan oro ta an wa,
κατεβη δε ιακωβ [εις αιγυπτον] και κατεβη ιακωβ εις αιγυπτον και ετελευτησεν αυτος και οι πατερες ημων
ヤコブはエジプトに下って行き、やがて彼もわたしたちの先祖も死んで、
shirokani oro gusu Abraham Shekem kotan ta okai Emmor koro poho otta hok iyurui orota ande nisa ruwe ne.
sirokani oro kusu Abraham Sekem kotan ta okay Emmor kor poho or ta hok iyuruy oro ta ante nisa ruwe ne.
και μετετεθησαν εις συχεμ και ετεθησαν εν τω μνηματι ω ωνησατο αβρααμ τιμης αργυριου παρα των υιων εμμωρ εν συχεμ
シケムに移され、かつてアブラハムがシケムでハモルの子らから、幾らかの金で買っておいた墓に葬られました。
Koroka, Kamui anak ne Abraham gusu koeitakamkire arabe epa kuni pakihi epa ehange chiki, utara anak Echipt moshiri ta uare wa ainnere nisa,
Korka, Kamuy anakne Abraham kusu koeytakamkire a=rap epa kuni pakihi epa ehanke ciki, utar anak Ecipt mosir ta uare wa ainnere nisa,
καθως δε ηγγιζεν ο χρονος της επαγγελιας ης ωμολογησεν ο θεος τω αβρααμ ηυξησεν ο λαος και επληθυνθη εν αιγυπτω
神がアブラハムになさった約束の実現する時が近づくにつれ、民は増え、エジプト中に広がりました。
Yosep eamkiri shomoki no moshima an nei moshiri esapane guru hetuku pakno ne ruwe ne.
Yosep e=amkir somo ki no mosma an ne mosir esapane kur hetuku pakno ne ruwe ne.
αχρι ου ανεστη βασιλευς ετερος επ αιγυπτον [επ αιγυπτον] ος ουκ ηδει τον ιωσηφ
それは、ヨセフのことを知らない別の王が、エジプトの支配者となるまでのことでした。
Nei esapane guru anak ne chikoro utarihi gusu irarape ki, awa, shomo ishu kuni ne koro poho osurupa kuni chikoro ekashi orun wen no ikichi nisa ruwe ne na.
Ne esapane kur anakne ci=kor utarihi kusu irara p ki, awa, somo i=su kuni ne kor poho osurpa kuni ci=kor ekasi orun wenno ikici nisa ruwe ne na.
ουτος κατασοφισαμενος το γενος ημων εκακωσεν τους πατερας [ημων] του ποιειν τα βρεφη εκθετα αυτων εις το μη ζωογονεισθαι
この王は、わたしたちの同胞を欺き、先祖を虐待して乳飲み子を捨てさせ、生かしておかないようにしました。
Nei ita anak ne Mose shiko, aine, Kamui shiretok kon ruwe ne;
Ne hi ta anakne Mose siko, ayne, Kamuy siretok kor ruwe ne;
εν ω καιρω εγεννηθη μωυσης και ην αστειος τω θεω ος ανετραφη μηνας τρεις εν τω οικω του πατρος
このときに、モーセが生まれたのです。神の目に適った美しい子で、三か月の間、父の家で育てられ、
awa, koro michi kot chisei ta re chup uturuta aoresu, orowa, asoinere chiki, Parao koro matnepo shinuma uk hine, yaikota koro poho korachi ioresu nisa ruwe ne.
awa, kor mici kot cise ta re cup utur ta a=oresu, orowa, a=soynere ciki, Parao kor matnepo sinuma uk hine, yaykota kor poho koraci i=oresu nisa ruwe ne.
εκτεθεντος δε αυτου ανειλατο αυτον η θυγατηρ φαραω και ανεθρεψατο αυτον εαυτη εις υιον
その後、捨てられたのをファラオの王女が拾い上げ、自分の子として育てたのです。
Orowa, Mose anak ne Echipt moshirʼun utara koro wayashnu ambe gusu aepakashnu; aige, itak gusu ne yakka ki ikip gusu ne yakka shinuma kiroroashnu nisa.
Orowa, Mose anakne Ecipt mosir un utar kor wayasnu anpe kusu a=epakasnu; ayke, itak kusu ne yakka ki iki p kusu ne yakka sinuma kiroroasnu nisa.
και επαιδευθη μωυσης [εν] παση σοφια αιγυπτιων ην δε δυνατος εν λογοις και εργοις αυτου
そして、モーセはエジプト人のあらゆる教育を受け、すばらしい話や行いをする者になりました。
Koroka, shinuma tane tu hotne pa pakno pa poro ehange chiki, koro iriwak ne Israeru un utara hotanukara gusu arapa kuni keutum atte nisa.
Korka, sinuma tane tu hotne pa pakno pa poro ehanke ciki, kor irwak ne Israeru un utar hotanukar kusu arpa kuni kewtum atte nisa.
ως δε επληρουτο αυτω τεσσερακονταετης χρονος ανεβη επι την καρδιαν αυτου επισκεψασθαι τους αδελφους αυτου τους υιους ισραηλ
四十歳になったとき、モーセは兄弟であるイスラエルの子らを助けようと思い立ちました。
Awa, shinen aiwende shiriki nukara chiki, nei guru kikikara, aige, aepokba guru ikemnu wa nei Echipt moshiri un guru shirikik nisa ruwe ne:
Awa, sinen a=ywente siriki nukar ciki, ne kur kikkar, ayke, aepokpa kur ikemnu wa ne Ecipt mosir un kur sirkik nisa ruwe ne:
και ιδων τινα αδικουμενον ημυνατο και εποιησεν εκδικησιν τω καταπονουμενω παταξας τον αιγυπτιον
それで、彼らの一人が虐待されているのを見て助け、相手のエジプト人を打ち殺し、ひどい目に遭っていた人のあだを討ったのです。
orowa, Kamui anak ne shinuma koro teke ani koro iriwak utara kashiobiuki kusu ne sekoro nei utara eraman kuni shinuma ramu nisa ruwe ne a koroka, erampeutek ruwe ne.
orowa, Kamuy anakne sinuma kor teke ani kor irwak utar kasiopiwki kusu ne sekor ne utar eraman kuni sinuma ramu nisa ruwe ne a korka, eranpewtek ruwe ne.
ενομιζεν δε συνιεναι τους αδελφους [αυτου] οτι ο θεος δια χειρος αυτου διδωσιν σωτηριαν αυτοις οι δε ου συνηκαν
モーセは、自分の手を通して神が兄弟たちを救おうとしておられることを、彼らが理解してくれると思いました。しかし、理解してくれませんでした。
Orowa nei shimge toho ta, nei utara ukoiki wa okai ita, shui, shinuma irenga ratchire kuni a ramu, aige ene itak-hi :— Nishpa utara, uiriwak utara echi ne; nep gusu utashpa iwende ruwe he an?
Orowa ne simke toho ta, ne utar ukoyki wa okay hi ta, suy, sinuma irenka ratcire kuni a ramu, ayke ene itak hi :— Nispa utar, uyriwak utar eci ne; nep kusu utaspa iwente ruwe he an?
τη τε επιουση ημερα ωφθη αυτοις μαχομενοις και συνηλλασσεν αυτους εις ειρηνην ειπων ανδρες αδελφοι εστε ινα τι αδικειτε αλληλους
次の日、モーセはイスラエル人が互いに争っているところに来合わせたので、仲直りをさせようとして言いました。『君たち、兄弟どうしではないか。なぜ、傷つけ合うのだ。』
Koroka, nei a-un guru wende gurʼanak ne oyak un shinuma oputuye wa ene itak-hi :— Hunna eani ani un esapane wa koipishi guru ne kuni kara ya?
Korka, ne a un kur wente kur anakne oyak un sinuma oputuye wa ene itak hi :— Hunna eani ani un esapane wa koypisi kur ne kuni kar ya?
ο δε αδικων τον πλησιον απωσατο αυτον ειπων τις σε κατεστησεν αρχοντα και δικαστην εφ ημων
すると、仲間を痛めつけていた男は、モーセを突き飛ばして言いました。『だれが、お前を我々の指導者や裁判官にしたのか。
Numan nei Echipt moshirʼun guru e raige korachi e en raige rusui ruwe he an?
Numan ne Ecipt mosir un kur e rayke koraci e en=rayke rusuy ruwe he an?
μη ανελειν με συ θελεις ον τροπον ανειλες εχθες τον αιγυπτιον
きのうエジプト人を殺したように、わたしを殺そうとするのか。』
Orowa, tap itak an gusu Mose kira, aige, Midian moshiri ta riya, awa, nei moshiri ta tu okkai poho sangere nisa ruwe ne.
Orowa, tap itak an kusu Mose kira, ayke, Midian mosir ta riya, awa, ne mosir ta tu okkay poho sankere nisa ruwe ne.
εφυγεν δε μωυσης εν τω λογω τουτω και εγενετο παροικος εν γη μαδιαμ ου εγεννησεν υιους δυο
モーセはこの言葉を聞いて、逃げ出し、そして、ミディアン地方に身を寄せている間に、二人の男の子をもうけました。
Aine, tu hotne pa epa chiki, paraparase hash abe-nui oshiketa nei nup otta an Sina nupuri ta Kamui hauturumbe shinuma orun yainukare nisa.
Ayne, tu hotne pa epa ciki, parparse has ape-nuy oske ta ne nup or ta an Sina nupuri ta Kamuy hawturunpe sinuma orun yaynukare nisa.
και πληρωθεντων ετων τεσσερακοντα ωφθη αυτω εν τη ερημω του ορους σινα αγγελος εν φλογι πυρος βατου
四十年たったとき、シナイ山に近い荒れ野において、柴の燃える炎の中で、天使がモーセの前に現れました。
Orowa, Mose anak ne nei anukarabe nukara chiki, gusu iyokunnure: awa, ingara gusu karange no ek chiki,
Orowa, Mose anakne ne anukarape nukar ciki, kusu iyokunnure: awa, inkar kusu karankeno ek ciki,
ο δε μωυσης ιδων εθαυμασεν εθαυμαζεν το οραμα προσερχομενου δε αυτου κατανοησαι εγενετο φωνη κυριου
モーセは、この光景を見て驚きました。もっとよく見ようとして近づくと、主の声が聞こえました。
Utarapa hawehe anu-hi :— Kuani anak ne e koro ekashi utara koro Kamui Ku ne, Abraham koro Kamui, Isaak newa Yakob koro Kamui Ku ne ruwe ne, ari hawashi.
Utarpa hawehe anu hi :— Kuani anakne e=kor ekasi utar kor Kamuy Ku ne, Abraham kor Kamuy, Isaak newa Yakob kor Kamuy Ku ne ruwe ne, ari hawas.
εγω ο θεος των πατερων σου ο θεος αβρααμ και ισαακ και ιακωβ εντρομος δε γενομενος μωυσης ουκ ετολμα κατανοησαι
『わたしは、あなたの先祖の神、アブラハム、イサク、ヤコブの神である』と。モーセは恐れおののいて、それ以上見ようとはしませんでした。
Orowa, Mose tusushke wa ingara kuni ishitoma ruwe ne. Awa, orota Utarapa ene itak-hi :— E kema wano keire pita yan: kata e ash ushike anak ne Ashkanne toi ne ruwe ne gusu ne na.
Orowa, Mose tususke wa inkar kuni isitoma ruwe ne. Awa, oro ta Utarpa ene itak hi :— E kema wano ker pita yan: kata e as usike anakne Askanne toy ne ruwe ne kusu ne na.
ειπεν δε αυτω ο κυριος λυσον το υποδημα των ποδων σου ο γαρ τοπος εφ ω εστηκας γη αγια εστιν
そのとき、主はこう仰せになりました。『履物を脱げ。あなたの立っている所は聖なる土地である。
Son no newa Kuani anak ne Echipt moshiri ta okai Ku goro uirup wen no akore ambe nukara hemhem ki, ashte oromande hawe nu hemhem Ku ki, awa, nei utara kashiobiuki gusu Ku ran ruwe ne: hetak, tane ek, aige, Echipt moshirʼotta e omande kusu ne, ari itak.
Sonno newa Kuani anakne Ecipt mosir ta okay Ku=kor uyrup wenno a=kore anpe nukar hemhem ki, aste oromante hawe nu hemhem Ku=ki, awa, ne utar kasiopiwki kusu Ku=ran ruwe ne: hetak, tane ek, ayke, Ecipt mosir or ta e omante kusu ne, ari itak.
ιδων ειδον την κακωσιν του λαου μου του εν αιγυπτω και του στεναγμου αυτου αυτων ηκουσα και κατεβην εξελεσθαι αυτους και νυν δευρο αποστειλω σε εις αιγυπτον
わたしは、エジプトにいるわたしの民の不幸を確かに見届け、また、その嘆きを聞いたので、彼らを救うために降って来た。さあ、今あなたをエジプトに遣わそう。』
Hunna eani un esapane wa koipishi guru ne kuni kara ya? ari an itak ani ye wa eshishi tan Mose anak, hash oshiketa, orota yainukare hauturumbe koro teke ani esapane guru newa kikirayep ne kuni gusu Kamui anak ne shinuma omande nisa ruwe ne.
Hunna eani un esapane wa koypisi kur ne kuni kar ya? ari an itak ani ye wa esisi tan Mose anak, has oske ta, oro ta yaynukare hawturunpe kor teke ani esapane kur newa kikirayep ne kuni kusu Kamuy anakne sinuma omante nisa ruwe ne.
τουτον τον μωυσην ον ηρνησαντο ειποντες τις σε κατεστησεν αρχοντα και δικαστην τουτον ο θεος και [και] αρχοντα και λυτρωτην απεσταλκεν συν χειρι αγγελου του οφθεντος αυτω εν τη βατω
人々が、『だれが、お前を指導者や裁判官にしたのか』と言って拒んだこのモーセを、神は柴の中に現れた天使の手を通して、指導者また解放者としてお遣わしになったのです。
Tan guru anak ne nei utara tura, Echipt moshiri ta ne yakka Kokai atui otta ne yakka, samata, tu hotne pa uturuta nup otta ne yakka iyokunnure ikip newa shirosh ki nisa ruwe ne.
Tan kur anakne ne utar tura, Ecipt mosir ta ne yakka Kokai atuy or ta ne yakka, sama ta, tu hotne pa utur ta nup or ta ne yakka iyokunnure iki p newa siros ki nisa ruwe ne.
ουτος εξηγαγεν αυτους ποιησας τερατα και σημεια εν τη γη αιγυπτω και εν ερυθρα θαλασση και εν τη ερημω ετη τεσσερακοντα
この人がエジプトの地でも紅海でも、また四十年の間、荒れ野でも、不思議な業としるしを行って人々を導き出しました。
En korachi, echi koro iriwak utara tumuge wano echi utara gusu Kamui anak ne uweingara guru hetukure kusu ne, ari an itak ani Israeru utara otta ye Mose anak ne tan guru ne ruwe ne.
En=koraci, eci=kor irwak utar tumuke wano eci utar kusu Kamuy anakne ueinkar kur hetukure kusu ne, ari an itak ani Israeru utar or ta ye Mose anakne tan kur ne ruwe ne.
ουτος εστιν ο μωυσης ο ειπας τοις υιοις ισραηλ προφητην υμιν αναστησει ο θεος εκ των αδελφων υμων ως εμε
このモーセがまた、イスラエルの子らにこう言いました。『神は、あなたがたの兄弟の中から、わたしのような預言者をあなたがたのために立てられる。』
Tan guru anak ne Sina nupuri kata otta ye hauturumbe tura hene, chikoro ekashi utara tura hene, nup otta an uwekari ta an gunʼne; un otta koropare kuni ne shinuma anak ne ishu shongo akore nisa:
Tan kur anakne Sina nupuri kata or ta ye hawturunpe tura hene, ci=kor ekasi utar tura hene, nup or ta an uekari ta an kunne; un or ta korpare kuni ne sinuma anakne i=su sonko a=kore nisa:
ουτος εστιν ο γενομενος εν τη εκκλησια εν τη ερημω μετα του αγγελου του λαλουντος αυτω εν τω ορει σινα και των πατερων ημων ος εδεξατο λογια ζωντα δουναι υμιν ημιν
この人が荒れ野の集会において、シナイ山で彼に語りかけた天使とわたしたちの先祖との間に立って、命の言葉を受け、わたしたちに伝えてくれたのです。
chikoro ekashi utara anak ne shinuma orun koitaknu shomoki, koroka, yai orowa no oputuye wa sambe ani Echipt moshiri orun hosari,
ci=kor ekasi utar anakne sinuma orun koytaknu somo ki, korka, yay oro wano oputuye wa sanpe ani Ecipt mosir orun hosari,
ω ουκ ηθελησαν υπηκοοι γενεσθαι οι πατερες ημων αλλα απωσαντο και εστραφησαν εν ταις καρδιαις αυτων εις αιγυπτον
けれども、先祖たちはこの人に従おうとせず、彼を退け、エジプトをなつかしく思い、
aige, Aaron otta ene itak-hi :— Un kotchaketa paye kuni Kamui kara yan: inambe gusu ne yakun, Echipt moshiri wano un tura tan Mose gusu anak ne, nekon a aki koro okai ya, chi erampeutek ruwe ne gusu ne na, ari itak.
ayke, Aaron or ta ene itak hi :— Un kotcake ta paye kuni Kamuy kar yan: inanpe kusu ne yakun, Ecipt mosir wano un tura tan Mose kusu anakne, nekona aki kor okay ya, ci eranpewtek ruwe ne kusu ne na, ari itak.
ειποντες τω ααρων ποιησον ημιν θεους οι προπορευσονται ημων ο γαρ μωυσης ουτος ος εξηγαγεν ημας εκ γης αιγυπτου ουκ οιδαμεν τι εγενετο αυτω
アロンに言いました。『わたしたちの先に立って導いてくれる神々を造ってください。エジプトの地から導き出してくれたあのモーセの身の上に、何が起こったのか分からないからです。』
Awa, nei toho ta nei utara anak ne pon beko kara, aige, potoki orun yangep yange wa koro teke karape eyaikopuntek nisa ruwe ne na.
Awa, ne toho ta ne utar anakne pon peko kar, ayke, potoki orun yankep yanke wa kor teke kar pe eyaykopuntek nisa ruwe ne na.
και εμοσχοποιησαν εν ταις ημεραις εκειναις και ανηγαγον θυσιαν τω ειδωλω και ευφραινοντο εν τοις εργοις των χειρων αυτων
彼らが若い雄牛の像を造ったのはそのころで、この偶像にいけにえを献げ、自分たちの手で造ったものをまつって楽しんでいました。
Koroka, Kamui anak ne hosari, aige, kando topa otta yaishieiwangere kuni gusu nei utara yaikorere nisa; uweingara kambi kata chieshinnuye korachi ne :— Aa Israeru chisei un utara, tu hotne pa uturu nup otta okai rapoketa Echi utara anak ne iraye chikoikip newa yange kunip En orun yange nisa ruwe he an?
Korka, Kamuy anakne hosari, ayke, kanto topa or ta yaysieywankere kuni kusu ne utar yaykorere nisa; ueinkar kampi kata ciesinnuye koraci ne :— Aa Israeru cise un utar, tu hotne pa uturu nup or ta okay rapoketa Eci utar anakne iraye cikoykip newa yanke kunip En=orun yanke nisa ruwe he an?
εστρεψεν δε ο θεος και παρεδωκεν αυτους λατρευειν τη στρατια του ουρανου καθως γεγραπται εν βιβλω των προφητων μη σφαγια και θυσιας προσηνεγκατε μοι ετη τεσσερακοντα εν τη ερημω οικος ισραηλ
そこで神は顔を背け、彼らが天の星を拝むままにしておかれました。それは預言者の書にこう書いてあるとおりです。『イスラエルの家よ、お前たちは荒れ野にいた四十年の間、わたしにいけにえと供え物を献げたことがあったか。
Orowa, Morok koro kash newa Repan Kamui koro nochiu echi uk, Ongami gusu nei nokaha echi kon nisa: Orowa, Babyronia moshiri ikushketa kuani echi tupte ash kusu ne na.
Orowa, Morok kor kas newa Repan Kamuy kor nociw eci=uk, Onkami kusu ne nokaha eci=kor nisa: Orowa, Babyronia mosir ikuske ta kuani eci=tupte as kusu ne na.
και ανελαβετε την σκηνην του μολοχ και το αστρον του θεου ρομφα [υμων] ραιφαν τους τυπους ους εποιησατε προσκυνειν αυτοις και μετοικιω υμας επεκεινα βαβυλωνος
お前たちは拝むために造った偶像、モレクの御輿やお前たちの神ライファンの星を担ぎ回ったのだ。だから、わたしはお前たちをバビロンのかなたへ移住させる。』
Chikoro ekashi utara anak ne, nup otta Mose akashpaotte korachi, paweteshu gusu an kash koro, anukara nokaha an nei no akara tuni ne aki nisa.
Ci=kor ekasi utar anakne, nup or ta Mose a=kaspaotte koraci, pawetesu kusu an kas kor, a=nukar nokaha an néno a=kar tun ne aki nisa.
η σκηνη του μαρτυριου ην τοις πατρασιν ημων εν τη ερημω καθως διεταξατο ο λαλων τω μωυση ποιησαι αυτην κατα τον τυπον ον εωρακει
わたしたちの先祖には、荒れ野に証しの幕屋がありました。これは、見たままの形に造るようにとモーセに言われた方のお命じになったとおりのものでした。
Orowa, chikoro ekashi utara ne yakka, nei okake uirup korope aeikeshkore ita Yesu tura nei arabe koro wa ek; Kamui anak ne Dabid toho pakno chikoro ekashi nan kotchake wa nei uirup okeuba nisa;
Orowa, ci=kor ekasi utar ne yakka, ne okake uyrup kor pe aeykeskore hi ta Yesu tura ne a=rap kor wa ek; Kamuy anakne Dabid toho pakno ci=kor ekasi nan kotcake wa ne uyrup okewpa nisa;
ην και εισηγαγον διαδεξαμενοι οι πατερες ημων μετα ιησου εν τη κατασχεσει των εθνων ων εξωσεν ο θεος απο προσωπου των πατερων ημων εως των ημερων δαυιδ
この幕屋は、それを受け継いだ先祖たちが、ヨシュアに導かれ、目の前から神が追い払ってくださった異邦人の土地を占領するとき、運び込んだもので、ダビデの時代までそこにありました。
nei Dabid anak ne Kamui tek-samata irenga koro, aine, otta Yakob koro Kamui oshiroma ushi pa kuni gusu koramkon nisa ruwe ne.
ne Dabid anakne Kamuy tek-sama ta irenka kor, ayne, or ta Yakob kor Kamuy osiroma usi pa kuni kusu koramkor nisa ruwe ne.
ος ευρεν χαριν ενωπιον του θεου και ητησατο ευρειν σκηνωμα τω θεω οικω ιακωβ
ダビデは神の御心に適い、ヤコブの家のために神の住まいが欲しいと願っていましたが、
Koroka, Soromon anak ne Shinuma gusu kenru kara.
Korka, Soromon anakne Sinuma kusu kenru kar.
σολομων δε οικοδομησεν αυτω οικον
神のために家を建てたのはソロモンでした。
Yak a yakka, Iyotta Ri Ambe anak ne teke ani akara ushiketa shomo oshiroma ruwe ne; uweingara guru ye-hi korachi ne,
Yak a yakka, Iyotta Ri Anpe anakne teke ani a=kar uske ta somo osiroma ruwe ne; ueinkar kur ye hi koraci ne,
αλλ ουχ ο υψιστος εν χειροποιητοις κατοικει καθως ο προφητης λεγει
けれども、いと高き方は人の手で造ったようなものにはお住みになりません。これは、預言者も言っているとおりです。
Kando anak ne Ku goro amset ne, Toitoi anak kashiketa Ku kemaha ande kunip ne: En gusu nekon a kenru echi kara kusu ne ya? ari Utarapa itak: Shui, otta Ku shini kuni ushike nekon a ambe ne ya?
Kanto anakne Ku=kor amset ne, Toytoy anak kasike ta Ku=kemaha ante kunip ne: En kusu nekona kenru eci=kar kusu ne ya? ari Utarpa itak: Suy, or ta Ku=sini kuni usike nekona anpe ne ya?
ο ουρανος μοι θρονος και η η δε γη υποποδιον των ποδων μου ποιον οικον οικοδομησετε μοι λεγει κυριος η τις τοπος της καταπαυσεως μου
『主は言われる。「天はわたしの王座、地はわたしの足台。お前たちは、わたしにどんな家を建ててくれると言うのか。わたしの憩う場所はどこにあるのか。
Ku goro teke anak ne obitta tap okaibe shomo kan nisa ruwe he an?
Ku=kor teke anakne opitta tap okaype somo kan nisa ruwe he an?
ουχι η χειρ μου εποιησεν ταυτα παντα
これらはすべて、わたしの手が造ったものではないか。」』
Okkeu nitturinne sambe newa kisaraha shomo okarituye buri akire utara, ramina Ashkanne Ramat echi shishire ruwe ne: echi koro ekashi utara korachi, nei no echi ikichi ruwe ne.
Okkew nitturinne sanpe newa kisaraha somo okarituye puri a=kir utar, ramina Askanne Ramat eci sisire ruwe ne: eci=kor ekasi utar koraci, néno eci=ikici ruwe ne.
σκληροτραχηλοι και απεριτμητοι καρδιαις και τοις ωσιν υμεις αει τω πνευματι τω αγιω αντιπιπτετε ως οι πατερες υμων και υμεις
かたくなで、心と耳に割礼を受けていない人たち、あなたがたは、いつも聖霊に逆らっています。あなたがたの先祖が逆らったように、あなたがたもそうしているのです。
Echi koro ekashi utara shomo keshke uweingara utara inambe ne ruwe? Nei utara anak ne etoko wano ek kushki Oupeka Ambe gusu eupaskuma ki utara ronnu nisa ruwe ne; echi utara tane nei Oupeka Ambe ekoshi wa keweuk utara ne okere;
Eci=kor ekasi utar somo keske ueinkar utar inanpe ne ruwe? Ne utar anakne etoko wano ek kuski Owpeka Anpe kusu ewpaskuma ki utar ronnu nisa ruwe ne; eci utar tane ne Owpeka Anpe ekosi wa keweuk utar ne okere;
τινα των προφητων ουκ εδιωξαν οι πατερες υμων και απεκτειναν τους προκαταγγειλαντας περι της ελευσεως του δικαιου ου νυν υμεις προδοται και φονεις εγενεσθε
いったい、あなたがたの先祖が迫害しなかった預言者が、一人でもいたでしょうか。彼らは、正しい方が来られることを預言した人々を殺しました。そして今や、あなたがたがその方を裏切る者、殺す者となった。
hauturumbe aashte tuitak echi uina nisa, awa, shomo nei ambe shikkashima utara echi ne, ari Stepanos itak.
hawturunpe a=aste tuytak eci=uyna nisa, awa, somo ne anpe sikkasima utar eci ne, ari Stepanos itak.
οιτινες ελαβετε τον νομον εις διαταγας αγγελων και ουκ εφυλαξατε
天使たちを通して律法を受けた者なのに、それを守りませんでした。」
Orowa, utara anak ne tap okaibe nu chiki, sarabe tuitui wa nimakihi ko-nirewe nisa ruwe ne na.
Orowa, utar anakne tap okaype nu ciki, sarape tuytuy wa nimakihi ko-nirewe nisa ruwe ne na.
ακουοντες δε ταυτα διεπριοντο ταις καρδιαις αυτων και εβρυχον τους οδοντας επ αυτον
人々はこれを聞いて激しく怒り、ステファノに向かって歯ぎしりした。
Koroka, Stepanos anak ne Ashkanne Ramat ari aeshik wa kando orun yaikashioingara pirika, awa, Kamui nupeki nukara, samata, Kamui shimon tek-samata ash wa an Yesu nukanʼnisa ruwe ne;
Korka, Stepanos anakne Askanne Ramat ari a=esik wa kanto orun yaykasioinkara pirka, awa, Kamuy nupeki nukar, sama ta, Kamuy simon tek-sama ta as wa an Yesu nukar nisa ruwe ne;
υπαρχων δε πληρης πνευματος αγιου ατενισας εις τον ουρανον ειδεν δοξαν θεου και ιησουν εστωτα εκ δεξιων του θεου
ステファノは聖霊に満たされ、天を見つめ、神の栄光と神の右に立っておられるイエスとを見て、
aige, ene itak-hi :— Ingarʼan, kando makke shiri ku nukara, Orowa, Kamui shimon tek-samata, Ainu Poho ash shiri ku nukanʼna, sekoro itak.
ayke, ene itak hi :— Inkar=an, kanto makke siri ku=nukar, Orowa, Kamuy simon tek-sama ta, Aynu Poho as siri ku=nukar na, sekor itak.
και ειπεν ιδου θεωρω τους ουρανους διηνοιγμενους και τον υιον του ανθρωπου εκ δεξιων εστωτα του θεου
「天が開いて、人の子が神の右に立っておられるのが見える」と言った。
Koroka, nei utara rui hawe ashte wa koro kisaraha chiseshke hine shineikinne shinuma tushtek no kopiuki;
Korka, ne utar ruy hawe aste wa kor kisaraha ci=seske hine sineykinne sinuma tustek no kopiwki;
κραξαντες δε φωνη μεγαλη συνεσχον τα ωτα αυτων και ωρμησαν ομοθυμαδον επ αυτον
人々は大声で叫びながら耳を手でふさぎ、ステファノ目がけて一斉に襲いかかり、
orowa, nei machiya orowa no eyomak wa otta shuma ani piyekara; orowa, paweteshu ikichi utara anak ne Sauros ari aye upen guru chikiri samata koro mipihi ande nisa ruwe ne.
orowa, ne maciya oro wano eyomak wa or ta suma ani piyekar; orowa, pawetesu ikici utar anakne Sawros ari a=ye upen kur cikiri sama ta kor mipihi ante nisa ruwe ne.
και εκβαλοντες εξω της πολεως ελιθοβολουν και οι μαρτυρες απεθεντο τα ιματια αυτων παρα τους ποδας νεανιου καλουμενου σαυλου
都の外に引きずり出して石を投げ始めた。証人たちは、自分の着ている物をサウロという若者の足もとに置いた。
Stepanos anak ne, Utarapa Yesu ku ramat uk wa en kore ari an itak ani ye wa hawe ashte rapoketa shuma ani piyekan nisa ruwe ne.
Stepanos anakne, Utarpa Yesu ku=ramat uk wa en=kore ari an itak ani ye wa hawe aste rapoketa suma ani piyekar nisa ruwe ne.
και ελιθοβολουν τον στεφανον επικαλουμενον και λεγοντα κυριε ιησου δεξαι το πνευμα μου
人々が石を投げつけている間、ステファノは主に呼びかけて、「主イエスよ、わたしの霊をお受けください」と言った。
Awa, shinuma kokkaea hine poro hawe ani hawe ashte wa, Utarapa, tan katpak iteki nei utara kashiomare wa en kore, ani ye. Orowa, tap okaibe ye okere chiki shinuma mokonʼnisa ruwe ne.
Awa, sinuma kokkaea hine poro hawe ani hawe aste wa, Utarpa, tan katpak iteki ne utar kasiomare wa en=kore, ani ye. Orowa, tap okaype ye okere ciki sinuma mokor nisa ruwe ne.
θεις δε τα γονατα εκραξεν φωνη μεγαλη κυριε μη στησης αυτοις ταυτην την αμαρτιαν και τουτο ειπων εκοιμηθη
それから、ひざまずいて、「主よ、この罪を彼らに負わせないでください」と大声で叫んだ。ステファノはこう言って、眠りについた。