9 Ik. ページ 347

Koroka, Sauros anak ne Utarapa koro koikara utara gusu sakayo newa iraye hawe ashte wa okai rapoketa, Kamui kora kenru iyotta poro esapane guru otta oman hine Damaskos kotan ta okai uwekarapa chisei orun arapa wa,

Korka, Sawros anakne Utarpa kor koykar utar kusu sakayo newa iraye hawe aste wa okay rapoketa, Kamuy kor kenru iyotta poro esapane kur or ta oman hine Damaskos kotan ta okay uekarpa cise orun arpa wa,

ο δε σαυλος ετι εμπνεων απειλης και φονου εις τους μαθητας του κυριου προσελθων τω αρχιερει

さて、サウロはなおも主の弟子たちを脅迫し、殺そうと意気込んで、大祭司のところへ行き、

toada nei Ruhu koro ainu ne yakka shiwentep ne yakka anukara chiki, tupetupe wa Yerusarem kotan otta tekepashte kuni kambi koramkon nisa ruwe ne na.

toata ne Ruhu kor aynu ne yakka siwentep ne yakka a=nukar ciki, tupetupe wa Yerusarem kotan or ta tekepaste kuni kampi koramkor nisa ruwe ne na.

ητησατο παρ αυτου επιστολας εις δαμασκον προς τας συναγωγας οπως εαν τινας ευρη της οδου οντας ανδρας τε και γυναικας δεδεμενους αγαγη εις ιερουσαλημ

ダマスコの諸会堂あての手紙を求めた。それは、この道に従う者を見つけ出したら、男女を問わず縛り上げ、エルサレムに連行するためであった。

Awa, shinuma payekai rapoketa Damaskos kotan ta karange no ek: aige, ekushkonna kando orowa no pekere an we, shinuma okari atte nisa ruwe ne;

Awa, sinuma payekay rapoketa Damaskos kotan ta karankeno ek: ayke, ekuskonna kanto oro wano peker an we, sinuma okari atte nisa ruwe ne;

εν δε τω πορευεσθαι εγενετο αυτον εγγιζειν τη δαμασκω εξαιφνης τε αυτον περιηστραψεν φως εκ του ουρανου

ところが、サウロが旅をしてダマスコに近づいたとき、突然、天からの光が彼の周りを照らした。

orowa, shinuma shirikata hachiri, aige, orota ene ye hawe anu-hi :— Sauros, Sauros, nep gusu eani en keshke ruwe he an?

orowa, sinuma sirka ta hacir, ayke, oro ta ene ye hawe anu hi :— Sawros, Sawros, nep kusu eani en=keske ruwe he an?

και πεσων επι την γην ηκουσεν φωνην λεγουσαν αυτω σαουλ σαουλ τι με διωκεις

サウロは地に倒れ、「サウル、サウル、なぜ、わたしを迫害するのか」と呼びかける声を聞いた。

Orowa, Shinuma ene itak-hi :— Utarapa, Aokai nen ne ya?

Orowa, Sinuma ene itak hi :— Utarpa, Aokay nen ne ya?

ειπεν δε τις ει κυριε ο δε εγω ειμι ιησους ον συ διωκεις

「主よ、あなたはどなたですか」と言うと、答えがあった。「わたしは、あなたが迫害しているイエスである。

Shinuma ene ese-hi :— E keshke Yesu Ku ne ruwe: koroka, hopuni wa machiya otta ahun, aige, nekon a e iki kuni okaibe anure kusu ne na.

Sinuma ene ese hi :— E keske Yesu Ku ne ruwe: korka, hopuni wa maciya or ta ahun, ayke, nekona e iki kuni okaype a=nure kusu ne na.

αλλα αναστηθι και εισελθε εις την πολιν και λαληθησεται σοι ο τι σε δει ποιειν

起きて町に入れ。そうすれば、あなたのなすべきことが知らされる。」

Orowa, tura no payekai utara anak ne nepi ye shomoki no roshki, awa, nei itak hawe nu, koroka, nen ne yakka shomo nukan nisa ruwe ne na.

Orowa, turano payekay utar anakne nep ye somo ki no roski, awa, ne itak hawe nu, korka, nen ne yakka somo nukar nisa ruwe ne na.

οι δε ανδρες οι συνοδευοντες αυτω ιστηκεισαν ειστηκεισαν ενεοι ακουοντες μεν της φωνης μηδενα δε θεωρουντες

同行していた人たちは、声は聞こえても、だれの姿も見えないので、ものも言えず立っていた。

Okaketa, shiri wano Sauros anak ne hopuni; aine, koro shiki amaka chiki, nep ne yakka nukara eaikap ruwe ne; awa, utara shinuma koro teke ani hine paye wa Damaskos kotan orota tura nisa ruwe ne.

Okake ta, siri wano Sawros anakne hopuni; ayne, kor siki a=mak ciki, nep ne yakka nukar eaykap ruwe ne; awa, utar sinuma kor teke ani hine paye wa Damaskos kotan oro ta tura nisa ruwe ne.

ηγερθη δε σαυλος απο της γης ανεωγμενων δε των οφθαλμων αυτου ουδεν εβλεπεν χειραγωγουντες δε αυτον εισηγαγον εις δαμασκον

サウロは地面から起き上がって、目を開けたが、何も見えなかった。人々は彼の手を引いてダマスコに連れて行った。

Orowa, shinuma rereko ta ibe shomoki iku shomoki no shiknak wa an ruwe ne.

Orowa, sinuma rerko ta ipe somo ki iku somo ki no siknak wa an ruwe ne.

και ην ημερας τρεις μη βλεπων και ουκ εφαγεν ουδε επιεν

サウロは三日間、目が見えず、食べも飲みもしなかった。

Orowa, Damaskos kotan ta Ananias ani areikore shine koikara guru an; awa, shinuma otta anukarabe ani Utarapa ene itak-hi :— Ananias; orota shinuma ene itak-hi :— Utarapa, ingara, kuani ne.

Orowa, Damaskos kotan ta Ananias ani a=rékore sine koykar kur an; awa, sinuma or ta anukarape ani Utarpa ene itak hi :— Ananias; oro ta sinuma ene itak hi :— Utarpa, inkar, kuani ne.

ην δε τις μαθητης εν δαμασκω ονοματι ανανιας και ειπεν προς αυτον εν οραματι ο κυριος ανανια ο δε ειπεν ιδου εγω κυριε

ところで、ダマスコにアナニアという弟子がいた。幻の中で主が、「アナニア」と呼びかけると、アナニアは、「主よ、ここにおります」と言った。

Shinuma orota Utarapa ene hawe oka-hi :— E hopuni wa Kuwanno ari aye ru otta oman wa Youdas kot chisei ta Tarsus un guru Sauros ari areikore ainu gusu uwepekennu yan;

Sinuma oro ta Utarpa ene haweoka hi :— E hopuni wa Kuwanno ari a=ye ru or ta oman wa Yowdas kot cise ta Tarsus un kur Sawros ari a=rékore aynu kusu uwepekennu yan;

ο δε κυριος προς αυτον αναστα αναστας πορευθητι επι την ρυμην την καλουμενην ευθειαν και ζητησον εν οικια ιουδα σαυλον ονοματι ταρσεα ιδου γαρ προσευχεται

すると、主は言われた。「立って、『直線通り』と呼ばれる通りへ行き、ユダの家にいるサウロという名の、タルソス出身の者を訪ねよ。今、彼は祈っている。

ingara, shinuma inonno-itak ki korʼan; samata, Ananias ani an reihei koro ainu nei chisei otta ahun wa shinuma ingare kuni ne kashiketa tekehe ande-hi nukan nisa ruwe ne.

inkar, sinuma inonno-itak ki kor an; sama ta, Ananias ani an rehe kor aynu ne cise or ta ahun wa sinuma inkar kuni ne kasike ta tekehe ante hi nukar nisa ruwe ne.

και ειδεν ανδρα [εν οραματι] ανανιαν ονοματι εισελθοντα και επιθεντα αυτω [τας] χειρας οπως αναβλεψη

アナニアという人が入って来て自分の上に手を置き、元どおり目が見えるようにしてくれるのを、幻で見たのだ。」

Koroka, Ananias ene ese-hi :— Utarapa, inne utara orowa no tan guru gusu an orushpe ku nu, awa, shinuma Yerusarem kotan otta E koro ashkanne utara wen no kara ambe ku nu okere:

Korka, Ananias ene ese hi :— Utarpa, inne utar oro wano tan kur kusu an oruspe ku=nu, awa, sinuma Yerusarem kotan or ta E=kor askanne utar wenno kar anpe ku=nu okere:

απεκριθη δε ανανιας κυριε ηκουσα απο πολλων περι του ανδρος τουτου οσα κακα τοις αγιοις σου εποιησεν εν ιερουσαλημ

しかし、アナニアは答えた。「主よ、わたしは、その人がエルサレムで、あなたの聖なる者たちに対してどんな悪事を働いたか、大勢の人から聞きました。

orowa, obitta no okai E kon reihei ko-nishuk utara tupetupe kuni mondum Kamui kora kenru poro esapane utara orowa no akore na.

orowa, opittano okay E=kor rehe ko-nisuk utar tupetupe kuni montum Kamuy kor kenru poro esapane utar oro wano a=kore na.

και ωδε εχει εξουσιαν παρα των αρχιερεων δησαι παντας τους επικαλουμενους το ονομα σου

ここでも、御名を呼び求める人をすべて捕らえるため、祭司長たちから権限を受けています。」

Koroka, orota Utarapa ene itak-hi :— E oman yan, shinuma anak ne oya-moshirʼun utara tek-samata hene, moshiri shikkashima utara tek-samata hene, Israeru un utara tek-samata hene, Ku reihei ani kuni anumge wa an ap ne ruwe ne gusu ne na:

Korka, oro ta Utarpa ene itak hi :— E oman yan, sinuma anakne oya-mosir un utar tek-sama ta hene, mosir sikkasima utar tek-sama ta hene, Israeru un utar tek-sama ta hene, Ku=rehe ani kuni a=numke wa an ap ne ruwe ne kusu ne na:

ειπεν δε προς αυτον ο κυριος πορευου οτι σκευος εκλογης εστιν μοι ουτος του βαστασαι το ονομα μου ενωπιον [των] εθνων τε και βασιλεων υιων τε ισραηλ

すると、主は言われた。「行け。あの者は、異邦人や王たち、またイスラエルの子らにわたしの名を伝えるために、わたしが選んだ器である。

orowa, Ku rengap gusu shinuma inan otaibe gusu ramuashitnere kusu ne ya ku nukare kusu ne na.

orowa, Ku=renkap kusu sinuma inan otaype kusu ramuasitnere kusu ne ya ku=nukare kusu ne na.

εγω γαρ υποδειξω αυτω οσα δει αυτον υπερ του ονοματος μου παθειν

わたしの名のためにどんなに苦しまなくてはならないかを、わたしは彼に示そう。」

Orowa, Ananias oman wa nei chisei otta ahun; aige, shinuma kata teke ande wa ene itak-hi :— Ku iriwak ne Sauros, eani ek ru hontomota e otta yainukare Utarapa ne Yesu anak ne aokai ingare kuni gusu, samata Ashkanne Ramat ani E aeshikte kuni gusu en teshkan nisa ruwe ne.

Orowa, Ananias oman wa ne cise or ta ahun; ayke, sinuma kata teke ante wa ene itak hi :— Ku=irwak ne Sawros, eani ek ru hontom ta e or ta yaynukare Utarpa ne Yesu anakne aokay inkar kuni kusu, sama ta Askanne Ramat ani E a=esikte kuni kusu en=teskar nisa ruwe ne.

απηλθεν δε ανανιας και εισηλθεν εις την οικιαν και επιθεις επ αυτον τας χειρας ειπεν σαουλ αδελφε ο κυριος απεσταλκεν με ιησους ο οφθεις σοι εν τη οδω η ηρχου οπως αναβλεψης και πλησθης πνευματος αγιου

そこで、アナニアは出かけて行ってユダの家に入り、サウロの上に手を置いて言った。「兄弟サウル、あなたがここへ来る途中に現れてくださった主イエスは、あなたが元どおり目が見えるようになり、また、聖霊で満たされるようにと、わたしをお遣わしになったのです。」

Orowa, nani shinuma koro shiki wano ramram nepkoro okaibe rapapse nisa ruwe ne, awa, ingan nisa ruwe ne; orowa, shinuma hopuni wa baptisma akore; okaketa aep ibe wa atumashnure nisa ruwe ne na.

Orowa, nani sinuma kor siki wano ramram nepkor okaype rapapse nisa ruwe ne, awa, inkar nisa ruwe ne; orowa, sinuma hopuni wa paptisma a=kore; okake ta aep ipe wa atumasnure nisa ruwe ne na.

και ευθεως απεπεσαν αυτου απο των οφθαλμων ως λεπιδες ανεβλεψεν τε και αναστας εβαπτισθη

すると、たちまち目からうろこのようなものが落ち、サウロは元どおり見えるようになった。そこで、身を起こして洗礼を受け、

Orowa, shinuma Damaskos kotan ta okai koikara utara tura no an toho pakno an ruwe ne.

Orowa, sinuma Damaskos kotan ta okay koykar utar turano an toho pakno an ruwe ne.

και λαβων τροφην ενισχυθη ενισχυσεν εγενετο δε μετα των εν δαμασκω μαθητων ημερας τινας

食事をして元気を取り戻した。サウロは数日の間、ダマスコの弟子たちと一緒にいて、

Orowa, nani Uwekarapa chisei ta, Yesu anak ne Kamui Poho ne ari an ambe ani eupaskuma nisa ruwe ne.

Orowa, nani Uekarpa cise ta, Yesu anakne Kamuy Poho ne ari an anpe ani ewpaskuma nisa ruwe ne.

και ευθεως εν ταις συναγωγαις εκηρυσσεν τον ιησουν οτι ουτος εστιν ο υιος του θεου

すぐあちこちの会堂で、「この人こそ神の子である」と、イエスのことを宣べ伝えた。

Awa, obitta no okai nu utara anak ne oyamokte hine ene itak-hi :— Tan guru anak ne Yerusarem kotan ta okai tan reihei ko-nishuk utara toiko-wende guru shomo ne ruwe he an? Orowa, shinuma teda ek ikkeu anak ne nei utara tupetupe wa Kamui kora kenru poro esapane guru otta rura kuni ambe ne.

Awa, opittano okay nu utar anakne oyamokte hine ene itak hi :— Tan kur anakne Yerusarem kotan ta okay tan rehe ko-nisuk utar toyko-wente kur somo ne ruwe he an? Orowa, sinuma teta ek ikkew anakne ne utar tupetupe wa Kamuy kor kenru poro esapane kur or ta rura kuni anpe ne.

εξισταντο δε παντες οι ακουοντες και ελεγον ουχ ουτος εστιν ο πορθησας εν εις ιερουσαλημ τους επικαλουμενους το ονομα τουτο και ωδε εις τουτο εληλυθει ινα δεδεμενους αυτους αγαγη επι τους αρχιερεις

これを聞いた人々は皆、非常に驚いて言った。「あれは、エルサレムでこの名を呼び求める者たちを滅ぼしていた男ではないか。また、ここへやって来たのも、彼らを縛り上げ、祭司長たちのところへ連行するためではなかったか。」

Koroka, Sauros anak ne naa naa atumashnure wa tambe anak ne Kiristo ne sekorʼambe sonnere ki wa Damaskos kotan ta okai Yudea un utara sambekokurusere nisa ruwe ne na.

Korka, Sawros anakne naa naa atumasnure wa tanpe anakne Kiristo ne sekor anpe sonnere ki wa Damaskos kotan ta okay Yudea un utar sanpekokurusere nisa ruwe ne na.

σαυλος δε μαλλον ενεδυναμουτο και συνεχυννεν [τους] ιουδαιους τους κατοικουντας εν δαμασκω συμβιβαζων οτι ουτος εστιν ο χριστος

しかし、サウロはますます力を得て、イエスがメシアであることを論証し、ダマスコに住んでいるユダヤ人をうろたえさせた。

Orowa, inne toho aokere chiki Yudea un utara shinuma raige kuni ukoramkon nisa.

Orowa, inne toho a=okere ciki Yudea un utar sinuma rayke kuni ukoramkor nisa.

ως δε επληρουντο ημεραι ικαναι συνεβουλευσαντο οι ιουδαιοι ανελειν αυτον

かなりの日数がたって、ユダヤ人はサウロを殺そうとたくらんだが、

Koroka, nei oshke arabe anak ne Sauros otta anu. Orowa, Shinuma raige kuni ne tokap hene an hene nei utara ahun-apa pungine nisa:

Korka, ne oske a=rap anakne Sawros or ta anu. Orowa, Sinuma rayke kuni ne tokap hene an hene ne utar ahun-apa punkine nisa:

εγνωσθη δε τω σαυλω η επιβουλη αυτων παρετηρουντο δε και τας πυλας ημερας τε και νυκτος οπως αυτον ανελωσιν

この陰謀はサウロの知るところとなった。しかし、ユダヤ人は彼を殺そうと、昼も夜も町の門で見張っていた。

koroka, koro koikara utara anak ne anchikarata shinuma uk wa chashi tumama kari range, totta saranip oshiketa range nisa ruwe ne.

korka, kor koykar utar anakne ancikar ta sinuma uk wa casi tumama kari ranke, totta saranip oske ta ranke nisa ruwe ne.

λαβοντες δε οι μαθηται αυτου νυκτος δια του τειχους καθηκαν αυτον χαλασαντες εν σφυριδι σπυριδι

そこで、サウロの弟子たちは、夜の間に彼を連れ出し、籠に乗せて町の城壁づたいにつり降ろした。

Orowa shinuma anak ne Yerusarem kotan ta ek chiki, koikara utara otta yaikotukka kuni aramu: awa, utara obitta shinuma koishitoma, koikara guru ne kuni eumbipka ruwe ne gusu ne na.

Orowa sinuma anakne Yerusarem kotan ta ek ciki, koykar utar or ta yaykotukka kuni a=ramu: awa, utar opitta sinuma koysitoma, koykar kur ne kuni eunpipka ruwe ne kusu ne na.

παραγενομενος δε εις ιερουσαλημ επειραζεν κολλασθαι τοις μαθηταις και παντες εφοβουντο αυτον μη πιστευοντες οτι εστιν μαθητης

サウロはエルサレムに着き、弟子の仲間に加わろうとしたが、皆は彼を弟子だとは信じないで恐れた。

Koroka, Barnabas anak ne shinuma uk wa Apostoro utara orun tura, aige, ru hontomota Utarapa nukara hemhem ki, otta koitak hemhem ki, samata, rametokkon no Damaskos kotan ta Yesu reihei gusu ye ambe hemhem nei utara otta nure nisa ruwe ne.

Korka, Barnabas anakne sinuma uk wa Apostoro utar orun tura, ayke, ru hontom ta Utarpa nukar hemhem ki, or ta koytak hemhem ki, sama ta, rametokkor no Damaskos kotan ta Yesu rehe kusu ye anpe hemhem ne utar or ta nure nisa ruwe ne.

βαρναβας δε επιλαβομενος αυτον ηγαγεν προς τους αποστολους και διηγησατο αυτοις πως εν τη οδω ειδεν τον κυριον και οτι ελαλησεν αυτω και πως εν δαμασκω επαρρησιασατο εν τω ονοματι του ιησου

しかしバルナバは、サウロを連れて使徒たちのところへ案内し、サウロが旅の途中で主に出会い、主に語りかけられ、ダマスコでイエスの名によって大胆に宣教した次第を説明した。

Orowa, shinuma anak ne Yerusarem kotan ta an wa nei utara tura ahun-shiri soyun-shiri an wa rametokkon no Utarapa reihei gusu ye shiriki:

Orowa, sinuma anakne Yerusarem kotan ta an wa ne utar tura ahun-siri soyun-siri an wa rametokkor no Utarpa rehe kusu ye siriki:

και ην μετ αυτων εισπορευομενος και εκπορευομενος εις ιερουσαλημ παρρησιαζομενος εν τω ονοματι του κυριου

それで、サウロはエルサレムで使徒たちと自由に行き来し、主の名によって恐れずに教えるようになった。

aige, shinuma Herenes un utara tura wa upahunara; koroka, nei utara anak ne shinuma raige kuni hunara nisa ruwe ne.

ayke, sinuma Herenes un utar tura wa upahunara; korka, ne utar anakne sinuma rayke kuni hunara nisa ruwe ne.

ελαλει τε και συνεζητει προς τους ελληνιστας οι δε επεχειρουν ανελειν αυτον

また、ギリシア語を話すユダヤ人と語り、議論もしたが、彼らはサウロを殺そうとねらっていた。

Orowa, iriwak utara nei ambe nu chiki, Kaisaria kotan ta itura wa Tarsos orun omande nisa ruwe ne.

Orowa, irwak utar ne anpe nu ciki, Kaysaria kotan ta itura wa Tarsos orun omante nisa ruwe ne.

επιγνοντες δε οι αδελφοι κατηγαγον αυτον εις καισαριαν καισαρειαν και εξαπεστειλαν αυτον εις ταρσον

それを知った兄弟たちは、サウロを連れてカイサリアに下り、そこからタルソスへ出発させた。

Orowa, Yudea ebitta newa Gariraya newa Samaria un karisia anak ne itomo an, awa, aashte nisa; aige, Utarapa koishitoma wa Ashkanne Ramat ani aomaoma wa apkash hine ainnere nisa ruwe ne na.

Orowa, Yudea epitta newa Gariraya newa Samaria un karisia anakne i=tom an, awa, a=aste nisa; ayke, Utarpa koysitoma wa Askanne Ramat ani a=omaoma wa apkas hine ainnere nisa ruwe ne na.

η μεν ουν εκκλησια καθ ολης της ιουδαιας και γαλιλαιας και σαμαριας σαμαρειας ειχεν ειρηνην οικοδομουμενη και πορευομενη τω φοβω του κυριου και τη παρακλησει του αγιου πνευματος επληθυνετο

こうして、教会はユダヤ、ガリラヤ、サマリアの全地方で平和を保ち、主を畏れ、聖霊の慰めを受け、基礎が固まって発展し、信者の数が増えていった。

Orowa, Petros anak ne obitta no okai ushike kush wa oman ita, Ridda kotan ta oshiroma ashkanne utara orota ne yakka san nisa ruwe ne.

Orowa, Petros anakne opittano okay usike kus wa oman hi ta, Ritta kotan ta osiroma askanne utar oro ta ne yakka san nisa ruwe ne.

εγενετο δε πετρον διερχομενον δια παντων κατελθειν και προς τους αγιους τους κατοικουντας λυδδα

ペトロは方々を巡り歩き、リダに住んでいる聖なる者たちのところへも下って行った。

Awa, tupesan pa ututta koro shotki kata hotke Aineas ari an reihei areikore an ainu apa nisa ruwe ne; nei guru anak tusushke shiyeye etashum wa an na.

Awa, tupesan pa ututta kor sotki kata hotke Ayneas ari an rehe a=rékore an aynu apa nisa ruwe ne; ne kur anak tususke siyeye e=tasum wa an na.

ευρεν δε εκει ανθρωπον τινα ονοματι αινεαν εξ ετων οκτω κατακειμενον επι κραβαττου ος ην παραλελυμενος

そしてそこで、中風で八年前から床についていたアイネアという人に会った。

Orowa, shinuma orota Petros ene itak-hi :— Yesu Kiristo e iwangere na: hopuni wa shotki chupu, ari itak.

Orowa, sinuma oro ta Petros ene itak hi :— Yesu Kiristo e iwankere na: hopuni wa sotki cupu, ari itak.

και ειπεν αυτω ο πετρος αινεα ιαται σε ιησους χριστος αναστηθι και στρωσον σεαυτω και ευθεως ανεστη

ペトロが、「アイネア、イエス・キリストがいやしてくださる。起きなさい。自分で床を整えなさい」と言うと、アイネアはすぐ起き上がった。

Orowa, nani shinuma hopuni nisa ruwe ne. Orowa, Ridda newa Sharon kotan ta oshiroma utara obitta nei guru nukara, aige, Utarapa orun hosari nisa ruwe ne.

Orowa, nani sinuma hopuni nisa ruwe ne. Orowa, Ritta newa Saron kotan ta osiroma utar opitta ne kur nukar, ayke, Utarpa orun hosari nisa ruwe ne.

και ειδαν αυτον παντες οι κατοικουντες λυδδα και τον σαρωνα οιτινες επεστρεψαν επι τον κυριον

リダとシャロンに住む人は皆アイネアを見て、主に立ち帰った。

Orowa, Yoppa kotan ta Tabita ari an reihei koro koikara shiwentep an, nei arabe eepakita yakun, Dorkas ne ruwe ne: nei shiwentep anak ne pirika ikip poron no ki, orowa, eungeraitep kore gunʼne.

Orowa, Yoppa kotan ta Tabita ari an rehe kor koykar siwentep an, ne a=rap eepakita yakun, Dorkas ne ruwe ne: ne siwentep anakne pirka iki p poronno ki, orowa, eunkeraytep kore kunne.

εν ιοππη δε τις ην μαθητρια ονοματι ταβειθα ταβιθα η διερμηνευομενη λεγεται δορκας αυτη ην πληρης εργων αγαθων και ελεημοσυνων ων εποιει

ヤッファにタビタ――訳して言えばドルカス、すなわち「かもしか」――と呼ばれる婦人の弟子がいた。彼女はたくさんの善い行いや施しをしていた。

Awa, nei ita shinuma turasak wa rai; orowa, afuraye chiki rikta an tumbu ta aande nisa ruwe ne.

Awa, ne hi ta sinuma tursak wa ray; orowa, a=huraye ciki rik ta an tumpu ta a=ante nisa ruwe ne.

εγενετο δε εν ταις ημεραις εκειναις ασθενησασαν αυτην αποθανειν λουσαντες δε εθηκαν [αυτην] εν υπερωω

ところが、そのころ病気になって死んだので、人々は遺体を清めて階上の部屋に安置した。

Aine, Ridda kotan anak ne Yoppa kotan ehange wa gusu, koikara utara anak ne Petros nei kotan ta an sekoro nu chiki, orota utara teshkara hine, tunashi no ek kuni koramkon nisa.

Ayne, Ritta kotan anakne Yoppa kotan ehanke wa kusu, koykar utar anakne Petros ne kotan ta an sekor nu ciki, oro ta utar teskar hine, tunasno ek kuni koramkor nisa.

εγγυς δε ουσης λυδδας τη ιοππη οι μαθηται ακουσαντες οτι πετρος εστιν εν αυτη απεστειλαν δυο ανδρας προς αυτον παρακαλουντες μη οκνησης διελθειν εως ημων

リダはヤッファに近かったので、弟子たちはペトロがリダにいると聞いて、二人の人を送り、「急いでわたしたちのところへ来てください」と頼んだ。

Aige, Petros hopuni wa tura no arapa. Orowa, ek chiki, nei rikta an tumbu ta tura: awa, obitta no okai shiyompiyara shiwentep anak ne samaketa roshki wa chish, orowa, tura no an ita Dorkas kara aikushte anrip newa chimipi shinuma nukare.

Ayke, Petros hopuni wa turano arpa. Orowa, ek ciki, ne rik ta an tumpu ta tura: awa, opittano okay siyonpiyar siwentep anakne samake ta roski wa cis, orowa, turano an hi ta Dorkas kar aykuste anrip newa ci=mip sinuma nukare.

αναστας δε πετρος συνηλθεν αυτοις ον παραγενομενον ανηγαγον εις το υπερωον και παρεστησαν αυτω πασαι αι χηραι κλαιουσαι και επιδεικνυμεναι χιτωνας και ιματια οσα εποιει μετ αυτων ουσα η δορκας

ペトロはそこをたって、その二人と一緒に出かけた。人々はペトロが到着すると、階上の部屋に案内した。やもめたちは皆そばに寄って来て、泣きながら、ドルカスが一緒にいたときに作ってくれた数々の下着や上着を見せた。

Koroka, Petros anak ne obitta no okai utara soyumbare chiki, kokkaea hine inonno-itak ki; orowa, nei kaisei orun hosari wa — Tabita, hopuni yan, ari itak.

Korka, Petros anakne opittano okay utar soyunpare ciki, kokkaea hine inonno-itak ki; orowa, ne kaysey orun hosari wa — Tabita, hopuni yan, ari itak.

εκβαλων δε εξω παντας ο πετρος και θεις τα γονατα προσηυξατο και επιστρεψας προς το σωμα ειπεν ταβειθα ταβιθα αναστηθι η δε ηνοιξεν τους οφθαλμους αυτης και ιδουσα τον πετρον ανεκαθισεν

ペトロが皆を外に出し、ひざまずいて祈り、遺体に向かって、「タビタ、起きなさい」と言うと、彼女は目を開き、ペトロを見て起き上がった。

Orowa, teke koshishimare wa hopunire; aige, ashkanne utara newa shiyompiyara shiwentep hotuyepakara wa shiknu no koropare nisa ruwe ne.

Orowa, teke kosisimare wa hopunire; ayke, askanne utar newa siyonpiyar siwentep hotuyepakara wa siknu no korpare nisa ruwe ne.

δους δε αυτη χειρα ανεστησεν αυτην φωνησας δε τους αγιους και τας χηρας παρεστησεν αυτην ζωσαν

ペトロは彼女に手を貸して立たせた。そして、聖なる者たちとやもめたちを呼び、生き返ったタビタを見せた。

Orowa, tap orushpe anak ne Yoppa shikapneka no anu; aine, inne utara Utarapa eishokon nisa ruwe ne.

Orowa, tap oruspe anakne Yoppa sikapneka no anu; ayne, inne utar Utarpa eysokor nisa ruwe ne.

γνωστον δε εγενετο καθ ολης της ιοππης και επιστευσαν πολλοι επι τον κυριον

このことはヤッファ中に知れ渡り、多くの人が主を信じた。

Orowa, Petros anak ne ohonno Yoppa kotan ta an kepuru kara guru ne Simon chisei ta an nisa ruwe ne na.

Orowa, Petros anakne ohonno Yoppa kotan ta an kepur kar kur ne Simon cise ta an nisa ruwe ne na.

εγενετο δε ημερας ικανας μειναι εν ιοππη παρα τινι σιμωνι βυρσει

ペトロはしばらくの間、ヤッファで皮なめし職人のシモンという人の家に滞在した。