27 Ik. ページ 404

Orowa, nei utara Itaria moshiri orun atuitomotuye kuni aesanniyo okere chiki, Yurios ari an reihei koro Augusta ikiri un shine kenturion otta Pauros newa moshima okai epakashnu utara ekoshi nisa ruwe ne.

Orowa, ne utar Itaria mosir orun atuytomotuye kuni a=esanniyo okere ciki, Yurios ari an rehe kor Awgusta ikiri un sine kenturion or ta Pawros newa mosma okay epakasnu utar ekosi nisa ruwe ne.

ως δε εκριθη του αποπλειν ημας εις την ιταλιαν παρεδιδουν τον τε παυλον και τινας ετερους δεσμωτας εκατονταρχη ονοματι ιουλιω σπειρης σεβαστης

わたしたちがイタリアへ向かって船出することに決まったとき、パウロと他の数名の囚人は、皇帝直属部隊の百人隊長ユリウスという者に引き渡された。

Orowa, Asia atui-sam un kotan epeka gusu tane atuitomotuye kushki Adramittinom kotan un chip orun ahup chiki hopumba nisa ruwe ne, Tessaronike moshiri ta an Makedonia kotan un guru ne Aristarkos un tura no an ruwe ne.

Orowa, Asia atuy-sam un kotan epeka kusu tane atuytomotuye kuski Adramittinom kotan un cip orun ahup ciki hopunpa nisa ruwe ne, Tessaronike mosir ta an Makedonia kotan un kur ne Aristarkos un turano an ruwe ne.

επιβαντες δε πλοιω αδραμυντηνω αδραμυττηνω μελλοντι πλειν εις τους κατα την ασιαν τοπους ανηχθημεν οντος συν ημιν αρισταρχου μακεδονος θεσσαλονικεως

わたしたちは、アジア州沿岸の各地に寄港することになっている、アドラミティオン港の船に乗って出港した。テサロニケ出身のマケドニア人アリスタルコも一緒であった。

Nei shimge toho ta Sidon kotan ta akoshirepa ash: Yurios anak ne Pauros eramuhauge wa koro hine koro katairotke utara hotanukara wa yaieashirikara kuni ramuoshma nisa ruwe ne.

Ne simke toho ta Sidon kotan ta a=kosirepa as: Yurios anakne Pawros eramuhawke wa kor hine kor katayrotke utar hotanukar wa yayeasirkar kuni ramuosma nisa ruwe ne.

τη τε ετερα κατηχθημεν εις σιδωνα φιλανθρωπως τε ο ιουλιος τω παυλω χρησαμενος επετρεψεν προς τους φιλους πορευθεντι επιμελειας τυχειν

翌日シドンに着いたが、ユリウスはパウロを親切に扱い、友人たちのところへ行ってもてなしを受けることを許してくれた。

Orowa, nei kotan wano hopumba ash wa atuitomotuye, aige, rera wen wa gusu Kupros kotan sempirike akush.

Orowa, ne kotan wano hopunpa as wa atuytomotuye, ayke, rera wen wa kusu Kupros kotan senpirike akus.

κακειθεν αναχθεντες υπεπλευσαμεν την κυπρον δια το τους ανεμους ειναι εναντιους

そこから船出したが、向かい風のためキプロス島の陰を航行し、

Orowa, Kirikia newa Pampuria un atui akush chiki Rikia moshirʼun Mira kotan ta koshirepa ash.

Orowa, Kirikia newa Panpuria un atuy akus ciki Rikia mosir un Mira kotan ta kosirepa as.

το τε πελαγος το κατα την κιλικιαν και παμφυλιαν διαπλευσαντες κατηλθαμεν κατηλθομεν εις μυρρα μυρα της λυκιας

キリキア州とパンフィリア州の沖を過ぎて、リキア州のミラに着いた。

Awa, nei ita kenturion anak ne Itaria orun paye kushki Ariksandria moshirʼun chip nukara chiki, otta un ore nisa ruwe ne.

Awa, ne hi ta kenturion anakne Itaria orun paye kuski Ariksandria mosir un cip nukar ciki, or ta un ore nisa ruwe ne.

κακει ευρων ο εκατονταρχης πλοιον αλεξανδρινον πλεον εις την ιταλιαν ενεβιβασεν ημας εις αυτο

ここで百人隊長は、イタリアに行くアレクサンドリアの船を見つけて、わたしたちをそれに乗り込ませた。

Orowa, inne toho uturu rera wen wa gusu noratchitara atuitomotuye wa an aine Knidos kotan samake araki ash chiki, Sarmone moshiri samta an Kuretos kotan sempirike akush;

Orowa, inne toho uturu rera wen wa kusu noratcitara atuytomotuye wa an ayne Knidos kotan samake arki as ciki, Sarmone mosir sam ta an Kuretos kotan senpirike akus;

εν ικαναις δε ημεραις βραδυπλοουντες και μολις γενομενοι κατα την κνιδον μη προσεωντος ημας του ανεμου υπεπλευσαμεν την κρητην κατα σαλμωνην

幾日もの間、船足ははかどらず、ようやくクニドス港に近づいた。ところが、風に行く手を阻まれたので、サルモネ岬を回ってクレタ島の陰を航行し、

orowa hokamba no nei atui-sam tomotuye wa Pirika Tomari ari aye ushike akoshirepa ash; Rasaia ari aye machiya nei ushike ehange ruwe ne na.

orowa hokanpa no ne atuy-sam tomotuye wa Pirka Tomari ari a=ye usike a=kosirepa as; Rasaya ari a=ye maciya ne usike ehanke ruwe ne na.

μολις τε παραλεγομενοι αυτην ηλθομεν εις τοπον τινα καλουμενον καλους λιμενας ω εγγυς ην πολις λασεα πολις ην λασαια

ようやく島の岸に沿って進み、ラサヤの町に近い「良い港」と呼ばれる所に着いた。

Orowa, ohon no uturuta iki, aine, shomo ramnu ki arabe aokere wa tane paye ambe yaikipte ruwe ne gusu, Pauros nei utara onishnishi wa ene itak-hi :—

Orowa, ohor no utur ta iki, ayne, somo ramnu ki a=rap a=okere wa tane paye anpe yaykipte ruwe ne kusu, Pawros ne utar onisnisi wa ene itak hi :—

ικανου δε χρονου διαγενομενου και οντος ηδη επισφαλους του πλοος δια το και την νηστειαν ηδη παρεληλυθεναι παρηνει ο παυλος

かなりの時がたって、既に断食日も過ぎていたので、航海はもう危険であった。それで、パウロは人々に忠告した。

Nishpa utara, tan atuitomotuye ambe gusu aiuninka newa poron no akoisamka ambe iki kusu ne na, chip shike gusu patek shomo ne, koroka, chi koro inotu gusu poka ne na, ari itak.

Nispa utar, tan atuytomotuye anpe kusu ayuninka newa poronno akoysamka anpe iki kusu ne na, cip sike kusu patek somo ne, korka, ci kor inotu kusu poka ne na, ari itak.

λεγων αυτοις ανδρες θεωρω οτι μετα υβρεως και πολλης ζημιας ου μονον του φορτιου και του πλοιου αλλα και των ψυχων ημων μελλειν εσεσθαι τον πλουν

「皆さん、わたしの見るところでは、この航海は積み荷や船体ばかりでなく、わたしたち自身にも危険と多大の損失をもたらすことになります。」

Koroka, nei kenturion anak ne Pauros ye itak kasu no chip esapane guru newa chip koro guru otta ikokanu wa nu nisa ruwe ne.

Korka, ne kenturion anakne Pawros ye itak kasuno cip esapane kur newa cip kor kur or ta ikokanu wa nu nisa ruwe ne.

ο δε εκατονταρχης τω κυβερνητη και τω ναυκληρω μαλλον επειθετο η τοις υπο παυλου λεγομενοις

しかし、百人隊長は、パウロの言ったことよりも、船長や船主の方を信用した。

Orowa, mata uturuta riya kuni nei tomari pirika shomo ne wa gusu, nei ushike wano atuitomotuye hine neum poka aine Poineka kotan koshirepa wa mata riya kuni ne utara poro sereke onishnishi nisa ruwe ne; nei kotan anak ne Kuretos moshiri ta an matnau newa okoipok un rera oro epeka hosari wa an tomari ne ruwe ne.

Orowa, mata utur ta riya kuni ne tomari pirka somo ne wa kusu, ne usike wano atuytomotuye hine neum poka ayne Poyneka kotan kosirepa wa mata riya kuni ne utar poro serke onisnisi nisa ruwe ne; ne kotan anakne Kuretos mosir ta an matnaw newa okoypok un rera oro epeka hosari wa an tomari ne ruwe ne.

ανευθετου δε του λιμενος υπαρχοντος προς παραχειμασιαν οι πλειονες εθεντο βουλην αναχθηναι εκειθεν ει πως δυναιντο καταντησαντες εις φοινικα παραχειμασαι λιμενα της κρητης βλεποντα κατα λιβα και κατα χωρον

この港は冬を越すのに適していなかった。それで、大多数の者の意見により、ここから船出し、できるならばクレタ島で南西と北西に面しているフェニクス港に行き、そこで冬を過ごすことになった。

Orowa, okoipok un rera hauge no ash chiki, aoshitchiu arabe tane an ari yainu gusu, kaite yange wa Kuretos moshiri atui sam ehange no atuitomotuye nisa ruwe ne.

Orowa, okoypok un rera hawke no as ciki, aositciw a=rap tane an ari yaynu kusu, kayte yanke wa Kuretos mosir atuy sam ehanke no atuytomotuye nisa ruwe ne.

υποπνευσαντος δε νοτου δοξαντες της προθεσεως κεκρατηκεναι αραντες ασσον παρελεγοντο την κρητην

ときに、南風が静かに吹いて来たので、人々は望みどおりに事が運ぶと考えて錨を上げ、クレタ島の岸に沿って進んだ。

Koroka, irukai tomta payekai koro, Eurakuron ari aye yupke rera nei i wano soyoshma:

Korka, irukay tomta payekay kor, Ewrakuron ari a=ye yupke rera ne i wano soyosma:

μετ ου πολυ δε εβαλεν κατ αυτης ανεμος τυφωνικος ο καλουμενος ευρακυλων

しかし、間もなく「エウラキロン」と呼ばれる暴風が、島の方から吹き降ろして来た。

aige, chip aepeka gusu nei rera eun hosari eaikap chiki, rera ehose wa paye ash nisa ruwe ne na.

ayke, cip aep ka kusu ne rera eun hosari eaykap ciki, rera e=hos wa paye as nisa ruwe ne na.

συναρπασθεντος δε του πλοιου και μη δυναμενου αντοφθαλμειν τω ανεμω επιδοντες εφερομεθα

船はそれに巻き込まれ、風に逆らって進むことができなかったので、わたしたちは流されるにまかせた。

Orowa, Kanda ari aye pon rupun shiri sempirike pash koro, an aine hokamba no pon chip uk eashkai:

Orowa, Kanda ari a=ye pon rup un siri senpirike pas kor, an ayne hokanpa no pon cip uk easkay:

νησιον δε τι υποδραμοντες καλουμενον καυδα ισχυσαμεν μολις περικρατεις γενεσθαι της σκαφης

やがて、カウダという小島の陰に来たので、やっとのことで小舟をしっかりと引き寄せることができた。

awa, nei ambe yange chiki, chip ikashiu gusu choropoke un tush akushte wa ani aeatyupu; orowa, Surtis kata ayange kuni ishitoma gusu kaya-ni omap rapte, aige, nei no rera ehose nisa ruwe ne.

awa, ne anpe yanke ciki, cip ikasiw kusu corpok un tus a=kuste wa ani aeatyupu; orowa, Surtis kata a=yanke kuni isitoma kusu kaya-ni omap rapte, ayke, néno rera e=hos nisa ruwe ne.

ην αραντες βοηθειαις εχρωντο υποζωννυντες το πλοιον φοβουμενοι τε μη εις την συρτιν εκπεσωσιν χαλασαντες το σκευος ουτως εφεροντο

小舟を船に引き上げてから、船体には綱を巻きつけ、シルティスの浅瀬に乗り上げるのを恐れて海錨を降ろし、流されるにまかせた。

Orowa, shiariki no nei rerashiu gusu monraige ash, awa, nei shimge toho ta utara anak ne chip orowa no shikehe osurupa heashi:

Orowa, siariki no ne rerasiw kusu monrayke as, awa, ne simke toho ta utar anakne cip oro wano sikehe osurpa heasi:

σφοδρως δε χειμαζομενων ημων τη εξης εκβολην εποιουντο

しかし、ひどい暴風に悩まされたので、翌日には人々は積み荷を海に捨て始め、

aige, rereko ikinne an toho ta yaikota koro tekehe ani chip otta aeyairamokotep osurupa nisa ruwe ne.

ayke, rerko ikinne an toho ta yaykota kor tekehe ani cip or ta aeyayramokotep osurpa nisa ruwe ne.

και τη τριτη αυτοχειρες την σκευην του πλοιου εριψαν ερριψαν

三日目には自分たちの手で船具を投げ捨ててしまった。

Orowa, inne toho uturu tokap chup ne yakka nochiu ne yakka un kashi kotom shomoki gusu, samata, un otta saure shomo ne an rerashiu an gusu, tane kashichiobiuki kuni gusu an chipachipa ika aetaye nisa ruwe ne na.

Orowa, inne toho uturu tokap cup ne yakka nociw ne yakka un kasi kotom somo ki kusu, sama ta, un or ta sawre somo ne an rerasiw an kusu, tane kasiciopiwki kuni kusu an cipacipa ika a=etaye nisa ruwe ne na.

μητε δε ηλιου μητε αστρων επιφαινοντων επι πλειονας ημερας χειμωνος τε ουκ ολιγου επικειμενου λοιπον περιηρειτο ελπις πασα του σωζεσθαι ημας

幾日もの間、太陽も星も見えず、暴風が激しく吹きすさぶので、ついに助かる望みは全く消えうせようとしていた。

Orowa, ohonno uturuta shomo ramnu ki chiki, Pauros nei utara tumugeta ash wa ene itak-hi :— Nishpa utara, echi utara anak ne en orun ikokanu wa Kuretos wano shomo hopumba yak pirika na; yak anak ne tapan iunimbe newa akoisamka ambe isam nangon na.

Orowa, ohonno utur ta somo ramnu ki ciki, Pawros ne utar tumke ta as wa ene itak hi :— Nispa utar, eci utar anakne en=orun ikokanu wa Kuretos wano somo hopunpa yak pirka na; yakanak ne tapan iwninpe newa akoysamka anpe isam nankor na.

πολλης τε ασιτιας υπαρχουσης τοτε σταθεις ο παυλος εν μεσω αυτων ειπεν εδει μεν ω ανδρες πειθαρχησαντας μοι μη αναγεσθαι απο της κρητης κερδησαι τε την υβριν ταυτην και την ζημιαν

人々は長い間、食事をとっていなかった。そのとき、パウロは彼らの中に立って言った。「皆さん、わたしの言ったとおりに、クレタ島から船出していなければ、こんな危険や損失を避けられたにちがいありません。

Tane echi ramu-ritetke kuni echi onishnishi ash: inambe gusu ne yakun, chip patek aisamka kusu ne, ainu rai shomoki kusu ne gusu ne na.

Tane eci=ramu-ritetke kuni eci onisnisi as: inanpe kusu ne yakun, cip patek a=ysamka kusu ne, aynu ray somo ki kusu ne kusu ne na.

και τα νυν παραινω υμας ευθυμειν αποβολη γαρ ψυχης ουδεμια εσται εξ υμων πλην του πλοιου

しかし今、あなたがたに勧めます。元気を出しなさい。船は失うが、皆さんのうちだれ一人として命を失う者はないのです。

Tan ukuran otta ku yaishieiwangere poka en koro Kamui koro hauturumbe anak ne en samaketa ash wa ene itak-hi :—

Tan ukuran or ta ku yaysieywankere poka en=kor Kamuy kor hawturunpe anakne en=samake ta as wa ene itak hi :—

παρεστη γαρ μοι ταυτη τη νυκτι του θεου ου ειμι [εγω] ω και λατρευω αγγελος

わたしが仕え、礼拝している神からの天使が昨夜わたしのそばに立って、

Pauros, iteki ishitoma yan; eani anak ne Kaisaros kotchaketa ash kunip ne: orowa, ingarʼan, Kamui anak ne e tura no chip o utara obitta e kore nisa ruwe ne, ari itak.

Pawros, iteki isitoma yan; eani anakne Kaysaros kotcake ta as kunip ne: orowa, inkar=an, Kamuy anakne e turano cip o utar opitta e kore nisa ruwe ne, ari itak.

λεγων μη φοβου παυλε καισαρι σε δει παραστηναι και ιδου κεχαρισται σοι ο θεος παντας τους πλεοντας μετα σου

こう言われました。『パウロ、恐れるな。あなたは皇帝の前に出頭しなければならない。神は、一緒に航海しているすべての者を、あなたに任せてくださったのだ。』

Tambe gusu, Nishpa utara, ramuritetke yan: en otta aye korachi hetuku kusu ne kuni ambe gusu kuani anak ne Kamui eishokon ruwe ne.

Tanpe kusu, Nispa utar, ramuritetke yan: en or ta a=ye koraci hetuku kusu ne kuni anpe kusu kuani anakne Kamuy eysokor ruwe ne.

διο ευθυμειτε ανδρες πιστευω γαρ τω θεω οτι ουτως εσται καθ ον τροπον λελαληται μοι

ですから、皆さん、元気を出しなさい。わたしは神を信じています。わたしに告げられたことは、そのとおりになります。

Yakka, an repun-shiri a un ayange kunip ne ruwe ne na.

Yakka, an repun-siri a un a=yanke kunip ne ruwe ne na.

εις νησον δε τινα δει ημας εκπεσειν

わたしたちは、必ずどこかの島に打ち上げられるはずです。」

Orowa, inep ikashima wan anchikara ek an chiki, Adria atui kata ekeshne-ekeshne aehose rapoketa, an noshike pakita chip o utara anak ne nep moshiri koehange ruwe ne kunak yainu;

Orowa, inep ikasma wan ancikar ek an ciki, Adria atuy kata ekesne-ekesne aehose rapoketa, an noske pakita cip o utar anakne nep mosir koehanke ruwe ne kunak yaynu;

ως δε τεσσαρεσκαιδεκατη νυξ εγενετο διαφερομενων ημων εν τω αδρια κατα μεσον της νυκτος υπενοουν οι ναυται προσαγειν τινα αυτοις χωραν

十四日目の夜になったとき、わたしたちはアドリア海を漂流していた。真夜中ごろ船員たちは、どこかの陸地に近づいているように感じた。

awa, atui pakari chiki hotne hiro ne: orowa, naa pon no shiran ko shui pakari,

awa, atuy pakari ciki hotne hiro ne: orowa, naa ponno siran ko suy pakari,

και βολισαντες ευρον οργυιας εικοσι βραχυ δε διαστησαντες και παλιν βολισαντες ευρον οργυιας δεκαπεντε

そこで、水の深さを測ってみると、二十オルギィアあることが分かった。もう少し進んでまた測ってみると、十五オルギィアであった。

aige, ashikne ikashima wan hiro ne ruwe ne. Orowa, ikineipeka watara ush atui sam kata ayange kuni koishitoma gusu chip osoro wa ine kaite range, orowa, nishat echipachipa nisa ruwe ne.

ayke, asikne ikasma wan hiro ne ruwe ne. Orowa, ikineypeka watara us atuy sam kata a=yanke kuni koysitoma kusu cip osoro wa ine kayte ranke, orowa, nisat ecipacipa nisa ruwe ne.

φοβουμενοι τε μη που κατα τραχεις τοπους εκπεσωμεν εκ πρυμνης ριψαντες αγκυρας τεσσαρας ηυχοντο ημεραν γενεσθαι

船が暗礁に乗り上げることを恐れて、船員たちは船尾から錨を四つ投げ込み、夜の明けるのを待ちわびた。

Orowa, chip o utara anak ne chip sapa wa kaite range kuni shinere, koroka, pon chip range wa echaot kuni hunara chiki.

Orowa, cip o utar anakne cip sapa wa kayte ranke kuni sinere, korka, pon cip ranke wa ecaot kuni hunara ciki.

των δε ναυτων ζητουντων φυγειν εκ του πλοιου και χαλασαντων την σκαφην εις την θαλασσαν προφασει ως εκ πρωρης αγκυρας μελλοντων εκτεινειν

ところが、船員たちは船から逃げ出そうとし、船首から錨を降ろす振りをして小舟を海に降ろしたので、

Pauros nei kenturion newa tumi-koro utara otta ene itak-hi :— Chip oshiketa okai shomoki yakun echi kashichiobiuki eaikap ruwe ne.

Pawros ne kenturion newa tumi-kor utar or ta ene itak hi :— Cip oske ta okay somo ki yakun eci kasiciopiwki eaykap ruwe ne.

ειπεν ο παυλος τω εκατονταρχη και τοις στρατιωταις εαν μη ουτοι μεινωσιν εν τω πλοιω υμεις σωθηναι ου δυνασθε

パウロは百人隊長と兵士たちに、「あの人たちが船にとどまっていなければ、あなたがたは助からない」と言った。

Orowa no, tumi-koro utara anak ne chip tush otuye wa chip hachire nisa ruwe ne.

Orowano, tumi-kor utar anakne cip tus otuye wa cip hacire nisa ruwe ne.

τοτε απεκοψαν οι στρατιωται τα σχοινια της σκαφης και ειασαν αυτην εκπεσειν

そこで、兵士たちは綱を断ち切って、小舟を流れるにまかせた。

Orowa, tokap ek korʼan ita anak ne obitta no okai utara aep ibe kuni ne Pauros onishnishi wa ene itak-hi :— Nep ne yakka shomo echi ibe wa shomo ramnu ki wano ine ikinne ikashima wan ikinne an toho ne ruwe ne.

Orowa, tokap ek kor an hi ta anakne opittano okay utar aep ipe kuni ne Pawros onisnisi wa ene itak hi :— Nep ne yakka somo eci=ipe wa somo ramnu ki wano ine ikinne ikasma wan ikinne an toho ne ruwe ne.

αχρι δε ου ημερα ημελλεν γινεσθαι παρεκαλει ο παυλος απαντας μεταλαβειν τροφης λεγων τεσσαρεσκαιδεκατην σημερον ημεραν προσδοκωντες ασιτοι διατελειτε μηθεν προσλαβομενοι

夜が明けかけたころ、パウロは一同に食事をするように勧めた。「今日で十四日もの間、皆さんは不安のうちに全く何も食べずに、過ごしてきました。

Tambe gusu aep ibe kuni echi onishnishi ash ruwe nei tambe anat ne irammakaka echi okai kuni nep: echi sapa un otop-tu shinep poka aisamka shomoki kusu ne gusu ne na.

Tanpe kusu aep ipe kuni eci onisnisi as ruwe ne tanpe anat ne irammakaka eci=okay kuni nep: eci=sapa un otop-tu sinep poka a=ysamka somo ki kusu ne kusu ne na.

διο παρακαλω υμας μεταλαβειν τροφης τουτο γαρ προς της υμετερας σωτηριας υπαρχει ουδενος γαρ υμων θριξ απο της κεφαλης απολειται

だから、どうぞ何か食べてください。生き延びるために必要だからです。あなたがたの頭から髪の毛一本もなくなることはありません。」

Orowa, shinuma tambe ye okere chiki aep uina, orowa, obitta no okai utara kotchaketa Kamui koyaiiraige: aige, nei ambe meshpa wa ibe heashi nisa ruwe ne.

Orowa, sinuma tanpe ye okere ciki aep uyna, orowa, opittano okay utar kotcake ta Kamuy koyayirayke: ayke, ne anpe mespa wa ipe heasi nisa ruwe ne.

ειπας δε ταυτα και λαβων αρτον ευχαριστησεν τω θεω ενωπιον παντων και κλασας ηρξατο εσθιειν

こう言ってパウロは、一同の前でパンを取って神に感謝の祈りをささげてから、それを裂いて食べ始めた。

Tata otta obitta no okai utara anak ne ramuritetke, orowa, yaikota aep ibe nisa ruwe ne na.

Tata or ta opittano okay utar anakne ramuritetke, orowa, yaykota aep ipe nisa ruwe ne na.

ευθυμοι δε γενομενοι παντες και αυτοι προσελαβοντο τροφης

そこで、一同も元気づいて食事をした。

Nei chip oshiketa okai utara pishki-hi anak ne tu ik newa iwan ikashima wan e ine hotne niu ne ruwe ne.

Ne cip oske ta okay utar piski hi anakne tu ik newa iwan ikasma wan e ine hotne niw ne ruwe ne.

ημεθα δε αι πασαι ψυχαι εν τω πλοιω ως διακοσιαι εβδομηκοντα εξ

船にいたわたしたちは、全部で二百七十六人であった。

Orowa, pakno ibe okere chiki atui orun oshiketa an mungi osurupa wa chip koshnere nisa ruwe ne.

Orowa, pakno ipe okere ciki atuy orun oske ta an munki osurpa wa cip kosnere nisa ruwe ne.

κορεσθεντες δε τροφης εκουφιζον το πλοιον εκβαλλομενοι τον σιτον εις την θαλασσαν

十分に食べてから、穀物を海に投げ捨てて船を軽くした。

Awa, tokap ne chiki nei moshiri eramushkari: koroka, otamoi an ush nukara wa nei kashiketa chip aehose eashkai ya ukoramkon nisa ruwe ne.

Awa, tokap ne ciki ne mosir eramuskari: korka, otamoy an us nukar wa ne kasike ta cip aehose easkay ya ukoramkor nisa ruwe ne.

οτε δε ημερα εγενετο την γην ουκ επεγινωσκον κολπον δε τινα κατενοουν εχοντα αιγιαλον εις ον εβουλευοντο ει δυναιντο εκσωσαι εξωσαι το πλοιον

朝になって、どこの陸地であるか分からなかったが、砂浜のある入り江を見つけたので、できることなら、そこへ船を乗り入れようということになった。

Orowa, kaite apita wa atui oshiketa ande, shui, nei rapoketa kanchi tush ne yakka pita; orosama, chip sapa ta an kaya ashte wa atui sam oropeka paye.

Orowa, kayte a=pita wa atuy oske ta ante, suy, ne rapoketa kanci tus ne yakka pita; orosama, cip sapa ta an kaya aste wa atuy sam oropeka paye.

και τας αγκυρας περιελοντες ειων εις την θαλασσαν αμα ανεντες τας ζευκτηριας των πηδαλιων και επαραντες τον αρτεμωνα τη πνεουση κατειχον εις τον αιγιαλον

そこで、錨を切り離して海に捨て、同時に舵の綱を解き、風に船首の帆を上げて、砂浜に向かって進んだ。

Koroka, tu atui uwetasa chiu an ushita paye chiki, chip otoitomeush; aige, chip sapa raoimoige eaikap pakno otoieush, awa, chip nanta riri yupkep epereke nisa ruwe ne.

Korka, tu atuy uwetasa ciw an usi ta paye ciki, cip otoytomeus; ayke, cip sapa raoymoyke eaykap pakno otoyeus, awa, cip nan ta rir yupke p e=perke nisa ruwe ne.

περιπεσοντες δε εις τοπον διθαλασσον επεκειλαν την ναυν και η μεν πρωρα ερεισασα εμεινεν ασαλευτος η δε πρυμνα ελυετο υπο της βιας [των] κυματων

ところが、深みに挟まれた浅瀬にぶつかって船を乗り上げてしまい、船首がめり込んで動かなくなり、船尾は激しい波で壊れだした。

Orowa, ikineipeka ika ipakashnu utura tumuge un utara ma wa paye hine kira gusu, tumi-koro utara ronnu kuni eukoramkon nisa ruwe ne.

Orowa, ikineypeka ika ipakasnu utura tumuke un utar ma wa paye hine kira kusu, tumi-kor utar ronnu kuni e=wkoramkor nisa ruwe ne.

των δε στρατιωτων βουλη εγενετο ινα τους δεσμωτας αποκτεινωσιν μη τις εκκολυμβησας διαφυγη

兵士たちは、囚人たちが泳いで逃げないように、殺そうと計ったが、

Koroka, kenturion anak ne Pauros kaobiuki rusui gusu nei no ki kuni ambe eham; aige, ma eashkai utara atui un yaieyapkiri wa hoshiki no ya ta paye kuni kashpaotte nisa ruwe ne:

Korka, kenturion anakne Pawros kaopiwki rusuy kusunéno ki kuni anpe eham; ayke, ma easkay utar atuy un yayeyapkir wa hoskino ya ta paye kuni kaspaotte nisa ruwe ne:

ο δε εκατονταρχης βουλομενος διασωσαι τον παυλον εκωλυσεν αυτους του βουληματος εκελευσεν τε τους δυναμενους κολυμβαν αποριψαντας πρωτους επι την γην εξιεναι

百人隊長はパウロを助けたいと思ったので、この計画を思いとどまらせた。そして、泳げる者がまず飛び込んで陸に上がり、

orowa, moshima okai utara sereke ni kata hene sereke chip orowa no an okaibe kata hene paye ruwe ne. Aine, obitta no okai utara anak ne shiknu no ya ta koshirepa nisa ruwe ne na.

orowa, mosma okay utar serke ni kata hene serke cip oro wano an okaype kata hene paye ruwe ne. Ayne, opittano okay utar anakne siknu no ya ta kosirepa nisa ruwe ne na.

και τους λοιπους ους μεν επι σανισιν ους δε επι τινων των απο του πλοιου και ουτως εγενετο παντας διασωθηναι επι την γην

残りの者は板切れや船の乗組員につかまって泳いで行くように命令した。このようにして、全員が無事に上陸した。