Orowa, Pentekoste toho tane auweomare shiri an ita anak ne, nei utara obitta shineanda uwekarapa wa okai.
Orowa, Pentekoste toho tane a=ueomare siri an hi ta anakne, ne utar opitta sineanta uekarpa wa okay.
και εν τω συμπληρουσθαι την ημεραν της πεντηκοστης ησαν παντες ομου επι το αυτο
五旬祭の日が来て、一同が一つになって集まっていると、
Awa, ekushkonna kando orowa no poro rera pash humi humkosanu hine, otta nei utara rok wa okai chisei upshoro etushnatki nisa ruwe ne.
Awa, ekuskonna kanto oro wano poro rera pas humi humkosanu hine, or ta ne utar rok wa okay cise upsoro etusnatki nisa ruwe ne.
και εγενετο αφνω εκ του ουρανου ηχος ωσπερ φερομενης πνοης βιαιας και επληρωσεν ολον τον οικον ου ησαν καθημενοι
突然、激しい風が吹いて来るような音が天から聞こえ、彼らが座っていた家中に響いた。
Aige, ausaraye wa okai abe-o nepkoro parumbe nei utara otta anukara, awa, pishno okai nei utara kata rok nisa ruwe ne.
Ayke, a=wsaraye wa okay ape-o nepkor parunpe ne utar or ta a=nukar, awa, pisno okay ne utar kata rok nisa ruwe ne.
και ωφθησαν αυτοις διαμεριζομεναι γλωσσαι ωσει πυρος και εκαθισεν εφ ενα εκαστον αυτων
そして、炎のような舌が分かれ分かれに現れ、一人一人の上にとどまった。
Orowa nei utara Ashkanne Ramat ani aeshik, aige, nei Ramat yere korachi, oya moshirʼun itak ani itak heashire nisa ruwe ne.
Orowa ne utar Askanne Ramat ani a=esik, ayke, ne Ramat yere koraci, oya mosir un itak ani itak heasire nisa ruwe ne.
και επλησθησαν παντες πνευματος αγιου και ηρξαντο λαλειν ετεραις γλωσσαις καθως το πνευμα εδιδου αποφθεγγεσθαι αυτοις
すると、一同は聖霊に満たされ、“霊”が語らせるままに、ほかの国々の言葉で話しだした。
Nei ita kando choropoketa obitta no okai moshiri uirup wano araki aainukoro Yudea un utara Yerusarem kotan ta oshiroma nisa ruwe ne.
Ne hi ta kanto corpoke ta opittano okay mosir uyrup wano arki aynukor Yudea un utar Yerusarem kotan ta osiroma nisa ruwe ne.
ησαν δε εν εις ιερουσαλημ κατοικουντες ιουδαιοι ανδρες ευλαβεις απο παντος εθνους των υπο τον ουρανον
さて、エルサレムには天下のあらゆる国から帰って来た、信心深いユダヤ人が住んでいたが、
Awa, tan humi anu chiki, inne utara uwekarapa, orowa, okai utara anak ne pishno pishno yaikota koro kotan un itak ani nei utara ye hawe nu gusu, sambe-a-kokuruse nisa ruwe ne.
Awa, tan humi anu ciki, inne utar uekarpa, orowa, okay utar anakne pisno pisno yaykota kor kotan un itak ani ne utar ye hawe nu kusu, sanpe-a-kokuruse nisa ruwe ne.
γενομενης δε της φωνης ταυτης συνηλθεν το πληθος και συνεχυθη οτι ηκουσεν ηκουον εις εκαστος τη ιδια διαλεκτω λαλουντων αυτων
この物音に大勢の人が集まって来た。そして、だれもかれも、自分の故郷の言葉が話されているのを聞いて、あっけにとられてしまった。
Aige, utara obitta oyamokte wa enushkari hine ene hawe oka-hi :— Ingarʼan, tap ye utara anak ne obitta Gariraya un utara shomo ne ya?
Ayke, utar opitta oyamokte wa enuskari hine ene haweoka hi :— Inkar=an, tap ye utar anakne opitta Gariraya un utar somo ne ya?
εξισταντο δε και εθαυμαζον λεγοντες ουχι ιδου παντες ουχ ιδου απαντες ουτοι εισιν οι λαλουντες γαλιλαιοι
人々は驚き怪しんで言った。「話をしているこの人たちは、皆ガリラヤの人ではないか。
Yakun, nekon a chi utara anak pishno pishno otta shiko moshirʼun itak anu ya?
Yakun, nekona ci utar anak pisno pisno or ta siko mosir un itak anu ya?
και πως ημεις ακουομεν εκαστος τη ιδια διαλεκτω ημων εν η εγεννηθημεν
どうしてわたしたちは、めいめいが生まれた故郷の言葉を聞くのだろうか。
Partos un utara hene, Medea un utara hene, Eram un utara hene, samata, Mesopotamia, Yudea,
partos un utar hene, Medea un utar hene, Eram un utar hene, sama ta, Mesopotamia, Yudea,
παρθοι και μηδοι και ελαμιται και οι κατοικουντες την μεσοποταμιαν ιουδαιαν τε και καππαδοκιαν ποντον και την ασιαν
わたしたちの中には、パルティア、メディア、エラムからの者がおり、また、メソポタミア、ユダヤ、カパドキア、ポントス、アジア、
Kapadokia, Ponto, Asia, Eurugia, Ramfuria, Echipt newa Kurene samaketa an Ribua kotan un utara hene, orowa, Roma otta reushi utara, Yudea un utara newa Yudea un epakashi koikara kuni akara utara hene,
kapatokia, Ponto, Asia, Ewrugia, Ramfuria, Ecipt newa Kurene samake ta an Ribua kotan un utar hene, orowa, Roma or ta rewsi utar, Yudea un utar newa Yudea un epakasi koykar kuni a=kar utar hene,
φρυγιαν τε και παμφυλιαν αιγυπτον και τα μερη της λιβυης της κατα κυρηνην και οι επιδημουντες ρωμαιοι ιουδαιοι τε και προσηλυτοι
フリギア、パンフィリア、エジプト、キレネに接するリビア地方などに住む者もいる。また、ローマから来て滞在中の者、
Kurete un utara newa Arabia un utara hene, chikoro kotan un itak ani nei utara anak ne Kamui kiroro ki ikip ye-hi chi nu ruwe ne, sekoro itak.
kurete un utar newa Arabia un utar hene, ci=kor kotan un itak ani ne utar anakne Kamuy kiroro ki iki p ye hi ci nu ruwe ne, sekor itak.
κρητες και αραβες ακουομεν λαλουντων αυτων ταις ημετεραις γλωσσαις τα μεγαλεια του θεου
ユダヤ人もいれば、ユダヤ教への改宗者もおり、クレタ、アラビアから来た者もいるのに、彼らがわたしたちの言葉で神の偉大な業を語っているのを聞こうとは。」
Orowa, nei utara obitta oyamokte wa keutum chiutumashbare, aige; — Tap okaibe ikkewehe nekon a ambe ne ya? ari an itak ani
Orowa, ne utar opitta oyamokte wa kewtum ciwtumaspare, ayke; — Tap okaype ikkewehe nekona anpe ne ya? ari an itak ani
εξισταντο δε παντες και διηπορουντο διηπορουν αλλος προς αλλον λεγοντες τι θελει τουτο ειναι
人々は皆驚き、とまどい、「いったい、これはどういうことなのか」と互いに言った。
utashpa ye nisa ruwe ne. Koroka, moshima okai utara anak ne eoya-itak wa ene hawe oka-hi :— Nei utara ashiri tonoto aeshik no okai ruwe ne na, ari itak nisa.
utaspa ye nisa ruwe ne. Korka, mosma okay utar anakne e=oya-itak wa ene haweoka hi :— Ne utar a=siri tonoto a=esik no okay ruwe ne na, ari itak nisa.
ετεροι δε διαχλευαζοντες ελεγον οτι γλευκους μεμεστωμενοι εισιν
しかし、「あの人たちは、新しいぶどう酒に酔っているのだ」と言って、あざける者もいた。
Koroka, Petros anak ne nei shinen ikashima wa niu tura no ash wa hawe sange hine orota ene itak-hi :— Yudea un nishpa utara, shui, Yerusarem kotan ta ne yakka oshiroma utara uwesamamba tambe uonnere yan, tap ku ye itak inu wa en kore yan.
Korka, Petros anakne ne sinen ikasma wa niw turano as wa hawe sanke hine oro ta ene itak hi :— Yudea un nispa utar, suy, Yerusarem kotan ta ne yakka osiroma utar uwesamanpa tanpe uonnere yan, tap ku=ye itak inu wa en=kore yan.
σταθεις δε ο πετρος συν τοις ενδεκα επηρεν την φωνην αυτου και απεφθεγξατο αυτοις ανδρες ιουδαιοι και οι κατοικουντες ιερουσαλημ παντες τουτο υμιν γνωστον εστω και ενωτισασθε τα ρηματα μου
すると、ペトロは十一人と共に立って、声を張り上げ、話し始めた。「ユダヤの方々、またエルサレムに住むすべての人たち、知っていただきたいことがあります。わたしの言葉に耳を傾けてください。
Echi yainu-hi nei no tan utara anak ne ihoshki utara shomo ne ruwe ne; ouse tokap re ikinne an pakihi ne ruwe ne gusu ne na;
Eci=yaynu hi néno tan utar anakne ihoski utar somo ne ruwe ne; owse tokap re ikinne an pakihi ne ruwe ne kusu ne na;
ου γαρ ως υμεις υπολαμβανετε ουτοι μεθυουσιν εστιν γαρ ωρα τριτη της ημερας
今は朝の九時ですから、この人たちは、あなたがたが考えているように、酒に酔っているのではありません。
koroka, tambe anak ne uweingara guru ne Yoeru paroho chiitakte hawe ne :—
korka, tanpe anakne ueinkar kur ne Yoeru paroho ci=itakte hawe ne :—
αλλα τουτο εστιν το ειρημενον δια του προφητου ιωηλ
そうではなく、これこそ預言者ヨエルを通して言われていたことなのです。
Kamui ene itak-hi :— Okese an toho ta, Kuani anak ne obitta no okai kam kata Ku Ramat Ku ohetu kusu ne: Aige, echi koro okkai poho newa matne poho uweingara ki, Echi koro okkaibo utara anak ne anukarape nukara, Echi koro ekashi utara wendarap nukara kusu ne:
Kamuy ene itak hi :— Okes an toho ta, Kuani anakne opittano okay kam kata Ku Ramat Ku=ohetu kusu ne: Ayke, eci=kor okkay poho newa matnepoho ueinkar ki, Eci=kor okkaypo utar anakne anukarape nukar, Eci=kor ekasi utar wentarap nukar kusu ne:
και εσται εν ταις εσχαταις ημεραις λεγει ο θεος εκχεω απο του πνευματος μου επι πασαν σαρκα και προφητευσουσιν οι υιοι υμων και αι θυγατερες υμων και οι νεανισκοι υμων ορασεις οψονται και οι πρεσβυτεροι υμων ενυπνιοις ενυπνιασθησονται
『神は言われる。終わりの時に、わたしの霊をすべての人に注ぐ。すると、あなたたちの息子と娘は預言し、若者は幻を見、老人は夢を見る。
Ruwe un, nei toho ta, ku goro usshiune okkai usshiune matne utara kata Ku Ramat Ku ohetu kusu ne; aine, nei utara uweingara ki kusu ne na.
Ruwe un, ne toho ta, ku=kor ussiw ne okkay ussiw ne matne utar kata Ku Ramat Ku=ohetu kusu ne; ayne, ne utar ueinkar ki kusu ne na.
και γε επι τους δουλους μου και επι τας δουλας μου εν ταις ημεραις εκειναις εκχεω απο του πνευματος μου και προφητευσουσιν
わたしの僕やはしためにも、そのときには、わたしの霊を注ぐ。すると、彼らは預言する。
Orowa, rikta an kando ta aeiyokunnure ambe kene, Rata an moshiri kata hene shirosh Ku nukare kusu ne; Kem newa abe newa shupuya pa ne ruwe ne:
Orowa, rik ta an kanto ta aeiyokunnure anpe kene, Rata an mosir kata hene siros Ku=nukare kusu ne; Kem newa ape newa supuya pa ne ruwe ne:
και δωσω τερατα εν τω ουρανω ανω και σημεια επι της γης κατω αιμα και πυρ και ατμιδα καπνου
上では、天に不思議な業を、下では、地に徴を示そう。血と火と立ちこめる煙が、それだ。
Aige, Utarapa koro toho, Nei poro newa ashitoma toho ek etokota, Tokap chup anak ne kunne ne kuni aitasare, Orowa, kunne chup anak ne kem ne kuni aitasare kusu ne:
Ayke, Utarpa kor toho, Ne poro newa asitoma toho ek etoko ta, Tokap cup anakne kunne ne kuni aytasare, Orowa, kunne cup anakne kem ne kuni aytasare kusu ne:
ο ηλιος μεταστραφησεται εις σκοτος και η σεληνη εις αιμα πριν ελθειν ημεραν κυριου την μεγαλην και επιφανη
主の偉大な輝かしい日が来る前に、太陽は暗くなり、月は血のように赤くなる。
Orowa, inan guru ne yakka Utarapa reihei konishuk gurʼanak ne kashi-a-obiuki kusu ne na.
Orowa, inan kur ne yakka Utarpa rehe konisuk kur anakne kasi-a-opiwki kusu ne na.
και εσται πας ος εαν αν επικαλεσηται το ονομα κυριου σωθησεται
主の名を呼び求める者は皆、救われる。』
Israeru un echi utara tap an itak nu wa ikore yan: Echi utara yaikota echi eraman korachi, ari Kamui anak ne echi tumugeta iki ari Kamui sonnere kiroro an ikip newa iyokunnurep newa shiroshi newa kara Nazaret un Yesu anak ne;
Israeru un eci utar tapan itak nu wa ikore yan: Eci utar yaykota eci=eraman koraci, ari Kamuy anakne eci=tumke ta iki ari Kamuy sonnere kiroro an iki p newa iyokunnurep newa sirosi newa kar Nazaret un Yesu anakne;
ανδρες ισραηλιται ακουσατε τους λογους τουτους ιησουν τον ναζωραιον ανδρα αποδεδειγμενον απο του θεου εις υμας δυναμεσιν και τερασιν και σημειοις οις εποιησεν δι αυτου ο θεος εν μεσω υμων καθως αυτοι οιδατε
イスラエルの人たち、これから話すことを聞いてください。ナザレの人イエスこそ、神から遣わされた方です。神は、イエスを通してあなたがたの間で行われた奇跡と、不思議な業と、しるしとによって、そのことをあなたがたに証明なさいました。あなたがた自身が既に知っているとおりです。
Shinuma, Kamui etoko wano an eraman irenga newa aesanniyo esanniyop an gusu aekoshi okere chiki, echi utara anak ne ikashpaotte otereke utara koro teke ani, utasa chikuni otta kungi kokikkik
Sinuma, Kamuy etoko wano an eraman irenka newa a=esanniyo esanniyop an kusu a=ekosi okere ciki, eci utar anakne ikaspaotte oterke utar kor teke ani, utasa cikuni or ta kunki kokikkik
τουτον τη ωρισμενη βουλη και προγνωσει του θεου εκδοτον δια χειρος ανομων προσπηξαντες ανειλατε
このイエスを神は、お定めになった計画により、あらかじめご存じのうえで、あなたがたに引き渡されたのですが、あなたがたは律法を知らない者たちの手を借りて、十字架につけて殺してしまったのです。
wa raigere nisa ruwe ne: Kamui anak ne rai gusu an nuwapbe pita chiki Shinuma hetopo-shiknure nisa: inambe gusu ne yakun, nei ambe ani Shinuma ashikkashima eaikapbe ne ruwe ne.
wa raykere nisa ruwe ne: Kamuy anakne ray kusu an nuwappe pita ciki Sinuma hetopo-siknure nisa: inanpe kusu ne yakun, ne anpe ani Sinuma a=sikkasma eaykap pe ne ruwe ne.
ον ο θεος ανεστησεν λυσας τας ωδινας του θανατου καθοτι ουκ ην δυνατον κρατεισθαι αυτον υπ αυτου
しかし、神はこのイエスを死の苦しみから解放して、復活させられました。イエスが死に支配されたままでおられるなどということは、ありえなかったからです。
Shinuma gusu Dabid ene itak-hi :— Ramma ku shik-samata Utarapa ku nukan nisa; Shinuma ku shimon-tek samata an gusu shomo a en moimoigere kusu ne:
Sinuma kusu Dabid ene itak hi :— Ramma ku=sik-sama ta Utarpa ku=nukar nisa; Sinuma ku=simon-teksama ta an kusu somo a en moymoykere kusu ne:
δαυιδ γαρ λεγει εις αυτον προορωμην τον κυριον ενωπιον μου δια παντος οτι εκ δεξιων μου εστιν ινα μη σαλευθω
ダビデは、イエスについてこう言っています。『わたしは、いつも目の前に主を見ていた。主がわたしの右におられるので、わたしは決して動揺しない。
Tambe gusu ku sambe yainuchattek, orowa, ku parumbe nupetne nisa; Orosama, ku kam anak ne chipachipa wa oshiroma kusu ne na.
Tanpe kusu ku=sanpe yaynucattek, orowa, ku=parunpe nupetne nisa; Orosama, ku=kam anakne cipacipa wa osiroma kusu ne na.
δια τουτο ηυφρανθη μου η καρδια η καρδια μου και ηγαλλιασατο η γλωσσα μου ετι δε και η σαρξ μου κατασκηνωσει επ ελπιδι
だから、わたしの心は楽しみ、舌は喜びたたえる。体も希望のうちに生きるであろう。
Inambe gusu ne yakun, Aokai anak ne Hedes oshiketa ku ramat ande shomoki, Shui, e koro Ashkanne Guru iteki munin kuni ne e kara kusu ne gusu ne na.
Inanpe kusu ne yakun, Aokay anakne Hedes oske ta ku=ramat ante somo ki, Suy, e=kor Askanne Kur iteki munin kuni ne e kar kusu ne kusu ne na.
οτι ουκ εγκαταλειψεις την ψυχην μου εις αδην ουδε δωσεις τον οσιον σου ιδειν διαφθοραν
あなたは、わたしの魂を陰府に捨てておかず、あなたの聖なる者を朽ち果てるままにしておかれない。
Ishu oma ru Aokai en eramande nisa; Orowa, Aokai an gusu yainuchattek-hi ani e en shikte kusu ne na.
I=su oma ru Aokay en=eramante nisa; Orowa, Aokay an kusu yaynucattek hi ani e en=sikte kusu ne na.
εγνωρισας μοι οδους ζωης πληρωσεις με ευφροσυνης μετα του προσωπου σου
あなたは、命に至る道をわたしに示し、御前にいるわたしを喜びで満たしてくださる。』
Iriwak utara, akoro keushut ne Dabid gusu rametokkon no ku ye yak pirika, shinuma rai wa iyurui orota aomare nisa, aige, tanto pakno shinuma gusu an ashni an na.
Irwak utar, a=kor kewsut ne Dabid kusu rametokkor no ku=ye yak pirka, sinuma ray wa iyuruy oro ta a=omare nisa, ayke, tanto pakno sinuma kusu an asni an na.
ανδρες αδελφοι εξον ειπειν μετα παρρησιας προς υμας περι του πατριαρχου δαυιδ οτι και ετελευτησεν και εταφη και το μνημα αυτου εστιν εν ημιν αχρι της ημερας ταυτης
兄弟たち、先祖ダビデについては、彼は死んで葬られ、その墓は今でもわたしたちのところにあると、はっきり言えます。
Shinuma anak ne uweingara guru ne wa gusu, orosama, koro araset kata rok kuni guru shinuma etumam noshke wa hetuku kusu ne ari an ambe ani Kamui shiyuppa no itak wa uitaknu nisa ruwe ne sekoro eraman gusu;
Sinuma anakne ueinkar kur ne wa kusu, orosama, kor araset kata rok kuni kur sinuma etumam noske wa hetuku kusu ne ari an anpe ani Kamuy siyuppa no itak wa uytaknu nisa ruwe ne sekor eraman kusu;
προφητης ουν υπαρχων και ειδως οτι ορκω ωμοσεν αυτω ο θεος εκ καρπου της οσφυος αυτου καθισαι επι τον θρονον αυτου
ダビデは預言者だったので、彼から生まれる子孫の一人をその王座に着かせると、神がはっきり誓ってくださったことを知っていました。
shinuma tap okaibe etoko wano eraman wa Kiristo hetopo-shiknu-hi epeka no ye; Shinuma Hedes oshiketa shomo aande nisa, koro kara shomo munin nisa ruwe ne na.
sinuma tap okaype etoko wano eraman wa Kiristo hetopo-siknu hi epeka no ye; Sinuma Hedes oske ta somo a=ante nisa, kor kar somo munin nisa ruwe ne na.
προιδων ελαλησεν περι της αναστασεως του χριστου οτι ουτε εγκατελειφθη εις αδην ουτε η σαρξ αυτου ειδεν διαφθοραν
そして、キリストの復活について前もって知り、『彼は陰府に捨てておかれず、その体は朽ち果てることがない』と語りました。
Kamui anak ne tan Yesu hetopo-shiknure nisa, nei ambe gusu paweteshu ki utara chi ne ruwe ne.
Kamuy anakne tan Yesu hetopo-siknure nisa, ne anpe kusu pawetesu ki utar ci ne ruwe ne.
τουτον τον ιησουν ανεστησεν ο θεος ου παντες ημεις εσμεν μαρτυρες
神はこのイエスを復活させられたのです。わたしたちは皆、そのことの証人です。
Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.
Sinuma anakne Kamuy simon-teksama ta a=rikta ante wa an kusu, orowa, Mici orowa aeytakamkire okere Askanne Ramat a=kore kusu, tap eci=nukar hemhem ki inu hemhem ki anpe ohetu nisa ruwe ne.
τη δεξια ουν του θεου υψωθεις την τε επαγγελιαν του πνευματος του αγιου λαβων παρα του πατρος εξεχεεν τουτο ο υμεις [και] βλεπετε και ακουετε
それで、イエスは神の右に上げられ、約束された聖霊を御父から受けて注いでくださいました。あなたがたは、今このことを見聞きしているのです。
Inambe gusu ne yakun, Dabid anak ne kando orun rikin shomoki: koroka yaikota yaiotta ene itak-hi :— Utarapa anak ne ku goro Utarapa otta ene itak-hi :— E epokba utara ani e chikiri andep ne ku kara pakno,
Inanpe kusu ne yakun, Dabid anakne kanto orun rikin somo ki: korka yaykota yayotta ene itak hi :— Utarpa anakne ku=kor Utarpa or ta ene itak hi :— E epokpa utar ani e cikiri antep ne ku=kar pakno,
ου γαρ δαυιδ ανεβη εις τους ουρανους λεγει δε αυτος ειπεν [ο] κυριος τω κυριω μου καθου εκ δεξιων μου
ダビデは天に昇りませんでしたが、彼自身こう言っています。『主は、わたしの主にお告げになった。「わたしの右の座に着け。
Ku shimon-tek samata a yan, ari itak.
Ku=simon-teksama ta a yan, ari itak.
εως αν θω τους εχθρους σου υποποδιον των ποδων σου
わたしがあなたの敵をあなたの足台とするときまで。」』
Israeru ikiri un utara obitta utura ashi shomoki no tambe uonnere yan, Kamui anak ne, tan echi utara utasa chikuni otta raige Yesu ani Utarapa newa Kiristo ne kan nisa ruwe ne na.
Israeru ikiri un utar opitta utura asi somo ki no tanpe uonnere yan, Kamuy anakne, tan eci utar utasa cikuni or ta rayke Yesu ani Utarpa newa Kiristo ne kan nisa ruwe ne na.
ασφαλως ουν γινωσκετω πας οικος ισραηλ οτι και κυριον αυτον και χριστον εποιησεν ο θεος τουτον τον ιησουν ον υμεις εσταυρωσατε
だから、イスラエルの全家は、はっきり知らなくてはなりません。あなたがたが十字架につけて殺したイエスを、神は主とし、またメシアとなさったのです。」
Aige, nei utara anakne tap an itak nu chiki, koro sarabe aotke-otke wa Petros newa moshima okai Apostoro utara otta, — Iriwak utara, nekon
Ayke, ne utar anakne tapan itak nu ciki, kor sarape a=otke-otke wa Petros newa mosma okay Apostoro utar or ta, — Irwak utar, nekon
ακουσαντες δε κατενυγησαν την καρδιαν ειπαν ειπον τε προς τον πετρον και τους λοιπους αποστολους τι ποιησωμεν ανδρες αδελφοι
人々はこれを聞いて大いに心を打たれ、ペトロとほかの使徒たちに、「兄弟たち、わたしたちはどうしたらよいのですか」と言った。
a chi ki yak pirika ya? — ari itak. Orota Petros ene itak-hi :— Yaikokatpak yan, orowa, koro katpak atusare gusu pishno pishno Yesu Kiristo kon reihei otta baptisma uina yan; yak anak ne Ashkanne Ramat ari an korarabe akore kusu ne na.
a ci ki yak pirka ya? — ari itak. Oro ta Petros ene itak hi :— Yaykokatpak yan, orowa, kor katpak atusare kusu pisno pisno Yesu Kiristo kor rehe or ta paptisma uyna yan; yakanak ne Askanne Ramat ari an korarape a=kore kusu ne na.
πετρος δε προς αυτους μετανοησατε [φησιν] και βαπτισθητω εκαστος υμων εν επι τω ονοματι ιησου χριστου εις αφεσιν των αμαρτιων υμων και λημψεσθε την δωρεαν του αγιου πνευματος
すると、ペトロは彼らに言った。「悔い改めなさい。めいめい、イエス・キリストの名によって洗礼を受け、罪を赦していただきなさい。そうすれば、賜物として聖霊を受けます。
Inambe gusu ne yakun, nei aeitakamkire ambe anak ne echi koro sanikiri gusu hemhem, otta konishuk chikoro Utarapa ne Kamui koro utara gusu, ehangeko no an ushiketa okai utara gusu hemhem an ambe ne ruwe ne, sekoro itak.
Inanpe kusu ne yakun, ne aeytakamkire anpe anakne eci=kor sanikiri kusu hemhem, or ta konisuk ci=kor Utarpa ne Kamuy kor utar kusu, e=hankeko no an uske ta okay utar kusu hemhem an anpe ne ruwe ne, sekor itak.
υμιν γαρ εστιν η επαγγελια και τοις τεκνοις υμων και πασιν τοις εις μακραν οσους αν προσκαλεσηται κυριος ο θεος ημων
この約束は、あなたがたにも、あなたがたの子供にも、遠くにいるすべての人にも、つまり、わたしたちの神である主が招いてくださる者ならだれにでも、与えられているものなのです。」
Orowa, inne moshima okai itak ani shinuma paweteshu ki wa onishnishi hine ene itak-hi :— Tan oheuge ainu ikiri orowa no yaikota yaiohaitare yan.
Orowa, inne mosma okay itak ani sinuma pawetesu ki wa onisnisi hine ene itak hi :— Tan ohewke aynu ikiri oro wano yaykota yayohaytare yan.
ετεροις τε λογοις πλειοσιν διεμαρτυρατο και παρεκαλει αυτους λεγων σωθητε απο της γενεας της σκολιας ταυτης
ペトロは、このほかにもいろいろ話をして、力強く証しをし、「邪悪なこの時代から救われなさい」と勧めていた。
Tata otta shinuma ye itak uina utara anak ne baptisma akore nisa: aige, nei toho ta shinuma utara otta san sen nin ne utara tura no akopishki nisa ruwe ne.
Tata or ta sinuma ye itak uyna utar anakne paptisma a=kore nisa: ayke, ne toho ta sinuma utar or ta san sen nin ne utar turano akopiski nisa ruwe ne.
οι μεν ουν αποδεξαμενοι τον λογον αυτου εβαπτισθησαν και προσετεθησαν εν τη ημερα εκεινη ψυχαι ωσει τρισχιλιαι
ペトロの言葉を受け入れた人々は洗礼を受け、その日に三千人ほどが仲間に加わった。
Awa, nei utara ramma-kane Apostoro epakashi koro hine tura no ukopoye, aine, nei pan meshpa hemhem ki nei inonno-itak hera hem ki shiriki okai nisa ruwe ne na.
Awa, ne utar ramma-kane Apostoro epakasi kor hine turano ukopoye, ayne, ne pan mespa hemhem ki ne inonno-itak her hem ki siriki okay nisa ruwe ne na.
ησαν δε προσκαρτερουντες τη διδαχη των αποστολων και τη κοινωνια τη κλασει του αρτου και ταις προσευχαις
彼らは、使徒の教え、相互の交わり、パンを裂くこと、祈ることに熱心であった。
Orowa, nei utara pishno pishno ishitoma, awa, Apostoro utara ani inne iyokunnurep newa shirosh aki nisa.
Orowa, ne utar pisno pisno isitoma, awa, Apostoro utar ani inne iyokunnurep newa siros aki nisa.
εγινετο δε παση ψυχη φοβος πολλα δε τε τερατα και σημεια δια των αποστολων εγινετο
すべての人に恐れが生じた。使徒たちによって多くの不思議な業としるしが行われていたのである。
Orowa, obitta no okai eishokoro utara anak ne ukotura no okai wa nep ne yakka utura ouse no koro;
Orowa, opittano okay eysokor utar anakne ukotura no okay wa nep ne yakka utura owse no kor;
παντες δε οι πιστευσαντες πιστευοντες ησαν επι το αυτο και ειχον απαντα κοινα
信者たちは皆一つになって、すべての物を共有にし、
aige, ikoro newa korobe newa eiyok wa nen ne yakka aeishiramne-hi an nei no obitta no okai utara gusu eimek nisa ruwe ne.
ayke, i=kor newa kor pe newa eiyok wa nen ne yakka aeysiramne hi an néno opittano okay utar kusu eymek nisa ruwe ne.
και τα κτηματα και τας υπαρξεις επιπρασκον και διεμεριζον αυτα πασιν καθοτι αν τις χρειαν ειχεν
財産や持ち物を売り、おのおのの必要に応じて、皆がそれを分け合った。
Orowa, to pishno shine ikinne ramma keutum atte wa Kamui kora kenru ta okai hene ki, koro uni ta pan meshpa hene ki, aine, oheuge sak no an keutura koro wa yainuchattek no aep ibe hene ki,
Orowa, to pisno sine ikinne ramma kewtum atte wa Kamuy kor kenru ta okay hene ki, kor uni ta pan mespa hene ki, ayne, ohewke sak no an kewtura kor wa yaynucattek no aep ipe hene ki,
καθ ημεραν τε προσκαρτερουντες ομοθυμαδον εν τω ιερω κλωντες τε κατ οικον αρτον μετελαμβανον τροφης εν αγαλλιασει και αφελοτητι καρδιας
そして、毎日ひたすら心を一つにして神殿に参り、家ごとに集まってパンを裂き、喜びと真心をもって一緒に食事をし、
Kamui ramye hene ki, obitta no okai utara gusu irenga koro bene ki wa okai nisa ruwe ne na. Aige, Utarapa anak ne kashiaobiuki shiri okai utara kesto range ko-are nisa ruwe ne.
Kamuy ramye hene ki, opittano okay utar kusu irenka kor pene ki wa okay nisa ruwe ne na. Ayke, Utarpa anakne kasiaopiwki siri okay utar kesto ranke ko-are nisa ruwe ne.
αινουντες τον θεον και εχοντες χαριν προς ολον τον λαον ο δε κυριος προσετιθει τους σωζομενους καθ ημεραν επι το αυτο
神を賛美していたので、民衆全体から好意を寄せられた。こうして、主は救われる人々を日々仲間に加え一つにされたのである。